|
Re: السرقات الادبية فى المنبر ( تروتسكى ) نموذجــاً !!! (Re: بدر الدين اسحاق احمد)
|
الاخ الكريم عارف ... وعليكم السلام ورحمة الله
شاكر لك المرور ورفـد البوســـت بقانون الملكية الفكرية فيما يتعلق بحقوق المؤلف والحقوق المجاورة
ثم شاكر لك ايراد النصوص القانونية ..
سوف ننتظر كثيرا عودة ( تروتسكى ) ..لكن ليكن انتظارنا معرفـة وتعلم ...
وادانـة لكل من تسول له نفســه سرقة افكار وابداع الاخرين ..
لــى عودة ....
Quote: الأخ بدر الدين إسحق ، وجميع الزملاء السلام عليكم ورحمة الله وبركاته،، طبعاً بغض النظر عن القضية المطروحة تحديداً هنا وهي ما أُتهم به الزميل معتز فالأمر كما هو في الطرح ينتظر رأي وقول الزميل المدعى عليه ، وحتى ذلك الحين فنحن منتظرين لكن أحببت من باب الفائدة وقد رأيتك اخي بدر الدين كررت الطلب التالي :
Quote: ســرقــة النصوص ( السرقات الادبيــة ) * موقعهــا فى لائحــة المنبــر شنو ؟ * موقعها فى الفقــه الاسلامى شنو ؟ * موقعهــا فى القانون السودانـى ؟
رأيت أن من المفيد وأنتم في هذا الانتظار والذي نرجو أن لا تطول مدته أن أنقل للإخوة القراء موقف القانون السوداني من حقوق الملكية الفردية وما يتعلق بالسرقات الأدبية.
بالنسبة للفقه الإسلامي فهناك عدة أطروحات جامعية متخصصة أجتهد للحصول على نسخ منها وتلخيص نتائجها ، ولعله يتيسر قريباً إن شاء الله .
وأما جزئية القانون السوداني فبين يدي كتاب بعنوان : (الحماية القانونية لحق المؤلف والحقوق المجاورة والعلامات التجارية في القانون السوداني) إعداد : سوسن سعيد شندي ، قاضي محكمة الاستئناف بالخرطوم ، الناشر مكتبة الشريف الأكاديمية الطبعة الأولى 2006م. وقد اقتنيته قبل عدة أشهر من معرض الرياض الدولي .
فإجابة لطلبك وللفائدة ألخص لكم منه بعض الجزئيات المتعلقة بالملكية الفكرية وعقوبة السرقات المتعلقة بها.
* جاء تقسيم قانون المعاملات المدنية لسنة 1984م للحقوق ثلاثة أنواع (مادة 30): 1/ حقوق شخصية 2/ حقوق عينية 3/ حقوق معنوية : وهي التي ترد على شيء غير مالي ، ويتبع في شأن حقوق المؤلف والمخترع ، وسائر الحقوق المعنوية الأخرى.
*جاء في الكتاب تعريف الملكية الفكرية أو الإنتاج الفكري بأنه هو كل ما ينتجه العقل البشري ذلك العقل الذي ميز به الله سبحانه وتعالى الإنسان من باقي المخلوقات.
*حماية الإنتاج الفكري هو حق من حقوق الإنسان نصت عليه المادة 27/2 من الإعلان العالمي لحقوق الإنسان. والتي نصت على : "لكل فرد الحق في حماية المصالح الأدبية والمادية المترتبة على إنتاجه الفكري".
* للملكية الفكرية سند في دستور السودان لسنة 1984م حيث نصت المادة (28) منه على الآتي : "لكل شخص حقه في الكسب من المال والفكر وله خصوصية التملك لما كسب ولا تجوز المصادرة لكسبه من رزق أو مال أو أرض أو اختراع أو إنتاج علمي أو عملي أو أدبي أو فني إلا بقانون يكفله ضريبة الإسهام للحاجات العامة أو للصالح العام مقابل تعويض عادل".
*تدار الحقوق بواسطة جهتين أنيط بهما إدارة حقوق الملكية الفكرية وهما : 1/مكتب المصنفات الأدبية والفنية ، وهو يختص بالإشراف على تنفيذ قانون حق المؤلف والحقوق المجاورة وفقاً لأحكام قانون المصنفات الأدبية والفنية لسنة 2000م. 2/مسجل عام الملكية الفردية وهو مكتب تابع لوزارة العدل يهتم بتسجيل العلامات التجارية والتسجيل الدولي للعلامات ، وتسجيل براءات الاختراع.
*انضم السودان لاتفاقية باريس فيما يتعلق ببراءات الاختراع لسنة 1984م ، وانضم لاتفاقية التعاون الدولي بشأن البراءات لسنة 1984م ، وانضم لمعاهدة قانون البراءات سنة 2000م ، كما انضم إلى اتفاقية برن لحماية المصنفات الأدبية سنة 2000م.
*عرَّف القانون المؤلف بأنه : أي شخص طبيعي ابتكر المصنف والذي تم نشر المصنف تحت اسمه منسوباً إليه بأي طريقة من الطرق المتبعة في نسبة المصنفات لمؤلفيها أو بطريقة يتم اختراعها في المستقبل .
*المصنفات التي تشملها الحماية : نصَّت عليها المادة (5) من القانون ونصَّت على الآتي : على أن تطبق الحماية بموجب أحكام هذا القانون دون التقيد بأي شكليات مقررة لحماية أي مصنف مبتكر أصيل في مجال في الآداب والعلوم والفنون أياً كانت طريقة التعبير فيه أو في قيمته أو غرضه.
وبالتالي فإن شروط حماية المصنف هي أربعة شروط :
1/ الشرط الأول : أن يكون المصنف مبتكراً وهو أصيل (بمعنى أن القانون لا يحمي أي عمل وإنما يحمي كل عمل يظهر فيه دور المؤلف الإبداعي .. تظهر فيه لمسات المؤلف وتبرز شخصيته من خلال هذا العمل ، ولا يكون المؤلف مجرد نسخة قام بنسخها من مصنف آخر. فالقانون اشترط الابتكار ولم يشترط الجدة ، والقانون يحمي الأعمال المبتكرة بغض النظر عن جدتها أو قيمتها أو غرضها. (ففي الكتب يتم تحديد الابتكار بتقدير كيفية توجه هذا الفكر وترابطه ، ومن صياغة وتركيب العبارات وترتيب الأفكار ومدى إبراز شخصية المؤلف في العمل).
2/ الشرط الثاني : أن يكون في مجال الآداب والعلوم والفنون (المصنفات المكتوبة كالكتب والمجلات والنشرات والمقالات ونحو ذلك).وهناك مصنفات لا تشملها الحماية نصَّ عليها القانون وبيَّن أنها غير محمية كما في المادة (6) وهي : (المصنفات التي آلت إلى الملك العام ، الوثائق الرسمية ، ما ينشر في الصحف اليومية والمجلات والنشرات الدورية والإذاعة والتلفزيون من الأخبار اليومية أو الحوادث ذات الصيغة الخبرية ، وشعارات الدول) .
3/الشرط الثالث: دون التقيد بأي شكليات ، فقد قرر القانون حماية هذه المصنفات دون أي إشكاليات كما كان في القانون السابق الذي كان يشترط لاكتساب الحماية أن يتم إيداع المصنف لدى مسجل المصنفات ، وهذا القانون أعطى الحماية دون التقيد بأي شكليات خاصة بالتسجيل أو الإيداع لعدد من النسخ أو سداد الرسوم.
4/ الشرط الرابع: أيَّاً كانت طريقة التعبير فيه أو غرضه ، فإن القانون لم يشترط شكلاً محدداً للمصنف وإنما يكفي أن تخرج الفكرة في شكل محسوس أيّاً كانت وسيلة التعبير عنها بالكتابة أو شفاهة كما في المحاضرات والمواعظ والخطب ، وقد يكون التعبير بالتدوين أو الرسم أو صنع برنامج حاسوبي. ولا عبرة بقيمة العمل المهم أن يكون المصنف له شكل محسوس وأيّاً كان الغرض منه (ديني ، تعليمي ، تثقيفي ، ترفيهي ...الخ).
|
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: كمال عباس)
|
الأخ كمال .. ربما كانت لبدرالدين مشاحنة مع معتز .. وليست لي خلفية عنها ولا أعرف متي وأين بدأت .. وبدرالدين لقي معتز قايم بمجهود غيره وقبضه بالثابتة وهسه مديهو كربون خانق .. مافي طريقة للحناسة والمسنجرات .. دي معركة اسفيرية ولو معتز كان لقي فرصة في بدرالدين برضو ما كان حيخليه .. وإنت برضو مداخلتك دي حسب اعتقادي فيها فش غبينة وجيت تحاكم بدرالدين بالدين علي خلفية معارضتك للكيزان - صاح إنت ما عندك تار بايت مباشر مع بدر شخصياً، ولكنه عداء تنظيمي ولقيتها سانحة تدلي بدلوك ضده وإحراجه بالدين .. وتريد محاكمة الكيزان في شخصه ..
لو كانت سرقة النص قائمة في مقالة منفردة لما عبأ بها أحد، لكين الحصل أن معتز جابها في شكل سرد حصل ليهو وتتمة لعبارة 'تعرف يا راني' .. فلما انكشفت بقت شينة شديد ياخ .. يعني كونه أبوه يسوقه جنينة الحيوانات واقفاص الثعابين الزجاجية وما ادراك ومن ثم يدلف علي الصين وفيها يحمل تلك الأفعي العملاقة علي كتفه وبين ذراعيه لعشر دقائق كاملة - الكلام ده كله طلع دليب ساي ؟؟ .. والبوست ده إتمطَّ لأنو رد معتز الأولاني قال فيهو إنه سيسفه بدرالدين ويتجاهله .. لكين في الحالة دي نظرية التجاهل التجاهل ودفن الرؤوس في رمال حلتنا ما بتنفع .. !! .. وكوستاوي عندما خاطب الناس بالمسنجر ما ظنيته عن حرص لعدم التشهير لأنك تعلم أنه كان مساكك عبدالرازق الطالب كحرامي قوقل - وكمان بكاريكاتيراتها - وانجلد في المنبر ده علي ضهره وبطنه لمن قال يا بوليس .. لغاية ما كرهه قوقل زاته وتاب توبة نصوحة ..
يعني ودالطالب ما كان عنده مسنجر ؟؟ ..
علي أي حال رغم شناة الاقتباس فإني أرجو من بدرالدين أن يرخي الكربون وينسي الموضوع فقد تجاوز الدرس زمنه والرسالة وصلت ..
وعندي إحساس أن معتز أقتبس النص ببساطة ولم يقدر الموضوع حق قدره .. وإقتباس يفوت ولا حد يموت يا بدرالدين ..
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: Munir)
|
Quote: ........ منير : مساء الخير وإنت برضو مداخلتك دي حسب اعتقادي فيها فش غبينة وجيت تحاكم بدرالدين بالدين علي خلفية معارضتك للكيزان - صاح إنت ما عندك تار بايت مباشر مع بدر شخصياً، ولكنه عداء تنظيمي ولقيتها سانحة تدلي بدلوك ضده وإحراجه بالدين .. وتريد محاكمة الكيزان في شخصه .. |
الغبينة التنظيمية موجودة والصراع السياسي قائم وماب ننكرو ولكن صدقني دخولي هنا ليس فشا لغبينةأوتصفيةحسابات سياسية وإنما محاولة أن يتأسي بدر الدين بمرجعيته الدينية وبالاد ب النبوي وأن يكون التشهير آخر الكي والخطوة الأخيرة....... وبالمناسبة أنا قدحددت موقفي من معتز في هذه القضيية في مداخلتي الاولية:(وبالمناسبة-قد أخطأ معتز بعد م ذكر المصادر أو الاشارة للنقل أوضع الكلام بين أقواس- وعلي معتز معالجة هذه الموضوع والأعتذار وتوخي الحذر مستقبلا ) ........
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: Munir)
|
Quote: علي أي حال رغم شناة الاقتباس فإني أرجو من بدرالدين أن يرخي الكربون وينسي الموضوع فقد تجاوز الدرس زمنه والرسالة وصلت ..
وعندي إحساس أن معتز أقتبس النص ببساطة ولم يقدر الموضوع حق قدره .. وإقتباس يفوت ولا حد يموت يا بدرالدين .. |
اخلاق فروسية واظن أن الاخ بدر الدين له منها ما يكفي.. غير أن ذلك لا يحول دون مواصلة النفاش حول الامر كموضوع عام .. حول حماية حقوق الملكية الفكرية ومدى التزامنا بها واحترامنا لها.
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: محمد البشرى الخضر)
|
Quote: استاذ الموصلي سلام يبدو أنو فات عليك أن بدر الدين وضع الأيقونة () كأيقونة للبوست |
ما عارف ليه جات في بالي حكاية: دخلت نملة وأخذت حبة وخرجت دخلت نملة وأخذت حبة وخرجت دخلت نملة وأخذت حبة وخرجت دخلت نملة وأخذت حبة وخرجت دخلت نملة وأخذت حبة وخرجت دخلت نملة وأخذت حبة وخرجت _______________________________
قاتل الله الشلليات والتعصب الأعمى
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: ابراهيم قناوي)
|
الأخ بدر الدين تحياتي
لقد أخطأ صديقي معتز بعدم نسبة النصوص لكاتبيها -بفرض ثبوت هذا - ، وهو خطأ يستوجب منه الاعنذار فورا وبدون اي تأخير، ولا يضيره او ينقص منه شيئا ان يعتذر.
ولكن كان يمكنك ان تقوم بتنبيهه بواسطة ماسنجر داخلي ليقوم بتصحيح الوضع الخاطئ بعيدا عن التشهير وفش الغبينة. هذا بفرض ان الغرض هو الحرص على الاخلاق ومجهودات الاخرين.
وافر الاحترام
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: doma)
|
Quote: واصدقك القول .. انا البعرفك عبر السايبر دا من سنين خلت الجمت لسانى المفاجأه لانو ادعاء الاخ بدر الدين فى هذا الخيط واضح وجلى وصريح اذا لا ينفع حكاية انك تجليهو فى الرد او تتكل على قصة انو فى مناقرات سابقه بينك وبينه فى مكان اخر انت مطالب بالرد وتوضيح الحقيقه ليس لنفسك ومصداقيتك فقط , بل من اجل الذين يحبونك ويحبون كتاباتك الجميله ومن اجل الحقيقه |
شكرا لهذا الموقف الواضح
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: doma)
|
يا الله !!!! معقولة يا بدرالدين كل الكلام ده مسروق ؟ وفي زمن اصبح فيه الكشف السرقة اسهل من الكشف عن شارب الخمر ,, لا اظن ان الموضوع مجرد سرقة كما تفضل الكثيرون ولكنه استخفاف بالقارئ والمتابع لهذا العالم الاسفيري .. وفعلا كنا نستحق ان نوصف بالغباء والجهل اذا تم تمرير هذا الامر فينا بعد ان انعدمت كل مظاهر الخجل من اخونا معتز .. اطالب معتز بالاعتذار وفورا ليس لنا هنا كاعضاء ولكن اعتذار لنفسه التي سولت له نقل حق غيره ونسبه لنفسه ...
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: Nasruddin Al Basheer)
|
الاساتذة كمال عباس وشهاب كرار كوستاوي لا يعتبر ضابط الأخلاق هنا لكي نحذو حذوه وأفعاله لا تعتبر من السنن الفعلية. كوستاوي ببساطة ينصح اصدقاءه عبر الماسنجر او خلافو ويفضح الآخرين كمافعل مع ابورزقة وآخرين من قبل، فدحين البتسووا فيهو دا ما مقسم او بلغة الكماسرة حنك عاضي شوفوا ليكم حجة تانية وياكمال في الدين او منهج بدرالدين الانت بتتكلم عنو دا ورد فيهو (وليشهد عذابهما طائفة من المؤمنين) يعني التشهير برضو وارد فيهو أها شن قولك ؟... معتز ما يجي يبرر الزول دا ما عندو تبرير الزول دا يجي يعترف بانو أخطأ ويعتذر بس للكاتب و لقراء وأعضاء المنبر .. لأنو بخلاف انو سارق تصوص وهذا ديدنه فهو سارق بليد شوف الحتة اللفحها هنا دي حولها لجنينة الحيوانات دي ياتو جنينة حيوانات الكانت فيها ثعابين دي يامعتز الواحدة العملوا محلها برج الفاتح ولا حديقة تانية دي ياحبة كان فيها اصلة واحدة قاعدة الله ورقبتها ونائمة طوالي اها رأيك شنو طلعت سرّاق وكضاب كمان ... ولازمك برضو اعتذار للاسد بصفتو ملك الغابة .
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: عبدالوهاب علي الحاج)
|
Quote: كوستاوي لا يعتبر ضابط الأخلاق هنا لكي نحذو حذوه وأفعاله لا تعتبر من السنن الفعلية. كوستاوي ببساطة ينصح اصدقاءه عبر الماسنجر او خلافو ويفضح الآخرين كمافعل مع ابورزقة وآخرين من قبل، فدحين البتسووا فيهو دا ما مقسم او بلغة الكماسرة حنك عاضي شوفوا ليكم حجة تانية وياكمال في الدين او منهج بدرالدين الانت بتتكلم عنو دا ورد فيهو (وليشهد عذابهما طائفة من المؤمنين) يعني التشهير برضو وارد فيهو أها شن قولك ؟... معتز ما يجي يبرر الزول دا ما عندو تبرير الزول دا يجي يعترف بانو أخطأ ويعتذر بس للكاتب و لقراء وأعضاء المنبر .. لأنو بخلاف انو سارق تصوص وهذا ديدنه فهو سارق بليد شوف الحتة اللفحها هنا دي حولها لجنينة الحيوانات دي ياتو جنينة حيوانات الكانت فيها ثعابين دي يامعتز الواحدة العملوا محلها برج الفاتح ولا حديقة تانية دي ياحبة كان فيها اصلة واحدة قاعدة الله ورقبتها ونائمة طوالي اها رأيك شنو طلعت سرّاق وكضاب كمان ... ولازمك برضو اعتذار للاسد بصفتو ملك الغابة .[/QUOTE
حمد لله علي السلامه يا عمك
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: فدياس نجم الدين)
|
أرى الجزع قد أصاب أصدقاء الأخ معتز ولم يعد هناك ما يمكنهم تقديمه له في محنته هذه
لا مسألة الكيزان ولا المعارضة
ولا حتى التشكيك في مصداقية الكوز بدرالدين بالتفتيش في ارشيفه
وأصبحوا يأملون أنو ربنا يكضب الشينة ومع وضوح حيثيات هذه القضية الا انهم يرجئون حكمهم حتى يأتي الرجل ويدافع عن نفسه
والرجل على ما أظن وأن بعض الظن اثم في حيرة من أمره ولا يدري كيف يخرج من هذا المأزق
بالنسبة لأصدقاء الرجل في رأيي ان أفضل ما يمكن أن يفعلونه بدلا من أن يزيدوة من زنقة الرجل أن يرحموهو من فكرة الرد على ما ورد هنا وليدعوا له نقطة حياء لما تبقى له من نشاط فكري وثقافي ولا يطالبونه بالتوضيح لأن البرأة من التهمة هنا تصبح عشما كعشم ابليس في الفردوس أما بالنسبة للرجل يجب أن يتعلم من هذا الدرس لمقبل أيامه ويحاول أن يجد شيئا يتقنه ويعمله لمنفعته ومنفعة الناس فما ركوب المعالي بالتمني أو التجني على حقوق الآخرين
وطبعا العديل رأي والأعوج رأي
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بشرى محمد حامد الفكي)
|
من اكثر الكتاب الذين كنت اعجب بهم قبل انضمامي لموقع سودانيز اونلاين
وحتى تاريخه منتظرين المراقة بتاعتوا
غايتو كان صدق الموضوع (وحتى الان اقرب لان يكون حقيقة)
فعليك يا معتز الاعتذار لنا جميعا عن الإستخفاف بعقولنا طيلة السنوات السابقة
وتخلي الموقع دا وتمشي مواقع تانية برضوا لو قابلناك حنطالبك بالإعتذار برضو
وحركت UP دي ما بتحلك
خليك شجاع وتعال وضح الحاصل
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: فدياس نجم الدين)
|
كتب عبدالوهاب علي الحاج:-
Quote: وهذا ديدنه فهو سارق بليد شوف الحتة اللفحها هنا دي حولها لجنينة الحيوانات دي ياتو جنينة حيوانات الكانت فيها ثعابين دي يامعتز الواحدة العملوا محلها برج الفاتح ولا حديقة تانية دي ياحبة كان فيها اصلة واحدة قاعدة الله ورقبتها ونائمة طوالي اها رأيك شنو طلعت سرّاق وكضاب كمان ... ولازمك برضو اعتذار للاسد بصفتو ملك الغابة . |
وهبة حمدلله على السلامة وأجر وعافية !!! إعتذار للأسد زاتو؟! والله يا وهبة إنت راجل نكتة..وصعبت على الرجل الأعتذارات زاتا! بس أنا محتار: دا كلللللللللووووو ياجماعة هيّن ...أمام شئ واااحد وخطير الإساءة لربه وربنا أجمعين ورب العالمين..ولشرعه الحكيم ياجماعة أي شئ يهون أمام هذه المصيبة العظيمة..طبعا مع عدم التهاون في مسألة السرقات الأدبية وغيرها..على كل حال الرجل إن لم يعتذر فدعوه...فمن استكبر على ربه لايبعد أن يستنكف عن الرجوع للحق الذي هو فضيلة... مع شكرنا للأخ بدر ولجميع الإخوة الذين تابعوا هذا الأمر.. هدانا الله جميعا
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: عماد موسى محمد)
|
النصيحة في البوست دا خجلت لأي زول متداخل جاء يدافع عن معتز او يقلل من قيمة الخطأ العملو أو يفتش ليهو لأي مبررات تانية
معتز تروتسكي لو عندك تفسير للحاصل دا تعال قولو اما تجاهلك ليهو ففيهو استخفاف و عدم إهتمام بقرائك و اصدقائك
الأخ بدر الدين لا أتفق معك في الكثير و لكين ما عرضته هنا واضح و أياً كانت نواياك لا أستطيع هنا إلا أن اقف بجانبك في إدانة السرقات الأدبية و فضح السارقين و ملاحقتهم
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: وليد محمد المبارك)
|
Quote: ده شنو ده يعني استهتار بكل من مر بهذا البوست
حقار يعني وما شغال بي زول وما عاجبك ولا زول فينا
؟؟؟ !!! |
الأخ وليد صاحبك دة ما عارف يعمل شنو عشان كدة بعمل في حركات شفع
يعني هو ما رباطي بتاع نصوص وقلعها حمرة عين ولا حاجة ولا المسألة حقارة
المسالة حيرة ممزوجة بي خجل ويااااا نسايم الليل
في شان كدي كان هو صاحبك ما تعصر عليهو شديد عشان ما يهبل بي رقبتوا اكتر من كدة
ومعليش لأنو كتار في المنبر دة اللابسين قمصان أكبر منهم
ولك احتراماتي
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: عماد موسى محمد)
|
كتب عماد موسى:
Quote: وهبة حمدلله على السلامة وأجر وعافية !!! إعتذار للأسد زاتو؟! والله يا وهبة إنت راجل نكتة..وصعبت على الرجل الأعتذارات زاتا! بس أنا محتار: دا كلللللللللووووو ياجماعة هيّن ...أمام شئ واااحد وخطير الإساءة لربه وربنا أجمعين ورب العالمين..ولشرعه الحكيم ياجماعة أي شئ يهون أمام هذه المصيبة العظيمة..طبعا مع عدم التهاون في مسألة السرقات الأدبية وغيرها..على كل حال الرجل إن لم يعتذر فدعوه...فمن استكبر على ربه لايبعد أن يستنكف عن الرجوع للحق الذي هو فضيلة... مع شكرنا للأخ بدر ولجميع الإخوة الذين تابعوا هذا الأمر.. هدانا الله جميعا |
يا زوول انتا جدادي؟؟؟
الزول دا بسيء لي الله؟؟؟
انتا جادي؟؟؟
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: السيد المسلمي)
|
حينمــا يأتــى كمال عباس متقمصــا روح الاستاذ للتصحيح للتلميــذ
ادانتــك الخجولــة دى مـا بتشبــه مداخلات ( المتريــة ) فى هذا
المنبــر ..
ثم الم يكن من الاجدى محاكمة سارق النصوص ( تروتسكى ) الى قيمــه
الدينيــة ( الالحاد نفسه ديــن ) ...
Quote: بدر الدين غلطو يتعلق بالاسلوب وطريقة التعاطي |
فدحيــن عندك اجابات على الاسئلــة الف مرحــب ما عندك ... ادعوك
الى الاستمتاع يالقراءة والمشاهــدة ..
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بدر الدين اسحاق احمد)
|
غايتــو اخونا ود الشعبية دهـ ما بينقــدر ... فى العلام .. وفى الدواس
يكفــى محاكمة بوســت المعيار .. التى اعلمتنــا مــن هــم وكيـف يفكرون والى اين يسيرون
قال محاكمة قال ... ( حليلك يا اساسى ..حليلك يا ود سليمان )
بعدين يا منير اخوى ( الدليــب ده شغال ليهو ما يقارب العقد من الزمان ) وليس مقال واحد
انت بــس اطلب عشان اجيب ليــك سرقات نصوص اخـرى ..
التجاهــل التجاهــل التجاهــل ليــه الـ ( UP ) ..
ود الطالب ما عندو ماسنجر ( حقو نكلم بكرى يديهو حقوق العضوية كاملة بيــه ماسنجرهــا )
اهــا يا منيــر :
كان انا ( رخيــت الكربون ) ...
البفكو من كربون عزام شنو
البفكو من كربون السيد المسلمى شنو
البفكو من كربون فدياس شنو
البفكو من كربون بشرى حامد شنو
البفكو من كربون قناوى شنو
البفكو من كربون ..... شنو
البفكو من كربون عمــك ودفعتك وهبــة العائــد بالسلامـة منــو ؟
Quote: الأخ كمال .. ربما كانت لبدرالدين مشاحنة مع معتز .. وليست لي خلفية عنها ولا أعرف متي وأين بدأت .. وبدرالدين لقي معتز قايم بمجهود غيره وقبضه بالثابتة وهسه مديهو كربون خانق .. مافي طريقة للحناسة والمسنجرات .. دي معركة اسفيرية ولو معتز كان لقي فرصة في بدرالدين برضو ما كان حيخليه .. وإنت برضو مداخلتك دي حسب اعتقادي فيها فش غبينة وجيت تحاكم بدرالدين بالدين علي خلفية معارضتك للكيزان - صاح إنت ما عندك تار بايت مباشر مع بدر شخصياً، ولكنه عداء تنظيمي ولقيتها سانحة تدلي بدلوك ضده وإحراجه بالدين .. وتريد محاكمة الكيزان في شخصه ..
لو كانت سرقة النص قائمة في مقالة منفردة لما عبأ بها أحد، لكين الحصل أن معتز جابها في شكل سرد حصل ليهو وتتمة لعبارة 'تعرف يا راني' .. فلما انكشفت بقت شينة شديد ياخ .. يعني كونه أبوه يسوقه جنينة الحيوانات واقفاص الثعابين الزجاجية وما ادراك ومن ثم يدلف علي الصين وفيها يحمل تلك الأفعي العملاقة علي كتفه وبين ذراعيه لعشر دقائق كاملة - الكلام ده كله طلع دليب ساي ؟؟ ..
والبوست ده إتمطَّ لأنو رد معتز الأولاني قال فيهو إنه سيسفه بدرالدين ويتجاهله .. لكين في الحالة دي نظرية التجاهل التجاهل ودفن الرؤوس في رمال حلتنا ما بتنفع .. !! ..
وكوستاوي عندما خاطب الناس بالمسنجر ما ظنيته عن حرص لعدم التشهير لأنك تعلم أنه كان مساكك عبدالرازق الطالب كحرامي قوقل - وكمان بكاريكاتيراتها - وانجلد في المنبر ده علي ضهره وبطنه لمن قال يا بوليس .. لغاية ما كرهه قوقل زاته وتاب توبة نصوحة ..
يعني ودالطالب ما كان عنده مسنجر ؟؟ ..
علي أي حال رغم شناة الاقتباس فإني أرجو من بدرالدين أن يرخي الكربون وينسي الموضوع فقد تجاوز الدرس زمنه والرسالة وصلت ..
وعندي إحساس أن معتز أقتبس النص ببساطة ولم يقدر الموضوع حق قدره .. وإقتباس يفوت ولا حد يموت يا بدرالدين ..
|
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بدر الدين اسحاق احمد)
|
أ. محمد على طه الملك ....
اسعد انا بمشاركتك فى هذا البوســت ..
وما اشرت اليه انت كانت محاور طرحتها فى اول البوســت لنسبر اغوار حقوق
الملكية الفكرية ..وفقا للقانون الذى تفضل بـايراده الشيخ الركابــى
لندلــف الى نقاش الموضوع بطريقة عميقة تحدد وترســم لاهل هذا المنبــر
طريقا علميا / قانونيا لكيفية الكتابة الالكترونية وقواعدها واصولها
لمـا لهذا المنبــر من شهرة فاقت الافاق واصبحت بوابة للتعرف على السودان
الكترونيــا فهـو ( البوابة الالكترونية للسودان )
Quote: غير أن ذلك لا يحول دون مواصلة النفاش حول الامر كموضوع عام .. حول حماية حقوق الملكية الفكرية ومدى التزامنا بها واحترامنا لها. |
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بدر الدين اسحاق احمد)
|
ود إسحق إزيك :
Quote: حينمــا يأتــى كمال عباس متقمصــا روح الاستاذ للتصحيح للتلميــذ
ادانتــك الخجولــة دى مـا بتشبــه مداخلات ( المتريــة ) فى هذا
المنبــر |
.. إدانة خجولة !! ياراجل? في أكتر من أن تقول أنو معتز غلـطان وعليه الإعتراف بالغلط والإعتذار عنه وتوخي الحذر في المستقبل ? قضيتك حول معتز واضحة ورسالتك وصلت والكرة الان في ملعب معتز وعليه أن يبادر بمعالجةموقفه !! ......
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بشرى محمد حامد الفكي)
|
up الكتبها معتز دي علي وزن أحدٌ أحد واللاّ شنو ؟؟؟ !!!
الملاحظ إنو ولدنا معتز ده فعلاً ما عنده زمن .. من زمان أنا لاحظت إنه دائماَ في مداخلاته بيجي يقول إنه حيجي للنقاش لمن يلقي فرَقة زمن .. يعني يبدأ مداخلة - تكون عبارة عن مقالة ما ملفوحة - ويقول ليك بجيك راجع لمن يلقي فرَقة زمن ويقوم يشُرَّك لغاية الأرشفة .. وفاء بالوعد نَهِِي !!! ..
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: Munir)
|
Quote: سلام الابن منير يعجبني وضوحك الكرمبا يكون ما فضحهم لانهم من المرضي عنهم بس والله انا للان ما رسل لي مسنجر لووووووووول. |
يا دومة كلمة الحق ساعة نرميها بدون أي تجميل وتذويق وسط التضليل والدجل بتسطع براها زي الشمش ..
الشئ المحير أن كمال عباس جاء يستشهد بالكرمبا التقول شايف روسينا دي فيها قنابير ..
(قلنا نستخدم ايقونات الضحك القاعدة زي لمبات الزينة دي "")
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: Munir)
|
ضحكني الموصلي الجاء سايق الديب من ديله .. زول من شفقة الترصد والغبينة مشي حام الانترنت كلها بحثاً عن إدانة لبدرالدين ونقل عدة لنكات وجاء لصقها بتشفي ظاهر، ويجي يقول ليك 'فذهلت' .. و Quote: وعلي فكرة اختياري كان اختيارا عشوائيا بمجرد النظر الى البوستات |
ما هكذا تورد الإبل يا استاذ .. غيرك كان أشطر..
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بشرى محمد حامد الفكي)
|
يا ود كرار ..
انت قاعد تجيب الافتراضات دى من ويــن ؟
لم يخطــئ فقط ( ســرق نـص ادبــى ذو قيمـة ماديــة تستوجــب المســألة القانونية )
الاخلاقيــة دى ما عارف بتركــب معاهو ولا ( لا ) فى الفلسفة التى يتبناها
ماسنجــر داخلـى ليــه ( نحن فى فصــل دراســى بنعلم فى تلاميذ ) زولك ده ما بيقول انو
دكتور ما عارف الفرق بين السرقة وبين الابداع ...
خائـف والله من البحوث الدراسية التى اعدها وتخرج بموجبهـا من الجامعة تكون برضو إستلاف
دون ابلاغ وإشارة ( لان من يسرق مــرة .. يسرق مرات عديدة ) ..
كــدى بالله يا استاذ سؤال :
(( الأخلاق في الإسلام عبارة عن المبادئ والقواعد المنظمة للسلوك الإنساني ، والتي يحددها الوحي لتنظيم حياة الإنسان على نحو يحقق الغاية من وجوده في هذا العالم على الوجه الأكمل والأتم ، )) مصطفى سلـيهم
المصدرhttp://www.ebnmasr.net/forum/t13666.html
عندك / عند تروتسكــى هــى شنــو ؟
Quote: لقد أخطأ صديقي معتز بعدم نسبة النصوص لكاتبيها -بفرض ثبوت هذا - ، وهو خطأ يستوجب منه الاعنذار فورا وبدون اي تأخير، ولا يضيره او ينقص منه شيئا ان يعتذر.
ولكن كان يمكنك ان تقوم بتنبيهه بواسطة ماسنجر داخلي ليقوم بتصحيح الوضع الخاطئ بعيدا عن التشهير وفش الغبينة. هذا بفرض ان الغرض هو الحرص على الاخلاق ومجهودات الاخرين. |
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بشرى محمد حامد الفكي)
|
Quote: لشحدة دي ما تنطبق في الحالة دي لأنو في حالة الشحدة المشحود عندو خيار أن يعطي أو يمنع
وما قاله خالد حتى أكون أكثر دقة استصحب والاستصحاب هنا أقرب الى الاستدانة أي السلف والله أعلم |
أعتقد غير جازم إنو القصة دي غير !! الأخ دا بكون جاتو حالة بتاعت تجلي كدا .. وتواردت خواطره مع المخزنجي ... وزي ماقال الشيخ أبو الريش ( حفظه الله ورعاه ) النص أقرب الي معتز منه الي المخزنجي .. لان المخزنجي مصري ومولود في المنصورة .. ولأ أظنه يعرف شيئاً عن دارفور أو السودان حتي !
ـــــــــــ بالله عليك يابشري أيها أكثر روعة .. خالد العبيد أم الشيخ أبو الريش ؟
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: السيد المسلمي)
|
السيد المسلمي والله وكت جبت سيرة مولانا أبو الريش قدس الله سره لازم علي أواجبك بسرقته الواضحة دة كمان ما بيخجل بيسرق الكلام من كتاب كان مقرر علينا في الثانوي ويقول دي وجهة نظر خاصة بيهو
كلام أبو الريش في الرد علي محمد زكريا
Quote: والكلمات فرقها شنو من اللغه الشعريه الاديتها ميه في ميه؟
دى يا محمد زكريا وجهـة نظر وتفسيـر ربما خاص بى.. يعنى مثلا فى واحد يقول ليك "المزنـة"، وتانى يقول ليك "البعاق" الكلمتين تعنيان السحابة الداكنة التى تشى بمطـر.. ولكن كلمة "مزنـة" وقعهـا على الإذن الطف وأجمل، وفى ناس يسموا بنتهم مزنـة لكن ما أعتقد زول عاقل يسمى بتو بعاق مع انو المعنى شئ واحـد. هنا الشاعر مثلا يستعمل "مسافر عايد" وما بيستعمل "مسـافر راجع" |
ودي من مقدمة كتاب البلاغة الواضحة
QuoteQuote: : مقدِّمةٌ الفصاحةُ - البلاغةُ – الأُسلوبُ
*-تعريفُ الفصاحةِ: الفصاحةُ :الظهورُ والبيانً، تَقُولُ: أفْصح الصُّبْحُ إِذا ظَهَر. والكلامُ الفصيحُ ما كان واضحَ المعنى، سهل اللفظِ، جيِّدَ السَّبك. ولهذا وجبَ أن تكون كلُّ كلمة فيه جاريةً على القياس الصَّرفي ، بينةً في معناها، مفهومةً عَذْبةً سلِسةً. وإِنما تكونُ الكلمة كذلك إِذا كانت مأْلوفَةَ الاستعمال بَين النابهين من الكتاب والشعراءِ، لأنها لم تَتَداولها ألسِنتُهم، ولم تَجْرِ بها أقلامهم، إلا لمكانها من الحُسْن باستكمالها جميع ما تقدم منْ نُعوت الجوْدة وصِفات ِالجمال. والذوقُ السليمُ هو العُمْدةُ في معرفةِ حُسنِ الكلمات وسَلاسَتِها، وتمييز ما فيها من وجوه البشاعة ومظاهر الاستكراه؛ لأنَّ الأَلفاظَ أصواتٌ ، فالذي يطْرَبُ لصوْت البُلبُل، وينْفِر من أصوات البُوم والغِرْبان، ينْبُو سمعُه عن الكلمة إذا كانت غريبةً مُتَنَافِرَةَ الحروف . ألا ترى أن كلمتَي "المُزْنةِ" و "الدِّيمةِ " للسَّحابة المُمْطِرة، كلتاهما سَهلَة عذْبَةٌ يسكنُ إليها السمعُ، بخلاف كلمة "البُعَاقِ" التي في معناهما؛ فإنها قبيحةٌ تَصُكُّ الآذانَ. وأمثال ذلك كثير في مُفْردات اللغة تستطيع أَن تُدْركه بذَوْقكَ.----------------(1) ويشترطُ في فصاحةِ التركيب :- فوْقَ جريان كلماته على القياس الصحيح وسهولتِها -أنْ يسلمَ من ضَعفِ التأْليفِ، وهو خروج ُالكلام عن قواعد اللغة المطردة كرجوع الضميرِ على متأخر لفظاً ورتبةً في قول سيدنا حَسانَ رضي الله عنه : |
وهذا هو الرابط لماذا يهين الفان وردى محبوبته؟
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بشرى محمد حامد الفكي)
|
الحنينــة دومــا ( تسلمى وتجيك العافيــة بيــه كرعينــا )
يكفينى قدومــك .. وصدعك بكلمة حــق فى الموضوع ...
سؤالــى الى الذين كانو يملئون المنبر صراخــا للتضامــن والادانة ( المعيار يا ناس )
Quote: اما عن الموضوع الاولاني والله انا غالبني اقول شئ غير انه يا معتز الكلام دا شين بالحيل وصداقتنا ليك لن تمنعنا من قول الحق ولا خير فينا ان لم نقلها من غير لولوه او تبريرات .وما كان بضير معتز شئ لو ذكر في انه قرا نصا يقول كذا وكذا وبعدها ينقل ما شاء منه او اعجبه مقال فلان الفلاني الاتي او اي شئ لكين لا توجد اشاره البته علي ان الموضوع منقول او لكاتب اخر .
|
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: ابراهيم قناوي)
|
ياوليد ياشفت .. الزول دا مطالب يجي يعتذر للأخ بكري سيد الشي زاااتو علي ماجلبه له من سرقة ومن سمعة قد تلحق بالمنبر هذا .. يعتذر لنا نحن كاأعضاء وقرأ لمنبر سودانيز لما لحقنا منه من إستخفاف وضحك علي العقول .. يعتذر للسادة القرأ والمتابعين لنفس الشي الفوق دا ... يعتذر ةيطلب من بكري سحب البوستات الملطوشة والموجودة حالياً بمكتبة معتز تروتسكي !! فما بني علي باطل فهو باطل .. فوجود هذه البوستات في المكتبة فضيحة وعار في نفس الوقت ! يعتذر لأصحاب النصوص الأصليين وعلي رأسهم الدكتور المخزنجي !
ـــــــ ونواصل ..
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: ابراهيم قناوي)
|
والله غايتو يا معتز الحل المثالي بالنسبة ليك إنك تعصر علي نفسك شوية وتجي تبكي هنا وتتوب توبة نصوحة وترد المظالم إلي أهلها قبل ما الموضوع يتطور ..
لأنو أنا شايف ناس فدياس ديل قالوا ما وراهم حاجة وقاعدين هنا في ضل الدليب ومعاها كشاتين ووست كمان .. وناس ابراهيم قناوي قالوا ليك البوست ده حدو السطر التالت وركبوا ليهو مية عوّامة عشان ما يغطس .. عزام لسه منتظر وما بدأ السلخ .. ده كله ولسه ودالصايم ما جاب العدة وجاب معاه الشلة .. أما ناس عماد موسي لو دخلوا ليك فيها الكتاب والسنة معناتها حيقفلوا ليك باب التوبة ويبقي حقك راح ..
يبقي حكاية أبٌ أب دي ما حتنفع مع المشنقة المنصوبة دي - أقصد المرفوعة -
Quote: وبيجي يعمل UP كمان
ليييه إنت قايل البوست ده بغتس؟؟
والله ده بوست عواماتو مية
من السطر التالت أصلو ما ينزل
خلي يغتس |
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: Munir)
|
Quote: الله يسلمك يا أستاذنا
لكن مكتبتك والله إتنفضت تنفيض شديد
وأنا أتوقع هسة بكون لسة في ناس
ما إتداخلوا لأنو بقوقلوا (من قوقل)
في مكتبتك عشان الواحد يجي طاير فرحان
ويقول ليك والله بصورة مفاجأة كدة
لقيتك إنت ذاتك شنو كدة ما عارف
ومن شدة الفرح ما يشوف أيقونة
(منقول)
وواحدين بتخارجوا طوالي ونوع تاني
بقعد يغالط
وده كلو وسايبين الموضوع الرئيسي
والسرقة الواضحة الفاضحة
على مدى سنوات والهارب
سارقها وبيجي يعمل UP كمان
ليييه إنت قايل البوست ده بغتس؟؟
والله ده بوست عواماتو مية
من السطر التالت أصلو ما ينزل
خلي يغتس
أصلك ما ترفعو بس تعال
إعترف بخطاك وكن شجاعاً
يعني الواحد يكون حرامي وجــبـان؟؟
أها عليك الله يا أستاذ بدر الدين
حكاية كل مرة الواحد يجي بي بوست
من مكتبتك ويقول ليك لطشتو
ويجو الناس يقولوا ليهو في أيقونة منقول
دي ما ياها ذاتا
دخلت نملة و أخذت حبة وخرجت
حريقة تحرق الشلليات
والتعصب الأعمى
والغريب إنو التعصب من المنادين
بالحرية و الإستنارة
وصدق من قال:
عش رجباً ... ترى عجباً |
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: ابراهيم قناوي)
|
Quote: العزيز معتز إحتراماً لينا نحن كناس بنعرفك حاول تقول الحاصل شنو لانو ما أورده بدر الدين واضح ... و بالجد انا شخصياً متحير و مذهول |
وكان بدرالدين عفا عن هذا التغوّل على الحقوق الفكرية (كما أوعز "نادى الفروسية وسباق البغال") ... الحقوق الفكرية يكون مصيرا شنو؟ عفو بدرالدين اسحق؟
.. المهم ...
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: ابراهيم قناوي)
|
الرد ده ليك انت ياقناوي مع الاحترام لشخصك
الاستاذ بدر الدين لك التحية انت رجل محامي ومثقف واستاذ وتعرف معني الاختيار العشوائي علميا Randomly وهذه تحدث في عدة آماكن علمية آم عملية للاختبار وانا قلت اشوف الزول البقوقل ده نظامو كيف فاخذت العينة العشوائية فوجدتك قد انزلت مقالا قلت انه منقول ولم تشر لصاحبه =========== وهذا آفضل كثيرا من وضع تروتسكي الذي نريد منه توضيحا لاننا نحبه ونحترمه لكتاباته المميزة لذا فان هذا الخبر يقع علي محبيه وقع الصاعقة فان كان ٍقد آخطآ فعليه الاعتذار وليس هذا بعيب ونرجو آن نمهله حتى ياتي =========== مسالة آخيره هؤلاء الذين حرقتهم قوقلتي لمقالك فليقوقلو كما يحلو في مكتبتي وهي من ضمن الاكبر في هذا الموقع وها انذا اقوقل لهم هذا المثل من هذا الموقع لقناعتهم بقوقلتك وامتعاضهم لقوقلتي
Arabic term or phrase: حرام على بلابل الدوح حلال على الطير من كل جنس phrase
morgan English translation:something available to all, except those with the basic right to have it Explanation: المصدر http://www.proz.com/kudoz/arabic_to_english/other/27637...%AC%D9%86%D8%B3.html آمر اخير آعترف بخطآي في قوقلة مقالاتك ولنتحدث بلغتكم القانونية مع سبق الاصرار والترصد
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: تبارك شيخ الدين جبريل)
|
الاخ ابو الريـش ... السلام عليكم
ماذا تعرف عــن الموضـوع ادنــاهـ ؟
فســر / اوضح / أبــن ... بــس ( ما تروح ) البركة فى الشباب الحارسين البوســت Re: لماذا يهين الفان وردى محبوبته؟
Quote: السيد المسلمي والله وكت جبت سيرة مولانا أبو الريش قدس الله سره لازم علي أواجبك بسرقته الواضحة دة كمان ما بيخجل بيسرق الكلام من كتاب كان مقرر علينا في الثانوي ويقول دي وجهة نظر خاصة بيهو
كلام أبو الريش في الرد علي محمد زكريا
Quote: والكلمات فرقها شنو من اللغه الشعريه الاديتها ميه في ميه؟
دى يا محمد زكريا وجهـة نظر وتفسيـر ربما خاص بى.. يعنى مثلا فى واحد يقول ليك "المزنـة"، وتانى يقول ليك "البعاق" الكلمتين تعنيان السحابة الداكنة التى تشى بمطـر.. ولكن كلمة "مزنـة" وقعهـا على الإذن الطف وأجمل، وفى ناس يسموا بنتهم مزنـة لكن ما أعتقد زول عاقل يسمى بتو بعاق مع انو المعنى شئ واحـد. هنا الشاعر مثلا يستعمل "مسافر عايد" وما بيستعمل "مسـافر راجع"
ودي من مقدمة كتاب البلاغة الواضحة
Quote Quote: : مقدِّمةٌ الفصاحةُ - البلاغةُ – الأُسلوبُ
*-تعريفُ الفصاحةِ: الفصاحةُ :الظهورُ والبيانً، تَقُولُ: أفْصح الصُّبْحُ إِذا ظَهَر. والكلامُ الفصيحُ ما كان واضحَ المعنى، سهل اللفظِ، جيِّدَ السَّبك. ولهذا وجبَ أن تكون كلُّ كلمة فيه جاريةً على القياس الصَّرفي ، بينةً في معناها، مفهومةً عَذْبةً سلِسةً. وإِنما تكونُ الكلمة كذلك إِذا كانت مأْلوفَةَ الاستعمال بَين النابهين من الكتاب والشعراءِ، لأنها لم تَتَداولها ألسِنتُهم، ولم تَجْرِ بها أقلامهم، إلا لمكانها من الحُسْن باستكمالها جميع ما تقدم منْ نُعوت الجوْدة وصِفات ِالجمال. والذوقُ السليمُ هو العُمْدةُ في معرفةِ حُسنِ الكلمات وسَلاسَتِها، وتمييز ما فيها من وجوه البشاعة ومظاهر الاستكراه؛ لأنَّ الأَلفاظَ أصواتٌ ، فالذي يطْرَبُ لصوْت البُلبُل، وينْفِر من أصوات البُوم والغِرْبان، ينْبُو سمعُه عن الكلمة إذا كانت غريبةً مُتَنَافِرَةَ الحروف . ألا ترى أن كلمتَي "المُزْنةِ" و "الدِّيمةِ " للسَّحابة المُمْطِرة، كلتاهما سَهلَة عذْبَةٌ يسكنُ إليها السمعُ، بخلاف كلمة "البُعَاقِ" التي في معناهما؛ فإنها قبيحةٌ تَصُكُّ الآذانَ. وأمثال ذلك كثير في مُفْردات اللغة تستطيع أَن تُدْركه بذَوْقكَ.----------------(1) ويشترطُ في فصاحةِ التركيب :- فوْقَ جريان كلماته على القياس الصحيح وسهولتِها -أنْ يسلمَ من ضَعفِ التأْليفِ، وهو خروج ُالكلام عن قواعد اللغة المطردة كرجوع الضميرِ على متأخر لفظاً ورتبةً في قول سيدنا حَسانَ رضي الله عنه :
|
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: عزام حسن فرح)
|
Quote: الرد ده ليك انت ياقناوي مع الاحترام لشخصك
الاستاذ بدر الدين لك التحية انت رجل محامي ومثقف واستاذ وتعرف معني الاختيار العشوائي علميا Randomly وهذه تحدث في عدة آماكن علمية آم عملية للاختبار وانا قلت اشوف الزول البقوقل ده نظامو كيف فاخذت العينة العشوائية فوجدتك قد انزلت مقالا قلت انه منقول ولم تشر لصاحبه =========== وهذا آفضل كثيرا من وضع تروتسكي الذي نريد منه توضيحا لاننا نحبه ونحترمه لكتاباته المميزة لذا فان هذا الخبر يقع علي محبيه وقع الصاعقة فان كان ٍقد آخطآ فعليه الاعتذار وليس هذا بعيب ونرجو آن نمهله حتى ياتي =========== مسالة آخيره هؤلاء الذين حرقتهم قوقلتي لمقالك فليقوقلو كما يحلو في مكتبتي وهي من ضمن الاكبر في هذا الموقع وها انذا اقوقل لهم هذا المثل من هذا الموقع لقناعتهم بقوقلتك وامتعاضهم لقوقلتي
|
شكرا لك أستاذنا الكريم الموصلي
وردك وضع الأمر في نصابه
بالنسبة لي فلك الود والإحترام
على تكبدك عناء الرد على شخصي الضعيف
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: ابراهيم قناوي)
|
Quote: لكن مكتبتك والله إتنفضت تنفيض شديد
وأنا أتوقع هسة بكون لسة في ناس
ما إتداخلوا لأنو بقوقلوا (من قوقل)
في مكتبتك |
ودي بالغت فيها والله.. قلت لي الناس نفضت مكتبة بدرالدين نفيض شديد؟؟االعالم شغالة جوة وبرة تقوقل ساي !!!
ونحن مكتباتنا البايرة ديك ما لاقية الينفضها .. بني فيها العنكبوت عديل .. غايتو زي ما قالو رزقاً تكوسلو ورزقاً يكوسك ..
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: ابراهيم قناوي)
|
الف شكر ليك يا ابراهيم ونحن هنا جميعا للتحاور والتشاور ونتمنى في نهاية الامر آن نصل الى اتفاق مكتوب وغير مكتوب بالاشارة دوما للمصادر واصحابها قد يكره البعض هذا الحوار الساخن ولكن صدق الله العظيم في قرانه الكريم حينما قال وعسى أن تكرهوا شيئاً وهو خيرٌ لكم وعسى أن تحبوا شيئاً وهو شرٌ لكم ==== مرة اخرى لكم الشكر لتفهمكم الكريم
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: عزام حسن فرح)
|
عبرت عنــى تماما يا ابو السيــد ...
+
عندى حاجات اخــرى ..
Quote: ياوليد ياشفت .. الزول دا مطالب يجي يعتذر للأخ بكري سيد الشي زاااتو علي ماجلبه له من سرقة ومن سمعة قد تلحق بالمنبر هذا .. يعتذر لنا نحن كاأعضاء وقرأ لمنبر سودانيز لما لحقنا منه من إستخفاف وضحك علي العقول .. يعتذر للسادة القرأ والمتابعين لنفس الشي الفوق دا ... يعتذر ةيطلب من بكري سحب البوستات الملطوشة والموجودة حالياً بمكتبة معتز تروتسكي !! فما بني علي باطل فهو باطل .. فوجود هذه البوستات في المكتبة فضيحة وعار في نفس الوقت ! يعتذر لأصحاب النصوص الأصليين وعلي رأسهم الدكتور المخزنجي !
|
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: بدر الدين اسحاق احمد)
|
Quote: تكررت السرقات الادبيــة فى المنبر ...
لماذا ؟
هل لرفــض فكرة الملكية الفكرية ؟
هل لعدم الايمان بالاخلاق كقيــم حاكمــة ومنظمة لعلاقات الناس ؟
ام لان السلوك غير موصول بفكرة ( الحلال والحرام ) التى هــى اس الاديــان ..
|
الأخ بدر الدّين الأخ معتز والأخوات والأخوة زوّار البوست تحيّة طيّبة
أتداخل هنا لأنّ أمر السّرقات الأدبيّة أمر جلل حقّاً ويكتوي منه الكثير من النّاس هذا بعيداً عن شخصنة الأمر أو إتّهام أو تبرئة معتز أو غيره وإنّما جذبني موضوع البوست في نفسه وتساؤلات الأخ صاحب البوست أي التّساؤلات التي طرحها الأخ بدر الدّين باللون الأحمر حقيقةً نحتاج لإيجاد إحابات لهذه التّساؤلات والتي كنت قد طرحتها بشكل آخر فيما سبق في هذا الخيط :- (( قابض لي مجموعة من المرتزقة ))
أملي أن نتوصّل لحلول لهذه القضيّة ولرد على هذه التّساؤلات
تحاياي ووُدّي وتقديري للجّميع
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: لؤى)
|
Quote: الساعة واحدة بالليل وبكرة شغالين
لكن الضحك منعنا النوم دة كلام دة لكن |
يا بشري إنت في الساعة واحدة بس؟ في ناس ناموا اربعة صباحاً .. التقول الواحد فارش ليهو ليمون داير يبيعه في سوق المواسير ..
وبدرالدين ده ياخي عدينا ليهو لغاية عشرة وصفّرنا النهاية لكنه ما داير يفك الكربون .. والخصم مترنح لكين لسه شايفه فيهو روح وشغال: أبٌ أب ..
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: Munir)
|
Quote: إتْ عارِف يا منير يا خوي ... الغلتان في ها الفِجه بشوفو بِركِز فوق قبيلتو وصاحبو ... والبِسانِد غلت بِخلي الكُبُرْ بعد الغلت يِطُبْقو يِصاحبو ... وأخير وِكْتين ساها يُمْرُق لِلطُام ويسمع رزيمًا صاح بـو |
عزام .. قال ليك المناضل الناس تعلي مقامو.. وحتي ان كان كضب يتصنتولو كلامو .. أما ان بقي كويز تتعوج القدامو .. وتتواتاه الكديسي محل يودي حمامو ..
بتصرف
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: تبارك شيخ الدين جبريل)
|
اهل القانون / المبدعين ...
هذا هــو المصنــف الذى ذهب كثير من الاخوان الى عدم اعتبار التقول عليه سرقــة ...
فالقانون اوضح ( شكل / فكرة العمل الابداعى ...)
والمشرع حدد بنود القانون / العقوبات ( فكيف يعاقــب شخص على شى لا يعتبر جريمة )
Quote: وأما جزئية القانون السوداني فبين يدي كتاب بعنوان : (الحماية القانونية لحق المؤلف والحقوق المجاورة والعلامات التجارية في القانون السوداني) إعداد : سوسن سعيد شندي ، قاضي محكمة الاستئناف بالخرطوم ، الناشر مكتبة الشريف الأكاديمية الطبعة الأولى 2006م. وقد اقتنيته قبل عدة أشهر من معرض الرياض الدولي .
فإجابة لطلبك وللفائدة ألخص لكم منه بعض الجزئيات المتعلقة بالملكية الفكرية وعقوبة السرقات المتعلقة بها.
* جاء تقسيم قانون المعاملات المدنية لسنة 1984م للحقوق ثلاثة أنواع (مادة 30): 1/ حقوق شخصية 2/ حقوق عينية 3/ حقوق معنوية : وهي التي ترد على شيء غير مالي ، ويتبع في شأن حقوق المؤلف والمخترع ، وسائر الحقوق المعنوية الأخرى.
*جاء في الكتاب تعريف الملكية الفكرية أو الإنتاج الفكري بأنه هو كل ما ينتجه العقل البشري ذلك العقل الذي ميز به الله سبحانه وتعالى الإنسان من باقي المخلوقات.
*حماية الإنتاج الفكري هو حق من حقوق الإنسان نصت عليه المادة 27/2 من الإعلان العالمي لحقوق الإنسان. والتي نصت على : "لكل فرد الحق في حماية المصالح الأدبية والمادية المترتبة على إنتاجه الفكري".
* للملكية الفكرية سند في دستور السودان لسنة 1984م حيث نصت المادة (28) منه على الآتي : "لكل شخص حقه في الكسب من المال والفكر وله خصوصية التملك لما كسب ولا تجوز المصادرة لكسبه من رزق أو مال أو أرض أو اختراع أو إنتاج علمي أو عملي أو أدبي أو فني إلا بقانون يكفله ضريبة الإسهام للحاجات العامة أو للصالح العام مقابل تعويض عادل".
*تدار الحقوق بواسطة جهتين أنيط بهما إدارة حقوق الملكية الفكرية وهما : 1/مكتب المصنفات الأدبية والفنية ، وهو يختص بالإشراف على تنفيذ قانون حق المؤلف والحقوق المجاورة وفقاً لأحكام قانون المصنفات الأدبية والفنية لسنة 2000م. 2/مسجل عام الملكية الفردية وهو مكتب تابع لوزارة العدل يهتم بتسجيل العلامات التجارية والتسجيل الدولي للعلامات ، وتسجيل براءات الاختراع.
*انضم السودان لاتفاقية باريس فيما يتعلق ببراءات الاختراع لسنة 1984م ، وانضم لاتفاقية التعاون الدولي بشأن البراءات لسنة 1984م ، وانضم لمعاهدة قانون البراءات سنة 2000م ، كما انضم إلى اتفاقية برن لحماية المصنفات الأدبية سنة 2000م.
*عرَّف القانون المؤلف بأنه : أي شخص طبيعي ابتكر المصنف والذي تم نشر المصنف تحت اسمه منسوباً إليه بأي طريقة من الطرق المتبعة في نسبة المصنفات لمؤلفيها أو بطريقة يتم اختراعها في المستقبل .
*المصنفات التي تشملها الحماية : نصَّت عليها المادة (5) من القانون ونصَّت على الآتي : على أن تطبق الحماية بموجب أحكام هذا القانون دون التقيد بأي شكليات مقررة لحماية أي مصنف مبتكر أصيل في مجال في الآداب والعلوم والفنون أياً كانت طريقة التعبير فيه أو في قيمته أو غرضه.
وبالتالي فإن شروط حماية المصنف هي أربعة شروط :
1/ الشرط الأول : أن يكون المصنف مبتكراً وهو أصيل (بمعنى أن القانون لا يحمي أي عمل وإنما يحمي كل عمل يظهر فيه دور المؤلف الإبداعي .. تظهر فيه لمسات المؤلف وتبرز شخصيته من خلال هذا العمل ، ولا يكون المؤلف مجرد نسخة قام بنسخها من مصنف آخر. فالقانون اشترط الابتكار ولم يشترط الجدة ، والقانون يحمي الأعمال المبتكرة بغض النظر عن جدتها أو قيمتها أو غرضها. (ففي الكتب يتم تحديد الابتكار بتقدير كيفية توجه هذا الفكر وترابطه ، ومن صياغة وتركيب العبارات وترتيب الأفكار ومدى إبراز شخصية المؤلف في العمل).
2/ الشرط الثاني : أن يكون في مجال الآداب والعلوم والفنون (المصنفات المكتوبة كالكتب والمجلات والنشرات والمقالات ونحو ذلك).وهناك مصنفات لا تشملها الحماية نصَّ عليها القانون وبيَّن أنها غير محمية كما في المادة (6) وهي : (المصنفات التي آلت إلى الملك العام ، الوثائق الرسمية ، ما ينشر في الصحف اليومية والمجلات والنشرات الدورية والإذاعة والتلفزيون من الأخبار اليومية أو الحوادث ذات الصيغة الخبرية ، وشعارات الدول) .
3/الشرط الثالث: دون التقيد بأي شكليات ، فقد قرر القانون حماية هذه المصنفات دون أي إشكاليات كما كان في القانون السابق الذي كان يشترط لاكتساب الحماية أن يتم إيداع المصنف لدى مسجل المصنفات ، وهذا القانون أعطى الحماية دون التقيد بأي شكليات خاصة بالتسجيل أو الإيداع لعدد من النسخ أو سداد الرسوم. 4/ الشرط الرابع: أيَّاً كانت طريقة التعبير فيه أو غرضه ، فإن القانون لم يشترط شكلاً محدداً للمصنف وإنما يكفي أن تخرج الفكرة في شكل محسوس أيّاً كانت وسيلة التعبير عنها بالكتابة أو شفاهة كما في المحاضرات والمواعظ والخطب ، وقد يكون التعبير بالتدوين أو الرسم أو صنع برنامج حاسوبي. ولا عبرة بقيمة العمل المهم أن يكون المصنف له شكل محسوس وأيّاً كان الغرض منه (ديني ، تعليمي ، تثقيفي ، ترفيهي ...الخ).[/QUOTE]
| |
|
|
|
|
|
|
Re: السرقات الادبية فى المنبر ( تروتسكى ) نموذجــاً !!! (Re: لؤى)
|
يا منيــر ....
يا ود الصائم ....
يا اهــل التقانــة والحواسيب ...
افتونـى فى هذا الامــر ...
ترددت كلمات كثير من المتداخلين حول بحثهم فى مكتبتــى .. فرجعت اليها تفقدا فهالنى
الرقــم الموجود فى فقرة ( مشاركـة )فوجدته (2411) فاحببت ان افهم ماذا
تعنــى تلك الكلمة ؟ وهــل هذه مشاركات لزوار مكتبتــى او الباحثين عن الذهـب ليس عمدا
...
مع الاخذ فى الاعتبار ان جملة مشاركاتى فى المنبــر بلغــت (6595 )
________________________________________________
مكتبة بدر الدين اسحاق احمد(بدر الدين اسحاق احمد) صفحة ارشيفية للمواضيع التى كتبها بدر الدين اسحاق احمد منذ أنضمامه (بإدارة بكرى ابوبكر) 2411 مشاركة 85 موضوع آخر مشاركة 09-05-2010, 11:29 ص بواسطة بدر الدين اسحاق احمد
____________________________________________
بدر الدين اسحاق احمد
تاريخ التسجيل: 29-03-2008 مجموع المشاركات: 6595
__________________________________________
الكلام يا دوب اصبــح ( حفريات ) (التنقيب ) ( ماشــى فلنبحــث جميعا وليتفقد كل منكم مكتبتــه )
| |
|
|
|
|
|
|
|
| |