|
|
 Re: يا ريت نقرأ تحليل من طرف محايد .. لماذا فشلت محادثات أديس أبابا بين الحركة الشعبية وبين الحكومة (Re: محمد إبراهيم علي)
|
Quote:
الأخ ابو علوة التوب في آي بي بعد السلام
يقولون العبرة بالخواتيم.. خلاص فشلت فشلت... وزير الدفاع بالنظر قال: الفشل في كل يوم هو الفشل ... فاهم حاجة عليك ربّك؟
نشوف جولة تانية نحن ما مستعجلين كما قال البشير الفورة ألف.
ناس الحركة شطحوا دايرين مناصب في الخرتوم المركزية وناس الحيكومة مكنكشين في مناصبهم وما بفكوها بالساهل .. عشان كدا دي فشلت والجاية تفشل والحرب قائمة وشعبي المسكين في جبال النوبة ليهم الله!!
عيال النوبة مساكين ما عندهم كلمة يقولوا ليهم حاربوا الحيكومة يحاربوا يموتوا سمبلة وعيال المؤتمر الوطني يقولوا ليهم حاربوا أهلكم النوبة يحاربوا وكل يبحث عن مصلحته وليس مصلحة الوطن والمواطن الذي ليس لديه إلا الله الواحد القهار..
الله يقهر الحيكومة وياسر عرمان وزمرته آدر يا كرييييييييييييم.
تحياتي
كبـّاشي الصـّـافي |
أهلاً شيخ العرب الكباشي
والله زي ما قلت شعب النوبة هم أكبر ضحية في هذه الحرب الأهلية .. يعني حاربوا مع الحركة الشعبية الأم أكثر من عشرين سنة .. وفي النهاية الجنوبيون عملوا دولتهم وخلوا النوبة كما كنت (بتاع الجيش) ..
كلنا نأمل أن يكون هنالك تسوية لهذه الحروب الأهلية .. حتى يسود السلام والأمن كل ربوع السودان .. ولكن ناس الإنقاذ ديل زي السمك ما بعرفوا يعيشوا بره الموية .. ومويتم جوه القصر الجمهوري ..
|
|
 
|
|
|
|
Ali Abdalla Hassan
فيس بوك
تويتر
انستقرام
يوتيوب
بنتيريست