نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: صنع خصيصاً لتلائم أجواء السودان ..!! (Re: أيمن محمود)
|
ناذر تحياتي
قال شاعر حلمنتيش لمحبوبته في رائعته الشهيرة (عايز أكون) أو (أبقى وتبقي) ما عارف
أبقى جاركم
درجة واحدة من حرارة نص نهاركم
ويبدو أن شاعرنا الفحل لم يكن يتصور أن تفوق درجة حرارة شمس الخرطوم هذه الأيام حرارة قلوب أهلها ، وفي شدة الحر هذه مررت بكاركتير يقول فيه واحد مطلع لسانو مترين لبائع تلج ما عندك تلج أبرد من دا.
نحن في أمورنا كلها البضاعة المباعة لا ترد ولا تستبدل ، ونحن أحد أهم الدول المؤسسة لجهاز تطفيش حماية المستهلك ، ونحن من الدول التي تبيعك الوهم عادي وأمام كل المسئولين ، كدي يوم كده يكون مزاجك تمام أو نص كم حتى أقيف في ميدان أبو جنزير وأدي عنقرتك لي مكاتب الخطوط السعودية ويمم وجهك شطر الشرق تشوف العجب عربات مفتحه ضهرياتا ومكرفون واحد يذيع ويتكلم عن علاج البهاق ووجع الركب وتكبير وتصغير وتهليل وتفتيح ووجع العيون وضعف النظر والعجز في الشأن كله والشعر الغجري المجنون وعندهم جمهور كبير لشراء الوهم وإنت وبختك.
عن عبارة صنع خصيصاً للسودان فهناك إحتمالات ، يكونوا مثلاً قاصدين لبنان وتشابه عليهم الجكس أو يكون ما متوقعين أصلاً أن درجة الحرارة تصل إلى ما وصلت إليه حتى لو كان خرم الأوزون قصاد ديوم بحري أو شارع العدني في البقعة أو سنتر الكلاكلات. وهي قطعاً مفاجأة لأن حياتنا كلها مفاجأت فقد سبق أن قال وزير الشنو كده ما عارف بعد أن طفحت العاصمة وأصبحت تماثل الأمازون في الطين والضفادع ، قال بلا خجله أن الخريف فاجأنا ... وكان الخريف ما كان له أن يأتي أصلاً.
إرشادات طبية:
عليكم بشرب الماء "الموية حبيبتي الموية" وألزموا الضل ، وما تطلعوا في الشمش إلا للضرورة القصوى وإن كان لابد من ذلك شوفوا ليكم شمشية تدرقوا بيها من الشمس وبالعدم قطعة كرتونة وألبسوا النضارات الشمسية لكين أختو النضارات أمات جنيه وجنيهين لأنها ضربت الشمش فيها بهذه القوة والتركيز بتضرب ليك العدسة وتخليها معتمه. وكتروا من البطيخ المو موسيخ وقبل كل هذا أسألوا الله السلامة.
===
ولو قدرنا إشترينا بلد تلائم مثل هذه الأجهزة بيكون حلينا المشكلة من جذورها ، بس شوف لينا حته فيها هوا والشمس لا تتعامد فيها مرتتين في السنة
|
|
  
|
|
|
|
|
| العنوان |
الكاتب |
Date |
 صنع خصيصاً لتلائم أجواء السودان ..!! | ناذر محمد الخليفة | 04-23-14, 08:49 PM |
| Re: صنع خصيصاً لتلائم أجواء السودان ..!! | nour tawir | 04-23-14, 10:10 PM |
| Re: صنع خصيصاً لتلائم أجواء السودان ..!! | ناذر محمد الخليفة | 04-24-14, 10:46 AM |
| Re: صنع خصيصاً لتلائم أجواء السودان ..!! | أيمن محمود | 04-24-14, 11:03 AM |
| Re: صنع خصيصاً لتلائم أجواء السودان ..!! | almulaomar | 04-24-14, 12:12 PM |
| Re: صنع خصيصاً لتلائم أجواء السودان ..!! | محمد المسلمي | 04-24-14, 12:21 PM |
| Re: صنع خصيصاً لتلائم أجواء السودان ..!! | ناذر محمد الخليفة | 04-24-14, 03:23 PM |
| Re: صنع خصيصاً لتلائم أجواء السودان ..!! | ناذر محمد الخليفة | 04-24-14, 04:04 PM |
 Re: صنع خصيصاً لتلائم أجواء السودان ..!! | جعفر حسين | 04-24-14, 04:19 PM |
| Re: صنع خصيصاً لتلائم أجواء السودان ..!! | سيف اليزل سعد عمر | 04-24-14, 04:44 PM |
| Re: صنع خصيصاً لتلائم أجواء السودان ..!! | ناذر محمد الخليفة | 04-24-14, 05:29 PM |
| Re: صنع خصيصاً لتلائم أجواء السودان ..!! | ناذر محمد الخليفة | 04-24-14, 05:37 PM |
| Re: صنع خصيصاً لتلائم أجواء السودان ..!! | ناذر محمد الخليفة | 04-24-14, 05:40 PM |
|
| |
almulaomar
فيس بوك
تويتر
انستقرام
يوتيوب
بنتيريست