|
|
 افطار بورداب جـــــــدة
|
ياجماعه وين بورداب جده من الافطارات الجماعية
انقضي الثلث الاول من رمضان ولا حس ولا خبر !!!
دعوة لسناير جده من البورداب للتحرك السريع والا .... البرالمة سيكتسحون الملعب
في انتظار مقترحاتكم
مودتى وتقديري
د.محمد الهادي
|
|
 
|
|
|
|
|
|
|
 Re: افطار بورداب جـــــــدة (Re: أيمن عثمان مضوى)
|
أها...
أول حاجة .. حبابك يا دكتور...
بعدين بالجد القصة دي زي إتأخرت أكتر من اللازم...
فشنو...حاول نسق مع الرفاعي حجر ومجدي أبو قصي...
لأنه الإتنين ديل شايلين مفاتيح القصة كلها..
..
وكل عام وأنتم بخير..
..
.
| |
|
|
|
|
|
|
|
|
Re: افطار بورداب جـــــــدة (Re: اساسي)
|
الاخوان
الرفاعي عبد العاطي حجر
مجدى ابوقصى
في انتظار مقترحاتكم وارائكم
الاخ (اساسى)
انت اساسى ولازم تكون اساسى في الدفع كما ولا شنو
رمضان كريم على الجميع وربنا يتقبل منا ومنكم الصيام والقيام
| |
|
|
|
|
|
|
|
|
|
Re: افطار بورداب جـــــــدة (Re: أيوب خليل)
|
ايوب دا لينا تسعة سنين بنعمل افطارات البورداب , كل بوست للافطار يجي يقول كلامه دا وجاهزين وما تعرف حددوا لينا
افطار واحد ما جانا فيهو ولا حصل دفع الشيرنق بتاعه
لو جاي يا ايوب الافطار, جيب معاك تسعمائة ريال حقت الافطارات السابقة
| |
|
|
|
|
|
|
|
|
|
Re: افطار بورداب جـــــــدة (Re: اساسي)
|
Quote: الفطارفي فندق قصر المدنيه
او فندق الازهر رائع جدا والاسعارمعقوله
تحياتي |
ان والله مشهور بالروحان في جدة، ممكن عادي امشي المحل كم مرة وتاني ما اعرفو
اول امس بالليل قمت اتفلسف وقلت افسح لي جماعة من زوارنا في جدة مريت بفندق قصر المدينة دا، لكن قسماً بالله هو وين اتجاهو وين لحدي هسي ما عارفو
حتقولوا لى عرفت رجعت البيت كيف؟
توفيق من ربنا بس والله 
ان قعدنا والله ادانا العمر، السنة دي فاطرين معاكم، ان سافرنا العفو في العافية.
| |
|
|
|
|
|
|
|
|
|
Re: افطار بورداب جـــــــدة (Re: محمد عمر الفكي)
|
سلام يا شباب ..
و رمضان كريم جداً ..
و مع إنو السنة دي معظم ( فطوراتي ) في مكة ..
لكن بإذن الله تعالى معاكم ..
طولنا من الناس و مشتاقين نشوفهم و نتعرف على أخوانا الجدد ..
و لو عملتوهو سحور يكون أفضل ..
عشان الناس تلقى وكت تجالس بعض و تتونس و تتسامر زيييين ..
و يا أساسي الشيرنغ بتاع أيوب خليهو عليّ ..
باقي الراجل ما قصر معاي و عايز أكرمووو ..
و الحساب ولد يا أيوب ..
| |
|
|
|
|
|
|
|
|
|
Re: افطار بورداب جـــــــدة (Re: مجاهد محمد الهادي)
|
لو عايزين (حجر) ياجماعه انا عندى فكره
نغير عنوان البوست كالاتى :
قرشوم واعضاء الجالية والمؤتمر الوطنى يشرفون افطار بورداب جده
والله يجيكم هوا
ياحجر مامعقول رمضان خلص
فى انتظار اقتراحاتكم
تقديرى واحترامي للجميع حجر اولهم
| |
|
|
|
|
|
|
|
|
|
Re: افطار بورداب جـــــــدة (Re: محمد الهادى عبد الرحيم)
|
Quote: Sayed El Sayadi · جامعة الخرطوم
اخيراااااااااااااا بودراب جدة عملو اللفتة دي مع انو كنت متوقعها من بدري شوية لكن علي كل حال نحن جاهزين بس ادونا خبر وخلو الباقي |
اذا العدد اكتمل اتحركوا طوالي.
وين المدعو جيجراوي يا جماعه.
| |
|
|
|
|
|
|
|
|
|
Re: افطار بورداب جـــــــدة (Re: محمد هاشم ابوزيد)
|
Quote: بوصول الاخ حجر للبوست اذا ابشروا يا شباب بأفطار مجيًه
والتحيه للهميم جمال السنوسي مفجر الصقريات الرمضانيه |
والله اشكر ثقتكم ويللا حددوا اليوم والمكان والزمان والعدد برجاء ممن
سوف يحضرون الافطار تأكيد وصولهم حتى اصحاب الاستثناءات نحن
معهم وسنعمل على تحديد وقت مناسب مع الجميع .
مبدئياً نقول يوم 23/رمضان/1434هـ هل يناسبكم .
...................................................................................حجر.
| |
|
|
|
|
|
|
|
|
|
Re: افطار بورداب جـــــــدة (Re: الرفاعي عبدالعاطي حجر)
|
طيب حدودا العدد وعشان قرجة واحمد التجاني وكل من له استثناء نحدد يوم 21 رمضان الواقع
الاثنين 29 يوليو .... المكان فندق قصر المدينة فقط المطلوب تأكيد حضور . تم الحجز الان بواسطة
زميل المنبر احمد ابوحواء وعليه نرجو تأكيدات حضور لتحديد العدد .
...........................................................................................حجر.
| |
|
|
|
|
|
|
|
|
|
Re: افطار بورداب جـــــــدة (Re: Sulaiman Adam)
|
تسلم النعمان
في بعض الزملاء يفضلوا قبل يوم 23 رمضان لان بعده سيسافروا للسودان
عليه قلنا يوم 21 لكن ما يتفق عليه الغالبية وفي كل الاحوال مع الاتفاق .
.................................................................حجر.
| |
|
|
|
|
|
|
|
|
 رد (Re: الرفاعي عبدالعاطي حجر)
|
يا شيخ الرفاعي
ياخي ما لقيت غير الفندق دا؟ انت ما قريت مداخلتي ههههه؟ اها شوف لي زول اجي معاهو، انا ساكن مشرفة
| |
|
|
|
|
|
|
|
|
|
Re: رد (Re: محمد عمر الفكي)
|
محمد عمر الفكي رمضان مبارك عليك.
ساهل الوصف ،
تمشي بي شارع الستين اتجاه الجنوب لين تصل شارع مكه ومنه كانك رايح دوار الباخره يظهر ليك الفندق علي ايدك اليمين بعد الطرمبه.
واذا ما عرفت تعال عند محمود سعيد وانا اوصلك. تاني عندك حجه.
تحياتي
| |
|
|
|
|
|
|
|
|
|
Re: رد (Re: حسين عبد المجيد)
|
Quote: تمشي بي شارع الستين اتجاه الجنوب لين تصل شارع مكه ومنه كانك رايح دوار الباخره يظهر ليك الفندق علي ايدك اليمين بعد الطرمبه.
واذا ما عرفت تعال عند محمود سعيد وانا اوصلك. تاني عندك حجه.
تحياتي |
هههههههه جزاك الله خير يا شيخ محمد
قال دوار باخرة قال، والله وصفك دا زي الحُجا بالنسبة لي
اقول لك
لمنا نبقى علي الموضوع، خلنا في محمود سعيد
| |
|
|
|
|
|
|
|
|
|
Re: رد (Re: محمد عمر الفكي)
|
محمد عمر
اوكي تمام ، تجد تلفوني في البروفايل
من الفيس بوك
Quote: ayed El Sayadi · جامعة الخرطوم
هوي يا ناس انا معاكم يوم 17 او 25 او 30 ادونا الاكيدة بس |
| |
|
|
|
|
|
|
|
|
|
Re: رد (Re: محمد هاشم ابوزيد)
|
| Quote: شفت ليك حفله استقبال في رمضان |
هووووووووووووي يابرالمة الرسالة وصلت
50 تنطح 50
محمد هاشم ابو زيد اليس بينكم ذو اليد يا سناير
| |
|
|
|
|
|
|
|
|
|
Re: رد (Re: Sulaiman Adam)
|
مرحب Sulaiman Adam ،
بالله كلمو.
حسين عبدالمجيد
يازول البرنامج كان حاشد السنه الماضيه
وكمان ح نخليك تتصور مع معاويه عبيد الصيام. اها قلت شنو.
| |
|
|
|
|
|
|
|
|
|
Re: رد (Re: حسين عبد المجيد)
|
| Quote: وكمان ح نخليك تتصور مع معاويه عبيد الصيام. اها قلت شنو |
هههههههههههههه يا ابوزيد ليه !!!
الطوربيد دا ععصام الحضري ول انا جمال الوالي
سلام يغشى المواطن معاوية
| |
|
|
|
|
|
|
|
|
|
Re: رد (Re: حسين عبد المجيد)
|
عزيزى الرفاعي حجر
تحياتى مجددا
طالما جيت خلينا نتجاوز المربع ده طوالى
اها ارجو منكم اولا تحديد (الشيرنج) عشان الامور تكون واضحه للجميع ، افتكر السنه الماضية كان (100) ريال
ثانيا حقو الناس طوالى تبدأ في تأكيد الحضور حتى يتم حصر العدد من اللجنه
ثالثا في انتظار جمال السنوسى .. اها انت شرًكنا ليك بقرشوم والمؤتمر الوطني اها جمال ده نشرك ليهو بى شنو !!!
دلوقت المكان خلاص محسوم : فندق قصر المدينة
الزمان : ارجو منكم تحديد الزمان حسما للنقاش
الحضور :
1. محمد الهادي عبد الرحيم
| |
|
|
|
|
|
|
|
|
|
Re: رد (Re: Sulaiman Adam)
|
عرفت الوصف كويس يا حسين عبدالمجيد.
البوفيه مفتوح ، ما حاتندم ابدا.
واذا جمال اصلح معانا ، ممكن يكون فيها صقريات.
| |
|
|
|
|
|
|
|
|
 Re: رد (Re: Sulaiman Adam)
|
بقيت مارق
2- حسين عبد المجيد ( مسبقة الدفع من سليمان ادم )
| Quote: خلاص محلولة ياعمك ابقا مارق بس |
| |
|
|
|
|
|
|
|
|
|
Re: رد (Re: حسين عبد المجيد)
|
أخي الدكتور محمد وضيوفك الكرام .. رمضان كريم
ممنون بحق على تلك المبادرة الطيبة..
وسنسعد أكثر بالتعرف عليك وعلى بقية الزملاء الذين انضموا مؤخراً..
بإذن الله سنكون معكم في الموعد والزمان التي تقومون بتحديدهما..
Quote:
الحضور :
1- محمد الهادي عبد الرحيم
2- حسين عبد المجيد
3- نصر الدين عثمان
|
| |
|
|
|
|
|
|
|
|
|
Re: رد (Re: محمد هاشم ابوزيد)
|
Quote: 1- محمد الهادي عبد الرحيم
2- حسين عبد المجيد
3- نصر الدين عثمان
4- محمد هاشم ابوزيد |
حضور ان شاء الله...
| |
|
|
|
|
|
|
|
|
|
Re: رد (Re: حسين عبد المجيد)
|
Quote: دكتور محمد
رمضان كريم
المطلوب حضور جمال السنوسي ومعاوية عبيد ووليد عبداللطيف واستاذنا صلاح عثمان بالاضافة للاخ حجر وابومجدي
مودتي
|
Quote: تمشي بي شارع الستين اتجاه الجنوب لين تصل شارع مكه ومنه كانك رايح دوار الباخره يظهر ليك الفندق علي ايدك اليمين بعد الطرمبه.
واذا ما عرفت تعال عند محمود سعيد وانا اوصلك. تاني عندك حجه.
تحياتي
|
Quote: الافطار اكيد كمان بمناسبة استقبال البرالمة
رمرمة ملح ساي يا برالمة
|
Quote: حسين عبد المجيد
الله يهديك بس
شفت ليك حفله استقبال في رمضان.
بعد العيد وانت بالف خير.
|
Quote: هههههههه جزاك الله خير يا شيخ محمد
قال دوار باخرة قال، والله وصفك دا زي الحُجا بالنسبة لي
اقول لك
لمنا نبقى علي الموضوع، خلنا في محمود سعيد
|
Quote: هووووووووووووي يابرالمة الرسالة وصلت
50 تنطح 50
محمد هاشم ابو زيد اليس بينكم ذو اليد يا سناير
|
Quote: حسين عبدالمجيد
يازول البرنامج كان حاشد السنه الماضيه
وكمان ح نخليك تتصور مع معاويه عبيد الصيام. اها قلت شنو.
|
Quote: الحضور :
1- محمد الهادي عبد الرحيم
2- حسين عبد المجيد
3- نصر الدين عثمان
4- محمد هاشم ابوزيد
|
حضورررررررررررررررررررررررر والوفد المرافق,,,رمضانكم كريم ....شكرا سيد البوست
| |
|
|
|
|
|
|
|
|
|
Re: رد (Re: معاوية عبيد الصائم)
|
مرحب بالجميع
مزيد من تأكيد الحضور ( محمد عمر الفكي المرة دي خليك جنب بيتك بنرسل من يجيبك ويرجعك)
احمد التجاني عشان سفرك برضو خليناها يوم 21 رمضان اساسي مما اكدنا زاغ بقية العقد الفريد
محمود مصطفى اها اللندي دا ان شاء الله يجيئ .
...................................................................................................حجر.
| |
|
|
|
|
|
|
|
|
|
Re: رد (Re: اساسي)
|
كدا اكيد حضور ملائكي اهلاً وسهلاً ومرحب فيك .
................
السنة الماضية كتب البوست زميل ايضاً وتوليت ادارته
لحدي ما عملنا فطورنا بعدها طلعنا وفي البعض هنة ما
حسبنا له ومن باب لايلدغ المؤمن مرتين فيادكتور تولى
البوست ولو راجعت البروفايل تجد جوالي مسجل ويمكننا
التواصل .
.......................................................................حجر.
| |
|
|
|
|
|
|
|
|
|
Re: رد (Re: صلاح عثمان)
|
يا أخوانا الفندق ده فيهو شيشة و لا حا نتجهجه ساي لو جينا
ورمضان كريم على الجميع
| |
|
|
|
|
|
|
|
|
|
Re: رد (Re: kamal omer)
|
أولا : كل عام وانتم بخير ورمضان كريم وصوم متقبل للكل
مبادرة جميلة وكنت متوقعها من بوردابي جديد وجاءت من الدكتور
مرحبا به وبكل البورداب الجدد وجده غير
حضور باذن الله
،،،،أبوقصي،،،،
| |
|
|
|
|
|
|
|
|
|
Re: رد (Re: مجدي عبدالرحيم فضل)
|
كل عام والجميع بخير؛؛
ورمضان كريم ...حضور إن شاء الله في الموعد وظروف الطريق
لانو إجباري ح اجي من طريق المدينة ساعة الزحمة ..
بشير أحمد
ضهاري جدة ...الرحيلي ...شمال جدة
اي مساعدة لناس شمال جدة
جوالي:0509774336
| |
|
|
|
|
|
|
|
|
|
Re: رد (Re: مجدي عبدالرحيم فضل)
|
مرحب بالجميع
وانشاء الله يكون فطور جامع لكل البورداب
فسودانيز اونلاين وطن بمساحة العالم
نتشرف بالانتماء اليه
ونفتخر باننا لدينا كافة حقوق المواطنة
وحضور باذن الله
| |
|
|
|
|
|
|
|
|
|
Re: رد (Re: جمال السنوسي)
|
Quote: انتو اعملوا الافطار كبورداب جدد بحجة تكريم قدامي البورداب
منها نتكرم ومنها نعضي ملح |
كسناير حقو فنحرية منكم ساكت
نعملوا الفطور على حسابكم
إحتفاءا بالبرالمة الجدد
| |
|
|
|
|
|
|
|
|
|
Re: رد (Re: امير الامين حسن)
|
| Quote: احمد التجاني عشان سفرك برضو خليناها يوم 21 رمضان اساسي مما اكدنا زاغ بقية العقد الفريد |
تسلم يا رفاعى
تاكيد حضور وكل عام والجميع بخير
| |
|
|
|
|
|
|
|
|
|
Re: رد (Re: احمد التجانى احمد)
|
يا اخونا الاولو شرط اخرو نور ..
اني بنجو .. لكن كمان ما بدفع!
------
يا ادفع وما اجي
Quote:
اها انت شرًكنا ليك بقرشوم والمؤتمر الوطني اها جمال ده نشرك ليهو بى شنو !!!
|
افطار بورداب جدة في ضيافة الوالي هذا العام
او نحو ذلك
المافي شنو!؟
| |
|
|
|
|
|
|
|
|
|
Re: رد (Re: فتح الرحمن حمودي)
|
حضور ان شاء الله
الاطفال معاكم كيف؟ حضور يعني؟
عندكم برنامج؟ نظام هجيج وكدة
وعليكم الله ختونا المحاضرات، كفى زرزرة ناس الرياض الضحكت فيهم خلق الله
| |
|
|
|
|
|
|
|
|
|
Re: رد (Re: محمد عمر الفكي)
|
سلام يا شباب ورمضان كريم
نحن حضور، الأسر كيف؟
تحية لصاحب البوست والأخوة المتداخلين.
أساسي ضيوفك ضيوفنا بس المية شوية على زول سنير وفي قامة اساسي تحديدا. (شفت التدبيسة دي كيف؟)
أبو قصي (سيد الاسم مش التقليد .... مجدي عبد الرحيم لقيتني كيف؟)
ههههههههههههه
| |
|
|
|
|
|
|
|
|
|
Re: رد (Re: ABU QUSAI)
|
رمضان كريم بورداب جدة
في واحد اقترح البرنامج يكون سحور بدلا عن فطور والناس ما عقبت على اقتراحو دا بالرغم من اني من وجهة نظري شايفو موضوعي اكثر
زمن الفطور ضيق جدا ولن يتمكن الحضور من التواصل والتعارف مع بعض اكثر مع ان ذلك هو هدف الدعوة
زمن السحور ممكن يمتد من الواحدة صباحا و حتى الرابعة صباحا
إحتمال الجية للفطور 50 / 50 لتشرفنا بضيوف معظم الايام
تحياتي
| |
|
|
|
|
|
|
|
|
|
Re: رد (Re: امير مصطفى احمد)
|
استاذنا الرفاعي حجر
تحياتى مره تانية
ياعزيزى انت الخير ومن بداية البوست لو ملاحظ اديناك قيادة ركب بورداب جده لافطار العام الحالى فواصل فانتم ادرى بشعاب افطار بورداب جده ونحن من خلفكم وجاهزين لطلباتكم.
تقديرى
| |
|
|
|
|
|
|
|
|
|
Re: رد (Re: محمد الهادى عبد الرحيم)
|
أجدد مقترحي بأن يكون البرنامج لقاء على السحور في إحدى الإستراحات العائلية ..
فالهدف من اللقاء هو التعارف و التواصل و التفاكر و هذا كله لن يتأتى في الفترة القصيرة ما بين المغرب و العشاء ..
آمل أن نكسر روتين الإفطارات الرتيب ( فطور مستعجل ، كلمة ترحيب ، تعارف جلدي جلدي .. و صور تتخلل ذلك ثم شتاااات و نشوفكم رمضان الجاي كان حييين )
فكروا و أدونا رأيكم ..
و بإذنه تعالى سأكون من بين الحضور في كل الأحوال ..
| |
|
|
|
|
|
|
|
|
|
Re: رد (Re: خالد علي)
|
معاكم ان شاء الله
بس ورونا
الزمان
والمكان
والمساهمة بالتأكيد علي حساب صاحب الدعوة وصاحب البوست
وربنا يخلف عليه بالخير ( مقدماً )...........
| |
|
|
|
|
|
|
|
|
|
Re: رد (Re: عبد الماجد مصطفى)
|
Quote:
أجدد مقترحي بأن يكون البرنامج لقاء على السحور في إحدى الإستراحات العائلية ..
فالهدف من اللقاء هو التعارف و التواصل و التفاكر و هذا كله لن يتأتى في الفترة القصيرة ما بين المغرب و العشاء ..
آمل أن نكسر روتين الإفطارات الرتيب ( فطور مستعجل ، كلمة ترحيب ، تعارف جلدي جلدي .. و صور تتخلل ذلك ثم شتاااات و نشوفكم رمضان الجاي كان حييين )
فكروا و أدونا رأيكم ..
و بإذنه تعالى سأكون من بين الحضور في كل الأحوال . |
طيب شكراً جزيلاً والتداخل هنا يُفرح على موعدنا في 21 رمضان بحول الله تم الحجز والتأكيد على اليوم
مسألة ان نلتقي في سحور يتم تأجيلها وتحت دعم ورعاية احد البورداب يتم استئجار الاستراحة ونلتقي فيها تهنئة
عيد او سحور حسبما تقرروا انتم يعني يا عصام مقترحك مقبول وعملياً الان وجد الدعم الادي فقط يبقى شد الهمة
والتحديد عندما نلتقي في الافطار يوم 21 رمضان بفندق قصر المدينة .
تقديري للجميع .
السمع يكلم الما سمع ونحن زدنا العدد والاسر لا مانع فقط نعلم كم اسرة حضور لنخصص لهم طاولة خاصة
بالاسرة في القاعة .
...........................................................................................................حجر.
| |
|
|
|
|
|
|
|
|
|
Re: رد (Re: الرفاعي عبدالعاطي حجر)
|
شوف الزمن يا رفاعى ساقنى بعيد خلاس ، جرعنى كاس ههههههههههههههههههههههه
لا عارف نفسى بورداب جدة ولا بورداب الرياض
نفسى أكون معاكم وأفرح بى شوفتكم ونمرح ونمزح ونضحك كما قلوبكم الصافية يا أحسن ناس
ولكم تحيات زول مجدوع ومهمّل شديد فى الرياض متنمى ليكم إفطار سعيد ولمّة مباركة
| |
|
|
|
|
|
|
|
|
|
Re: رد (Re: يازولyazoalيازول)
|
العمده شحوتاي .. شكرا على السؤال وتصوم وتفطر على خير
مشكور يادكتور على الهمه
واكيد حضور بإذن الله
تحياتي لكل بورداب جدة
| |
|
|
|
|
|
|
|
|
|
Re: رد (Re: وليد عبد اللطيف)
|
الطلة الجميلة يازول يازول هشام شيخ الدين نشيلها معانا فرحة عيد وبشارة فال بنجاح لقاء بورداب جدة بلا شك
واخو تبارك دا زولاً مبرووووك .
الاخ وليد تسلم وننتظرك ياازين .
...............................................................حجر.
| |
|
|
|
|
|
|
|
|
|
Re: رد (Re: الرفاعي عبدالعاطي حجر)
|
| Quote: المديح مسؤولية جمال السنوسي |
الاخوه الطالبوا تبديل الموعد من فطور الي سحور اقول لهم
العام المنصرم استمر اللقاء من الفطور وحتي السحور.
المطلوب فقط تشجيع الوجيه جمال السنوسي وكلو يبقي تمام.
مشكور الرفاعي علي القياده
| |
|
|
|
|
|
|
|
|
|
Re: رد (Re: الليندي)
|
تأكيد التاريخ
الفطور حيكون يوم الثلاثاء 21 رمضان 1434
الموافق 30 يوليو 2013
فندق قصر المدينة جدة
البغدادية الغربية
نهاية شارع المدارس غربا
التوقيت .. مع آذان المغرب
المديح .. متوفر حسب الطلب
| |
|
|
|
|
|
|
|
|
|
Re: رد (Re: حسين عبد المجيد)
|
مرحبتين حبابكم الف حضووووووووووووووووور اساسي قبل الكراسي
الهادي عبدالله عبدالكريم (الهادي وطني )
| |
|
|
|
|
|
|
|
|
|
Re: رد (Re: كمال ادريس)
|
Quote: تأكيد التاريخ
الفطور حيكون يوم الثلاثاء 21 رمضان 1434
الموافق 30 يوليو 2013
فندق قصر المدينة جدة
البغدادية الغربية
نهاية شارع المدارس غربا
التوقيت .. مع آذان المغرب
المديح .. متوفر حسب الطلب |
دا آخر كلام وعلى الرحب والسعة فندق قصر المدينة
الثلاثاء 21 رمضان بأسركم وعوائلكم واحبتكم اهلاً
وسهلاً ومرحبا.
..............................................................حجر.
| |
|
|
|
|
|
|
|
|
|
Re: رد (Re: محمد حسن عبد القيوم)
|
فرصه جيدة الى لقاء اولاد كوستي
الاخ عادل عبد العزيز عبد الرحيم صديق وزميل دراسة الاهلية المتوسطة
والاخ محمد حسن عبد القيوم
| |
|
|
|
|
|
|
|
|
|
Re: رد (Re: محمد الهادى عبد الرحيم)
|
Quote:
فرصه جيدة الى لقاء اولاد كوستي
الاخ عادل عبد العزيز عبد الرحيم صديق وزميل دراسة الاهلية المتوسطة
والاخ محمد حسن عبد القيوم |
هي كوستي احبها واحب اهلها
وشكرا كتير يا صاحب
| |
|
|
|
|
|
|
|
|
|
Re: رد (Re: حسين عبد المجيد)
|
كمال ادريس يا صاحب انت واسرتك وكل احبتك مرحب بكم
انت تعال حتى مساهمتك ما عايزنها اها وكل من رغب في الحضور
الدعوة مفتوحة لكل بورداب جدة واسرهم بلا استثناء , من يخاصمنا
من جانبه نقول به لا نخاصمك وبالمحبة وبالمودة البينا بي احلى الصلات
اهلاً وسهلاً بالمختلفين معنا قبل الاصدقاء .
.............................................................................................حجر.
| |
|
|
|
|
|
|
|
|
|
Re: رد (Re: الرفاعي عبدالعاطي حجر)
|
Quote:
الدعوة مفتوحة لكل بورداب جدة واسرهم بلا استثناء , من يخاصمنا
من جانبه نقول به لا نخاصمك وبالمحبة وبالمودة البينا بي احلى الصلات
اهلاً وسهلاً بالمختلفين معنا قبل الاصدقاء .
|
اديك العافية يا حجر
كل عام والجميع بخير
نتمنى ان يكون يوم مميز للتلاقى والتصافى والتسامح يجمع كل الاخوة فى جدة بعيدا عن السياسة والخلافات الشخصية
يوما نتعارف فيه ونتصالح ونتصافى واجمل ما فيه انه فى العشرة الاواخر
لذلك نأمل ان تكون هنالك محاضرة مختصرة بعد التعارف ونختم بمدائح نبوية
ونؤكد حضور بأذن الله
النعمان يوسف خوجلى
| |
|
|
|
|
|
|
|
|
|
Re: رد (Re: النعمان خوجلى)
|
حضور بإذن الكريم
وربما رافقتنا الأسرة حسب الظروف
تحياتي للجميع
محمد عمر معقولة ياخ لسه بتروح في جدة !
| |
|
|
|
|
|
|
|
|
|
Re: رد (Re: جعفر محي الدين)
|
المديح مسؤولية السنوسي يا النعمان واهلاً وسهلاً بالجميع دون اي فرز لاحد او جماعة .
جعفر محي الدين يا اهلاً ويا مراحب ومليون سلام بك والاسرة .
.......................................................حجر.
| |
|
|
|
|
|
|
|
|
|
Re: رد (Re: طارق حرسي)
|
| Quote: محمد عمر معقولة ياخ لسه بتروح في جدة ! |
تخيل يا جعفر!!!!
اشوفك هناك باذن الله ان لقينا طريقة من الضيوف
| |
|
|
|
|
|
|
|
|
|
Re: رد (Re: محمد عمر الفكي)
|
محمد عمر الفكي مرحباً بك انت وضيوفك كان يلحقوا مية نحن جاهزين .
اهلا يا حرسي ومرحب بالجميع حضوراً يزين جيد بورداب جدة .
.............................................................................حجر.
| |
|
|
|
|
|
|
|
|
|
Re: رد (Re: الرفاعي عبدالعاطي حجر)
|
التحية للاخ الرفاعي وكل الاخوان الكرام
حضور باذن المولى عز وجل مع الاسرة
المطلوب :
* معرفة قيمة الشيرنغ
* اسهل طريق للوصول للقادم من حي السلامة
نسال الله ان يجعلها لمة خير وبركة وان يثيب القائمين عليها خير الجزاء
| |
|
|
|
|
|
|
|
|
|
Re: رد (Re: قمر الانبياء عبد الحي)
|
محبتي واحترامي للجميع
قمر الانبياء اهلاً وسهلاً ويسعدنا حضورك
المساهمة 70 ريال .
....................................................حجر.
| |
|
|
|
|
|
|
| |
محمد الهادى عبد الرحيم
محمد هاشم ابوزيد
أيمن عثمان مضوى
Mahmoud Mustafa Mahmoud
Sulaiman Adam
اساسي
أيوب خليل
محمد عمر الفكي
عصام دهب
ادم شحوتاي
garjah
مجاهد محمد الهادي
جعفر محي الدين
الرفاعي عبدالعاطي حجر
احمد التجانى احمد
حسين عبد المجيد
عبدالرحيم أبراهيم العبيد
نصر الدين عثمان
صلاح عثمان
kamal omer
مجدي عبدالرحيم فضل
بشير أحمد
جمال السنوسي
ABU QUSAI
امير مصطفى احمد
عبد الماجد مصطفى
يازولyazoalيازول
وليد عبد اللطيف
الليندي
الهادي عبدالله احمد
كمال ادريس
سامى عبد المطلب
طارق حرسي
قمر الانبياء عبد الحي
فيس بوك
تويتر
انستقرام
يوتيوب
بنتيريست