|
|
|
 Re: أبحث عن علاء الدين منصور (Re: tmbis)
|
يا تمبس
نعم ما كان في انترنت لكن كان في كل اي حاجة وكل حاجة
براءة وطيبة بشر ومواعيد فطور وغداء وعشاء ومتابعة
وقراية وحبر كراس وكنبه كله متوفر وحصة للرياضة واخرى
للرسم ...........
اتوقع انك في الصف الواقف غير وفي صفوف الوسط لا ايضاص
توقعت انك المتفرجخ في الواطة وحازم مخلايته دا انت ههههههه
.................................................................................حجر.
| |
  
|
|
|
|
|
|
|
|
Re: أبحث عن علاء الدين منصور (Re: tmbis)
|
تضع يدك على فمك ، في الصف الثاني خلف الولد الشايل شنطة ، على شماله، ولابس قميص ملون ( اللون ما واضح لأن الصورة أسود وأبيض ) و في الصف القدامي على شمالك ولد شايل ليه شنطة أو كيس. وعلى يمينك الولد ال شعرو ناعم دة.
أها لقيتني كيف ؟
وين الموضوع يا زول ؟ أنا شفت كلمة أبحث قلت ياهو
| |
|
|
|
|
|
|
|
|
 Re: أبحث عن علاء الدين منصور (Re: ابو جهينة)
|
Quote: تضع يدك على فمك ، في الصف الثاني خلف الولد الشايل شنطة ، على شماله، ولابس قميص ملون ( اللون ما واضح لأن الصورة أسود وأبيض ) و في الصف القدامي على شمالك ولد شايل ليه شنطة أو كيس. وعلى يمينك الولد ال شعرو ناعم دة.
أها لقيتني كيف ؟ |
يعني ماف اي خيارات تانية يا ريس ؟؟
دا اخر كلام عندك ..؟
كدي قارن مع الشكل دا
بنديك فرصة غايتو .. هههههههههه ..
..
الموضوع قيد الاجراء .. البورد بيعمل في حركات من امس مرة يفتح ومرة يقفل .. توقعو خلال اليوم كان ربنا حيانا ..
| |
|
|
|
|
|
|
|
|
|
Re: أبحث عن علاء الدين منصور (Re: وضاح عبدالرحمن جابر)
|
Quote: والله يا علاء عندى صورة التقول دى زااااااتها ... حقت اولى ابتدائي
انت ياخوى قريت فى الخرطوم المايقوما القديمه جنب مدرسة النور
ولا الصورة دى فى امدرمان ؟ |
.. هههههههه يا وضاح ابشرك صور الزمن داك كلها بتشبه بعض ..
شفته صور الابيض وا|لأسود صور فيها البركة عديل كدا ههههههههه..
ياخ الصورة دي فعلا حقت اولى ابتدائي .. في مدرسة الرشاد الابتدائية بنين امدرمان .. بتفتح على مسجد النيلين من الناحية الغربية ..
الصورة بعدسة صديقنا زميل البورد خالد الجزولي ..
..
كانت وقتها مدرسة الرشاد الابتدائية المزدوجـة بنين .. \
اصبحت الان مدرسة الرشاد اساس المزدوجـة بنين .. طبعا يا وضاح الاسم حق اساس دا ما تتخيل بستفزني كيف وبحرق اعصابي .. ياخ دا منتهى الفشل في السلم التعليمي السوداني
..
بعدين شنو انت داسي الصورة حقتك دي .. ارمي لينا بياضك خلينا نشوف
| |
|
|
|
|
|
|
|
|
|
Re: أبحث عن علاء الدين منصور (Re: أيمن دياب)
|
Quote: نبحث عن علاء الدين منصور في الرياض ولا نجده كذلك..
انت وين يا مان؟
وبالله كمان كتر خيرك نزل ليك صورك بتاعت حارس المرمى
الجبتها ليك من الموردة.. |
كتر خيرك يا ايمن دياب على السؤال .. بعدين انت اقرب تالت واحد لي بعد عبد اللطيف بكري وابوحسين .. الاتنين ديل بمشي ليهم بي رجليني ..
انت جبده زي خمسة دقايق .. اظهر وبااان ..
انا ظهوري بقى بالمواسم .. شد الشد والله .. لكن شوية كدا والواحد امورو بتظبط ان شاء الله ..
طبعا صورك الجبتها ما عارف رميته ووين .. لانو عندي هارديسك لامي الهيب وجنا الدبيب زي ما بتقول امي الله يديها العافية ..
المهم لقيت ليك حاجة صغيرة كدا ههههههه
على وعد لو لقيت الباقيات بنزلهم ليك ..
عليك الله اظهر يا ايمن ..
| |
|
|
|
|
|
|
|
|
 Re: أبحث عن علاء الدين منصور (Re: Sidig Rahama Elnour)
|
Quote: كدي أول حاجة نلقى علاء الدين في البورد بعدين نفتش ليهو في الصورة
يا علاء أرجع يا اخ لكتابات زمان زي حقت نجاة دي هداكـ الله وسيب القبقبة يا أخ |
يا صديق رحمة .. حمد الله على السلامة يا خينا ..
انت عارف المشكلة شنو؟؟
المشكلة بقت انو الواحد (مقبقب.. مقبقب) .. في فرق حقت قبقبـة بقت تجي من تحت ومن فوق ومن اي مكان .. تبقى ود ناس .. بقبقبوك .. ما ود ناس برضو بتتقبقب .. فشنو اخير تبقى مارق بس ..
في البوست بتاع استاذة نجاة .. اخونا نزار السمندل كتب كلام جميل جدا عن الناس البتقبقبك في صمت خشمك دي .. حالتو الوكت داك البوردي ما زي حسع دي اللعب على المكشوف ..
المهم يا صديق في ظل انو البورد يخلو من الناس البتحرضك وتستفزك عشان تكتب وعشان تقرا المواضيع الكويسة .. بتنتشر سياسة القبقبة على الناس القعدت فعلا هنا للبورد علشان تخربو وعلشان تحولو لي مساحة تانية بي اجندة خاصة .. والكلام دا طبعا بمساعدة بكري ابوبكري هيم سيلف
زي ما قلته فوق ما بحب تفسيح اللنكات ... لكن دا اخر خبيز .. خبزناهو وانت وقتها تضرب في برتكان وموز كسلا .. اتفضل شان تاني ما تغالطنا وتقول حضرنا ولم نجدكم
كنت بداخل بيت الأشبــاح ..
بالمناسبة .. البوست دا لسة ما ابتدا .. شان اوريك بس 
| |
|
|
|
|
|
|
|
|
|
Re: أبحث عن علاء الدين منصور (Re: عمر صديق)
|
ههههههههههه
تمبس ياخوى الصورة دى حقتى انا لقيتها وين انت ؟ هههههههه
القاعدين فى الصف التانى من اليمين واحد اسمو هيثم والجنبو صلاح
التحت منهم الخاتى يدو فى وشو اسمو ابو القاسم .. البعد منو ما عرفتو البعدو ... اسمو الجزولي
انا قاعد فى الصورة دى ... لكن ما عرفت روحى
ههههههههههههههههههههه
الصورة دى سنه 78/79 .. اولى ولا تانية ابتدائى ما متذكر
مدرسة المايقوما .... السجانه بالنص
| |
|
|
|
|
|
|
|
|
 Re: أبحث عن علاء الدين منصور (Re: خالد عبد الله محمود)
|
تغششي شنو يا هداكي الله .. انت لو ما غششتك انا والله كان لحدت الان لايسة في الصور تعزلي من طرف
...
| Quote: يا أخوي أنتو كانو معزلنكم و لا شنو ؟ مالكم كلكم قالب واحد !!! |
هههههه والله فعلا يا خالد .. دقه واحدة اصلو ما تقدر تطلع ليك واحد مختلف ههههههه
| |
|
|
|
|
|
|
|
|
|
Re: أبحث عن علاء الدين منصور (Re: وضاح عبدالرحمن جابر)
|
Quote: ههههههههههه
تمبس ياخوى الصورة دى حقتى انا لقيتها وين انت ؟ هههههههه
القاعدين فى الصف التانى من اليمين واحد اسمو هيثم والجنبو صلاح
التحت منهم الخاتى يدو فى وشو اسمو ابو القاسم .. البعد منو ما عرفتو البعدو ... اسمو الجزولي
|
.. ههههههههههه ..
يا وضاح ..
والله لو تعرف حكاية الصورة دي تستغرب .. ياخ انا لي زي عشرة سنوات بفتش فيها بعدما فقدتها .. جزولي ووين ياخ .. في العلالة دي ؟؟ هههههههه
| Quote: مدرسة المايقوما .... السجانه بالنص |
تاني المايقوما والسجانة يا وضاح ..؟ هههههه
كدي عليك الله جيب لينا صورتك دي النشوف الحاصل شنو؟؟
| |
|
|
|
|
|
|
|
|
 Re: أبحث عن علاء الدين منصور (Re: وضاح عبدالرحمن جابر)
|
يا جماعة معليش ناخد فاصل اعلاني .. مع عماد عابد من الفيس بوك ..
عماد دا طبعا متخصص نفسيات .. يعني المسكين بجي من الصباح علشان يشتم الامهات .. واعراض الناس .. ودي طبعا حاجة كويسة بتدل انو ميزان العدل في الدنيا دي ماشي بشكل جيد ..
زي ما ربنا سبحانه وتعالى خلق ناس اخيار تحترم الام وتقدره .. خلق برضو زي نوعية عماد عابد .. دا او اي كان اسمه المتدسي ليهو من خلف اسم مستعار ..
المهم في الأمر معليش للناس البتقرا في الكلام دا ومعليش انو الواحد يرفعو فوق هنا دا .. وطبعا بكري سيد الموقع دا ماشي في خطى جاده جدا انو يفقد الموقع دا بي التصرفات الرعناء ..
وطبعا زي ناس عابد او اي كان اسمه دا .. عندو دور محدد بيعمل فوقو وبيمارس فووقو ..
يعني لا مخلي لينا نوبـة .. ولا مخلي شوايقـة .. والغريبة انو لو بقدر يشتم بي طريقة مظبوطـة والله الواحد كان بقول ليهو برافووو عليك ..
..
سامعني يا ود الخالة .. الله يخلي ليك امك لو حية وامسك فيها قووي .. ولو متزوج وعندك اولاد امسك فيهم قوووي .. ونحن القدامك ديل ما تلعب معانا .. والحته المرسلاك دي قول ليها تمبس قالي كدا دا
وانا اهندا كلمتك عشان بعدين ما تجي تقول تمبس ما كلمني .. كويس معاك ؟؟
احذر .. واعمل حسابك نحن ما قاعدين نخلي حقنا ومرات حق غيرنا زاتو بنقلعو
| |
|
|
|
|
|
|
|
|
|
Re: أبحث عن علاء الدين منصور (Re: عمر صديق)
|
Quote: سلامات ياتمبس
ومشتاااقين
ودي مهمة شاااقة ما اظن حاتلقي زول يستلم الجائزة |
يا جنابو عمر ..
ياخ والله الجماعة احبطوني شديد .. معقول الواحد كان الرجل الخفي بالطريقة دي ..؟
غايتو كدي نحاول نرفع السعر حق الجائزة شوية .. يمكن يطلع زول مفتح ويعرف الحاصل ههههههه
| |
|
|
|
|
|
|
|
|
|
Re: أبحث عن علاء الدين منصور (Re: طلحة عبدالله)
|
| Quote: لو الجائزة معسل سلمها لابو جوان غير كده نرجوا ارسالها على صندوق البريد 11963 رمز بريدى 2088 |
Quote: صدق يا أبو السماسم ختفتها من كيبوردي ؟؟
كتا ح أعمل نفس الدورانية دي وباللون اللحمر دا على نفس الولد دا
وأكتب عليهو عمو تمبس وباللون اللخدر دا |
.. | Quote: لكن ما يهمك يا أبو السماسم إحتمال أديك الحلاوة . |
.. Quote: هههههههههههه
طبعا في النهاية ح تجىء تقول ولا هذا ولا ذاك وكلما ذكر غلط
وانو لا وجود لتمبس في الصورة أصلا ..
الجايزة ممكن ترسلا لي رصيد .
.........
أبو السماسم اختشي
بلا دورانيات معاك . |
عليك الله عاين زي المساكين ديل .. هههههههههههه حلاوة شنو ومعسل شنو؟؟
والله حقو بي ردودكم دي وبي الدورانيات بتاعتكم الافتراضية دي الواحد حقو يمشي لي ود الصايم يشيل منو المعسل العندو والشيشة زاتوووو هههههه
ياخ شرطتو عينا .. طلعتو قاعدين ساااي ما ناقشين ابو النوم .. بكري يخم فيكم سااي ويجيبكم لينا هنـا .. هههههههه
كضبا كاضب طبعا
| |
|
|
|
|
|
|
|
|
 Re: أبحث عن علاء الدين منصور (Re: طلحة عبدالله)
|
يا تمبس
العلامة بتاعة سامي طلب دي تمشي ناحية اليمين تخلي أتنين تالت واحد منها
يعني السادس من بداية الصف من اليسار لليمين
شفت شكل الأضنين دا الحاجة الوحيدة الما بتتغير في الزول
الناس ديل مستكترين السماحة دي عليك ليه
| |
|
|
|
|
|
|
|
|
|
Re: أبحث عن علاء الدين منصور (Re: حمد عبد الغفار عمر)
|
Quote: يمكن يطلع زول مفتح ويعرف الحاصل ههههههه
|
هههههههههههه
طبعا في النهاية ح تجىء تقول ولا هذا ولا ذاك وكلما ذكر غلط
وانو لا وجود لتمبس في الصورة أصلا ..
الجايزة ممكن ترسلا لي رصيد .
.........
أبو السماسم اختشي
بلا دورانيات معاك .
| |
|
|
|
|
|
|
|
|
|
Re: أبحث عن علاء الدين منصور (Re: تيسير عووضة)
|
ههههههه ..
بالمناسبة دي النسخة المعدلة .. النسخة الاصلية الله لا وراك ليها ..
وجاء في الاثر انو النسخة الاصلية زول بتعلم الحبيان يا دوبك .. قام لقى ليهو قزازة بتاعت (جاز) حايمة قدامو .. قام رقد بيها كللللللها ولا قحه ولا عمل اي حاجة ولا غمض عيونو
عليك الله دي ما طفولة عذاب ؟؟
| |
|
|
|
|
|
|
|
|
|
Re: أبحث عن علاء الدين منصور (Re: طلحة عبدالله)
|
علاء منصور أكيد شفته الصورة في صفحة المدرسة أولي عبد اللطيف في الخاطر
بس بصراحة لا لقيت نفسي ولولا البوست ماكنت حاعرف أحددك في الصورة ولا أحدد أبوالحسن
ولا واحد من الاعزاء الفي الخاطر والمنهم مستمر تواصلنا لحدي اليوم ونحنه رجال كبار
ياخي الكبر دخل
تحياتي
| |
|
|
|
|
|
|
|
|
|
Re: أبحث عن علاء الدين منصور (Re: عبد الناصر الخطيب)
|
صورة جميلة جدا يا علاء وهذا انطباعي كمدرس :
- تلاميذ الصورة في الصف الاول الابتدائي
- الصورة اخذت في نهاية العام الدراسي تقريبا
- 46 تلميذ في الفصل عدد معقول ومريح للاستاذ في التصحيح وتقييم مستوى التلاميذ " كنت بتجي الكم من 46 "!!
- الاستاذ الظاهر في الصورة غالبا ابو الفصل " استاذ العربي " يكون جميل لو ذكرت اسمو
- الشجرتين الظاهرات ديل تعبو وفترو من قطع السيطان !
مع التحية والاحترام
| |
|
|
|
|
|
|
|
|
|
Re: أبحث عن علاء الدين منصور (Re: خالد العبيد)
|
Quote: صورة جميلة جدا يا علاء وهذا انطباعي كمدرس :
- تلاميذ الصورة في الصف الاول الابتدائي
- الصورة اخذت في نهاية العام الدراسي تقريبا
- 46 تلميذ في الفصل عدد معقول ومريح للاستاذ في التصحيح وتقييم مستوى التلاميذ " كنت بتجي الكم من 46 "!!
- الاستاذ الظاهر في الصورة غالبا ابو الفصل " استاذ العربي " يكون جميل لو ذكرت اسمو
- الشجرتين الظاهرات ديل تعبو وفترو من قطع السيطان !
مع التحية والاحترام |
والله يا خالد انطباعك اصلو ما وقع واااطـه .. تعرف الصورة دي رايحه مني سنين طويلة وكل يوم عشامان اني اللقاها .. الدفعة الفوق دي كلها باستثناء اشرف حسين اول واحد على الشمال من الواقفين وهو زميل معانا هنا
وعبد الناصر دا .. لي سنين طويلة ما لاقيت الناس دي .. فها اتنين اتوفو عليهم الرحمة .. والبقية من الابتدائي تاني ما اتقابلنا لكن ما انقطع العشم انو نتلاقى ..
..
- طبعا الصف الاول ابتدائي ولسه لنج يا خالد ..
- الصورة بالضبط فعلا في نهاية العام الدراسي واذكر تماما انو كان المصوراتي بجي نهاية العام .. بيصور كل الفصول ..
بالمناسبة:
كان سعر هذه اللقطة وقتئذ واحد ريال لا غير ما ريال سعودي طبعا هه
- ايوة 46 طالب ومرتاحين جدا في الفصل .. بندخل بي انسيابية ونخرج بي انسيابيه .. طبعا اقوليك حاجة عجيبة .. انا عندي ترتيب كنت ما بديهو لي اي زول .. لحدت سنة سادسة بموت ليك معاهو مووت
كان ترتيبي (الســابع) مرة واحدة بس جيت السابع مشترك في سنة رابعة .. لكن وقفت ليك المدرسة دي على رجل واااحدة هههههه ..
- فعلا يا خالد دا استاذنا ابو الفصل استاذ عبد الله ما عارف الدنيا عامله معاهو شنو .. اكتر استاذ كنا بنحبو كان بيحكي لينا القص وبيمثل لينا ةاهم حاجةن ما كان بيدقنا ولا بيرضى يتدقه طالب قدامو يا سلام عليهو ياخ ..
- ههههه جليت الشجرتين يا خالد .. الشجرة العلي يمينك دي شجرة خروع اذكره تماما .. كانت امتداد لي كم شجرة بتاعت خروع في نفس الاتجاه .. والشجرة التانية كانت شجرة عجيبة جدا
شجرة مملة ما منها اي فايدة بس بتشرب موية ..
شجر السيطان يا خالد كان لي قدام يمينك وانت ماشي .. شجر الحنـة والنيم وعينك ما تشوف الا النووور ..
شكرا يا خالد . تحليلاتك الاستاذية متعتني والله شديد ..
| |
|
|
|
|
|
|
|
|
|
Re: أبحث عن علاء الدين منصور (Re: عبد الناصر الخطيب)
|
Quote: علاء منصور أكيد شفته الصورة في صفحة المدرسة أولي عبد اللطيف في الخاطر
بس بصراحة لا لقيت نفسي ولولا البوست ماكنت حاعرف أحددك في الصورة ولا أحدد أبوالحسن
ولا واحد من الاعزاء الفي الخاطر والمنهم مستمر تواصلنا لحدي اليوم ونحنه رجال كبار
ياخي الكبر دخل |
ههههههههه .. يا دفعة ..
ياخ الزهايمر دا بجي قبل الكبر واللا شنـو ..؟
طبعا قاعد افتش فيك لحدت الآن ما لاقيك .. لكن صاحبك اشرف اول واحد بي الشمال من الواقفين .. دقيقة لما نجيب صورتو الحالية وصورتو في الزمن داك هههههههههه
قلت لي بقيتو ناس تبروقه وسبحة بعد كدا ..؟
| |
|
|
|
|
|
|
|
|
|
Re: أبحث عن علاء الدين منصور (Re: حمد عبد الغفار عمر)
|
Quote: يعني السادس من بداية الصف من اليسار لليمين
شفت شكل الأضنين دا الحاجة الوحيدة الما بتتغير في الزول
الناس ديل مستكترين السماحة دي عليك ليه |
عالم حاقده بس يا حمد
..
بعدين اجابتك كضبا كاضب
الوصف بتاعك دا وقع في صاحبنا ايمن سعد الطيب .. ود حلتنا برضو ..
بعدين الاضنين ما ظاهرة هنا عشان تبطل حرفنه ودردقة هههههههه
| |
|
|
|
|
|
|
|
|
|
Re: أبحث عن علاء الدين منصور (Re: خالد عبد الله محمود)
|
| Quote: و الله يا دكتورة أعدم تمبس و ود الصايم في يوم واحد لو عارف معناها شنو ؟ |
يا خالد .. والله بالغته لكن ..
ياخ الزنقلة دي كانت من ملامح الزمن داك .. تكون متزنقل اي انو تكون لابس ليس قميص وزرارو مفتحات من نص البطن .. والكرش ماده بوووزه شديد واهم حاجة لازم متكون مغبش
| |
|
|
|
|
|
|
|
|
|
Re: أبحث عن علاء الدين منصور (Re: خالد عبد الله محمود)
|
Quote: لو ما أخاف الكضب أتوقع أنكـ الفي الدائرة الحمراء ده
غايتو تمبس في أمل يتعرف لكن إشراقة دي ما أظن زول يعرفها نهائي |
ههههههههه ..
يا خالد انت كدا قاعد تعمل تشويش
دا اخونا عبد الرحيم نور الجليل عبد الرحمن .. دا كان بيتهم اول محطة ونحن مارقين على المدرسة .. بناخد سنده عند حاجة علويـة .. زولة حنينة بشكل لاحول الله
بنتكبه عندها كلنا من الصباح تدبل لينا شاي اللبن بي اللقيمات .. شناة طبع مننا ساااي لانو انت اساسا بتكون واقف ###### عرس بس وطالع من البيت .. وشنطتك مليانه ساندوتشات .. وقروشك في جيبك ..
..
يا خالد والله حقو الواحد يفرض عليك حظر اقتصادي ياخ انت زول لاقيتني العين بتشوف تجي تجليني بالطريقة دي ؟؟
باقي ليك محاولة واحدة بس ..
| |
|
|
|
|
|
|
|
|
|
Re: أبحث عن علاء الدين منصور (Re: Ishraga Mustafa)
|
عزيزنا تمبس
سلامات
يا تمبس ياخ البحث عن علاء في صورة ديك الزمانات أصعب من البحث عن الذهب في وأدي العتمور .
والله باريت الصفوف صف صف .
لا خليت الصاري جبهتو ولا خليت العاضي أصبعو ولا الخامش خرتايتو .
..
جليتنا ياخ من المنافسة .
هسع لو كان كنت مشلخ 3 كان أبوجهينة جاب خبرك من أول كحلة ههههههها
تحياتي
| |
|
|
|
|
|
|
|
|
|
Re: أبحث عن علاء الدين منصور (Re: Osman Musa)
|
شايفين كيف ..
أها تاني عندكم شنو
ولو عندكم صورة العمدة عابد الشغال كساكس بتحت دا برضو جيبوها بنلونها ليكم.. أها...
ــــــــــــــــــــــ..
في صورة يا تمبس متعلق ليك في لستك قدام خور.. :) شايفها في حتة قدر ما بحبت ما لقيتها..
| |
|
|
|
|
|
|
|
|
|
Re: أبحث عن علاء الدين منصور (Re: HAIDER ALZAIN)
|
والله يا حيدر احبطتني .. وزي ما قال اهل نجد .. فشلتني ..
ياخ انت طلعت اي كلام يا قدع ...
فيما يتعلق بالدكتورة اشراقة النمرة الكاملة .. لكن دورانيتك البي الاخضر دي موصه واشرب مويتة ههههههههههه
بعدين سامي كلما نرفعو وررردلب يقع ... تاني ورطتووو ..
يا حيدر الزين .. كضبا كاضب
| |
|
|
|
|
|
|
|
|
|
Re: أبحث عن علاء الدين منصور (Re: Osman Musa)
|
Quote: ا تمبس ياخ البحث عن علاء في صورة ديك الزمانات أصعب من البحث عن الذهب في وأدي العتمور .
والله باريت الصفوف صف صف .
لا خليت الصاري جبهتو ولا خليت العاضي أصبعو ولا الخامش خرتايتو . |
والله يا ابو عفان مافيش حد يلومك اصلووو .. طبعا الجماعة ديل كلهم لامين في الصورة دوائر ومربعات ومثلثات .. وكلو كضبا كاضب ما تشوف الهيلمانه دي
يعني حسع دي لو الواحد كان قال الاجابة الغلط بي دولار .. كان جمع ثروة فاحشة جدا ههههههههههههه
..
غايتو انت ما عندك مشكلة ح نختك مراجع وردية .. او خبير اجنبي .. النشوف ناس الخليج العربي ديل نهايتم شنو ؟؟ ههههههههههههه
| |
|
|
|
|
|
|
|
|
|
Re: أبحث عن علاء الدين منصور (Re: Haytham Abdulaziz)
|
| Quote: من ديل ما بتجلي ... عاملين إضنينكم الكبار ديل... هسي زمان كان بفرزوكم بيهم واللا كيف؟ |
..
يا هيثم هههههههههههههه .. ياخ فشلتني وفشلت نفسك مع الدكتورة ..
قالت ليك كان تأشر على واحد وتنسى لكن ستة دفعة واحدة دي ما تجيش هههههههه ..
عارف الدفعة دي كان فيها اكبر اضنين مرت على تاريخ المدرسة دي ... اضنين وقصار وناشفين جدا هههههههه ..
غايتو يا قريبي جليت .. الستة ديل كضبا كاضب
| |
|
|
|
|
|
|
|
|
 Re: أبحث عن علاء الدين منصور (Re: Ishraga Mustafa)
|
| Quote: ليك وحشة والله, شوف كم عيد مرّ ومافقدتنى؟ |
يا دكتورة ..سلامات ياخ وكل سنة وانت طيبة بتاعت كم سنة كدا ...
واعذرينا .. لكن اكان الله مد في الايام جايينك بالدرب عديل كدا وبي كعكنـا .. أو شيتنا ايهما اقرب ههههههههههه..
..
بعدين الزنقلة واضحة جدا .. وداك زمن الزناقل هههههه
اهـا رايك شنو ؟؟
بالمناسبة . عندي واحد من اخواني كان لقبو (زنقل) هههههههه
| |
|
|
|
|
|
|
|
|
|
Re: أبحث عن علاء الدين منصور (Re: ABUHUSSEIN)
|
| Quote: الوحيد الحريص على أملاكو ... في الزمن داك لا يملك غير الشنطة و ما بداخلها... |
حتى انت يا بروتس ..
عليك الله عاين زي دا .. نحن قلنا سامي وطلحـة تنظير ديل مساكين سااي .. وزالله انت طلعته امسكـن منهم ..
يا جماعة معقولة انا (صعب) للدرجة دي ..؟
| |
|
|
|
|
|
|
|
|
|
Re: أبحث عن علاء الدين منصور (Re: سامى عبد المطلب)
|
يا جماعة في حاجة في الصورة الجابتها اشراقة دي كلكم ما لاحظتوا ليها
الصورة مأخوذة باليونيفورم بتاع (طلائع مايو) .. اللبس الاخضر بالشريط الاحمر
وعليه تصبح العزيزة اشراقة من السادنات الصغيرات
ههههههههههه
___________________
تمبس
اختشي
| |
|
|
|
|
|
|
|
|
|
Re: أبحث عن علاء الدين منصور (Re: أسامة البلال)
|
| Quote: غايتو ما أظنها تجلي من الشافع القندف دا ! |
والله فعلا الزول دا كان قندف يا اسامـة .. هههههه .. في كم واحد برضو لو ركزته نف سالقندفه دي .. للاسف في كتار جدا انا نخرت اساميهم وحتى اشكالم ..
..
غايتو يا اسامة الليلة دا يوم مفتوح .. عندنا اقتراحات بتاعت ندي فرصتين ..
كدي جرب حظك مرة تانية ومن زاوية تانية ..
| |
|
|
|
|
|
|
|
|
|
Re: أبحث عن علاء الدين منصور (Re: عبدالوهاب علي الحاج)
|
| Quote: الصورة مأخوذة باليونيفورم بتاع (طلائع مايو) |
...
ههههه لا غبار عليها .. لا غبار ، يا زول الوكت داك ناس كوستاوي وهشام هباني كانو في الاتحاد الاشتراكي راسم عديل خخخخخخخخخ..
..
اسمع الصورة دي سنة تمنية وتمنين برضك
اختشي يا كوز
| |
|
|
|
|
|
|
|
|
|
Re: أبحث عن علاء الدين منصور (Re: سامى عبد المطلب)
|
ياجماعة نبذه صغيرة جدا عن صاحب الصورة ابو شنطـة ..
دا اخونـا ناجي علي خميس ..ود جيرانا
الاسم ناجي علي خميس ..
اللقب : ناجي حيطـــــة
اسم الشهرة .. ناجي زبادي هههههههه
ناجي دا زول غتيت جدا وقوي وسغيل من يومو .. بالمناسبة عندو النسخة الاصلية من الصورة دي .. رفض رفض تام انو يديني حتى اشوفه هههههههه قدرما حنستو وعرضت عليهو اموال رفض .. فقري جدا ..
..
طبعا ناجي حيطة الاسم داما جا من فراغ .. دا كان فعلا عبارة عن حيطة في دافوري الفسحة البين الحصص كان بضربنا ضرب عجيب رجم عجيب جدا
تدق فيهو وترجع ما بقع ولو لحق عفصك .. اقلاهو تتنس يا جاتك (دبره) ما تبرا بي سهولة .. يحب العضة حب شديد حتى وهو في الدافوري بتلقاهو شايل ساندوتشيهو وبيعضي هههههه... كان كل راس شهر بيغير كبك .. ماركة لاركو .. والغريب في الأمر انو لحدت الآن بنفس الشكل ونفس الملامح بس على زول طويل ههههه
| |
|
|
|
|
|
|
|
|
|
Re: أبحث عن علاء الدين منصور (Re: سامى عبد المطلب)
|
ياجماعة نبذه صغيرة جدا عن صاحب الصورة ابو شنطـة ..
دا اخونـا ناجي علي خميس ..ود جيرانا
الاسم ناجي علي خميس ..
اللقب : ناجي حيطـــــة
اسم الشهرة .. ناجي زبادي هههههههه
ناجي دا زول غتيت جدا وقوي وسغيل من يومو .. بالمناسبة عندو النسخة الاصلية من الصورة دي .. رفض رفض تام انو يديني حتى اشوفه هههههههه قدرما حنستو وعرضت عليهو اموال رفض .. فقري جدا ..
..
طبعا ناجي حيطة الاسم داما جا من فراغ .. دا كان فعلا عبارة عن حيطة في دافوري الفسحة البين الحصص كان بضربنا ضرب عجيب رجم عجيب جدا
تدق فيهو وترجع ما بقع ولو لحق عفصك .. اقلاهو تتنس يا جاتك (دبره) ما تبرا بي سهولة .. يحب العضة حب شديد حتى وهو في الدافوري بتلقاهو شايل ساندوتشيهو وبيعضي هههههه... كان كل راس شهر بيغير كبك .. ماركة لاركو .. والغريب في الأمر انو لحدت الآن بنفس الشكل ونفس الملامح بس على زول طويل ههههه
| |
|
|
|
|
|
|
|
|
|
Re: أبحث عن علاء الدين منصور (Re: farda)
|
غايتو يا تمبس بطة دي جابت خبرك ..
بالجد استمتعت بالحكي الطاعم والخيال الشاخص الممزوج بعناية بواقعية الحياة وبراءتها في ذلك البوست..
نجي لعلاء
اولا : الكرت مطبق اربعة طبقات ..
ثانيا : اقيف قدام الصف وانده يا علالالاء شوف لوما الولد العلمتو بالاحمر دا قال ليك نعم .
تعال برضو قول ود قلبا .
>
| |
|
|
|
|
|
|
|
|
|
Re: أبحث عن علاء الدين منصور (Re: حسين ديقول)
|
الأخوان من الحجاب الحاجز ..
محمد عبد القادر .. وأحمد حنو ..
ياخ شكرا وبارك الله فيكم .. والله ردكم للزول دا فرحني .. وبيدل على معدنكم الاصيل وانكم اولاد ناس في زمن استغل فيهو المرضى ديل المساحة دي عشان يقولو العايزنو ويطلعو مرضم الجواهم ..
كونوا على ثقة انو زي الكلام دا لما يتقال لينا .. ببقى زي ما قال محمد البشرى زي الك لب البنبح ما بيضرك بشي .. وهو في النهاية مردود لي سيدو اضافة لي انو .. ان شاء الله ربنا بجزاهو عنو في الدنيا دي قبال الاخرة وعن نفسي انا حقي ما قاعد اخليهو .. وان شاء الله بجيبو .. مهما تلون وخته صورة وكتب الابيض او بورسودان او كسلا ..
.
شكرا يا شباب بالرغم من انو الواحد المساحة التحتانية دي ما بينظر بيها إلا بي كل سوء لكن يفضل زيكم البخلو الواحد يراجع نفسو وينظر ليها بشكل اكتر ايجابية ويتعاطى معاها .. ويتواصل ..
..
بعدين يا احمد حنو .. ساندوتشات مارتدلا شنو الوكت داك هههههههههه ..
ياخ الحاجة الله يديها العافية كانت بتصحى صلاة الصبح .. عندها قدرة صغيرة حقت فول .. بتشد الفول من صلاة الصبح وبكون عجين الطعمية جاهز ..
لما يجي موعد الشاي بتكون الطعمية مع الفول جاهزات .. اخوك طبعا الطعمية دي ولحدت الان ممكنم يدخل فيها السجن عديل هههههههههه
بقوم بضرب ما تيسر من الطعمية وطبعا الرغيف بكون اتجاب من بالليل .. بعدين يكون في علمك ساندوتش الطعمية مع شاي الصباح حاجة عجيبة جدا والفول بزيت السمسم وعليهو شمار اخدر وليمونة بسسسسسسسس .. يا سلالالالالالالام ياخ .. بتكون اساسا انت جاهز لي اي دافوري ولي اي سقط وبرد بتاع الوكت داك
ثم
بعد داك يحشو ليك ساندوتش طعمية وساندوتش فول ويدوك كنجالاتك في جيبك .. وتتوكل تخيل عليك الله ؟؟
عارف انا برنامج الطعمية دا .. لحدت الثانوي ما فارقني .. ولحدت الان كلما اشوف لي طعمية .. قلبي يدق واعصابي تبوظ ههههههههه
| |
|
|
|
|
|
|
|
|
 Re: أبحث عن علاء الدين منصور (Re: Emad Mohamed)
|
| Quote: تالت واحد من اليمين فى الصف الفى النص |
يا عماد محمود .. غريبة لكن .. الزول دا خالص ما بشبهني جبته الكلام دا من ووين ؟؟ هههههه
دا وليد علي خميس سطيح ..
اسرة سطيح دي مشهورة جدا في الموردة .. عمو مباشرة الطيار الحربي الشهيد نقيب معاوية خميس سطيح .. يعرفوهو كتيرين جدا من الناس الكانت في الكشافة الجوية السودانية قبل اعوام بعيدة .. وتم اسقاط الطائرة العمودية وكان على متنها بعض المسؤولين من الدولة والكلام دا في بداية التسعينات .. وكان من اشجع من مشى على الارض ..
كل الاسرة اهتماماته كشفية بحته .. وعملو الآخر الراحل ابراهيم خميس سطيح ايضا من ضمن المعروفين بي نشاطاتهم الكشفية وكان ايضا ضمن الأمن القومي حق نميري زمان واعتقد انو في ناس كتار من ناس البورد يعرفونو من اولاد امدرمان تحديدا .. وهو تقريبا دفعة العم الثوري هشام هباني حسب مام ذكر لي في مكالمة تلفونية
اذا ..
كضبا كاضب يا عماد
| |
|
|
|
|
|
|
|
|
|
Re: أبحث عن علاء الدين منصور (Re: صبري طه)
|
Quote: يا تمبس أرجو إنّك تمنحني ثلاثة فرص ..
وسأبدأ بالأولى أتمنى أن تكون في محلّها ... |
يا صبري .. ما عندك مشكلة بمنحك تلاتة فرص .. لكن على شرط .. التلاتة فرص ديل بغالطك فيهم ,,,
الفرصة الاولى دي ما عندك مشكلة اعتبره علي باقي ليك تلاتة ..
كضبا كاضب ..
الختيت عليهو الدائرة دي .. دا اسمو (نصر الدين الأمين دليل)
ويكون في علمك دا كان اول الدفعة .. شادينا ليك لحدت سنة سادسـة الاول الاول الاول .. كرهنا زاتووو
ياخ انا الوكت داك لو كان عندي راس زي راس نصر الدين دا عليك الله حسع دي كان بتلقاني قاعد في البورد دا ههههههههههه؟؟
يا صبري حرام عليك .. ياخ عاين الراس دا ما راس عباقرة الله بسالك ؟؟
..
| |
|
|
|
|
|
|
|
|
|
Re: أبحث عن علاء الدين منصور (Re: waleed dawash)
|
Quote: شووووووووف يا تمبس
عد من الاستاذ ده اتنين على يمينه ...
ولو ما صاح ... تبقى من يومك مجرم . |
.. هههههههههههههه ..يا دواش طلعته زي قريبك دا قاعد ساااي ههههههههه..
لو بتقصد الزول اللابس جاكيت حق جلد دا .. فدا صديقنا حاتم .. كنا مسمنو حاتم البعاتي ..
زول ضعيف جدا جدا منفوخ بي الجاكيت دا ... ضعيف وكان عيان السنة كلها وعندو قحه مزمنه جدا والجاكيت دا لابسو صيف وخريف وشتاء اصلو ما طلعو من جلدو .. كان ما عندو اي نشاط .. واتذكر انو الساندوتش الكان بجي حاشيهو ما كان بقدر يكمل نصووو .. الميزة حقت الضعف دا والقحه المزمنه ادتو حصانه من الجلد ومن النهرة ساكت ..
ولو قلته البعديهو فدا من ضمن الناس الرايح لي اسمهم لحدت الآن .. حتى ملامحو ما قادر اتذكره من الوكت داك
لذلك ..
كضبا كاضب
| |
|
|
|
|
|
|
|
|
|
Re: أبحث عن علاء الدين منصور (Re: محمد على طه الملك)
|
Quote: بالجد استمتعت بالحكي الطاعم والخيال الشاخص الممزوج بعناية بواقعية الحياة وبراءتها في ذلك البوست..
نجي لعلاء
اولا : الكرت مطبق اربعة طبقات ..
ثانيا : اقيف قدام الصف وانده يا علالالاء شوف لوما الولد العلمتو بالاحمر دا قال ليك نعم .
تعال برضو قول ود قلبا . |
يا مولانـــــا .. نحن ناس متعة والله وبنحب المتعة في كل شي .. ولما نتذكر التفاصيل القديمة دي المتعة براها بتجيك ماشة بي رجلينه ..
إلا بس كلامك التاني دا حسع دي لو رفعته فيك قضية عدم عرفـة والله اجهجه باكاتك .. انتو ما عايزين الجايزة دي واللا شنـو ..؟
طبعا يا مولانـا اسم بطه دا لحدت الآن اسم الشهرة في تلكم النواحي .. واسم الدلع والشهرة حق الكورة .. وتصدق في ناس لحدت الآن لو قلت ليهم علاء الدين منصور بقولو ليك علاء الدين منصور دا ود ناس مو ؟؟ ههههههههههه..
كضبا كاضب هههههه..
دايرتك دي ختيها في دفعتنا ( قيدون خميس) وما ذلت اذكر اسمو والزول دا طبعا من الفترة حقت الابتدائية لحدت الان ما لاقيتو وما عارف الدنيا عملت معاهو شنو ..
والله يا مولانا لو وقفته وكوركته لي بكره ماف زول يهببو ليك بي طريقتك دي .. اولاد سنترا ياااخ ...
غايتو يا مولانا فنجرية ساكت كدا بنديك فرصتين مع صبري دا .. خليهو يغالطك في فرصة والتانية اتجدع فيها هههههههههههه
لكن اكان بي طريقتك دي وحومانك في الصف دا والله اخير ترجع لي فرصي ساااي وتعمل رايح
| |
|
|
|
|
|
|
|
|
|
Re: أبحث عن علاء الدين منصور (Re: farda)
|
| Quote: يا زول ، تاني واحد من الواقفين.، أنظر من يسار الصورة..... |
يا حافظ يا فرده ..
ياخ الصف الوراني دا ما بقيف فوقو الا ذو حظ عظيم يا يكون اطول من يوم السبت وقتئذ هههههه .. والزول البتقصدو دا دا اخونـا مرتضى ابراهيم محمد ابراهيم
ود حلتنا ومن الاصدقاء المقربين جدا .. وكنا بنسميهو مرتضى ابو طويلة .. لانو كان زول عملاق جدا بالنسبة لينا الوكت داك وزي ما قلت ليكم .. انا كنت حجر بطارية بس ما بعمل اي حاجة من غير دعم .. هههههه .. ياخ انا ما شميت العافية إلا في اولى ثانوي حتين طولته شوية كدا ..
..
على كل اجابتك
كضبا كاضب اعد المحاولة في الصفوف الأخرى الليلة اليوم مفتوح والفرص رااااقده
| |
|
|
|
|
|
|
|
|
|
Re: أبحث عن علاء الدين منصور (Re: طارق ميرغني)
|
| Quote: جلوسا الثالث من يمين الصوره |
يا هندســـة ..
انا بفتكر انك انت وصبري والريس ابوجهينة وخالد محمود وايمن دياب وابوحسين وزميلة البورد كبورداب رياض عايزين تشوشو للناس دي ..
يا جماعة من الآن فصاعدا اي واحد من بورداب الرياض يجاوب اجابه غلط .. ويغلط فيني .. برفع مذكرة احتجاج لي بكري ..
بخليهو يصرف ليهو مداخلة واحدة زيو وزي .. عبد الوهاب علي الحاج الشهير بي عموو وهبه خخخخخخخخخخخخخخ
| |
|
|
|
|
|
|
|
|
|
Re: أبحث عن علاء الدين منصور (Re: حمد عبد الغفار عمر)
|
Quote: والله بعد دا إلا تجيب صورة جديدة
دي كملت خلاس |
يا حمد .. الليلة كمان اوريك اصلو مافي صورة تاني .. دي بس ..
ياخ ديل اربعة وستين نسمـة قاليك .. الصين الشعبية بس .. تختار ليك اتنين واللا تلاتة وعايز تخمنـا ..؟
والله اكان اصريت لي بكره .. واللحيـت .. برضو كضبا كاضب شفته كيف ؟؟
..
| Quote: جهز الجائزة ساي وبعدين بوريك ليه أنا اخترت الزول القلت ليك عليهو دا |
والله ما عندك عندي اي جايزة لحدت الآن .. كدي قول السبب وبنديك فرصة تلعب بالجوكر .. زي تيلي ماتش هههههههههه..
يللا ورحكـه ..
| |
|
|
|
|
|
|
|
|
|
Re: أبحث عن علاء الدين منصور (Re: farda)
|
يا جماعة ..
انتو شنو القصة حقت الذاكرة الطويلة المدى والقصيرة دي .. يا ناس يا قاريين يا بتووع المدارس ؟؟
يعني والله بي كل صراحة كدا ... انا قاعد اتذكر في تفاصيل دقيقة جدا عن الفترة حقت سنة اولى ابتدائي دي تحديدا او كل الفترة حقت الابتدائية .. بينما مسحت بعض من الثانوية إلا جزء بسيط منها .. اضف لذلك عندي احلام لحدت الآن متعلقة بالفترة حقت الابتدائية .. وبعض الاشخاص في الصورة دي .. واماكن عديدة جدا ما عارف دلالاته شنو في الاحلام البتجيني دي .. يعني شنو يا جماعة واحد يكون مخزن بيانات من الزمن داك .. ويمسح اقل بيانات تدخل ليهو من سنتين تلاتة .. ياخ دا كان هارديسك زاتو كان جاهو B.S ..
| |
|
|
|
|
|
|
|
|
|
Re: أبحث عن علاء الدين منصور (Re: tmbis)
|
Quote: Ummoayad Moayad · الأكثر تعليقا
الولد المادي بوزو وزعلان دا ياك انت قاعد اقصي اليمين ومطرف من الباقين . |
ام اياد من الحجاب الحاجز ..
اظنك بتقصدي الزول المتفرشخ في الارض دا .. تخيلي دا ما انا وكضبا كاضب كمان ..
للاسف الشديد الزول دا من ضمن الناس النسيت اساميهم ..
لكن لو بتقصدي الفوق ليهو مباشرة فدا صديقنا الراحل معتز صلاح احمد الريدة
من أجمل الناس المرو علي في تاريخ حياتي .. درس جامعة امدرمان الأهلية ,.. وتوفي في عز الشباب .. واعتقد انو عندو سبيل في الجامعة عاملو ليهو اولاد الدفعة
عليه الرحمة والمغفرة ..
| Quote: معتز صلاح كان صبوح الوجه ضاحكاً .. ضحكته ما زالت حبيسة جدران الفصل السادس عبد اللطيف عندما وقفت فيه آخر مرة قبل سنوات استرجع ذكريات طفولتي .. انتقلنا للمتوسطة وتزاملنا لمدة يوم واحد ... انتقل لمدرسة أبوكدوك المتوسطة وفارق الحياة طالباً بالجامعة الأهلية .. في نفس اليوم الذي كنت انوي زيارته فاجأني شقيقي بالخبر فنزل علي كالصاعقة ما استطعت تحمل وداعه الأخير .. ولا انخفضت ضربات قلبي كلما مريت بالجامعة الأهلية.( اسالو الله له الرحمة كان نقياً ) |
| |
|
|
|
|
|
|
|
|
|
Re: أبحث عن علاء الدين منصور (Re: tmbis)
|
بالنسبة لي الذاكرة الطويلة المدى .. حقت الابتدائية :
التحية لصديقي العزيز ياسر عبد الفتاح .. شقشقـة .. كنا في حديث قبل مباراة الهلال والمريخ الأخيرة .. في الحركة حقت المحركة البتحصل ليك قبال الكورة دي فكلنا رشاشات وابواق هلالية
شحن العزيز ياسر الذاكرة دي بي ذكرى لمكانين مهمات جدا كانو بالنسبة لينا في الفترة ديك ..
(محول الكهرباء) او زي ما بنسميها الأميــة حقت الكهربة ودي بتقع في امام مدرسة الرشاد .. مقابلة لي مسجد النيلين من الناحية الغربية .. والحتة التانية بيت كان بفصل بينو وبين فصول صف مهدي حيث كانت المدرسة مهدي وعبد اللطيف .. كان بفصل بينو وبين فصول مهدي شارع وقدامو خور ..
والبيت كان اتخذوهو ناس ياسر عبد الفتاح مقر لصحيفة الشماشــة .. الصحيفة التي كانت وقتها من الصحف الجميلة جدا فترة التمانينات .. وكانت بتطل على مسجد النيلين من الناحية الغربية .. وما ذلت اذكر انها كانت من الصحف الجميلة جدا نسبة للاقلام الرشيقة البتكتب فيها .. وكان الدار دا عبارة عن ملتقى للكتاب الكبار جدا امثال الراحل الطيب صالح وغيره من الناس العظماء ..
هذا البيت كان بيعني لينا بعبع مخيف جدا .. كنا نتجنبه جدا .. لقناعة تامة ان به اشباح ههههه .. حدنا مع هذا البيت ان ننط الخور الصغير في منافسة للنط بعد نهاية الحص ونحن متجهين للبيوت .. وعندما نوازي البيت كنا نبعد بقدر الامكان .. شاءت الاقدار ان تحصل جريمة قتل في هذا البيت .. تفاصيلها كانت رائجة في ذاك الوقت .. وكانت بالنسبة لينا مسالة مخيفة جدا نسبة لانعدام الجريمة وقتها .. كان البيت يفتح مباشرة في ميدان الدافوري .. ولمرات عديدة كانت الكورة تقلش من التمرين او الدافوري .. فكنا فقط نتعوض الله فيها بالرغم من الثمن الباهظ (للكفر) في ذلك الوقت .. ولا يتجرأ احد منا حتى في محاولة البحث عنها .. والشي الغريب وبنفس احتشاد ذاكرة الطفولة ما ذال هذا البيت يمثل لي رعبا بمثابة مثلث برمودا .. حيث ما ذلت اتجنبه حتى وانا كبير وكلما مريت او اخذتني الصدفة بذلك المكان ..
| |
|
|
|
|
|
|
|
|
|
Re: أبحث عن علاء الدين منصور (Re: tmbis)
|
بالنسبة لي المحول حق الكهربه
..
فدا المكان الوحيد الكنا بنعبر فيهو عن غضبنا .. تجاه السلطة المدرسية .. وكلما سنحت لينا فرصة .. كنا بنجمع اكبر عدد من الحجار ونرجم ذاك الباب الرمادي والسبب في ذلك انو .. كان المكان الوحيد الذي ننال فيه اكبر عدد من التحذيرات تكاد تذكر في الطابور الصباحي .. الامية حقت الكهربه والبحـــر .. اكتر حتتين اتلقينا منهم تحذيرات شديدة اللهجة وكان يشهد الطابور الصباحي عقاب يتم فيه ذكر الاسماء في لستـة الطابور الصباحية ومن تم ذكر اسمه في الطابور الصباحي ذلك الزمان كان يعتبر من المجرمين جدا .. ومن قادة الثورات في سن مبكر .. حيث يتم ذكر الاسم ويطبق العقاب بأن ترفع في شكل طائرة نفاسة ضخمة جدا وتشد شدا من قبل اربعة من عتاولة الفصول المتقدمة .. اضف لذلك اتنين من ( الشماشرة ) ينزلون من تحت الطائرة كفنئي صيانة اجنحة طيران ويشدون ما تفضفض من الرداء حتى يلتصق بالجسم تماما وهم في غاية المتعة .. حتى يتم الجلد بالطريقة الشرعية ...
لذلك
كانت خميساتنا حافلة بأكبر عدد ممكن من الحجارة نرجم بها تلك البوابة الحديدة في ظل غياب الرقيب .. وحتى نرضى نفسياتنا والروح الانتقامية ..
..
الغريب في الأمر ان المحول كان مسؤول عن توزيع الكهربة لجزء محدد من حلتنا بتوزيع غريب جدا حيث كانت تلك الشريحة المشمولة تحت رعاية هذا المحول بمثابة شريحة اولاد العز .. حيث كانت القطوعات لا تمر بها اطلاقا .. حتى في ظل القطوعات العامة للكهرباء وقتها .. وهي كانت نادرة جدا .. حتى ان تم قطع التيار الكهربائي كان سرعان ما يعود ..
لكن
الغريب في الأمر انه وقتها انقطع التيار لمدة اسبوعين بالتمام والكمال .. من تلك الشريحة ، شريحة اولاد العز حرمنا وقتها من متابعة مسلسل (الليث الأبيض ) .. اسبوعين راسنا مقطوع .. زي الايتام ما عارفين نقبل ووين .. وذلك مع عجز تام جدا لاي فني او هندسي او متخصص في اعادة التيار لعدم المعرفة .. تم حفر المنطقة من كل الجهات .. حفرة عميقة جدا داخل تلك الغرفة الصغيرة وللحقيقة كانت المرة الاولى في تاريخ حياتنا نرى فيها هذا الباب مفتوح والذي كان بمثابة الكعبة المشرفة التي لم نرى ما بداخلها .. كان عجز تام لهيئة الكهربه وكنا نراغب من شبابيك الفصول عربات الهيئة تحمل وتفرغ في المعدات .. وفي الفنيين والاسلاك والصواميل غريبة الشكل ..
حتى جا ذلك اليوم .. جاءوا برجع اظنه تعدى في عمره التمانين لا يقوى على الحركة ، ولا حتى ان يتوكأ على عكازه الذي كان يرمي بكل ثقله عليه .. لكن ما ذلت اذكر انه كان في كامل اناقته بقميصة الأبيض الذي حشره بداخل البنطلون .. مع نظارات طبيه ضخمة جدا امالت وجهه للارض مع برنيطة من الكاكي وانحناءة شديدة وتقوس للظهر .. وغليون ينفخ فيه نفخا ويتطاير الدخان ..
هذا الشخص وحده من قام بفك الشفرة وعثر على الكنز .. واعاد لنا الليث الابيض واعاد لنا البسمة ورد روحنا ..
ما ان نزل هذا الخبير حتى توجه مباشرة صوب الغرفة .. ثم يمم وجهه الناحية الغربية وبخطوات واثقة وبطيئة جدا تحرك في اتجاه مائل إلى الناحية الغربية مائلا قليلا من شجرة اللالوبــه .. وكان يعد في خطواته بثبات الواثق .. ثم اخيرا ضرب الأرض بعصاته عدة ضربات .. ثم رسم دائرة وبداخلها علامة ثم خط طويل لمسافة ربع متر تقريبا .. وتوقف .. واشار لهم بحفر ما قام برسمه .. وبعد عمق اكثر من متر تقريبا كانت المفاجأة التي جعلت كل الفريق العامل يصفق بشدة وتبعناه بصفقة من داخل الفصل .. دونما ايعاذ من الاستاذ .. تم الحفر واذا بي (كيبل) ضخم محروق بداخل الأرض .. هو ما تسبب في تلك الكارثة .. واظنه كان آخر الرجال المحترمين الذين يعرفون حقيقة اشياء غابت عن الجميع .. وديل البقولو عليهم ناس الخبرة ...
| |
|
|
|
|
|
|
|
|
|
Re: أبحث عن علاء الدين منصور (Re: tmbis)
|
عن نفسي ،، قدر ما عاينت في الصورة دي ما لقيت علاء الدين منصور
أكتر حاجة كنت مركز فيها الاضنين لكن الصورة جنرال ما ساعدتني .. ح أحاول تاني وأجي أديكم الزيت
إلا يا تمبس إنت زول ضرس شوية وكنت حضرت حنة فكي بدر الدين مع الخال وهبة من زمن الابتدائي حرام عليك ياخ :))
| |
|
|
|
|
|
|
|
|
|
Re: أبحث عن علاء الدين منصور (Re: حافظ انقابو)
|
يا جماعة شكلكم كدا ما ح تعرفوا اي حاجة ..
الظاهر لي انا صعب شديد .. صعب جدا .. ههههههههههههههه
علشان كدا ح اديكم خيارات ..
. بالنسبة لي ناس حافظ انقابو .. وحمد عبد الغفار والناس المركزة على الاضنين ..
ااي نعم يا جماعة الانسان عندو اضنين واي حاجة .. لكن الصورة دي بالذات الاضنين ما بتلعب فيها اي دور بالنسبة لي ..
يعني المعتمد على الاضنين عشان يعرفني بيها فشنو ؟؟ يخم ويصر ..
..
من ضمن الخيارات ..:
1- زول قصير مفروض ما يكون واقف ..
2- زول بجي السادس في الفصل معناته بكون (قاعد) ووين يا متعلمين يا بتوع المدارس ؟؟
3- الصورة دي بعد دافوري مسخن جدا معناته بكون مالوو .. اكيد وس....خان ومنكش وروحو محرقاهو وعايز يخلص من برنامج التصوير الاسف دا ههههههه
..
غايتو بعد كدا البغلط فيني .. الله قال بي قولو ..
| |
|
|
|
|
|
|
|
|
|
Re: أبحث عن علاء الدين منصور (Re: حافظ انقابو)
|
Quote: عن نفسي ،، قدر ما عاينت في الصورة دي ما لقيت علاء الدين منصور
أكتر حاجة كنت مركز فيها الاضنين لكن الصورة جنرال ما ساعدتني .. ح أحاول تاني وأجي أديكم الزيت |
ههههه يا حافظ اي حاجة .. والله بي طريقتك دي انت الح تكب زيت مش تجيب الزيت ههههههه
بعدين زي ما قلت ليك لو معتمد على اضنين الانسان .. احسن ليك تشوف ليك اضنين تاني .. اها بالذات في الصورة دي الاضنين اصلن اصلن ما ظاهرات هههههه عشان الواحد كان عارف حركاتكم دي ..
..
| Quote: إلا يا تمبس إنت زول ضرس شوية وكنت حضرت حنة فكي بدر الدين مع الخال وهبة من زمن الابتدائي حرام عليك ياخ :)) |
يا حافظ والله الكلام دا بورطك .. ويدخلك في حتات ضيقة جدا
ياخ الخال وهبة وبدر رالدين ديل اي نعم هم دفعة واي حاجة .. لكن قرو قدامنا زمن كان بتجي المدرسة الابتدائية بي جلابية وتكون حالق جديد ولابس (شدة) الوكت داك شنط جلد (تك) .. باقي القماش حق الجلابية يظبطوهو ليك شنطة في شكل مخلايـة وتتوكل علي الله تشوف قرايتك ..
..
انتو ناس الاساس مش كدا ..؟
خموكم وجابوكم لينا ضيق بس .. هههههههههه
| |
|
|
|
|
|
|
|
|
|
Re: أبحث عن علاء الدين منصور (Re: tmbis)
|
يا جماعة عايز اصعبه عليكم شويــة بالنسبة لي الرش بتاع المريخ الاول امس دا هههههههههه..
الدفعة دي فيها تقريبا .. ستة اشخاص كورنجيــة .. خمسة والسادس انا .. لعبنا في درجات مختلفة
والناس البتعرف كورة .. بتحدد شكل الزول اللعاب ..
السؤال هو هههههههههه:
حاول انقر ليك تلاتة بس .. من الناس الحرفاء ديل .. ونحن اربعة لعبنا في تيم المدرسة في الصف السادس ..
اقوليكم حاجة .. ولا اربعة ولا تلاتة ولا حاجة .. اتنين بس .. والبجاوب على السؤال دا بعفيهو من (خلقتي) ....
الجدير بالذكر انو برضو نحن اتنين ... انا ومعاي واحد تاني مزيكاتي .. واتلاقينا ودرسنا في المتوسطة .. وكان عازف عود ماهر جدا .. اتعلمت منو بعض التكنيكات .. وفي نفس الوكت كنا اخطر اتنين بنلعب تنس طاولة في المدرسة .. وبنجرس الاساتذة كلهم .. انا دا خلوني .. اصلكم ما قاعدين تثقو فيني ..
كدي حاولو طلعو لي الزول الفنان دا .. والخطير في تنس الطاولة ..
يللا شان ما تقولو حرمتكم من ايتها حاجة ...
| |
|
|
|
|
|
|
|
|
|
Re: أبحث عن علاء الدين منصور (Re: tmbis)
|
ياتمبس ما تضلل الناس شنو شابكهم كنت قصير ، أنت لمن جينا وادي سيدنا الثانوية
كنت عنقالي وأنا أول يوم أفتكرتك معلم أو ولي أمر أحد الطلاب
الناس تركز في العنقالة الواقفين في الصف الاخير هههههه
| |
|
|
|
|
|
|
|
|
|
Re: أبحث عن علاء الدين منصور (Re: عادل الباهي عبدالرازق)
|
تحياتنا الاخ علاء الدين-تمبس
رقم 4 يسار الاستاذ. مربع يدينك التقول عبدالرحيم برشم
------------------------------------------------
دي فرصة الواحد يقول ليك اسفين انك فهمت كلامي في
بوست ا.د طارق جبريل قبل ما اسجل. قلت انو تمبس زعاط
وبجيب اخلاق من وين لكتابة المداخلات الطويلة . وانت زعلت
ولمحت انو في ناس تتضاري بالايملات وترسل للكلام الما بقدرو
بقولوه في البورد .اها نفس حركة بعض وقلة من هوام ناس الفيسبوك
| |
|
|
|
|
|
|
|
|
|
Re: أبحث عن علاء الدين منصور (Re: عثمان الشريف اسحاق)
|
ما دام اكرمتني بفرصة مااا برجعها ..
تأكيدك لحكاية بطة دي معناتا قطع شك إنت قاعد في الصفوف الأمامية ..
بس مالك قاعد متضاري ورا الولد اب ركبين طوال دا ؟ ..
>
أها أشد وركب مش كدا ؟
انا كنت عاااارف إلا مدكن ..
بالجد أخوك مش طقش صورتك؟ ..
إنت قايل البلي كبو ليكم من السما ؟ دا نحن لعبنا بيهو بعدين صدرنا ليكم ..
نحنا نقشنا الحجر بني آدم تقول لي صورة هههههه .
| |
|
|
|
|
|
|
|
|
|
Re: أبحث عن علاء الدين منصور (Re: السيد أحمد إبراهيم)
|
Quote: يا صبري .. ما عندك مشكلة بمنحك تلاتة فرص .. لكن على شرط .. التلاتة فرص ديل بغالطك فيهم ,,,
الفرصة الاولى دي ما عندك مشكلة اعتبره علي باقي ليك تلاتة ..
كضبا كاضب .. |
أوكي يا حبيب .. خلاص حأبدأ الفرص من هذه المُشاركة وحتكون نمرة واحد ...
Quote: الختيت عليهو الدائرة دي .. دا اسمو (نصر الدين الأمين دليل)
ويكون في علمك دا كان اول الدفعة .. |
كامل تضامني مع أوّل الدُفعة في محنته
الاختيار الأوّل في الصورة أدناه يا تمبس:-
| |
|
|
|
|
|
|
|
|
|
Re: أبحث عن علاء الدين منصور (Re: صبري طه)
|
| Quote: الاختيار الأوّل في الصورة أدناه يا تمبس:- |
والله يا صبري بالرغم من انك استخدمته الخيارات الاديتك ليها بطريقة سليمة ووظفتها كما يجب .. من حيث قصر القامة والقعاد في الصف الأولاني .. إلا فشلتني مرة أخرى وخليتني افكر جادي اني اسحب منك بقية الفرص ..
الاخترتو دا صديقنا .. نزار عثمان ..
اللقـب (ود القرع)
من اولاد الحلة لكن الجزء القدام خالص .. بيتهم بقع خلف شواية (ترنتي) الشهيرة للصير وذلك قبال ما تظهر عوضية سمك ..
يمتاز نزار ود القرع بي انو كضاااب جدا
بعدين مش كضاب بس .. كضاب وخيالي .. يعني يقعد يتخيل ليك في الحاجة ويرسم ليك ليها سيناريو انت لمن تقتنع
وفي النهاية بشوف ليهو كضبة غيره .. ولو جيت سالتو عن الحاجة القبل شويـة عادة بيكون نساها
..
يا صبري ..
كضبا كاضب .. كدي خليني انا حاول جرب نفسك في ناس الكورة .. جيب واحد بس من ستة .. او اتنين من ستة بنعفيك من البقية
| |
|
|
|
|
|
|
|
|
|
Re: أبحث عن علاء الدين منصور (Re: السيد أحمد إبراهيم)
|
Quote: شفت إشارة محمد علي طه الملك
الفوق ليها طوالي ده إنت
ولو ما إنت برضو إنت |
شفته يا ابو السيد عشان حركاتك دي .. كضبا كاضب كبيرة جدا .. تليق بي عظمة حركتك دي
..
الزول دا ما متذكر اسمو خالص .. لكن بتذكر انو كان جنو يلبس فنايل (برد) بي رقبـة مرتفعة ..
بعدين دائما (حزين جدا) وما بتسمع صوتو نهائي .. بتذكر كان عندو شنطة جلد بنيـة .. اختفى تقريبا من سنة رابعة او خامسة .. بالرغم من انو من اولاد بانت إلا انو عهدي بيهو كان فترة الابتدائية ..
..
باقي ليك فرصة واحدة حقو تستثمرة بي شكل جيد بعيدا من هذه الشعارات
| |
|
|
|
|
|
|
|
|
|
Re: أبحث عن علاء الدين منصور (Re: محمد على طه الملك)
|
Quote: إنت قايل البلي كبو ليكم من السما ؟ دا نحن لعبنا بيهو بعدين صدرنا ليكم ..
نحنا نقشنا الحجر بني آدم تقول لي صورة هههههه . |
.....ههههههه والله يا مولانا البسمع كلامك دا ويشوف حركاتك يقول من اولاد قلبـــا
كضبا كاضب ياخ .. كضبا كاضب .. شد واركب شنو يا مولانـا وانت بتجلي فيها ثابتة يا وديته الكشافات ..
ااي انا كنت قصير لكن كمان ما قدر دا ..
تعرف يا مولانـا انا امس الليل كلو انحت في الذاكرة .. واحاول اتذكر الشباب ديل او اي اسم علشان اطابقو مع الشكل ..
كل الحصل انو بتجيني حركات اي واحد كان بيعمله او اللزمـة الثابتة حقتو .. الكان عندو طريقة كواريك محددة .. الكان صامت جدا .. الكان بليد ههههههه ..(البال) لينـا في الفصل إلخ إلخ .. بعدين المشكلة شنو يا مولانـا انا القدامك دا قبل كدا (بلته) في الفصل .. (بلنـا) بولة جماعية كلنا .. (بوله) احتجاجية .. زي وقفه احتجاجيه هههههه
خليني لما اجي احكيها ليك بي مزاج ..
..
طبعا الزول دا ما متذكر اسمو منو .. لكن كان مشاغب جدا .. وغياظ .. النوع البجي يتحكحك فيك .. ويرمي تقلو كلو فيك يا يمسكك من حتة يغير اتجاهك بسرعة .. يا تجي (تعطس) يقوم يقطع ليك العطسـة .. يا بتكون (بتتثآب) يخت ليك يدو في خشمك يقطع ليك الحركة اللذيذة دي .. بعدين كان عندو لزمـة ثابتة جميلة جدا .. كان بعمل حركة كدا بي (نخرينو) زي بتنفس بي سرعة ودي ان شاء الله بعمله ليك في وشك .. لذلك كل يوم كان ماخد ليهو علقة مني .. بعدين اضف لذلك .. انو من النوع الممكن تدقو سااي كدا دا لانو بفور دمك من ما عينك تقع عليهو ..
عاين يا مولانـــــا .. دي آخر فرصة ليك .. والله عذبتنا عديل كدا .. ياخ انت كيشة جدا ..
| |
|
|
|
|
|
|
|
|
 Re: أبحث عن علاء الدين منصور (Re: عثمان الشريف اسحاق)
|
Quote: حياتنا الاخ علاء الدين-تمبس
رقم 4 يسار الاستاذ. مربع يدينك التقول عبدالرحيم برشم |
... سلامات يا عثمان الشريف .. والف مرحب بيك ..
كضبا .. كاضب ..
الزول البتقصدو دا وواقف آخر واحد ومربع يدينو دا غالبا (الصادق ويوو) لاعب الموردة السابق .. غالبا دا لو ما اكون خالط بينو وبين واحد تاني ..
..
Quote: اسفين انك فهمت كلامي في
بوست ا.د طارق جبريل قبل ما اسجل |
.. ماف عوجة يا زول .. وفعلا انا بديت اتذكر بالضبط الححصل ف يالبوست داك .. وابشرك انو ما انت الشخص الكنت مقصود بالمسالة دي .. كان واحد من الجماعة العندهم حسابات مضروبة .. على العموم شكرا جزيلا والمسالة عادي .. لكن بس ما تخليك حساس شديد كدا .. ومرحب بيك في البورد
| |
|
|
|
|
|
|
|
|
|
Re: أبحث عن علاء الدين منصور (Re: عادل الباهي عبدالرازق)
|
Quote: ياتمبس ما تضلل الناس شنو شابكهم كنت قصير ، أنت لمن جينا وادي سيدنا الثانوية
كنت عنقالي وأنا أول يوم أفتكرتك معلم أو ولي أمر أحد الطلاب |
..
اما انك ضلالي ياود الباهي ..ضلالي من يومك ..
..
والله يا ود الباهي فعلا .. انا فجأة كدا لقيت ليك نفسي طويل الكلام دا .. طبعا في أولى ثانوي .. الباسكت والنطيط والشقاوة .. ومتابعة نوعيتكم دي
ياخ عندك صورة عجيبة مع الشلة .. وووين .. اصلو ما لقيته .. لكن هاك شوف الاشكال دي ..
تقولي عنقالي ..؟ عليك الله عاين ياسر يووور خامشنـا ليك كيفن انا ويس الروسي .. عاين شمالك النور الحلبي ومعاوية ديل العنقالة بالجد .. النور الله يديهو العافية كان بطل بتاع جودو .. يشنكلك يرميك لمن تعرف حاجة .. على شمالي طوالي عبد الباسط .. ابو حديد . ودا كان حداد وعندو ورشـــة .. وزول عضل جدا وهظارو خشـن يمسكك من اي حتة بلحمك
البقية ديل طبعا ناس ياسر العربي ,, وناجي جكس وطارق زين العابدين وياسر وعبد الناصر .. وإلخ إلخ .. كنت بقرمشم ليك عادي لانو هنا ميزان القوة بتغير في صالحي ..
هههه .. والله فعلا بعد الصورة دي ممكن تعتبرنا عنقالة .. طلبة بياكلو ليهم بوش في طشت .. هههههه
من اليسار ياسر يور . صلاح حمدان , محمد شمام ، ابو الدفاع ، عبد الناصر .. .. والجماعة الاتنين ديل الشباب الكانو شغالين مع دقشة في المحل لو بتتذكر ..
هييييييييييييييه .. ايام يا ابن عمي ..
| |
|
|
|
|
|
|
|
|
 Re: أبحث عن علاء الدين منصور (Re: tmbis)
|
Quote:
ياخ عندك صورة عجيبة مع الشلة .. وووين .. اصلو ما لقيته |
يا تمبس الحمدلله المالقيتا عاوز تشيل حالنا مالك أنا لسع ما دخلت دنيا
يا الله صور مبالغة ، في ذمتك الواسعة دي شفت ليك طلاب بيأكلو في طشت ، ياسر يور يضرب ليك الفتة ويجيء يحرس المرمي
يشوتو فيهو كورة من أم بدة الجميعاب تركب يقعد يبكي ليك الدفاع ما كان واقف صاح
أنا عن نفسي كنت بجيب ساندوتش بيرغر ومرتدلا وأقلها جبنة مضفرة وطيارتي ماقامت الا لمن باريتكم أنت
وعماد عبيد وعادل وناصر ميرغني البشري ومحمد ميرغني بتاع اتحاد الطلبه شيء سياسة وشيء كديت
وجمعية المسرح ضيعتو مستقبلي والله الان كنت مفترض اكون شغال في الوكالة الدولية للطاقة الذرية منكم
لله
| |
|
|
|
|
|
|
| |
tmbis
الرفاعي عبدالعاطي حجر
ابو جهينة
وضاح عبدالرحمن جابر
Sidig Rahama Elnour
عمر صديق
داليا الكباشى
خالد عبد الله محمود
سامى عبد المطلب
طلحة عبدالله
حمد عبد الغفار عمر
تيسير عووضة
خالد العبيد
حسين ديقول
ABUHUSSEIN
Ishraga Mustafa
Osman Musa
HAIDER ALZAIN
Haytham Abdulaziz
عبدالوهاب علي الحاج
أسامة البلال
farda
محمد على طه الملك
waleed dawash
khaleel
حافظ انقابو
عادل الباهي عبدالرازق
السيد أحمد إبراهيم
فيس بوك
تويتر
انستقرام
يوتيوب
بنتيريست