Quote: آها..كدة يا ود المنسي دوبك بقيت زولي وقريب مني أكتر. أحلف لك يمين دا فهمي أنا لقولة سوداني برضو.. يعني محل ما تجدع طوبة في ركن من المليون ميل مربع تلقاهم ديل أهلي. تعيش يا أصيل.
تسلم يا أستاذ والله غطت سعادتنا ألافق في سماء ملبد بغيوم الجليد الذي باغتنا مبكرا هذه السنة.أنت شاعر والشاعر أحساسه واحد يرى مالانراه ونحن في دربكم سائرين من أجل ببنبر واحد ( بلد ) يسعنا ويسع قدرنا أضعاف أضعاف. والمجد عوفي إذا عوفيت.
نسكت نجدع وديل أهلنا الغبش.
تحياتي ومودتي
11-17-2007, 01:01 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: والله يا ود المنسي دى انا اكثر اغنية خالدة في وجداني وبحبها شديييييييد زمان كنت صغير وبمشى الزراعة ووقت النهار يسخن طااااااب وامسك ليك الملود الوقافي كنت بقدل بيهو وبسنّد بيهو وبترنم ليك بالاغنية دى ايمين ما بحس بالتعب ذاتوووووووو
يطل عمرك آآآآآآ الدخري
أها تراني جبتها ليك الأغنية بس ناقصا مقطعين أتبن الاستاذ الشيخ فضيلي ابقا تلقاهن عندو... وحيد بقول ابقى لي بقول بسمع لي صوت كوراك غرب لجبال ديلاك ............. .............
والتاني .......... ........... يلاكا بنعيد يالليموني في دار الإبيض إجتر الذكر ى يا عقيد الدندر وترنم بهذه المقاطع العميقة عمق أهلها وتب ما تسأل في زولاً من ناسكم ديل في السلطنة أسكت غني في الشارع في المكتب في العربية وين ماتمشي أتذكر الملود وزراعتك واسرح بوح غادي بوح غادي ونم فوق البعجبك زين. وإن بقى في زول ناشدك وجاب خبرك مدّلو صباعك السبابي قولو آ زول هوووي أرعى بي قيدك قبل ما أقصرو ليك ناس ديل الكاربين وريساتهم زي برم المريسي.
تحياتي ومودتي ودشيقوق
11-17-2007, 01:50 PM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
Quote: سلمت من كل شر والف سلامه وكفاره لك وانشاء الله اجر وعافيه.. ودى عين جاتك فى عيونك المليانه شوف وبصيره ومحنه..
الرجل الجميل ضحيةابراهيم..تسلم أخي الحبيب. وبالمناسبة يا ضحية ليك صور عندي..صور ظريفة، لو تذكر أخدناها في الحفلة الراقية الأكرمني فيها الصديق عبدالرحمن بركات (ابوساندرا) وأسرته الكريمة لامن زرت الدوحة قبل سنة ونصف تقريبا. راح أرسلهم ليك بالإيميل إن شاء الله . برسل ليك رقم الهاتف في الماسينجر. خليني أجق نفسي شوية. تحياتي للأستاذ حامد موسى مراهد والتوأم حسن وحسين على نمر وكل الجميلين في الدوحة.
11-17-2007, 01:52 PM
Bushra Elfadil Bushra Elfadil
تاريخ التسجيل: 06-05-2002
مجموع المشاركات: 5252
Quote: سنك ريال جيد ودقاقها ما بليد خلوني بنعيد في دار الأبيض
يا سلام / احلى الكلم منظموم درر تتلألى والحلا كل الحلا متغنى به تنظم كلمه في مكانها ضربات الارجل في المردوم ... قلنا نداعب المخزون في المخيخ ونعود بك لمرتع الصبا الذي هيهات أن يسلى.
بحن لي شعبا وقوّها لي نغيم نقارة دقوّها بحن لي رمية المردوم بحن لي رقصة المردوم لي الحلوة البعزوها
11-17-2007, 09:52 PM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
شكرا أخي ودالمنسي..عندي اعتقاد أن إيقاع المردوم قد يكون أحد الموروثات الفنية للحضارة العربية الإسلامية في الأندلس والتي حملها العقل الباطن الشعبي خلال أكثر من ثلاثة قرون - هي بالتقريب- رحلة الإثنيات المستعربة من الشمال الأفريقي عبر بوابة شمال غرب وغرب أفريقيا ثم غرب السودان. التشابه بين إيقاع المردوم وإيقاع الفلامينكو الأسباني لا يمكن أن يكون مجرد تشابه في المعطى الثقافي الإنساني..خاصة وأن انتقال بعض أنماط الثقافة الشمال أفريقية عبر الوسيط (هؤلاء الرحل) موجود في السلالم الموسيقية السباعية- مثل البياتي وغيرها.
مهم جدا أن نشير إلى أن هذه الإثنيات (وعبر اكثر من ثلاثة قرون) لابد أنها أصبحت مجموعات إثنية أفريقية المزاج بصورة اكبر من كونهم عرباعلى الطريقة التي يغالي البعض في تصويرها..ولابد أن المردوم _إن صح أنه شيء من الفلامينكو- قد تلون بطقس أفريقي وأصبح رقصة أفريقية خالصة.
الحديث في هذا الباب يطول، وهذه مجرد ملاحظة انطباعية عابرة.
11-18-2007, 11:51 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: شكرا أخي ودالمنسي..عندي اعتقاد أن إيقاع المردوم قد يكون أحد الموروثات الفنية للحضارة العربية الإسلامية في الأندلس والتي حملها العقل الباطن الشعبي خلال أكثر من ثلاثة قرون - هي بالتقريب- رحلة الإثنيات المستعربة من الشمال الأفريقي عبر بوابة شمال غرب وغرب أفريقيا ثم غرب السودان. التشابه بين إيقاع المردوم وإيقاع الفلامينكو الأسباني لا يمكن أن يكون مجرد تشابه في المعطى الثقافي الإنساني..خاصة وأن انتقال بعض أنماط الثقافة الشمال أفريقية عبر الوسيط (هؤلاء الرحل) موجود في السلالم الموسيقية السباعية- مثل البياتي وغيرها.
مهم جدا أن نشير إلى أن هذه الإثنيات (وعبر اكثر من ثلاثة قرون) لابد أنها أصبحت مجموعات إثنية أفريقية المزاج بصورة اكبر من كونهم عرباعلى الطريقة التي يغالي البعض في تصويرها..ولابد أن المردوم _إن صح أنه شيء من الفلامينكو- قد تلون بطقس أفريقي وأصبح رقصة أفريقية خالصة.
الحديث في هذا الباب يطول، وهذه مجرد ملاحظة انطباعية عابرة.
الاستاذ الفاضل فضيلي جماع نعم ... وتصديقاُ لإعتقادك قد حضرت محاضرة للاستاذ عبدالقادر سالم بين فيها الترابط من ناحية فنية وكيف تتفاعل شعوب اسبانيا مع أغاني المردوم. كنت أحب أن يكون بصيص من كثير للأدب في حضورك لكني خايف من عقيد الدندر ودشيقوق إجيب عكازو المضبب وإجيني في ثلاجة أوروبا دي مع أني أيقن أنه يخاف من البرد.
وقالوا العربي كان حرن وسط المحاص مابطيع
11-18-2007, 02:58 PM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
Quote: كنت أحب أن يكون بصيص من كثير للأدب في حضورك لكني خايف من عقيد الدندر ودشيقوق إجيب عكازو المضبب وإجيني في ثلاجة أوروبا دي مع أني أيقن أنه يخاف من البرد.
ودالمنسي يارجل يا فاضل..أحب - بعد الإذن منك- أصحح ليك معلومة صغيرة (ليست بذات أهمية)، وهي إنو لي 3 شهور تقريبا في الخليج - في مسقط عاصمة سلطنة عمان.. بس باقي العقب في لندن..عارف المدارس والجامعات والدوشة. أصلا قررت أقطع نصف طريق العودة إلى الوطن. وشيخ العرب ود شيقوق على مقربة من حيث أسكن..بل إن للرجل أياد بيضاء على شخصي الضعيف في تسهيل مهمة استقراري على مدى شهر. سخر لي سيارته الفارهة ، وكان معي دائما كلما تلفت لقضاء أمر حتى استقر بي المقام. شيخ عرب بالجد والله.
وسلطنة عمان تشبه السودان في بعض هموم ومعطيات الثقافة والتقاليد وأدب أهلهاالجم. يكفي أنهاالبلد الوحيد في شبه جزيرة العرب التي لها وجود فعلي في تاريخ أفريقيا (دولة البوسعيديين التي حكمت زنزبار حوالي ثلاثة قرون)., ومن العجيب حدوث ظاهرة ثقافية معاكسة في حكم البوسعيديين لهذا الجزء من أفريقيا_ إذ لأول مرة نرى مستعمرا يفقد لغته ويتحدث لغة مستحدثة هي مزيج من العربية ولغات البانتو وبعض اللغات الهندية التي وفدت مع تجار الذهب والعطور الهنود إلى ساحل شرق أفريقيا(أعني اللغةالسواحيلية). لكنهم في المقابل صدروا لساحل شرق أفريقيا العمارة العمانية والأزياء وطبعاالدين الاسلامي الحنيف.
في مسقط لا أشعر بالغربة في معناها النفسي القاسي..هم مؤدبون بصورة ملفتة للنظر ويحبون بلدهم وموروثهم الفني وتاريخهم الثقافي الذي هو خليط بين معطى جزيرة العرب وثقافة المحيط الهندي وشرق أفريقيا. بعض زملائي الأدباء العمانيين دهشوا حين عرفوا أنني أتحدث الانجليزية والروسية وأجهل السواحيلية مع تعصب عندي لثقافة القارة السمراء. خجلت لنفسي..ماالذي يحول بيننا نحن السودانيين وبين تعلم لغات أفريقية غنية بالموروث الأفريقي الإنساني مثل الهوسا والفولاني واليوروبا والأمهرة والسواحيلي والتقراي وهي لغات يتحدثها ملايين الناس في أفريقيا؟
Quote: ودالمنسي يارجل يا فاضل..أحب - بعد الإذن منك- أصحح ليك معلومة صغيرة (ليست بذات أهمية)،
أستاذ الجيل فضيلي جماع بعد كل مداخلة أسعد بأضافة معلومات لمركب معلوماتي الضحل تأتي عفو الخاطر من ذاخائرك التي ظلت في فترة كمون من آثر الجليد والضباب في تلك البلاد الباردة تجود بهاأيها الكريم المعطاء زادك الله علنا ودمت زخر لنا.
ودشيقوق وماأدرانا بي به فهو ود شيقوق ضو قبيلة وفارس كلس والواعي ما بوصّو ... أخي الاكبر فضيلي والله أحمد الله ليل نهار أن هباني ميزة الأحساس بي معادن الناس من حديثه أحس في دواخلي أني أحب أن أتعرف بهذا الشخص.
أعجبتي جد عبارتك ( أنك قطعت نصف الطريق للعودة للوطن ) اي نعم من السلطنة تستطيع أن تشم عبير وأريج محمل بي التمتم والعاجكّو والمردوم وعرضة وصقريا ومهويب وشوتال وحربة وروث بقر مجوك عابر بحر أحمر لجزيرة العرب يشدك للعودة.
لك التحية أستاذي الفاضل والاحترام والمودة
خالد
11-19-2007, 08:37 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
البخليك ترجع منو يا شيخ العرب حرم كلما تنوى متكامل عولك في السودان يسوا ليك تجميع مجاهدين ودفاع شعبي دحين ابقى قبلك وصبرك نفس بالامل وعش في دنيا الاماني .
Quote: . وشيخ العرب ود شيقوق على مقربة من حيث أسكن..بل إن للرجل أياد بيضاء على شخصي الضعيف في تسهيل مهمة استقراري على مدى شهر. سخر لي سيارته الفارهة ، وكان معي دائما كلما تلفت لقضاء أمر حتى استقر بي المقام. شيخ عرب بالجد والله .
عشان ما عندي ام عيال بشاورها يا شيخ العرب و بشنق الطاقية و بخرت عكازي المضبب سااااى وبدور محل ترسى امسى .
11-19-2007, 09:00 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ودشيقوق وماأدرانا بي به فهو ود شيقوق ضو قبيلة وفارس كلس والواعي ما بوصّو ... أخي الاكبر فضيلي والله أحمد الله ليل نهار أن هباني ميزة الأحساس بي معادن الناس من حديثه أحس في دواخلي أني أحب أن أتعرف بهذا الشخص
يطول عمرك يا سمح الرجال الله يكفيك الصقيع الصابي في راسك ده حرم شفت امبارح انتخابات كوسوفو الواحد البردة ترمي الورقة منو برة الصندوق .
هييييييييييييييييييع يغيبوا خيارنا ويستروا حالنا ( ما ترصد من الصقيع تخرب سمعتنا)
ابقى زى جدى جبنا العربية قلنا نوديهو الدكتور لعملية بواسير . قال لينا انتو مودنى وين؟ قلنا ليهو الدكتور .
سلّ سكينو من ضراعه قال بطلاق الكلام ده تلوتوهو تاني املأ خشمكم طين هسع .
ألف سلامة وحمد الله على السلامة للأستاذ والصديق فضيلي جماع (أمعط ليك سبيبة من راس ود المرتضى والشيخ قريب الله).
شكراً ود شيقوق
حرم اتلومت بالحيل إت حرم ما بشبهك الدخول المتاخر من اول يوم بنعاين ليك - ات ما عارف رهطك معانا هنا؟ وكان عندنا تار بنجيبو في عقابك هنا قبلنا ما محتاجين نلحقك في الدوحة .
خلي شيخ العرب يجى والشورة عندى يمكن يعفاك عدييييييييل هو زولا رضي بالحيل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
فضيلي جماع
Bushra Elfadil
محمد أبوالعزائم أبوالريش
الطيب شيقوق
فيس بوك
تويتر
انستقرام
يوتيوب
بنتيريست