|
|
|
 Re: ايوا يا دكتور طارق مصطفى أرباب ..انت نصاب و محتال (Re: Sameer Kuku)
|
Quote: يا علي دفع الله
إنتا متأكد أخوي الكاشف بكري أبوبكر ما معاي في القضية دي؟ يعني أمشي المحكمة براي؟
والله أنا أول كلمة في المحكمة أقول للقاضي الإنجليزي
My brother Bakri Abu Bakr he is the owner of Sudaneseonline.com
عشان أورطو معاي |
اولا بكري ما بتجيهو عوجه
لكن انت يا ال TOP VIP و كت عايز تضارى وراء الرجال الشلاقة لزومها شنوا؟
| |
 
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: Sameer Kuku)
|
سلامات
والناس حقو تصبـر شوية وما تستعجل الأحكام.. لأنو مافى شئ رايح.. والكذب يمشى حول والصدق يحصلو فى صبحيـة.
1- مافى شئ ما ممكن
2- حقيقة معلومة ان مصانع الصيدلة لا تتمنى رؤيـة أدوية لأمراض مثل السكر والضغط والحساسيـة.3
3- الصحافى الذى يعمل مقابلة مفروض يكون متخصص.. يعنى المراسل الإقتصادى مفروض يكون هو نفسـه إقتصادى... وهكذا.
لذلك فلو كانت الاخت من الإختصاصات الطبية أو حتى لها المام بسيط.. لسألته اسئلة مختلفة جدا.. مثل كيف عالج فشل البنكرياس
لتنتج الإنسيولين؟ ..... الخ.
يجب ان يكون لقاء اخر مع هـذا الرجل من ذوى الإختصاص فى المجال الطبى، وحينها يكون الحكم له او عليه سهلا وعادلاً
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
سمير انا والله كنت متكيف من البوست بتاع ال TOP VIP
لانو حا يفيد ناس كتار مساكين و غلبانين ما يضيعو قروشم ساى
خصوصا انو التمن غالي شديد شوف مداخلة اخونا الموج في البوست الاصلي
Quote: واشترى اخونا باشمهندس عبد المنعم عمر الدواء من الدكتور طارق ارباب بما يعادل
10600 (عشرة الف وستمائة ريال فقط) وقلنا نشوف شيل التمساح فى الباشمهندس عبد المنعم
واستعمل الاخ عبد المنعم الدواء حسب كلام د. طارق لمدة سته اشهر وكاننا يا زيد لا رحنا ولاجئنا..
ورجع عبد المنعم لادويته القديمة مثلنا ،نسأل الله ان يجعل ما فقده باشمهندس عبد المنعم عمر من
مال جزاء وفاقا. |
عشرة الف وستمائة ريال يا مفتري
و غير كدا; الامل الزائف; ثم الاحباط لعدم الشفاء التام
الدكتور طارق سيد مصطفى أرباب يهدد بإتخاذ إجراءات قانونية ضدي...بر سودانيزأونلاين ..
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
Quote: لست أدري ما هو موقف سيد الحوش الباشمهندس بكري أبوبكر من مثل هذه الإنذارات والتهديدات باللجوء إلى إتخاذ الإجراءات القانونية ..
طبعاً الكرة في ملعبه ..
إذا يرى أن مثل هذه البوستات سوف تسبب له مشاكل .. والأفضل سحبها ..
مافي مشكلة .. راضين بسحب البوست |
يلا يا VIP اسحب بوستك علي بركة الله و دكتور طارق خليهو يهرشني انا دا
| |
|
|
|
|
|
|
|
|
 Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
ال TOP VIP لمن كان حاسي بالامان قام بنفخة فشنك من نفخاتو الكتيرة و كتب مخاطباً الدكتور:
Quote:
خوفاً من الملاحقات القانونية .. أنظروا ماذا كتب عن الدواء الكاذب لعلاج السكري:
Amzylite F1.2 does not treat diabetes. It is not a medicine. Amzylite F1.2 is a health and dietary supplement that promotes the normal digestion of carbohydrates, regulates the absorption of glucose monosaccharides into the bloodstream and improves energy generation
|
اي ان الدكتور خائف من الملاحقات القانونية و كدا، و مر 24 ساعة من الزمن الخائن و رجع ال TOP VIP و كتب:
| Quote: لست أدري ما هو موقف سيد الحوش الباشمهندس بكري أبوبكر من مثل هذه الإنذارات والتهديدات باللجوء إلى إتخاذ الإجراءات القانونية .. |
يا رااااااااجل، ياخ انت لقيت back up من عدد محترم من الناس، ما يقل عن 12 زول و بعد ده كلو يجي يكحل ليك عروض
تقوم تجر واطئ و ترقد صوف. اخس عليك زي ما كتبت في عنوان بوستك.
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: معاوية عبيد الصائم)
|
ال vip
طلع خيخة
وقسما عرفتو " بجّر واطي " من نفختو بتاعت الانقاذ دي بسقطها انا ..!!
وجانا راقد صوف ...
بالله يشيل ويكب شي صور ،،، شي مقالات ،، شي هرطقات
والغريبة ماعندو اختصاص بالموضوع ده نهائي يعني بس كده ،،، حكم ابو تكو ..
قال vip
كرفتتك الشينة وراسك الفاضي ... بلا خجلة ترقد صوف
بعدين بكري كاتبها ليك قدر الليلة وبكرة تحت تجي تتضاري وراهو غايتو عليك جنس خيبة
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: Mahjob Abdalla)
|
يا خوانا ما تعصروا على الراجل ساي
أي نعم الجرسة شينة خاصة بعد النفخة و التوب في آي بي و بتاع
لكن التقاضي دربو صعب و مهلك للوقت و المال و النفسيات
خاصة انو المسالة هنا ح تكون حول الشتائم و الإتهامات بالنصب والإختيال
كون الدكتور كتب على علبة المنتج ديسكليمر دا بيخرجوا من دائرة النصب لكن التوب في اي بي سيقع في تهم قذف و سب و عشان يثبتها عايز مجهود وعمر
لكن في نفس الوقت القضية سيكون لها تأثير آخر على الدكتور وشركته فستجلب للضوء ممارساته وسالفت نظر جهات أخرى أعتقد هو في غنى عن تدخلها منها كما أشار كاتب من الفيس بووك الضرائب على سبيل المثال
فا شكلو بالرسالة التهديد دي عايز يطفي الموضوع و لقى زوله كما توقع
| |
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: محمد البشرى الخضر)
|
عافي منك والله يا ناصر جامع هييييييييييييع ،،
ذكرتني قصة جدنا علي ود العجبة الله يرحمو كان عندو قضية بتاعة ارض في البحر جاء يشوف الحصل فيها شنو ولمن مشى المحكمة بتاعة سنار لقى واحد صول صاحبو سلم عليه وسمع صوت نسوان كتار في الحراسة قال ليه ديل مالهن رد عليه حضرة الصول ديل مسكناهم في جريمة قتل والزول الكتل هرب جدنا ود العجبة قال ليه ات عارف الزول المات دا كتلتو انا وارح افتح لي محضر وانا بعترف ليك بي دا ، تردد الصول وبعد اصراره الشديد تدخل الضابط وقال ليه افتح ليه محضر واتحرى معاه يا حضرة الصول اها جدنا دخل السجن والنسوان فكوهن بعد ساعات قليلة جاء الزول القاتل وسلم نفسو ،، عشان كدة انا متوقع TOP VIP يجي يفتح بوست تاني ويقول للكتور طــظ فيك كان ما قدمتني للمحكمة
هسي انت لا نبزت ولا اسئت بس شالتك الهاشمة من جرسة TOP VIP ونزلت في الراجل نصاب ومحتال ،،ههههههههههه
الجرسة في الناس السمان شينة خلاس،،،
تسلم يا ناصر
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: علي دفع الله)
|
Quote: أي نعم الجرسة شينة خاصة بعد النفخة و التوب في آي بي و بتاع
لكن التقاضي دربو صعب و مهلك للوقت و المال و النفسيات |
اهو داك ناس صلاح البندر و عمر دفع الله و غيرهم وصلو للتقاضي بسبب الكتابة هنا
في مواضيع اخطر من دي بكتير، في زول منهم جا جاري ادس وراء جلابية بكري.
في زول منهم اتراجع، ما قالوا سجن سجن غرامة غرامة و تحملوا مسئولية الكتابة كاملة.
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: Sameer Kuku)
|
Quote: اهو داك ناس صلاح البندر و عمر دفع الله و غيرهم وصلو للتقاضي بسبب الكتابة هنا
في مواضيع اخطر من دي بكتير، في زول منهم جا جاري ادس وراء جلابية بكري.
في زول منهم اتراجع، ما قالوا سجن سجن غرامة غرامة و تحملوا مسئولية الكتابة كاملة. |
أصابع اليد الواحدة تختلف يا أبوسمرة الناس ما كلّها واحد, بعدين ديلاك يمكن مالين يدهم وعندهم البدعم قضيتهم ما شايلاهم هاشمية كيبورد و قضوها نبذ انترنت ساكت :)
| |
|
|
|
|
|
|
|
|
 Re: ايوا يا دكتور طارق مصطفى أرباب ..انت نصاب و محتال (Re: Abdelslam Malik Ali Elhag)
|
ابوالطيب المتنبئ كان في زمانو قادي العرب و العجم و شابكم ليك،
كم تطلــــبون لنا عيـــــبًا فيعجزكم ............ويكره المجد ما تأتون والكرم
ما أبعد العيب والنقصان عن شرفي ...........أنا الثّريا وذان الشيب والهرم
و عامل فيها عمرو بن كلثوم زمانو، المهم مرة شتم ليهو واحد اسمو ضبة بن يزيد
بالابيات مطلعها، مَا أنصف القَوم ضبّه و أمه الطرطبّه
اها مر كدا و المتنبئ مسافر في اتجاه الكوفة مع جماعتو، قام لاقوه ناس ضبة و جماعتو
و دور الكوماج، و لمن الدواس سخن، المتنبئ طبق خٌفّو و عمل يع. جماعتو مشوا لحقوه
و قالوا ليهو: يا زول مش انت ياهو القائل:
الخيل والليل والبيداء تعرفني ****** والسيف والرمح والقرطاس والقلم
مارق ماشي وين، المهم، مسكوا من جلابيتو و جرو جابو و قاتل مكره لغاية ما اتقتل.
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
يا جماعة انا في النيز دي لي قريب عشرة سنوات; ما حصل نبزت لي زول او اسئت لي حد و الحمد لله...الراجل البحترم نفسو ما بنابز
انا قلت دكتور طارق نصاب و محتال...دا ما نبز...دا وصف لانسان يستغل مكانته العلمية و فرصة وجوده في معاقل العلم; لكي يبيع للناس الغلابه و المساكين الوهم و الامل الزائف
صديقي حفظ الله الحاج ابوضفيرة من الفتيحاب قال واحد مفلس مشي عشان يخطب بت من ناس علي حالهم و مساكين، الام قالت ليهو "لكن يا ولدي، نحن واقعين في بير، يقع فينا فيل؟"
مريض السكري حالو حال، كمان يجي دكتور طارق يبيع ليهو الوهم بي عشرة الف ريال، ياخي حرام والله
اهي زاتا بتاعت زول واقع في بير و يقع فيهو فيل
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: Omer Abdalla Omer)
|
اووووووووووو دكتور عمر...ياخي مشاقيين والله
علي ذكر hammersmith دى والله اتذكرتك و اتذكرت 27 Ipswich Rd. العنوان دا صاح و لا انا نسيت؟ و حفظالله و ايام لندن يا سلام و الله ذكريات جميلة خلاس
انشاء الله حالك و حال الاولاد باهي
ياخي كلو ما اتذكر كلامك عن الحبيب المبدع محسن خالد، اقول ياخي عمر دا يا ولي يا حاوي ههههههه
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
سلام يا جماعة
عندي والدتي مريضة بالسكري بعيد عنكم وربنا يشفي الجميع. أمس القريبة دي مشيت إشتريت ليها الإنسولين وبنطعنو صباح ومساء.
بتتعالج عند أخصائي كبير في مرض السكري ، وهو طبيب سويدي.
الغريبة أبدا ما قال لي ياخى ما تشتري ليها الدواء بتاع دكتور طارق ده احتمال يشيل ليها السكري نهائي.
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: سيف اليزل سعد عمر)
|
سلام للجميع
في الحقيقة موضوع البوست هو احتيال دكتور طارق و ليس الاخ علي عبدالله TOP VIP
اعلان الاخ علي استعداده لسحب بوسته حقيقة زعلني، لضياع الفرصة المرجوة لتنوير الناس و تحذيرهم، و دا السبب لفتح هذا البوست لتنوير الناس
يبدو لي الان انني ربما قسوتُ عليك اخي علي و لك العتبي حتى ترضى
الموضوع ما TOP VIP
الموضوع هو احتيال دكتور طارق
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
Quote:
Samar Ahmed · Accountant في Nile TV
أولا في شئ متناسينو يا جماعة انو الشفاء بيدي الله وحده وإنما الدواء ولو شفى واحد منو ممكن زول تاني ما يشفى ودا مصداقا لقوله تعالى واذا مرضت فهو يشفيني. يعني مثلا البنسلين في التهاب بيشفيهو لبعض الناس وبعضهم لاء لكن ما شرط انو مابيشفي . انا بقول الاتهام بدون دليل دا أكبر جريمة وطال ما انو دكتور ودا مجالو احسن الناس ما تجري وراء كيد حاسد أو إساءة مغرض
رد · أعجبني · متابعة المنشور · منذ 4 ساعات |
الشفاء بيدي الله وحده
و نعم بالله مافي شك
| Quote: وطال ما انو دكتور ودا مجالو احسن الناس ما تجري وراء كيد حاسد أو إساءة مغرض |
حاشا و كلا
لا كيد لا حسد لا غرض
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
| Quote: جدنا علي ود العجبة الله يرحمو كان عندو قضية بتاعة ارض في البحر جاء يشوف الحصل فيها شنو ولمن مشى المحكمة بتاعة سنار لقى واحد صول صاحبو سلم عليه وسمع صوت نسوان كتار في الحراسة قال ليه ديل مالهن رد عليه حضرة الصول ديل مسكناهم في جريمة قتل والزول الكتل هرب جدنا ود العجبة قال ليه ات عارف الزول المات دا كتلتو انا وارح افتح لي محضر وانا بعترف ليك بي دا |
يا علي دفع الله ياخي جدكم دا متلقي حجج ههههه
دكتور عمر عبدالله الفوق دا حكي لي قصة قريبا من قصة جدكم دا
علي ما اذكر قال واحد لما في جدوا و قاليهو يا زول انا جابوا لي انك بتنبز فوقي بي وراي او شيئ من هذا القبيل
الجد قال ليهو ياخي ما حصل
الراجل رد قال; لا حصل
الجد قاليهو; الجابوهوا ليك داك خلو، هسي دي ........ امك ههههههههه
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
سلام ناصر وكيف الاسرة ان شاء الله طيبين.
بل يجب الشروع في ملاحقتة قانونيا و رفع دعوى قضائية ضده.
يتعين استخدم التجارب و الابحاث لتحديد ما إذا كان الدواء الجديد فعال او ليست فعال.
وغالبا ما تكون التجارب و الابحاث السريرية في 4 مراحل وقد تاخذ عشرات السنين للموافقه علي الدواء بواسطه ادارة الاغذية والعقاقير FDA :
فهل اجري هذا الطبيب ابحاث وتجارب لهذا الدواء بمباشرة ومتابعة مجموعة او عينه من البشر
و هل اتبع خطة محددة مسبقا أو بروتوكول، وماهو رقم البروتوكول.
و هل كانت نتائج التجارب و الابحاث موثوقة بما فيه الكفاية.
واين تم نشر هذه التجارب.
علي المتضررين رفع دعاوى قضائية ضده ... وليثبت انه ليس نصاب و محتال.
انور احمد
باحث في الطب الحيوي
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: AMNA MUKHTAR)
|
الواحد لو ما قدرا ما يفتح النار
يا ناصر الواحد خجلان
من اخونا قال بسحب البوست
ياخي هو في بلد العدالة والتكنلوجيا وعامل فيه خائف من السجن
الخواجات ديل بنصفوه في كل كلمة وبعدين الدكتور المحتال دا حيعيدو ليه الدواء المكتشفو مرة تانية بتيم من علماء الصيدلة
واصل ونحن معكم من اجل كشف الحقيقة
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ذواليد سليمان مصطفى)
|
ناصر سلامات وكيف الاحوال ..
في الحقيقة لم اتابع بعض التفاصيل ولكن ..
لم يقدم دكتور طارق مصطفى دليلا علميا واحدا ليثبت كلامو الفارغ الذي قال به في لقاء قناة الشروق ..
وأقول لم يقدم ولن يقدم ولن يستطيع ..
ولو كانت الدولة السودانية دولة مؤسسات ومرجعيات صارمة لتمت مقاضاة قناة الشروق في الترويج لمواد دوائية لا تتوفر لها ادنى مصداقية طبية ولم تخضع لابسط معايير البحث العلمي في صناعة وتطوير الادوية البشرية في الاستخدامات التي أعلن عنها (معالجة السكري) ناهيك عن استئصال الخلل الهرموني من أساسه .. أقول لتمت مقاضاة قناة الشروق ومقاضاة دكتور طارق من ثبل الدولة ومن قبل المواطنين ..
تنويه بسيط ..
دكتور طارق لم يخترع دوائا أصلا ..
كل ما فعله استخدام دواء او مادة دوائية موجودة أصلا في علاج حالة مرضية ..
وحتى هذا كان يخلو تماما من أي سند وبراهين علمية ..
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
سلامات
زولك ده أخد تلفوني من البروفايل واتصل على قبل شهرين ..
الراجل تكلم كثيرا واتهمني بعدم ألاطلاع ..وقال عندو أوراق كثيره وبحوث منشوره في مواقع ومجلات طبيه عالميه ..وطلب مني عدم الكتابه في شيء لا أعرفه ...
قلت ليهو مادام الأمر كده وانت عندك رقم تلفوني ،،أعمل لي رساله أو link بالابحاث بتاعتك دي عشان نقراها ..
أها من شهرنوفمبر الماضي أنا منتظر هذه الرساله...التي يبدو أنها لن تصل ..
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: Dr.Elsadig Abdalla)
|
الأخ ناصر جامع وعلي عبد الله توب في آي بي بعد السلام
لمحاربة هذا الدكتور الدعي علينا ضم جهودنا مع بعضها البعض حتى لا يضيِّع هذا الرجل سمعة السودانيين الما فضل فيها شئ غير سمعة الأكاديميين.
نحن الثلاثة نقوم بفتح بلاغ فيه في بريطانيا ونخطر مصلحة الضرائب Inland Revenue بما قام ببيعه في دول العالم التالت لتتولى مصلحة الضرائب الأمر وبعدين نشوف البحصل شنو.
أنا موجود في لندن ومستعد للتعاون معكم وإيصال الموضوع لصحيفة الفضائح المشهورة The Sun والتي ستتولى الأمر وبعدين نشوف قالوا: (الكوكا بتبينها المخاضة) مثل من الفلكور.
تحياتي
كبـّاشي الصـّـافي
.
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: يوسف محمود)
|
سلام أستاذ جامع والمتداخليين:
حسب المكتوب في موقع الشركة الراعية للدواء المذكور تم نشر معلومات متناقضة عن طريقة عمل الدواء ,والمعلومات دي اساسية في الطب ومستعدين مع اخرين في مناقشة الدكتور المذكور مع اخرين لهم خبرة وباع طويل في الموضوع دا
وكما ذكر اخونا تحت في الفيس بوك ان الدواء دا أصلا إنزيم يساعد في هضم الجزيئات الكبيرة لانواع محددة من السكر في تجويف المعدة بينما الخلل الاساسي لمريض السكر يكمن في عدم قدرة الخلايا في إستيعاب الجلكوز فيظل مرتفعا داخل الجهاز الدموي.
أطالب المهندس بكري بمنح الدكتور المذكور باسويرد حتي نناقشه نقاشا علميا حول إدعاءاته بفعالية وقدرة الدواء المزعزم في الشفاء من مرض السكر.
شكرا ناصر جامع .
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
الاخ دكتور الصادق
| Quote: الراجل تكلم كثيرا واتهمني بعدم ألاطلاع ..وقال عندو أوراق كثيره وبحوث منشوره في مواقع ومجلات طبيه عالميه ..وطلب مني عدم الكتابه في شيء لا أعرفه |
الادويه تسجيلها لا يتم في المجلات العلمية العالمية
لكن بعد عملية طويلة و معقدة للتأكد من فعالية الدواء و معرفة اثاره الجانبية و سميته و هذه العملية تمر بمراحل متعدده
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
Quote: تم سحب الدواء من صيدليات دولة الامارات العربية المتحدة في نوفمبر 2010 - و قد اصدرت الوزارة بيان بان الدواع مسجل لكي يستخدم لعسر الهضم - ولا علاقة له بمرض السكري -
|
الاخ احمد عثمان تشكر علي المعلومة
يعني دكتور طارق باع داء عسر هضم بي 10600 ريال لمرضي السكري
لا اله الا الله
| |
|
|
|
|
|
|
|
|
|
Re: ايوا يا دكتور طارق مصطفى أرباب ..انت نصاب و محتال (Re: ناصر جامع)
|
Quote: اووووووووووو دكتور عمر...ياخي مشاقيين والله
علي ذكر hammersmith دى والله اتذكرتك و اتذكرت 27 Ipswich Rd. العنوان دا صاح و لا انا نسيت؟ و حفظالله و ايام لندن يا سلام و الله ذكريات جميلة خلاس
انشاء الله حالك و حال الاولاد باهي
ياخي كلو ما اتذكر كلامك عن الحبيب المبدع محسن خالد، اقول ياخي عمر دا يا ولي يا حاوي ههههههه |
الله يا ناصر , حي الله تلك الأيام و أعادها , العنوان صاح و الذكريات نصاح! ويب ويب!
أتذكر أيام أبي ضفيرة و حكاية الراستا؟ أتذكر سهرتنا تلك مع الزين كوف و نكاته مع أبي ضفيرة في لندن؟ الله يرحم الزين كوف و يطرى الصديق ابا صفيرة بالخير! ما أحلاها أيام والله لكأني أشتم أزاهر وورد الربيع في جنوب لندن! كيف أنسى شيفردبوش و قد كشفت لنا تقعر حناكيش جامعة الخرطوم؟ الشي سعد قشرة الا تارية!
أما الأديب محسن أعاد الله " غربته" فهو إنسان رقيق فالرجل كان يحترق في داخله! و الله لكأني كنت أشتم رائحة شواء كبده في إبداعاته تلك! نفتقد هذا الرجل في هذا المكان! لعله الأن يضرب الرمل في مكان ما فيظهر له الجابر في عالم بعيد و لكنه شفاف ترى فيه من خلال الجدران!
لك الود صديقي العزيز ناصر جامع و التحايا للحجاج و بقية الأسرة
| |
|
|
|
|
|
|
| |
Abureesh
معاوية عبيد الصائم
ناصر حسين محمد
Mahjob Abdalla
محمد البشرى الخضر
علي دفع الله
Omer Abdalla Omer
سيف اليزل سعد عمر
ذواليد سليمان مصطفى
محمد حيدر المشرف
Dr.Elsadig Abdalla
cantona_1
فيس بوك
تويتر
انستقرام
يوتيوب
بنتيريست