إعفاء القطريين من تأشيرة دخول السودان """"

Quote: في المقابل هل سوف تقوم قطر بالمعاملة بالمثل وإلغاء تأشيرة الدخول لحملة جواز السفر السوداني – الواقع طبعاً لا – طيب ليه نحن عملنا كده ، ببساطة لأنه الدولة دي وقفت معانا كتير ، شئ وديعة وشئ إستضافة مفاوضات ورعايتها في مسألة الصراع المسلح ، طيب الشعب إستفاد شنو من الوديعة والمفاوضات ، الوديعة دي أنسوا موضوعها ، وخلونا في المفاوضات ووقف الحرب ، الحرب لم تتوقف ولن تتوقف مع بقيت أسبابها ماثلة ، النظام يصافح باليمني ويطعن بالأخرى ، سياسة قائمة على نقض العهود والمواثيق ، ناس كان الواحد قال عليك السلام عليكم العادية دي تحسب ألف حساب قبل ما ترد كل أشياءهم مغلومة ما في كلام بمشي عديل كده ، أى جملة فيها شرك وأى عبارة تحتمل أكثر من معنى. يبقى نحن الشعب السوداني لا ولن ولم نستفيد من قطر في شئ ، والمستفيد الحقيقي هو النظام ، يعني علاقة نظام بنظام لا شعب ولا يحزنون. ويبقى اللاعبون في الساحة السياسة يمارسون ألعاباً قذرة حد التقيؤ. وأهلاً وسهلاً بالأخوة القطريين في الدشيناب