|
|
 رسوم علي الطلح والشاف وضريبة علي الكبراته يا بلحه !!!!#
|
قريت الليله من الصباح في الجرايد فرض رسوم علي حطب الدخان (الطلح والشاف ) قلت في قلبي وبكرة ضريبة علي الكبراته كمان بالجد يا بلحه وكامل تضامني مع الزميلة الجميلة بلحه و بلحه دي ليها قصة بعدين ح أحكيها لكم بس حسي أنا محروق من الوالي اللي ما عندو موضوع بس عشان يزيد أيرأدات الولاية يقوم يعمل رسوم علي الطلح والشاف لم أتوقع أن ينزل فارض الرسوم والجبايات لهذا الدرك الاسفل من الجبايات و يخد قروش من حطب الدخان وما جاء في الخبر بالصحف الصادرة في الخرتوم اليوم وكان الخبر لغربتو خط تاني بالبنط العريض الاسود وهو أصدر والي غرب كرفاد ن مرسوم يقضي بفرض رسوم علي حطب الدخان
المهم دا مؤشر خطير الناس ديل ماشين علي حته كدا بس ربك يستر علينا منهم شعب فقير وقيادة ومحاسيب عندم الشيء يا ربي نسوي شنو نعمل دقون ولا نمشي الساحة الخضرة وهاك يا كواريك هي لله الله أكبر هي لله ما لدنيا قد عملنا تاني قلت يا ود أنت مالك ما ظريف كدا لا دقن ولا يحزنون ولا جلابيه جكسا في خط سته المهم يا خي ما تزعل الوالي ما عندو فهم بس عايز قروش وأنت ذاتك موضوع شنو هنا لا عندك مرة ولا من مستخدمي الطلح أو الشاف لكين ليه أن برضو من المستمتعين بمشاهدة الاراجل التي قعدت ساعات في حفرة الدخان مشاهدة فقط والله الحرمان حاجة تعيسة جدا بس الصبر والاهتمام بالاعمال الجماعية والطوعية الصيام حس دي مرقنا من رمضان وجانا الستوت يعني في العبادة فلاته والله قمت قريت الخبر تاني زي ما مصدق كدا أستغفرتك يا مالك روحي شنو الحاصل
والله القرار دا يندرج تحت بند محاربة الحريات الشخصية وهو القيام بعمل من شأنه أعاقة قيام الفرد بممارسة حريته الشخصية كالدخان والكباريت والتبرج وسف الصعود والتدخين وعلي سبيل المثال وضع رسوم محلية علي الشاف والطلح مع السعي لاحتكار السعلتين ديل والتحضير لمرسوم أخر لفرض ضريبه علي الكبراته خارج المنزل عشان ما يضروا العذابه في البلد ونفسياتم تعب
المهم القرار ما منطقي وفيه و من قلة العقل ما يخلي الواحد يستغرب دا شنو ولا في شنو ( طلح وشاف يا بتاعين الخوشاف )يعني حسي الخرطوم دي ما فيها من الشواذ أو كما يحبوا الناس تناديهم (أخوات عزة اللذاذ) لذاذ شنو الواحدة عندها من الشعر واحد ملميتر وديل كمان ما عارف ليهم تصنيف لا رجال رجال ولا نسوان نسوان حكاية كدا نص نص وبين بين اللهم لا أعتراض في حكمك ديل كمان شريحة من المستخدمات للطلح والشاف أنشالله ما نشوفكم تاني يا ربي ياسيدي يا مولاي
عشان كدا قرر الوالي الهمام وبعد الاطلاع علي حجم السوق بما له من صلاحيات قام فرض رسوم يا حكومة قالوا أسلامية بقت تتاجر بأبخرة الاجساد المعروضة للهشك بشك ما قلت الطمع دا ما كعب ممكن بعد ما تكون طماع تعمل أي حاجه أنشالله ذاتو تبيع نفسك مع أخوات عزه اللذاذ .
أرجع لقصة الزميله بلحه هي صحافية وأستاذه وكاتبة عمود وكمان بتقول شعر البطانه المهم قبل الزواج كانت غباشه لمن غلط زاتو لابتعرف كريم ولا فازلين وكركار بس موية الله دي والشارع جاك زوله بعد الزواج بقت مدمنة دخان وكمان موردة للطلح والشاف وفي كل مجلس للزملاء والزميلات هاك ياشرح (دا السونا السودانية ويا بنات دا اللي بميزك كسودانية وفي خريف طلح ولمناطق محددةفي الجسم ما قدرت أسمع لكين عرفتها لانو في الخريف بيحصل تمدد وأنحسار وكان قالت للبنات في الشتا برضو طلح لكين في الصيف شاف نارو باردة وبيكون لون بشرة جسمك بس بلحه زي جسمي كد من هنا جات تسمية بلحه ليها
ولازالت الزميله بلحه مستمرة في ممارسة أأحب الهويات عندها وهي الدخان وفي الامسيات خاصة يوم الخميس والجمعه عندها لمة دخان من الجارات والصديقات القريبات والله لو صحتك علي قدرك وقمت سكنت جنب ناس بلحه شهرين بس ح تكون من سكان المقابر وتغادر دنيا الاحياء بلارحعة بالله مش حاجة تزعل بكرة مرتك وأولادك لو مرقوا من البيت ح يقالوا رسوم لحركة النساء والاطفال في المدنية !!!!!
لكين يا بلحة أعذرنيني بكون زهجان بتذكر حاجات كدا ما حلوة الله يصبرنا علي ما أبتلانا كما الطلح الشاف عندو رسوم ورسوم محلية يعني ممكن يصرف منها الوالي أو المعتمد الماهيه ووووووووووب يا بلحه وتاني وب صحي الرجال ماتوا في كرري
وما تزعلي مني دا ما أنا دا قريني حايم بالليل بالعب ساي !
|
|
  
|
|
|
|
زهير عثمان حمد
فيس بوك
تويتر
انستقرام
يوتيوب
بنتيريست