|
Re: صلاح قوش عبدلابى وليس من أهلنا الشايقية (Re: حاتم الياس)
|
كل عام وانت بخير
عبدلابي ولا شايقى ولا جعلي ولا دنقلاوى يعنى شنو ؟؟؟
هل بمنع انوا يحاسب امام محكمة عادلة
ياخى ديل بلاء الله فكاهم فى السودان عالم ماعندها زمة ولا ضمير ولا انسانية من كبيرن لى صغيرن
كيزان دمروا البلد وشردوا اهلها
ناسين انوا فى النهاية بمشوا ساااااى وانو الكفن ماعندوا جيبوا وانوا الله بمهل ولا يهمل
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: حاتم الياس)
|
Quote: صلاح قوش عبدلابى وليس من أهلنا الشايقية |
واحسن العبدلاب ولا الشايقية ؟؟
ــــــــــــــــــــــــــــــ اووووع تقول لى احسن الجعليه ... انتو تعبانين وكلو عند العرب صابون .... لوووووووووووب يا الياس عايزة امرضك شوية يشبكوك عشان شايقى عشان شايقى ولما تجى تقول ليهم ما شايقى يقولوا ليك الفرق شنو .... واصل فى موضوع البوست عشان تمرقنا كلنا من جنوب الاطلنطى ... نفسى اقرا عن الهجرات دى شوية !!
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: العوض المسلمي)
|
دينا من تركاكا ياالعوض...يالعوض شوف قصة شايقية أتحولت من قبيلة عند البعض لمدلول مشحون بالسياسى بدلاً من قصة قبيلة..والزغاوة من أكثر القبائل التى تعرضت للتشويه قبل الشايقية فى صراع سياسى/اقتصادى... ماعلينا قصة الهجرات دى باب مهم جداً هسع أنا محتار فى اسم (السيسى) ده..كيف اتفق انو يكون موجود فى دارفور ومصر...
بالمناسبة اهلنا الرشايدة أحتفوا بمرسى جداً حينما تولى الرئاسة وقالوا أن مرسى من رشايدة مصر..واسمه الكامل محمد مرسى العياض الرشيدى...ولأول مره عرفت ان هنالك قبائل للرشايدة بمصر لكن بداوتهم اندثرت بفعل الجذب الحضارى القوى لمصر..
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: omer osman)
|
Quote: لمن اقول لي زول انا شايقي بقول لي شايقي من وين ؟ اقول ليهو من جلاس بقول لي ابداً انت بديري دهمشي اها في اطار بحثك ده شوف لي قصة البديرية الدهمشية مع الشوايقة شنو ؟ |
يا عمر عثمان سلام وتصوم وتفطر على خير. ولا يهمك ما دمت بديري دهمشي إنت مواطن الزيك شوية. قرِّض على كدا. بس الجماعة لو قالوا علي عنصري ما تقصِّر معاهم. تحياتي.
كبـّاشي الصـّـافي
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: Kostawi)
|
رمضان كريم وتصومو وتفطرو علي خير
Quote: نفس السؤال سألتو لأمريكي سألني راجع What do you mean?
|
يا كوستاوي الأمريكان ديل في كل إستماراتهم عندهم سؤال عن ال ethnicity د تفرق شنو عن القبائل العالم المتمدن الذي تخلي عن العنصرية ليس أمريكا شوف مثال غير ده
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: اسماعيل عبد الله محمد)
|
محمد الشيخ تحية من عمك الياس مازال يرابط بتلك الجهات منافحاً...
عمر عثمان ياجنابو شايف د. محمد جلال هاشم اجتهد مع البديرية كتب عنهم لكن بقصد (أكاديمى سئ المنهج والمقصد) بتلقاهو فى عدد كرامة قبل الخير بتاع أتحاد الكتاب السودانيين...
سيف مساعد نشكرك على المرور.. وأيمن كفيتنى مؤونة الرد على أخونا كوستاوى المتافف من القبيلة والقبلية..
الأخ اسماعيل البوست ده عن (الهجرااااااااات) يعنى زى المعالية كانو بجهة أم ضون بان والعسيلات ومازالت لهم اراضى هناك باسمهم وجزيرة بنهر النيل تسمى بجزيرة المعاليا..الغرض من البوست هو أن يجمع شتات الكتابات والأراء من الأرث الشفاهى للكتابة فيه..وأنت شابكنى (تضامن) والعامل البحراوى
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: أيمن الفاضل)
|
Quote: يا كوستاوي الأمريكان ديل في كل إستماراتهم عندهم سؤال عن ال ethnicity د تفرق شنو عن القبائل العالم المتمدن الذي تخلي عن العنصرية ليس أمريكا شوف مثال غير ده |
يا أيمن الفاضل سلام وتصوم وتفطر على خير. ينصر دينك ويشرِّط دلاقينك ويديك بدلهم واحدات جداد من هارودس اللندني... المنديل ب100 جنيه إسترليني. قلت لي أم ريكة فيها عنصرية؟ طيب البقنع الديك شنو؟ وبعدين يا أيمن مش إسرائيل فيها عنصرية؟ يقدر ود مقنّعة يقول ليها تلت التلاتة كم؟ تحياتي.
كبـّاشي الصـّـافي
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: cantona_1)
|
سلآمات يا حاتم، والتحايا عبرك لعمنا الياس. تصوموا وتفطروا علي خير.
إن بِقا عبدلآبي، ياهو نفراً ليك، واسأل الوالد من ذلك.
كوستاوي يا حبيب لك التحايا، ورمضان كريم.
يا اخي ربنا سبحانه وتعالى قال: إنا جعلناكم شعوباً وقبائل لتعارفوا. إن خرجت القبلية من هذا الإطار فهي رجس من عمل الشيطان...
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: معاوية المدير)
|
Quote: كوستاوي يا حبيب لك التحايا، ورمضان كريم.
يا اخي ربنا سبحانه وتعالى قال: إنا جعلناكم شعوباً وقبائل لتعارفوا. إن خرجت القبلية من هذا الإطار فهي رجس من عمل الشيطان... |
يا معاوية المدير سلام ورمضان كريم تصوم وتفطر على خير هو يا زول القرآن الكريم دا كل الناس بتقراه وبتعرف معناه؟ تحياتي.
كبـّاشي الصـّـافي
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: حاتم الياس)
|
Quote: مناطق تنقسى وقشابى |
ربما من الترجمة ولكن اظن المقصود هو تنقاسي مقر ناظر عموم الشايقية ( عندما كانت لديهم نظارة ) و سكان منطقة تنقاسي اغلبهم من الكندقاب و لهم فروعهم بقري و ودالبصل و الحلفايا و هم متصاهرون ومندمجمون بشكل متداخل مع العبدلاب . ز كدنقاب تنقاسي يرجهون الي رغيم ابن كدنقا ابن شايق و تجد في اعلب الكتب التي كتبت عن فروع واصول و بطون قبيلة الشايقية يكتبون عن فرع الرغيماب بانهم بسكنون بفري و تنقاسي بمدبرية دنقلا . عموما اذا اردت ان تحدد نطاقا جغرافيا لتواجد الشايقية فلم تعد منطقة ريفي مروي الا الوطن التاريخي لهم حبث يزورونه عند حصاد النخيل و مناسبات الافراح والاتراح . واظن الذين من اصول شايقية بمنطقة الديوم الشايقية و السجانة عدديا اكثر كل سكان محافظة مروي . اما في موضوع الشخص المذكور في الخيط فلنتجد شايقي ليس به لينك عبدلابي و العكس صحبح مع اعتقادي الجازم ان القبلية صارات من اركان ازمة السودان المتأصلة الا ان تشريحها أحد وسائل العلاج
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: osman righeem)
|
سلامات أخ حاتم الياس لاأدري شئيا عن الخلفية العرقية للشخص المذكور ولكن ما أعرفه إن الإنتماء للشايقية ( " بمنطقتهم " التقليدية) أصبح- طابعه ثقافي وإجتماعي أكثر منه عرقيا - لهجة- غناء- مديح - تراث - عادات وتقاليد الخ- فكثيرا من البيوتات - الدينية- والإجتماعية -في المنطقة لاينتمون عرقيا للشايقية وكثيرا من أعمدة الفن والثقافة 'الشايقية" ينحدرون من قبائل أخري- بل وكثيرا من الساسة الذين يصنفون بأنهم شايقية - ليسوا بشايقية دما- ولكن بحكم الإرتباط الثقافي والوجداني والإجتماعي والتعائش بل والمصاهرات - أصبح كل هولاء "شوايقة" بحق ولم يعد يذكر أو حتي يهتم بخلفيتهم العرقية - وبنفس القدر هناك شوايقة نزحوا قبل أكثر من 150 عاما لولاية نهر النيل والحلفاية والجزيرة الخ وأستقروا فيها- وتمازجوا مع سكان تلك المناطق وأكتسبوا "طباعهم وثقافتهم" ولم يعود يربطهم بالقبيلة سوي - المسمي! -
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: كمال عباس)
|
حاتم الياس
تحياتي ياخ هناك كتاب صادر عن جامعة هارفارد الامريكية و كاتبه قبطي و اظن اسم الكتاب (مترجم) "الناس و الاقتصاد في السودان" يزعم فيه الكاتب ان اغلب سكان الشمالية اصلا من غرب افريقيا(ليس بالضرورة فولاني) و اتوا بعد حملات الدفتردار الانتقامية التي اخلت الشمالية تقريبا من السكان و الكاتب يزعم ان اغلب من يسمون انفسهم جعليين في السودان هم من الفولاني من الحاجات الشائعة انك تجد منطقة اسمها" دار مالي" و غيرها من الاسماء التي تشير بوضوح للاصول الغرب افريقية في الشمالية لكن اقطع ليك حاجة انا سمعتها كتير جدا من اهلنا (طبعا انا فلاتي) انه البديرية فولاني!
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: بدر الدين احمد موسى)
|
يابدر الدين الكاتب اسمه (ايوب جرجس بلمون) وهو كتاب مهم للأسف لم يترجم غلاقو أصفر كده..تعرف فى زيارتى الأخيرة للمغرب وجدت ان مركز الدراسات الاسيوية والأفريقية بجامعة محمد الخامس قد قام باعادة طبع عدد كبير من المخطوطات القديمة عن اثر الفولانى فى بلاد المغرب الأثر الدينى والأجتماعى ومن الحاجات المدهشة أننى وجدت كتاب عن رجل دين من الفولانى أسهم فى حركة التجديد الاسلامى فى المغرب قبل ثلاثمئة عام يفرد الكتاب لمراسلات ومحاورات الرجل الى أن ويتابع سيرته الى ان يقول لك فى النهاية أنه دفن بقرية (تمبول) زول قوم ليك المغرب وقعده وبعد داك عاد وتوفى بتمبول (الكتاب بطرفى لكن غتاته لابقول اسمو لاعنوانو)..لكن المكتبة بشارع محمد الخامس بالرباط فاتحة على البرلمان المغربى وقريبة من (اللاقار) محطة القطار..مبحث الفولانى ووجودهم بشمال السودان مبحث مهم وأعتقد اننى قلت أنه لاتخلو منطقة من مناطق الشمال اٍلا وهناك أسر شهبرة جداً تمتد باصولها للفولانى , دار مالى يقال أنها دار ملو ولاأجزم اٍن كان ذلك صحيحاً آم لا..ياخى السودان ده فيهو ناس جايين من المجر تانى شنو!!
كمال عباس اتفق معك , بأن الأنتماء هو أنتماء ثقافى فكما تعلم أن كثير من الناس ينتمى لقبائل الجعليين كانتماء ثقافى او بحكم المنطقة لكننى أعتقد ان الشوايقة تحملوا عـــــبــــــــء كبير نسج على منوال سياسى ضيق فى فهم طبيعة النزاع فى السودان لكن المهم أن الشايقية كقبيلة او مجموعة ثقافية هم بلاشك حضارياً وتاريخياً من رواد صناعة الدولة السودانية الحديثة وواهم من يعتقد أنهم حالة أنقاذية لأن عليه مراجعة تاريخهم واثرهم فى السودان
رغيم اشكرك للأفادة المهمة وأعتقد أن هنالك فرق بين تنقسى وتنقاسى تنقسى الجزيرة تنقاسى السوق تنقاسى الرويس الغريب أنو فى تنقاسى السوق يوجد موالين للأنصار منذ عهد المهدية على الرغم من أنها منطقة كثيفة الأنتماء ودائرة مغلقة للختمية ليت فى وسط هذه الكتابة أن تفيدنى بالأسر الأنصارية وسط الشايقية وكيف جاء هذا الأنتماء ..
ود المدير.....سلامات وأطمئن على العقاب منكربين كلهم..
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: Kostawi)
|
سلام ورمضان كريم لحاتم و ضيوفه
خرده قال
Quote: نفس السؤال سألتو لأمريكي سألني راجع What do you mean? |
هو في قبائل اكتر من بتاعة الامريكان؟؟ الامريكان عندهم قبائل من نوع تاني (أيريش اميريكان، ايتاليان اميريكان، أفريكان اميريكان) وحسك عينك تسكن جنب القبيلة المعينة وانت ما منهم، تاني يوم برحلو بخلو ليك الحلة كلها وكل بني كجة ساكنين جنب بعض، مافي اختلاط زاتو الا في العمل، والعمل زاتو زي كل نوع من الناس عندو حتت معينة الافروميريكان عليهم سواقة البصات والقطارت وعربات الوساخة، وعربات البريد يشلركهم فيها الصينيين اميريكان الايتاليان اميريكان محلات الديلي والبارات والبيتتسا، الاسبانش اميريكان او الهسبان، نضافة المكاتب والبيوت واي مقشاشة حايمة مسؤولين منها وقطيع الشجر و حش النجيلة و الكونستركشن، الحبش اميريكان و الافغان والهنود اديهم ال 7-11 ـسفن إلفن والتكاسي و المطاعم و الجرسونية والبقالات الخخخ قبائل الكترونية تقيل تقولي فولاني.
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: amir jabir)
|
على صعيد متصل بالموضوع ( لايمكن ان يحسب اى شخص سلوكى الشخصى على شعب جبال النوبة العظيم )
سلوك صلاح غوش سلوك شخصى علية ان يدافع عن نفسه فى المحكمة هذا السلوك لا يشبة سلوك اى سودانى
الانقاذ قبيلة سودانية تجمع اسوء سودانين على مر التاريخ لذلك يجب ان نقضى عليها
دا راينا المتواضع
| |
|
|
|
|
|
|
Re: صلاح قوش عبدلابى وليس من أهلنا الشايقية (Re: معاوية المدير)
|
Quote: هو في قبائل اكتر من بتاعة الامريكان؟؟ الامريكان عندهم قبائل من نوع تاني (أيريش اميريكان، ايتاليان اميريكان، أفريكان اميريكان) وحسك عينك تسكن جنب القبيلة المعينة وانت ما منهم، تاني يوم برحلو بخلو ليك الحلة كلها وكل بني كجة ساكنين جنب بعض، مافي اختلاط زاتو الا في العمل، والعمل زاتو زي كل نوع من الناس عندو حتت معينة الافروميريكان عليهم سواقة البصات والقطارت وعربات الوساخة، وعربات البريد يشلركهم فيها الصينيين اميريكان الايتاليان اميريكان محلات الديلي والبارات والبيتتسا، الاسبانش اميريكان او الهسبان، نضافة المكاتب والبيوت واي مقشاشة حايمة مسؤولين منها وقطيع الشجر و حش النجيلة و الكونستركشن، الحبش اميريكان و الافغان والهنود اديهم ال 7-11 ـسفن إلفن والتكاسي و المطاعم و الجرسونية والبقالات الخخخ قبائل الكترونية تقيل تقولي فولاني. |
تاج السر يا بني كجة ايتاليان أميركان ما زي الشايقي أميركان أو أمهرة أميركان سمعت ليك بإتاليان أميركان بقول لزميل آخر ايتاليان أميركان دا جعلي إيطالي أميركان?
ياخ ماشي بعيد لية هسع بريمة المرهاض دا تقول ليه أنت سودانيز أميركان يقول ليك لا أنا حوازمة أميركان و كابوي كمان.
يا زول نحن شعب كتب علينا الشقاء و البكاء
| |
|
|
|
|
|
|
|