|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: عبداللطيف خليل محمد على)
|
يا ناس أمريكا ما يغشوكم المستهبلين ديل
دي رحلات سياحة لبتاعين الاراضي و بتم تحتها صفقات لا علاقة لها بالاراضي قبل سنة جو للنمسا و هي ما فيها الف سوداني و تحت تحت صفقات مشبوهة البعض قالوا سلاح الوفد كان كبير لدرجة انو اي أرباح من بيع الاراضي ابتلعتها الهوتيلات و تذاكر سفر الوفد وتكاليف إقامته الشيء اللي زاد الشكوك انو الوفد كنصل زيارة لهولندا مع انه عدد السودانيين فيها أضعاف النمسا
فلا يستهبلوكم وبيعوا ليكم الترماج،
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: Nasreldin Abdalla)
|
الأخ نصرالدين سلامات
Quote: دفع أي دولار - و لو بمقابل - في ظل الظرف الراهن ؛ هو جرعة ( درب ) لسلطة بدأت تترنح . أو في موتها السريري .. |
ياناس قولوا خير
الأراضى يمكن أن تباع بالتقسيط وهذا يتيح الفرصة للسودانيين بالولايات المتحدة من الاستفادة من هذه الفرصة
شراء قطعة ارض أو بيت بالنسبة للمغترب دفعة واحدة وكاش داون أصبحت غير ممكنة
الكلام مثل دعم الانقاذ وما الى ذلك لا يجدى ولا يفيد
الاراضى سودانية ويحق للسودانيين بالمهجر الاستفادة من الفرصة لهم ولأبنائهم
وبرضو عايزين من الناس تسأل عن حقها فى ادخال سيارات مخفضة لمغتربى امريكا
نعم نحن نختلف عن المغتربين بالخليج ولا ندفع ضرائب بصورة مباشرة للدولة
ولكننا حوالات السودانيين بأمريكا كبيرة جداً وقد تفوق تحويلات المغتربين فى أى بلاد أخرى
ويساهم معظم السودانيين فى أمريكا فى إعالة أسرهم وأحياناً جيرانهم وهم بذلك يسدون خدمة كبيرة للوطن
فهم يستحقون الاعفاءات والتشجيع على الاستقرار بالسودان
وهذه الخدمات ليست منحة وانما حق ويجب التعامل معها من هذا المنظلق
الحكومات ذاهبة والوطن باقى
وبعدين الناس تشتكى من انو الحكومة ما بتدى الناس حقها
وانتو هنا رافضين أخذ حقكم بحجة أن المال يذهب لدعم الانقاذ
نحن فى انتظار هؤلاء القادمين ونرجو أن تكون الاراضى فى مواقع مشجعة وليست على شاكلة الوادى الأخضر
وابعدوا لينا من أراضى المرابيع والكرياب
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: حسن حماد محمد)
|
Quote:
كان من باب أولـى إرسـال وفـود تحـمـل بشــرى ما يشـجع بالعـوده إلـى أرض الوطـن بدل إحضـار عـقـودات بيع لـترابه !!!!!!! {QUOTE}
وهل تركوا هنالك تراب ليباع؟؟؟؟
لقد توزع الكيزان جميع الأراضى المثمرة ومن يرغب فى شراء قطعة أرض ستكون فى فيافى البطانة او صحارى الشمال!!
والذى ييعتقد بأنه سيشترى قطعة أرض فى العاصمة أو فى كردون المدن الرئيسية فهو حالم!!!!
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: محمد أحمد الريح)
|
Quote: Quote:
ياناس قولوا خير
الأراضى يمكن أن تباع بالتقسيط وهذا يتيح الفرصة للسودانيين بالولايات المتحدة من الاستفادة من هذه الفرصة
شراء قطعة ارض أو بيت بالنسبة للمغترب دفعة واحدة وكاش داون أصبحت غير ممكنة
الكلام مثل دعم الانقاذ وما الى ذلك لا يجدى ولا يفيد
الاراضى سودانية ويحق للسودانيين بالمهجر الاستفادة من الفرصة لهم ولأبنائهم
وبرضو عايزين من الناس تسأل عن حقها فى ادخال سيارات مخفضة لمغتربى امريكا
نعم نحن نختلف عن المغتربين بالخليج ولا ندفع ضرائب بصورة مباشرة للدولة
ولكننا حوالات السودانيين بأمريكا كبيرة جداً وقد تفوق تحويلات المغتربين فى أى بلاد أخرى
ويساهم معظم السودانيين فى أمريكا فى إعالة أسرهم وأحياناً جيرانهم وهم بذلك يسدون خدمة كبيرة للوطن
فهم يستحقون الاعفاءات والتشجيع على الاستقرار بالسودان
وهذه الخدمات ليست منحة وانما حق ويجب التعامل معها من هذا المنظلق
الحكومات ذاهبة والوطن باقى
وبعدين الناس تشتكى من انو الحكومة ما بتدى الناس حقها
وانتو هنا رافضين أخذ حقكم بحجة أن المال يذهب لدعم الانقاذ
نحن فى انتظار هؤلاء القادمين ونرجو أن تكون الاراضى فى مواقع مشجعة وليست على شاكلة الوادى الأخضر
وابعدوا لينا من أراضى المرابيع والكرياب |
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: محمد صديق مجذوب)
|
التحيه لك أخى العزيز حسن حماد
Quote: الأراضى يمكن أن تباع بالتقسيط وهذا يتيح الفرصة للسودانيين بالولايات المتحدة من الاستفادة من هذه الفرصة
شراء قطعة ارض أو بيت بالنسبة للمغترب دفعة واحدة وكاش داون أصبحت غير ممكنة |
هل تسمح لى بأن أتساءل إن كان من واجب الحكومه على مواطنيها بغض النظر عن تواجدهم بالداخل أو بالخارج أن تداخل معهم فى عملية بيع أو شراء للأراضى السكنيه ؟
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: Nasreldin Abdalla)
|
Quote: Quote: الأراضى يمكن أن تباع بالتقسيط وهذا يتيح الفرصة للسودانيين بالولايات المتحدة من الاستفادة من هذه الفرصة
شراء قطعة ارض أو بيت بالنسبة للمغترب دفعة واحدة وكاش داون أصبحت غير ممكنة
هل تسمح لى بأن أتساءل إن كان من واجب الحكومه على مواطنيها بغض النظر عن تواجدهم بالداخل أو بالخارج أن تداخل معهم فى عملية بيع أو شراء للأراضى السكنيه ؟ |
أستاذى الفاضل عبدالله كيف حالك وأخبارك
واجبات الحكومة على مواطنيها كثيرة واهم من الاراضي وهى غير أبهة بها
وفيما يخص الاراضي انت تعلم هذه الحكومة وما قبلها من الحكومات جعلت هذا الامر مدخل للثراء والمحسوبية
بل وأصبح حكرا لقلة من الناس على حساب غالبية المواطنين
وفيما يخص هذه الفرصة يجب التعامل معها بواقعية
نعم النظام يحتاج للمال ولكن محاسبته لا تكون بهذه الطريقة
فى النهاية الحديث عن فرصة لشراء قطعة ارض بأسعار مخفضة وبالتقسيط
قد لا تتكرر للسودانيين بأمريكا ومحاربتها بحجة مقاطعة النظام لن تسقط النظام
اذا لم نستفيد نحن من هذه الفرصة فبإمكان النظام بيعها لاى مستثمر محلى او أجنبي ونفقد نحن الفرصة
هناك ساحات لمحاربة النظام والعمل على تغييره ولكنها لا تبدأ بمصلحة الاراضى
أرجو ان تكون الاراضى فى أماكن جاذبة وتستحق الشراء وإلا تكون خلف الوادي الاخضر
تحياتي
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: حسن حماد محمد)
|
أشكر لك أخى العزيز حسن حماد تعقيبك على مداخلتى وقد تختلف وجهة نظرنا هذه المره . وكمثال :-
Quote: اذا لم نستفيد نحن من هذه الفرصة فبإمكان النظام بيعها لاى مستثمر محلى او أجنبي ونفقد نحن الفرصة |
بمعنى ( كان دار أبوك خِرْبَت شيلك منها شَليَه ) !!!
Quote: فيما يخص الاراضي انت تعلم هذه الحكومة وما قبلها من الحكومات جعلت هذا الامر مدخل للثراء والمحسوبية
بل وأصبح حكرا لقلة من الناس على حساب غالبية المواطنين
|
الأخ حسن هذه الحكومه عند مقدمها أعلنت حرب شعواء على سماسرة الأراضى وأدخلتهم السجون لكن ألا ترى أنها الآن تفعل ما نهت عنه ؟ أما الحكومات السابقه فأشهد لك بما عايشته فى عهد الديمقراطيه الثانيه عندما قام الشهيد الشريف حسين الهندى وزير الحكومه المحليه بالتوزيع العادل لكل مواطن مستحق وفق خطه إسكانيه معلنه حيث ظهر فى الوجود إمتداد ناصر وإمتداد الصحافه حيث كان الإسم إشاده لموقف جريدة الصحافه ورئيس تحريرها الأستاذ عبدالرحمن مختار . ومادفعه المواطن البسيط من مال كان فى إستطاعته وهو عباره عن رسوم خدمات للحكومه .
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: Nasreldin Abdalla)
|
Quote: هذه الحكومه عند مقدمها أعلنت حرب شعواء على سماسرة الأراضى وأدخلتهم السجون لكن ألا ترى أنها الآن تفعل ما نهت عنه ؟ |
استاذى عبدالله كيف حالك
اختلاف الرأى حتماً لن يفسد للود قضية
أنا أصلاً لا أدافع عن سياسة النظام فيما يخص توزيع الاراضى
كل ما اتحدث عنه هو أن معارضة الحكومة يجب الا تكون سبب فى تفويت الفرصة من اقتناء قطعة أرض فى ولاية الخرطوم
الوضع المالى لكثير من الاخوة والأخوات لا يمكنهم من شراء أرض دفعة واحدة
اذا اتيحت فرصة شراء الأرض بالتقسيط فأظن ذلك يوفر الكثير من العناء
وبعدين زى ما قلت انت اذا دار ابوك وقعت شيلك فيها شليه
وما لا يدرك كله لا يترك كله
وفى المرة السابقة التى حضر فيها وفد مصلحة الاراضى تدافع الموالين للنظام والمعارضين وأمتلأت القنصلية بالسودانيين
وتم توزيع كل الأراضى ولم تمنع المعارضين معارضتهم من دخول أرض القنصلية المحتلة من قبل المؤتمر الوطنى وأخذوا حقهم فى تملك قطعة أرض داخل الخرطوم
كما دكرت لك معارضة النظام لا تمنع من شراء أرض فى السودان حتى ولو كان البائع هو الحكومة
وفى النهاية اذا قدر لك أن ترجع للسودان واردت شراء أرض فلن تستطيع تسجيلها الا فى مصلحة الأراضى وهى تابعة للحكومة والحكومة ملك للمؤتمر الوطنى
يعنى طالما انت سودانى مجرد دخولك للسودان عن طريق مطار الخرطوم تبدأ فى دفع الرسوم والجبايات التى يستفيد منها المؤتمر الوطنى رضيت أم أبيت
يعنى لا ارى رفضك أو رفض أى شخص الاستفادة من هذه الفرصة بحجة أن الحكومة حكومة المؤتمر الوطنى
اللهم الا اذا كنت لا تنوى الذهاب للسودان ولا تنوى أن تستقر انت واولادك يوماً ما داخل السودان
بنفس الفهم لو عندك أهل داخل السودان مفروض ما ترسل ليهم مصاريف وما تبنى ليهم بيت لأنو كل دا بطريقة أو بأخرى بيستفيد منها المؤتمر الوطنى
يعنى باختصار ما شايف ربطك لهذا الأمر ومعارضة النظام
ممكن تشرح لى لو سمحت !!!!
مع تحياتى
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: حسن حماد محمد)
|
Quote: استاذى عبدالله كيف حالك
اختلاف الرأى حتماً لن يفسد للود قضية
أنا أصلاً لا أدافع عن سياسة النظام فيما يخص توزيع الاراضى
كل ما اتحدث عنه هو أن معارضة الحكومة يجب الا تكون سبب فى تفويت الفرصة من اقتناء قطعة أرض فى ولاية الخرطوم
الوضع المالى لكثير من الاخوة والأخوات لا يمكنهم من شراء أرض دفعة واحدة |
التحيه لك مرةً أُخرى , أخى حسن حماد إعتراضى من حيث مبدأ فكرة أن تكون الحكومه سمسارة بيع الأراضى بدل من توزيعها على من يستحقها من مواطنيها بطريقةٍ عادله ومنصفه تلائم إمكانياتهم وظروفهم . الأخ حسن لعلك تذكر ما واجهه أهلنا فى أم دوم نتيجة سياسة بيع الأراضى هذه .
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: Nasreldin Abdalla)
|
Quote: لكن الملاحظة هنا ليه الزيارة برئاسية مدير عام مصلحة الأراضي ؟ كل الزيارات السابقة لم تكن برئاسته ، يمكن دي أمريكا؟ |
....................
عزيزي الصادق يمكن عشان ناس امريكا شكاكين وعندهم شكك ان ناس الأراضي ديل عاوزين يبيعو ليهم وهم.. عشان كده رسلوا مدير الأراضي بنفسه عشان الناس تقتنع ان الكلام جد جد وما لعب ساكت.. والله يديك العافية
تخريمة \ وبعدين يا جماعة الخير كلام اخونا حسن حماد مش كلام منطقي؟؟ معقولة عشان نحن بنعارض الحكومة نقول ليهم ما دايرين حقنا من اراضي السودان عشان يلغفوها الحرامية والنصابين؟؟؟ يعني اذا ما اشترينا الأراضي دي بالتقسيط وهم جونا لغاية هنا حتضر الحكومة بشنو؟؟؟ اذا ناس امريكا ما اشتروا .. ناس دول الخليج جاهزين ومستعدين يدفعوا اضعاف ما بيدفعوا ناس امريكا.. ولسبب بسيط .. عشان ناس الخليج اغنى من ناس امريكا...حكاية نغيظ الحكومة وما نشتري بضاعتهم من الأراضي دي ما منطقية ابدا.. والكثير من المهاجرين في امريكا عندهم هدف اساسي من قدومهم هنا وهو امتلاك منزل في السودان... وامتلاك منزل في السودان وانت قاعد داخل الوطن صعبة شديد اذا ما عندك واسطة قوية من ناس الحكومة.. ومادام الناس ديل جايين لغاية عندنا هنا.. فكيف تفوتوا الفرصة دي...؟؟ والله ما قادرة افهم المنطق ده!!! والله يديكم العافية
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: اميرة السيد)
|
الأخ: نصرالدين
سلامات، و شكرا كميات علي إيرادكم هذه البشارة الطيبة.
Quote: ياناس قولوا خير
الأراضى يمكن أن تباع بالتقسيط وهذا يتيح الفرصة للسودانيين بالولايات المتحدة من الاستفادة من هذه الفرصة
شراء قطعة ارض أو بيت بالنسبة للمغترب دفعة واحدة وكاش داون أصبحت غير ممكنة
الكلام مثل دعم الانقاذ وما الى ذلك لا يجدى ولا يفيد
الاراضى سودانية ويحق للسودانيين بالمهجر الاستفادة من الفرصة لهم ولأبنائهم
وبرضو عايزين من الناس تسأل عن حقها فى ادخال سيارات مخفضة لمغتربى امريكا
نعم نحن نختلف عن المغتربين بالخليج ولا ندفع ضرائب بصورة مباشرة للدولة
ولكننا حوالات السودانيين بأمريكا كبيرة جداً وقد تفوق تحويلات المغتربين فى أى بلاد أخرى
ويساهم معظم السودانيين فى أمريكا فى إعالة أسرهم وأحياناً جيرانهم وهم بذلك يسدون خدمة كبيرة للوطن
فهم يستحقون الاعفاءات والتشجيع على الاستقرار بالسودان
وهذه الخدمات ليست منحة وانما حق ويجب التعامل معها من هذا المنظلق
الحكومات ذاهبة والوطن باقى
وبعدين الناس تشتكى من انو الحكومة ما بتدى الناس حقها
وانتو هنا رافضين أخذ حقكم بحجة أن المال يذهب لدعم الانقاذ |
أخونا: حسن حماد، دائما كما عرفناكم شخص عاقل و متزن و ما بتلخبط الكيمان.
Quote: نحن فى انتظار هؤلاء القادمين ونرجو أن تكون الاراضى فى مواقع مشجعة وليست على شاكلة الوادى الأخضر وابعدوا لينا من أراضى المرابيع والكرياب
|
اجمل كلام
عبدالرحيم منصور نيويورك * **
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: مهدي صلاح)
|
مبدئيـا وشكليا لا مانع من شراء ارض من الحكومة (أى حكومـة) ما دامت حاكمة وتجدد جوازاتنا.. ولا فرق بين الدولار الذى تدفعه لقطعـة الأرض والذى تدفعه لتجديد الجواز أو الضرائب. ولكن... كيف ستحول هـذه الأموال لخزينة الدولة فى ظل العقوبات المالية الأمريكية؟ هل سيسمح بتحويل اموال لبنك السودان؟ أم الوفد هـذا يريد كاش بعدين يورد فى الخزنة على دائرة المليم وأمام شهـود عدول؟ وفى هـذه الحالة يجب الإعلان عن الكاش فى المطار ودفع الضرائب عنه التى لا تقل عن 30% غايتو لجنة نيويورك لو فيها حسن عيسى انا حاجز قطعتى من هسـه على مسؤوليته وضمانه.
| |
|
|
|
|
|
|
Re: زيارة وفد مصلحة أراضي ولاية الخرطوم إلي الولايات المتحدة الأمريكية (Re: احمد التجانى احمد)
|
عليك الله يا احمد انت اذا شغال في الخليج بتوفر في الشهر كم؟؟؟
انا قلت ناس امريكا مرتباتهم يمكن تكون اضفاف اضعاف مرتبات ناس الخليج لكن للأسف ما بيقدروا يوفروا ولا 100 دولار عشان المرتب بالكامل بيمشى في ايجار البيت والأكل والمواصلات.. لكن ناس الخليج عندهم امتيازات خيالية زي ما بسمع من خالي والشغال في السعودية وعندهم البيت مجان والمأكولات رخيصة ومدعومة من الحكومة السعودية وبنزين العربات سعرها زي سعر موية الشراب.. وبيوفروا في الشهر ثلث المرتب.. وكيفن تقول انتو ما أغنياء... انتو لازم تتحدثوا بنعمة الله الذي افاضها لكم:"" واما بنعمة ربك فحدث" اما المهاجرين في امريكا فيا حليلهم ومعظمهم بيشتغلوا 18 ساعة في اليوم وبتحدثوا عن آلام الغربة الصعبة وانتو يا ناس الخليج ما بتشعروا بآلام الغربة عشان كل 3شهور بتزوروا السودان وتذاكر الطيارة مدفوعة.. وحتى اذا مدفوعة مرة في السنة فالتذكرة للسودان ما بتفوت 600 او 700 دولار امريكي .. لكن ناس امريكا بيدفعوا في التذكرة للسودان في حدود 2000 دولار وفي شهور الصيف اكثر...
والله يديك العافية
| |
|
|
|
|
|
|
Re: تنويه : تعديل في برنامج زيارة وفد مصلحة أراضي ولاية الخرطوم إلي الولايات المتحدة الأمريكية (Re: Nasreldin Abdalla)
|
اوضه و ادبخانه؟. غايتوا يا الكيزان خليناكم لالله ينتقم منكم. مستخسرين علي الفقرانين الممكن يشتروا سكن اقتصادي بحمام و صرف صحي؟. يعني جوعتونا و شردتونا و ذليتونا حتي اخراج فضلاتنا مستخسرين علينا حمام زي الناس؟ و في ذمتك يا مدير مصلحة الاراضي ناس امريكا و المغتربين في الخليج بعد يرجعوا السودان نهائي في زول فيهم بيقدر يقعد ليه في ادبخانه؟. طيب عاوزين نشوف صورة المرحاض البلدي ده و يا ترى معروش ولا في الصقيعه ساي؟.
بعيد عن الشقق ام مستراح سين سؤال مش زمان كان قي خطه اسكانيه المواطن بيدفع بس رسوم تسجيل؟ دي لغيتوها بتسن و بأي قانون. و سؤال تاني كمواطنه ما عندي مترين تلاته في بلدي مجانا؟.
الله في
| |
|
|
|
|
|
|
|
| |