|
بورداب الإمارات, ما أحلاهم !!
|
شالو حداى الود بالجمله !!
لأول مرة أكتب بوستا عن تواجدي بمكان ما خارج حيزي الاغترابي المعلوم .. ثم ولم تتوافر لي مساحات للتواجد الاسفيري وبذل الردود الواجبة ..
شكرا لهم في أبوظبي .. شكرا لهم في العين .. شكرا لهم في الشارقة .. شكرا لهم في دبي .. شكرا لهم في عجمان ..
في النادي السوداني بأبوظبي .. في دعوة العشاء بالسيتي سيزونز بأبوظبي .. وفي دعوة العشاء بقهوة الفنانين بالممزر في دبي .. ثم, وفي الهاتف الذي لم يسكت ومذ وطأ رقم تلفوني أرض ذلك البوست .. بل و هاتفني من كان منهم على سفر كعبدالله كسلا ومن كان منهم في السودان كعثمان رغيم ..
بورداب الامارات, ما أحلاهم !!!
صادق التعازي للعزيز عصام علي في وفاة زوج شقيقته .. عاجل الشفاء للعزيزة عواطف أبوكشوة .. وللعزيز الزنجي .. الف مبروك للعزيز عبدالله كسلا وربنا يتمم للبت بالخير باذن الله ..
كان في الخاطر الجميل لقاء أحمد التجاني ماهل مرة أخرى قبل الرحيل .. وكان في البال الأجمل الاقامة ولو ليوم واحد في العين .. ويااا كم تمنيت لو طالت اجازتي ليوم إضافي في دياركم آ ناس
شكرا جزيلا وشكرا جميلا و .. بورداب الامارات, ماااا أحلاكم !!!
|
|
|
|
|
|
|
|
Re: بورداب الإمارات, ما أحلاهم !! (Re: باسط المكي)
|
ياااا باسط ..
كل عام وانت بخير يا صديقي .. وتلك حسرة والله اللا ألتقيك ولكن .. ما أضيق الارض التي لا أرض فيها للحنين الى أحد .. سأكون قيد الحنين للامارات ولناسها ولكم .. وحتي ألتقيك في براح من الوقت والأرض .. في الامارات .. وفي السودان, وذلك هو الوعد الجميل ..
| |
|
|
|
|
|
|
Re: بورداب الإمارات, ما أحلاهم !! (Re: باسط المكي)
|
سعادة المستشار عبدالكريم ..
وفي بالي بيت شعر .. ضرع ضئيل قد يدر حليبه .. يغني ويسمن عن كثير لا يدر
رغم ضيق ذات الوقت الا أني أنست جدا لحديثك الهادي والواثق والرزين حول العديد من القضايا .. وحتى أني تحسست من صخبٍ ألم بي في مقام جدير بالانصات .. مقامك أنت ونصرالدين البشير .. هههههههه ..
مودتي ..
| |
|
|
|
|
|
|
Re: بورداب الإمارات, ما أحلاهم !! (Re: saidahmed shami)
|
ألأخ العزيز د. محمد حيدر المشرف
سعدت جدا بالالتقاء بك ........مثلما احببت كتاباتك في المنبر وجدتك انسان جميل ووناس وترتاح ليه
بأمانة تركت انطباعا طيبا عند كل الأخوة ...اتمني ان نلتقي ثانية بأذن الله
اجمل الأمنيات لك وللأسرة الكريمة.
| |
|
|
|
|
|
|
Re: بورداب الإمارات, ما أحلاهم !! (Re: saidahmed shami)
|
سيدأحمد شامي ..
أما أنت يا عزيزي فقد هالني منك شيئان .. أولهما المودة العميقة التي جمعتنا دونما مقدمات غير لطفك الانساني الجميل والذي هو أصيل فيك .. وثانيهما الطول الفارع الذي فاجأني عند لقاءك .. ههههه
حبذا لو قمت بارسال بعض الصور لي في بريدي في الجيميل .. mlmusharaf ..
| |
|
|
|
|
|
|
Re: بورداب الإمارات, ما أحلاهم !! (Re: محمد حيدر المشرف)
|
حتماً هو سوء طالع بالنسبة لي أن يتزامن توقيت زيارتك للإمارات وأنا خارجها خارجها في بلادنا ... الوقت ليس ملكاً لك ما بين أحباب قطعوا مسافات ليلتقوك ومابين فلذات كبد يحسبون كل ثانية من ثواني التواجد ويتهيبون من لحظة يرون الحقائب قد أعيد ترتيبها من جديد
ومع أو فوق كل ذلك أن تتواجد مساحة من وقت أو مزاج ثم لا يكون شارة إتصال في جهاز الحاسوب
هنيئاً لك بدفء بورداب الإمارات وهنيئاً لبورداب الإمارت بتواجدك العامر الأنيق بينهم
فالقادم حتماً أحل
| |
|
|
|
|
|
|
Re: بورداب الإمارات, ما أحلاهم !! (Re: الشيخ سيد أحمد)
|
بطاقه وااااحد بس يا الشيخ ؟!! ياخ والله انت جادات اصلو ما خاتي عليك .. هههههههه
ليت الوقت كان أكثر رحمة بنا يا عزيزي .. لنتبادل بطاقات أكثر .. بطاقة للونس المعافى .. بطاقة للتواصل الانساني الحميم .. بطاقة للنقاشات الطويلة حول هذا المنبر ..
عموما .. وهذه بطاقات إضافية مني للصداقة والود والوعد القاطع باللقاء لو مد الله في الآجال ..
| |
|
|
|
|
|
|
Re: بورداب الإمارات, ما أحلاهم !! (Re: الشيخ سيد أحمد)
|
كانت ليلة مميزة أخي دكتور حيدر المشرف .. سعدنا أيما سعادة بطلتك علينا وانت أنسان رهيف لا تمل جسلتك ، امتلكت قلوبنا بتلقائيتك .. حزنت لعدم لقائي بك في الدوحة من قبل فأنت رجل لي شرف ان تعرفت عليه .. فشكرا ليك كتير كتير على حضورك الأنيق وتلبيتك الدعوة التي بالتأكيد سيكون لها ما بعدها ..
ورغم حداثة أنضامي لبورداب الإمارات إلا أنني لمست فيهم روح الإخاء وصدق العشرة .. لك ولهم صادق مودتي وتقديري ..
محبتي الصادقة للجميع ..
| |
|
|
|
|
|
|
Re: بورداب الإمارات, ما أحلاهم !! (Re: هشام كمال عبادي)
|
محمد عبدالله .. كيفك وكيف كيفك آ صديق ..
Quote: Mohamed Abdulla Mohd Musa · Cheif Accountant في International Law Firm Mizzau اعتذر عن عدم الحضور لاسباب مرضية عارضة وكان يسعدنا اللقاء بالدكتور المشرف ولكن هي الاقدارر هنئيا للذين التقيتهم والي الذين تقابلوا معاك فهي روح الاخوة الصادق للاخوة البورداب اينما ما حلوا .... ونمتني ان نلتقيك فى فسحة افضل |
عاجل الشفاء وأمنياتي ببلوغ تمام الصحة والعافية و هداوة البال .. وحتما سنلتقي .. هنا أوهناك سنلتقي .. ما طالما هذا الوطن طريقنا قربا وبعدا .. حتما سنلتقي .. هنا أو هناك !!
| |
|
|
|
|
|
|
Re: بورداب الإمارات, ما أحلاهم !! (Re: هشام كمال عبادي)
|
هشام كمال عبادي .. كيفك يا عزيزي وكيف الاحوال ؟..
Quote: ورغم حداثة أنضامي لبورداب الإمارات إلا أنني لمست فيهم روح الإخاء وصدق العشرة .. |
وتماما وكما قلت هنا: مااا أحلاهم !!
سعدت وشرفت جدا بلقاءك يا عزيزي .. والوعد أن التقيك في الدوحة .. فما زلت أنت قريبا من هذه المدينة الجميلة .. وقيد بوردابها ولو من بعيد لي بعيد كما تقول الاغنية
مودتي ..
| |
|
|
|
|
|
|
Re: بورداب الإمارات, ما أحلاهم !! (Re: عزالدين عباس الفحل)
|
عزالدين الفحل .. كيفك وكيف كيفك آ زول ..
شرفت بلقائك .. ويا كم ادهشني تواضعك وادبك الجم .. حتى أني خجلت شيئا ما من مناقرتي اياك في بعض المواضيع .. غير ان اختلاف زاوية الشوف مسألة طبيعية ومبررة جدا في سياق التدافع البشري الذي نحن فيه هنا .. وذلك لا ينقص من المودة شيئا ..
تحياتي
| |
|
|
|
|
|
|
Re: بورداب الإمارات, ما أحلاهم !! (Re: Mohammed Ibrahim Othman)
|
الاخ العزيز محمد ابراهيم عثمان كيف الحال يا عزيزي ؟.. ان شاء الله طيب وفي اتم العافية ..
وكما قلت انا على مرمى حجر منكم .. واظن المسافة قد ازدادت قربا بمعرفتكم .. وهذه العبارة ليست مجازا .. فالمعرفة تسوق النوايا في نهاية الامر ..
مودتي يا صديق
| |
|
|
|
|
|
|
Re: بورداب الإمارات, ما أحلاهم !! (Re: محمد البشرى الخضر)
|
ود البشرى ..
Quote: وإن كان الزمن ضيق ما لقينا فرصة للونسة و الغلاط :)
|
قد ما تحينت ما لقيت فيك فرصه كلو كلو .. اقل حاجه كان الواحد ينتشلك من نفق الرمادية المظلم يا صديقي .. ههههه
كتر خيركم كتير يا عزيزي .. ووالله لقد منحتموني ما يفوق قدري بكثير ..
| |
|
|
|
|
|
|
Re: بورداب الإمارات, ما أحلاهم !! (Re: محمد حيدر المشرف)
|
فعلا الامارات نورت بي زيارتك يا محمد المشرف و كنت اتمني ان الاقيك مرات عديدة عشان نكمل الونسة لكين الله غالب. لك كل الود يا زول يا راقي و لك منازل الملوك في قلوب الازمان. المرة الجاية ما تنزل في فنادق و نحن موجودين في البلد دي .. عيب عليك.
| |
|
|
|
|
|
|
Re: بورداب الإمارات, ما أحلاهم !! (Re: ناصر احمد الامين)
|
ناصر يا صديقي ..
لعلك تعلم جيدا أي حبور قد أفئت به عليً يا عزيزي .. أنت والنذير حجازي وكل الاصدقاء في أبوظبي .. وفي البال دينق "ود الخرطوم" والشقليني وعاطف عبدالله واحمد التجاني و .. كتر خيركم يا أصدقاء ..
مودتي ..
| |
|
|
|
|
|
|
Re: بورداب الإمارات, ما أحلاهم !! (Re: محمد حيدر المشرف)
|
B]الزول الجميل ود المشرف لك التحية والتجلة وكم سعدنا بالوقت القصير الذي قضيناه معكما أنت ودينق وكم كنت أتمنى حضور لقاء دبي في قهوة الفنانيين إلا أنه كان هنالك عزاء في دبي حال دون وصولنا لكم ونعتذر عن التقصير يا حبيب. أحمد التجاني
| |
|
|
|
|
|
|
Re: بورداب الإمارات, ما أحلاهم !! (Re: saidahmed shami)
|
اعتذر عن عدم الحضور لاسباب مرضية عارضة وكان يسعدنا اللقاء بالدكتور المشرف ولكن هي الاقدارر هنئيا للذين التقيتهم والي الذين تقابلوا معاك فهي روح الاخوة الصادق للاخوة البورداب اينما ما حلوا .... ونمتني ان نلتقيك فى فسحة افضل
| |
|
|
|
|
|
|
Re: بورداب الإمارات, ما أحلاهم !! (Re: الزنجي)
|
دكتور محمد، كل سنة وإنتا وكل بورداب الإمارات (أجمل الحلوين) طيبين ومرتاحين.. فهم فعلاً - إنكلودينغ عبد العزيز - يستحقون لقب أجمل الحلوين.. وهنيئاً لك ولهم، حيث سعدوا بلقياك المحببة قبل أن أتشرف - وأنا بالدوحة - بذلك.. حقيقة عشت في كنف مودتهم وضيافتهم وكرمهم الأصيل أجمل الأيام التي لن أنساها.. كانت لنا أيام في قلبي ذكراها.. مازلت أطراها.. يا ليتنا عُدنا أو عادت الأيام.
عميق احترامي
| |
|
|
|
|
|
|
Re: بورداب الإمارات, ما أحلاهم !! (Re: عمر الفاروق)
|
النصيحة يا عمر الفاروغ قميص المشرف اتجاوز امكانيات الايفون 3 الشايله الفحل وبرز بكامل اناقته تقول لي قميصك الذبحتنا بيهو المشخت شخيتين حُمر وظهري داك النصيحة يا المشرف قميصك جدعة لكن حفحفت شنبك ما بتأكلك عيش مع ناس عماد وصلاح ( عبد الله ) علي التوالي
| |
|
|
|
|
|
|
Re: بورداب الإمارات, ما أحلاهم !! (Re: اساسي)
|
أساسي .. المرة الفاتت حلّاك رمضان .. المرة دي مااا ظنيت الستوت يعمل ليك حاجة .. فتوقعها في أييي لحظة ذات مداخلة .. ف شنو ..مررة مررة تاوق عشان تاخد الفيها النصيب وتبقا مااارق ..
| |
|
|
|
|
|
|
Re: بورداب الإمارات, ما أحلاهم !! (Re: عمر الفاروق)
|
قدر ما عاينت في القمصان عشان أقدر أميز الشخصية ما عرفتها يا اساسي .. كلها قمصان عايدية يا قول السعوديين .. مع إنو في واحد نوعا ما لابس ليهو قميص نص كم قاعد مع أخوهو .. أها ده ياهو دوت كوم؟؟
| |
|
|
|
|
|
|
Re: بورداب الإمارات, ما أحلاهم !! (Re: saidahmed shami)
|
اساسي الدرب البديت تمشي فيهو أعفيني منو.. ااااي انا لساني طويل لكن ما تشوفني كده بفففرز الحتت اللو مشيت فيها ممكن أطقطق عااادي دي ..فيا اخوي قصص ورد والأشبال وماوكلي دي ارخيني منها :):):)
تخريمة : غايتو هشام عبادي بتاع الامارات رطّب رسمي.. ياخ تراها السعودية دي شلهاااتة :):):)
| |
|
|
|
|
|
|
Re: بورداب الإمارات, ما أحلاهم !! (Re: saidahmed shami)
|
يا سلام ودالمشرف زول تمام جدا
Quote: وخصوصا عبد العزيز وود البشرى واضح انه اللقاء تم في ظروف صعبة واستثنائية |
بصراحة يا أساسي أنا لخيت ودالمشرف دا من السلك لخة بايخة جداً وما صح وأعترف بيها عديل عشان ما يجو زي ناس البشاري يزروني بيها
لقيتها حرقت ودالمشرف شديد وراجعت لقيت نفسي بالجد بالغت عديييل المهم أعتذرت لي ودالمشرف وقبول بي كل اريحية
لمن جاء شاءت الظروف ما الاقيه في أبوظبي وقابلته في دبي ياخ دا زول مسكين ساي وطيبان وودناس بالجد علي نياته رغم الكتابة المتقعرة والمتزنطة البكتبها والاوهام والهلاويس البفكها هنا فشان كدا ودالمشرف دا تاني ما يكتب لينا هنا يلف ويزور ويتصور بس مع البورداب وأقترح أنه يتحول لي أيقونة حاجة كدا وهمة زي الملكة اليزابيث ما يكتب يتصور مع البورداب لانه مقبول من الجميع الشيوعيين والرمادين والزلنطحية زاتهم ما بتجاوزوا ودالمشرف رغم أنه مبارة الشيوعيين دي هي الجايبه ليه المشاكل غايتو نحنا نتمنى يزورنا الايقونة ودالمشرف دا كل مره ونتلم فيه وهو وعدنا يجينا تاني كتير والبلد عجبته ولقى قمصان دبي رخيصة وسمحه وبرضه هارون دياب لكن داك اشتر اشترى قمصان من كراتين سوق نايف
تصدق طلع من عندكم أصلاً هو من الخرطوم ومن بري تحديدا لكن امدرمان دي مشاها بالغلط عكس ودالبشرى المن أمدرمان وناكرها عديييل
بالمناسبة الشيخ سيداحمد من الحاج يوسف وصداح من الحيصاحيصا وحموده من أمبده شفت البشتنة دي
| |
|
|
|
|
|
|
Re: بورداب الإمارات, ما أحلاهم !! (Re: عبدالعزيز حسين عبدالرحيم)
|
غايتو الناس دي لو قعدت في اللمة دي ساعتين مع بعض فأنا أضمن إنو ساعة ونص كانت عبارة عن تصوير وتنقل ما بين الكراسي للتوثيق والفلاشات !!!!! والله ما كلام شناف يا ود البشرى لكن ما قدرت أفهم أو عن نفسي ما بقدر أستوعب إنو اتلم مع بورداب وانفرد بي كل زول على حدى في ونسة جانبية حتتتى لو تم إلتقاط الصور بعفوية .. وما مستعد في ملمات بورداب أحكي كما التعريف بأحمد شوقي هو جركسي لبناني من جدته لأمه وفارسي مصري من جده لأبيه .. والله الكلام ده ما مخصص بيهو زول ولا عايز أشنف بس لمات البورداب أو شخص زائر دي بقت حاجة مزعجة وانا ما قادر أستوعب الغرض منها شنو وما هي الفوائد البنجنيها من بعد هكذا ملمات ؟؟؟
تخريمة : ود البشرى يحسب ليك حضورك بالزي القومي في جميع المناسبات التصويرية :):):).. ومع إني ما بلبس جلاليب إلا نااااادراً لكن بحترم الزول البيلبس لبسنا القومي بي هندمة ودون عولاق ..
| |
|
|
|
|
|
|
Re: بورداب الإمارات, ما أحلاهم !! (Re: saidahmed shami)
|
يا عمر رغم انك كتلت قلبي بإطراءك في مسألة الزي القومي دي لكن شغلك يا بوي شناف راسه عديل اللقاءات دي عندنا في الإمارات لطبيعة الحياة و المشغولية عندها غرض مهم غير الترحيب بزائر أو احياء مناسبة زي افطار رمضان مثلا الغرض دا هو الناس بتتواصل وتتلاقى وتسالم بعض و تسأل من اخبار بعض و نقضي ساعتين تلاتة في ونسة وكدا هسي شوف مثلا خالد درق من يوم الظفرة رشتهم انا ما لقيت فرقة اجمجر فيه إلاّ اليوم دا :)
تخريمة : وفي سبب تاني لا يقل أهمية, قهوة الفنانين دي فيها عشا مبالغة, عضّة زي العضّة, المرة الجاية ما تجي وترجع مشغل الصامت و قول عوك بنعشّيك فيها ونتصوّر معاك كمان بقمصانك الكونكاكاف دي :)
| |
|
|
|
|
|
|
Re: بورداب الإمارات, ما أحلاهم !! (Re: محمد البشرى الخضر)
|
ود البشرى.. عارفني ما بعوس الابري بي الحلو مر..وإطراء القوميات سبقته شنافات الجضيمات :) بس والله أعلم بما في النفوس المرة دي ما شناف .. وبرضو كلامك ما مقنع بخصوص الملمات والإنشغالات لأنو عموووماً اجواء الإمارات وقطر والبحرين واضح جداً إنها مختلفة عن اجواء السعودية ونوعاً ما كان ممكن أقبله ولو على مضض من ناس السعودية .. المشغوليات في البلدان الفوق دي صاح كتيرة لكن وسائل الترفيه الممتدة خلّت الناس تبتكر وسائل ملاقاة حتتتى في ظل ضغوط العمل والجري وباقي لي هكذا ملمات ممكن برضو تحصل بدون ما يكون في ضيف زائر ..والدليل على إنو مشغولياتكم دي قاطعنها من كنكوجكم فأسسسة دي لو انا جيت بعد بكرة بتملوا لي لمة .. ولو جا بعدي اساسي بي يومين بتعملوا ليهو لمة ..وقبالنا جا وليد وعملتو لمة فقصة ضغوط العمل دي لو عايزين تتجاوزوها بتقدروا عااادي فما ترموها في العمل ساي .. عارف انا عن نفسي لو بضمن الاقي الناس سااااي كده بدون نتصور وبدون نتناقش في البورد وبدون ندخل في قصة يتفتح بوست بهكذا زيارات كنت لاقيت ناس الدنيا ديل كللهم الهنا ديل ونتونس ساااي ونسة بس نضحك ونجمجر وبعد داك كان لقيت لي فيكم زول فيهو عمار بتمتد العلاقة لما بعد هذا اللقاء وتتحول لي صحوبية وصداقة ليس للبورد دخل فيها .. المناظر هييية زاااتا والصور نفس المشاهد يا ود البشرى ..والكلام ده ما جيت اقولوا هنا عشان أخرب بوست ولا أزازي بي زول ولا اتعولق معاكم وفيكم فانا فيني من العولاق ما يكفيني لفرسخين من الزمان ..الكلام ده قلتو لأنه دعم فكرتي الانا مصر عليها ولو كان اتفتح من أي بورداب مع أي زول ووقع في عيني بقولوا ..
تخريمة : والله انا بعد الليث الأحمر ده تاااني زووول يسألني ماف في قمصاني ..المرة الجاية بجيكم بي قميص لونو عجوري..
| |
|
|
|
|
|
|
Re: بورداب الإمارات, ما أحلاهم !! (Re: عمر الفاروق)
|
تحيا لبورداب الإمارات ود. المشرف
يمين يا عمر أنا حاليا لابس قميص لونو عجوري وأول لبسة ليهو إشتريتو قبل العيد وشايف نفسي قاشر شديد
الغريبة ناس مكتبنا ديل أي قميص جديد بعلقوا عليهو كان سمح كان شين إلا قميصي دا
يعاينوا فيني وفي القميص ولا كلمة وهسة انت جيت ما عارفو كلامك دا شناف للون العجور ولا محبة ليهو
النجيضة أنا القميص دا تاني ما بلبسوا إلا في السودان وممكن ما ألبسو نهائي.
80 ريال وراحت
| |
|
|
|
|
|
|
Re: بورداب الإمارات, ما أحلاهم !! (Re: حمد عبد الغفار عمر)
|
قالوا والله يكفينا شر القوالة يا حمد في واحد من السيّاح مشى قطر ..قام وقف بتاع لموزين مصري وقال ليهو عايزك تعمل لي جولة سياحية في قطر.. بتاع اللموزين المصري قال ليهو خلاص يا بيه نوديك أول سوق واقف.. السائح قال ليهو لأ ده مشيتو .. بتاع اللموزين قال ليهو خلاص نروح كتارا (الحي الثقافي).. السائح قال ليهو ده مشيتو برضو.. المصري قال يهو يبقى خلاص نوديك فيلاجيو (مول).. السائح قال ليهو ده والله مشيتو برضو.. قالوا بتاع اللموزين المصري فووو دوور اللموزين بتاعوا ومشى وقف في مطار الدوحة وقال لي عمّي السائح :توصل بلدك بالسلامة يا بيه إنت كنت خلّصت قطر..
| |
|
|
|
|
|
|
Re: بورداب الإمارات, ما أحلاهم !! (Re: محمد حيدر المشرف)
|
الأخ عمر
تحية وأحترامي
رغم أنك قلت
Quote: والله الكلام ده ما مخصص بيهو زول |
لكن زي الحسيت الكلام دا خاصيني وما مهم على العموم
Quote: غايتو الناس دي لو قعدت في اللمة دي ساعتين مع بعض فأنا أضمن إنو ساعة ونص كانت عبارة عن تصوير وتنقل ما بين الكراسي للتوثيق والفلاشات !!!!! والله ما كلام شناف يا ود البشرى لكن ما قدرت أفهم أو عن نفسي ما بقدر أستوعب إنو اتلم مع بورداب وانفرد بي كل زول على حدى في ونسة جانبية حتتتى لو تم إلتقاط الصور بعفوية .. |
والله القعدة طولت شديد وشفناها قصيرة وأتمنينا تطول ما عارف نحنا أحتمال عشان وضعنا مختلف بصراحة أحيانا انا بقضي أيامي كلها وسط الأجانب أو الجنسيات التانية وبتخيل لي الأخوان برضه زيينا لانه عددنا قليل جداً وعشان كدا بنفرح بالسودانين وحكاويهم وباللمه دي اما حكاية الصور يشهد البورداب ما انتبهنا ليها زاتو شديد ولا ركزنا عليها بعدين ياعمر الناس بختلفوا عن الموجودين في النت غايتو بالنسبة دا لي ناس الإمارات وبصراحة ناسنا ديل رغم أنهم من اروع الناس في البورد لكن في الحقيقة وكلامهم أجمل وإذا إنت بتسرع تفتح بوستاتهم وتقراها وترد عليها برضه سبب قوي يخليك تسرع وتقابلهم وتستمتع بي كلامهم بصراحة أنا كنت معترض على الصور دي خصوصا كاميرة سيداحمد الحاقدة بعدين المعلومة أهم حاجه في الإمارات شفت في اللمه دي بنلقى معلومات كتيرة خالص بنستفيد منها وبرضه بندي معلومات بتفيد غيرنا شخصياً أنا طلعت بي فايدة كتيرة من ومعلومات أخدتها من الاخوان وخصوصاً هشام عبادي ومحمد المشرف وهم برضه أخدو معلومات وافكار جديدة يستفيدوا منها ، جلسة جميلة ما كان فيها نميمة أو خصام أو عداوات محبة بس
Quote: وما مستعد في ملمات بورداب أحكي كما التعريف بأحمد شوقي هو جركسي لبناني من جدته لأمه وفارسي مصري من جده لأبيه .. |
الله عز وجل قال (يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) الحجرات آيه 13
التواصل والتراحم والتعارف بين الناس فطرة طيبة مش بينا نحنا السودانين أو المسلمين بل بي جميع الناس وكل شخص فطرته طيبة يسعى يتواصل مع الناس ويتوداد معاهم
ياها دي المودة والرحمة
وكمان بالناس لي معرفته الناس يازول شفت أنا بسأل الزول عديل أنت منو وين وسألت المشرف قدام الناس يازول أنت من وين
كل زول بي حنكه ولغته ولازم تعرف الزول من وين عشان تعرف تتواصل معاه بي طريقة مريحة والانسان بن بئته وكل بيئة عندها لغتها وطريقتها يعني هسع عادي ممكن تقول كلام مع زول يعتبره عادي ويضحك وأنتو شايفنه طبيعي يجي زول تاني وناس تانين يفهموه بطريقة مغايرة على إنه مسيئ وهسع انا ممكن اهزر واضحك مع ناس من بحري والخرطوم بي كلام يعتبروه طرافه وهزار واحد من امدرمان يزعل ويحنبك فيه والبورد دا حاصله في الحاجه دي كتير عشان كدا الواحد في ناس بتجنبهم وما بخش معاهم في نقاش او هزار هسع في حتتين في السودان أصله ما باخد وكت مع الناس المنهم طوالي بختصر وبتفكفك منهم التعارف شيء جميل وبمتن العلاقات والمحبة بين الناس
Quote: والله الكلام ده ما مخصص بيهو زول ولا عايز أشنف بس لمات البورداب أو شخص زائر دي بقت حاجة مزعجة وانا ما قادر أستوعب الغرض منها شنو وما هي الفوائد البنجنيها من بعد هكذا ملمات ؟؟؟ |
والله الما قادر استوعبه عدم أستيعابك مع الاحترام الحاجه دي فطرة طبيعية وعادية لي اي زول زي ما ذكرت ليك وما فيها أي ضرر بل مفيدة وبتحسس إنك إنسان سليم وتواصلك مع البشر طبيعي وتقدر تقيس محبة الناس ليك وتعرف شخصيتك وتاخد معلومات مفيدة وتقدم ما تستطيعه للأخوان وبرضه زي ما قال ودالبشرى العضة بتاعت الفانين دي تستاهل وودالمشرف يستاهل اكتر
| |
|
|
|
|
|
|
Re: بورداب الإمارات, ما أحلاهم !! (Re: محمد حيدر المشرف)
|
العزيز ود المشرف، بالجد سعدنا وتشرفنا بلقائك يا زول يا جميل، ونتمنى نلاقيك تاني وتالت ورابع وخامس وسادس وكل مرة وأهو قطر ما بعيدة يا ريت تدينا طلة كل مرة، أو أقوليك ياخي ماتقدم لي شغل هنا في الإمارات وأنسى حنان قطر والأخوان المسلمين والقرف دا.
تقبل تحياتنا وتقديرنا
| |
|
|
|
|
|
|
Re: بورداب الإمارات, ما أحلاهم !! (Re: عباس محمود)
|
** عبدالعزيز ... ** سلام ومساءك خير .. . ## أُثنى على كلام ود محمود ,, وأضيف بدل قرط أسقف عديل إن شاء الله من حد العتب ## ( ودام الود بيننا )Quote: اخي العزيز عبد العزيز حسين تحياتي ......معظم كلامك عجبني بالله بس قرط علي كده |
| |
|
|
|
|
|
|
| |