|
|
|
 Re: أفضل وقاية من الحيرقان فى نهار رمضان (Re: وليد محمد المبارك)
|
الاخ الكومريد هاشم بدر الدين
لك التحيه والتقدير ورمضان كريم
شكرأ لهذه المعلومه القيّمه يارفيق الزمن الجميل فى حوض السباحه ببخت الرضا وتحياتي لكل افراد الاسره
فى احد الاعوام كنت فى زيارة لمناطق البترول فى مدينة المجلد وكنت فى تلك الفتره اعاني من حيرقان دائم لم تجدي معه كل الادويه
حتى اذا شربت الماء اصاب بالحيرقان , الشئ الذي قلب حياتي لجحيم لايطاق وكان هناك سوق اسبوعي يتداعى له الناس من كثير من القرى المجاوره لمدينة المجلد
ذهبت الى هذا السوق ووجدت امرأه قد تجاوزت الستين عاماً , كانت تبيع بعض الاشياء مثل الكول والمرس والكجيك وغيرها من الاشياء التي اشتهرت بها تلك المنطقه
وكنت حينها ابحث عن اي علاج غير علاج الاطباء والذي لم يجدي فتيلا . ذكرت لهذه الجده باني اعاني من الحيرقان
ولم تفهم ما اقصد الا ان مرافقي ذكر لها اسمه باللهجة المحليه على ما اذكر يسمونه (اب نحّار ) او شئ من هذا القبيل.
ذكرت لى هذه الجده بان علاج هذا المرض مُيسّر وموجود فى ذاك المطبخ , وكان العلاج هو الرماد او الهبُود
اخذت منه جزءأ يسيراً وبعد نظافة ما علق به من ذرات الفحم , وتبعته بالماء
وفى ثواني زال الحيرقان تماماً ولم اعد اعاني منه الا فى فتراتٍ متباعده تكاد تكون بالشهور الطويله والى الآن والحمد لله
ولم استعمله كثيراً فعليكم بالرماد كال حماد
على ما اعتقد بان الرماد قلوي وبمجرد وصوله لفم المعده يعادل حموضتها والله اعلم
| |
 
|
|
|
|
|
|
|
|
Re: أفضل وقاية من الحيرقان فى نهار رمضان (Re: خضر الطيب)
|
شكرا هاشم بدر الدين على المعلومة ..
وانا شخصيا اعاني من الحيرقان الشديد في نهار رمضان وفي غير رمضان ..
سأجرب وصفة القرض هذه الليلة ..
الأخ خضر .
| Quote: خذت منه جزءأ يسيراً وبعد نظافة ما علق به من ذرات الفحم , وتبعته بالماء |
هل تقصد أنك ذوبته بالماء ؟! ارجو أن تشرح لنا الوصفة بالتفصيل وشكرا ..
| |
|
|
|
|
|
|
|
|
Re: أفضل وقاية من الحيرقان فى نهار رمضان (Re: ناذر محمد الخليفة)
|
الفنان الجميل ناذر
لك التحيه والتقدير
ورمضان كريم
Quote: هل تقصد أنك ذوبته بالماء ؟! ارجو أن تشرح لنا الوصفة بالتفصيل وشكرا ..
|
تكب شويه في كفة يدك , تسفو على مرتين وتشرب عليهو المويه .. اول مايصل فم المعده بعد ثواني انت بتكون بخير بإذن الله
كدي هسي يا ناذر جرب الهبود لانو طريقتو ساهله ومابغلط عليك وشوف النتيجه طوالي
ربنا يشفيك يا حبيب
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: ناذر محمد الخليفة)
|
Quote: شكرا هاشم بدالدين
الحيرقان تعبنا منه شديد والله .
والمشكلة الاكبر شراب القهوة طول الليل.
نجرب وان شاء الله ربنا يعجل الشفاء. |
بدرالدين الطائف
سلامات ورمضان كريم
أغلب الإخوة هنا فى كمبالا يشكون من الحيرقان، ربما يكون السبب مرتبط بنوع الطعام. السودانيون هنا فى الغالب لا يأكلون الطعام اليوغندى ويفضلون الطعام السودانى والأنجيرا الأثيوبية. وفى الغالب ايضاً لا يأكلون الخضروات والفواكه. الناس لهم مذاهب شتى فى علاج الحيرقان لكن الوقاية منه هى المشكلة دائماً.
لدينا صديق طبيب مصرى هنا وصف لنا حبوب لمنع الحيرقان
Pantoprazole-40
تأخذ لفترة أسبوعين، حبة واحدة فى اليوم وهو دواء ينتج باسماء تجارية تزيد عن المائة إسم من أشهرها Pentalink
Pantoheal, Pantoloc, Pansiv, Somac, TectaProtium, Protonix, Controloc,Pantecta, , Pantpas, Ppi-40
هذا الدواء يمنع المعدة من إفراز الأحماض، اذا تناولته لفترة أسبوعين ربما يتوقف الحيرقان لعدة أشهر. لكن كما هو الحال فى كل العقاقير الطبية له أثار جانبية مقلقة( خصوصاً اذا تناولته بطريقة متواصلة)
هذه بعض اثاره الجانبية (فى إعتقادى أن الحيرقان أخف منها بكثير)
Side Effects : - Central Nervous System Headache, anxiety, weakness, dizziness, muscle tightness, migraine, sleeplessness, damage to the eye nerve, confusion, increased potassium level in blood, speech disorder, tinnitus, uneasiness, fatigue, vertigo. - Skin Rash, severe allergic reactions (eg, erythema multiforme, Stevens-Johnson syndrome, toxic epidermal necrolysis). - Eye and ENTInflammation of pharynx, stuffy nose, blurred vision. - Gastrointestinal Nausea, vomiting, diarrhea, pain, constipation, rarely inflammation of pancreas. - GenitourinaryUrinary frequency, urinary tract infection, kidney disease, creatinine increased. - BloodPancytopenia- decrease of all types of blood cells, including red and white blood cells as well as platelets. - LiverIncreased liver enzymes, liver cells damage leading to jaundice and liver failure. - LocalInjection-site reactions (including abscess, thrombophlebitis). - ####bolicIncrease in fat, sugar, cholesterol, weight changes, uric acid in the blood. - MusculoskeletalJoint pain, back pain, neck pain. - RespiratoryAsthma, cough, difficulty in breathing, upper respiratory tract infection. - MiscellaneousChest pain, flu syndrome, infection, severe and life-threatening reaction. : * Other PrecautionsIt should be taken every day only when symptoms are present Warnings and Precautions : *Long-term therapy may lead to bacterial overgrowth in the GI tract, atrophic gastritis. *Monitor liver function regularly (if enzymes increase, discontinue) because it may lead to liver damage.
(عدل بواسطة بكرى ابوبكر on 09-04-2014, 03:18 PM)
| |
|
|
|
|
|
|
|
|
 Re: أفضل وقاية من الحيرقان فى نهار رمضان (Re: Hashim Badr Eldin)
|
Quote:  |
سلآمات يا هاشم،
ورمضان كريم.
عانيت كتير من الحيرقان وإستعملت أقوى الحبوب علي رأسها
البانتلوك والنكسيوم، وتعتبر النكسيوم أقوى حبة لعلآج الحيرقان
والقرحة. كلو ما نفع. قبل فترة إتعودت كل يوم وأنا طالع للشغل
أشيل معاي حبة كمثرى وإنقطع دابر الحيرقان، وقفت فجأة من
الكمثرى، فإذا بالحيرقان يرجع تاني. فكرت في الفترة الإنقطع
فيها الحرقان لقيت نفسي كنت مداوم علي الكمثرى. رجعت
للكمثرى تاني إنقطع الحرقان، الكمدة بالرمدة.
يعني حبة كمثرى يومي، والنحار يفارقك فراق الطريفي لجملو.
سلآمات يا خضر.
إسمو الحرقان وأهلنا يسموهو النحار، والشقاق. حبوباتنا عندهن
فلهمة الواحدة تقولك، الليلة قايم علي فم المعدة، ودايماً يستعملن
الجردقة لعلآجه. حبوبتي الله يرحمها كانت كورية الجردقة
دِيّمة تحت عنقريبا.
يا جماعة أبعدوا من البيبسي وما تكتروا من الحلو مر.
دمتم بألف صحة وعافية، وأسأل الله أن يجعلني وإياكم
من عتقاء هذا الشهر العظيم...
| |
|
|
|
|
|
|
|
|
 Reا: أفضل وقاية من الحيرقان فى نهار رمضان (Re: Hashim Badr Eldin)
|
Quote: لك التحيه والتقدير ورمضان كريم
شكرأ لهذه المعلومه القيّمه |
الطب البديل والطب العشبي عالم جليل , والعالم كله متوسع فيه ..
نحتاج الكثير من التوثيق والابحاث لنشارك العالم من فضل مالدينا ..
Quote: لدينا صديق طبيب مصرى هنا وصف لنا حبوب لمنع الحيرقان
Pantoprazole-40 |
| Quote: هذه بعض اثاره الجانبية (فى إعتقادى أن الحيرقان أخف منها بكثير) |
اخي استاذ Hashim Badr Eldin
الحيرقان عرض مرضي لمرض يمتد من تخدش بسيط لغشاء المعدة الي قرح المعدة الاكبر حجما ,
يمكن ازالة الحيرقان البسيط بالبعد عن تناول المهيجات وخاصة البهار الكثيف والشطة , والدهون مثل دهون اعلى الحلة وخلافة, والبعد
عن التوتر والحفاظ على صغر الوجبات وانتظامها ..
ويمكن التخفيف الاولى بتناول النعمة الرائعة الماء , او اللبن ليعادل حموضة المعدة وتخفيفها في حالة الماء ..
لذا جاء العلاج الاولي الطبي مضادات الحموضة سواء شراب او الحبوب القرش .. وهي سريعة وفعالة
ودور كل مايخفف هنا محبب , اعتقد القرض معادل جيد هنا .. فمعلوماتي عنه مثلكم بالتجربة فقط !.
بعض الحالات ليس مجرد تخدش1 , بل يحتاج دور صف علاجات اخر منها اجراء المنظار لمعرفة السبب والتاكد من وجود القرحة وحجمها وموقعها
واحيانا عمل كي بها او اخذ عينة - ( قلت احيانا :) - , اغلبية قرح المعدة حميدة
من ادوية الصف الثاني هو Pantoprazole-40وهو دواء رائع , يعرف اهميته من استخدمة وفق حوجة حقيقة ,
شركات الادوية ملزمة بكتابة كل التاثيرات الجانبية حتى اذا كانت بنسب شبه معدومة .. وهذا باب اخر . ورقي علمي.
بعض القرح حتى لا يكفيها العلاجات بالفم , واحيانا تاتي حالات حرجة تستوجب علاجات بالحقن او الجراحة ..
حبابنا سوا
وحباب علاجاتنا الشعبية المجرب منها .. واتمنى توثيق وبحث حولها وجرعاتها .. فليس كل الاعشاب امن !
ورمضان كريم , تصومو وتفطرو على خير ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: Reا: أفضل وقاية من الحيرقان فى نهار رمضان (Re: شهاب الفاتح عثمان)
|
1275 مطالعة ههههههه
والله اتاريهو الناس دي ممكونة وصابرة
الاخ هاشم
تحية طيبة ورمضان كريم وتصوم وتفطر على خير
شخصيا كانت عندي تجرية مريرة مع الحيرقان والحموضة والحمد لله انه مدتها معاي ما طولت اسبوع او عشرة ايام ما متذكر
معانا واحد خواجة في الشغل شكيت ليهو وقلت ليهو عندي حموضة بالانجليزي يا رجالة
الزول قال لي دقيقة بس، مشى مكتبه وجاني راجع باربعة حبات يابانية، قال لي ابلع الاتنين ديل اول ووراهم واحدة من ديل، وامش البيت بعدين وابلع الاتنين الباقيات ديل، قسما بالله والفضل من عند الله، بقيت ان غطست في ملاح الروب واكلت العصيدة مرة يادوب احسس احساس انه زي الاكلت لي حاجة مرة. طبعا الحبتين الفضلن اديتهن زول صاحبي لكن والله نسيت اساله عملن معاهو شنو
الحبوب اليابانية دي انا مجربها عندي صداع بتاع جيوب انفية مزمن كل ما اجي الصباح الشغل ومع فتحة المكيف لازم ابلع حبتين بندول، المهم زول من الخواجات ديل اداني اربعة حبات قال لي ابلع اتنين، والكلام دا قبل شهرين (فتحت الدرج عشان اتاكد واحلف صادق) والله العظيم الحبتين التانيات لحدي هسي قاعدات في الدرج
ربنا يشفى كل مريض
وصراحة قصة الهبود والقرض دي ما جربتها، ياريت ناذر يدينا خبرها
| |
|
|
|
|
|
|
|
|
|
Re: Reا: أفضل وقاية من الحيرقان فى نهار رمضان (Re: شهاب الفاتح عثمان)
|
عافي الله الجميع من كل مرض،وخصوصا مرض القرحة،
احببت ان احكي قصتي مع القرحة،ولعلها من اطول الرحلات،اصبت بها في عام 73،وانا بالثانوي العام،عمري14 عاما،ولقد بدات من ليلتها حادة وناذفة، شخصها د بشير ارباب وبدت رحلتي معها،واهتمامي بشانها،سيقول الاطباء ان الاكل لا يفرق كثيرا،وهذا تنفيه التجربة،تطببت عند عشرات الاطباء، خارج وداخل السودان،فما وجدت كالحمية دواء،وجبات خفسفة،6 او 7 مرات،اختي الدهن،المحدقات، التدخين، المشروبات ال...والكوكا، الاسبرين وبنات عمه،القهوة التقيلة والشاي التغيل،البرد ،الزعل، عليك بالخضار المسلوق،الزبادي، العسل،والحليب قليل الدسم، جربت القرض وافادني والرماد كل للحوامض،استعمل ثلاثي،ذانتاك او سيمتدين اوغيره مع مضاد حيوي مع فلاجيل 6 اسابيع كما يشير لك الطبيب المعالج، لا تلجا للجراحة الا انقاذ حياة فمضاعفاتها،ليس دائما بالطبع ،احسن منها الم القرحة والحوامض.
الحوامض وحتي القرحة تنظيم حمية وحياة،واذا حدث لا قادر الله اصيب الانسان بالقرحة فلا ينزعج، اربعين عاما بحمدالله،نقلت لي عشرات قزازات الدم ،ولم تمنعني بفضل الله من الحياة،شفيت منها الان برحمة الله واتباع الحمية ،اكرر،الاكل،القلق،وكل ماذكر من دواء بلادي جربه الاخوان،مفيد.
| |
|
|
|
|
|
|
|
|
|
Re: Rوeا: أفضل وقاية من الحيرقان فى نهار رمضان (Re: عبدالعزيز عثمان)
|
الله يرحم والديك
فعلاً القرض عجيب
تجربتي الشخصية ،،، كنت أعاني من إحتقان دائم في اللوزتين وقد تم نصحي بأن أضع حبتين قرض في فمي ( تحت اللسان ) ليلاً وأمتص ماءها وحتى الصباح
وقد كان ،،، فقد تخلصت في تلك الليلة من هذا الداء وأصبحت معافى والحمد لله بعد التخلص من تلك الباكتيريا اللعينة
والحمد لله لي الآن أكثر من خمس سنوات ولم تعاودني أعراض إحتقان اللوزتين
جربوه وما حتندموا أبداً
مودتي وشكري لصاحب البوست
| |
|
|
|
|
|
|
|
|
|
Re: Rوeا: أفضل وقاية من الحيرقان فى نهار رمضان (Re: معتصم الطاهر)
|
سلام دكتور شهاب ..
| Quote: عض الحالات ليس مجرد تخدش1 , بل يحتاج دور صف علاجات اخر منها اجراء المنظار لمعرفة السبب والتاكد من وجود القرحة وحجمها وموقعها |
عانيت من الحيرقان الشديد وتهيج المعدة في العام 2001 وتعبت تعب شديد ومشيت لي دكتور بشير أرباب أخصائي المناظير وبعد ما عمل لي منظار قال انو عندي فتاك في الحجاب الحاجز ودا هو سبب الحيرقان البعاني منو ..!
الوكت داك قال لي الفتاك صغير وممكن يتعالج بي نظام معين واذا لم يتعالج ممكن يتعالج بي عملية جراحية صغير في فم المعدة .. كتب لي حبوب أميبرازول كبسولات وهي متوفرة في السودان بأكتر من 15 اسم تجاري والأكترية صناعة هندية وفي نوع صناعة سودانية .. فضلت اتناول الحبوب دي بمعدل حبة كل يومين أو تلاتة والحمد لله نجحت كتير في التخفيف من الحموضة والحيرقان ..
فبفتش لي علاج جذري .. رايك شنو في العملية الجراحية ؟ وهل هي حل جذري ؟ لأنو مع مرور السنين الحيرقان اتطور لدرجة منعي من تناول أطعمة كتير محببة .. وفي اطعمة اذا أكلتها بتهيج المعدة وبستفرغا من غير اي سبب .. وفي أطعمة تانية المعدة ما قاعدة تهضما نهائي حتى لو أكلت منها كميات قليلة ..!
فهل عملية الحجاب الحاجز بتنتهي من كل المشاكل دي ؟!
مشكور مقدما ..
| |
|
|
|
|
|
|
|
|
|
Re: Rوeا: أفضل وقاية من الحيرقان فى نهار رمضان (Re: ناذر محمد الخليفة)
|
غايتو انا بضمن ليكم ماف زول في الدنيا دي ممكن يكون عندو حرقان أكتر مني..
وبضمن ليكم ماف زول مهمل بطنو زيي ..للدرجة اللمن أمشي لي أيي دكتور بقول ليهو بطني دي فيها بلاوي كبيييرة عليييكم الله اعملوا لي منظار شوفوها..
كل الدكاترة اللي مريت عليهم مننن التسعينات ولحدددي الليلة كلهم مصرين إنو العندي ده القولون وفي رواية المصران العصبي..
اخر واحد ده زاد ليهو حاجة كده قال لي في دهون حول الكبد ولا شنو كده ما عارف..
المهم انا أحسسسسن زول بيخالف كل قواعد الأكل الصحي اللي بيعمل الحموضة والحرقان فانا من عشاق البيرقر والبطاطس والبيبسي والكلام ده منن ايام السودان يعني ما عندو علاقة بي الاغتراب :):)
مع العلم إني لحدددي اللحظة دي ما بستعمل حبوب مهدأة ومخليها بالبركة عشان كده عندي إحساس إنو وقعتي ح تكون كبيييرة ..
زمان في إختبار كده بيعملوهو للمعدة بتاع باكتريا اظنو غايتو ده أظن السودان كلللو عندو والغريبة الدكاترة هنا بيتعاملوا معاهو بنوع من الجدية وانو ده سبب البلاوي ومع كده نحن السودانيين حايمين بيها عااادي ..
اسوأ مراحل الحموضة القصة بتاعت الريفليكت ولا هي إسمها الإرتداد ما بعرفا ليكم ..وهي إرتداد جزء من الطعام بصورة مفاجئة من الفم ومرات مرات كده بتجيب ليها من الأنف والله لمممن تستشهد وتقول خلاص انا مت..
اها يا جماعة ادونا حل للقصة دي غير وقف البيرقر والبطاطس والبيبسي واكون من الشاكرين ..
| |
|
|
|
|
|
|
|
|
|
Re: Rوeا: أفضل وقاية من الحيرقان فى نهار رمضان (Re: ناذر محمد الخليفة)
|
كابتن هاشم والأخوة المتداخلون
تحياتي ورمضان كريم ..
كنا نعرف الهبود (الرماد) كعلاج ناجع للحيرقان ... لكن القرض ده جديد علينا ..
بس عندي علاج مختلف تماماً ..
وذلك بأن تنام ورأسك مرتفعاً بمقدار طوبة أو طوبتين عن باقي الجسم ...
يعني ترفع السرير من ناحية الرأس بمقدار عشرة سنتمرات تقريباً ...
ولا تضع مساند فإنها لا تجدي ... إذ يجب أن يكون الجسم كله منحدراً من ناحية الرأس ...
داوم على هذا الوضع أسبوعين أو شهر ... وإن زدت فلا بأس ...
جربوها ...
ورسلوا لي البياض على البروفايل بتاعي ....
| |
|
|
|
|
|
|
|
|
|
Re: Rوeا: أفضل وقاية من الحيرقان فى نهار رمضان (Re: عبد الباقي الجيلي)
|
حبيبنا ود المدير رمضان كريم يا انسان يا جميل
Quote:
سلآمات يا خضر.
إسمو الحرقان وأهلنا يسموهو النحار، والشقاق. حبوباتنا عندهن
فلهمة الواحدة تقولك، الليلة قايم علي فم المعدة، ودايماً يستعملن
الجردقة لعلآجه. حبوبتي الله يرحمها كانت كورية الجردقة
دِيّمة تحت عنقريبا.
يا جماعة أبعدوا من البيبسي وما تكتروا من الحلو مر.
دمتم بألف صحة وعافية، وأسأل الله أن يجعلني وإياكم
من عتقاء هذا الشهر العظيم... |
ايوه اذن كده فى السليم لانو انا الاسم راح لي المده طالت شديييد
الجردقه دي انا كمان شفتها عند حبوبتي كانت بتحرص عليها شديد
هسي هنا فى بريطانيا انجع علاج طبي نفع معاي هو زانتاك
الدوا دا فى بريطانيا بتباع فى البقالات ذي البندول , يعني ما ضروري روشته , ومريح جداً معاي بعد خمسه دقائق بشيل اي حرقان
اول مره شفتا الدوا دا كان ابوي بستعملو للقرحه ومعاهو نوع تاني اسمو ( Tagamet) على ما اذكر والحمد لله اتعالج من القرحه
طبعاً انا مابوصي اي زول انو يستعملو عشان لو حصلت ليهو اي اعراض يتعلق ذنبو فى رقبتي
انا جبتو كمعلومه , رغم انو هنا ذي ما قلت انو موجود فى البقالات وبدون روشته رغم انو بريطانيا حريصه جداً فى حتة الادويه بدون روشته
| |
|
|
|
|
|
|
|
|
|
Re: Rوeا: أفضل وقاية من الحيرقان فى نهار رمضان (Re: خضر الطيب)
|
كومريد هاشم الشوق الشديد يا صاحب
أنا هسي دي، ناوو، عندي حيرقان، بجيب الـ Calcium Antacid، العلبة فيها 72 حبة، بقرشها في 3 شهور. الزانتاك يا خضر أنا جربتو وهو الأفضل لكن غالي شوية، وحبوبو شوية ؛)
___
سؤال جانبي، الغنماية لما تأكل القرض بحت شعرها، زي ما قال المثل، البتسويهو كريت في القرض تلقاهو فوق جِلدها، أها نعل القرض ما بجيب الصلعة ؛)
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: خضر الطيب)
|
Quote: لاخ الكومريد هاشم بدر الدين
لك التحيه والتقدير ورمضان كريم
شكرأ لهذه المعلومه القيّمه يارفيق الزمن الجميل فى حوض السباحه ببخت الرضا وتحياتي لكل افراد الاسره
|
خضر الطيب
سلامات يا كومريد
ورمضان كريم
كيفك وكيف الأهل
حليل بخت الرضا وأيامها الجميلة، حوض السباحة كان متنفس لكل أهل الدويم يأتون إليه فى الأعياد والمناسبات الخاصة، طبعا سمعنا أن بخت الرضا فى عهد التتار تحولت الى صحراء. تعرف هؤلاء لو حضروا أيامها الجميلة لجعلوا دخول حوض السباحة بتذاكر وربما باعوه لمستثمر خليجى.
طبعا كما تذكر بخت الرضا كان يحفها من جهتى الشرق والشمال حزام من أشجار القرض، لا أدرى اذا كان حتى الآن موجود أم ذهب كما ذهبت الكثير من الغابات والأشجار فى السودان الى غير رجعة.
كنا فى بداية المرحلة الأولية فى الستينات سافر والدنا (متعه الله بالعافية) الى الفاشر فى مامورية. وهناك ذهب فى رحلة صيد فدخلت رجله فى نبتة شوكية غريبة وإنغرست فى ساقه بضع شوكات (5 الى 10) قام بإستخراجهن وعاد الى بخت الرضا لكن ساقه لم تلتئم وتحول كل موضع شوكة الى قرح كبير لم تجدى معه الغيارات وحقن البنسلين، وتطاول الأمر. وكما هى العادة عندنا (وكما فعلت أنت مع الحاجة فى المجلد) فإن الولد حكى لأحد الرعاة عن طعن الشوك الذى تحول قروح، فوصف له الراعى القرض، فكنا نذهب أنا وشقيقى الأكبر أسامة الى حزام القرض فى المنطقة الواقعة بين بيت العميد وحوض السباحة ونجمع القرض فى قفة ونعود نضعه فى صفيحة نملؤها بالماء ونغليه فى نار الحطب فى الحوش، بعد أن تخف حرارة الماء قليلاً يدخل الوالد رجله فى الصفيحة وهو جالس فى العنقريب ويتركها مغمورة فى ماء القرض لما يزيد عن ساعة. فى أقل من أسبوع جفت القروح تماماً.
| Quote: على ما اذكر يسمونه (اب نحّار ) او شئ من هذا القبيل. |
له اسماء عديدة فى السودان لكن لا توجد تسمية أدق تعبيرا من تسمية الإنجليز heartburn وترجمتها الحرفية (حرق قلب).
الله يديك العافية يا كومريد
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: وليد محمد المبارك)
|
Quote: الكوتش هاشم بدر الدين
تحايا طيبة
ياخ والله الحاجة في البيت .. لو جاك سارس تديك قرض
اي حاجة بتعمل ليها قرض .. اي حاجة بدون فرز
شي مسحون شراف
وشي قرضة كاملة مص
وشي دخان في مبخر
المهم العلاج عندها قرض
وكثيرا جدا لا يخزلها |
وليد محمد المبارك
سلام كثير ورمضان كريم
الحاجة ما قصرت ربنا يديها العافية
والله رغم العمر الذى عشته فى دول العالم الأول لكن لا يزال إستنشاق بخور القرض هو علاجى المفضل للنزلات وإلتهاب الصدر.
تصوم وتفطر بألف خير
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: الشفيع وراق عبد الرحمن)
|
Quote: فعلا القرض كنز من كنوز الدنيا خصانا بيها رب العباد
واظن هو المقصود بي حبة البركة والله اعلم
بيتنا لا يخلو ابدا من قرض مسحون |
الشفيع وراق عبد الرحمن
سلامات ورمضان كريم
لكل شعب أعتقاد فى شئ خصه الله به
عشت فى اليونان فى سبعينات القرن الماضى، واليونانيون كغيرهم من شعوب البحر الأبيض المتوسط يعتقدون أن الله خصهم بزيت الزيتون، ولهم فيه إعتقاد كبير (خصوصاً أهل الريف) يفوق إعتقاد حبوباتنا فى زيت السمسم.
صدقت القرض علاج ملموس النتائج، ولو كان القرض فى اليابان لأقاموا له إحتفال سنوى ولرعت الدولة مشروع لزراعة غابات منه.
شكرا كتير وتصوم وتفطر بخير
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
سلام يا سر طيفور
رمضان كريم يا حبيب
| Quote: الزانتاك يا خضر أنا جربتو وهو الأفضل لكن غالي شوية، وحبوبو شوية ؛) |
معناها يا ياسر انت بتاكل حبوب مش بتبلع عادي 72 حبه فى 3 شهور يعني معدل 24 حبه فى الشهر بدون الويكند :)
دا كثير جداً يا حبيب , مفروض تشوف ليك دكتور , ذي ما اشار اخونا ناذر الخليفه لموضوع فتق الحجاب الحاجز
فى مره كنت بنقل فى عمليات جراحيه فى المستشفى الملكي حضرتا العمليه بتاعة رتق الحجاب الحاجز
بتتعمل بالمنظار سريعه وما لاحظتا انو عندها آثار جانبيه من خلال اجابات الاطباء لانو الموضوع كان فيلم كامل
مابفتي ليك فى الحته دي لكن لازم تشوف دكتور انا بعد استعمال الهبود بقى يجيني مره فى الشهر او كل كم شهر مره
لكن البلد دي مافيها هبود :) بقوم بشتري الزانتاك دا والعلبه فيها 24 حبه بتقعد معاي قريب السنه تقريباً ب20 جنيه استرليني
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: خضر الطيب)
|
عمر الفاروق ..
| Quote: زمان في إختبار كده بيعملوهو للمعدة بتاع باكتريا اظنو غايتو ده أظن السودان كلللو عندو والغريبة الدكاترة هنا بيتعاملوا معاهو بنوع من الجدية وانو ده سبب البلاوي ومع كده نحن السودانيين حايمين بيها عااادي .. |
أكيد فصدك اختبار جرثومة المعدة ...
عندي معاهو قصة .. قبل كم سنة مستشفى البراحة عمل اعلانات عن اجراء فحص للمعدة من غير منظار .. أنا طبعا صدقت .. مشيت المستشفى وأدوني حنبوكة نفخت فيها بعد ما بلعوني حبة كدة وبعد نص ساعة تقريبا الفحيص المصري جاني وقال لي عندك جرثومة في المعدة !!
بعاين ليهو زي الطيرة قلت ليهو طيب ما أنا عارف عندي الحاجة دي من زمان ..! وعارف عندي فتاك في الحجاب الحاجز ..! الحمبوكة دي ما ورتك دي ولا شنو ؟! قال لي لا دي بس بتوريني لو في جرثومة ولا لا .. وحضرتك لا زم تمشي تقابل اخصائي ..!!
عشان تشوف الاستهبال .. مشيت للأخصائي تحت قال لي أمشي أعمل منظار ..! تخيل الأستهبال دا ..!!
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Salah Farah)
|
لست ممن يساككهم الحرقان على طول, لكن أهو مره مره كده,
وبيعتمد حضورو على مقادير الدهون في آخر وجبة ... تغريبا. لكن
آخر مرة {قبل إسبوعين كده} جاني حرقان ما بعرفو من قبل, حرقان
يكاد يقفل البلعوم ويمنعك من إلتهام أي طعام, اللهم إلا بحرفنة شديدة
{مسارقا} تصغر فيها اللقمة وتعقبها بجرعة ماء ... وحكاية كده مزعجة
جدا, ولدرجة تشعر فيها بالرغبة في التقيؤ لا مؤآخذه. ولأني كنت ممن
يهملون الحرقان, يجي ويفوت وأنا ما شغال بيهو, فلم يكن لدي خبرة في
مداواته بغير الوصفات التقليدية, لبن موية سفة سكر وكده, ولأن الموضوع
هذه المره كان متطورا فقد دلفت على أقرب إجزخانة وأوصاني بالزينتاكس
وفعلا إشتريتو بس كمان غالي على قول ياسر طيفور. ولم أكن أعرف
أن حبوب ماكس للمص لها مفعول علاجي للحرقان, فحا تكون في جيبي
على طول.
عمر الفاروق ... ياخ كويس إنك قابلت طبيب وعملت منظار وكده, أنا بس
حدي الأجزجي, لأني متأكد الدكتور حا يعمل قائمة ممنوعات طويلة, سوف
تفاقم من مجمل حرماناتي في هذه الدنيا, وتقلل من حظوظي في الإستمتاع
حتى بالقدر اليسير الذي يخصني. فالكسرة ما تزال في صدارة محبوباتي
الغذائية, والشية وكل اللحوم الطيبات ما يزلن يسلن لعابي, والببسي يمطقني
وكومبو البريغر والفرنش فرايز والروت بير يجعلني ضعيف الإرادة مهزوم
الخاطر الغذائي...
الصديق هاشم بدرالدين ... تسلم, ويسملوا الناس من كل حيرقان, موضوعة
حلوه ... والله
... كونوا جمعيا ... بخير , ورمضان كريم
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Salah Farah)
|
لست ممن يساككهم الحرقان على طول, لكن أهو مره مره كده,
وبيعتمد حضورو على مقادير الدهون في آخر وجبة ... تغريبا. لكن
آخر مرة {قبل إسبوعين كده} جاني حرقان ما بعرفو من قبل, حرقان
يكاد يقفل البلعوم ويمنعك من إلتهام أي طعام, اللهم إلا بحرفنة شديدة
{مسارقا} تصغر فيها اللقمة وتعقبها بجرعة ماء ... وحكاية كده مزعجة
جدا, ولدرجة تشعر فيها بالرغبة في التقيؤ لا مؤآخذه. ولأني كنت ممن
يهملون الحرقان, يجي ويفوت وأنا ما شغال بيهو, فلم يكن لدي خبرة في
مداواته بغير الوصفات التقليدية, لبن موية سفة سكر وكده, ولأن الموضوع
هذه المره كان متطورا فقد دلفت على أقرب إجزخانة وأوصاني بالزينتاكس
وفعلا إشتريتو بس كمان غالي على قول ياسر طيفور. ولم أكن أعرف
أن حبوب ماكس للمص لها مفعول علاجي للحرقان, فحا تكون في جيبي
على طول.
عمر الفاروق ... ياخ كويس إنك قابلت طبيب وعملت منظار وكده, أنا بس
حدي الأجزجي, لأني متأكد الدكتور حا يعمل قائمة ممنوعات طويلة, سوف
تفاقم من مجمل حرماناتي في هذه الدنيا, وتقلل من حظوظي في الإستمتاع
حتى بالقدر اليسير الذي يخصني. فالكسرة ما تزال في صدارة محبوباتي
الغذائية, والشية وكل اللحوم الطيبات ما يزلن يسلن لعابي, والببسي يمطقني
وكومبو البريغر والفرنش فرايز والروت بير يجعلني ضعيف الإرادة مهزوم
الخاطر الغذائي...
الصديق هاشم بدرالدين ... تسلم, ويسملوا الناس من كل حيرقان, موضوعة
حلوه ... والله
... كونوا جمعيا ... بخير , ورمضان كريم
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: HAYDER GASIM)
|
يا خضر زي ما قال ليك ياسر طيفور الزنتاك عندنا طلقوهو في السوق بعد
ما كان إلا بروشتة من الطبيب ومعاهو البيبسيت الفوق دا وإعتقد اللتنين
عندهن اثار جانبية.
يا سر طيفور سلآمات،
ورمضان كريم.
يا أخي إنت وخضر كدي بعد تمرة تحليل الصوم كل واحد فيكم يأكل نص
حبة كمثرى، وبعد دآك أُخدوا رآحتكم في الأكل ووروني النتيجة. يا ناس
أنا كان عندي حيرقان بسببه إتهمني الطبيب بأمراض خبيثة. كدي جربوا
الكمثرى.
يا ياسر طيفور القرض دا أنا مستعد أبلعوا ليك زي الطعمية ولا بخاف،
لكن لو ثبت إنوا بيعمل ثقوب في الصلعة ممكن آخد خط رجعة.
القرض فيهو المادة الدآبغة التي تستعمل في الدباغة، عليه إحتمال كبير
جداً يأثر علي شعيرات المعدة ويقوم بدبغها السبب الذي يؤدي للإصابة
بعُسر الهضم (الإمساك). هذا علي حسب رأي الأطباء في الشاي إذا
أدمنته، والمادة موجودة في الشاي، وأكيد نسبتها أعلى في القرض ...
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: معاوية المدير)
|
عمر الفاروق ..
| Quote: سوأ مراحل الحموضة القصة بتاعت الريفليكت ولا هي إسمها الإرتداد ما بعرفا ليكم ..وهي إرتداد جزء من الطعام بصورة مفاجئة من الفم ومرات مرات كده بتجيب ليها من الأنف والله لمممن تستشهد وتقول خلاص انا مت.. |
لمن مرات تكتم ليك النفاسات مش ؟!
انا اكاد اجزم عندك مشكلة في فم المعدة أو الحجاب الحاجز .. زمان لمن شكيت الحاجة دي لي بشير ارباب داير يشرح لي المشكلة وانا ما فهمتو .. قال لي يا إبني المعدة دي عاملة زي بوز الكفر .. هسي الكفر لمن تنفخو بيدخل الهواء لكن حكمة ربك لمن تطلع الأبرة أو تزح المنفاخ ما بيطلع الهواء مش ؟ بس دي يا ها المعدة زاتا بتدخل الأكل والشراب لكن ما بتطلعوا الا يكون في مشكلة في بوز الكفر اللي هي فم المعدة !!
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: معاوية المدير)
|
ودالمدير وحيدر وخضر
الـTUMS من الأدوية السريعة، وما عندها مشاكل جانبية تذكر، بقول ليك ما تستخدم أكثر من 14 حبة في اليوم، أنا لما يجيني حيرقان heartburn بأخذ حبتين، قرِش وتشرب معاهن موية سريع جداً الحيرقان بروح، لو كان الحيرقان شديد بقرش 3/4، الـTUMS أشكال وأنواع ونكهات، إختر منها النكهة التي تناسبك، ورخيص، العلبة فيها ما بين 72 - 100 حبة، وتتراوح أسعارها ما بين 9 -15 دولار.
___
موضوع الكمثري يا ود المدير، أنا زول مرايِّر، الفواكه والحلويات ما بجيبها البيت ذاتو ؛)
| |
|
|
|
|
|
|
|
|
 Re: أفضل وقاية من الحيرقان فى نهار رمضان (Re: Yassir Tayfour)
|
سلامات كابتن هاشم والضيوف ..
القرض من الهبات الربانيـة السمحة لاهل السودان ..
عندنا جارنـا .. يستخدم القرض في كل حياته اليومية لذلك كان كما الحصان في نشاطـه خالي ومعافى من الامراض بالرغم من التقدم في عمره ..
وكانت له مقوله شهيرة .. ( الما بداويهو القرض دا ما مرض ) ..
كان كل اوقاتـه .. (يمص) القرض بالرغم من مرارتـه . اتعلمنا منه طريقته في التعامل مع القرض .. للوز سريع وفعال ، للبواسير قالو كويس حسب راي المجربيـن .. للزكام .. فعال جدا..
اما عن تجربتي الشخصية معه وحسب خلطتي التي اقتلعت لي الملاريـا تمام من جذوره:
عرديب + كركدي + لالوب + قرض .. كل المكونات دي كنت ببلها مع بعض واديها شويــة سكر .. وتشرب على الريق إلى تاريخ اللحظـة الحمد لله ما عرف دمي الملاريـا ..
القرض علاج عجيب جدا .. سحري
| |
|
|
|
|
|
|
|
|
 Re: أفضل وقاية من الحيرقان فى نهار رمضان (Re: tmbis)
|
يا هالك قالو دي مالك محمرها؟
والقرض مسحون ولا حب ولّ شخلوب؟
---
عندنا صاحبنا بشتكي من البواسير، واحد وصف ليهو حبوب شكلها وحجمها زي قرطاس الورق بتاع التسالي، قلت ليهو الحبوب دي لو شالت منك البواسير بتحتاج ليك لي علاج تاني للسايِّد إفّكت، قال لي السايد إفِّك شنو؟ قلت ليهو ده سؤال تسألو؟
| |
|
|
|
|
|
|
|
|
 Re: أفضل وقاية من الحيرقان فى نهار رمضان (Re: Yassir Tayfour)
|
Quote: يا هالك قالو دي مالك محمرها؟
والقرض مسحون ولا حب ولّ شخلوب؟ |
.. هههههه ..والله يا هالك المعادلة دي بتعتمد على حرفنـة الواحد 
في واحدين بدقوهو ويكبوهو في مويـة طشت والواحد يقعد في المويـة في واحدين بعملوهو لبخـة ..
غايتو انت يا ياسر احسـن ليك الجانب الايجابي لانو ما فيهو اي سايد افكـت .. اللبـخ بس الكمدة بالرمدة
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: tmbis)
|
| Quote: يُقال أن أصحاب فصيلة الدم أو (o) أو (+o ) فى الغالب لديهم أرتفاع فى حموضة المعدة يجعلهم أكثر عرضة للقرحة من الآخرين. وهم كذلك يعانون من الحيرقان ( ) أكثر من غيرهم. |
مشكور يا هاشم علي المعلومه ان شاء الله نجرب القرض
لكن الناس لو التزمت بحديث الرسول صلى الله عليه وسلم ( نحن قوم لا نأكل الا اذا جعنا واذا اكلنا لا نشبع)
مع كدا لوالزول ركز علي الخضروات الطازة الشطه لا
تحياتي
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: حسن مختار الخليفة)
|
الأكيدة يا شباب ..
مما قريت البوست وفي نفس الليلة مشيت للحاجة وأدتني القرض المسحون وبديت استعملو قبل النوم وبالوصفة الكتبا اخونا هاشم .. حقيقة شعرت بي راحة شديدة جدا وامبارح بالليل كان اليوم التالت لشراب القرض والحمد لله لم اعاني من الحيرقان ..
كمان في حاجة تانية .. شعرت بي انو المعدة اتنشطت وبقت تهضم الأكل أحسن من الأول ودا وضح لي من التجشؤ (الكريع) النزل علي فجأة من بديت أستخدم القرض .. قبل كدة كنت بتجشأ بصعوبة جدا .. لكن والحمد لله بقيت أتجشأ كتير وبصوت مسموع مع الإطالة في المدة مع راحة الواحد يشعر بيها بعد العملية دي ..!
الأكيدة لي تلاتة يوم ما استخدمت كبسولات ال AMIPRAZOLE الكنت بستخدما يوميا لمنع الحموضة وتسهيل عملية الهضم ..!!
الحمد لله ..
شكرا هاشم بدر الدين ..
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: ناذر محمد الخليفة)
|
الاخ هاشم
شكرا ليك على هذا البوست جاني على جرح
مشكلة الحموضة وما ادراك ما الحموضة ليها سنين معاي بستعمل بنتوداك بعد كل فترة كويسة معاي
لكن حاجرب طريقة القرض لانه الحبوب دايما زي ما قلتوا عندها اثار جانبية
شكرا ليك كتير وتسلم على الفايدة الجليلة القدمتها لينا
وشكرا لكل المشاركين
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: ناذر محمد الخليفة)
|
Quote:
الأكيدة يا شباب ..
مما قريت البوست وفي نفس الليلة مشيت للحاجة وأدتني القرض المسحون وبديت استعملو قبل النوم وبالوصفة الكتبا اخونا هاشم .. حقيقة شعرت بي راحة شديدة جدا وامبارح بالليل كان اليوم التالت لشراب القرض والحمد لله لم اعاني من الحيرقان ..
كمان في حاجة تانية .. شعرت بي انو المعدة اتنشطت وبقت تهضم الأكل أحسن من الأول ودا وضح لي من التجشؤ (الكريع) النزل علي فجأة من بديت أستخدم القرض .. قبل كدة كنت بتجشأ بصعوبة جدا .. لكن والحمد لله بقيت أتجشأ كتير وبصوت مسموع مع الإطالة في المدة مع راحة الواحد يشعر بيها بعد العملية دي ..!
الأكيدة لي تلاتة يوم ما استخدمت كبسولات ال AMIPRAZOLE الكنت بستخدما يوميا لمنع الحموضة وتسهيل عملية الهضم ..!!
الحمد لله ..
شكرا هاشم بدر الدين .. |
ناذر
سلامات ورمضان كريم
ألف حمدلا على السلامة
عندما قرأت وصفك لحالتك قلت لنفسى هذا الرجل (كاسر بستم وما حينفع معاه قرض ولا لحام) لكن الحمد لله القرض أفادك.
(بينى وبينك كده أنا كلمة (يتجشأ) دى لم أقرأها أو أسمعها من زمن الزحف الصحراوى ).
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
سلام هاشم ..
| Quote: عندما قرأت وصفك لحالتك قلت لنفسى هذا الرجل (كاسر بستم وما حينفع معاه قرض ولا لحام) لكن الحمد لله القرض أفادك. |
الحمد لله القرض اشتغل كويس .. مش كدة وبس .. كمان تعودت على مرارتو وبقى لي طبيعي جدا ..!
امبارح بالليل جيت متأخر وما جهزت القرض .. كسلان أعملو .. شعرت انو الحيرقان داير يظهر لكن في شي مانعو .. أقرب احلف انو زي الكأنو قرض اليوم القبليهو مكاوش الحيرقان جوة في المعدة أو المري ..! شعور غريب ما قادر أوصفو ..! قعدت في التلفزيون لحدي قريب أذان الفجر قلت أشوف النهاية شنو والحمد لله بواقي القرض سيطرت على المعركة الداخلية دي ..!
لكن بالرغم من دا قبل النوم جهزت كباية قرض كرعتها وتكرعتها بإرتياح ونمت والحمد لله ..!
بالمناسبة . ما جربت وصفة خضر الطيب بتاعت الهبود لأنو الوالدة نصحتني ما أجربا هسي . لأنو لو جربتها مع القرض والحيرقان راح ما حا أعرف العالجني ياتو فيهم بالضبط .. فقلت اواصل في القرض لحدي نهاية الشهر وبعد داك يا الكانون جاك نفر ويا رمادك أنا حمادك ..!!
مشكور مرة تانية ..!!
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: ناذر محمد الخليفة)
|
Quote: قبل فترة إتعودت كل يوم وأنا طالع للشغل
أشيل معاي حبة كمثرى وإنقطع دابر الحيرقان |
معاوية المدير
سلامات يا حكومة
ورمضان كريم
رغم أنى غادرت بلاد الشرق الأقصى منذ ثلاث عقود إلا أننى لا أزال أعمل بالكثير من حكم أهلها. منها قولهم إن سافرت الى بلد آخر فكل من نباتاته فإن كان فى ذلك البلد مرض فان الوقاية منه تكون فى ذات الطبيعة من أعشاب وخضر وفواكه.
الموز بكل أنواعه هو أهم غذاء فى يوغندا، واليوغنديون يبدأون يومهم من الفجر بأكل موزة صفراء (وهى عبارة عن وجبة كاملة) ويصنعون من الموز الأخضر عصيدة توكل مع كل أنواع الطعام. قد لا تجد نسبة 1% من السودانيين يأكلون عصيدة الموز الأخضر (الماتوكى) ولو أكلوا الموز الأصفر لا يكون ذلك فى الصباح الباكر.
قد تكون الكمثرى هى الوقاية من الحريقان فى بريطانيا لكن ربما تكون فواكه أخرى فى بلاد أخرى هى ايضا وقاية، والله أعلم.
بائعة الموز
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
Quote: الوكت داك قال لي الفتاك صغير وممكن يتعالج بي نظام معين واذا لم يتعالج ممكن يتعالج بي عملية جراحية صغير في فم المعدة .. كتب لي حبوب أميبرازول كبسولات وهي متوفرة في السودان بأكتر من 15 اسم تجاري والأكترية صناعة هندية وفي نوع صناعة سودانية .. فضلت اتناول الحبوب دي بمعدل حبة كل يومين أو تلاتة والحمد لله نجحت كتير في التخفيف من الحموضة والحيرقان ..
فبفتش لي علاج جذري .. رايك شنو في العملية الجراحية ؟ وهل هي حل جذري ؟ لأنو مع مرور السنين الحيرقان اتطور لدرجة منعي من تناول أطعمة كتير محببة .. وفي اطعمة اذا أكلتها بتهيج المعدة وبستفرغا من غير اي سبب .. وفي أطعمة تانية المعدة ما قاعدة تهضما نهائي حتى لو أكلت منها كميات قليلة ..!
فهل عملية الحجاب الحاجز بتنتهي من كل المشاكل دي ؟!
مشكور مقدما .. |
شكرا اخي الغالي ناذر للثقة
وسعيد ان القرض عمل معاك نتائج جيدة . ساعدة بالهدوء , والوجبات الصغيرة والبعيدة عن الدهون الكثيفة والتوابل التقيلة ..
الاخوة الاشارو للفاكهه كلامهم علمي وجليل .. الفواكهه نعم غذائية و تمد بالفيتامين وسهلة الهضم و لا تحتاج افراز عالي من عصارة المعدة
بعكس الدهون واللحوم , اما التوابل فهي تسرع عمل المعدة بشكل اضافي وتخدش الجدار ..
مثال د ارباب عن ان فم المعدة والمعدة مثل الكفر مبالغة في التشبية والاناقة , وعجبني جدا ! .
ان شاء الله امورك تضبط وما تحتاج الي عملية, ورغم معرفتي بالاجابة , الا انك حملتني امانة خلتني اعمل بنظرية
وذو راي ويستشير ! ..
وبعد مراجعتي لزملاء في الجراحة احدهم عنده ذات مشكلتك .. اشارو في حالة استمرار المعاناة سنين والمشكلة فعلا من فتاق , الافضل تصليحة
جراحيا , وهي من نوعية العمليات الغير معقدة ولها عدة طرق لاجرائها ..
اكثرو من الفاكهة والخضار , وحافظو على اوزانكم في حدود الوزن المثالي , وان شاء الله موفقين ..
رمضان كريم
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Yassir Tayfour)
|
Quote: يا هالك قالو دي مالك محمرها؟
والقرض مسحون ولا حب ولّ شخلوب؟
---
عندنا صاحبنا بشتكي من البواسير، واحد وصف ليهو حبوب شكلها وحجمها زي قرطاس الورق بتاع التسالي، قلت ليهو الحبوب دي لو شالت منك البواسير بتحتاج ليك لي علاج تاني للسايِّد إفّكت، قال لي السايد إفِّك شنو؟ قلت ليهو ده سؤال تسألو؟ |
غايتو يا ود طيفور المسخوت أي زول عايز يحافظ علي صيامو يبعد من الحتات الإنت فيها..
هذا واننا والله مشتاقون وكده.. كما إن صاحبك والله سؤالو بايخ بالجد..
،
سلام هاشم بدر الدين وضيوفه الكرام، وربنا يشفي ويعافي من الحرقان وتوابعو.. وتصومو وتفطرو على خير
،
،
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: بدري الياس)
|
شكرا دكتور شهاب ..
Quote: وبعد مراجعتي لزملاء في الجراحة احدهم عنده ذات مشكلتك .. اشارو في حالة استمرار المعاناة سنين والمشكلة فعلا من فتاق , الافضل تصليحة
جراحيا , وهي من نوعية العمليات الغير معقدة ولها عدة طرق لاجرائها .. |
حزمت أمري على إجراء العملية إنشاء الله بعد العيد وربنا يوفق ..
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: ناذر محمد الخليفة)
|
| Quote: حزمت أمري على إجراء العملية إنشاء الله بعد العيد وربنا يوفق .. |
بالف الف سلامة ياغالي
وان شاء الله باذن رب العالمين بالشفاء ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
Quote:
1275 مطالعة ههههههه
والله اتاريهو الناس دي ممكونة وصابرة
الاخ هاشم
تحية طيبة ورمضان كريم وتصوم وتفطر على خير
شخصيا كانت عندي تجرية مريرة مع الحيرقان والحموضة والحمد لله انه مدتها معاي ما طولت اسبوع او عشرة ايام ما متذكر
معانا واحد خواجة في الشغل شكيت ليهو وقلت ليهو عندي حموضة بالانجليزي يا رجالة
الزول قال لي دقيقة بس، مشى مكتبه وجاني راجع باربعة حبات يابانية، قال لي ابلع الاتنين ديل اول ووراهم واحدة من ديل، وامش البيت بعدين وابلع الاتنين الباقيات ديل، قسما بالله والفضل من عند الله، بقيت ان غطست في ملاح الروب واكلت العصيدة مرة يادوب احسس احساس انه زي الاكلت لي حاجة مرة. طبعا الحبتين الفضلن اديتهن زول صاحبي لكن والله نسيت اساله عملن معاهو شنو
الحبوب اليابانية دي انا مجربها عندي صداع بتاع جيوب انفية مزمن كل ما اجي الصباح الشغل ومع فتحة المكيف لازم ابلع حبتين بندول، المهم زول من الخواجات ديل اداني اربعة حبات قال لي ابلع اتنين، والكلام دا قبل شهرين (فتحت الدرج عشان اتاكد واحلف صادق) والله العظيم الحبتين التانيات لحدي هسي قاعدات في الدرج
ربنا يشفى كل مريض
وصراحة قصة الهبود والقرض دي ما جربتها، ياريت ناذر يدينا خبرها |
محمد عمر الفكي
سلام كثير
ورمضان كريم
الحمد لله على سلامتك وربنا يديم العافية
عندما عشت فى اليابان كانت الأدوية بدرات نذيبها فى الماء ونشربها، وطعمها نيم نيم
Quote: نبات القرض هو من شجرة السنط،
نبات القرض هو من شجرة السنط، وهو عبارة عن ثمر شديد المرارة وجاف، وبه حبة سوداء من الداخل، و لونه أسمر والمعرف ايضاً بالصمغ العربي- طلح- سيال- صمغ السنط - قراض- قرض- أم غيلان
الاستخدامات
قابض - مطهر - شحوب الوجة
الأمراض الصرع - البواسير - الإسهال الدموى - السعال - نزلة البرد - التنيا - التهاب اللثة الوصفات يدخل فى المستحضرات الصمغية مانع للحمل عند المرأه ك لبوس مهبلى |
http://el3taar.blogspot.com/2013/05/blog-post_1065.html
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
السلام عليكم ورمضان كريم
موضوع شيق.
حبيت أضيف أن ينام الواحد على شقه الأيمن، وقيل أن هذا يخفف من الحيرقان مع فوائد أخرى. أهمها اتباع السنة النبوية.
وفي البخاري أن رسول الله صلى الله عليه وسلم كان إذا أوى إلى فراشه نام على شقه الأيمن ثم قال : اللهم أسلمت نفسي إليك، ووجهت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجا منك إلا إليك، آمنت بكتابك الذي أنزلت، ونبيك الذي أرسلت.
ورمضان كريم.
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Elawad Eltayeb)
|
سلامات يا شباب وآسف جداً على الإنقطاع
كانت المشكلة حيرقان وأصبحت فيضان
Quote:
عافي الله الجميع من كل مرض،وخصوصا مرض القرحة،
احببت ان احكي قصتي مع القرحة،ولعلها من اطول الرحلات،اصبت بها في عام 73،وانا بالثانوي العام،عمري14 عاما،ولقد بدات من ليلتها حادة وناذفة، شخصها د بشير ارباب وبدت رحلتي معها،واهتمامي بشانها،سيقول الاطباء ان الاكل لا يفرق كثيرا،وهذا تنفيه التجربة،تطببت عند عشرات الاطباء، خارج وداخل السودان،فما وجدت كالحمية دواء،وجبات خفسفة،6 او 7 مرات،اختي الدهن،المحدقات، التدخين، المشروبات ال...والكوكا، الاسبرين وبنات عمه،القهوة التقيلة والشاي التغيل،البرد ،الزعل، عليك بالخضار المسلوق،الزبادي، العسل،والحليب قليل الدسم، جربت القرض وافادني والرماد كل للحوامض،استعمل ثلاثي،ذانتاك او سيمتدين اوغيره مع مضاد حيوي مع فلاجيل 6 اسابيع كما يشير لك الطبيب المعالج، لا تلجا للجراحة الا انقاذ حياة فمضاعفاتها،ليس دائما بالطبع ،احسن منها الم القرحة والحوامض.
الحوامض وحتي القرحة تنظيم حمية وحياة،واذا حدث لا قادر الله اصيب الانسان بالقرحة فلا ينزعج،
اربعين عاما بحمدالله،نقلت لي عشرات قزازات الدم ،ولم تمنعني بفضل الله من الحياة،شفيت منها الان برحمة الله واتباع الحمية ،اكرر،الاكل،القلق،وكل ماذكر من دواء بلادي جربه الاخوان،مفيد . |
عبدالعزيز عثمان
سلامات يا حبيب
ورمضان كريم
ألف شكر لسرد تجربتك مع القرحة
ربنا يديم عليك العافية
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
Quote:
الله يرحم والديك
فعلاً القرض عجيب
تجربتي الشخصية ،،، كنت أعاني من إحتقان دائم في اللوزتين وقد تم نصحي بأن أضع حبتين قرض في فمي ( تحت اللسان ) ليلاً وأمتص ماءها وحتى الصباح
وقد كان ،،، فقد تخلصت في تلك الليلة من هذا الداء وأصبحت معافى والحمد لله بعد التخلص من تلك الباكتيريا اللعينة
والحمد لله لي الآن أكثر من خمس سنوات ولم تعاودني أعراض إحتقان اللوزتين
جربوه وما حتندموا أبداً
مودتي وشكري لصاحب البوست |
سيف الدين محجوب
سلام كتير ورمضان كريم
الحمد لله الذى عافاك
وشكرا على نقل تجربتك
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
Quote: غايتو انا بضمن ليكم ماف زول في الدنيا دي ممكن يكون عندو حرقان أكتر مني..
وبضمن ليكم ماف زول مهمل بطنو زيي ..للدرجة اللمن أمشي لي أيي دكتور بقول ليهو بطني دي فيها بلاوي كبيييرة عليييكم الله اعملوا لي منظار شوفوها..
كل الدكاترة اللي مريت عليهم مننن التسعينات ولحدددي الليلة كلهم مصرين إنو العندي ده القولون وفي رواية المصران العصبي..
اخر واحد ده زاد ليهو حاجة كده قال لي في دهون حول الكبد ولا شنو كده ما عارف..
المهم انا أحسسسسن زول بيخالف كل قواعد الأكل الصحي اللي بيعمل الحموضة والحرقان فانا من عشاق البيرقر والبطاطس والبيبسي والكلام ده منن ايام السودان يعني ما عندو علاقة بي الاغتراب :):)
مع العلم إني لحدددي اللحظة دي ما بستعمل حبوب مهدأة ومخليها بالبركة عشان كده عندي إحساس إنو وقعتي ح تكون كبيييرة ..
زمان في إختبار كده بيعملوهو للمعدة بتاع باكتريا اظنو غايتو ده أظن السودان كلللو عندو والغريبة الدكاترة هنا بيتعاملوا معاهو بنوع من الجدية وانو ده سبب البلاوي ومع كده نحن السودانيين حايمين بيها عااادي ..
اسوأ مراحل الحموضة القصة بتاعت الريفليكت ولا هي إسمها الإرتداد ما بعرفا ليكم ..وهي إرتداد جزء من الطعام بصورة مفاجئة من الفم ومرات مرات كده بتجيب ليها من الأنف والله لمممن تستشهد وتقول خلاص انا مت..
اها يا جماعة ادونا حل للقصة دي غير وقف البيرقر والبطاطس والبيبسي واكون من الشاكرين .. |
عمر الفاروق
سلامات ورمضان كريم
إدمان ال junk food مشكلة يستهين بها أغلب الناس
ربما تناول الخضروات والفواكه يحدث شئ من التوازن
لكن الدهون الحيوانية خطرة على الصحة
والحيونات والدواجن اليوم تحقن بالكثير من العقاقير لزيادة وزنها وإنتاجيتها
وكذلك الخضروات والفواكه مشكلتها الأسمدة الكيميائية والمبيدات الحشرية والهندسة الوراثية
الخيارات لم تعد كثيرة
http://www.nytimes.com/2013/06/24/booming/you...t-a-tomato.html?_r=0
| |
|
|
|
|
|
|
|
|
|
Re: أفضل وقاية من الحيرقان فى نهار رمضان (Re: Hashim Badr Eldin)
|
Quote: كابتن هاشم والأخوة المتداخلون
تحياتي ورمضان كريم ..
كنا نعرف الهبود (الرماد) كعلاج ناجع للحيرقان ... لكن القرض ده جديد علينا ..
بس عندي علاج مختلف تماماً .. وذلك بأن تنام ورأسك مرتفعاً بمقدار طوبة أو طوبتين عن باقي الجسم ... يعني ترفع السرير من ناحية الرأس بمقدار عشرة سنتمرات تقريباً ... ولا تضع مساند فإنها لا تجدي ... إذ يجب أن يكون الجسم كله منحدراً من ناحية الرأس ... داوم على هذا الوضع أسبوعين أو شهر ... وإن زدت فلا بأس ... جربوها ...
ورسلوا لي البياض على البروفايل بتاعي .... |
عبد الباقي الجيلي
سلامات ورمضان كريم
يا كومريد أنا سنين طويلة بنوم فى الأرض
طيب وصفتك دى نعملها كيف .. نحفر ولا نبنى
| |
|
|
|
|
|
|
| |
Hashim Badr Eldin
بدرالدين الطائف
Idris Logma
الشفيع وراق عبد الرحمن
نافع الكوماوي
وليد محمد المبارك
خضر الطيب
ناذر محمد الخليفة
عفاف ابوكشوه
علاء سيداحمد
معاوية المدير
شهاب الفاتح عثمان
محمد عمر الفكي
معتصم الطاهر
عبدالعزيز عثمان
سيف الدين محجوب
عمر الفاروق
عبد الباقي الجيلي
Asim Fageary
Yassir Tayfour
Afraa Sanad
ايمن الصادق
وليد عبد اللطيف
HAYDER GASIM
tmbis
فيس بوك
تويتر
انستقرام
يوتيوب
بنتيريست