|
الهجرة الأمريكية 2015
|
بدأ التقديم للهجرة الأمريكية يوم 01.10.2013 ويستمر لمدة شهر التقديم سهل جداً عبر الموقع الرسمي ومجاناً وأي مواقع على الإنترنت او وكالات للهجرة الأمريكية لا علاقة لها بمكتب الهجرة الرسمي فهي مواقع ووكالات ربحية والناس ليس بحاجة إليها الخطوات سهله وبسيطه أهم حاجة الصورة تكون وفق المواصفات المطلوبة معظم المستبعدين قبل إجراء القرعــة بسبب عدم مطابقة الصورة للشروط المطلوبة لذا ينصح طباعة هذه الشروط او كتابتها في ورقة خارجية وتديها لـ صاحب الإستديو او محل التصوير وهنا إن شاء الله نحاول قدر المستطاع مساعدة كل الاخوة والاخوات الراغبين في التقديم ومجاناً وجاهزين لاي خدمة لـ رواد سودانيز أون لاين وعبر الفيس بوك و الايميل لاي إستفسار او مساعدة [email protected] وأرجــو أن أكون إضافة للذين سبقوني في تقديم هذه الخدمة
|
|
|
|
|
|
|
|
Re: الهجرة الأمريكية 2015 (Re: haroon diyab)
|
الف شكر ...
لدي سؤال بخصوص الصورة .. الشرط الاساسي بالنسبة للحجم هو 300 * 300 ده طبعا بالاضافة للشروط الاخرى المعروفة
سؤالي هو بعد عمل اسكان للصورة عندما تقوم بتحديد الحجم 300 * 300 فان الصورة لا تكون متناسقة كما هو اصل الصورة فما العمل في هذه الحالة كمثال
الصورة بعد تعديل الحجم 300 * 300
الصورة الاصلية
| |
|
|
|
|
|
|
Re: الهجرة الأمريكية 2015 (Re: الطاهر عثمان)
|
تحياتى فتحت اللنك المطلوب فوجدت In the space below, type the confirmation number that was given when you applied. Format: 2013xxxxxxxxxxxx or 2014xxxxxxxxxxxx. Forgot Confirmation Number هم عايزين رقم مرجعى وانا ما عندى رقم مرجعى كيف يتم ملء الفورم ارجو التوضيح
| |
|
|
|
|
|
|
Re: الهجرة الأمريكية 2015 (Re: مصطفى توفيق)
|
Quote: تسلم ياجميل اسم علي مسمي
معلومات واضحة وبسيطة
اتوكلنا علي الكريم
وليك الحلاوة ياحلاوة
|
الاخ العزيز هارون
تشكر يا رائع حلاوتنا بس تفوز تتوفق ان شاء الله وهذه اكبر حلاوة
Quote: الف شكر ...
لدي سؤال بخصوص الصورة .. الشرط الاساسي بالنسبة للحجم هو 300 * 300 ده طبعا بالاضافة للشروط الاخرى المعروفة
سؤالي هو بعد عمل اسكان للصورة عندما تقوم بتحديد الحجم 300 * 300 فان الصورة لا تكون متناسقة كما هو اصل الصورة فما العمل في هذه الحالة كمثال
الصورة بعد تعديل الحجم 300 * 300
|
الاخ الطاهر تحياتي حجم الصور لا يتعدي 240 كليوبايت طول الصور 600*600 بيكسل راجع رابط التعليمات بالعربي او الانجليزي الصفحات (3) و(4) الخاص بالصورة بالنسبة للاسكانر انت ما تطبع صور ..لما تتصور خلي المصور يديك الصورة من الكاميرا في فلاش "مميري" في عدد كبير من محلات التصوير عندهم كمبيوترات وبرامج تعديل الصور ممكن يعمل الصورة بالضبط نفس الشروط المطلوبة
Quote: فتحت اللنك المطلوب فوجدت In the space below, type the confirmation number that was given when you applied. Format: 2013xxxxxxxxxxxx or 2014xxxxxxxxxxxx. Forgot Confirmation Number هم عايزين رقم مرجعى وانا ما عندى رقم مرجعى كيف يتم ملء الفورم ارجو التوضيح |
الاخ مصطفي تحياتي ... هذا ما يخص المتقدمين للعام السابق ... لازم يكون المتصفح بتاعك إنترنت إكسبلور 8 وما فوق Internet Explorer 8.0 or higher يعني بمتصفحات غوغل وفايرفوكس وغيرها الصفحة ما بتفتح معاك حاول بمتصفح اكسبلور تاني على الرابط نفسه : أضغط : هناhttps://www.dvlottery.state.gov/
Quote: Abdelazim Mekki • الأكثر تعليقا • TU Berlin
سلام
في حاله كتابة إسم العائله الجد الرابع ، كيف يكتب midle name رد • أعجبني • متابعة المنشور • منذ 5 ساعات
|
من الفيسبوك الاخ Abdelazim تحياتي تكتب الوالد مثلاً عبدالعظيم مكي محمد علي اسم العائلة (علي) الاسم الاول (عبدالعظيم ) الاسم الاوسك (مكي)
مهم جدا الناس ما تغفل الصفحة بعد ما تنهتي من تعبئة الطلب ..اكتب رقم التاكيد confirmation number وسنة الميلاد والاسم والتوقيع في ورقة واحسن تنسخ هذه المعلومات وتحفظها في الكمبيوتر حتي ما يكون في اي غلط
| |
|
|
|
|
|
|
Re: الهجرة الأمريكية 2015 (Re: السر جميل)
|
مشكور اخونا السر
بس سؤالي مازال قائما ... قول انا اخدته صورة بديجيتال كاميرا وعندي برامج التعديل سؤالي هل الابعاد 600 * 600 مناسبة لا تعتقد انها لاتعطي ابعاد حقيقية للصورة عندما تقوم بالتعديل لهذه الابعاد
| |
|
|
|
|
|
|
Re: الهجرة الأمريكية 2015 (Re: الطاهر عثمان)
|
Quote: مشكور اخونا السر
بس سؤالي مازال قائما ... قول انا اخدته صورة بديجيتال كاميرا وعندي برامج التعديل سؤالي هل الابعاد 600 * 600 مناسبة لا تعتقد انها لاتعطي ابعاد حقيقية للصورة عندما تقوم بالتعديل لهذه الابعاد |
أجدد لك التحية اخي الطاهر
حسناً في برنامج اون لاين على الرابط التالي http://pixlr.com/editor/ الخطوات بسيطة في هذا البرنامج تذهب الي قائمة فايل (File) وتختار اول خيار صورة جيدة New image بظهر ليك مربع حوار اختار الصورة من الكمبيوتر او الفلاش مميري بعدما تنزل الصورة في البرنامج ممكن تضبط الابعاد ودقة الصورة والحجم حسب الشروط المطلوبة بعد ذلك تختار حفظ في الكمبيوتر وكده بتكون 100% اذا ما قدرت رسل لي الصورة ع الايميل اعلاه بعمل اللازم برسلها ليك
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: رد · أعجبني · متابعة المنشور · منذ 13 ساعة
عبدالله الجمعة · Khartuom با رك الله فيك . مجان ولا بقروش |
من الفيسبوك الاخ عبدالله الجمعة
نعم مجاناً نحاول بقدر المستطاع مساعدة الآخــرين ولا ندعي فيك ذلك الخبرة والمعرفة الكاملة في امور الهجرة ما لدينا من معلومات وإمكانيات بسيطة نفيد بها من يرجو ذلك ومن قال الله أعلم فقد أفتي
تقبل اكيد شكري
| |
|
|
|
|
|
|
Re: الهجرة الأمريكية 2015 (Re: السر جميل)
|
أجدد شكري وتقديري لكل رواد سودانيز أون لاين الذين راسلوني على الأيميل [email protected] على الثقة الغالية والذين أرسلوا بياناتهم وصورهم للتقديم بالنيابة عنهم وأتعهد أمام الله مجدداً لهم ان كل البيانات والصور لن ولم أستخدمها لاي غرض آخر غير التقديم للهجرة الامريكية ولهذا العام ولن ارسلها لاي شخص او جهة اخري وهذا القسم لم يطالبني به أحــد ولكن كي تطمئن قلوبكم والله على ما أقول شهيد
السر جميل
| |
|
|
|
|
|
|
Re: الهجرة الأمريكية 2015 (Re: مجدي امدرمان)
|
Quote: Mahmoud Hassan · Dubai, United Arab Emirates السلام عليك ورحمة الله تعالي وبركاته
شاكرين جهودكم لدي سوال بسيط اتمني ان اجد الإجابة عليه
كيف اعرف ان تقديمي كان صحيحا أما لا؟ هل هنالك رسالتين مختلفتين في حالة البحث عن الارقام الفائزة ؟
كيف اعرف ان طلبي كان صحيحا ولكن لم يتم اختياري نتيجة القرعة
بمعني آخر كيف نميز بين الطلبات المستبعدة من البداية نتيجة لعدم تتطابق الشروط وتلك التي لم يتم اختيارها نتيجة القرعة رد · 1 · أعجبني · متابعة المنشور · منذ 16 ساعة المكوّن الإضافي الاجتماعي لفيس بوك |
سؤال لأخونا جميل من نواحي الفيس بوك !!!
| |
|
|
|
|
|
|
Re: الهجرة الأمريكية 2015 (Re: قسم الفضيل مضوي محمد)
|
الأخــوة Mahmoud Hassan قسم الفضيل
كل عام وانتم بخير وربنا يحقق كل لما نصبوا اليه بالرجوع الي لـ شروط التقديم ... نعم فعل هناك طلبات تستبعد قبل إجراء مثلاً تكون الصورة امتر من 6 شهور وممكن الواحد يقدم بصورة زهــرة او شجرة مثلاً يكون حجمها والبكسيل والدقة مطابق للشروط عند التقديم البرنامج بيقبلها لكن هناك فرز قبل اجراء القرعة للطلبات غير سليمة مثل هذه الصورة القديمة خاصة ومعظ المشاكل مرتبط بالصورة وايضا قائمة الدولة الغير مؤهلة للتقديم والتقديم اكثر من مره وفي حالة عدم الفوز لاتوجــد اشارة لاستبعاد طلبك بسبب عدم إستيفاء الشروط
وبالله التوفيق
| |
|
|
|
|
|
|
Re: الهجرة الأمريكية 2015 (Re: قسم الفضيل مضوي محمد)
|
الأخــوة Mahmoud Hassan قسم الفضيل
كل عام وانتم بخير وربنا يحقق كل لما نصبوا اليه بالرجوع الي لـ شروط التقديم ... نعم فعل هناك طلبات تستبعد قبل إجراء مثلاً تكون الصورة امتر من 6 شهور وممكن الواحد يقدم بصورة زهــرة او شجرة مثلاً يكون حجمها والبكسيل والدقة مطابق للشروط عند التقديم البرنامج بيقبلها لكن هناك فرز قبل اجراء القرعة للطلبات غير سليمة مثل هذه الصورة القديمة خاصة ومعظ المشاكل مرتبط بالصورة وايضا قائمة الدولة الغير مؤهلة للتقديم والتقديم اكثر من مره وفي حالة عدم الفوز لاتوجــد اشارة لاستبعاد طلبك بسبب عدم إستيفاء الشروط
وبالله التوفيق
| |
|
|
|
|
|
|
Re: الهجرة الأمريكية 2015 (Re: مجدي امدرمان)
|
Quote: اشكرك استاذنا على التوضيح .. هل ممكن اعيد التقديم باسم الزوجة ايضا لتعزيز الفرصة ؟ |
الاخ مجــدي كل عام وانت بخير نعم ممكن تقدم للزوجــة ويكون عندك فرصتين وبالتوفيق إن شاء الله
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: سؤال مكرر على الايميل :
انا ماعندي صندوق بريد اذا فوزت كيف استلم خطاب الفوز ؟ |
بالنسبة للناس الـ ماعندهم صندوق بريد ما مشكلة كبيرة الايميل يكفي ولكن لن يرسل لك خطاب الفوز فيه ومع ذلك ترسل لك رسالة تفيد تم اختيارك وتتبع الخطوات اللازمــة بخصوص التأشيرة وهذا هو المطلوب الناس ما تخاف من هذا الجانب
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: تتخيل أخي العزيز هناك المئات من الناس عندهم مشكلتهم الاساسية الصورة
|
فعلاً يا عزيزي الصور هي بتضيق فرص الفوز الضيقة اصلاً! فالامر ليس صعباً ولكنه ضروري جداً عشان طلبك ما يتم استبعاده.
Quote: ثانياً : ليه التحذيرات الكتيرة دي من حكاي الصورة أول ما تفتح معاك الصفحة تاني عنوان بتلقي مكان لتجريب صلاحية الصورة يعني ما تخوفو الناس من الحكاية دي لو صورتك ما صالحة بيجيك الرد اوتومتيكلي واللا الحكاية شنو؟ في مسألة الفاليديتي دي ما كافية يعني؟ |
التحذيرات الكتيرة يا اخي العزيز لانها فراقت الحبايب :) ... لو راجعت مداخلتي اعلاه فيها شرح مفصل للرد على سؤالك ... فصورة الخروف الفوق دا لو جربت صلاحيتها في موقع اللوتري حيجيك رد بانها صورة صالحة! :) .. المطلوب بعد التأكد من صلاحية الصورة من حيث الطول والعرض والوزن والبكسل في نفس حتة فحص الصور الانت بتعرفها، مطلوب منك تختبر مساحة الرأس والوجه حسب الشرح والنمازج الموضحة في مداخلتي الاولى، مع مراعاة الشروط الاخرى المطلوبة المبينة في النقاط من 1 الى 6..
Quote: Quote: سؤال مكرر على الايميل :
انا ماعندي صندوق بريد اذا فوزت كيف استلم خطاب الفوز ؟ |
كدي انت فوز الباقي هيين:) ما ضروري انك تستلم اي حاجة بالبريد.. فبمجرد ما انك تأكدت من فوز طلبك ممكن ترسل رسالة بالاميل لــ [email protected] ، وتكتب فيها رقم طلبك الفائز "الكيس نمبر" واسمك وتاريخ ميلادك وبلد الاستحقاق "مثلاً السودان"، وتطلب منهم انهم يرسلوا ليك كل المستندات والتعليمات الخاصة بعمل الفحوصات الطببية وشهادات الفيش والفورمات المطلوبة عبر اميلك الشخصي. والطريقة الاخرى ممكن انت او اي شخص من معارفك ان تتصلوا عليهم تلفونياً في الرقم 0016065267500 وتطلبوا منهم ارسال الفورمات والتعليمات على الاميل أو الصندوق البريدي المرغوب.. انا شخصياً اتصلت علي ناس الـ KCC اكتر من مرة خلال السنين الفاتت لنفس الغرض وفي نفس اليوم استلمت كل المستندات المطلوبة عبر الاميل..
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: قانون اللوتري ينص بوضوح بأن بلد ميلادك هو بلد "إستحقاقك" والمقصود ببلد الإستحقاق (هو البلد الذي سيحسب فوزك من ضمن حصته).
|
نعم أخي أحمد هذه نقاط مهمة وردتني أسئلة كتيرة على الايميل بهذا الخصوص ... يعني إنت سوداني مولود في السعودية تقدم من السعودية وإذا مقيم فيها الآن ما ح تذكر اسم السودان نهائي في طلب التقديم لان بلد الميلاد - والدولة المقدم منها نفس بلد الميلاد وهي السعودية - والعنوان الحالي السعودية الا اذا كان الشخص كما تفضل الاخ ؟أحمد مولود في احدي الدول التالية : بنجلاديش - البرازيل - كندا - الصين - كولومبيا جمهورية الدوميتيكان - اكوادور - السلفادور - هاييتي - الهمد - جامايكا - المكسيك - باكستان - بيرو - الفيلبيين - كورية الجنوبية المملكة المتحدة (بستثناء ايرلندا الشمالية )- فيتنام - في هذه الحالة يكتب السودان حسب جنسية أحد الوالدين اما الاشخاص المولدين في هونج كونج وفي الماكاو وفي تايون فيجوز لهم على طلبات الهجرة بناء على برنامج التعددية وما أعتقد في سودانيين مقيمين في في تلك البلدان ، أغلب السودانيين في الخليج والسعودية بالتحديد
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: أخي السر جميل انا بكتب في الطلب وعملت الصورة واي حاجة ومشيت الصفحة التانية بقرا في البيانات بتاعتي وبراجعها الكهرباء قطعت ماعارفه الطلب كده خلاص ولا اقدم تاني واذا قدمت تاني ما بعتبر قدمت اكتر من مره والله محتاره اعمل شنو ارجو الرد وشكرا ليك كتير اختك .... |
سؤال مهم انقل هذه الاسئلة لعموم الفائدة
لا يعتبر إنك قدمتي لانك ما عملتي تأكيد للصفحة التانية واستلمتي رقم التأكيد في الحالة دي ممكن تقدمي من جديد ولا يعتبر الطلب مقدم مرتين
ملحوظة: يفضل اذا كان عندك لاب توب يكون احســن حتي اذا الكهرباء قطعت بكون فيهو بطارية بتتمكني من اكمال بيانات طلب التقديم والاحتفاظ برقم التأكيد فعلاً تكون مشكلة اذا الزول بنسخ او بكتب في رقم التأكيد والكهرباء قطعت ولا كيف يا أحمد
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: استاذ جميل
السلام عليك ورحمة الله دخلت ابحث في الانترنت عن الهجرة الي امريكا قبل ما اقرا موضوعك في سودانيز اون لاينن دا لقيت موقع كتبت فيهو بياناتي يعني عملت تسجيل معاهم وبالعربي وبرضو ممكن بالانجليزي وكم لغة في النهاية طلبو مني قروش الفيزا كرد بعد شويه ضربو لي تلفون دا الموقع http://www.usagc.org/
|
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
لكل الأخــوة الكرام
إيميلات كثيرة وصلتني البيانات فيها بالعربي أرجــو أرسال الاســم كماهو مكتوب بالإنجليزية في جواز السفر + مدينة الميلاد والناس الـ ماعندهم جوازات ممكن نكتب ليهم أسماؤهم بالإنجلــيزية وسوف أرسل لهم مع رقم التأكيد الأســم ومدينة الميلاد كما كتبها في طلب التقديم حتي يستخروا جوازات سفر بنفس البيانات في حالة الفوز
نرجو التوفيق للجميع
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: Quote: اخي بعد ما اتصور كيف اعرف الصورة 600 بكسيل والدقة 24 والحجم اقل من 240 |
للتأكد من القياسات دي، انت محتاج تدخل لموقع اللوتري في الرابط ادناه عشان تحمل الصورة من جهازك ليتم فحصها: https://www.dvlottery.state.gov/photo.aspx
ودا حيكون شكل الشاشة.. فمطلوب منك ان تتبع الخطوات المبينة في الصورة ادناه
اذا كانت صورتك مظبوطة حيجيك رد زي الشاشة التحت دي:
اما ان كانت صورتك ما صحيحة حيجيك الرد كمثل الصورة ادناه:
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
التحية والسلام الاخ السر ولكل المتواجدين مستعينا بالله وبالشرح المستفيض الاخدناهو منكم في سودانيز اونلاين قدمت قبل يومين برايي اهم حاجة تجهيز صورة مستوفية للشروط ،زي كل مرة تقديم أنا مشيت للهندي في محل التصوير الجمبنا طابع شروط الصورة من الموقع الرسمي وزي كل مرة الهندي قال لي : مش الـ DV...انا عارف المطلوب وبرضو زي كل مرة قلتوهو لي ماعايز الصور مطبوعة ...فقط في الفلاش ميموري
أعرفكم بنفسي: محسوبكم خبرة تقديم اكثر من موسم للوتري
| |
|
|
|
|
|
|
Re: الهجرة الأمريكية 2015 (Re: مهدي صلاح)
|
Quote: عندى سؤالين اسم العائلة بالنسبة لى واولادى شرطا يكون متطابق والسؤال الثانى اسمى بالانجليزى فى الجواز بيختلف عن اسمى بالانجليزى عن جوازات اولادى اقدم كما هو ولا اغير فى الجوازات ومشكور مقدما للروح والمبادرة الطيبة |
أولاً: المقصود بأسم العائلة هو الاسم الاخير. واحنا في السودان ما عندنا نظام كتابة اسم العائلة اي الاسم الاخير لاولادنا في المستندات الرسمية. وعشان كدا اسم العائلة للاب والاولاد بيكونوا مختلفين، فمافي مشكلة في المسألة دي نهائياً.. لو كتبت اسم العائلة خاصتك لاولادك برغم انه ما ظاهر في جواز سفرهم برضوا مافي مشكلة ،،ولكن من الافضل ان تكتب اسم العائلة أي الاسم الرابع لكل واحد من الاولاد كما هو مكتوب في جواز سفرهم.
ثانياً: مافهمت انت قاصد شنوا عن اختلاف الاسم بالانجليزي في سؤالك التاني؟ هل هو شرح للسؤال الاول؟؟ لكن اذا كان الاسم الاخير في جوازك بالعربي غير مطابق لاسمك كما هو مكتوب بالانكليزي فمن الضروري الاسم يكون موحد
| |
|
|
|
|
|
|
Re: الهجرة الأمريكية 2015 (Re: مهدي صلاح)
|
Quote: التحية والسلام الاخ السر ولكل المتواجدين مستعينا بالله وبالشرح المستفيض الاخدناهو منكم في سودانيز اونلاين قدمت قبل يومين برايي اهم حاجة تجهيز صورة مستوفية للشروط ،زي كل مرة تقديم أنا مشيت للهندي في محل التصوير الجمبنا طابع شروط الصورة من الموقع الرسمي وزي كل مرة الهندي قال لي : مش الـ DV...انا عارف المطلوب وبرضو زي كل مرة قلتوهو لي ماعايز الصور مطبوعة ...فقط في الفلاش ميموري
أعرفكم بنفسي: محسوبكم خبرة تقديم اكثر من موسم للوتري
|
وعليكم السلام أخي مهــدي
نسأل الله لك التوفيق والسداد ..
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: Tayeb Abdalla · الأكثر تعليقا · ودالسائح الثانويه بنين سلام السر ياجميل رسلت ليك ايميل عشان تزبط الصور وترجعهم لى وعندى سؤالين اسم العائلة بالنسبة لى واولادى شرطا يكون متطابق والسؤال الثانى اسمى بالانجليزى فى الجواز بيختلف عن اسمى بالانجليزى عن جوازات اولادى اقدم كما هو ولا اغير فى الجوازات ومشكور مقدما للروح والمبادرة الطيبة رد · أعجبني · متابعة المنشور · منذ 15 ساعة |
السلام عليكم أخي Tayeb - وعيد مبارك عليكم
مافي مشكلة إن شاء الله بكون معاك على تواصل عبر الايميل بخصوص الصور
Quote: ثانياً: مافهمت انت قاصد شنوا عن اختلاف الاسم بالانجليزي في سؤالك التاني؟ هل هو شرح للسؤال الاول؟؟ لكن اذا كان الاسم الاخير في جوازك بالعربي غير مطابق لاسمك كما هو مكتوب بالانكليزي فمن الضروري الاسم يكون موحد |
حسب ما فهمت أخي أحمد
مثلاً أسمو هو : الطيب عبدالله محمد علي Tayeb Abdalla Mohamed Ali
واسم ولدو مثلاً : علي الطيب عبدالله محمد Ali Altayeb Abudalla Mohammed
يعني الإختلاف في كتابة الإســم بالإنجليزية (Spelling) في جوازه وجوازات سفر أولاده
ولا مشيت بعيد عن سؤالك أخي العزيز
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: السلام عليك أستاذ جميل وربنا يجعل هذا العمل في ميزان حسناتك ان شاء الله انا مقيمة في الامارات وعندي ولدي الكبير عمرو 20 سنة وبنتي عمرها 18 سنة ممكن اقدم ليهم معاي يعني طلب اسرة وبعيد يقدمو براهم وفي الحالة دي بستبعدهم لانهم مقدمين طلب اسرة وطلب منفصل يعني تقديم مرتين ولا الافضل يقدمو معاي بس ولا بطلب منفصل لكل واحد ان شاء الله السؤال يكون وضح ليك
|
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: السلام عليك اخي السر عذبناك معانا يا اخي انا متزوج ومقيم في السعودية واولادي في البلد ومافي استديو قريب منهم بتكون فيهو المواصفات بتاعت الصورة دي حتي اقرب مدينة ليهم 3 ساعات بالسيارة دا غير التعب والتلتلة ممكن اقدم انا عازب وبعدين اذا ربنا وفقنا وفزت اجيب اولادي |
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: السلام عليكم يا سر يا جميل والله معلوماتك سهله وبسيطه وتفرح الواحد يا اخي من سنة اسكت بقدم للهجرة دي ما عارف طلبي دا بمشي وين الظاهر بمشي لناس الجوازات والهجرة السودانية لكن بالجد الصورة ما كنت متاكد منها المهم بتاع الاستديو بقول لي دي الدايرناها ناس الهجرة وما بمشي الا لواحد يكون عامل ليهو اعلان بره صور اللوتررررررررررررري أها السنة كنت ناوي اجرب بالبريد قلت يمكن المرة تظبط والامركان ديل كان عارفين التعب التعبتو في التقديم دا المفروض يرسلوا الجواز لكن لما قريت كلامك دا بقيت متردد اقدم معاك ولا احسن بالبريد وهل الفرصة متساوية ويكون بالبريد المسجل ولا السريع لكن وشك وش خير والله العظيم |
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: انا ما عندي جواز واحد قال لي ممكن تقدم اكثر من مرة كل مرة اكتب تاريخ ميلاد مختلف يعني زي شهادة التسنين واغير العنوان والاسبلنج اها كيف يا حبيب الكلام ظابط ولا الجماعة بعرفو من الصورة |
| |
|
|
|
|
|
|
Re: الهجرة الأمريكية 2015 (Re: السر جميل)
|
مع التحية والتقدير على مجهوداتك الكبيرة للإستنارة والتوضيح أود أن أسألكم التالي :-
هل تقدم الأسرة مرة واحدة أم مرتين وأعني أن أقدم لنفسي متضمناً في طلبي الزوجة والأبناء .
وأن تقدم الزوجة متضمنة الزوج والأبناء , ( فرصة واحدة أم فرصتان) .
| |
|
|
|
|
|
|
Re: الهجرة الأمريكية 2015 (Re: ولياب)
|
Quote: مع التحية والتقدير على مجهوداتك الكبيرة للإستنارة والتوضيح أود أن أسألكم التالي :-
هل تقدم الأسرة مرة واحدة أم مرتين وأعني أن أقدم لنفسي متضمناً في طلبي الزوجة والأبناء .
وأن تقدم الزوجة متضمنة الزوج والأبناء , ( فرصة واحدة أم فرصتان) . |
الأخ ولياب تحياتي ،،،
الأســرة ممكن تقدم مرتين مرة بإسم الزوج والزوجة تكون مرفقة والأولاد ومرة أخري بإسم الزوجــة ويكون الزوج مرفق والأولاد وإذا وقع الإختيار على أي من الطلبين يحق للآخــر الانتساب لـ صاحب الطلب الذي وقع عليه الإختيار يعني فرصتين
وبالتوفيق إن شاء الله
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: هل تقدم الأسرة مرة واحدة أم مرتين وأعني أن أقدم لنفسي متضمناً في طلبي الزوجة والأبناء . وأن تقدم الزوجة متضمنة الزوج والأبناء , ( فرصة واحدة أم فرصتان) . |
الاخ العزيز ولياب ، كل سنة انت والاسرة تنعمون بموفور الصحة والعافية.. اتفق مع الاخ جميل بان للمتزوجين فرصتين..
لضمان دخولك للقرعة يرجي الاهتمام بمواصفات الصورة المنشورة في الصفحة الاولي للبوست.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: انا مقيمة في الامارات وعندي ولدي الكبير عمرو 20 سنة وبنتي عمرها 18 سنة ممكن اقدم ليهم معاي يعني طلب اسرة وبعيد يقدمو براهم وفي الحالة دي بستبعدهم لانهم مقدمين طلب اسرة وطلب منفصل يعني تقديم مرتين ولا الافضل يقدمو معاي بس ولا بطلب منفصل لكل واحد ان شاء الله السؤال يكون وضح ليك |
الاخت السائلة تحياتي، سؤالك مهم .. قوانين اللوتري حسب علمي تجيز للاسرة تقديم الطلب مرتين مرة بأسم الزوجة ومضاف ليها الزوج والابناء ، ومرة بأسم الزوج ومضاف ليهوا الزوجة والابناء، يعني الاسرة بتقدم مرتين... ولكنني ما اطلعت على اية معلومة تجيز للابناء دون الـ 21 الغير متزوجين والمستوفين لشروط التقديم ان يقدموا مرتين ، مرة مع الاسرة ومرة كطلب منفصل لكل واحد منهم!! وغالباً الكلام دا ما مسموح بيهوا لانوا حيكون بيناقض الشروط الخاصة بتقديم الاسرة.. لأنهم بشترطوا انوا طلب الاسرة لازم يكون بشمل معلومات الزوج\الزوجة وكل الاطفال دون سن الـ 21 (طالما انهم ما متزوجين) حتى وان كان الزوج \ الزوجة مختلفين وبصدد الطلاق او لايرغب احدهم في الهجرة، وحتى وان كان احد او كل الاطفال لايرغبون في الهجرة.. يعني طالما اولادك ديل ما متزوجين واقل من سن الـ 21 لازم يكونوا مرفقين في طلب الاسرة. التعليمات ما فيها حاجة بتجوز الكلام دا ولا بتمنعوا لكن الاسلم انك تقدمي ليهم تبع الاسرة.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: يا اخي انا متزوج ومقيم في السعودية واولادي في البلد ومافي استديو قريب منهم بتكون فيهو المواصفات بتاعت الصورة دي حتي اقرب مدينة ليهم 3 ساعات بالسيارة دا غير التعب والتلتلة ممكن اقدم انا عازب وبعدين اذا ربنا وفقنا وفزت اجيب اولادي |
ياعزيزي اي معلومة انت حتكتبها من طلب التقديم للوتري والفورمات اللاحقة في حالة الفوز دي كلها بتكون قاعدة هنا في السيستم ليوم القيامة يعني لا بتفوت ولا بتموت :)
صحيح ممكن تقدم كأعزب وتفوز وتجي امريكا كمان، لكن بعدين جيبت الاولاد هنا بتكون معقدة للغاية!! سمعت بشخص لا اعرفه شخصياً انوا حصلت ليهوا تجربة مشابه للقصة دي، واضطر انوا يعمل زواج جديد لزوجته بعد حصوله على القرين كارد وادعى انوا زوجته دي كانت متزوجة قبل كدا وعندها اولاد وجاب اولاده بأسم مختلف عن اسمه وصحيح هو ممكن يعدل ليهم اسمائهم لاحقاً بعد حضورهم للولايات المتحدة لكن دا عمل غير قانوني وممكن يعرضه لمشاكل مستقبلاً. البلد دي اكان عملت ليك اي لخبتة ممكن ينكتوها ليك بعد خرتمية سنة :)
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: والله معلوماتك سهله وبسيطه وتفرح الواحد يا اخي من سنة اسكت بقدم للهجرة دي ما عارف طلبي دا بمشي وين الظاهر بمشي لناس الجوازات والهجرة السودانية لكن بالجد الصورة ما كنت متاكد منها المهم بتاع الاستديو بقول لي دي الدايرناها ناس الهجرة وما بمشي الا لواحد يكون عامل ليهو اعلان بره صور اللوتررررررررررررري أها السنة كنت ناوي اجرب بالبريد قلت يمكن المرة تظبط والامركان ديل كان عارفين التعب التعبتو في التقديم دا المفروض يرسلوا الجواز لكن لما قريت كلامك دا بقيت متردد اقدم معاك ولا احسن بالبريد وهل الفرصة متساوية ويكون بالبريد المسجل ولا السريع لكن وشك وش خير والله العظيم |
فعلاً يا عزيزي المشكلة الاكبر هي في الصورة واحسن تمشي لاستديوا متخصص في عمل صور اللوتري، وتطلب منهم انوا يعملوا ليك صورة رقمية لانوا انت في الاصل ما محتاج لصورة ورقية. واذا الاستديوا بعمل صور ورقية بس انت حتكون محتاج انك تعمل ليها "إسكان" عشان تحولها لصورة رقمية. لانوا التقديم عبر البريد منع قبل سنين طويلة ولا يجوز ليك تقدم الا عبر التقديم الاليكتروني يعني بواسطة الكمبيوتر. تعليمات اللوتري تنص بوضوح انوا التقديم لازم يكون اليكتروني والتقديم بواسطة البريد غير مقبول!
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: بالنسبة للمؤهل بقولو الحد الادني الثانوية يعني المتوسطة ولا العالي وبعدين ليه كاتبين الابتدائة |
ممكن تقدم للوتري اذا انت استوفيت واحد من الشرطين ديل:
1. يكون عندك شهادة ثانوي عالي! ولازم الزول يكون مكمل 12 سنة في كل مراحله الاولية (إبتدائي+ متوسطة+ ثانوي عالي) قبل نيله شهادة الثانوي. وان كان نفس الشخص دا قرأ 11 سنة بس قبل نيله شهادة الثانوي العالي ودا بنطبق على الناس القرو في النظام الجديد بتاع سنة تامنة! لازم يكون قاري على الاقل سنة واحدة في الجامعة عشان يستوفي الشرط بتاع الـ 12سنة.
اما في حالة انوا ما عندك شهادة ثانوية عليا ممكن تقدم للوتري اذا انطبق عليك الكلام دا:
2. تكون شغال في مهنة وعندك فيها خبرة على الاقل لمدة سنتين، وتكون درست او اخدت كورسات تدريبية في المهنة الشغال فيها دي من مدرسة او معهد او مؤسسة تعليمية لمدة لا تقل عن السنتين.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: انا ما عندي جواز واحد قال لي ممكن تقدم اكثر من مرة كل مرة اكتب تاريخ ميلاد مختلف يعني زي شهادة التسنين واغير العنوان والاسبلنج اها كيف يا حبيب الكلام ظابط ولا الجماعة بعرفو من الصورة |
ما بالضرورة يكون عندك جواز سفر عشان تقدم!
بعدما التقديم بقى اليكتروني مسألة عمل طلبات متكررة مع تغيير تاريخ الميلاد او خلافه بقوا يكتشفوها بسهولة وبستبعدوك من القرعة طوالي ولو عرفوا انك بتحاول تغش بحظروا اسمك من المشاركة مستقبلاً. وبالنسبة ليهم الفرق واضح بين زول قدم عن طريق الخطأ طلبين متشابهين تماماً ،، وزول تاني قدم طلبات متكررة مع تغييرات في البيانات!
هم نفسهم بحذروا الناس من القصة دي وبيقولوا في التعليمات انهم بستخدموا تكنلوجيا متقدمة لكشف اي طلبات متكررة بصورة او بأخرى .... الصورة براها بتوريهم الحاصل ؛)
| |
|
|
|
|
|
|
Re: الهجرة الأمريكية 2015 (Re: Ibrahim Farah)
|
Quote: بالنسبة لتصوير الاطفال عمر شهر وشهرين كيف الوضع معاهم |
الأخ إبراهيم تحياتي،، ماعندي معلومة مؤكدة بشأن صور الاطفال في العمر دا، لكن الارجح ما حيكون فيها مشكلة. عموماً حاول قدر الإمكان أن تكون صورة وجه الطفل واضحة بشكل جيد. طبعاً اكيد لو عمل الصورة بتاع استديو حتكون ممتازة.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: السر ياجميل سلام هو ماذكرت الاختلاف فى ال spelling يعنى اسمى مكتوب فى جوازى eltaeib وفى جوازات الاولاد eltayeb |
من الضروري يا الطيب إنوا الإسبلنغ يكون موحد! تصحيح الإسم في الجواز بعتمد على إنك مقيم وين حالياً؟؟
- فلو انت مقيم في السودان الموضوع بكون هين، وعشان تتفادى دفع رسوم كتيرة لتعديل كل جواز من جوازات أولادك ،، ممكن تعمل التصحيح في جوازك انت بس. بالتالي لمن تقدم الطلب افضل تكتب إسمك بنفس الطريقة المكتوب بيها في جوازات الأولاد ولاحقاً تعمل تصحيح للإسم في جوازك بس.
- أما لو انت مقيم بره السودان ، إجراء التصحيح عادة ما بكون في السفارة لكن الموضوع ربما ما بنتهي هنا ، وقد تحتاج لتعديل الإسم مع سلطات الهجرة في بلد إقامتك عشان يكون الإسم متطابق مع بيانات إقامتك.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
استاذ السر تحياتى ارسلت لك فى الايميل صور افراد عائلتى عندما قمت بعمل جك للصور كان الرد Your photo cannot be more than 240KB in size. اذا كان من الممكن اجراء اى تعديل فى الحجم اكون فى غاية الشكر والامتنان . واعتذر جداً عن الازعاج .
| |
|
|
|
|
|
|
Re: الهجرة الأمريكية 2015 (Re: ولياب)
|
Quote: الأخ / السر
الأخ / أحمد
مع التحية
تم التقديم بعد أن تم ضبط الصور حسب المطلوب وعملت برنت لتأكيد التقديم وأيضاً سوفت كوبي والله الموفق . |
بالتوفيق أخي ولياب مع صادق الدعوات
| |
|
|
|
|
|
|
Re: الهجرة الأمريكية 2015 (Re: shaheen shaheen)
|
Quote: استاذ السر تحياتى ارسلت لك فى الايميل صور افراد عائلتى عندما قمت بعمل جك للصور كان الرد Your photo cannot be more than 240KB in size. اذا كان من الممكن اجراء اى تعديل فى الحجم اكون فى غاية الشكر والامتنان . واعتذر جداً عن الازعاج |
تحياتي أخ شاهين
نعم إستلمت الصور وتم تعديلها وأرسلتها في الحال (راجع إيميلك) لايوجــد أي إزعاج نتشرف بخدمتكم والله ودا واجبنا ومرحب بيك مجدداً لاي خدمة أخـــري
تقديري،،،،
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: عندي سؤال محير شوية استاذ السر جميل انا متزوجة من واحد وانجبت منه بنت عمرها 6 سنة وانفصلنا انا اتزوجت واحد ولدي منه طفلين و زوجي تزوج واحدة تانية وعندو منها اطفال بسال البنت من الزوج الاول اذا قدم زوجي الحالي طلب حيكتبني انا والطفلين يعني ما حيكتب طلفتي من زوجي الاول في حالة فوز طلب زوجي بنتي من الزوج السابق طبعا مافي في الطلب كيف يكون وضعها اذا عايزه اسوقه معاي كيف الحل |
والله يا أحمد فعلاً سؤال مُحير ؟
| |
|
|
|
|
|
|
Re: الهجرة الأمريكية 2015 (Re: السر جميل)
|
هناك عدد كبير من الأخوة والاخوات الكرام بعد اطلاعهم على هذا البوست يطلبون شروط الصور والبيانات المطلوبة ارجو منهم شاكراً الرجوع للصفحة الاولي فيها نموذج سهل وبسيط للبيانات المطلوبة فقط تستبدل البيانات الموجوده فيه ب بياناتك واذا عندك اكتر من طفل اعمل نسخ للأسئلة للطفل الاول واكتب فيها بيانات الطفل الثاني وهكذا لا خر طفل بالنسبة لشروط الصورة ايضا توجد معلومات وافيه في الصفحة الاولي زائد رابط باللغة العربية والانجليزية لـ شروط التقديم في الصفحة رقم 4 و5 تجدون بالتفصيل شروط الصورة ليس متضايق من أي اسئلة من هذا القبيل يمكنني ارسال شروط الصورة والبيانات المطلوبة بكل رحابة صدر ولكن حتي تستفيدوا من الخطوة التالية او اي استفسارات اخري
من خالص الدعاء للجميع بالتوفيق
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: Azzam Mohamed · الأكثر تعليقا تاريخ ميلادي علي الجواز وعلي شهادة الميلاد مختلف الحل شنو ؟؟ مع العلم باني ما عندي إمكانية تغيير الجواز لارتباطي بعمل من خلاله. رد · أعجبني · متابعة المنشور · منذ 3 ساعات |
| |
|
|
|
|
|
|
Re: الهجرة الأمريكية 2015 (Re: السر جميل)
|
اخونا العزيز شاهين،، كل سنة وانت طيب..
البوست غرضه الاساسي تقديم المساعدة الفنية والمعلومة الصحيحة لمن يحتاجها وحتى التقديم لمن لا يستطيع ان يقدم بنفسه.
الاخ الفاضل ولياب، دا خبر جميل، مع خالص أمنياتي ليك بالتوفيق.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: حدث لي خطأ في كتابة اسم العائلة وتاريخ الميلاد عند التقديم ممكن اقدم تاني وهل بعتبر تقديم مرتين ولا ما مشكلة |
من المؤكد انك لو قدمت مرة تانية حيعتبروك إنك قدمت مرتين ودا أمر كافي لإستبعادك من سحب القرعة!
لو فاز طلبك ممكن تقدر تعمل تصحيح للخطأ في الاسم مع ناس الـ KCC. اتصلت قبل عدة شهور بالـ KCC للاستفسار عن حل نفس المشكلة دي لأحد أصدقائي كان فاز باللوتري وكان كتب إسم عائلة زوجته بدلاً عن إسم عائلته! فلما اتصلت بيهم اكدوا لي بأن الامر دا ممكن وطلبوا إرسال صورة من شهادة الميلاد وانهم حيرفقوها مع الملف الحيرسلوه للسفارة المعنية .وان القرار الاخير حيكون في يد القنصل وسلطته التقديرية، وما تنسى انوا هناك اشياء كتيرة بتثبت انك نفس الشخص مثل الصورة، مكان وتاريخ الميلاد واسم الزوجة والاطفال لو كنت متزوج. أما بالنسبة للخطأ في تاريخ الميلاد فحقيقة ما عارف ان كانوا بقبلوا تصحيحه ام لا!!
في الأصل حتى لو ما كانت عندك اية مشكلة دا ما بيعني انك حتأخد الفيزا، والقرار بمنحك الفيزا بيد القنصل!
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: عندي سؤال محير شوية استاذ السر جميل انا متزوجة من واحد وانجبت منه بنت عمرها 6 سنة وانفصلنا انا اتزوجت واحد ولدي منه طفلين و زوجي تزوج واحدة تانية وعندو منها اطفال بسال البنت من الزوج الاول اذا قدم زوجي الحالي طلب حيكتبني انا والطفلين يعني ما حيكتب طلفتي من زوجي الاول في حالة فوز طلب زوجي بنتي من الزوج السابق طبعا مافي في الطلب كيف يكون وضعها اذا عايزه اسوقه معاي كيف الحل |
الكلام شكلوا معقد ساي لكن الموضوع بسيط :) .. المشكلة الصحي صحي لو ما كتبتوا إسم إبنتك من زواجك الأول في الطلب مش العكس!!
إضافة إسم طفلتك من زواجك الاول في الطلب برغم إختلاف إسم عائلتها مع إسم عائلة زوجك الحالي ما بيعتبر مشكلة إطلاقاً، بل هو أمر مطلوب حتى ولو البنت ما حتسافر معاك.. فعدم كتابة إسمها في الطلب (أو أياً من الابناء دون الـ 21 من غير المتزوجين) هو أمر مخالف لتعليمات اللوتري وممكن يتسبب في رفض منحكم الفيزا كما موضح في تعليمات اللوتري 2015.. إنتي ممكن تثبتي إنها إبنتك بشهادة ميلادها، وربما يطلب منك القنصل في المقابلة المستندات القانونية البتثبت حضانتك للبنت واوراق اخري لو البنت حتسافر معاك.. .. مسموح ليكم كمان تقدموا طلبين للعائلة مرة بإسمك ومرة بأسم زوجك ..
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
الأخوان الأعزاء السر + أحمد
مع تحياتي وتقديري لكم ، أود أن أوضح لكم بأنني لم أقدم لأبني الأكبر المتواجد حالياً في السودان لظروف الدراسة الجامعية ( 19) سنة وكان في إمكاني أن اقدم له ، لولا أن صورته الشخصية التي بطرفنا قديمة شوية ( قبل عام) ونظراً لطلبهم صورة حديثة لم أسجله ضمن الأبناء حتى تكون مصداقيتي في موضعها .
سؤالي :-
هل يستطيع إبني البالغ من العمر (19) سنة أن يتقدم بطلب منفصل وهو في السودان ، أم أن عمره لا يسمح له إلا ضمن الأسرة .
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: Quote: Azzam Mohamed · الأكثر تعليقا تاريخ ميلادي علي الجواز وعلي شهادة الميلاد مختلف الحل شنو ؟؟ مع العلم باني ما عندي إمكانية تغيير الجواز لارتباطي بعمل من خلاله |
الاخ عزام تحياتي،، الأصح انك تكتب تاريخ ميلادك في الطلب حسب شهادة ميلادك. دعنا نفترض انوا طلبك فاز، فشهادة الميلاد تعتبر من اهم المستندات المطلوبة عشان تقدر تأخد الفيزا، وإذا القنصل لقى إنوا تاريخ ميلادك في الشهادة مختلف عن التاريخ في الطلب هنا حتكون في مشكلة! في الحقيقة انت ما محتاج تدخل نفسك في وضع زي دا! خاصة وانوا انت ما حتكون محتاج لتغيير جوازك وحتكون محتاج لتصحيح تاريخ الميلاد في نفس الدفتر.
| |
|
|
|
|
|
|
Re: الهجرة الأمريكية 2015 (Re: السر جميل)
|
أخي العزيز السر، هل تقصد السؤال أدناه؟
Quote: Abdelazim Mekki · الأكثر تعليقا · TU Berlin شكرا في حالة كتابة ال- midle name -مكي محمد- disqualification؟ |
عموماً لو كان هو المقصود، فالاجابة عليه كالآتي:
الأخ عبدالعظيم، نفترض أسمك الرباعي هو: عـبدالـعظيم مـحمد حـسن مـكي
فالطريقة الصحيحة لكتابة اسمك كما يلي:
الإسم العائلي: مـكي الإسم الأول: عـبدالـعظيم الإسم الأوسط: مـحمد حـسن
وما أعتقد حتكون في مشكلة لو لم تكتب "حـسن" ،،، ولكن من الافضل تكتبه بالطريقة الموضحة أعلاه
| |
|
|
|
|
|
|
Re: الهجرة الأمريكية 2015 (Re: saidahmed shami)
|
اخونا العزيز سيد أحمد،، سلامات،، وكل سنة أنت والأسرة طيبين،، ياريت والله انا منتظر متين شهر ستة يجي عشان نجي بهناك لملاقاة الاحباب.. تحياتي للصديق أبوحازم وقول ليه رسل الصور اكان ما قدم للوتري لحدي الان.
خالص التحية
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: الأكثر تعليقا · يعمل لدى Najran University الاخوان السر وأحمد السلام عليكم وربنا يوفقكم لما فيه الخير- سؤال : اذا شهادة الميلاد ضائعة هل تكفي شهادة الرقم الوطني لأنه مكتوب فيها حتى اسم الوالدة وتاريخ الميلاد - لكم وافر الشكر والتقدير |
الاخ محمد عيسى تحياتي،
أطمئن على الأخر ... طبعاً في ناس كتار زيك بيكون قلقين بشأن شهادة الميلاد لو كانت ضايعة خاصة أنوا في السودان لو حاولت تطلع شهادة تسنين ما بتطلع بنفس تاريخ ميلادك الحقيقي ودائماً بتكون 01/01. لكن في إجراء بسيط ومعتمد لدى سلطات الهجرة الأمريكية وهو انوا يتعمل ليك إقرار (إشهاد) مشفوع باليمين من أحد معارفك ويفضل لو كان من عائلتك الصغيرة او الكبيرة. ويكفي عمله عند أي محامي موثق ولا يحتاج إنك تمشي المحكمة وكل المطلوب كالأتي:
1. أن يذهب معك شخص اكبر منك سناً ويفضل ان يكون من العائلة او الاقارب او الجيران ويشهد كتابةً بانك ولدت في الزمان والمكان المحددين (إثبات الشخصية مهم للمحامي) 2. يذهب أيضاً معك إثنين شهود على صحة الكلام أو على صحة الاقرار (معهم إثبات هوية) 3. يفضل توثيق المستند حسب الاصول القانونية المتبعة في السودان أو بلد إقامتك (لحد توثيق الخارجية.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
Quote: لاخ جميل كيف حالك وان شاء الله تكون بخير
معليش عندي استفسار بالنسبة لصورة الزوجة وهي محجبة -هل الاذنين لازم تكون مغطية بواسطة الخمار وياليت لو عندك نموذج لصورة امراة محجبة ترسلو وأكون شاكر لك |
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: الاخ السر جميل السلام عليك ارجو ان تكون بخير بالنسبه للوتري انا متزوج وعندي اطفال الحمد لله لكن داير اقدم للوتري لي فقط هل هناك مشكله في ذلك ولك شكري وتقديري |
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: Full Headers Printable View السلام عليكم اخى السر جميل اسفين لازعاجك المستمر
صراحة عندى اخر استفسار بخصوص مكان الميلاد اذا مكتوب عندى فى شهادة الميلاد ,, مكان الميلاد : الشمالية ,, من غير ذكر المدينة
هل من الممكن كتابة محل الميلاد Al shimaliya
بالطبع اذا حصل الفوز ح احتاج لـ ترجمة بالانجليزية للشهادة ,, هل الترجمة مقبولة لديهم من اى مكتب ترجمة قانونى ؟؟ ام محددة عندهم المكاتب فى كل مكان ؟ وهل دى مشكلة كبيرة ول حاجة ممكن يتجاوزوها
تحياتى
|
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: الاخ العزيز السر جميل كيف حالك ارجو من الله ان تكون بخير بالنسبه للحاله الاجتماعيه اذا كنت منفصل بحتاج لصورة الزوجه ول اشير لخيار اني منفصل فقط ولك كل التقدير |
| |
|
|
|
|
|
|
Re: الهجرة الأمريكية 2015 (Re: السر جميل)
|
Quote: معليش عندي استفسار بالنسبة لصورة الزوجة وهي محجبة -هل الاذنين لازم تكون مغطية بواسطة الخمار وياليت لو عندك نموذج لصورة امراة محجبة ترسلو وأكون شاكر لك |
لو تقصد الحجاب العادي العندنا في السودان أي غطاء الرأس والاذنين دا مافيه مشكلة مطلقاً،، الغير مقبول هو ما يغطي حتى ملامح الوجه. أمامي الان صورة لأحد معارفي فازت باللوتري السنة الفاتت وهي محجبة، وحجابها مغطي حتى الاذنين :) أها رأيك شنوا؟
Quote: الاخ السر جميل السلام عليك ارجو ان تكون بخير بالنسبه للوتري انا متزوج وعندي اطفال الحمد لله لكن داير اقدم للوتري لي فقط هل هناك مشكله في ذلك ولك شكري وتقديري |
ممنوع انك تقدم كأعزب بينما انت متزوج،، ولازم زوجتك واولادك يكونوا مرفقين معاك في الطلب حتى وان لم يكونوا راغبين في الهجرة معك! لمزيد من المعلومات يرجي مراجعة البوست لأني اجبت على سؤال مشابه..
Quote: صراحة عندى اخر استفسار بخصوص مكان الميلاد اذا مكتوب عندى فى شهادة الميلاد ,, مكان الميلاد : الشمالية ,, من غير ذكر المدينة
هل من الممكن كتابة محل الميلاد Al shimaliya
بالطبع اذا حصل الفوز ح احتاج لـ ترجمة بالانجليزية للشهادة ,, هل الترجمة مقبولة لديهم من اى مكتب ترجمة قانونى ؟؟ ام محددة عندهم المكاتب فى كل مكان ؟
|
مكان ميلادك يكتب كما هو مكتوب في شهادة ميلادك. فممكن تكتبها Al Shamaliya أو Ash Shamaliya لكن من المهم انك تحتفظ بنسخة من الطلب عشان لو فزت حتحتاج تعرف الاسبلينغ الانت كتبت بيهوا "الشمالية" ولازم تطلب من المترجم انه يترجمها ليك بنفس الاسبلينغ المكتوب في الطلب. أي مكتب ترجمة يكفي وما بالضرورة قانوني.. الاميركان ما معقدين الموضوع دا، يعني ممكن أي شخص عادي يترجمها ليك طالما انه بيعرف يترجمها ليك بصورة صحيحة، فكل المطلوب في الحالة دي انوا يكتب اسمه وعنوانه ورقم تلفونه وإيميله ويكتب في نهاية المستند ما معناه انه يجيد اللغتين الانكيزية والعربية إجادة تامة وان الترجمة أعلاه صحيحة ومطابقة للنص باللغة العربية.
Quote: الاخ العزيز السر جميل كيف حالك ارجو من الله ان تكون بخير بالنسبه للحاله الاجتماعيه اذا كنت منفصل بحتاج لصورة الزوجه ول اشير لخيار اني منفصل فقط ولك كل التقدير |
لو انت مطلق وعندك ما يفيد بالطلاق ما محتاج لصورة الزوجة السابقة. اما اذا كنت منفصل بمعنى أنك بصدد الطلاق لكن فعلياً ما طلقت فلازم ترفق صورتها.
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
ياسر ياجميل شكرا على المعلومات الضافية والله خليت الموضوع شدة ماساهل زى شراب الموية عموما انا متفائل بيك عشان كدة رسلت الصور والمعلومات على اميلك للتقديم وعارفك مابتقصر فى موضوع ظبيت الصور والذى منة .
| |
|
|
|
|
|
|
Re: الهجرة الأمريكية 2015 (Re: احمد النور عبد الله)
|
Quote: ياسر ياجميل شكرا على المعلومات الضافية والله خليت الموضوع شدة ماساهل زى شراب الموية عموما انا متفائل بيك عشان كدة رسلت الصور والمعلومات على اميلك للتقديم وعارفك مابتقصر فى موضوع ظبيت الصور والذى منة . |
أحمــد تحياتي ومرحب بيك كتير وأهــم قلتها الصور وفي الأول والأخير نسأل الله التوفيق لما فيه الخير وإن شاء الله نكون عند حسن ظن الجميع
مع خالص الود والتقدير
| |
|
|
|
|
|
|
Re: الهجرة الأمريكية 2015 (Re: السر جميل)
|
ملاحظة:
أرجو من الأسر الكريمة عدم ترقيم الصور بل إستبدال تلك الارقام بإسم صاحب الصورة حتي اعرف الصورة دي خاصة ب منو وكذلك الاخوة الكرام الذين يرسلون اكتر من صورة
| |
|
|
|
|
|
|
Re: الهجرة الأمريكية 2015 (Re: السر جميل)
|
االاخوة احمد والسر تحياتى لكم عندى اخ فى مكان الميلاد كتب اسم مدينة وهى عاصمة الاقليم الذى ولد فيه وحجته بان المطلوب اسم المدينة التى ولد فيها وليس اسم القرية بينما هو مولود فى مستشفى ريفى ( مستشفى القرية ) وفهمه للسؤال انو السؤال يقصد تحديدا المدينة وليس القرية فى الحالة دى الحل شنو اذا فاز ؟ سؤال اخر : برضو فى اخ اخر ما عنده شهادة ميلاد اصلية , بس عنده شهادة تسنين ومكتوب فيها اصدار الخرطوم وما مكتوب فيها مكان الميلاد ومافى خانة لمكان الميلاد فى الشهادة حسب كلامه فى الحالة دى يكتب شنو فى مكان الميلاد وهو غير مذكور فى شهادة التسنين ؟ وشكرا ليكم مقدما
| |
|
|
|
|
|
|
Re: الهجرة الأمريكية 2015 (Re: خالد حاكم)
|
الاخ احمد شكرا ليك على التوضيح والافادة .. وشكرا كتير على السؤال والله يا احمد الرحول من دولة لدولة والاستقرار فيها وعملية الاستقرار بتاخد منك زمن لغاية ما تلقى ليك شغل وتعرف مداخل ومخارج ونظام البلد الجديد والزواج ومسئولية الاسرة .. دى كلها اسباب خلت الواحد ما قاعد يظهر زى زمان او خلت الزول يختفى فى الفترة السابقة .
| |
|
|
|
|
|
|
Re: الهجرة الأمريكية 2015 (Re: walid taha)
|
Quote: االاخوة احمد والسر تحياتى لكم عندى اخ فى مكان الميلاد كتب اسم مدينة وهى عاصمة الاقليم الذى ولد فيه وحجته بان المطلوب اسم المدينة التى ولد فيها وليس اسم القرية بينما هو مولود فى مستشفى ريفى ( مستشفى القرية ) وفهمه للسؤال انو السؤال يقصد تحديدا المدينة وليس القرية فى الحالة دى الحل شنو اذا فاز ؟
سؤال اخر : برضو فى اخ اخر ما عنده شهادة ميلاد اصلية , بس عنده شهادة تسنين ومكتوب فيها اصدار الخرطوم وما مكتوب فيها مكان الميلاد ومافى خانة لمكان الميلاد فى الشهادة حسب كلامه فى الحالة دى يكتب شنو فى مكان الميلاد وهو غير مذكور فى شهادة التسنين ؟ وشكرا ليكم مقدما |
الاخ العزيز خالد حاكم سلامات ووينك مختفي؟
السؤال الاول: لو إسم المدينة وارد في شهادة ميلاده ما أعتقد حتكون في مشكلة،، وحسب ما أذكر إنوا في شهادات الميلاد بيكون مذكور اسم المركز\ المدينة الكبيرة بجانب اسم القرية ... فلو الاسم كان ظاهر او حتى ما ظاهر في الشهادة فممكن بعد فوزه يراسل الـ KCC لتصحيح مكان ميلاده ويرفق صورة من شهادة ميلاده عبر الايميل مع ذكر الكيس نمبر بتاعه والاسم وتاريخ الميلاد في الايميل .,. وهم كل البعملوه حسب علمي انهم برفقوا صورة من رسالتك دي والكوبي بتاع شهادة الميلاد مع الاوراق الفورمات الاخرى البرسلوها للسفارة ، والقرار النهائي في يد القنصل.
السؤال الثاني: إجابته هي نفس إجابتي للاخ محمد عيسى بالصفحة التانية.
مع التحية
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
أخونا بدرالدين سلامات،، طبعاً بتأثر! مداخلتي السابقة فيها رد على سؤالك..
أخ وليد تحياتي،
Quote: هل هنالك وضع شكل/ وضع محدد للخمار للمراة؟ |
Quote: and#61623; No Head Coverings or Hats o Head coverings or hats worn for religious beliefs are acceptable, but the head covering may not obscure any portion of the face. Tribal or other headgear not religious in nature may not be worn. Photographs of military, airline, or other personnel wearing hats will not be accepted. |
http://travel.state.gov/pdf/DV_2015_Instructions.pdf
غطاء الرأس مقبول لو كان لاسباب دينية، ولكن غير مسموح بغطاء اي جزء من الوجه
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
الأخ الكريم / السر السلام عليكم ورحمة الله وبركاته أنا جيت لوترى قبل 14 عامآ. لا أقول محظوظ فى التقديم كل عام أقدم لخمسه أو سبعة يفوز منهم سنويآ على الأقل ثلاثة . سؤالى لتقديم شخصين عقدهما وزواجهما بإذن الله بعد ظهور النتيجه.... هل أكتب متزوجين أم لا وأحد الزوجين مولود فى السعوديه ومقيم فى السودان ماذا عن بلد الأستحقاق ...
لك الشكر والتقدير
| |
|
|
|
|
|
|
Re: الهجرة الأمريكية 2015 (Re: يسرى معتصم)
|
Quote: سؤالى لتقديم شخصين عقدهما وزواجهما بإذن الله بعد ظهور النتيجه.... هل أكتب متزوجين أم لا وأحد الزوجين مولود فى السعوديه ومقيم فى السودان ماذا عن بلد الأستحقاق ... |
أخ يسري تحياتي،، حسب تعريف الـ Spouse في تعليمات اللوتري 2015 هو (الزوج \ الزوجة) يعني لازم يكون تاريخ وثيقة الزواج سابقة او على الاقل في نفس يوم التقديم. وبدون كدا ما حيعتبروهم ازواج.. اما اي شخص مولود خارج السودان فلازم يكتب بلد إستحقاقه مكان ميلاده. يعني المولود مثلاً في السعودية لازم يكتب بلد استحقاقه السعودية لغرض خاص ببرنامج الهجرة العشوائية. وما ضروري انوا الشخص دا يكون حاصل على الجنسية السعودية،، فكل المطلوب انوا يكون عنده شهادة ميلاد سعودية تثبت تاريخ ومكان ميلاده.
Quote: 13. What family members must I include in my DV entry? Spouse: You must list your spouse (husband or wife) regardless of whether or not he/she is living with you or intends to immigrate to the United States. You must list your spouse even if you are currently separated from him/her, unless you are legally separated (i.e., there is a written agreement recognized by a court or a court order). If you are legally separated, you do not have to list your spouse, though you will not be penalized if you do so. If you are divorced or your spouse is deceased, you do not have to list your former spouse. |
http://travel.state.gov/pdf/DV_2015_Instructions.pdf
| |
|
|
|
|
|
|
Re: الهجرة الأمريكية 2015 (Re: Ahmed Alim)
|
التحية مجدداً لكل الاخـوة والاخوات ...
سعدنا كثيراً بالتواصل معكم عبر هذه النافذة وسوف نواصل بإذن الله الرد على كل الإسئلة والإستفسارات حتي آخر يوم في التقديم بالنسبة لإستلام طلبات التقديم الجديدة أكرر تاني لازم الصورة تكون حسب الشروط الموضحة على الصفحة الاولي والبيانات تكون مكتملة وفي نموذج سهل وبسيط على الصفحة الاولي ايضاً يرجي إستبدال البيانات الموجوده فيه ببيانات المتقدم وأسرتة أما بخصوص الصور الجديدة والتي بحاجة الي تعديل أرجو من الأخوة الكرام إعادة التصوير من جديد وأرفاقها مع البيانات لان الوقت ضيق والطلبات الجاهزة كتيرة ولايوجد لدينا من الزمن ما يكفي لـ تعديلات جديدة أما أولئك الذي يريدون فقط التأكد من صلاحية الصور فيمكننا فحصها على الموقع الرسمي وإفادتهم سريعاً
دوماً نسأل الله للجميع التوفيق والسداد
| |
|
|
|
|
|
|
|