|
عاجــــــــــــــــــــــــــــــــــــــــــــــــل ...
|
شايف في اقلام انسحبت بسرعة .. مثلما عادت من غياهبها .. وثكناتها البعض حضر بسرعة البرق واختفى كما الشمعة في مهب الريح .. يبدو ان البعض لا يتحلى بسياسة النفس الطويل .. عايزة جاهزة ومقشرة .. نجيضة ويديها الطير .. لو استمر الغليان لاحتلينا البورد وعزلنا الكل وتحركنا فيه ببياناتنا وبي لستتنا ولطردناهم شر طردة .. ولو الناس سكتت والشارع هدا .. سينذهب إلى حيث اتينا .. هل هذا ما يسمونه السمين بقع والضغيف بقيف ..؟ هل هذا هو الاعلام السالب ؟؟ هل هؤلاء المحبطين .. والمنافقين الذين من عهد الرسول (ص) الذين يقولون شغلتنا اموالنا واهلونا ..؟ واللا ديل كمان العايزين يلقوها حارة والواحد بيحلم بي انو شايلنو على الاعناق في حواري السودان وبيهتفوا بيهو كخبير ثورات ..؟
|
|
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tmbis)
|
ثم إلى متى يظل الكيزان يزرعون الرعـب في قلوب الثوار .. ثوار سودانيزاونلاين للدرجة التي تذهب بهم إلى الاستعانة بصاحب الموقع لكنسهم يأتون فرادا وجماعات بقوائم اشبه بتلك القوائم التي يحملها الكيزان لتصفية مخالفيهم عن طريق الاعتقال او القتل الفوري والتصفية الجحسدية .. إلى متى الخوف ..؟ ما فعله الذين جروا لبكري ليكنس لهم الكيزان ببند لائحة جديد ما هو إلا احباط جديد ينم على فشل كبير يقوم به البعض .. بعض فلول الكيزان القدامى .. انظروا لسلوكياتهم .. انظروا لتاريخهم في هذا المكان .. من شتيمة وسباب وإلخ .. إلخ .. ثم إلى متى لا توجد آليه جادة جدا يواجه بها الكيزان .. فاعتقد ان لو كان للكوز لسان .. فلابد ان يكون للثوري الف لسـان .. ولو كان للكوز مسدس .. فللثوري دبابة .. فالشئ يظهر بضده .. وصاحب الحق دائما منصور ومنتصر ولا يحتاج غلى طرق ملتويه .. ومن يظن قانعا ان الكيزان الان يقتلون في الثوار على ارض الواقع ووجب كنسهم من هنا .. فماذا فعل ..؟ وماذا غير .. ما ذال القتل مستمر وبي طردهم بواسطة بكري سيظل القتل اكثر استمراريـة .. مثلما السودان للجميع .. فهذا البورد للجميع .. الفيصل فيه للراي والقلم والكلمة ومن يروجون إلى انه لا حديث ولا حوار مع الكيزان .. فهم بلا شك في منتهى الضعف .. وقلة الحيلة .. فمن له الحجة يمكن ان يقنع بها الشيطان وينتصر على ابليس .. فلا تظهروا عظيم ضعفكم .. فكلما ضعف الثوار سهل امتطاء ظهورهم ..
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tmbis)
|
دقسوا الجماعة يا تمبس .... كان إعملوا نايمين علشان بعدين إقولو هم السبب... و على قولك شايف في بعضهم طلع من الجحور حتى يكون لهم الفضل في الظفر بالألقاب و النياشين التي توزع مجاناً في هذا البورد.. و قام البعض بفتح بوستات على شاكلة تهليل ... تكبير .. ظناً منهم بأنهم سيظفرون برجم أصنام الكيزان التي صنعوها بأنفسهم ... المهم على قول تبارك نتمنى نشوف لينا لافتة واحدة وسط المتظاهرين مكتوب عليها الحـزب الـفلاني ...... شاطرين في التنظير و دفع المساكين إلى المحرقة و هم ينعمون بالطراوة و ينتظرون الحلاوة ...
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tmbis)
|
Quote: على قولك شايف في بعضهم طلع من الجحور حتى يكون لهم الفضل في الظفر بالألقاب و النياشين التي توزع مجاناً في هذا البورد |
أتمني أن لا يكون المقصود بذلك...والمعني الواسع للبوست..........صاحب الحوش الكبير المهندس بكري...عندما كتب
Quote: تعلن سودانيزاونلاين بانها سوف لن تنشر او تسمح بنشر اى خبر ,مقال,,صورة او بوست....الخ يقلل,يهيط ,يسئ .....الخ الى ثورة 23 سبتمبر او ثوارها و على جميع الاعضاء الالتزام البند و الذى سوف نضيفه الى لائحة المنبر كما ندعو جميع الاعضاء الى التبليغ فى هذا البوست عن اى بوست او عضو يخالف هذا البند او عبر الايميل |
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: Abdo Mustafa)
|
Quote: احمد سليمان · الأكثر تعليقا كلامك صاح لكن يجب منعهم من الكتابة بمبدأ المعاملة بالمثل. وهم من غير كذب ونفاق مايقدرو يستمرو دقيقة واحدة فمرحبا بأي وسيلة تقضي علي هذا النبت الشيطاني. |
المعاملة بالمثل ام التساوي في الفهم ؟؟ الا ترى انهم اجبروك وقادوك إلى حيث فهمهم .. وكان لهم فضل انهم سباقين دائما في تاسيس فكرتهم .. فهل وقفت الافكار عندهم .. ؟ يرى البعض ان الكيزان هم من اقتلعوهم من السودان .. وتلك من المبررات الفضفاضة جدا .. من سبيل المعاملة بالمثل .. هل اقتلعتهم من السودان لوطن آخر .. مليون وعشرين سنة قاعدين .. وانت بترجع محمولا على الصناديق والنعوش .. اها .. عملت شنو ..؟ الاسطوانات القديمة المشروخـة لو ما بدلت بأخرى تتواكب مع العصر .. لن تكون هناك اذن تستمع لها ..
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tmbis)
|
منذ فترة طويلة اسسو لأفكارهم وغزو العقول .. في ظل موات لأي فكرة مضادة .. فأصبحت لهم اليد الطولى في صناعة الافكار وصياغة المفردات .. كل ثانية يسيطرون وكل دقيقة يتمددون .. بصراع الزمن اصبحت لهم الغلبـة .. شرحوا كل فئات الشعب السوداني .. تأكدوا من كل مكوناته الداخلية ووضعوا اجهزتهم الدقيقة التي يتحكمون بها فيه عن بعد اجهزة استشعار واستقبال ذات حساسية عالية اسسوا لمفرداتهم ولي لغتهم الخاصة .. التي صاغوها بعناية ,. لكل مرحلة ولكل فترة زمنية .. جزاك الله خير .. يا شيخنا اصبع مرفوع لاعلى .. عبارات فضفاضــة واكلشيهات غزت عقول الصبية والشباب .. احد اصدقائي القدامي لاحظ لافكارهم ومفرداتهم واخبرني في سخرية وقال: زمان لما اللستك بتاع العربية يطرشق جمبك تسمع الواحد يقوليك .. امممك .. بكل تلقائية في ظل ثورة الانقاذ قالي لما اللستك يطرشق جمب الواحد بقول .. الله اكبر ايضا بكل تلقائية .. لا نرفض الله اكبر ولا جزاك الله خير .. كلنا نقرا القرآن بشكل يومي ونعبد الله ونخاف الله خوفا ونصلي على سيدنا النبي .. لكن استخدام تلكم المفردات والزج بها كنوعية معاملة او تصنيف للتابع اضر بها .. وادخلنا في ذمرة التجارة بالدين .. والاتجار به المضحك .. ان في احد الفيدوهات المعروضة لانحياذ الجيش للشعب .. ارتفعت نفس الاصوات بتون كيزاني بحت وهتفت .. الله اكبر .. نعم الله اكبر .. والله اكبر لا اله إلا الله .. لكن كمان ماف ايتها فرق الناس البتعمل دراسات علم النفس واعادة الصياغة .. ح تتعبو كتير جدا عشان تعيدو تدوير جيل .. نحن ناس حامد بريمة ديل بندورم .. هنا دا .. لكن انتو الله يعينكم عاد ..
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tmbis)
|
Quote: المعاملة بالمثل ام التساوي في الفهم ؟؟ الا ترى انهم اجبروك وقادوك إلى حيث فهمهم .. وكان لهم فضل انهم سباقين دائما في تاسيس فكرتهم .. فهل وقفت الافكار عندهم .. ؟ |
يعنى هى وقفت عند منبر بكرى دا ! الكيزان عندهم تسعين في المية من الجرايد في الداخل وعندهم وكالات الانباء والتلفزيونات والاذاعات وفوق دا كلو قروش البلد كلها في حساباتهم داخل وخارج السودان .... يعنى دا كلو ما كفاهم عايزين كمان إتفرشخوا في المساحة الصغيرة دى !
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: عمر دفع الله)
|
Quote: يعنى هى وقفت عند منبر بكرى دا ! الكيزان عندهم تسعين في المية من الجرايد في الداخل وعندهم وكالات الانباء والتلفزيونات والاذاعات وفوق دا كلو قروش البلد كلها في حساباتهم داخل وخارج السودان .... يعنى دا كلو ما كفاهم عايزين كمان إتفرشخوا في المساحة الصغيرة دى ! |
..منبر بكري دا واحد من خرتمية الف منبر على الشبكة العنكبوتية .. هل طلع لينا بي دراسة هادفة او ما يستفاد ..؟ انتو القاعدين في اوروبا ديل ما في مليون الف اذاعة ومحطة عالمية .. عملتو بيها شنو واستفدتوا منها شنو ..؟ ر استفاد الشعب منها .. ولا استفدتوا منو .. وقدر البقدمو منبر سودانيزاونلاين من كتابة لي اقلام جادة .. تمحيهو انت بي كاركتير لا يستطيع ان يهضمه الشخص العادي ناهيك عن شخص يبحث في ان تؤلف قلبه .. وقدر البقدمو سودانيز من اقلام .. بيمحيهو بوست واحد من واحد بس .. يعمق جواك مدى الخوف من ان يكون كاتبه يوما ما محل سلطة .. فلا ما يطرحة يليق ادبيا ولا معنويا ولا يقدم لي إلا كل ما توصل له من قبح وبذاءة تاريخيه .. تنفرني اكثر مما تشدني وتجذبني ...
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tmbis)
|
Quote: يعنى هى وقفت عند منبر بكرى دا ! |
منبر بكري دا يعتبر من المنابر الرائدة والاكثر جاذبية .. والاقلام الموجودة فيه لا توجد في الكثير من المواقع الأخرى .. محاولات الستنساخ المستمرة من الموقع دائما تجعل منه موقع متفرد وصاحب شأن كبير في علم السياسة والعلوم الأخرى .. اذا لماذا حتى تارخه فشل المنبر في تقديم استنارة ووعي للشعب السوداني وللجيل القادم .. فشل إلا من اقلام تظهر وتختفي وتنفحنا بكل ما فيه احباط للجيل .. وكل ما فيه من خواء وكل ما فيه من تدني فكري .. ما اعرفه جيدا في مجال التقنية ان هناك عقول هنا في هذا المكان تقاس بمقائيس العبقرية .. ما ذال المنبر يعاني من الكثير للدجة التي يصعب عليك حتى التحكم في الصفحة التي يمكن ان تكتب فيها يعاني للدرجة التي تكون فيها اونلاين .. تمشي الحمام وتجي الله يكرمك تلقى الصفحة الاولى مليانة بي اسمك كلها كما حدث لي احد المرات .. منبر سودانيزاونلاين حافل بالقانونيين وحملة الشهادات العليا .. وإلى تاريخ هذه اللحظة .. ليس هناك ما يضمن للعضوية حقها في الكتابة تحت ظل قانون يحميها ويضمن لها حقها حال تعرضت لأي من الانتهاكات
عرفت ليه بقت علي منبر بكري دا ..؟
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tmbis)
|
Quote: عرفت ليه بقت علي منبر بكري دا ..؟ |
بس دى ما نقطة الخلاف .
بكرى منع الكيزان والامنجية من تجريح الناس على خلفية المظاهرات ومن التخذيل والاستهزاء بثورة الشباب في الداخل ودى اهم قضية يعالجها المنبر في الظرف الحالى .
زعلك من الخطوة دى غير مفهوم ولو عندك زمن للكتابة احسن تسخرو فيما ينفع الشباب في الداخل لا في قضية , من وجهة نظرى , تعتبر جانبية في هذا الوقت بالتحديد مع تأكيدى اننى لا ابخس وجهة نظرك هذه .
اما رأيك في الكاريكاتيرات فدا موضوع قد تجاوزته من زمن بعيد فلكل طريقته ورؤيته وانا اخترت طريقى واعرف كيف اسخر هذا الفن في خدمة اهدافى .
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: عمر دفع الله)
|
الاخ العزيز صاحب الخيط والزوار الكرام
لكم التحايا
اكيد موت الاخوان المسلمين وجماعة الهوس الدينى بصورة عامة اعنى الموت المعنوى, يتم عن طريق الحوار , وهذا الميدان هم اكثر الناس ضعفا فيه ,
واقلهم خبرة به , لذلك هم يسرعون الى تكميم الافواه والتنكيل بالمعارضين لهم دينيا وسياسيا , والتجربة خير دليل..
الوقت ليس ظرفا للحوار , وانما هو ظرف عاطفى يهدف الى زيادة الحماس عند المتظاهرين لتنفيذ خطتتهم الآنية , ورغم ما تنطوى عليه هذه من مخاطر
لكنها تعتبر وسيلة من وسائل التغيير..
لذلك يجب ان تبعد الاصوات النشاز فى الوقت الحاضر , ولا صوت يعلو صوت المعركة.
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: tabaldy)
|
غايتو يا تمبس
البيسمعكم يالبورداب ويقرأ كلامكم بي فترك فعلا القبة دي تحتها فكي، لكن واضح انو عوتكم دي كلها في ضلف
الفضاء الاسفيري بخلي الناس الهنا كلها عايشة في وهم، الناس البتفتكر انها بتأثر في الأحداث ألفي السودان مثال هشام هباني، والناس النفسها بيقوم لمن الثورنجية الا سفيرين يلقوا ليهم مظاهرة ويشبعوها بوستات، والناس النفسها بيقوم خير مثال ليها تمبس وبيان .
الواقع السوداني ما عنده علاقة بال أسافير كتير، لكن في السنوات الخمسة الاخيرة زاد عدد السودانيين المشتركين في الفيسبوك زيادة كبيرة وممكن الحصول على نسبة الزيادة من فيس بوك بقليل من القوقلة،
عشان كده حنظل الصراع بين المجموعة التى تطرح نفسها مناضلة ضد الكيزان، والمجموعة التى تطرح نفسها مناضلة دون هذا النوع من النضال ضد الكيزان، عبارة عن عوة في ضلف، لن تضيف للواقع السودان عائلة اضافة، وفي وجهة نظري الضعيفة انها وسيلة من الطرفين لتزجية أوقات فراغهم في غربتهم ام دق.
الشيء الوحيد المفروض ان نفعله هذه الأيام هو المساعدة المالية لهؤلاء المتظاهرين ارسلوا لهم أموال حتي يستطيعوا الصمود لان الجوع كافر، من جانبي أرسل كل شهر خمسين دولار لدعم الشباب في الداخل مساهمة مني في توفير حق الفول، واساهم بي بوست بوستين من اجل المشاركة مع الناس هنا وانا اعلم انها لن تضيف اي شيء لما يحدث في السودان.
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: الصادق اسماعيل)
|
سلامات يا تمبس والله الزول بقى يحن على المناضلين ديل من ضحالتهم وقلة فهمهم
في زول كاتب انه انا وانت امتصينا دم الشعب وحيحاسبنا على ذلك شوفتا كيف حيتبدل الحمار بالحمار؟ ربنايجب للشعب دا حصان محل الحمار واعي وفاهم ويريد بسط القانون العادل البحاسب الناس بعدلية ويبعد ناس الانتقام والاكاذيب المدورة دي.
يومك اسود يا شعب
ب وجهة نظرك وعاية ومحترمة
وبكري بالغ بالله الناس دي حبة ديمقراطية غالباهم امال لما تجي الديمقراطية الجد حيعملوا شنو؟
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: د.نجاة محمود)
|
تامبا سلام
المنبر دا فيهُ الأخو مسلم, الشيوعي ,الجمهوري, الأنصاري,اللبيرالي , اللاديني, السلفي, الشيعي, الصوفي ,الجلابي والمهمش, وناس الكورة والفن الخ مما جعل هذا المنبر قبلة لكل اطياف المجتمع لتنوعه ولتعدد الافكار المجودة فيه ... اي محاولة للحجر على واحدة من الفئات دي يعد إنتقاص لقيمة التنوع الموجود في المنبر بصورة بسيطة لو في بوست إتكتب عن الهلال والهلالاب محظورين حيكون البوست دا بعبر عن وجهة نظر واحدي "رؤية المريخاب" وكذلك الجلابة والمهمشين السنة والشعة الخ هذا ما ميز منبر بكري وما سيميزه لاحقا ارجو من بكري المحافظة على التنوع
| |
|
|
|
|
|
|
Re: عاجــــــــــــــــــــــــــــــــــــــــــــــــل ... (Re: Ammar Makki)
|
الاخ تمبس ،،، تحياتي
اتفهم مراميك جيدا واختزالها هنا فقط في هذا المنبر الوطن الذي جمع كل اطياف البلد فكرا ولونا وعرقا وجود الكيزان في المنبر وهنا اقصد الكيزان الفاهمين غير المشاترين الذين يؤسسون لمنبر حوار مع من يختلف معهم هو ملح المنبر
عكســـــة :- النت مقطوع في السودان يا تمبس هل توجد مقارنة ما بين موضوع البوست وقطع الحكومة لاي تواصل يعارض نهجها ؟ مودتي
الرحـــال
| |
|
|
|
|
|
|
|