|
|
|
 Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: محمد البشرى الخضر)
|
Quote: يا ود الحسين إذا فرسك دا جاري براه في السبق, ما يكسب كيفن؟
أسّي بعد القومة و القعدة دي كلّها أي انتخابات نزيهة (نزيهة جد مش نزاهة المشروع الحضاري و الذي منّه)
ما فايته سيدي الإمام و حزب الأمة شبر وانتو كان جبتو نص أو ربع مقاعد ستة وتمانين غرّتكم لا صرّتكم :) |
يا ود البشري انا شاكر لي مرورك السخي بهذا الخيط
لكن اسمع مني السودان بحالوا الراهن ولي 10 سنة لي قدام
مافي زول حريص يتوكح بيهو باغلبية زي عام نفيفاشا وما قبلها فقد كان واعداً دا رأي
وصدقني الجبهة الثورية لو ختت الرحمن في قلُـــبااااا وجدعت النضال المسلح
فهي صاحبة اكبر نصيب في الاستحواذ علي ثقة الشعب وتعاطفة ان لم يكن الوقوف
الف احمر معاهم وانت براك شوفتا منفستو الحركة الشعبية وضخامة التعاطف معه قبل الانفصال
كان الجنوبيون تركوا الانانية وورطونا بي وحدتم الماجيابا حق مريسة تامزينو دي كان الليلة المؤيدين
المحبطين بفعلتهم الشنيعة من جانب والمؤيدين السافيبن التراب من جانب آخر كان الليلة بقوا في ثراءٍ عظيم والله صحي يا قول ود المدير
:
:
:
:
:
:
مع التحيات لله الزاكيات
| |
 
|
|
|
|
|
|
|
|
Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: محمد حمزة الحسين)
|
ريثما تركد بركة الوضع الراهن الا وترمي الانقاذ بحجر في بركتة الراكدة فتنداح دواير ردة فعل حجرها المقذوف بقدر معلوم
فيتسابق الجميع اصدقاء واعداء للجري او قل اللهث وراء كل منهم وراء دايرة من تلك الدوائر فينتهي به الامر مبتسماً مع صورتة التي
يطالعها علي صفحة الماء (او قل الوضع السياسي الراهن ) ولسان حالة يقول اللتاريني انا خطير كدا فيصدق القول القديم (كل زول عاجبو الصاريهو )
حركت الانقـــاذ الجيوش جهاراً نهاراً فانزوي المقاتلون في الجبال والكراكير ولسان حالهم يقول (إلا كـــاودا فداك الحلو وعرمان يا كاودا )
ورربض السياسيون ينظرون هل اغرق الانقاذ ام ترجع حازماها فاذ بها تلقي لهم حجراً آخر حل الحكومة واستقالة شيخ علي ولحسة نافع لي عنترياته
التي ارقت مضاجع الكثيرين فانكب الناس يحللون ويتفاءلون حتي يخيل اليّا إنهم قد نسوا ثورة 23 سبتمبر وشهداءها علي قارعة الطريق
دي المحن شن نسوي معاهااااا فتنفست الانقاذ الصُعداء وعلمت ان لها عمراً مديداً تقضية وجذرة انتخابات 2015 موعد لكل منهم الا من ابي ومن أبي فله العصي
:
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: محمد حمزة الحسين)
|
امام الانقاذ فرصة لتبدل جلدها وتتخلص من العنتريات التي ما قتلت ذبابة وتتصالح مع جيرانها خصوصاً المؤثرين منهم دول الخليج السعودية
والتخلص من التزامها تجاهـ المزعجين منهم واعني دولة ايران فالغاية تبرر الوسيلة في السياسة
واتمني ان تستغل ذلك ايضاً علي المستوي الداخلي لتقديم تنازلات كبيرة لغرماءها بالداخل فهم الاولي بلم الشمل ورتق النسيج الداخلي
خصوصاً وهي الاعلي كعباً حرباً وسلماً وسياسةً واتمني ان يغتنم المحاربون الفرصة ليجنحوا للسلم مرة وان يجنبوا اهلم ومؤيديهم رهق الدماء
وان يتركوا الانتصار للذات لحظة ويقدروا الإنقاذ حق قدرها ويوفروا لها ما بجعبتها من حيـــل حتي الان لم يسبر غورها أحد
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: Elbagir Osman)
|
وكل المؤشرات بتقول آن للإنقاذ ان تمدد رجليها 10 سنوات أخري بعد أن تمعن وتمحص وتختار شركاءها بأقل من مهلها
زي ما قال اخونا كانتونا كباشي الصافي يعني شنوووو لو اديتوها 10 سنة زيادة تفرق شنووو السنين في عمر الشعوب
موش احسن من الهرج والمرج والموت المجاني دا تحت مظلة واسماء مختلفة ولا بواكي ولا معزين للشهداء من الجانبين
========================
تحياتي يامحمد
غايتو ما شفت ولا سمعت لي مواطن مسك مكرون وظهر في شاشة تلفزيون إلا وهو يعبر عن حالته بحزن وغبن لا يطاق ، أكان اللا وطني وإنقاذه ستسمر فوق رقاب وروءس ودماء وأشلاء وجوع ومرض ومعاناة هذا الشعب الباقي فلتمد رجليها مليار عام وهي من الظالمين الفاسقين وتنصب عليها لعنات الفقراء والغلابة والآمهات والآباء واتلأبناء الجياع المرضى المشردين وهذا سلوك لا يشبه إلا سلوك وعقدية أهل الإنقاذ ... إلي متى ؟؟؟؟
الشفيع ابراهيم
| |
|
|
|
|
|
|
|
|
|
Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: Elbagir Osman)
|
أخي الباقر عثمان شاكر لك مرورك الذي به نفاخر
وتجدني لا اتفق معك في خيطك المبذول الا علي هوان المعارضة وضعفها
وزاد الطين بِــــلة هوان الحراك المسلح للجبهة الثورية وانحسارها بداخل كراكير الجبال
مستفيدة من طبيعة المنطقة عند اول نزال معلن من طرف الحكومة واعلانها موسم الحسم
معقول عايز تحكم بلد زي السودان يبقي كل همك التحصن بالكراكير لتعلن فشل الحكومة
وتكذيبها في موسم الحسم عشان تجي تمد لينا لسانك وتقول (اقصد الجبهة الثورية يا الباقر )
وتقول ويييييي كضابين اهو نحنا قاعدين وتمارس دورك في لعبة الاستنزاف التي تجيدها اضرب واهرب
وانت (خليها هم ) يعلمون ان ضررها واقع لا محالة علي شعب اعزل يتضور جوعاً ويخاف بطشهم وتنكيلهم
انها فزاعة الحكومة يا الباقر والتي يصدقها الشعب المغلوب علي امرهـ فلهم ان يتركوها ويتصالحوا مع انفسهم ومع الشعب بوضع السلاح
اما بخصوص النصف الثاني من المسرحية وان كنت قد تفاجأت بخروج نافع وهو في قمة عطاءهـ وان كان خروجه
يمثل موازنة لخروج شيخ علي عثمان وان كان قد سري بين الركبان تشاكسهم وحرصهم كل بما يملك لتثبيت اركان حكم الحركة الاسلامية كل بطريقتة
خروج علي عثمان وكل الحــــرص القديم هو تصديق هذا الرجل (المئثار) لوعد قطعه علي نفسة واخوته قبل عام ونيف في احتفالات اتحاد نساء السودان
بأوان الاوان للانزواء خلف الكوليس واتاحة الفرصة لجيل الشباب ليثبتوا للجميع ان الحركة الاسلامية بها كوادر وانها متحررة وليس متحجرة وقد كان اول القيث قطرة في التعديل
الوزاري السابق والذي جاء بالشباب علي سنام الوزارات والسفارات ومنهم علي سبيل المثال لا الحصر حاج ماجد سوار وكمال حسن علي والوزير الشاب
الذي نال الاعجاب السمؤال خلف الله وسناء حمد وبت الدووّلب وغيرهم بث بيني وبينك المرحلة الثانيبة موباااالغة عدييييل كدا والحجر كان كبير 
عشااان كدا كانت الموجات تسونامي قبل ما توصل موجة لي أخرها تلفحك واحدة تانية فكان الهرج والمرج والذي اتنبأ بعدم نهايته الا بفتح سجلات الناخبين في مارس 2014م
وإعلان المؤتمر الوطني لمرشح الرئاسة (بكري حسن صالح ) ودي جدعة مني ما بعد نظر لان البشير لن يهداء له بال حتي يسلم الراية لعسكري اتمني ان لا يقع الاختيار علي هذا البكري
:
:
:
:
:
:
:
:
مع التحيات لله الزاكيات
| |
|
|
|
|
|
|
|
|
 Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: الامين موسى البشاري)
|
Quote: يا ود حلتنا أنا شايف تقوم تاخد ليك لفه أحســـن
والله صحي ()
دحين يا اخوي انت سمعته بســبق الحصان الواحد ولا لا؟
دا يا محمد بجي الأول وبرضو بجي الطيش ياخ!
فشنو ما تلبس عراقي ود الباوقة دا عليك الله |
..صديقي الذي افاخر به باشمهندس الامين البشاري
والله لم اشهد اجماع علي واعتراف صريح علي هوان المعارضة (الكسيحة )
مثلما يحدث الآن طيب الهيصة ياللمين فوق كم معارضة ومعارضة معارضة
وشي رماديين وملونيين وصنوف من النعوت غواصات وامنجية وهلمجرا
وقايما الدنيا وما قعدت الا قبل حين وقت تقول للناس البديل منووووووووو
ولماذا هذا الوضوع واي زول جاااي خاتيها طاااخ علي بلاطة كدا
هو هو الاحباط من حال المعارضة والجبهة الثورية بعد ما تقهقرت نحو الكراكير
عندو اول نزال معلن والان الكل يفغر فاهـ وينتظر دورة في التنظير لما بعد تغير الجلد الربع قرني
با الله يا صاحب بصفتك سنيري الذي تعلمت علي يدية تقنيات المنبر وكدا
شوف لينا اسم نغير بيهو البوست دا يتناسب مع نغمة (منو هو البديل عن الانقاذ بعد الذي حدث وسيحدث لا حقاً )
بعدين ود الباوقة معاو حق انت قايل الناس الجات ماشا بشارع المؤتمر الوطني وكاوشوهم وبقوهم وزراء ديل اخير منو بي شنوووو
حسي تلقاهو بجهز في ربطة عنقو ومنتظر دوروا في الوزارة والله السفارة او الادارة كأضعف الايمان الم توعد الانقاذ شبابها بالاستعداد
لتولي مقاليد الأمور والان تفي بما وعدت (ابدا يوم الانقاذ دي كضبت عليكم )
انتا ما شوفتا البوست بتاع النوم دا والله شنو يا صديق
..
Quote:
مع التحيات لله الزاكيات
وجاييكم شهر 7 الجاي بإذن الله ... |
اووووو تشرفنا وتنورنا ونفرش لك ورود الفل والياسمين والزيزفون لو ود الباوقة سلفنا منو ربطة
إنت تعال ما بتتوب من جية الخريف دي ياخي ضايرا جاااي والله جااااي سبتمبر واكتوبر احلي جو
واجمل في الخرطوم وعندكم هناك حيث مخرجات الخريف والخضرة الندية من بواقي الخريف
تجدنا في انتظار قدومك الميمون يا صديق
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: Mohammed Haroun)
|
Quote: كل ما حدث هو أن قام البشير بتأمين نفسه بعد تخليه عن الحكم السنة الجاية ...
السودان للأسف بلد معزول عن العالم بسبب سياسات الحكومة المتزمتة |
وإن صدقت في وصف السودان في السطر الثاني أخي محمد هارون
الإ أنك ظلمت عمر البشير في السطر الأول فالرجل يعلم انة لم يكن من الممكن الصمود
أمام الجوائح التي توالت علي سني حكمة الـــــ 24 الا وجود سند ديني وشعبي جارف من حزب قدمة
للسلطة وبذل له من النصح والاستشارات ما لم يكن في استطاعة اي كيان ان يدعمه بها وهو منهم
ويعلم انه لم يكن في مقدورة معاداة عراب الحركة الاسلامية الترابي لو لا وجود نخبة عليها التكلان مثل
علي عثمان بجانبة وترجيح كفتة في ذلك الصراع
اما دعوتك لود الباوقة بتسليم الورق فلم يحالفك فيها الحظ والرجل ينظر لاقرانة وندمائة يعتلون سدة الحكم
وهو من جليهم فان لم ينالة نصيب ووظيفة محترمة يكفية كسبة للرهان
تجدني شاكر لمرورك والمساهمة في بذل رايك بهذا البوست
:
:
:
:
:
:
مع التحيات لله الزاكيات
| |
|
|
|
|
|
|
|
|
|
Re: ما زالت الإنقــــــــــــــــــــــــــــــــــــــــــــــــــــــــــــاذ تمثل فرس الرهان الك (Re: ود الباوقة)
|
| Quote: .. والاخوان من المعارضة ما قصروا قالو الانقاذ كل 25 سنة بتغير جلدها.. |
والله يا عمر لم اري المعارضة في وضع اكثر بؤساً من هذا الموسم
المعارضة بشقيها السياسي والمسلح والاسفيري وهم الذين اطرشوا طبل آذاننا
بإختطاف ثورة 23 سبتمبر وتسويق مانشيت الفجر الجديد ومهلة الــــ 100 يوم
وما ان تقذف الانقاذ بحجر من كنانتها في بركة الوضع السياسي الراهن الا وينتظر
كل منهم دورهـ ليري وجهه في مرأات بركتها
الجبهة الثورية اليوم متقهقرة في الكراكير فقط لتقوم بإفشال خطة الحكومة بعد اعلانها موسم الحسم
المعارضة الاسفيرية المستنيرة تسب وتسخط في السيدين واحزابهم وتقلل من شأنهم هم الان يزرفون الدموع
علي مشاركتهم ومشايعتهم للإنقاذ وقد رفدنا ود البشري بصدر هذا البوست بأن احسن نتائج الحراك السياسي
من نصيب الحزبين الكبيرين وقد اصاب الرجل ملامسة اطراف الحقيقة وقد علمت الانقاذ ان لا سند لها بضعفهم
وتشتيتهم وقد اثبتت الايام انهم احكم الاتجاهات السياسية في الساحة وان لا سند لها غيرهم ولا يوجد من يستحق
ان يؤتمن علي امر هذا الوطن غيرهم
مبروك عليك إبن عمي كسبك الرهان ومبروك لفرقاءدربك الوزارة واحسب انك اهلاً لذلك مثلهم
فسخن عضلاتك وخليك قريب وخلي همتك اعلي من صقرية مع أمير المؤمنين
:
:
:
:
:
:
:
:
مع التحيات لله الزاكيات
| |
|
|
|
|
|
|
| |
محمد حمزة الحسين
محمد البشرى الخضر
معاوية المدير
Elbagir Osman
Mohammed Haroun
الامين موسى البشاري
باسط المكي
شمس الدين ساتى
المسافر
فيس بوك
تويتر
انستقرام
يوتيوب
بنتيريست