|
كتب الكاتب الفاتح جبرا المتوفرة بمعرض الدوحة
|
|
 Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: د.ماجدة ميرغني)
|
.
معاوية الظريف وضيوفو الأظرف سلام
مره جايين من غرب الإستوائية ماشين جوبا ، يا زول ضربتنا مطره
معاها زيفه ، راكبين لاندروفر بمشمع لم يحمينا من البلل ، وقدام في
عايله مع السواق ، يا زول وصلنا حِته إسمها سلطان جامبو ، وعديل
على بيت السلطان ، باقي راجل كريم بلحيل ، يازول ونحن نرجف من
البرِد ، جابو لينا عصيده حااااااره ، ومعاها مُلاح طااااااعِم ، يا زول
واحِد من الأخوان أبا ياكُل ، يا زول مالك قال بطني واجعاني .. وصلنا
جوبا اليوم التاني قال لينا عارفين الملاح الأكلتو امبارح دا مُلاح شِنو؟
قُلنا ليهو كمان شرموط الصيد بيغبانا .... قال لينا علي اليمين الشي ملاح
قِرِد ، وأنا سألت ود السُلطان كلمني وإتغاتت عليكم .
حاولنا نطلِّع الأكلناهو امبارح لكن أصبح في مخرج تاني.
كامِل المحبه
| |
 
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: د.ماجدة ميرغني)
|
كرهتي في الدنيا دي ملاح { القرع }
مرة مشيت لأهلنا في اهل العوض
وهم اهل عوض بحق وحقيقة
كان الحلة فيها بكاء واحد من قرايبنا
يشهد الله الملحات كلها { قرع }
وكمان شنو الواحد يحلف عليك ويقول ليك حرم كان تضوق ملاحي
اها انا منذ ذللك اليوم اصبحت لدي فوبيا من القرع
لأنه يذكرني بالبكاء !!!
حاجة تانية اسمها { أم شعيفة }
ملاح فيهو ويكة بسيطة جدا وبدون لحمة وبدون بصل وبدون صلصة
برضو على قول أخوكم توفيق عيسى مكة مشينا لجماعة من اهلنا في الضهاري
اجمل ديوان نزلنا فيهو ماكان فيهو الا باب واحد 00 طين أخدر طبعا
عمك جاب ام شعيفة في صحن قدر يوم القيامة
والظاهر في ذلك اليوم كانوا قاشرين بالكسرة الرهيفة
الويكة حاتلة في نهاية الصحن
ومن فوق تشوف الموية
والمدهش صورة السقف كلها كانت جوة الصحن
عمك لمن شاف الويكة حاتلة
والمرق والحطب ظاهر بانعكاس غريب على الصحن
قام طوالي { بل } اصبعه في خشمه وسااااااااااااااااااااااااااااااااااط الويكة
بعد شوية قال اتفضلوا
عليك أمان الله اكلنا بعد عرقنا
ماعارفين ذاتوا نكون أكلنا لينا ويكة أم اكلنا سقف وحطب ؟؟؟
انا هنا بالسعودية اشتاق كثيرا للعصيدة مع خلطة الزبادي
يعني زبادي + دكوة + توم + طماطم + بهارات شطة وشمار وفلفل
تخلط المكونات دي مع بعض
ومن ثم تصبها على العصيدة
وتأكلها وهي ساخنة
زارنا ضيف قبل فترة من سكان العمارات الخرطوم
وللأسف كان هذا هو عشاؤنا
ولاتوجد اي طريقة اخرى لتغيير العشاء
اقسم بالله صاحبكم اكل بشراهة عجيبة جدا لدرجة انه شرب موية اكتر من خمس مرات
والشطة عملت فيهو عمايل
والعرق سايل يمين وشمال رغم التكييف
بعد شوية زولكم ملص القميص وقغد بالفنيلة 00 قال ضهاري قال
الراجل طلع مبسوط
وقال ياسلالالالالالالالالالالالالالالالالالالالام والله اول مرة آآآآآآآآآآكل ملاح زي دي
لكن دا اسمو ملاح شنو ؟؟؟
الجماعة كل واحد قاعد يعاين في التاني
اخيرا انقذت الموقف وقلت ليهو دا ملاح فاصوليا بالباشميلا ؟؟
قال العمارات قال !!!
| |
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: ابوحراز)
|
ملاح الفاصوليا المفروكة
أبيخ حاجة فيه إنو لو تقلت فيه
بنفخك يخليك أنبوبة غاز
يعني لازم تأكل وتخلي التلتين التانيات فاضيات
تلت الشراب ذاتو تخليهو احتياطي
مرة في واحد من جيهاتنا ديك عندو سماية
قال الليلة أنا لازم أثبت للناس ديل إني مثقف وشغال أفندي في السكة حديد
قال لي النسوان السماية دي تسونها فيصوليا
بس كدي
ولم يحدد لهن: تبخ ولا فرك
اتوكلن على الله وفركنها
وهن أصلاً ما بعرفن غير الفرك
المهم زولك جاهن زعلان: الفيصوليا بفركوها ؟؟؟ الفيصوليا بسووها عيموطة، الله لا ثقفكن، الله لا علمكن
فجرت مثلاً
تحياتي
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: الصادق عز الدين)
|
بوست لذيذ زي صاحبو ..
انا كان عندي مشكلة مع ملاح الرجلة كنتا ما بحبو وما بقرب منو ..
يوم المرحومة امي جابت صينية وختت الكسرة ورشت الملاح فوق الكسرة ..
وشوية كدة عجنت الكسرة والملاح ورشت شوية ملح وشطة ..
تصدق من اليوم داك بقيت من عشاق الرجلة ..
يا زول انا من اي طبيخ سوداني بعشو ..
مرتي بتقول لي انتا مرفعين "ما شاء الله " .. ههههههههه
الخروف دا انحنا يطلعو منو الجلد وكلمة بااااع بس ..
لكن ما بحب أكل المناسبات وخاصة لما يكون صواني ما كوكتيل ..
تلقى السلطة البيضاء البيعملوها بالعيش والدكوة ديك حاجة تطم البطن بس ..
والأكل كلو زيت حتى المكرونة مليانة زيت التقول الزيت مجاني ..
خارج النص شوية ..
مرة كنا في سماية بت عمتي في الكلاكلة ..
واخوك جاي مغترب من السعودية وقتها ولابس جلابية بيضا مكوية زي ما بيقولو ..
التوصية كانت علي خاصة وانو الجماعة خاتين عينهم على المغترب الشاقي الدرب دا ..
المهم جلسنا في الصينية انا واخوي الأصغر وعمي سمير "تمتام شوية" وشابين من شباب الحلة "ما بعرفهم" ..
واحد من الشباب كان قصادي قعد ينجم ليك في الضلعة لمن بقت صلعة وعمي ساااااكت يعاين ليهو ..
الجماعة زي ما قلتا ليك موصين علي قامو جابو لينا ضلعة تانية ..
صاحبك دا المرة دي انتقم من الضلعة زي التقول بينو وبينا تار ..
عمي بي تمتمتو ديك قال ليهو "اللللللكلس " قصدو الكلس ..
والله فقعناها ضحكة لمن الواحد قرب يشرق بالأكل ..
مشكور يا حبيب ..
| |
|
|
|
|
|
|
|
|
 Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: حمد عبد الغفار عمر)
|
Quote:
والله يامعاوية ملحاتك ديل سمحات تب،،،ملاح الرز ده اليل ناس مهمين،،،
علا مسؤل من الخير،،اكلت ام شعيفة،،ام كنين،،الويكاب،،ام رضمة،،الكول،،،
خليهن يامعاوية الملحات،،والله لي الليلي دي احن واتمطق طعم الكسرة بي
قرن شطه والعجب فوقا بنضورة،،،امنت بالله،،،ياخي اكل زمان كلو حلو.... |
| Quote: ام شعيفة،،ام كنين،،،،ام رضمة، |
غايتو يا قريبي اللُمات ديل كولهن ما عرفتهن، لكن بيكونن داخلآت
في عيد الأُم. باقي كلآمك زي السوشي الياباني، لكن الكسرة بقرن
الشطة والبنضورة، الله اكبر عليها...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
Quote:
لك التحيه ياود المدير
ملاح السلج كيف معاك؟؟؟
ملاح الورق؟؟؟ |
حياك الغمام يا ود كردفان.
عارف، مرّة في مشياتي السودان سويت لي سماية لولداتي بعد كبرو،
وناس الحِلة قالوا لي فضحتنا، قول كرامة ساكت. المهم، يا زول
ضربنا لحوم جد، قام جا صديق قريباً لينا زول جزيرة جايبلوا ملآح
ورق. قال لي يا معاوية تعال جاي الورق دا اللِيّل جزيرة. أنا قلت
اختِّر مع الزول ساكت، عليك امان الله يا ملهم أكلت لآمن قربّت
ادرشو بي نخري...
| |
|
|
|
|
|
|
|
|
 Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: Hassan Makkawi)
|
Quote:
القرع يا معاويه أنقرع منو إلا تسو كتلوج ملهم والأسود البراطيش داك
لا حول ياخ إنت جيت مكوفر والله حكايتك شنو زى مواليد سنة سته مزلوع
ياخ بسأل منك قريبك عماد عيدروس وهو معاك فى البلد كوسو أها غرقلنا
فى التمر الأزرق الغلاد وقوى أوعك تقول قلعو منى فى المطار ولك وللأهل السلام |
غايتو يا منصور أنا إتلومت معاكم لوم السِيّح والريح يا قول حبوبتي.
تصدق أنا وصلت من السودان وجيت قعدت لي تلآتة يوم في بلدكم،
لكن فرق الزمن لا خلآني أعرف صرفاً لا عدلاً.
يا المنصور ملآح القرع دا ما ينفع غير شطبنا، وشطبنا دي ملآح
القرع لآمن تعجن فيهو الكسرة وتديهو شطة وليمون وتقطع لك
فوقوا بصلآت وحبة بنضورة. ديني يا أنا يا اخ...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
ود المدير سلام ...
انا كتبت في بوست مجاور اسمو
نشيـــــد لِجامِعَة الخُرطـــــــومْ ... إدريس محمد جمّاع
http://www.sudaneseonline.com/board/460/msg/1395725413.html
اتضح انو بوست ما وقتو ابداً ...
ولك الوعد اقرا تفاصيل البوست ( الشهي ) دي و ما اكتب الا في الكمونيه ..
_____________________________________________________
فقمت كاتب ما يلي ...
حقو الواحد يطلب من بكري حذف البوست ده
عشان ما نقلقل الجامعه اكتر مما هي مقلقله ...
الناس مشغوله بالعنصريه ... و القيل .. و القال ...
انا بقفل البوست و امشي لي صاحبي ود المدير اشوف اخبار ( الِملحات ) ...
فو الله بوسته خير من عشرات البوستات ( الفالصو ) اليومين ديل ...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
اول ما جات الانقاذ دى .. كانت كل محافظة بتعمل مؤتمرها وفى الختام بجى البشير بفتتح ليهو بعض المنشآت ولا البويه الجديده ولا الحاجات دى
اها .. جماعه من الاهل مشوا مناسبه ... الهلاليه
الغداء سفرة مليانه .. وصحن القرع الماهل متوسط الصينية
اها الشباب ياكلو بى جاى وبى جاى ما فى واحد داير يمد يدو على القرع
واحد قبل على التانى وقال ليهو ياخى ما تفتتح القرع ده
قال ليهو ياخوى ده البشير ان جابوه ما بفتتحو ......
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
Quote: يازول ونحن نرجف من
البرِد ، جابو لينا عصيده حااااااره ، ومعاها مُلاح طااااااعِم ، يا زول
واحِد من الأخوان أبا ياكُل ، يا زول مالك قال بطني واجعاني .. وصلنا
جوبا اليوم التاني قال لينا عارفين الملاح الأكلتو امبارح دا مُلاح شِنو؟
قُلنا ليهو كمان شرموط الصيد بيغبانا .... قال لينا علي اليمين الشي ملاح
قِرِد ، وأنا سألت ود السُلطان كلمني وإتغاتت عليكم .
حاولنا نطلِّع الأكلناهو امبارح لكن أصبح في مخرج تاني. |
ههههههههههههههههههه،
سلآمات يا محمد فضل الله.
يا اخي طاااااااعم دي بوظت أعصابي عديل كدا، قلت لي تبلعوا
سااااكت ما جايبين خبر آآ،آ ؟؟؟، الجوع ما كافر يا محمد.
غايتو ملآح شرموط القرد يضاف للقائمة (أ).
يا أخوي قلت عائلة!!!، نعال الشفع السغار ما دفسوا معاكم في
الشي دا ؟؟؟.
كامل مودتي...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: cantona_1)
|
يبدو أن كل المتداخلين ما فيهم زول من نواحينا.
هنالك ملاح اسمه أُم بُلُط.. ألمي والضّرّابة. لا زيت ولا بصل. بس موية وويكة وملح وشطة. وتاكلوا مع عصيدة فطيرة.
لكن أهلنا قالوا: (حلاة الأكل جيعان .. حلاة اللبس عريان .. حلاة النعال حفيان).
علي اليمين ملاح أُم بُلُط دا في المشروع شهر أغسطس في أم طرقاً عُراض ألذّ من ال KFC بس تكون ضارباك زيفة والسحاب شايل والهبوب هابة.
تحياتي
كبـّاشي الصـّـافي
.
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: Balla Musa)
|
عندنا يا معاوية صاحب زمان جاب عمو زيارة لنيويورك
في مطعم من مطاعم الحي الصيني طلبلو FRIED CHICKEN قالو ده شنو يا ولدي .
قالو ده جداد .
قالو يا ولد أمرقني من هنا هسع تي .
والله يا معاوية الاكل الصيني أحسن منو ملاح التمليكة بدون بصل .
بس بيني وبينك ملاح الرز أحسن منو تيت جعان وأنت مقطوع في وأدي العوتيب .
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: امجد الجميعابى)
|
التختوخ يا معاويه هذا ملاح لا تشبع منه أبداً بس مداغاتك بفترن طب
والله ما تتردد تقولهم الباقى كبو لى فوق راسى دا وقطع شك بتكون فى
الباوقه أكلتو وعثمان موسى يوم التخوخ عندهم دا خريف أبو السعن وأبو حراز
الشرفان والله يضوقو أكان يبقى زى فضل الله الجدى أكل يوم الرحمتات
وشابك الناس عيدكم سبت عيدكم سبت لامن إنشقا العيد ما حضرو هذا الملاح من
تمرق من أمدرمان لى الدبه شمالا الناس بتسويهو وهو من التمليكه أو لسان الطير
وهو كما الخدره والثلج والورق لكن دا براهو بيعملو فيه الدكوه يا قادر ناس
كردفان ودارفور بيعرفوه برضو ختير وبعزمو ليهو الناس الكبار وذلك يوم التراث العالمى
| |
|
|
|
|
|
|
|
|
 Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: حاتم محمد حاج المهدي)
|
Quote: Anas Mustafa
عن أبي هريرة رضي الله عنه ، قال : " مَا عَابَ رَسُولُ اللَّهِ صَلَّى اللَّهُ عَلَيْهِ
وَسَلَّمَ طَعَامًا قَطُّ ، إِنِ اشْتَهَاهُ أَكَلَهُ ، وَإِذَا كَرِهَهُ تَرَكَهُ " . |
Quote: Ahmed Mohammed
يا ود المدير يوستيك حلو وكلامك طاعم زي ملاحاتك ديل ..
لكن ما اعاب رسول الله صل الله عليه وسلم طعاماً قط اذا اشتهاه
اكله واذا كرهه تركه .. مالكم ع ملاح القرع . |
الرسول عليه أفضل الصلآة وأتمّ التسليم.
أحبابنا من الفيس بوك أنس وأحمد،
لكم محبتي الأكيدة، وعظيم شكري علي تنويرنا.
الرسول صلي الله عليه وسلّم قُدم له الضب ولم يأكله، وقال في معنى الحديث،
أنّ نفسه عافته. لكن صيغة الحديث الذي أوردتموه تقول (ما عاب)، أي بمعني
أنّ الرسول صلي الله عليه وسلم عندما يقدم له الطعام لا يقول الطعام دا مسيخ
أو ملحو كتير أو ما فيهو طعم ... إلخ. وهذا من حُسن الأدب حتي لا تحرج
الشخص الذي قدم لك الطعام.
الرجاء مراجعة شرح الحديث ولكما مني عظيم الشكر.
قصدت من البوست الترويح ونقل الناس من خط النبذ والعنصرية التي
ينضح بهما المنبر في هذه الفترة، نسأل الله السلآمة.
لكما وللجميع مودتي...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
Quote:
ملاح الفاصوليا المفروكة
أبيخ حاجة فيه إنو لو تقلت فيه
بنفخك يخليك أنبوبة غاز
يعني لازم تأكل وتخلي التلتين التانيات فاضيات
تلت الشراب ذاتو تخليهو احتياطي
|
بدر الدين حبيبنا يا الفيك ريحة محلآتنا
تالآ اللتبراوي،
نعلّك طيّب.
يا اخوي الفاصوليا عيموطة، الوداكم تفركوها شنو ؟؟؟.
سويتولا حكاية الشعيرية لأهلنا ناس البطانة. قالوا اب سن
لقى النسوان يتُبخن فيها قال، بتتتت الكـلـب يا الشعيرية
الجابك البطانة شنو ؟؟؟.
حسبتك زعلآن مني يا عزيزي وقلت اجيك بالدرب،
لكن بركة الجيت وسعيد اليوم الجابك. أعفى لأخوك
يا عبد العزيز، فأنت للعفو أهل.
مودتي...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
الكمونيه بلا منازع . و الشرموط الابيض و البامية المفروكه. ديل شكلهم ما سياحي خالص و بيشبهوا لي حاجات مقرفه. لمن كنت صغيره كنت بعترض على اي ملاح لايووق و بقول لماما ليه الاكل السوداني لازم يكون لايووق و فيه ويكه. شوفي صاحباتي اهلهم بساكلوا تبوله و مقلوبه يدينهم بيمونوا نضاف. لمن كبرت شويه اتقبلت بعض الملحات اللايوقه. قبل كم سنه و ماما سافرت السودان دادي بدون سبب كده طلب ملاح ويكاب. اتصلت بعمتي في الجزيره وصفته لي و بقيت اعمله ليه و عاجبه جدا و المصيبه اني بقرف من شكله و بقى يطلبه مني و قال اسمح من حث ماما يعني ورطه. اها بعمله ليه لكن ما بقعد معاهم في التربيزه.
نسيبة اخوي امريكيه ساقها معاه السودان جات من هناك بتاكل و بتعمل المراره. ماما ما بتمسك المراره بايدها يلا بقينا يوم عيد الضحيه الخواجيه بتمشي مع اخوي يجيبوا الخروف و هي بتظبط المراره و تاكلها مع دادي. قبل اسبوعين مشت معاي محل اللحم الحلال سالت الفلسطيني لو عنده كبدة ابل. قلت ليها كده كتير علي شديد.
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: Dania Elmaki)
|
Quote:
أكره ما أكره البامية المفروكة
شكلها بيلخط كياني والغريب البامية المطبوخة أتكيف ليها جدا لما تكون مسبكة كده وباللحم العجالي ياسلاااااااام
المصيبة التانية ملاح الشمار الأخضر ، ياخ ده زي البتاكل في بلاستيك حرقان |
يا الصادق عز الدين،
سلآم.
البامية المفروكة بالشمار اللخضر والقراصة، معاها صحن
بصل بالشطة والليمون، ما تديها الجنبك.
أنا عكسك المتبوخة دي مكجنا، خاسةً وشي الملآح لآمن تكون
طامحة زيت ويجيبوها ليك والحر يسلخ ساعت الغدا.
ملآح الشمار اللخدر دا الله لا ضوقني ياهو...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: امجد الجميعابى)
|
ود المديـر
شــفت ملحاتك الكعبة دي جوعتنا بيها في الغربة وبقى اي ملاح بناباهو زمان نفتش عليهو الآن
اي ملاح بالكسـرة وشـوية مويه و شـطة وملح و يار يت لو عليهو شــوية روب
او ســلطة
زمان كانت الوالدة عليها الرحمة لما تكون عاملة ملاح ما بندورو بتزيد عواســة الكســرة
لأنها كلها معجونة بتتأكل و ترجع الصينية فاضية
بعض الملحات كان ليها اسـماء
البامبي....... و ســخ كرعي
الاســود ........ ملاح البراطيش
غايتو كان علينا جنس افترا و قلة ادب
عارف عما لينا كان لما ياكل الويكاب بالسـمن البلدي باقي اليوم ما بغســل يدو
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: عبدالله احيمر)
|
Quote: الرسول عليه أفضل الصلآة وأتمّ التسليم.
أحبابنا من الفيس بوك أنس وأحمد،
لكم محبتي الأكيدة، وعظيم شكري علي تنويرنا.
الرسول صلي الله عليه وسلّم قُدم له الضب ولم يأكله، وقال في معنى الحديث،
أنّ نفسه عافته. لكن صيغة الحديث الذي أوردتموه تقول (ما عاب)، أي بمعني
أنّ الرسول صلي الله عليه وسلم عندما يقدم له الطعام لا يقول الطعام دا مسيخ
أو ملحو كتير أو ما فيهو طعم ... إلخ. وهذا من حُسن الأدب حتي لا تحرج
الشخص الذي قدم لك الطعام.
الرجاء مراجعة شرح الحديث ولكما مني عظيم الشكر.
قصدت من البوست الترويح ونقل الناس من خط النبذ والعنصرية التي
ينضح بهما المنبر في هذه الفترة، نسأل الله السلآمة.
لكما وللجميع مودتي... |
يآخي شكراً يا ود المدير على هذا الشرح البسيط .. تصدق انا كنت اول متعقد من قصة اقول الشئ دا مابدورو الا كلامك مريح..
عندنا عم لينا غشى جماعة لينا في الخرطوم وست البيت بتعمل في الغداء.. قامت بظرافة سألتو لو في تبيــخ ما بياكلو عشان ما تعملوا او تجيبو في الغداء..
قالها إلا القش ..بس ختيني القش وتاني جيبي البتجيبيهو..
دحين أنا واحد من الناس إلا القش .. ولحمة الراس :)
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: عبدالله احيمر)
|
.
آآآآآ ود المدير ..... إتو ملاح الكجيك نِسيتو ولا شنو ؟
السمك الناشِف آآ جماعه .... يعني الجماعه لمن يصيدوا السمك في
مناطق الناصر وشمال ملكال .. وبعدين يقولو كِده يشُروهو عشان ينشف ،
علي اليمين ضُبان الجنوب كُلُّو يكون نزل فيهو ،أكل الفيها النصيب وخلاّ الباقي.
لكين علي اليمين كان معاي غفير في المشروع لمن كنت زارع في سمسم ، لو
ظبط ليك تقلية كجيك ، تقطع صوابعك وراها ... ياخ أنا خليت الزراعة لي عشرين
سنه لاكين لي هسع بتَّرع كجيك.
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: بدرالدين بابكر مصطفى)
|
Quote:
يا باهى
والبامية الطلبه ( دوسة ) مع سيف كلوش
إخخخخخخخخخخخ |
يا حسن مكاوي البامية ماعندي معاها مشكلة بس أنا مشكلتي مع الفراخ البيحبو
سيف كلوش 
عندنا صاحبنا كدة ونحن مجموعة عزابا في مدينة واحدة زول كسلان خلاص مشتري ليهو فرخة من السوبرماركت
مثلجة ووضعها في الفريزر وكل مايزورو شخص يقوم يطلع ليك الفرخة ويقول للضيف يأخ أنتظر لمن الفرخة يفك منها
الثلج ونعمل لينا حله زابطه وأصلا الجوء مثلج والفرخة طالعا من الفريزر الضيف لو أنتظر سنة كاملة الثلج ما بيفك منها
يقوم الضيف يقول ليهو مستعجل والله ويغادر يشيل الفرخة يرجعا الفريزر ويكرر نفس السيناريو مع ضيف آخر ففي يوم كدة
طلع الفرخة لي واحد كدة سليط لسان وقال ليهو بس خلي الثلج يفك من الفرخة ونزبط الحله ، الضيف السليط قال ليهو يا فلان
يأخ ما عذبت الفرخة دي عذاب والله الفرخة دي قبل ما يزبحوها وهي عايشة ما دخلت ومرقت من القفص زي ما دخلت وخرجت
من الفريزر بتاعك دا
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: cantona_1)
|
كيف حالك عمنا كانتونا
Quote: يا أبو حراز يا حاقدين .. عاوزين تسمموا ود الناس .. دا اسمه الحقد القاتل.. المرة الجاية بجيبوا ليكم البوليس لو عملتوا عملية زي دي.
تحياتي
كبـّاشي الصـّـافي |
يمكن الحاجة الوحيدة العملناهو فيه ختينا ليهو جردل بلاستيك مليان موية بااااااااااااردة
لمن صحينا الصباح ولاقطرة ما فيها
ماعارف استحم بيها وللا شربها ؟؟؟
لكن كان مبسوط من الأكل وباعترافه قال اليوم غيرنا من الهمبرقر بأجمل وألذ
عندي قريبي من أهل العوض كان ياكل كل شيء يمشي على اربعة الا التربيزة والعنقريب
الراجل رحل مع ابوه للخرطوم
يعني مرات فعلا الواحد يكون من الضهاري لمن يمشي العاصمة المور تتغير كلها
زارنا بعد ثلاثة شهور
يعني لسه اسمه مكتوب في العاصمة بقلم الرصاص
ختينا الغداء 00 كان ملاح ويكة
زولك طوالي نفض يديه
وقال ماقاعد ياكل ملاح الخشب !!!!
البيسمع خشب يقول امهاتنا شغالات نجارة !!!
| |
|
|
|
|
|
|
|
|
 Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: حمد عبد الغفار عمر)
|
Quote: انا كان عندي مشكلة مع ملاح الرجلة كنتا ما بحبو وما بقرب منو ..
يوم المرحومة امي جابت صينية وختت الكسرة ورشت الملاح فوق الكسرة ..
وشوية كدة عجنت الكسرة والملاح ورشت شوية ملح وشطة ..
تصدق من اليوم داك بقيت من عشاق الرجلة ..
يا زول انا من اي طبيخ سوداني بعشو ..
مرتي بتقول لي انتا مرفعين "ما شاء الله " .. ههههههههه
الخروف دا انحنا يطلعو منو الجلد وكلمة بااااع بس .. |
ههههههههههههه،
يا هشام يا اخي الرجلة دي اكتر ملآح دمو خفيف.
عندنا عمنا الله يرحمو كان مرفعين زيّك كدا، وكان الجزارين البيضبحو
يوم الجمعة قدآم الدكان. أها، يضبح الخروف والناس يجيبو مواعينُن
ويجو، وهو يبدأ يبيع، وكت الخروف يصل النص يشيلوا ويمشي
بيتو بعد يقول للناس، الفضل دا مُو لحم بيع...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
.
.
تحياتي يامعاوية
المطبخ السوداني فيه أكلات جميلة و كمان فيه اكلات الله لا تاجر الاخترعها :)
الأكلات السمحة محتاجة شوية تنظيم لأنو طريقة أكلها بشكل جماعي غير صحية ومنفرة .
على سبيل المثال الناس كلها تاكل من صحن واحد (عصيدة ،كسرة) بي ملاعق أو باليدين .
المفترض كل زول يشيل في صحنه الخاص ، وأعتقد إنو ممكن تقدم كمان لغير السودانيين بهذه الطريقة الصحية.
أما أسوأ ما أنتجه المطبخ السوداني حسب وجهة نظري فهي مايلي على التتالي .
1/ الكمونية
2/المرارة
3/الملوحة
4/الويكاب
5/البامبي
6/القرع
7/الفاصوليا بنوعيها البيضاء والخدراء
8/البامية المفروكة
9/في ملاحات تانية سمعت بيها ما شفتها لكن أتوقع نفس العينة زي حاجة كده إسمها ملاح الكول /المرس وغيره من الأكلات الغريبة
أما أفضل ما أنتجه المطبخ السوداني حسب وجهة نظري :
1/ملاح النعيمية
2/ملاح الروب الأبيض
3/طبيخ الملوخية
4/طبيخ البامية
5/ ملاح الشرموط بالعصيدة أو الكسرة أو القراصة .
.
.
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: ALazhary2)
|
Quote: .
.
and#202;and#205;and#237;and#199;and#202;and#237; and#237;and#199;and#227;and#218;and#199;and#230;and#237;and#201;
and#199;and#225;and#227;and#216;and#200;and#206; and#199;and#225;and#211;and#230;and#207;and#199;and#228;and#237; and#221;and#237;and#229; and#195;and#223;and#225;and#199;and#202; and#204;and#227;and#237;and#225;and#201; and#230; and#223;and#227;and#199;and#228; and#221;and#237;and#229; and#199;and#223;and#225;and#199;and#202; and#199;and#225;and#225;and#229; and#225;and#199; and#202;and#199;and#204;and#209; and#199;and#225;and#199;and#206;and#202;and#209;and#218;and#229;and#199; :)
and#199;and#225;and#195;and#223;and#225;and#199;and#202; and#199;and#225;and#211;and#227;and#205;and#201; and#227;and#205;and#202;and#199;and#204;and#201; and#212;and#230;and#237;and#201; and#202;and#228;and#217;and#237;and#227; and#225;and#195;and#228;and#230; and#216;and#209;and#237;and#222;and#201; and#195;and#223;and#225;and#229;and#199; and#200;and#212;and#223;and#225; and#204;and#227;and#199;and#218;and#237; and#219;and#237;and#209; and#213;and#205;and#237;and#201; and#230;and#227;and#228;and#221;and#209;and#201; .
and#218;and#225;and#236; and#211;and#200;and#237;and#225; and#199;and#225;and#227;and#203;and#199;and#225; and#199;and#225;and#228;and#199;and#211; and#223;and#225;and#229;and#199; and#202;and#199;and#223;and#225; and#227;and#228; and#213;and#205;and#228; and#230;and#199;and#205;and#207; (and#218;and#213;and#237;and#207;and#201; and#161;and#223;and#211;and#209;and#201;) and#200;and#237; and#227;and#225;and#199;and#218;and#222; and#195;and#230; and#200;and#199;and#225;and#237;and#207;and#237;and#228; .
and#199;and#225;and#227;and#221;and#202;and#209;and#214; and#223;and#225; and#210;and#230;and#225; and#237;and#212;and#237;and#225; and#221;and#237; and#213;and#205;and#228;and#229; and#199;and#225;and#206;and#199;and#213; and#161; and#230;and#195;and#218;and#202;and#222;and#207; and#197;and#228;and#230; and#227;and#227;and#223;and#228; and#202;and#222;and#207;and#227; and#223;and#227;and#199;and#228; and#225;and#219;and#237;and#209; and#199;and#225;and#211;and#230;and#207;and#199;and#228;and#237;and#237;and#228; and#200;and#229;and#208;and#229; and#199;and#225;and#216;and#209;and#237;and#222;and#201; and#199;and#225;and#213;and#205;and#237;and#201;.
and#195;and#227;and#199; and#195;and#211;and#230;and#195; and#227;and#199; and#195;and#228;and#202;and#204;and#229; and#199;and#225;and#227;and#216;and#200;and#206; and#199;and#225;and#211;and#230;and#207;and#199;and#228;and#237; and#205;and#211;and#200; and#230;and#204;and#229;and#201; and#228;and#217;and#209;and#237; and#221;and#229;and#237; and#227;and#199;and#237;and#225;and#237; and#218;and#225;and#236; and#199;and#225;and#202;and#202;and#199;and#225;and#237; .
1/ and#199;and#225;and#223;and#227;and#230;and#228;and#237;and#201;
2/and#199;and#225;and#227;and#209;and#199;and#209;and#201;
3/and#199;and#225;and#227;and#225;and#230;and#205;and#201;
4/and#199;and#225;and#230;and#237;and#223;and#199;and#200;
5/and#199;and#225;and#200;and#199;and#227;and#200;and#237;
6/and#199;and#225;and#222;and#209;and#218;
7/and#199;and#225;and#221;and#199;and#213;and#230;and#225;and#237;and#199; and#200;and#228;and#230;and#218;and#237;and#229;and#199; and#199;and#225;and#200;and#237;and#214;and#199;and#193; and#230;and#199;and#225;and#206;and#207;and#209;and#199;and#193;
8/and#199;and#225;and#200;and#199;and#227;and#237;and#201; and#199;and#225;and#227;and#221;and#209;and#230;and#223;and#201;
9/and#221;and#237; and#227;and#225;and#199;and#205;and#199;and#202; and#202;and#199;and#228;and#237;and#201; and#211;and#227;and#218;and#202; and#200;and#237;and#229;and#199; and#227;and#199; and#212;and#221;and#202;and#229;and#199; and#225;and#223;and#228; and#195;and#202;and#230;and#222;and#218; and#228;and#221;and#211; and#199;and#225;and#218;and#237;and#228;and#201; and#210;and#237; and#205;and#199;and#204;and#201; and#223;and#207;and#229; and#197;and#211;and#227;and#229;and#199; and#227;and#225;and#199;and#205; and#199;and#225;and#223;and#230;and#225; /and#199;and#225;and#227;and#209;and#211; and#230;and#219;and#237;and#209;and#229; and#227;and#228; and#199;and#225;and#195;and#223;and#225;and#199;and#202; and#199;and#225;and#219;and#209;and#237;and#200;and#201;
and#195;and#227;and#199; and#195;and#221;and#214;and#225; and#227;and#199; and#195;and#228;and#202;and#204;and#229; and#199;and#225;and#227;and#216;and#200;and#206; and#199;and#225;and#211;and#230;and#207;and#199;and#228;and#237; and#205;and#211;and#200; and#230;and#204;and#229;and#201; and#228;and#217;and#209;and#237; :
1/and#227;and#225;and#199;and#205; and#199;and#225;and#228;and#218;and#237;and#227;and#237;and#201;
2/and#227;and#225;and#199;and#205; and#199;and#225;and#209;and#230;and#200; and#199;and#225;and#195;and#200;and#237;and#214;
3/and#216;and#200;and#237;and#206; and#199;and#225;and#227;and#225;and#230;and#206;and#237;and#201;
4/and#216;and#200;and#237;and#206; and#199;and#225;and#200;and#199;and#227;and#237;and#201;
5/ and#227;and#225;and#199;and#205; and#199;and#225;and#212;and#209;and#227;and#230;and#216; and#200;and#199;and#225;and#218;and#213;and#237;and#207;and#201; and#195;and#230; and#199;and#225;and#223;and#211;and#209;and#201; and#195;and#230; and#199;and#225;and#222;and#209;and#199;and#213;and#201; .
.
. |
ما تنسى ملاح الويكة الحمرة ، يعني بالصلصة وشرطة الويكة تكون دراشة يعني ما مسحونة بالقراصة
يالطيييييييييف مش ما تدي الجنبك ما بتعاين ليهو زاتو ولا تحس بإنو في زول جنبك
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
Quote:
الرز
الله يقطع الرز ملاح وكبسة
ملاح اللوبا
انت ما كان تقول البتحبوها عشان تقعد تتمطق |
اظنك يا حمد كايسلك تِمِطق لرويحتك دي.
يا اخي الرز المفلفل البيعملوهو في المناسبات داك، ويعملوا فيهو
الهبهان مزعج لأبعد الحدود، ولمان يكبوا فوقو الكستر يصير
أكثر إزعاجاً من ذي قبل.
أخونا النصري أمين قاعد يقولنا الرز دا أكل الفقراء،
طبعاً هو شايف نفسو غندولي...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
Quote:
ود المدير سلام ...
انا كتبت في بوست مجاور اسمو
نشيـــــد لِجامِعَة الخُرطـــــــومْ ... إدريس محمد جمّاع
http://www.sudaneseonline.com/board/460/msg/1395725413.html
اتضح انو بوست ما وقتو ابداً ...
ولك الوعد اقرا تفاصيل البوست ( الشهي ) دي و ما اكتب الا في الكمونيه ..
_____________________________________________________
فقمت كاتب ما يلي ...
حقو الواحد يطلب من بكري حذف البوست ده
عشان ما نقلقل الجامعه اكتر مما هي مقلقله ...
الناس مشغوله بالعنصريه ... و القيل .. و القال ...
انا بقفل البوست و امشي لي صاحبي ود المدير اشوف اخبار ( الِملحات ) ...
فو الله بوسته خير من عشرات البوستات ( الفالصو ) اليومين ديل ... |
تسلم أخي قباني من كل شر وبلاء،
والسلآم يغشاك.
جامعة الخرطوم يا صديق كانت قمة الهرم، والهرم
اليوم أصبح صعيداً زلقا. مافي صرح في البلد إلا وإنهار، وموائد البورد تطفح
بالعنصرية، والشتم وساقط القول. صدقني يا قباني الحل لن يأتي من هنا، فأبحثوا
عن مكانٍ آخر.
قلت ألفت نظر الناس لمكان آخر حتي لا يخوضو مع الخائضين، حتي لو كان
المكان غير ذات قيمة.
مودتي...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
ود المدير ياخ دة موضوع لذيذ
أصلا المطبخ السوداني فقير وليس به آكلات سودانية أصيلة غير الويكة والشرموط واللايوق اما كل الطبايخ الأخري زي البامية والملوخية فهي آكلات دخيلة من بقايا الحكم العثماني والتأثير الثقافي المصري
اما بالنسبة لي ما بأكل اي ملاح مطبوخ بلحمة فيها عظام ، لو لاقاني عظم صغير في الأكل تاني يومين نفسي بتتسد ، مرتي الله يباركها بتصفي الشوربة اول حاجة حتي بعد كدة تضيف ليها البامية ولا الويكة ولا الملوخية حتي أكلها
تصحيح بسيط لبعض الاخوان ، الكول ليس ملاحا قائما بذاته وإنما يضاف للأكل كفاتح للشهية زي الشطة او الكاتشب مع إغلاق الأنف عند أكله لانه ريحته براحة ممكن ترمي الصقر من الجو
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: Khalid Elmahdi)
|
دى كلها ملاحات ما سمعتا بيها قبل بوستك ده:
ملآح الرز
ملآح القاورما
ام شعيفة
ام كنين
ام رضمة
ملاح قِرِد
ملاح فاصوليا بالباشميلا
ملاح الفاصوليا المفروكة
ملاح الرزوقة
أُم بُلُط..
ألمي
الضّرّابة
الحواقه
ملاح التمليكة
التختوخ
الكداد
ملآح الشمار اللخدر
ملاح الكجيك
ملاح ابو القدح
ملاح لحمة القرد
ملاح ابو القنفذ العندو الشوك داك
ملح سواسيو صغار متفوفات في الفندك
و دى ملاحات ما حصل شفتها:
الويكاب
الكول
البصارة
ملاح اللوبا
الملوحة
المرس
الرشوشه
ودى ملاحات ما حصل اكلتها:
ملاح البامبى
ملاح القرع
Quote: الأكلات السمحة محتاجة شوية تنظيم لأنو طريقة أكلها بشكل جماعي غير صحية ومنفرة .
على سبيل المثال الناس كلها تاكل من صحن واحد (عصيدة ،كسرة) بي ملاعق أو باليدين .
المفترض كل زول يشيل في صحنه الخاص ، وأعتقد إنو ممكن تقدم كمان لغير السودانيين بهذه الطريقة الصحية |
عشان كده انا ما بعرف اكل فى عرس او بكا.
بكون معزومة غدا فى عرس. بتغداااا سمح فى البيت بعدين امشي.
زمان كنتا بكره الشكار الاخضر جدا. و لو امى عملته فى مفروكة بامية او كفته او حتى الطعمية, بحرد ليها الاكل.
و كنتا ما باكل رجلة او مسقعة اسود. او الاسود فى اى طبيخ.
وما كنت باكل فول نهايئ. بعد فترة فترة بقيت اكله فى صحن و حار بس.
انت باكل اى شيء باليمون او الجبنة البيضاء. طبيخ البطاطس بخت فيه جبنة بيضاء.
الان:
باكل اى شيء....باى طريقة. ما عدا ملاح البامبى و ملاح القرع. ديل غلبونى كلو كلو.
اما الشمار الاخضر فزرعته فى البيت عديل كده. بقى لى جميل فى اى شيء.
امى قالت انى كنتا بدلع عليها بس
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: munswor almophtah)
|
| Quote: عشان كده انا ما بعرف اكل فى عرس او بكا. |
زمان يا سمارت كنا معزومين غدا ...
و اصحاب العزومه عندهم خالهم متزوج مصرية ... و كانو عايشين في مصر ...
جو زياره لي عمتهم في السودان ... و قاعدين معانا الولد و اختو في السفره ...
و العمة ديك عندها ملاح نعيميه امو بت عم ابوهو ...
و عصيدتها كاااربه ...
المهم عمك قباني قنّعها ليك كده و قال ليهم مدو يدينكم ...
الولد و البت اكلوا شويه كده ... و زاغوا ...
اها مع الحلو قامت عمتهم سألتهم كيف الملاح؟
قمت انا شرحت ليها انو الملاح ده هو الحاجه القلتليهم اكلوها ديك ..
البت طوالي نطت ... قال ليها و الله يا ( عَـمِتُو )
( الصُوصْ ) طعمو حلو ... بس ( الجَلِي ) ماسِخ شويه ...
______________________________________
اها انتي بقيتي لينا كده بس الليله ..
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: احمد سيد احمد)
|
Quote: اول ما جات الانقاذ دى .. كانت كل محافظة بتعمل مؤتمرها وفى الختام بجى البشير بفتتح ليهو بعض المنشآت ولا البويه الجديده ولا الحاجات دى
اها .. جماعه من الاهل مشوا مناسبه ... الهلاليه
الغداء سفرة مليانه .. وصحن القرع الماهل متوسط الصينية
اها الشباب ياكلو بى جاى وبى جاى ما فى واحد داير يمد يدو على القرع
واحد قبل على التانى وقال ليهو ياخى ما تفتتح القرع ده
قال ليهو ياخوى ده البشير ان جابوه ما بفتتحو ...... |
هههههههههههههههههه،
مبالغة يا وضاح.
لكن عمّك دا قالوا بيلهط لهِط !!!،
بوستينا دا كان لمّ فيهو يبلعوا جب...
| |
|
|
|
|
|
|
|
|
 Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
Quote: تكون معزوم وما تلفي غير
ملاح الويكه بالضنب
ايوه ... ضنب !!! دهن بس عايم جوه الكوره
تقعد تأكل و يكون جنبك كيس ورق فاضي تأكل من هنا و تعزفوا من هنا Al |
قباني يا صديق،
يا أخي اضرب ساااااكت من غير تعزف،
آخر بحوث قالوا أثبتت إنو الشحوم الحيوانية ما ليها
أيّ تأثير جانبي. غايتو أنا أخدت بنتيجة البحث دا،
وماخد راحتي بالكااااامل...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
Quote: يبدو أن كل المتداخلين ما فيهم زول من نواحينا.
هنالك ملاح اسمه أُم بُلُط.. ألمي والضّرّابة. لا زيت ولا بصل. بس موية وويكة وملح وشطة. وتاكلوا مع عصيدة فطيرة.
لكن أهلنا قالوا: (حلاة الأكل جيعان .. حلاة اللبس عريان .. حلاة النعال حفيان).
علي اليمين ملاح أُم بُلُط دا في المشروع شهر أغسطس في أم طرقاً عُراض ألذّ
من ال KFC بس تكون ضارباك زيفة والسحاب شايل والهبوب هابة.
تحياتي |
حياك الغمام يا خال.
علي اليمين أُم بُلُط اللتك دي لو تبقى أُم بِعبِر مع ضرب
الزيفة والسحاب الشايل دا أعدما ليك نفاخة النار...
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: معاوية المدير)
|
| Quote: الويكاب دا أنا سمعانبو سمع ساكت... |
ود المديــر
الويكاب دا مادتو الأسـاسية قصـب محروق و مقطـر
التعديل لاضافة
القصب المحروق دا ببلو بالموية و يختو لغاية ما مويتو تقطر كلها وينشف , ببقى حجر شـبية لحجر العطرون
بس لونو ابيض ,,,,,,,,,,,, حتة صغيرة منو تضاف للمرس و تديهو طعم مبالغة او يعملو منو ويكاب لبن
ود المدير لو داير شـرح اضافي نجيب ليك عينة معاها سـمن بلدي و كســرة
(عدل بواسطة عبدالله احيمر on 03-27-2014, 05:36 PM)
| |
|
|
|
|
|
|
|
|
|
Re: ابـيـخ أنـواع الـمِـلـحـات،،، مـطـبـخ سـودانـي بـحـت ... (Re: عبدالله ود البوش)
|
ود المدير اب ملاحن كعب
اشواقات كتااااار وحمد لله على السلامة
مالك راجع من السودان بطنك طامة كده هههههه
والله انا اى ملاح ما بحبوا بس بحب البامية الخدرة فقط ومعها شوية كسرة
باكلها مرة مرة كده
ولما يعملوا الملاحات ام دهن ديك بحرد الاكل عديييييل
مرات بقعد مطرفة من الصفرة واكل سلطة بزيت الزيتون وبقول ليهم اعملوا لى مشاوى
بحب المشاوى والاكل الفرن صحى وببعدك من الشحوم والحوم الزايدة
----------------------------------------------------------------
تخريمة كيف لقيت السودان والجكس ابو نجمة ههههههههههه
| |
|
|
|
|
|
|
| |
معاوية المدير
عبدالعزيز عثمان
ملهم كردفان
سيف اليزل برعي البدوي
munswor almophtah
محمد فضل الله المكى
خالد العبيد
ابوحراز
بدرالدين بابكر مصطفى
محمد جمعه الخير
هشام كمال عبادي
سفيان عثمان قرضيه
hassan bashir
عادل الباهي عبدالرازق
حمد عبد الغفار عمر
وضاح عبدالرحمن جابر
Hassan Makkawi
يحي قباني
Mahjob Abdalla
abas
cantona_1
حسين ديقول
Osman Musa
امجد الجميعابى
بكري عباس علي
حاتم محمد حاج المهدي
د.محمد بابكر
Dania Elmaki
HAIDER ALZAIN
عزالدين عباس الفحل
ALazhary2
نعمات عماد
احمد التجانى احمد
Khalid Elmahdi
smart_ana2001
يوسف أبو صالح
عبدالله ود البوش
وضاحة
سيف الدين محجوب
فيس بوك
تويتر
انستقرام
يوتيوب
بنتيريست