|
Re: أها وبعد الطقيش دا يا طه جغمته ولا كشحته (Re: سيف النصر محي الدين محمد أحمد)
|
دكتور سيف سلامات، شفت بالله التحليل الإسحاقي ده كيف؟ وعلى قدر أهل العزم تأتي التحاليل والتخاليل وتسرح الأفئدة في متسعاتها وحدود معرفتها وقدراتها؛ ولكن يبدو أنّ ود إسحق مستقنطني لدرجة بعيدة، فحكمّ على "مشروعي الخاص" بالفشل، وماهو "مشروعي الخاص" الذي حكم عيله ود إسحق بالفشل؟ وأنا لي مشاريع خاصة كتيرة، والحمد لله منها ما تحقق، ومنها ما يجري تحقيق، ومنها ما ينتظر دوره حسب الأولويات؛ ولم يكتفي ود إسحق بالحكم على "مشروعي الخاص" بالفشل، بل ذهب بعيداً وعدّد أسباب هذا الفشل، وهذا التقييم لا يتوفّر إلا "لوداعية" ترجم بفعل شيطانها أو طبيب نفسي توفرّت له جلسات عدة مع مريض أودعه كل أسراره، فتوصل إلى ذلك التحليل المُسهّب، وطالما أنّ الثانية لم تحصّل، إذن، ود إسحق لم يتبقّ له خيار غير أن يكون "وداعية"، وداعية فاشلة، هرب شيطانها، وتركها للحصى، تحصي وتعد بلا هُدى.. ___ فالحمد لله الذي لا تُحصى نعمه عليّ، وأنا في أتمّ وكمّل حالات الرضى، ولا ينقصني شيء يا ود إسحق -سواء عدم رؤياكم-، [وش حامِد شاكر]، وفي ذلك نعمة أخرى؛ وتالله يا ود إسحق، لو خيروني بين نعمة الحرية وحدها وكل النعم التي أنت غارق فيها، المستحقة وغير المستحقة، ماديها وعينيها، ظاهرها وباطنها، لما بدلت نعمة الحرية، شفت كيف؟ ياقول حسّن..
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
أختنا في الله و عزيزتنا (بحق ) وجن فهمت اعتراضك علي الصوره منصب في مسألة (تبادل الانخاب ) و ليست تشكيككا في المشروب نفسو ، لكن بعداك البوست مشي في إتجاه التشكيك و التصريح إنو الشغله فيها (أم جيغي) و طبعا إنت ما مسؤله عن تعليقات الناس الباقيه لكنك إنت الجبتي الصوره هنا و فتحت البوست فكان من باب أولي توضحي إنك ما بتفتكري إنو كاس عمك علي ده ( معبأ بالفرح) عشان ما تشيلي ذنبو ساي . فهمي ده كلو ممكن يكون ما صاح ، لكن ما اتخيل لي إنك افتكرت عمك علي ده بسن و يجي يسن قدام الكاميرات كمان . عموما الصوره دي مره أخونا علاء يوسف عمل فيها ماجستير هنا و طلع الفي كاس عمك علي دي ما خمره. (ولا يجرمنكم شنآن قوم على ألا تعدلوا) . -------------------------
Quote: انا مثلا الفكرة اللي كونتها عن ياسر طيفور ده هي انو زول مرح و الفي قلبو على لسانو و انو ناجح في شغلو و في حياتو و سعيد باقامتو قي دولة ديمقراطية تمنح مواطنيها الى جانب الخبز كميات من الحرية
|
فكرتك عن الاخ ياسر طيفور دي كلها ما صاح يا سيف ! الاخ ياسر ده يا دكتور إنت ما بتعرفو ، بعرفو أنا : الاخ ياسر يا دكتور إنسان فاشل ، عاطل عن الموهبه والعمل ، كئيب ، تعيس ، عيشتو علي الوليفير خلتو حاسد و حاقد علي الكل . ليس لديه وازع ديني أو أخلاقي : يشرب الخمر و يلعب الميسر و يتعامل بالربا (بالذات ربا النسئيه ) و علاقتو بالفاحشه و المنكر أقوي من علاقتك باولادك يا دكتور . الاخ ياسر مات فيه الإنسان منذ أن وطئت رجلاه التعيسه غربة (كندا أم تلج) ، فبالله يا دكتور ما تحاول تجاملو علي حساب الحقيقه الجابها أخونا بدر الدين !! ----------------------- شكرا يا بدر الدين علي كلامك كان تحليل ولا استنتاج و لا رجاله كده ساي !!! و لعلمك : الاخ ياسر بكتب مشاركاتو من مصحة لعلاج الادمان في الضاحيه الجنوبيه لمدينة تورنتو إسمها (خلو حاجه لبكره ! ) !! ----------------------- عشان كده بالجد يا بدر (خلي حاجه لبكره ) !!!! -----------------------
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: أمين محمد سليمان)
|
الاخ ياسر يا دكتور إنسان فاشل ، عاطل عن الموهبه والعمل ، كئيب ، تعيس ، عيشتو علي الوليفير خلتو حاسد و حاقد علي الكل . ليس لديه وازع ديني أو أخلاقي : يشرب الخمر و يلعب الميسر و يتعامل بالربا (بالذات ربا النسئيه ) و علاقتو بالفاحشه و المنكر أقوي من علاقتك باولادك يا دكتور . الاخ ياسر مات فيه الإنسان منذ أن وطئت رجلاه التعيسه غربة (كندا أم تلج) ، فبالله يا دكتور ما تحاول تجاملو علي حساب الحقيقه الجابها أخونا بدر الدين !! ــــــــــــــــــــــــــــــــــــــــــــــــــــــــــــــــــــــــــــــــــــــــــــ إنا لله وإنا إليه راجعون !! أتمني من المولي عز وجل أن يهدي صديقك الي السبيل القويم .. وأن ينير قليه بعد هذا الظلام الحالك ..
......... الهم لاتؤاخذنا إن نسينا أو أخظأنا ... الهم آمين ..
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: السيد المسلمي)
|
Quote: إنا لله وإنا إليه راجعون !! أتمني من المولي عز وجل أن يهدي صديقك الي السبيل القويم .. وأن ينير قليه بعد هذا الظلام الحالك ..
|
صديقي يا سيدنا داير ليه قراية قران في راسو لمدة أربعين يوم متواصله و بعد داك نربطو نودي بيت الله الحرام ، إنت قايل بدر الدين ده بنضم ساي ؟!!
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: السيد المسلمي)
|
سيف النصر ( الزول ما محتاج تحريش براهو محرش ) اميــن ( الزول دى اشــد منـى ومنـــك ...علا الفكرة هى ما نتكلم عنها )
ابو السيد ( زولكم دى قزقزو بيــهو براكم انا ما معاكم )
ود العبيــد ( يا زول ما تنعدل معانــا الله يعدل خطوتــك يااخــى )
ســت البوســـت ( كلام عمك امين دى البسيهو حلق فى اضانك بيغتى عليك دنيا واخرة )
_____________ نخط شخيط _________ بدون فــط شطر :
ود طيفــور ( لا لا لا انت ليــس كمــا تبدو )
انت زول صاحــب مشروع يقوم على فكرة وملــكت من الارادة مــا لم يمتلكه كثير
من المعارضيــن / ادعياء المعارضــة / فى هــذا المنبر ...
كنــت على استعداد للزود عن مشروعــك باغلــى مــا يملك الانسان ( روحــك ) ثم
نظرت / حتى رجع البصر كرتين ثم قررت ثم حزمــت الامتعــة فى منفــى اختيارى
ملئ بالثـلج ...ليــس حبــا فى العيش الرغد ولا المال ولا الحريـــة كمــا اوضحـت
بــل لاقتناعـــك بإستحالــة تحــقق مشروعـــك فى سودان ( السجم دى ) ...
ود طيفور ( انــا مــا طبيب نفســى وانت لســت بمريــض فكل الامــر قراءة مــا خلف
كلماتــك تضــئ وتفصــح عــن ما تريــد قولــه بعباراتــك الساخـرة التى تستبطــن
ملامــح مشروع متمكامــل ..
يا زول ابقــى مارق ( انــا قاعد ارفع فى بوســت .. الطشمــى دى .. بتجيــب
ليــه ناس الهواء ) ..
جمعــة سمحــة طيبــة ..ليكم كلكم
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
ســأل سيف النصر ..
Quote: اخيرا هل تعتقد أن الكيزان في السودان ناجحين كافراد؟ هل تمكنهم من الوظائف بغض النظر عن الكفاءة بتعتبرو نجاح ؟ هل تطاولهم في البنيان و احتكارهم للوظائف و السوق و تعديد الزوجات اعتمادا على احتكار السلطة السياسية ، هل بتعتبر ذلك نجاح و تحقيق للذات؟؟ |
؟
اجابتــى :
لا ..
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
سلامات يا بدر الدين لو رجعت لكلامك الأول و قريتو تاني حتكتشف أنك كنت بتتكلم عن مشروع ياسر طيفور الخاص المتعلق بتحقيق ذاته كفرد و لم تتعرض اطلاقا لمشاركته في مشروع التجمع الوطني الديمقراطي و تجاربه المختلفة لاسقاط نظام الجبهة بما في ذلك خيار العمل المسلح . عمل التجمع اصاب الكثيرين بالاحباط و لا ادري إن كان ياسر طيفور ضمن هؤلاء الكثيرين أم لا ..و لكني استطيع أن اقول أن فكرة ياسر عما ينبغي عمله لانقاذ "سودان السجم" كما اسميته مشت خطوات اعمق و افضل للأمام. بعدين يا بدر الدين ناس كتار من الشاركوا في تجربة العمل المسلح رحلوا لكندا و امريكا و استراليا و برضو في ناس كتار رجعوا للسودان و كلا المجموعتين الجوة و للا البرة لسه بيشاركوا و بفاعلية في رسم ملامح مستقبل السودان ، اطلاقا العمل ضد هذا النظام لم يتوقف و لن يتوقف .
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: سيف النصر محي الدين محمد أحمد)
|
يا د. سيف بنسـلم عليــك وعلى كل من انتسب اليك من زوجة وولد
انــا غير مشغول بمشروع ود طيفور الخاص الذى يتعلق بحاجاتــه الحياتيــه
فهو مــن يحدد ذلــك وهو قادر بأذن الله على تحقيق ما سخرهـ الله لــه ..
انــا اتحدث عن مشروع ود طيفور لتحقيق ذاتــه على مستوى العمل العام بأن
يكون جزء من الحراك المجتمعى السودانى ( على مستوى الافكار / الاحزاب / مؤسسات المجتمع المدنى /
قضايا بلادنا الاساسية .. الحرب / السلام / الوحدة / الدين والتدين / الحكم الرشيد / الديمقراطية
...)
سيف،،
ان دائمـا تضــع العربـة امام الحصان ..
هــل تحدثــت انــا عن التجمع الوطنــى الديمقراطــى او الغير ديمقراطى ؟
هــل تحدثــت انــا عن الكفاح المسلــح ؟
انــا تحدثــت عن تحقيق ود طيفور لكثير من حاجاتــه على المستوى الشخصــى لكنها
لــم ولــن تكــن كافيــه لتحقيـق مشروعــه ( الحلــم الطيفــورى ) .
ترمــة :
حســى يجــينــا ود العبيــد ناطــى يقول ليـك لــو ( حفرنا هنا / لو ردمنـاهنا )
لكان ( اوجــع ) ..
نفــط سطر ..
قلت ليــك الزول دى محرش براهــو ما بيحتاج تحريـش ..
Quote: مشروع ياسر طيفور الخاص المتعلق بتحقيق ذاته كفرد و لم تتعرض اطلاقا لمشاركته في مشروع التجمع الوطني الديمقراطي |
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
سلام يا بدر هنا تشير الى مشروع ياسر طيفور الخاص(ركز على نمرة تلاتة):
Quote: 2/ تهـرب مــن فشــل مشروعــك الخاص فى اطاره العام الى ( اللاجديــة ) كما تطرحها انت
وانت غير جاد فيها .
3/ الملجــئ الامــن لــم يحقق لــك الا قليــل من ( مال / سكن / ...) . |
هنا تحدثت عن الكفاح المسلح:
Quote: كنــت على استعداد للزود عن مشروعــك باغلــى مــا يملك الانسان ( روحــك ) |
اما الاشارة للتجمع الوطني الديمقراطي فهي اوضح من أن تحتاج لتوضيح لأن مشروع ياسر الخاص في اطاره العام كان ضمن مشروع التجمع و ياسر لم يعلن الحرب على الانقاذ وحيدا. بعدين يا بدر مافي اي تحريش هنا ده نقاش مفتوح للجميع بما في ذلك الاعداء زي ناس امين الشهير بنوته و المسلمي الشهير بسيدنا .
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: أمين محمد سليمان)
|
العزيز أمين الاعتراض على الطقيش والشرب كمان وانا بشوف في الصوره لم يخطر ببالي ابدا ان المشروب صالح للشرب لطه ولا للمسلمين بل كان سوالي بعد الطقيش يا طه شربته ولا كشحته وانا في بالي ان طه لابد ان يكون اعتذر عن شرب مافي الكاس وكنت انتظر ان ينفي احدهم ان طه قد شرب من هذا الكاس وما ان جاء علاء وقال ما قال حتى اطمان قلبي ليس حبا في طه ولكن لكي لا تهتز صور اناس لا نزكيهم على الله ولكن نحسبهم من الاتقياء فما كان ممكن اقول انه انا عارفه ان المشروب دا مسكر ولا غير كده وانا اصلا ما عارفه حقيقته شنو ولا ماكده
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: وجن)
|
Quote: وما ان جاء علاء وقال ما قال حتى اطمان قلبي ليس حبا في طه ولكن لكي لا تهتز صور اناس لا نزكيهم على الله ولكن نحسبهم من الاتقياء فما كان ممكن اقول انه انا عارفه ان المشروب دا مسكر ولا غير كده وانا اصلا ما عارفه حقيقته شنو ولا ماكده |
شكرا يا وجن وانا من الأول عارف ومتاكد انك ما ممكن يكون كان عندك نيه سيئه من إيراد الصوره .
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: خالد العبيد)
|
ود العبيــد ( هوووووووووووووووى )
انــا رســلت الكتاب دى لاكثــر من 40 شخص بورداب / غير بورداب
بتوجيــه من كبيركم ( ابوساندرا ) ..
يعنــى انــا مستعد لمحاكمة تجربتنــا من اى زول ...
وواحد من الاربعين ديل قام رســـل ليــه دعوة فيها فايروس والحمد
لله ربك لطف ..
ما بتفرق لو بقو 41 ..
ولا ما عايــز يكون لينــا عليك فضــل ..
والله يا ود طيفور ود العم عندك شيوعــى وكمان ( حــاج ) ههههها
Quote: ياسر يابن عمي بالله لو رسلو ليك رسلو لي هنا |
| |
|
|
|
|
|
|
Re: أها وبعد الطقيش دا يا طه جغمته ولا كشحته (Re: بدر الدين اسحاق احمد)
|
وانشاء الله تكونــى عرفــت كيف افــكــر
الاخت / وجــــن ..
اعظــم حاجـة فى ديننــا الاسلامى دى انــو ما فيهو ( حراس نوايــا )
واعظــم مــا فيهو ايضــا انــو كل اعمال الانسان لا يمكن الحكم ( النهائي )
عليها لان من يعلم النوايــا هــو ( الله ) .
((انما الاعمال بالنيات ولكل امرئ ما نوى ...))...
لــكــن شريعــة المسلمين دى تقوم على الظاهــر من الفعل والقول ..
وكل اعمال الشرع قائمــة على الاتيان بالفعل والقول ( طوعــا ) ..
وايضا من الحاجات السمحــة جدا فى ديننــا دى انــو ..
(( من دل على خير كان لــه من الاجر مثل اجورهم ولا ينقص من اجرهم شيئا ))
Quote: الاعتراض على الطقيش والشرب كمان وانا بشوف في الصوره لم يخطر ببالي ابدا ان المشروب صالح للشرب لطه ولا للمسلمين بل كان سوالي بعد الطقيش يا طه شربته ولا كشحته وانا في بالي ان طه لابد ان يكون اعتذر عن شرب مافي الكاس وكنت انتظر ان ينفي احدهم ان طه قد شرب من هذا الكاس وما ان جاء علاء وقال ما قال حتى اطمان قلبي ليس حبا في طه ولكن لكي لا تهتز صور اناس لا نزكيهم على الله ولكن نحسبهم من الاتقياء فما كان ممكن اقول انه انا عارفه ان المشروب دا مسكر ولا غير كده وانا اصلا ما عارفه حقيقته شنو ولا ماكده |
خـاطــرة قرانيــة .. (( مــا يلفظ من قول الا لديــه رقيب عتيد ))
اللهــم اصلــح فسـاد قلبــى وهـوى نفســى واغترارى بقليل معرفـة واستفحــال جهالــتى
فاغفــر لــي فانــه لا يغفــر ذلــك ســواك ..
________________
اشــوف وشـــك ( اقلامــكم ) فى بوســت اخــر
| |
|
|
|
|
|
|
|