الليلة سجم أمك يا أبو الزهراء دا العيد الكم للحب أنت تعمل في القعدات شيء قبل ليلة العيد وفي ليلة نفسها و بعد ليلة عيد الحب كأنك السوداني الرومانسي الوحيد في بر السودان الحبيب تقوم نفسك الضليلة تقوليك يا خي هو الباقي من عمرك كم هيص وألعب أنت الجدية كسبت منها شنو لقليب حنين يحرسك لباقي أيامك و لا حتي نجاح قوي يحقق شيء ولا فرح تجود بيهو أيامك النشافات ديل المهم بعد مرات بقول انا مجنون مشاعر أي كلام معسول بلقي نفسي وقعت في ريده جديدة وأكسرت كدا زي العاشق اللي ليهو عشرة سنين بريد دي حالتي بموت في العيون السود والاحجام ذات الابعاد الخرافية في المقدمات والمؤخرات غير الكلام المهموس و الستو بتكون حروفا كلها خليط ما بين عربي حناكيش الاحياء الراقية ودارجية أهلنا الحنان في ملامح بترسم جواك طوال العمر قاعدة حتي لو مهموم تمر طايفة في مخك تعمل ليك شوية فرح مزعوم كدا لو لثانية من عمر الزمان وبسرق النظر عشان تبقي من ذكريات الجكوسية ساكنة فيني الابتسامة وضحكة الفرحة العجيبة ورقيص الرقبة البديع وأحلي اللحظات الحميمية وبرضو زي ما قال شاعر الجابري في أغنية سيد الاسم (بعد مرات أقول أديهو كلمة تزعلو حبة عذاب وكلام عتاب أنا عارفو ما بتحملو علشان أشوف خدو الحرير الدمعة جارية تبللو ) وووب أنا بكون في حالة سكون عاطفي عجيب !!!! تعالو أحكي ليكم عن قيدومة عيد الحب عندنا في أمدرمان أتفقنا نحن أربعة عوانس من جنس الرجال الصابرين في زمن القحط العاطفي ومعنا كذلك أربعة من جريحات الريدة المشؤمة في بلد الاطضهاد العاطفي للأناث نسرق لنا ليلة من عمر الزمن يا خي ليه ليلة ليلتين بالتمام والكمال طبعا بالجد أخترنا الاحتفال في فضاء قريب من أمدرمان تأكيد لمقام أمدرمان في الاغنية العاطفية اللي سبقت عهدنا دا والتحرر الاجتماعي السائد في أمدرمان مع أحترامو للقيم الاجتماعية للجميع كمان معنا من الاخوة الاقباط جوز تاكيد للتنوع الديني في أمدرمان عندنا خيمة كانت هدية من صديق في الغربة لجمعية الشراب بالبوز شلنا الخيمة معنا وكل ما لذا وطب من طعام وشراب نصبنا الخيمة وبعد نصب الخيمة بدات القراية لاشعار الحب من العصر الجاهلي ليومنا دا ودي واحدة من القصايد اللي أتقرت ( لعَيْنَيْكِ ما يَلقَى الفُؤادُ وَمَا لَقي وللحُبّ ما لم يَبقَ منّي وما بَقي وَما كنتُ ممّنْ يَدْخُلُ العِشْقُ قلبَه وَلكِنّ مَن يُبصِرْ جفونَكِ يَعشَقِ وَبينَ الرّضَى وَالسُّخطِ وَالقُرْبِ وَالنَّوَى مَجَالٌ لِدَمْعِ المُقْلَةِ المُتَرَقرِقِ وَأحلى الهَوَى ما شكّ في الوَصْلِ رَبُّهُ وَفي الهجرِ فهوَ الدّهرَ يَرْجو وَيَتّقي وَغضْبَى من الإدلالِ سكرَى من الصّبى شَفَعْتُ إلَيها مِنْ شَبَابي برَيِّقِ وَأشنَبَ مَعْسُولِ الثّنِيّاتِ وَاضِحٍ سَتَرْتُ فَمي عَنهُ فَقَبّلَ مَفْرِقي وَأجيادِ غِزْلانٍ كجيدِكِ زُرْنَني فَلَمْ أتَبَيّنْ عاطِلاً مِنْ مُطَوَّقِ وَما كلّ مَن يهوَى يَعِفّ إذا خَلا عَفَافي وَيُرْضي الحِبّ وَالخَيلُ تلتقي سَقَى الله أيّامَ الصّبَى ما يَسُرّهَا وَيَفْعَلُ فِعْلَ البَابِليّ المُعَتَّقِ إذا ما لَبِسْتَ الدّهْرَ مُستَمتِعاً بِهِ تَخَرّقْتَ وَالمَلْبُوسُ لم يَتَخَرّقِ وَلم أرَ كالألحَاظِ يَوْمَ رَحِيلِهِمْ بَعثنَ بكلّ القتل من كلّ مُشفِقِ أدَرْنَ عُيُوناً حائِراتٍ كأنّهَا مُرَكَّبَةٌ أحْداقُهَا فَوْقَ زِئْبِقِ عَشِيّةَ يَعْدُونَا عَنِ النّظَرِ البُكَا وَعن لذّةِ التّوْديعِ خوْفُ التّفَرّقِ نُوَدّعُهُمْ وَالبَيْنُ فينَا كأنّهُ قَنَا ابنِ أبي الهَيْجاءِ في قلبِ فَيلَقِ ويغني محمد خضر بشير (الحب دا نار في الجوف) يختلط الحابل بالنابل تتعري الاجساد والنفوس بحثا عن ساعات حب حقيقة هنا والان واليوم والايام الجاية وكل العمر أقسمنا أن نعيش باقي العمر عشاق وهذا هو القسم الفريد السبت، الأحد، الاثنين، الثلاثاء، الأربعاء، الخميس، الجمعة… أنا أحبك الشتاء، الربيع، الصيف، الخريف… أنا أحبك السابعة صباحًا، السابعة مساءً، الثانية بعد منتصف الليل… أنا أحبك أحبك هنا و أحبك هناك في الضباب و الأودية و المنازل و الحقول أنا أحبك. وأقسم أني أحبك الليل ماشي جاري دي الليالي كل واحد مننا غرقان بمجد في محبوتو بكلام جميل وقامت واحدة ومعها حبيها عشان تكون ليلة قيدومة أحساس مجسد رقصوا التناقو وقعدت أنا بصدر خالي من أي قطعة ملابس عشان قلبي يقول ليها مدي حبي وتحس بيهو جد كان قليبي بيتكلم بعبر عن حبو وعني ودا قالاو
روحي ريدتي
ليك كل الحب والريده
سيدتي ياأحلي نساء الدنيا أنا جيت بورودي عشان أكدأ ليك قداسة الريده جيتك من بعيدا هناك عشان أديك روحي وكل عمري حبيبتي انتي زولتي ووجداني وكل ما املك ليك اهديك نفسي !! اهديك عمري !! دا كل ما املكه حبيبتي ست قلبي واميرتو جيت لهنا عشان تعرفي الجواي حب وشوق وشبق حبيبتي انا عليك الله أنا ماعايز أموت الا في أحضانك سيدتي كل العشاقو الحبيبه ينتظرون عيد الحب ونحن عمرنا كلو حب لن اقول لكي كل عام وانتي بخير بل ساقول كل عام وانتي حبيبتي وكل العمر وأنت حبيتي ومعي حبيبتي أنا جيت اكمل افراحي بين يديك وأعلن حرية حبنا الكبير وارسم لباقي العشاق عشان يكون الطريق ليهم لباقي اعمارم وعشقم محبوبتي خليني أتغزل وأبوس كل قطعة فيك وأشوف عيونتك لما تعيان النجوم ما تعيني للسما أمكن النجوم تقع هنا نجمة نجمة بالريدة ومفتونه زي كمان أنا بريدك ما أفارقك أدفنيني جواك أناسعيد بيك بريدتي ليك وعلي كدا أستمر البوح لا اعلم ما يدور بأذهان من يقرأون عارف ح تقولوا مجنون !! ايوة أنا في حبها مجنون جن كلكي أنتي ستي وست العالم كلو وحبيبتي أنا أقدم ليك روحي هدية في الليالي ما ح أسال ان كنت تحبيني؟ كلمني أنت بتحلمي بشنو عشان أجيبو ليك ما كل عشان ريدك ما صعب ولا محال بحبك أنا ماعارف مشيت متين ولا الحصل شنولكين دي كانت أحلي قيدومة ليلة عيد الحب كنا أحرار من كل شيء لِضوءِ الشُّهُبْ قَرأنا عنِ العشقِ كُتْبًا وكُتْبًا وعِشقُكِ غيرُ الذي في الكُتُبْ لأنَّكِ أجملُ عِشقٍ بِعُمري إذا ما ابتَعدْنا إذا نَقتَربْ وعيناكِ إنِّي أخافُ العُيونَ ـ ـ شِباكٌ لقلبي بها تُنتَصَبْ سِهامٌ تُطيحُ بقلبي وعَقلي إذا ما أصابَتْ إذا لَم تُصِبْ فإنْ مِتُّ شَوقًا أموتُ شَهيدًا وإنْ مِتُّ عِشقًا .. فأنتِ السَّببْ نحن بتاعين جكس عيانين شديد أدعو لينا بالشفاء !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست