|
|
 الافراج عن قيادي بعد أدأنته بأغتصاب طفله !!!!!!!!!!!!!!!!!
|
أطلقت سلطات سجن الهدى بأم درمان سراح القيادي بالمؤتمر الوطني الذي كان محكوماً بالسجن (20) عاماً على ذمة قضية أدين فيها باغتصاب طفلة فقيرة لم يتجاوز عمرها الـ«12» عاماً بمنطقة الصفوة بولاية شمال كردفان قبل (4) أشهر مضت، وجاء قرار إطلاق سراح المدان بعد أن ألغت المحكمة العليا دائرة ولايات كردفان الإدانة والعقوبة التي أصدرتها المحكمة المختصة بالنظر في قضايا الطفل بجنايات الأبيض برئاسة مولانا أبو الفتح محمد عثمان، وقالت المحكمة العليا في حيثيات قرارها إن البينات التي قدمها الاتهام في مواجهة المدان لا ترقى لمستوى الإدانة وهي بينات غير كافية لذلك قررت إلغاء الإدانة والعقوبة وأمرت بإطلاق سراح المدان فوراً.
ا *خر لحظه
وكانت قد أصدرت محكمة جنايات الأبيض المختصة بالنظر في قضايا الطفل في 20فبراير الماضي عقوبة في مواجهة هذا القيادي بالمؤتمر الوطني بمحلية شيكان بولاية شمال كردفان تراوحت ما بين السجن (20) عاماً والغرامة المالية، وذلك بعد أن ثبت للمحكمة قيام المتهم باستدراج طفلة قاصر تبلغ من العمر (12) عاماً واغتصابها، وذلك حسب الكشف الطبي الذي أكد الواقعة، إذ أبلغت المجني عليها أسرتها بأن المتهم قام باستدراجها واغتصابها ليتم تدوين بلاغ ضده، وأكد الشهود الحادثة مما جعل المحكمة تطمئن لإدانة المتهم تحت المادة (45ب) من قانون الطفل لسنة 2010م وتوقيع عقوبة السجن والغرامة أعلاه،
وقد هزت هذه القضية الرأي العام بمدينة الأبيض وتعاطف الكثيرون مع المجني عليها لأنها تنتمي لأسرة فقيرة وبسيطة واستغل القيادي تلك الظروف وقام بارتكاب جريمته.
|
|
  
|
|
|
|
|
|
|
 Re: الافراج عن قيادي بعد أدأنته بأغتصاب طفله !!!!!!!!!!!!!!!!! (Re: أحمد الشايقي)
|
| Quote: الافراج عن قيادي بعد أدأنته بأغتصاب طفله |
اغتصاب
اغتصاب
اغتصاب
-----------
يا قيادي
يا شيخ خلوة
يا مدرس
-------
انتوا الحاصل شنو للناس ديل ؟؟؟؟
يمين نحن الواحد يقعد اكتر من اسبوع ما عندو المقدرة عشان يقضي وطرة في حلالو
دعة ومال وجاه وتفسخ خلقي واخلاقي ووجه ناير ومرطب ويقول بمليء فيه في اي لمة ناس (هي لله هي لله )
ما عارف هل هي اصلا هي لله
يمكن ؟؟
والله الواحد قرب يكفر بالدين زاااااااااااتو
قرف يقرف دولة المشروع الرسالي والحضاري
-----------
| |
|
|
|
|
|
|
|
|
|
Re: الافراج عن قيادي بعد أدأنته بأغتصاب طفله !!!!!!!!!!!!!!!!! (Re: محمد محمود محمد)
|
يا زهير...
التجويع..
والآرهاب..
والآغتصاب..
يا ها دى سياسة المؤتمر الوطنى..
عشان يكسروا عين الشعب...
ويخّلوه مآشى جنب الحيط..
وما يقدر يقول تلت التلاته..
الناس دى اذا كان بيغتصبوا بعض..
لآى تهمة وأى كلمة...
تفتكر طفلة بتعنى بالنسبة ليهم حاجة..
وشوف الحصل لى صلاح قوش..
وأن كان الوآحد ما شمتان...
لكين الوآحد بيرتاح لمن يشوف عقاب رب العالمين نازل على الناس دى..
وعلى العموم..
الناس دى لا بتهمها فضيحة..
ولا سمعة سيئة..
ولا بيتذكروا عقاب المولى عز وجل من اساسه..
ولكن مهم جدا تعريتهم..
بكل الوسائل..
زى البوست بتاعك دا..
عشان التاريخ يكتب ويحفظ..
وعشان لما الناس دى تكشح..
الحقيقة كلها تكون مملوكة للشعب..
عشان تانى..
ما يجى كوز يحكم السودان..
ولو على جثة آخر سودانى..
وهو طفل رضيع..
مافى حل غير كدا...
| |
|
|
|
|
|
|
| |
زهير عثمان حمد
أحمد الشايقي
علي دفع الله
مرتضى احمد عبد القادر
محمد محمود محمد
nour tawir
Yasir Elsharif
فيس بوك
تويتر
انستقرام
يوتيوب
بنتيريست