نهب وشروع في القتل في العمارات في وضح النهار ؟!

Quote: ودي ابدا ما فى اثنين بختلفو فيها وشكرا للسرد الرائع . وكمال خليل و جمال سعيد يبلغوك التحيه ..

Quote: سعادتك والله والله سرد ممتع جدا بارك الله فيك وفى زاكرتك ( اها ما رجعت تانى لسعادة اللواء محمد الحسن عبده )

شكرا ليك ياسامي على المتابعة (مان تو مان) مابتفوت حاجة

طبعا رجعت ليهو كم مرة بخلاف انو كان ساكن في البيت الملاصق للقسم فكتير جداً كان بمر علينا في القسم ويعرف الحاصل شنو

Quote: مالك كلفتنا في النهايَّة، على ضوء حساباتي أكلتنا زي تلاتة مداخلات كده، النهايَّة دي لسه فيها كم مداخلة كده..

ياسر طيفور ........ ذكي ولماح كما عهدتك ضابط بوليس ضل طريقه وبقي ملكي ، يا اخوي في سببين للقصة دي اولاً الكتابة حارة ثانياً

الجزء الاخير من القضية المتعلق بالمحاكمة لايجوز الكتابة فيهو من الذاكراة خوفاً من السهو والخطأ حاولت وفتشت اوراق القضية ما

قدرت الم فيها عشان كده اختصرت الجزء الاخير لكن المحكمة ذاته شهدت مساجلات بيني كممثل للاتهام ومحامي المتهمين وسلمون الزفت

كان داير يورطني في مشكلة مع القاضي ... دقوني ومش عارف شنو .. الخ

Quote: عمر يا شقيق يا آبِق..

ياعزام وياحمور الكلام ده نبذ والا شكر

Quote: ولكن النهاية فيها احساس بعدم الاكتمال

Quote: اخى عمر الاقتباس اعلاه من مداخلة سعادة اللواء صلاح عبد الحليم احد الاعلام فى الشرطة

Quote: يعلم الله انت حكاّي يا جنابو. تمسك الزول كده زي "راتب الختمية ".

اهااااا شفت ياحمور جنس الكلام ده طوالي بخلي الواحد يغير مشيتو ويعمل فيها معلم كبير

ماتجاملونا شديد كدي ياخي

Quote: عدة جلسات استغرقها نظر القضية برئاسة مولانا محمود قابلته قبل شهر تقريباً لايزال يذكر القضية ويعتز بحكمه الذي اصدره حيث تم تأييده في الاستئناف والمحكمة العليا ويقول لي الفضل يرجع ليك شغلك كان نضيف قلت ليهو يامولانا ده شغل العساكر المساكين ديل اسه انت وين وانا وين وهم لايزالون في نفس القسم وبالكتير يكونوا لقو ليهم شريط ولا شريطين. المهم المحكمة بعد تقديم كل الادلة وشهادة الشهود والاعترافات وسماع دفوع المحامي عن المتهمين توصلت الى ادانتهم وحكمت عليهم بالسجن خمسة سنوات من تاريخ توقيفهم بحراسة الشرطة. اسدل بذلك الستار على جريمة خطيرة هزت الشرطة قبل ان تهز المجتمع ، بعد اقل من سنة توفي عم دانيال وفكرتي لا ادري ما حل بها نقلت من قسم العمارات وبعد عدة سنوات توفي العم الطيب ابشر له الرحمة وتوفي العم جمال وتقاعد عمر الصعيدي ولايزال كمال وعمر جلة في الخدمة التحية لهم ولكل الزملاء في الخدمة وبالمعاش.