مشروع المسح الإشعاعي بالسودان ..

Quote: 1- زي ما تفضل الساده الأكارم، المشروع موجود كفكره و كخطوات عمليه ليهو علي الأقل 10 سنوات (باعتبار تاريخ سماعي و معرفتي عنو) 2- الرقابه علي حركة مصادر الإشعاع في السودان و علي تنظيم إستخدام المصادر محكوم بقانون هيئة الطاقه الذريه السودانيه (يمكن الحصول عليه)، اللي واحد من مشاكلو التضارب مع قوانين وزارة الصحه و قانون هئية المواصفات. التضارب أدى لعرقلة مشاريع المسح الإشعاعي في إنتظار تجويد القوانين. 3- الحاجه المهمه هي التفريق بين خارطة الخلفيه الإشعاعيه الطبيعيه لمناطق السودان، وبين قاعدة بيانات للنفايات المشعه (مناطق وجودها و مستوياتها الإشعاعيه) أفهم من البوست إنو الهدف مسح إشعاعي بغرض عمل قاعدة بيانات للنفايات المشعه فقط، و الفكره غير شامله لهدف معرفة مستويات الخلفيه الإشعاعيه في المناطق ذات الخلفيه الإشعاعيه "الطبيعيه" الأعلى نسبياً (جبال النوبه كمثال)..هل فهمي صحيح؟ 4- نسبة لانو الامر محاصر بقوانين و القوانين ذات نفسها متضاربه، أرى إنو حرية الحركه الطوعيه في الموضوع دا تكاد تكون معدومه 5- الخيار الأمثل في رأيئ: السعي لتكوين جمعيه مدنيه تهدف للضغط في إتجاه مراجعة و تجويد و تفعيل القوانين. ومن ثم العمل علي دعم الجهه التي يحددها القانون المجود بالتبرعات و بالربط بالمنظمات الدوليه و الجهات الراغبه في تقديم الخدمات و بتقديم خبرات السودانيين في الخارج.