|
|
 Re: بين الكيزان... والأخوان ..!! (Re: صبري طه)
|
دينا سلام
ده كلام جميل جدا وعملي وبضيف شئ حقيقي للثورة دي كنت عايز اعمل بوست لكن اعتقد الفكرة وحدة
وتوضيح مصطلح الكيزان ده مهم جدا لانو الضبابية الفيهو
ما ناس الخارج بس الضاربين لخمه فيها براهم نحن نفسنا كسودانيين
ضاربين لخمة في مصطلح الكيزان ده!
التعريف مهم جدا:
التعريف التقليدي: نموذج استخدام الدين كوسيلة للوصول للحكم جسدته الجبهة الاسلامية فى اوضح اشكاله
متمثلة فى حكومة الانقاذ الحالية. لكن هل هذا هو التعريف الصحيح لمصطلح الكوز؟؟؟
تجربة الاخوان فى السودان الناتج عنها باختصار شديد هم الكيزان(الجبهة الاسلامية القومية)
الانشقاق الحصل من الجبهة الاسلامية ترك الاخوان فى الهامش الى يومنا هذا ولا توجد اي مؤشرات
لتأثير فعلي مستقبلي قد يحدث من الاخوان ممايؤكد دعمهم للكيزان بأشكال مختلفة الى الآن كحال اكبر حزبين فى السودان.
كل من يعدم هذا النظام الظالم بشكل مباشر او غير مباشر هو كوز؟
من وجهة نظري المتواضعة الكيزان ليس هم الجبهة الاسلامية او المؤتمر الوطني أو الشعبي الكيزان هم من يدعمون هذا النظام
شحصيا ارى الصادق المهدي كوز وكوز كبير جدا وكذلك الميرغني!
اي موقف يصب لصالح النظام يجعلك كوز. الشارع السوداني الآن محبط ليس عن ضعف او عن عدم مقدرة فى مواجهة النظام
الشعب للاسف كل من يراه على الساحة السياسية من قيادات حزبية سلوكه كيزاني مواقفه تدعم النظام تجامل النظام
ايقاع المعارضة عندهم بحذر ومكر ومعدل ارتفاعه وانخفاضه بردود افعال انسان الشارع السوداني البسيط للاسف
اذا ما توحدنا فى الرؤية دي من وجهة نظري وحددنا تعريف واضح ودقيق للكيزان ما حنعمل حاجة للنظام ده ولاحد
حيفهم نحن بنعمل فى شنو ودايرين شنو؟
هل مواقف قيادات حزبي الامة والاتحادي تجعل منهم كيزان من الدرجة الاولى ام لا؟؟
شخصيا مقتنع مليون فى الميه انهم كيـــــزان
ما يجيني واحد يقول لي فى كوادر والحزب المنشق والكلام الفاضي البشبه كلام الكيزان ده
الناس عايزة تمشي لقدام لازم تكون صارمة فى مواقفها خاصة فى مثل هذه الظروف
الكوز ده ما الا يشيل ليهو سيخة(الصورة التقليدية دي انتهت زمان). مصطلح الكيزان كبير وتوسع واخذ اشكال كثيرة جدا
خلال فترة حكومة الانقاذ. اتمنى ان نتحلى بالقدر الكافي من الشجاعةوالامانة ونصف الاشياء على حقيقتها
اذا عايزن الثورة تنجح والناس تفهمنا واهم شئ عشان نفهم بعض.
السنجك
| |
 
|
|
|
|
داليا حافظ
alsngaq
فيس بوك
تويتر
انستقرام
يوتيوب
بنتيريست