|
|
|
 Re: حفل خيري كبير للاستاذ / شرحبيل احمد بجدة - الجمعة 14 فبراير (Re: اساسي)
|
الــ UP...أضعف الايمان
الحفل الخيري دا إعلانو مفروض يتعلق فوق ..
لما لا أراه معلقا" ولما لا أرى أحدا يأتي لا أحد يمر ...
ـــ
يا أساسي كيفك و..كتر خيرك
بس ماتكون تاني زعلّت ليك زول كدا ولاّ .. كدا ؟.....:)
ــــ
إعتقد في تسجيل قديم لملك ملوك الجاز شرحبيل أحمد
بدندن فيه بالعود أغنية الست ثومة "فات الميعاد" اللي بتقول:
دايرنا نرجع زي زمان ...قول للزمان إرجع يازمان....:)
آآآآآه يازمن آآآه يازمن......و...هكذا
| |
 
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: garjah)
|
Quote:
الحفل خيري زي ما قلت ليك .. ودخل الحفل سيذهب لدعم عمل انساني .. ودي تفاصيل بتلقاها في الحفل
[URL] [Email] [Profile] [Edit] [رد على الموضوع] |
التحية لصاحب البوست
يجب توضيح ماهية العمل الخيرى قبل ذهاب الناس للحفل ليكونوا على بينة من الأمر طالما سيدفعون مالم يكن الحفل خيرياً مجاناً للترفيه.
ممكن أن يكون الحفل خيرياً لدعم المؤتمر الوطنى أو جالية المنطقة التى نقرأ أخبارها المهببة من وقت لآخر أو لدعم جيب القنصل مستشار الأمن الجديد!!!
| |
|
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: garjah)
|
مرحب بالعزيز محمد
والمعتق قرجة
قاعة شهد شارع الأمير ماجد شمال جدة (شارع السبعين )
العنوان : شارع الأمير ماجد جنوب تقاطع شارع حراء ب 500 متر بجوار مستوصف السلام
وانت جاي من جهة البلد وماشي علي المطار بشارع السبعين بعد تفوت الكبري الجمب تايوتا وقبل ما تصل تقاطع حراء مع السبعين بتلقي القاعة
النقطة الحمراء الفي منتصف الخريطة دي
| |
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: اساسي)
|
الاخ محمد الريح
الحفل ليس له علاقة بسياسة من قريب او بعيد ..
الحفل فيه تكريم للاستاذ شرحبيل احمد (والذي تزامن حضوره الي جدة لحضور عقد قران ابنه علي كريمة زميل المنبر الاخ هشام يازول ) هناك مجموعة مقدرة من جمهور الفنان والمعجبين قدروا ان يقيموا حفل تكريم له واستثمار فرصة وجوده في جدة ليحي لهم الفنان حفلا للاستماع الي ابداعه وفنه .. وايضا استثمار هذا الحفل وريعه في دعم بعض الاسر وابنائها من الطلاب بمعرفة اللجنة المنظمة وستجد تلفونات اللجنة المنظمة في صدر البوست .
ـــــــــــــ
يا عاصم والله حيروا باتا زاتا في مقاس الشباطة اخوتنا موتوري المنابر
| |
|
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: اساسي)
|
أساسي العزيز ،،
والله العظيم قبل يومين تمنيت لو أستطيع في لحظة ينام فيها الفقر (والبخل هههه) وأهدي فيها شرحبيل سيارة !!
والله العظيم ،،
هذا الفنان المعتق الشامل يجب تكريمه في حدث عالمي ،،
سأبدأ بتنفيذ أمنيتي أعلاه بشراء أربعة كفرات السيارة ، وأحجز لي بذلك 4 تذاكر ودونك الخاص في التفاصيل،،
| |
|
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: Kostawi)
|
Quote:
يا عاصم والله حيروا باتا زاتا في مقاس الشباطة اخوتنا موتوري المنابر |
السيد أساسى
يا أخ أنا لا أقيم فى السعودية وسؤالى لك عن ماهية العمل الخيرى لا يحتاج أن نوصف بالموتورين فى المنابر.
أنا لم أتداخل فى بوست لك من قبل وسؤالى هو من باب العلم بالشئ إذ أن غرض العمل الخيرى فيما أعتقد هو الذى يحفز
الجمهور للحضور. كما أنى متابع بكل أسى للخلافات القائمة بجالية جدة وتدخل منسوبى السفارة الأمنجية والتى تثار فى المنبر يوميا.
أنا رجل تجاوزت السبعين وأحترم نفسى ولذلك تجدنى فى أشد الأسف لسؤال سيادتكم الذى كانت إجابتكم له بهذه العبارة القبيحة وأكرر
أسفى للتطاول بالتعليق فى بوستكم وأوعدك بأننى لن أتداخل معك مستقبلاً مع أكيد شكرى وتقديرى برغم الإساءة.
| |
|
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: محمد أحمد الريح)
|
والله يا حاج محمد الريح انا رديت عليك بكل تهذيب واحترام وتوقير , ممكن تراجع ردي المخصص ليك , بالرغم من اني مفتكرك من سكان جدة وحسب سوالك الفوق ما كنت مفتكر انك جابك الدرب طاشي ساي تحقق معانا . لكن برضو رديت عليك بكل احترام وما وجهت ليك اي كلمة خارجة , بالنسبة لي ردي علي الاخ عاصم انا الرد دا كان اجابة علي مداخلة الاخ عاصم زميلنا في جدة , وانت اصالة عن نفسك ونيابة عن الموتورين قمت شلت الطاقية دي ولبستها علي مقاسك ودي حاجة راجعة ليك يا حاج فما تحاسبني بيها انا , عندك ردي ليك في اطار سوالك داير تناقشني فيهو مافي مشكلة لكن تلبس طواقي علي كيفك وتجي تحاسبني بصراحة ما عندي وقت زاتو بقي للكلام دا , المهم
مشاكل الجالية والسفارة والقنصلية والامن بتاعة جدة انا قاعد في السعودية وجدة دي 13 سنة ويؤسفني اقول ليك ما متابع الموضوع دا ولا شغال بيهو زاتو , بصراحة برضو ما عندي ليهو وقت ,ولانه الموضوع ممل وطويل وبايخ ومسيخ داير ليهو زول فاضي يتابعو وانا ما فاضي ليهو والله , عشان كدا رديت عليك فوق بانه الموضوع دا ما عندو دخل بالسياسة لانه بورداب جدة البعرفوني عارفين انه ما عندي قضية بي سفارة ولا بي جالية ولا بي حزب عشان كدا ما جا اي واحد من بورداب جدة قال كلامك دا بالعنف الكتبته بيهو في مداخلتك الاولي الانت واضح انك ما منتبه لنبرة التشكيك الفيها بالرغم من انه انت زاتك ما عندك علاقة بالسعودية
فشنو , بوستاتي الحوارية ما قاعد اقدم ليها دعوات حضور اصلا وما بيهمني من شاركني ومن لم يقراها انا بكتب وجهة نظر وبحاور ما اري انه يستحق الحوار
البوست دا اصلا اعلان عن حفلة , فانت قدر موقفك براك يا حاج
| |
|
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: اساسي)
|
اساسي شكرا على هذا الاعلان للمبدع ملك ملوك الغنا الطاعم
جاي لاول مرة احضر في مثل هذه المحافل لاحساسي التام ان المناسبة والحفلة غير مسيسة ولا مطعمة بايدولوجية ايا كانت من اهل اليمين او اليسار
وكمان عشان اشم ريحة الديم والسجانة والمايقوما والحلة الجديدة في شرحبيل احمد
حاضرين ان شاء الله
مودتي
الرحــــــــال
| |
|
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: إدريس البدري)
|
شيخي وصديقي الرجل الجسور بحق وحقيقة / العميد معاش محمد احمد الريح السنهوري
مودتي بلا حدود واحتراماتي الاكيدة : الحفل بمعناه ومبناه فرصة لإكمال مسيرة تعليم طالب لم تمكنه ظروف جميعها تكالبت ضد استمراريته في التعليم , وعليه رأت مجموعة من الخيريين استغلال فرصة وجود الأستاذ الكبير شرحبيل احمد لإقامة هذه الحفل في هذا التوقيت وربما اللجنة المنظمة لها رؤىً أخرى من هنا ندعم ونبارك هذه الخطوة ونقف الى جانب اللجنة المنظمة قدماً وساق ويداً بيد , كلامك في صميمه استفساري ويجد من الجميع الإجابة الواضحة ونحن في الشتات هنا اسرة واحدة ونقف الى بعضنا بلا من ولا اذى تحياتي لك أيها العظيم وحافظين لك الوداد وفق اسطورة سيحفظها التاريخ اذ كنت اول منافح ومكافح وقدمت تضحية كبيرة يسجلها التاريخ ويفضح بها ابالسة المشروع الاسلاموي اللا أخلاقي . لك المودة والمعذرة باسم جدة وأبناء جاليتها الاشاوس الكبار اما من تتحدث عنهم فهم مكتب تنفيذي لجالية اللصوص ساهم يوماً بالاستفسار وكتابة بوست عنه الأخ السماني أساسي وكان وقتها له من الوقت للاهتمام بأمور العامة ووجد إجابات والارشيف يحفظ له تلك الأسئلة , عموماً مرورك يفيد البوست ويدعم خط الحفل الخيري الداعم لاحد الطلاب او مجموعة طلاب .
اهل جدة موعودون بحفل تأريخي وكبير للفنان القامة وملك الطرب شرحبيل احمد , واهلاً وسهلاً بكم .
.................................................................................................حجر.
| |
|
|
|
|
|
|
|
|
|
Re: حفل خيري كبير للاستاذ / شرحبيل احمد بجدة - الجمعة 14 فبراير (Re: حسين عبد المجيد)
|
Quote: المحاسب الأنيق أساسي
حضور بأذن المولي ..... دعماً للعمل الخيري
و شوفتكم بالدنيا ...................
عاطر تحياتي لك يا حبوب |
صالح اشواك ,,, وينك يا اخي انت إلا في الحفلات طيب اجهز عركي قرّب يجي وقبله في مفاجأة ضخمة
بحضور فنان شاب جميل بجد سيكون مفاجأة المهجر الشرق اوسطي .
ما تبالغ أساسي دا الاناقة تجيهو كيف ؟؟؟؟
.................................................................................حجر.
| |
|
|
|
|
|
|
|
|
 رد (Re: صالح أشواك)
|
اساسي
سلام عليكم
رسل لي تلفونك لو سمحت وبسرعة وحياتك مغروض فيك بالحيل
ما شرط اساسي لو في زول عندو تلفونو يرسله مشكور
| |
|
|
|
|
|
|
| |
اساسي
احمد التجانى احمد
Elmosley
garjah
Asim Fageary
Kostawi
يحي قباني
أشرف الرحال
فرح الطاهر ابو روضة
إدريس البدري
الرفاعي عبدالعاطي حجر
حسين عبد المجيد
محمد عمر الفكي
فيس بوك
تويتر
انستقرام
يوتيوب
بنتيريست