أخي الحبيب مولانا الأستاذ محمد المرتضى تقبل عميق شكري لهذه الإطلالة الجميلة العميقة ، ولا شك أنت عندي مؤشر البهاء والجمال والإبداع في هذا المنبر. الأغنية حقا تزخر كلماتها بأريج الحب وعبير المشاعر وشذى الجمال ، إضافة إلى حسن الصوت وجمال الأداء . أسأل الله لك دوام السعادة وموفور الصحة والعافية .
حبيبنا أبو الجعافر الكبير والله الشوق متدفق خيران خيران وطولنا من دررك البتجي من بيت الكلاوي كيف الصحة وأخبار جميع الكوامر طرفكم؟ والله عندي ليكم أخبار ما حتصدقوها خالص بعدما وفقنا الله وهيأ لنا أهلنا الصينيين وعملنا صيانة وعمرة للركب ومساعدات الياي والضهر وحاجات تانية حامياني. والله كأنو العمر رجع للعشرينات. غايتو نصيحتي ليك وليهم,,, أقعوا الصينيين يعود إليكم شبابكم المفقود!
أبو الجعافر الصغير
05-23-2013, 03:05 PM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
سمي الحبيب ابوالجعافر آمل أن تكون والأسرة الكريمة بخير وتعودتم على البرد القارص في بلاد الضباب ..مشتاقون كتير.. وشكرا جزيلا على المرور الطيب والأخبار السارة أسعدني جدا خبر نجاح عمل العمرة للركب وأكيد سأنقل الخبر لكوامر طوكيو وعلى رأسهم د. عاطف البقى يجليها ثابتة لامن يقع ..الأخوان يذكرونك في كل تمرين وأكيد مكانك شاغر ..فريق الأسود يتولاه هذه الأيام احمد واولاد بركية وفل الفل واصدقاءهم اليابانيين...مرة غالبين ومرة مغلوبين . تحياتنا للمدام والشباب .
العم جعفر بعد التحية والاحترام مع الاشادة باداء الفنان الكبير ابراهيم خوجلي احد رواد الاغنية السودانية اود ان اجدع ليك احد ابداعات الجيل الجديد بقالب قديم انا عارفك زول متذوق للفن العتيق http://youtu.be/copLnyJs2IE
05-25-2013, 04:10 AM
محمد سيد احمد محمد محمد سيد احمد محمد
تاريخ التسجيل: 09-16-2011
مجموع المشاركات: 37
العم جعفر بعد التحية والاحترام مع الاشادة باداء الفنان الكبير ابراهيم خوجلي احد رواد الاغنية السودانية اود ان اجدع ليك احد ابداعات الجيل الجديد بقالب قديم انا عارفك زول متذوق للفن العتيق http://youtu.be/copLnyJs2IE
05-25-2013, 11:35 AM
Kabar Kabar
تاريخ التسجيل: 11-26-2002
مجموع المشاركات: 18537
ياخي مافضل ليك الإ تجيب ود المقرن...!!! استاذي و صديقي جعفر..حبابك.. استغقرقني اللحن الجمييل,,وا ستمعت له باستمرار خلال الثلا ثة ليالي الماضية.. و ياما شفت فيهو عيون كم عذبتني بالمحبة بتاعة اوصاف عديدة اياها..!!(اشباء الله لا وراك ليها يا جعفر ياخي..!!)
لكن ناس ديلاك ، يا جعفر ، هم ناسي القاطعهم في حناني و صابر.. ، ديل ناس باطن ، معرفتهم.. وجوههم و عذاباتهم تخصني وحدي ، الإ في ناس محبة الظاهر و منهم.. اشقياء كثر في هذا المنبر الحزين..واهديهم هذا العمل الخاطرة.. استاذنا حمد اسماعيل (شقييق فنان السودان العظيم خليل اسماعيل ) ، الموسيقار العالمي.. وليد عبد الحميد (وليد كوش)..و طبعا الإتنين ح يضحكوا ملء اشداقهم..كيف يعني بقارة ام طرقا عراض تسنى ليهم سماع اغاني (هنا امدرمان) و دايرين كمان يعملوها خيار و فوقوس..!!
و بعد اذنك يا استاذي ، نلصق ليك تلاتة روابط هنا: الأولاني ، ابراهيم خوجلي صورة و صوت في اوصاف عديدة... و التاني مفاجأة يا جعفر ليك شخصيا..و فيهو بت ألأستاذ ابراهيم خوجلي بتؤدي نفس الأغنية (من اواصف عديدة..)
و التالت... حاجة مختلفة تماما..و هو عمل لفنان السودان العظيم... و ده يختييل لي يا جعفر مافي زول ح يتذكروا الإ كن انتا و صديقينا الجميل يحي قباني...!!!!
و بقدرما كان , ولازال ، انو ابراهيم خوجلي ود توتي ( و غريبة توتي \ي جابت اميز فناني دار ام سودان : العاقب أمحمد حسن ، ابراهيم خوجلي ، حمد الريح ،!!) واح\ من ميز الأصوات في المشهد السوداني.. الإ انو في حاجا تانية برضك..
و يا استاذنا جعفر ، ليك انت شخصيا ، دي بت ابراهيم خوجلي بتغني نفس الأغنية (من اوصاف عديدة )..!!!
كبر
05-25-2013, 03:33 PM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
> اخي الحبيب وصديقي العزيز ول أبا الأستاذ كبر يا سلام عليك ياخ ..أي أغنية بالعود دائما ليها نكهة خاصة..هذه الأغنية بالذات (أوصاف عديدة) من الأغنيات التي احبها كثيرا. أمس حدثني صديق بأن للفنان إبراهيم خوجلي بنت تغني أغنيات والدها وكانت أول مرة اعرف هذه المعلومة..وها أنت قد اثبت المعلومة بهذه المشاركة الطيبة وهي تغني هذه الأغنية المحببة إلى قلبي بأداء رائع . تعرف يا كبر جيل قدامى الفنانين لن يتكرر ..بعض الشباب الحالي يتمتع بصوت جميل ولكنهم يستعجلون الشهرة لذلك يتغنون بأغنيات باهتة من حيث التلحين والكلمات .ولكنهم عندما يؤدون اغنيات قدامى الفنانين يبدعون . شكرا جزيلا أخي الحبيب على المشاركة الثرة . تقبل تحياتي ووافر احترامي
05-25-2013, 02:22 PM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
الحبيب ابو كريم شكرا على المرور الظريف والهدية الحلوة اهديك بدوري هذا الصوت الجميل الحالم يغني احدى الأغنيات المعتقة .. الفنانة شموس إبراهيم تملك صوت جميل يحملك إلى دنياوات فوق الخيال والوصف .
05-26-2013, 04:07 AM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
صديقي و استاذي جعفر..حبابك و كما كان الوعد.. التلاقي في الأيكة التالتة..و الوعد في هذه الأيام قاسي خلاص..المهم.. دي الحاجة التالتة..و المختلفة عن ثيمة البوست الأساسية ( و التي هي في عرفنا احتفاء بالقامة ابراهيم خوجلي).. نهديها ليك..و لأستاذنا ابراهيم في ذات نفسه..و بقية الأصفياء الذين سيملأون الأفق شهيقا..
ده عبد الله محمد يا جعفر..نحن بنشوف فيهو ذاك الزمن..و منعطفات سمحة زي (غدر الزمن شغل القليب) و ( زهرة السوسن ) ، و ( الحنين البي ليه ما قدرو)..و (الأيام سجية) ..و حاجات كتيرة سمحة خلاص..
و هنا الفيرشن.. بتاع اليومين ديل بصوت الفنانة الكبيرة سميرة دينا ( و يا جعفر سميرة هذي لو املك عليها امرا ما تفوت عثمان حسين و محجوب عثمان..ياخي عذاب شديد خلاص..).ز!!
لكن..! سمعت الأغنية في تسجيل نادر و احسبه فلتة من فلتات هذا الزمان..و كان بصوت المرحوم عبد العظيم عبد الله.. عبد العظيم حركة يا جعفر..و عندي اكسبها حيوية فائقة..!! و من بعض ناس الأهداء.. نهديها لأستاذنا محمد سليمان ضو البيت... طبعا العالم شابكننا نجوم الغد و ما ادريك ما نجوم الغد..و نحن نذكر..(جراب الحاوي)..و الضحكة المجلجلة ( يارااااااااااااااااااااااااااااااااااااجل)..!!!
أخي الحبيب العزيز عبدالعزيز تقبل عميق شكري وتقديري للمشاركة القيمة واهدائي تلك الباقة الجميلة وكلمات الأغنية والإطراء . تسلم يا عزو ويديك الصحة والعافية .
تحياتي ووافر احترامي
06-23-2013, 04:58 AM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
أخي الحبيب مولانا الأستاذ الطيب شيقوق نوّرت البوست يا جميل أقول لأصدقائي دايما " مولانا الأخ الحبيب والصديق العزيز محمد المرتضى هو مؤشر البهاء والجمال والإبداع في هذا المنبر" ..وعليه أقول ليك حين تراه في أي بوست أذهب ولن تلقى إلا كل ما يسر البال ويريح النفس ..وأهل مسقط أدرى بشبابها . أعتقد أن ملاحظتك الأخيرة بأن (غارت) هي الأقرب للصواب من (عارت) ملاحظة جديرة بالتأمل وأقرب إلى الصواب . طبعا أنتم أهل البادية دائما أعرف وأعلم بلغة الضاد . تقبل عميق شكري ووافر احترامي وتقديري
06-23-2013, 04:33 AM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
أخي الحبيب والصديق العزيز ملك التوثيق الأستاذ عماد أحمد
شكرا جزيلا على المشاركة والتعريف بشاعر الأغنية الأستاذ بر محمد نور الذي تميز شعره بالحس المرهف والرونق البديع . تربطني بجزيرة توتي علاقة خاصة بواسطة الصديق إبراهيم بسطاوي الذي تعرفت عليه بجوبا أثناء ذهابي لقضاء الإجازات المدرسية وسجلني لنادي الأمل بجوبا الذي كان يتولى سكرتاريته ، ولما تم نقله إلى الخرطوم للعمل بالمعهد الفني بالخرطوم اقنعني بالتسجيل لنادي توتي الذي لعبت له لفترة قصيرة جدا وتوقفت عن اللعب بسبب إصابتي بالربو. حياة الناس في توتي قريبة جدا لنمط الحياة في الكلاكلة القبة والكلاكلات عامة إذ يعيش الناس كأسرة واحدة . اذكر مثلا أيام التمارين كنت أذهب مع إبراهيم بسطاوي مباشرة إلى توتي ويتناول جميع اللاعبين الغداء في منزل واحد ويأتي كل من اللاعبين بصينية من منزله. كان اللاعبون يعيشون كأسرة واحد ة ولن أنسى تلك اللحظات الجميلة مع الإخوة الكابتن فائق ومحمد صالح كنب وصالح ذكي وباشريك والفنان المبدع حمد الريح وجقدول وكان يأتينا احيانا الفنان الراحل خضر بشير فيضفي على الجلسة بهجة لا توصف ...يا ســلام ..كانت أيام زي الأحلام. تقبل عميق شكري ووافر احترامي
06-22-2013, 03:30 PM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
أخي الحبيب وصديقي العزيز ول أبا الأستاذ كبر أرجو المعذرة لحضوري المتأخر إذ أنني ما تابعت البوست بعد ذهابه بسرعة البرق إلى الصفحات الداخلية بالإضافة لبعض المشغوليات التي جعلتني لا أتابع المنبر بانتظام . يا أخي ذكرتني بأيام الطرب الجميل عندما كان عبدالله محمد ، محمد احمد عوض ، بادي محمد الطيب ، ميرغني المامون يرفدون الساحة الفنية بأجمل أغنيات الحقيبة .. تقديري أن جيل هؤلاء العمالقة لن يتكرر قريبا. من الأصوات الجميلة التي ظهرت مؤخرا - بالإضافة إل سميرة دنيا - يعجبني جدا صوت وأداء الفنانة شموس إبراهيم ..ليس لأنها من عندنا - ولكن صوتها حقا عذب وأداءها رائع . يعجبني جدا صوت وأداء سميرة دنيا عندما تؤدي أغنيات عثمان حسين . تقبل عميق شكري على إثراء البوست باختيارك الرائع .
Quote: أقول لأصدقائي دايما " مولانا الأخ الحبيب والصديق العزيز محمد المرتضى هو مؤشر البهاء والجمال والإبداع في هذا المنبر" ..وعليه أقول ليك حين تراه في أي بوست أذهب ولن تلقى إلا كل ما يسر البال ويريح النفس ..وأهل مسقط أدرى بشبابها . أعتقد أن ملاحظتك الأخيرة بأن (غارت) هي الأقرب للصواب من (عارت) ملاحظة جديرة بالتأمل وأقرب إلى الصواب . طبعا أنتم أهل البادية دائما أعرف وأعلم بلغة الضاد .
تسلم يا زعيم
06-25-2013, 08:48 AM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
Quote: و التالت... حاجة مختلفة تماما..و هو عمل لفنان السودان العظيم... و ده يختييل لي يا جعفر مافي زول ح يتذكروا الإ كن انتا و صديقينا الجميل يحي قباني...!!!!
صديقي الجميل كبر ...
عبد الله محمد ... صوت من الزمن الجميل ...
هاك اسمع النداوة دي ...
بهواك ( 1932 ) من كلمات سد عبد العزيز و الحان كرومة - غناه ابراهيم عبد الجليل و ابوبكر خليل ...
لا أعتقد أن الكلمة عارت الواردةهنا جاءت بمعني عارت أي جفلت فهذا المعنى لا يتسق مع المفهوم الكلي للقصيدة الجميلة والأغنية الرائعة وأنما المقصود من عارت أي أن الصيدة استعارت وريدها من جيد هذه المخلوقة الخرافية فهذا أقرب للمعنى والله أعلم ،،،،، وبالمناسبة دي ،،،عربون محبة ،،
والعند الله أقرب من لمح البصر ،،،
07-19-2013, 06:03 AM
Gaafar Ismail Gaafar Ismail
تاريخ التسجيل: 08-27-2005
مجموع المشاركات: 4911
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Gaafar Ismail
محمد المرتضى حامد
جعفر سومي
محمد سيد احمد محمد
Kabar
خال فاطمة
Emad Ahmed
الطيب شيقوق
Abdlaziz Eisa
يحي قباني
عمر مصطفى مضوي
فيس بوك
تويتر
انستقرام
يوتيوب
بنتيريست