كتب الكاتب الفاتح جبرا المتوفرة بمعرض الدوحة
|
Re: لماذا اختفي من الساحة الفنية هذا الفنان الرائع ؟ (توجد أغنية) (Re: سارة كرودى)
|
عمر عثمان لك الود
بوستك جميل بما يحويه من معاني وأغاني ،،،
محمد أسماعيل فنان حقيقي لكن ضاع في الزمن الاغبر دة ،، هو موجود الآن بالصحافة بمنزله المعروف ولكنه مقل أو يمكن ان نقول ان من يطلبه هم عارفي قدره ومكانته ،، ( قبل سنة طلبت منو يغني لي في زواج ابن اختي ولبي الطلب مشكورا ،، مع فرقة جميلة وابدع ايما ابداع )
ولكن علي حسب علمي ان وفاة صديقه عبد المنعم الخالدي تركت فيه أثرا سيئا ،،،
من أغانيه الخاصة أغنية من كلمات محجوب شريف مطلعها :
مرة شفتك في المنام وانتي بين سربين حمام
ماشة سكة وادي أخضر ، شايلة سلة ورد أحمر وحزمتين أحلي الكلام
| |
|
|
|
|
|
|
Re: لماذا اختفي من الساحة الفنية هذا الفنان الرائع ؟ (توجد أغنية) (Re: سارة كرودى)
|
زمان اول ماتدخل بتركب وش الحفلة طوالى نوع سرحان مع الاغنية والعجب لو بقى الشعر مكوى اها دخلنا لقينا الكتاحه قايمه والناس دى ترقص من بدايت الصيوان لى نهايته كان بغنى ليك فى من نظرة و بسمة اتغير حالى ليه والدنيا برد طوالى على الحلبه الممتده من بدايت الصيوان حت شديد يجيك طاير علوب يحتو جمبنا وبعدين كان مركز شديد مع الايقاع لاحظته ليك لكن مافهمته داير يسوى شنو اها لمه الاغنية بتختم نظام ظرافة انت بتقعد قبل النهاية بشوية فى كرسيك جات بت جيرانا تقعد انت ياعثمان السجم اقعد مع الختمه طق وجرا الكرسى ودقت الدلجه وهو كأنو ماسوا شى .وبعد شويه بقه يضحك لمن يقع وراء . ايام اكتر من رايعه ..
غـايـتـو البـعـرفـه انـو غنـاى لـمـه بـرقـص الكـراسى ...
| |
|
|
|
|
|
|
Re: لماذا اختفي من الساحة الفنية هذا الفنان الرائع ؟ (توجد أغنية) (Re: omer osman)
|
Quote: من بدايت الصيوان حت شديد يجيك طاير علوب يحتو جمبنا وبعدين كان مركز شديد مع الايقاع لاحظته ليك لكن مافهمته داير يسوى شنو اها لمه الاغنية بتختم نظام ظرافة انت بتقعد قبل النهاية بشوية فى كرسيك جات بت جيرانا تقعد انت ياعثمان السجم اقعد مع الختمه طق وجرا الكرسى ودقت الدلجه وهو كأنو ماسوا شى .وبعد شويه بقه يضحك لمن يقع وراء . ايام اكتر من رايعه ..
غـايـتـو البـعـرفـه انـو غنـاى لـمـه بـرقـص الكـراسى ... |
هههههههههههه ياسارة عليك الله كفاية علينا جهجهت عمر جنابو سمعتي اخر كلام ربيع محمد علي قال انا علمت ناس عمر عثمان المسيح بالكريمات المرطبة هههههههههه
Quote: مشكلة كبيييييييييرة تكون من نمرة 2 ...............
ويتلموا فيك اولاد وبنات الديم والصحافة والامتداد والكلاكات
استولوا على البوست حقي عدييييييييل كده ........
انتو قايلين نمرة 2 دي مافيها فنانين والا شنو |
هههههههههههه اخطر من صاحبك
| |
|
|
|
|
|
|
Re: لماذا اختفي من الساحة الفنية هذا الفنان الرائع ؟ (توجد أغنية) (Re: وليد عبد اللطيف)
|
Quote: يا سارة حناكيش نمرة اتنين ديل من شدة خوفهم مننا كانوا بيفطرونا في المدرسة |
طـارق حسـب معـرفـتى بالمـدعـو جنابـو ليس مـن سكـان الحـى الـراقى القـدام
انمـا تـم تهجيـرهـم مـن حـى الديـم يعنى زينـا وكـده هههههه
Quote: كمان خليني اقول الحق ياسارة وحسب روايات عمر جنابو لينا زمان قال زمان اولاد الديم والامتداد كان بيسرقوا قزاز لبن كافور من حيطهم هه هه هه
|
يعنى ياوليد هو اول زول كان بتنـاول القـزاز من حيـط الجيـران هههه
| |
|
|
|
|
|
|
Re: لماذا اختفي من الساحة الفنية هذا الفنان الرائع ؟ (توجد أغنية) (Re: وليد عبد اللطيف)
|
تعرف يا و ليد
آخر مرة شفت علوب دا كان في 2002 م و كان بيجي معاهوالحفلات واحد أطرش ما بيسمع نهائي علوب يدخلو ليك الدارة و يمسكو الزمن صدق تاني زمنو ما يفرق لحدي ما الأغنية تنتهي
طبعا علوب غير الرقيص كان عندو هواية إنو يهدي الأغاني للناس في برنامج ما يطلبه المستمعون
ياخ دا ما خلي زول ما أهدي ليهو أغنية
و من القصص البيحكوها عنو قالوا لما ما لقي زول يهدي ليهو قام هدي الأغنية لنفسه
قال علوب بالصحافة مربع 29 يهدي الأغنية لعلي دهب بحلفا الجديدة و المبالغة قالوا سافر حلفا الجديدة عشان يسمع الإهداء
شفت الزول دا حلو كيفن
| |
|
|
|
|
|
|
Re: لماذا اختفي من الساحة الفنية هذا الفنان الرائع ؟ (توجد أغنية) (Re: وليد عبد اللطيف)
|
Quote: طبعا يا صديق البكون حضر الحفلة في العزوزاب دا ما السأل محمد اسماعيل دا بكون السأل اسياد الحفلة .. لكن السأل محمد اسماعيل بكون لغاية اسي مضهّب في اللاماب وممكن يكون لقى ليهو حفلة هناك بي عبد الوهاب الصادق وكتلها .. وهو ياهو علووووب ذاااتو ، غايتو ما عارف دي تتحلّ كيف ؟ |
هههههههههها والله يا أمير الجمري دي بالغت فوقها عديييل كده !!!!
تعرف يا أمير في الاحتفال بأخونا عامر تيتاوي لمن قرر السفر والإغتراب عملنا ليهو رحلة نيلية وأحياها لينا محمد إسماعيل - الكلام ده كان في نوفمبر (بس ما في داعي لذكر السنة عشان خاطر عامر وكمان عشان خاطر أخونا صلاح عبد الله من قبيل شابكنا محمد إسماعيل ده ما كبير لكن بدأ الغناء وهو صغير) قصدت بذكر التاريخ إنو الجو كان جميل يعني الشتاء لسه ما بدأ وجو الرحلة ذاتو كان جميل. في لحظة محمد كان بيغني وهو متكئ على درابزين الباخرة "وريلاكس خالص" - مشيت بشرت عليه وقلت ليه شنو يا محمد ما تغني لينا بنفس شوية ياخ!!! تخيل وهو بغني قال لي براحة كده ياخي إنتو مصحيني من صباح الرحمن يوم الجمعة إحمدو الله إني ما جيتكم بسفنجة !!!!! محمد زول حبوب ومجامل وبحب الغنا عشان كده ببدع فيهو. تصدق يا أمير شريط الرحلة دي "فيديو" موجود عندي نسخة منو وكلما أشوفو بضحك علينا لأنو نحن كنا عاملين فيها الأولاد وجيهين والله لمن تعاين للشريط هسه تقول بالله عاين للوهم ديل!!!!!
| |
|
|
|
|
|
|
|