|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: الطيب العامرى)
|
يا عمر
صباح الخير - الساعة 3:27 صباحا - بتوقيت المملكة .. اكيد انت نائم عشان كدا انا استلم النبطشية حتى الصباح
طبعا بعد الاستلام عملت مرور ... وجدت فى قوات غير صديقة عملت اختراق و لكن نحن لها بالمرصاد :
معاوية عبيد الصائم : متسلل من امتداد الدرجة التالتة - تم توزيع اراضيه 1963 .. طبعا بعد توزيع العمارات .. يعنى مستجدين فى الخرطوم !!
اشرف مصطفى : عتدو ستين بطاقة ممكن ود الباوقة يعمل زيهم .. المهم عندنا يا اشرق لو عندك اى من البطاقات التالية ممكن نقبلك :
نادى الاسرة ، نادى الخرطوم ، النادى العربى ، النادى القبطى ، التادى السورى ، نادى الاغاريق ، النادى الارمنى ، النادى الكاثوليكى ، نادى الشباب المسيحى ، نادى النيل ، نادى الاهلى .. بالعدم بطاقة نادى " بوهين " مقبولة !!
لدن جعفر : دى بتنا ما فى اى كلام
دينا خالد : نوافق على تعينها ناطق رسمى
صديق الموج : عندنا ليه امتحان صغير - من سؤالين لو نجح فيهما يمكن نديه انتساب .. السؤالين :
عايزين اسماء تلاتة اسر فى الشارع الذى يسكن فيه ابناء المرحوم عوض ركابى - عليه رحمة الله - ؟؟
فى هذا الشارع يسكن صديقى الحبيب فتحى مأمون المعلا - والدته بت بابكر جعفر - ما هو لقبه ؟؟؟
اولاد سكه حديد : بالرغم من انهم زى المسيرية - رُحل - مع منطقة ابيى .. تقبل عضويتهم .. كان عندهم معانا فى الرابطة فريق اسمه النجم الاحمر
اولاد ام درمان : ما بتلوم معاكم .. انا والدتى - لها الرحمة - من امدرمان الركابية .. يعنى فى امدر برضو لنا اقدمية معتبرة !
المهم .. اى عشكبة منكبة .. انا جاهز للصباح من هنا وعلى الدوام !!
| |
 
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: يوسف محمد يوسف)
|
Quote: صديق الموج : عندنا ليه امتحان صغير - من سؤالين لو نجح فيهما يمكن نديه انتساب .. السؤالين :
عايزين اسماء تلاتة اسر فى الشارع الذى يسكن فيه ابناء المرحوم عوض ركابى - عليه رحمة الله - ؟؟
فى هذا الشارع يسكن صديقى الحبيب فتحى مأمون المعلا - والدته بت بابكر جعفر - ما هو لقبه ؟؟؟ |
يوسف يا اخوى كتر خيرك على فكرة ضمى منتسبا دى،لكن انا فى القشورية دى لى 32 سنه
منهم 16 سنه متواصله (عهد الانقاذ كله الى المصالحه)لم ارى السودان مابكون السؤال صعب على عشان اتذكر كلام زى ده؟
| Quote: اولاد ام درمان : ما بتلوم معاكم .. انا والدتى - لها الرحمة - من امدرمان الركابية .. يعنى فى امدر برضو لنا اقدمية معتبرة ! |
تانيا انا من مدينه تمد لسانها لكل مدن السودان انا من امدرمان وهسه انت قلت من الركابيه
دحين انا وانت يمتحنوننا فى امدرمان دى وفى الركابيه بصفه خاصة عشان قلت اهل امك لها الرحمة
منها ونشوف الاقدمية المعتبرة بترجح وين؟
اما ماجاء فى حديثك عن اولاد الهامش المتسلبطين ديل ناس معاويه الصايم وطارق جبريل
وسكان القطاطى العاملين من الخرطوم ديل (لووووول)فانا معك..
بعدين لدن جعفر دى الساس والراس ما ممكن تقول بتنا قول نحن اولادها عشان يمكن تقبل..
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: صديق الموج)
|
Quote: النوع البكون مستلم العرس داك ويقوم فى البنات للرقيص ويشبك الجماعه جيب عشاء
هنا وودى بارد هناك ولما تسال عن علاقته باهل العرس ؟يقولو ليك ده ود خالة
بت عم زوجة الترزى الخيت بدلة العريس..نفس السلبطه ياجنابو....
لو سمحتو ياشمس وراء شوية بالله لو مارجعوا شوف لينا بتاع سوارى يا سعادتك،،، |
موبااااااااااااااالغه يا ود الموج .. هههههههههههههههههههههه ..
والله النوع ده كان يذبحنى ذبح على قول العرب ...
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: عاطف نورالهدى الطاهر)
|
عمر سلامات :
اولا: ساره كرودى من الامتداد وفي الامتداد ولللامتداد ....وممكن تعمل استفتاء حنطالب كلنا بعدم استبعادها من بوست الامتداد .
ثانيا : عندنا نخبه وتشكيله في بوست الامتداد ودا غير الاعضاء نباهي بهم الامم اذا طلبناهم لنزالكم حتتعبو شديد وحتنسحبو من البوست نهائيا.
ثالثا : استبعدتم المعموره ليه ؟ مش حي راقي برضو .
رابعا : عندكم اوزون وبيتزا ايطالي بس ؟
تعال شوف موروث الامتداد خليك من الاحياء التانيه؟
وبتقول بيت في نمره ثلاثه بثلاثه بيوت في حي ناس طارق ؟ انت ما كلموك انو الامتداد دا الناس تتمني تزوه خلي كمان تشترى فيهو؟
نزاصل لاحقا .
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: خالد العبيد)
|
Quote: سلام يا عمر
وتحية عبرك لاصدقائي في العمارات تحديدا
اعرف منهم مجموعة من المصادمين المناضلين
يتمتعوا بشجاعة واستبسال في مواجهة الديكتاتوريات
واحمل كثير من الذكريات معهم
لك احترامي |
العزيز خالد العبيد
ما تنسى قلعة النضال الخرطوم (3) .. لقد كان لنا صولات و جولات منذ اكتوبر 1964 و حتى الآن
فى الجعبة الكثير .. بس فى الاول خلينا نصفى البوست من ناس معاوية الصائم و طارق جبريل .. لاننى معايش عقدتهم من الصفوفة من ابناء الخرطوم !
مودتى
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: يوسف محمد يوسف)
|
Quote: تانيا انا من مدينه تمد لسانها لكل مدن السودان انا من امدرمان وهسه انت قلت من الركابيه
دحين انا وانت يمتحنوننا فى امدرمان دى وفى الركابيه بصفه خاصة عشان قلت اهل امك لها الرحمة
منها ونشوف الاقدمية المعتبرة بترجح وين؟ |
الحبيب .. ود الموج
انا جدى على الخولى - له الرحمة - .. فى الركابية تقيف فى محلات العدنى وتتجه شرقا تلقى قصادك شارع ضيق .. تدخل الركابية من بداية هذا الشارع و حتى تصل مكى ود عروسة .. تسأل اى شخص عن آل الخولى .. يعتى فى الركابية فى اوائل المرابيع .. اما اذا حضرت اى مباراة فى دار الرياضة ام درمان عصرا .. اسأل عن محمد حسن على الخولى .. الشهير بـ " ود الخولى " .. دى يبقى خالى اخو امى .. دى امدرمان !
اما الخرطوم فجدى يوسف حسين - من اكبر و اشهر التاجر - .. قصره الشهير فى الخرطوم غرب فى نفس الشارع الذى يسكن فيه ال بابكر جعفر وال كشه ..
الان ابنائه و احفاده يسكن منهم ( 15 منزل ) فى الخرطوم (3) ..
و بالمناسبة الاسبوع الماضى تم تكريمى بالعضوية الذهبية من قبل ابناء رابطة ام درمان الكبرى بجدة !
وايش رأيك يا ود الموج .. اخوك مش " خاطف لونين "
مودتى لك امدرمانية خالصة
يوسف " ابو صلعة "
| |
|
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: omer osman)
|
.. | Quote: الشهير بـ " ود الخولى " .. دى يبقى خالى اخو امى .. دى امدرمان ! |
يوسف ..........سلام
انت عارف الشارع ده من دكان تاج السر على الشيخ فى اول كررى وبعده استديو الوادى
وبعده برعى الترزى ولاحدى طاحونة الملح بيوت ناس جاد المولى والزقاق الوراه
الفيه عمك ابراهيم عبد الباسط وتمشى لى بيت ناس مبارك جاد المولى وعابدين جاد المولى
دى بيوت ليها عبق وتاريخ فى امدرمان..
انت عارف زمان نادى الاصلاح ده قبل ما يقطع الاشارة كان فى الزقاق القصاد بيت ناس ود الخولى
ده بعدين ياخى نحن لعبنا كوشتينه فى بيتكم ده فى السبعينات..تقولى بتعرف ود الخولى؟؟
لا انت اصلى مافى كلام..طيب ماتطرد لى اولاد الاشلاقات ديل خلونا نعرف نتونس،،،
| |
|
|
|
|
|
|
|
|
 Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: صديق الموج)
|
Quote: الشافع ده يذكرنى طفولتى تصدقى
بالله فولة وانقسمت النص ...
|
ود الموج .. معناها أنا بشبه أمك .....
Quote:
هسه دحين ناس طارق ومعاويه بكون فيهم واحد كان كده؟؟؟
قالو من الخرطوم قالو!!!!!!! |
يا ود الموج ناس طارق جبريل ديل زمااان قالوا كان فى خور بفصل بين الديم والامتداد
أسمه خور الكليه (جامعة السودان حاليا) وقالوا لمن الخريف يجي والمطر يملا الخور ...
ناس طارق جبريل وشلته كانو بتعلموا فيهو السباحة .. اها خلى يجي ينكر ..
| |
|
|
|
|
|
|
|
|
 Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: عفاف الصادق بابكر)
|
بوست عنصري وجهوي ويدل علي فكر أبارتيدي منظم..نشجب وندين
صديق الموج انت وكت ما عندك بيت في التلاتة حتات دي وقاعد توصف للناس بيوتهم قطع شك انت كنت بتاع لبن أو بتلم قزاز الشري الراجع؟
طارق جبريل أصلو ما تفك البوست ده...بس زح في موضوع شفتنتكم كأولاد امتداد زح من ناذر الخليفة ده..ده بعوقك
وبعدين يا جنابو نمرة 2 شنو هسة كمان...ديل كلهم اجروا بيوتهم ومشوا تكلوا في لندن..نمرة 2 هسة بقت للطبقة المارقة من صلب بزنس الانقاذ...وبعدين شايف عملوا زلطات داخلية كتيرة ..سألنا قالوا زهجوا السكان وعملوا شير وسفلتوا...دفعوك كم يا جنابو؟
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: ابراهيم الرشيد عبدالرحمن وراق)
|
أااال إيه أااال بابا أااااال..
حد يصحي شمايل النووور ياااخ..
عندنا صاحبنا من اولاد الخرطوم عينة ناس دينا خالد ديل لعاااب في الكورة قاموا جماعة من حلال شندي ديك قالوا ليهو تجي تلعب معانا هناك عشان عندنا مباراة نهائية ..
أها فريقو جاهو فاول جمب خط 18 الحيطة إترصت وهو عايز يشوت قام جاهو واحد من زملانو قال ليهو دقيقة دقيقة ..إنت أعمل فيها زي التكينك عايز تشوتا وبعدين لزها لي جاي الننبولا...
صاحبي طوااالي رفع يدو للكوتش وطلب التغيير ..
تقول لي باباااااااااا!!!!!!!!!
تخريمة :
ناذر يا شفت ..عجبتني طريقة تفكيرك ..
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: عفاف الصادق بابكر)
|
Uztaz Omer,
The original Amaraat populace are those who occupied their own properties from the 60s when the land was sold in auctions by the government.
I, as an Amaraat resident would not consider those who moved after the 80s, ie 89.
Those of us who enjoyed the peace and tranquillity of the area, walking to schools, spending time in St. 15 hairdressers, going to parties and fashion shows, swimming in the Arabic Club, spending new years at the Italian, Greek or Syrian clubs. Where all the residents are known to each other, bless and protect the youth of the area.
I will contribute again to your post, with a whole memoire about Alamaraat.
Stay well.
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: Mariam Osman)
|
| Quote: swimming in the Arabic Club, spending new years at the Italian, Greek or Syrian clubs. |
هلا بناس الخرطوم الزماااااااااان
النادي العربي او المصري سابقاً اصبح اسمه النادي الوطني وهو نادي جهاز الامن الوطني على نهج نادي الجيش ونادي الشرطة ....
النادي الايطالي والنادي الكاثوليكي اصبحوا المركز العام لحزب المؤتمر الوطني ....
النادي الارمني راح في الرجلين بين مقر الاتحاد العام للكرة ونادي النفط (تبع وزارة الطاقة) ......
السوري لايزال موجود ........
كثيرون لايعلمون ان منطقة نادي الضباط (قوات الشعب المسلحة) كان منطقة خالية توجد بها فقط محطة وقود
كنا بننفخ لساتك العجلات والكور فيها .............
نادي الخليج الكان فيها سينما كل يوم ثلاثاء او الخميس مابتذكر بقي اسمو النادي الدبلوماسي ....
احسن بتاع شية في السودان كان في نادي الخليج اسمو ابودقن بعد طوالي بتاع الشية في نادي
سودانير وده كان جنب مستشفي ابن خلدون الحالي اول صينية نجيلة وانت جاي من الخرطوم
نادي الصيادلة كان في الكيرف الواقع جنب بيوت ناس مالك وناس النفيدي ........
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: عمر الفاروق)
|
ناذر خليفة
ذى ما قال ليك (الفاروق ) عجبتنى طريقة تفكيرك ,,
(الاستاذة) دى ساكنة فى الديم فى الديييم ان عجبها
بس لسانها طويل وممكن تقنعكم بى عكس كدا ,,
هسه يا عمر الفاروق الناس القالو ساكنين
ديل كللللهم ما عجبتك الا دينا خالد ؟
فى ذمتك ما مشيت سافنا مننا برجولك ؟ لوووووب
اطالب بفصل بوست اخر يا عمر عثمان
لبورداب الخرطوم واحد واتنيين فقط ..
حتى لا يختلط الحابل بالنابل
والصير بالقعوى ..
ــــــــــــــــــ
الصامت الرسمى حتى يحدث الانفصال ..
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: معاوية عبيد الصائم)
|
Quote: اها يا شباب نمرة 2 و3 دى بيت منو فى الاهل
|
معاوية عبيد ياطابور ازييييك
ده مجمع بيوت بشير النفيدي له الرحمة واولاده في سوبا ........
طبعا هم كانوا ساكنين في نمرة 2 لكن النصيحة لي الله نمرة 2
بقت كلها مطاعم وشركات ومحلات تجارية وزحمة مبالغ فيها
ليهم حق يرحلوا ............
تعرف يامعاوية زماااااان من شدة نمرة 2 دي مافاضية كان في بص
ابورجيلة شغال بين مطار الخرطوم والصينية الفيها حديقة اوزون اسه
اها البص عندوا تعليمات يتحرك بين المحطتين ديل على مدار الساعة
يمين غير اخوك ومعاهو كم نفر كده زول بركب البص ده مافي .........
شارع بيتنا (شارع 67) هو خط مسار البص اها ايام الاجازة ولمن
يكون مافي موضوع بتاع البص لمن يجي قدام بيتنا بلقانا قاعدين
يهدن كده ننط فيهو نصل معاهو المطار ونجي راجعين ننط قدام البيت ...
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: omer osman)
|
تحياتى
على ناصية (كوريا) كان دكان العم حسن حسين منصة من صناديق الكيتى كولا تتامل اعينى الصغيرة من عليها الفلاة الممتده والى مدرج مطار الخرطوم المكان الوحيد الذى يشع نورا باهرا قبل ان يختم (العم,,,) حمولة حماره مما فاض به الارض من حشائش برية ...هذا المكان احتشد فيه عمال وبغال يزرعون غابة من الأسمنت اطلقوا عليها العمارات وكانت (اكستنشن ون) باللغة الدارجه!!!!
اثنان لاثالث لهما ينامان بامان يتوسدان ساقط الحشائش ويلتحفان السماء المرصعة بالنجوم الأعمام (قطر ) وطلقه !!! لايزعجهما سوى موسيقى البوليس او السجون حيث يعربد (شيتا) منفردا بعد انتهاء يوم عتالته للبسى كولا من سيارة نجرى خلفها لنحظى ببعض القنانى بعد انتهاء (سوكر) البلى فريد !!!!
تلك الفلاة المنبسطة تمطى من خلفها قطار المساء فى مشواره الى محطة سوبا حيث المهام الغير مرئية ولكن الخور الذى انبثق يجرى (خريفا) حمل الينا تمساحا اصابه جندى نذق تم تحنيطه فورا نيشانا على جبين نقطة السجانه حيث الاشلاق الحنين وصوت الخالدى الأحن من القمارى التى سكنت غابة السنط وكل المساجد حتى ذلك المبنى القديم وسط غابة النيم واطلق عليه مسجد انصار السنه!!!
تلال من الذكريات جلست عليها (منينه) وقدرية !!واببا وتلك سعاد بتاعة الطعمية وعلى السيد بتاع العتود المشوى فقط بعشرة قروش!!!
ونبقى نحن صناع ثورة (حلفا) واكتوبر والأنتفاضة تبدأ من هنا دائما!!!!!!
kofi
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: معاوية عبيد الصائم)
|
Quote:
بناء على تلك المعلومات السليمة
على المدعو طارق جبريل ساكن كوشة الجبل مغادرة البوست نهائى
|
انا من راي ناس طارق جبريل ديل يقعدو يتفرجو ساكت فى البوست دا العجب القال من الكلاكله داك ... ( قادرالله ) ..
أنا مريت على البوست دا كذا مره وقلتا ما استعجل امكن ود جبريل دا كان بجى يشتري سندوتشات من عم نجيب بتاع المش ومشيت ابعد من كده واتخيلته بتاع الكلاكله دا كان بيجى يتعالج عند لويس عبدو او أسو الفروض امكن كان بجى يرابط عند مدرسة الام ودا كلو عرفنا الحاجه الوحيده الما راكبه راسى قعاد ود الموج فى البوست دا loooool ....
السلام لتلك الاماكن، خصوصا
البصيلية والنقادة و حديقة القرشي و نادي الاسرة ودكان سعديه وفندق الزهرة والوطنية جنوب
ولويس عبدو ومدرسة الزهور وسوق تلاتة ودكاكينها + عمك كبروس واولاده و مقابر فاروق و زاوية البرهانية
و شارع كترينا وحلة القيامه + دكان ( مخاريس ) وفلفله ..
وننتظر أن يطل الاخ قلقو ... وسلام كثير لوضاحه
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: مريم عزالدين صديق)
|
| Quote: ناس الرياض معاكم .......... |
مريم عزالدين .........سلام
نحن اى زول ساكن بعد الفيش والكلاب البوليسيه ماتبع الخرطوم....
شوفى ناس رفاعه يا بت القبائل
لووووووووووووووووووووول....
رائك شنو يا جنابو؟؟؟عشان نتوسط ليك لى سارة كرودى دى ننقلها ليك من فريق
ريد للخرطوم..
قال سارة كرودى من بنات الخرطوم وداك قال من الامتداد قال..
قومو لفو !!!!!
غلطانين نحن البنعرس بناتنا ساكت ونهملن فى الخرطوم...
وش امدرمانى قح،،،
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: هواري نمر)
|
Quote: Uztaz Omer,
The original Amaraat populace are those who occupied their own properties from the 60s when the land was sold in auctions by the government. I, as an Amaraat resident would not consider those who moved after the 80s, ie 89.
Those of us who enjoyed the peace and tranquillity of the area, walking to schools, spending time in St. 15 hairdressers, going to parties and fashion shows, swimming in the Arabic Club, spending new years at the Italian, Greek or Syrian clubs. Where all the residents are known to each other, bless and protect the youth of the area.
I will contribute again to your post, with a whole memoire about Alamaraat.
Stay well.
|
اي زول ما مالك بيتو من الستينات....يرفع ايدو من البوست دا...
اي زول رحل في التمانينات...يرجع سجانتو (بلاش كلام فارغ)
عايزين تهمشونا حنك.
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: هواري نمر)
|
Quote: يا جنابو
ياخ ما (تهمشني ساي) هسي اقوم أعمل لي حركة مسلحة...هههههه
عشان أنا ما من الخرطوم يعني ولا شنو؟؟
لوووووووووووووو |
هههههههههههههههههههههههههههه .....
غايتو اذا مسمنك على (هواري بومدين) الرئيس الجزائري الاسبق
بنلقي ليك فرقة لانو السفارة الجزائرية في الخرطوم كانت في نمرة 2
تحدياً في رأس شارعنا قبل ما يرحلوا الرياض .................
اهاااااا الكرة في ملعبك ........................
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: omer osman)
|
| Quote: غايتو اذا مسمنك على (هواري بومدين) الرئيس الجزائري الاسبق |
يعني إلاّنستعين بي قوات صديقة
__
لكن بالجد يا عمر , صديقي القال لي الكلام الفوق ده
والدته عايشة معاه هنا و هي فوق 80 ربنا يديها الصحة والعافية و بتتكلم عن الخرطوم القديمة
ما قبل السكة الحدية وإنت طالع حتي النيل
وهي مولودة وحبوبتها مولودة في الخرطوم , وحسب كلامها جنب مكان الهلال الاحمر الحالي و تقريبا والدها أو جدها
كان من ظباط الحرس الجمهوري..
المهم هي بتتكلم عن بيوت و اسر قديمة جداً و عن الدكاكين الموجودة والاسماء و الله كأنو خيال
عن (خرطوم الآفندية) الزمـــــــــــان
ح أحاول أنقل ليها الكلام الهنا , بحاول اخليها تحكي ليّ وأنا أجي انقل ذكرياتها و توثيقها
واستاذ\سيف كامل
سالته وطلع بعرفهم حق المعرفة.
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: هواري نمر)
|
Quote: كدي نحاول مع مريم دي كان تدينا قرين كارد...
يا مريم بتتذكري مكتبة
Sunday
العمارات...بسوق 41 |
اها يا مريم شفتى صاحب المكتبه ده قريب نزار ده شديد خلاس..
يعنى ود خال ابو ايمان ودخالة ام سيد المكتبه ده ببقى لى حبوبة
جد اخلاق ابو صليب نزار ده عمو ودخالة ابو الجاب حبوبتو تصدقى..
قوم لف شوف حجر الطير بتاعتك ديك قال الرياض قال..
عمر يا اخوى قفل دفاترك دى وناولها لى لدن جعفر وخليها
تكتب عليهم خالص مع الشكر وجيب ليك كراس جرورة وسجل لى ناس نهر
النيل ديل معاوية الصايم ونزار حسين ومن شايعهم من اولاد القطاطى
بلا خرطوم بلا لمة معاكم،،،،
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: صديق الموج)
|
Quote: اها يا مريم شفتى صاحب المكتبه ده قريب نزار ده شديد خلاس..
يعنى ود خال ابو ايمان ودخالة ام سيد المكتبه ده ببقى لى حبوبة
جد اخلاق ابو صليب نزار ده عمو ودخالة ابو الجاب حبوبتو تصدقى..
قوم لف شوف حجر الطير بتاعتك ديك قال الرياض قال..
عمر يا اخوى قفل دفاترك دى وناولها لى لدن جعفر وخليها
تكتب عليهم خالص مع الشكر وجيب ليك كراس جرورة وسجل لى ناس نهر
النيل ديل معاوية الصايم ونزار حسين ومن شايعهم من اولاد القطاطى
بلا خرطوم بلا لمة معاكم،،،، |
ههههههههههههههههههههههههههههههههههههههههه دي بي مليون كرت.
هي اريتا كان حجر الطير...والله اكتبا لي مريم
تقراها عل يمسكا فاق. (هي يمسكا فاق زاتا اتلقي ما بتعرفه)
هسي يتفاهموا معاكم بي عربي وين بعد دا؟
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: SILVER MOON)
|
سلامات يا شباب,,Quote: عندنا بلدياتي كان كمساري في بص البعيو داك
لمن تجي محطة النجيلة كان بيكورك : السِعدي السِعدي السِعدي
عشان تعرفوا انكم ِعدي ساااااااااااكت |
يا طارق جبريل براحة على أولاد ماما ديل,,,
أو شوف ليك مترجم لى ناس Silver Moon و Ice Farm و Khartoum Tutorial Collage ديل عشان الناس ديل ما بفكو الرندوك بتاعكم دا!!!
بعدين أنا يومداك ما كلمتك!!
للمدينة عدة أوجه يا رجل 
أها ياشباب,, برى وما جاورها معاكم ولا نلخبتا ليكم الشغلة دى!!!
*يا عمر عثمان بالمناسبة دى ما عندك غنية (الرمبزا) الشهيرة حتى يكتمل البوست!!!شايف عندك غنا قديم
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: أيمن الطيب)
|
Quote: عان ناس السعدى ديل ويقول ليك من الخرطوم
وحات الله شبا حقتك دى الا تقع فيها طيارة زى لوكربى حتى تنعرف..
قوم اعمل اى حاجه فى اى حته،،،
|
يا عربي الضهاري انت شبا دي الاصل
لكن عيب لي الامتداد منبع الحضارة
Quote: أو شوف ليك مترجم لى ناس Silver Moon و Ice Farm و Khartoum Tutorial Collage ديل عشان الناس ديل ما بفكو الرندوك بتاعكم دا!!!
|
ود الطيب كيفنك ابوي
يا اخوي حتى اسامي المحلات عندهم زي اسامي الادوية
ودي كانت كرهتي في الكلية اسامي الادوية دي
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: أيمن الطيب)
|
| Quote: *يا عمر عثمان بالمناسبة دى ما عندك غنية (الرمبزا) الشهيرة حتى يكتمل البوست!!!شايف عندك غنا قديم |
هو فضل فيها غناء يا ايمن حليل زمن الاعراس تلاتة فنانين ....
واحد شعبي وواحد حديث وبعدين فرقة جاز او ديسكو للصباح ....
وحليل زمن حفلات رأس السنة للصباح تلقي اعلانات الجرائد
تتطاقش .............. رأس السنة اسه البوليس المرتكز في نفطة
العمارات اكتر من الناس الفي الحفلات ............ زمن تلقي عمك
عسكري واحد شايل ليهو سوط ينظم ليك شارع النوادي كلها ....
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: SILVER MOON)
|
SILVER MOON وين ياجارنا العزيز
اها ياصديق الموج اسياد البلد وصلوا ديل ناس قلب نمرة 2
وحليل نمرة 2 ياصديق وحليل سلفر موون من محل ايسكريم
بقي محل قراصة وشيشة (فتأمل) .............
وحليل روضة دار الحنان ..... اتقفلت وينعق فيها البوم اسه خسارة والله ........
السنة فيها بي (5 جنيه) فيها ترحيل + فطور + كباية لبن ........
طبعا بار ريمون مابنقدر نقول حليلو يلم فينا قدوقدو ولا حاجة ..............
لكن حليل بقالة الجمهورية كانت فيها (المزة) اكياس صغيرة صغيرة
فيها المخلل والمش والطعمية ...............
وعندهم شواية الفراخ (يعني الجداد ياطارق جبريل) ........
الزمن داك اكياس بلاستيك وتلوث مافي يدوك الفرخة في
كيس ورق (زي ورق الجلاد بتاع الكراسات زماان) تلقي بعد
شوية الزيت نز من كيس الورق كده ........ اييييييييييييه ايام
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: omer osman)
|
Quote: اها ياصديق الموج اسياد البلد وصلوا ديل ناس قلب نمرة 2
وحليل نمرة 2 ياصديق وحليل سلفر موون من محل ايسكريم
بقي محل قراصة وشيشة (فتأمل) ............. |
جنابو تستاهلو القال ليكم دخلو ناس طارق جبريل عليكم شنو؟؟
والله الشاقيه ديل البتزا دى يقلبوها ليكم قراصه ويملحوها..
و تسكتوا ليهم كده، كان ما بكرة تسمع بى سبروق قوودى لومنى ،بدل الكاتشاب!!!
اسمع دس المداخله دى سارة لا تشوفا الشى باقى هى فيها
عرق ناس طارق المر ده،،،
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: طارق جبريل)
|
Quote: يا عربي الضهاري انت
انت قايل عمر دة من وين
عمر دة من جلاس يا حبيب
ما تشوف اللمعة دي |
بالله قريب كمال سابل والواثق عبد الرحمن
علا بكون جاء بدرى لووول..
ياخى اولاد العمارات لى هسه بخجلو لما يقرو نادى الباسا..
وطبعا الشاقيه بياكلو الالف ويبدو من اللام ويتمو الباقى
يطلعو الاسم بكينى...لوووول
معقول ياخى ياااااااااى،،،
اوصى بنقل تلك الاندية الى خلف عد حسين لان اسماءها قاعد تعمل
لى اولاد العمارات لوز بصراحه كده ،كرمكاكول، والكرفاب ،وهلمجرا،،،
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: صديق الموج)
|
Quote: ياخى اولاد العمارات لى هسه بخجلو لما يقرو نادى الباسا..
وطبعا الشاقيه بياكلو الالف ويبدو من اللام ويتمو الباقى
يطلعو الاسم بكينى...لوووول |
هههههههههههههههههههههههههههههههههههههه ..................
عليك الله ياودالموج انت وطارق جبريل المسنوح ده ماتمرقوا من البوست ده ...
Quote: بالله قريب كمال سابل والواثق عبد الرحمن
علا بكون جاء بدرى لووول.. |
اكيد اهلنا وسامع بالاسماء دي بس ماشفتهم ..........
جدي الخليفة عبدالحليم صديق الله يرحمه زول مفتح من عمرو 19 سنة مرق من جلاس
استقر في الديم زمن الديم مكان حديقة القرشي الحالية دي ..........
ونادي جلاس ده اسسو ابوي (عثمان عبدالحليم) ومعه بعض شباب جلاس وقتها ...
ناس جلاس الفي الديم والسجانة اكتر من الفي جلاس ذاااااااته ..........
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: Mariam Osman)
|
Quote: Gentlemen, my Arabic is impeccable – If I don’t know certain words because they were never used in my milieu. I don’t have to use this vocabulary/lingo to confirm my identity as Sudanese. It just happens that I prefer to speak differently.
Sorry, I wish I had an Arabic keyboard but I don’t.
|
البركة في لغتك الانجليزية الزي الرصاص دي يا مريم
العربي بتدوري بيه شنو؟
هسي امبيكابل دي الخواجات زاتهم ما بعرفوها
والعجب ميليو !!!
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: nazar hussien)
|
Quote: Gentlemen, my Arabic is impeccable – If I don’t know certain words because they were never used in my milieu. I don’t have to use this vocabulary/lingo to confirm my identity as Sudanese. It just happens that I prefer to speak differently.
Sorry, I wish I had an Arabic keyboard but I don’t.
Cheers |
معاوية عبيد الصائم .. و جاره .. طارق جبريل
شفتو جنس الطقطقة دى .. كلام يا .. " [unity high school .. sister school "
عاملين لسانكم الاغلف .. واحد شايقى و التانى دنقلاوى .. ولآ شنو ما عارف !!
انتو عشان لسنكم الاغلف دا .. لمن ادوكم ارض للسكن ختوكم قصاد عشش فلاتة !
الواحد يطلع من بيتم و يقول لاهله انا ماشى .. الكرتوم ..
لو سمحتوا فرتقو خلونا نشوف الجكس الراقى بتاعنا ..
ملمومين فى الجكسوية زى ضبان الخريف !!
| |
|
|
|
|
|
|
|
|
|
Re: بورداب الخرطوم (1) و (2) و (3) والعمارات تلك الاحياء الراقية اجمعوا هنا (Re: دينا خالد)
|
لا حولا
البوست دا فاتني كيف
يا جنابو ما تلكزنا ياخي
تحية لكل شباب وشابات الخرطوم سنتر و 1 و 2 و 3 والعمارات، طارق جبريل عارفو ما ح يفوت من البوست
دا كلو كلو هههه
هوي يا ناس الضهاري، ما تخلونا نصعب عليكم المسالة كمان وكمان، المعيار ممكن ننفخو لمن
تفهموا حاجة عشان تنتسب للجماعة ديل، يعني مثلا: القصة مرات ما لانك ساكن في الحتات دي
معناتا خلاص، نو، جدك وعمك وعماتك وحبوباتك وخيلانك وخلالاتك برضو ساكنين ويين
خد عندك واحد زيي مثلا:
4 بيوت في سنتر الخرطوم
1 بيت في نمرة واحد
7 بيوت في نمرة 2
زي تاشر بيت في نمرة 3
7 بيوت في العمارات
وانا بتلكم عن first degree relative
بنجيكم بي مهله
| |
|
|
|
|
|
|
|
| |
الطيب العامرى
يوسف محمد يوسف
صديق الموج
عفاف الصادق بابكر
ياسر بيناوي
ناذر محمد الخليفة
خالد العبيد
هواري نمر
omer osman
عمر الفاروق
طارق جبريل
عمار عبدالله عبدالرحمن
دينا خالد
Abdelmuhsin Said
معاوية عبيد الصائم
مريم عزالدين صديق
SILVER MOON
أيمن الطيب
أحمد ابن عوف
فيس بوك
تويتر
انستقرام
يوتيوب
بنتيريست