|
خليتيني وين ماشة يا جوهرة وماسة .. نادية عثمان مختار
|
انا لله وانا اليه راجعون ..
كانت اولى كلماتنا هنا في هذا المكان ..
ولتكون اخر كلماتي لها وهي بين يدي مليك مقتدر ..
اللهم اغفر لها وارحمها واعف عنها وعافها اللهم أكرم نزلها ووسع مدخلها، واغسلها بماء وثلج وبَرَد ونَقِّهِا من الخطايا كما ينقى الثوب الأبيض من الدنس اللهم أبدلها داراً خيراً من دارها، وأهلاً خيراً من أهلها، اللهم وقِهِا فتنة القبر وعذاب النار ..
اللهم آمين
ا
|
|
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: انعام حيمورة)
|
يا ريتني لو كاتبة .. ياريتني لو شاعرة .. عشان كان اوري الناس كيف بينا من اخلاص .. وعشان اوريهم طبعك الحساس .. وقلبك الابيض الشايلنا بي تحنان وخليتيني وين ماشة يا جوهرة وماسة
وجعني الخبر بالحيل بقيت نواحة طول الليل في كل لحظة اترقبك جاية ..وين يا نعووم انتي .. انا انا يا نادية موجوعة انا يا نادية مقهورة .. اتقصى ضهري وراك واتقطعت احشاي .. بكن معاي بالحيل صحباتك الحلوات الكنتي بتريدهم زي نحن بس اخوات ..
ياريتني لو شاعرة وياريتني لو كاتبة عشان اوري الناس كيف كنتي بتريديني وكيف بينا من احساس ..
اسال ربي كريم يحن لي بلقاك ..
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: احمد العمار)
|
اللهم أرحمها و أغفر لها اللهم نقها من الذنوب كما ينقى الثوب الأبيض من الدنس اللهم تقبل صالح أعمالها و تجاوز عن سيئاتها و أبدلها لها حسنات اللهم أجعل قبرها روضة من رياض الجنة و لا تجعله حفرة من حفر النار اللهم أنزلها منزلة الصديقين و الشهداء و حسن أولئك رفيقا
البركة فينا و فيكم يا إنعام الفقد كبير
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: د.نجاة محمود)
|
اللهم ارحمها واغفر لها وامطِر قبرها شآبيب الرحمة وانزِلها منزلة الصديقين والشهداء وحسُن أولئك رفيقا اللهم اجعلها من أصحاب اليمين ، في سِدرٍ مخضود، وطلحٍ منضود, وظِلٍ ممدود, وماءٍ مسكوب, وفاكِهةٍ كثيرةٍ , لا مقطوعة ولا ممنوعة, وفُرُشٍ مرفوعة.
إنا لله وإنا إليه راجعون. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ إلتقيتها في إجازتي الأخيرة بمطار الخرطوم هي تودع إبنتها إلى القاهرة للجامعة وأنا أودع إبنتي للدوحة قالت لي : زايغ من بورداب الخرطوم ليه؟ قلت لها : ما زايغ والله ولكن كثرة المشاغل والأسفار, وإنت ليه زايغه من المنبر؟ قالت : إعداد البرنامج ماخِد وقتي كله. إفترقنا على أمل لقاء لم يتِم....
اللهم ارحم نادية عثمان مختار واغفر لها
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: HAYDER GASIM)
|
بين الدموع تسيل, والمخاط يفرج عن نفسه بلا إذن, سألت زوجتي وهي تشاركني ذات مقام الأحزان العليا برحيل نادية, فقلت لها ... كتب كل موجوع على نادية, إلا إنعام حيمورة؟ فردت بتلقائية عاليه وحس وجوب ... وقالت: إنعام في هذه اللحظات يرشوا فيها بالموية لتفوق,
... أصدقت الرواية, وتجملت في خاطري ... أحزاننا
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: HAYDER GASIM)
|
خبر السواد الجاكم يومها يا انعام في بيوتكم وجانا في غربتنا؟
يا حليله يا انعام الحنينه و الضحاكه و صبوره.
يا حليله الهميمه و الشايل هم ايمان وحيدتها و اخوانا و اخواتها.
وميته حاره و قاسيه و خاطقه
ربنا يصبركم جميعا يا انعام
ويصبر زميلتها وصديقتها و خطيبة اخوها الكانت معاها. وربنا يكمل عليها نعمة الشفاء.
وربنا ثبت ابنتها ايمان
واشقائها.....وشقيقاتها ويقسم لهم المحنه و الترابط ويطرح البركه في ايمان.
انا لله و انا اليه راجعون.
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: smart_ana2001)
|
العزيز ابو حسين .. شكرا لوقوفكم معاي في هذه الظروف القاسية واللحظات المؤلمة
د. ياسر .. فقد عظيم ومصاب جلل
اسامة العوض .. يارب يارب .. ربنا يصبرنا على فراقا
د. نجاة .. انا عارفاها بتخاف من العربات وقطع الشارع وهي كانت حاسة انو نهايتا حا تكون بي عربية وقد كان ..
لها الرحمة والمغفرة ولنا الصبر وحسن العزاء
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: smart_ana2001)
|
اللهم آمين يا اسمارت اللهم آمين ...
اول مرة الاقي نادية كنا عاملين حفلة استقبال لزميلنا احمد على القاسم نظمنا الحفل انا ومنى خوجلي .. وحضر ناس كتار من ضمنهم نادية عثمان وقعدت شوية وقالت انا ماشة لاني مسافرة بكرة جوبا
قالت لي بمشي وبجيكم نتلم تاني .. شاءت الاقدار ان يتوفى محمد زوجها .. لما اتصلت اعزيها ما كنت بعرفا الوقت داك كويس .. بعد زمن قالت لي اي زول عزاني في محمد متذكراه ومتذكرة مكالمتو ومواساتو لي
خاصة انتي وتراجي ..
بينا حكاوي كتيرة ... وصحبة جميلة .. كنت بفتخر بيها وبعتز بيها .. الله يرحما يا اسمارت الله يرحما
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: انعام حيمورة)
|
الله يا انعام
هجمة السواد و الرماد عليكم
Quote: بعد زمن قالت لي اي زول عزاني في محمد متذكراه ومتذكرة مكالمتو ومواساتو لي
خاصة انتي وتراجي ..
|
ربنا يرحمها كانن بنقدر الحاجات مهما كانت بسيطه.
Quote: تراجي ...
شوفي دا يا تراجي ..
جات مخصوص لعرسي .. وقالت لي عدت المطبخ علي وجباتا لي .. جابت لي حلل النعيمية البتحبها وكل مرة بتشاغلني بيها وتقول لي عدت مطبخي عاملة شنو معاك ونقعد نضحك كل يوم بنتواصل كل يوم
ما انقطعنا من بعض اصلا .. |
البركه في مشاكرتها لك وبركه في كمية الذطريات الطيبه التركتها لكم.
خلوا بالكم من ايمان
ورسلي لي تلفونها في الحاص لو بتقدري.
انا لله وانا اليه راجعون.
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: ود الباوقة)
|
محمد فضل الله المكي .. شاء القدر ان تلتقو .. سبحان الله .. لها الرحمة والمغفرة يارب
اساسي .. رحيل موجع .. استغفر الله العظيم لكن كل لحظة بتخيل لي انو الكلام دا ما حاصل .. الحمد لله .. ربنا يصبرنا يا اساسي ..
ود الباوقة .. الدوام لله .. نعم الدوام لله ... ربنا يرحمها ويغفر لها ويجعلها مع الصديقين والشهداء ..
نادية عثمان
دا اول مشاركة لي لي نادية في بوست لنا مهدي بنعزيها في وفاة زوجها محمد 2006 ..
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: انعام حيمورة)
|
Quote: اللهم أرحمها و أغفر لها اللهم نقها من الذنوب كما ينقى الثوب الأبيض من الدنس اللهم تقبل صالح أعمالها و تجاوز عن سيئاتها و أبدلها لها حسنات اللهم أجعل قبرها روضة من رياض الجنة و لا تجعله حفرة من حفر النار اللهم أنزلها منزلة الصديقين و الشهداء و حسن أولئك رفيقا
البركة فينا و فيكم يا إنعام الفقد كبير |
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: elhilayla)
|
احيييييييييي يا انعام خبر نزل علي كالصاعقه .. والغريبه من الصباح كان عندي احساس غريب ..
كنت بستبعد فى الخبر الشؤوم . قلته ما بصدق الا اسمع من انعام ... كنت منتظراك تقولي لي الخبر ده إشاعه .. لكن صوتك من الو .. فطر قلبي وقطعني ...
نادية وعدتنى بالزيارة لي دبي .. واتوقعتها مع منال ومنى خوجلي في زيارتهم لي دبي ..
وزعلته لمن ما جات .... قلته حا اتصل عليها واقول ليها ده وعدك .... ولكن .. ولكن ..
انعام .. قولي يارب ... ربنا يبنى لي نادية بيت فى الجنة ويجعله ملتقانا ..
الله يصبرك يا حبيبه ..
-------------------- ماما حنانه صحتها كيف ؟
| |
|
|
|
|
|
|
Re: خليتيني وين ماشة يا جوهرة وماسة .. نادية عثمان مختار (Re: elhilayla)
|
احيييييييييي يا انعام خبر نزل علي كالصاعقه .. والغريبه من الصباح كان عندي احساس غريب ..
كنت بستبعد فى الخبر الشؤوم . قلته ما بصدق الا اسمع من انعام ... كنت منتظراك تقولي لي الخبر ده إشاعه .. لكن صوتك من الو .. فطر قلبي وقطعني ...
نادية وعدتنى بالزيارة لي دبي .. واتوقعتها مع منال ومنى خوجلي في زيارتهم لي دبي ..
وزعلته لمن ما جات .... قلته حا اتصل عليها واقول ليها ده وعدك .... ولكن .. ولكن ..
انعام .. قولي يارب ... ربنا يبنى لي نادية بيت فى الجنة ويجعله ملتقانا ..
الله يصبرك يا حبيبه ..
-------------------- ماما حنانه صحتها كيف ؟
| |
|
|
|
|
|
|
|