|
Re: دفتر احوال ضابط الشرطة المناوب{2011} (Re: عمر محمود محمد)
|
Quote: معبر شدييييييييد ياريت يتنقل لبوست منفصل حتى يطلع عليه الاخرين ......... |
شكرا للاخوان علي السر وعمر عثمان والاخ الفاضل عمر محمود ود الحوش
علي مروركم الجميل وما هو الا تعبير حزين لما يجيش في خواطر كل سوداني
متالم لانشطارة من من تعايش معهم .....
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
سلام للبوليس الجوه وبره
كل سنه وإنتو طيبين ،تامين ولامين وفى عرفات واقفين ولابو فاطنه محيين.
الغيبه قسريه وجبر والقهر حاصل والهزيمه وهاء السكته وحاجات تانيه حاميانى .
صورة التلب مع الزول الاجنبى دا بتثير فى الزول زلازل غبائن ومرارات وأسيه حدود الغصه !
الزول المع التلب دا إسمو :
لوكا دينق مجوك ،إبن الناظر دينق مجوك ذات نفسو .
مواليد العصر الاكتوبرى فى كشمير.. أقصد أبيى
درس كل مراحلوا التعليميه فى السودان....
إلتحق بكلية الشرطه السودانيه 16/فبراير عام الثوره التانيه،تخرج فيها 8(!)ينايرالعام1987
تدرج فى الرتب حتى رتبة العقيد وسوف يتم تسريحه خلال ال6 أشهر القادمه لأنه صار أجنبيا !!!!!! (ياخى إنعل ....كده)
معليش يا لوكا والله ما قادر اكتب
دعنى اتماسك لاوصيك بان توصل صادق محبتى وحقيق إنتمائى لكل احبابى وزملائى من كل الدفعات بدءأ من القائد كنقور مرورا
بجون انطون تكيمو(سينيرى الانيق) وليس إنتهاءباصغر ضابط من إندينا ومن تالاكم ودون ان تمر على قرنق جيل اكوار ونجق سيشود داك والور اروب كوال ,
محبتى التى تعرف .
كده كويس ياعلى ؟
| |
|
|
|
|
|
|
Re: دفتر احوال ضابط الشرطة المناوب{2011} (Re: فارس موسى)
|
Quote: جنابو على سر الختم>>>>وجنابوعاطف عنتر
شكرا لهذة الصور المعبرة جدا جدا ،واثنى راى الاخ عمر عثمان بان
يخصص لة بوست لوحدة حتى يطلع علية الجميع . لتلطيف الانفاس>>>>>>>>>>
ودامت شرطتنا |
شكرا للحبيب عمر الحوش واثنى الفكرة وارشح عمر عثمان ذاتو لفتح البوست..
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
Quote:
تم تغيير النشيد الوطني المصرى وأصبح : بلادو بلادو بلادو ..... مصر لحسني وولادو!!!!
**************
سألوا الرئيس عن رأيه في التغيير ، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة
**************
صعيدي طلب يتعين في مجلس الشعب ، قالوله أنت أهبل؟ قال : يعنى لازم الشرط ده
**************
صعيدي مسكوه بيزور فلوس بيقول للضابط : أموت واعرف عرفتوا أزاي ؟ الضابط قاله : يا ابن الجزمة هو في ورقة ب65 جنيه
**************
ثلاثة محششين وقفوا تاكسي السواق عرف أنهم محششين شغل العربية وطفأها وقالهم وصلنا ، الأول دفع الأجرة ، والتاني قاله شكرا ، والثالث ضربة على قفاه وقاله متبقاش تجري بسرعة تأني
***************
واحد بخيل جاله شحات وقاله : أنا جعان ومدقتش طعم العيش بقالي يومين ، قاله البخيل : هو نفس الطعم متغيرش
**************
موجه لغة عربية بيقول للمدرس : ليه العيال بينطقوا الجيم دال ؟ قاله : ماهو ده اللي مدنني
**************
دعاء زوجات 2010: اللهم أشفي رجالنا من الندالة ، واعمي أبصارهم عن البنات النئاوه ، واجعل نانسي واليسا وهيفاء في عيونهم زبالة ، وصور لهم روبي شغالة ، وقربنا لهم وخلينا في عيونهم أخر حلاوة
***************
قسم الرجال المصريين عند الزواج: أقسم برب البريه ، أن أكون مطيعا للوليه ، وأن أسلمها المهيه ، وكل الحوافز الظاهرة والمخفية ، وأن أقطف لها الملوخية ، وأن أكون في البيت من المغربية ، وحسبنا الله ونعم الوكيل فالست ديه
الصعايدة أحباب الله حسنين بيقول لصاحبه : والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه
تحطمت طائرة صغيرة تتسع لراكبين فقط فوق احد المقابر بالصعيد
اخوانا الصعايدة انتشلوا 500 جثة وما زال الحفر مستمراً
ياعوضين بنتك ماتت
قام الصعيدى وبسرعة رمى نفسه من الطابق العاشر
لما وصل الطابق الثامن تذكر انه ما عندوش بنت
لما وصل السادس تذكر انه مش متجوز
لما وصل للرابع تذكر انه مش عوضين ولكنه حسنين
لما وقع عالارض ماحصلش حاجة
بروفيسور صعيدي اخذ معاه سباك عالكلية
علشان يعرف من فين بتتسرب اسئلة الامتحانات
المدرس طلب من التلاميذ كتابة موضوع عن مباراة شافوها في كرة القدم
كل التلاميذ مشغولين بالكتابة الا عوضين الصغيَر
كتب جملة واحدة وقعد: 'بسبب الامطار تأجلت المباراة'
* مرة واحد صعيدى راح عند الصيدلي قال له: عندك لبن أطفال
الصيدلي سأله : اسمه إيه ؟
الصعيدى قال له : هريدى
* صعايدة عملوا مظاهرة........... لبّسوا واحد منهم بوش وحرقوه
* صعايدة راحوا يلعبو بلياردو طلع واحد منهم عالطاولة و قال يللا يا رجاله انا الجون
* صعيدي راح للدكتور ، الدكتور قال له امشي كل يوم 5 كيلو.
اتصل الصعيدى بعد أربعين يوم بالدكتور وقال له انا دلوقتى داخل على اسكندرية اعمل ايه؟ .
واحد صعيدي فضل 15 سنة يدعي ربنا انه يرزقه بولد
في الأخر نزل له ملاك وقال له " أبوس ايدك اتجوزالاول" |
وصلنى اعلاه بالايميل , قليل من الضحك لا يميت القلب .
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
من الارشيف
Quote: في احدي ليالي الصيف الحاره كان الزملاء يفترشون النجيل امام الغرف .. وكنا انا والزميل وليد سر الختم عائدين من رحلة ليلية في الحي المجاور , وبما ان طبيعة ذلك المشوار اصابتنا بالجوع والعطش فقصدنا مبرد الماء القريب من الغر ف وبعد ان ارتوينا سمعنا ضجيج تحت المبرد واذا بها قطة تتمطي ومن حولها صغارها متشبثين باثدائها , نظرت الي الاخ وليد نظرة عرف مغزاها دون عناء تفسير , فحملنا سويا ماتيسر من قطط وليدة وقصدنا اينما كان الزملاء يهنئون بنومهم فوق النجيل البارد .. وبعد فحص سريع لانسب الضحايا كان الاخ دينق مابور يرقد داخل طلبته المترهله علي جنباته وسيقانه النحيفه في انحناءه محدثة فراغات تناسب مقصدنا تماما وبسرعة افرغنا حمولتنا من قطط داخل سروال الطلبه وتسترنا بالظلام نراقب مايحدث .. ويبدو ان القطط لم تالف مسكنها الجديد ولاساكنيه فاعملت اظافرها بكل مالاقته ... الشئ الذي جعل صديقنا مابور يصرخ ويقفز عاليا وهو يمطر قططا ولم يهدا حتي تخلص من اخر القطط وكان يسب ويتوعد بلهجته تارة و تارة بما تيسر من عربية وغصنا نحن في عتمة الليل حفاظا علي ارواحنا في تلك الليلة علي الاقل .. وبعدها لم يفارق اخونا دينق بنطال الكاكي ك لباس لنومه مطلقا مع تحياتي......
هشام ميز |
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: من موقع سودانيز أونلاين إنطلقت، وتمت مناقشة فكرة (الوقوف يومياً أمام أبواب المنازل من الساعة السابعة إلى السابعة والنصف). الفكرة أن تقوم جميع الأسر السودانية بالخروج والوقوف، كل أمام منزله، لمدة نصف ساعة من السابعة إلى السابعة والنصف، إبتداء من يوم 15/1/2011 ولفترة أسبوع.
الغرض من الفكرة، لفت الأنظار والتعبير عن رفض المواطنين لما يحدث. لا توجد تظاهرات ولا شعارات وبالطبع لا شغب. فقط وقوف رمزي لمدة نصف ساعة. سنكون بهذا حقاً شعباً مبتكر. أداة مدنية سلمية لا تخرق أي قانون (حتى الظالم منها).[/ |
الوقوف يوميا أمام أبواب المنازل من السابعة مساء حتى السابعة والنصف
| |
|
|
|
|
|
|
Re: دفتر احوال ضابط الشرطة المناوب{2011} (Re: omer osman)
|
Quote: تمام سعادتك .......... تم الاجراء ........ ## الانفصال ## وأولاد قبيلة أم زين قبيلة الريدة والعاشقين .. (توجد صورة)
اى تعليمات اخري ..................... |
عارفك ضابط نمر ياعمر عايزين نعمل ليك ترقية استثنائية لكن خايفين من الخرخرة...
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
Quote: وسوف تكون مسدار كل يوم وتعالج قضيتنا الاساسية تقديم الطعن الدستورى
الى المحكمة الدستورية وبسم الله أبدأ
الحق فى المحاكم نجيبو بالدستور
ومابموت الحق هو أصلو وما أظنو يبور
كم ساعة إدارة وكم كم وقفة فى الطابور
بنرجع ليها تانى والدايرة الدايرة جد حاتدور
ما بتدوم يمين ما بتدوم يمين وحانفكو داك ساجور
أخوكم رائد شرطة معاش بشرى مبارك إدريس بريطانيا برمنجهام الدفعة 46 رقم قديم دفعة الاخ على جويلى .
|
الاخ العزيز بشرى مبارك من الزملاء المميزين الذين فقدتهم الشرطة السودانية نتيجة السياسات الطارده التى انتهجها نظام الخرطوم تجاه مؤسسات الدولة لتصبح حكرا على كوادره والموالين له , كاتب حصيف وصاحب مسادير مشهورة , ولديه اسهامات كثيره منشورة فى بعض المنتديات الالكترونية والصحف بالداخل وليقينه بان الكلمة أمضى فى مقارعة الظلم والطغيان , ابت نفسه الأبية الا وان يشاركنا عبر منتدى ابناء السقاى وقد تكرم بفتح بوست بذلك المنتدى لهذا الغرض , وقد وعدنا بمسدار يومى موجه لدعم قضية الحقوق المسلوبة , تقدم الرجل بطلب عضوية للانتماء لهذا الصرح العتيد( سودانيز أون لاين), وكلنا امل فى ان يجد طلبه القبول .
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
أقترح تنقل لينا كل الصور فى البوست القديم هنا ياعلى ليطلع عليها الإخوه جميعاً وخاصه من فاتهم الإطلاع عليها سابقاً
وهاك دى جديده لنج لى أخونا النور يوسف فى رأس السنه فى سريلانكا ( ملطوشه من منتدى سودانيات ) وأخونا النور هو لأمين العام لمنتدى سودانيات
وهذه دعوه للإخوه للتسجيل هناك
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب شيقوق)
|
Quote: قبل أن أواصل فى مساديرى ومشاويرى رأيت أن أقف على إستراحة هامه ولابد أن نفق فيها جميعاً نحن ضابط الشرطة المحالين والذين هم بالخدمة وصراحة ربما خطابى أخصصه الان لمن يكتبون فى سودانيز أون لاين دفتر أحوال الضابط المناوب . بعد الاطلاع المُركز فى كثير من المواضيع وجدت أن محور هجوم الزملاء أنصب على الاخ الفريق شرطة دكتور عادل العاجب وهناك كلمات قاسية قيلت فى الزميل وضابطنا الاعلى الفريق عادل العاجب أرى أننا كان لنا أن نستعمل كلمات (غير جارحة وتؤدى الغرض ولا تؤذى الزميل ولا القارىء ) وسوف أجتهد أن أكتب نماذج لهذه الكلمات فمثلاً كلمة( منافق )يمكن أن تكون بديلها (متخاذل) أو متواطىء أو مجافى للزمالة وناكر للعشرة . هاشم حريقة حريقة فيك وفى شرطتك!! الفريق هاشم مكانك غير مناسب كمدير عام لانك الوحيد النشاز بين كل مدراء الشرطة منذ الاستقلال !!لانك بإختصار لم تضرب النار مع 50 شخص على الاقل ولم تفتح بلاغ ولم تغادر الخرطوم منذ أن تم تعيينك فى الشرطة حتى أصبحت مدير عام فشرطة هذه مواصفات رئيسها مصيرها السقوط لانها من غير قائد لا يعرف أى موقع عمل به خارج الخرطوم وألتقى بكل مساعدية !!! . فإذا رجعت للسيرة الذاتية لكل المدراء السابقين تجدهم قد قضوا سنتين فى كلية الشرطة ودراساتهم كلها قانونية بل على الاقل عمل فى 40 % من مدن السودان المختلفة وإستحيل تجد مدير عام كل حياته قضاها بالخرطوم . كنا ونحن طلبة فى الكلية أى ضابط معامل من ملازم حتى رائد ما بنحيهو لو أشتكانه لمدير الكلية !!وفى 1991م جينا للفرقة الحتمية للترقى للمقدم شرطة ونحنا رواد وجدناهم فى رتبة العقيد والعميد وأعتقد فيهم الفريق هاشم ما كنا بنقوم من قعدتنا !!! . يجب أختيار الكلمات التى تؤدى الغرض فأنظر كيف أختار الباشمهندس الطيب مصطفى كلمة (الروبيضة ) للاستاذ ياسر عرمان وفشّ غبينتو !!فنرجو أن لانحرق بننا بأختار الكلمات الصعبة والقاسية فى حق الزملاء . وقبل أن أختم أضيف هذا المسدار أتمنى أن يكون شعارنا فى الكتابة التى يجب أن تكون فى الصميم دون (أن نفش الغبائن بالكلمات الصبعة والتى ربما لاتجد لها مبرراً أنت كاتبها وأن لاننجر مع حبائل الشيطان الذى يفرّق بين الانسان وأخيه الانسان ولذلك قلت وهذا هو شعارى فى الكتابة إن شاء الله :
ما تقول الكلام الشين فى حقو زميلك وبرضو هو الزميل يا هو الشرب من نيلك الكلمة الجميلة تكون سلاح ودايماً تكون هى دليلك بخور الباطن تكون ونتذكر للايام بتشيلو زى ما تشيلك جمعنا الصرح واحد شعار الشرطة تحميهو وتقيف لى حيلك
|
مسدار اليوم .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
من يعتقد ان الزوجة النكدية ليس لها فوائد فهو مخطئ
فللزوجة النكدية فوائد كثيرة ومن أهمها:
تجعل لسان الزوج رطب بذكر الله
طول اليوم قاعد يدعي حسبي الله ونعم الوكيل
تساعد الزوج على غض البصر لأنه سوف يكره صنف الحريم
تساعد الزوج على صلة الرحم
لأنه على طول هربان عند أمه
تساعد الزوج على أن يحافظ على وزنه ورشاقة جسمه
لأنه دائما ً نفسه مسدودة عن الأكل
وأخيراً ،تجعل من زوجها رجلاً عظيماً
فبسبب قرفه وزهقه منها ، سوف يقضي وقتا ً أطول في العمل
مما يجعله إنسانا ً ناجحاً في عمله ويحقق المثل القائل:
"وراء كل رجل عظيم إمرأة
والبضمن الرجال يضمن المويه في الغربال
يابوليس
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
Quote: علوب
مساؤك خير يا ود المهندس |
الحبيب شيقا مساءالنور ولا هو بقت صباح الخير عندكم هناك يا اخ بعد ما شفنا الصور فى بوست زيارة ماضى ابوالعزائم سوف نخاطبك بالوجيه ودشيقوق من الان فصاعدا شاء اسامة الكرور ام ابى دايما منوّر يا الحبيب
تسلم
وين المسنوح ايمن الطيب طول ماجانى بى هنا؟
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote:
من يعتقد ان الزوجة النكدية ليس لها فوائد فهو مخطئ
فللزوجة النكدية فوائد كثيرة ومن أهمها:
تجعل لسان الزوج رطب بذكر الله
طول اليوم قاعد يدعي حسبي الله ونعم الوكيل
تساعد الزوج على غض البصر لأنه سوف يكره صنف الحريم
تساعد الزوج على صلة الرحم
لأنه على طول هربان عند أمه
تساعد الزوج على أن يحافظ على وزنه ورشاقة جسمه
لأنه دائما ً نفسه مسدودة عن الأكل
وأخيراً ،تجعل من زوجها رجلاً عظيماً
فبسبب قرفه وزهقه منها ، سوف يقضي وقتا ً أطول في العمل
مما يجعله إنسانا ً ناجحاً في عمله ويحقق المثل القائل:
"وراء كل رجل عظيم إمرأة
والبضمن الرجال يضمن المويه في الغربال
يابوليس |
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
الاخوه الزملاء الاشاوش زملاء مهنه كناولازلنا ننتمى لها مهنه كلما بعدت عنها تجد نفسك فيهاوكلما دنوت اليهاتجد نفسك لم تصل عمقها . مهنه جمعتنا بهؤلاء الزملاء والاخوه لكم جميعا تحياتى واشواقى حسب الاقدميه . فانا القادم الجديد القديم .ودمتم..........؛ حسن الكفش او بالاصح حسن عطا المنان محمدابراهيم
| |
|
|
|
|
|
|
Re: دفتر احوال ضابط الشرطة المناوب{2011} (Re: Hassan Ibrahim)
|
Quote: الاخوه الزملاء الاشاوش زملاء مهنه كناولازلنا ننتمى لها مهنه كلما بعدت عنها تجد نفسك فيهاوكلما دنوت اليهاتجد نفسك لم تصل عمقها . مهنه جمعتنا بهؤلاء الزملاء والاخوه لكم جميعا تحياتى واشواقى حسب الاقدميه . فانا القادم الجديد القديم .ودمتم..........؛ حسن الكفش او بالاصح حسن عطا المنان محمدابراهيم |
سيادتو حسن الكفش شخصياً ياخ ده خبر جميل جداً ..........
والله مشتاقين يا ابوعلي ... عساك بخير والاولاد وامهم ...........
طبعا انا برفع ليك تمام الضابط الاحدث منك وانا اقدم منهم ياسيادتك ...........
خد عندك (عمر عثمان وعادل عبدالحميد حمزة وعادل بشير الدفعة 56)
وعندك برضو (ابراهيم الرشيد 55) ....
ماتستغرب ياسيادتك انا عندي اذن من ناس 55 امين نورالدائم وصلاح بابكر الكومر باني اكون اقدم من ابراهيم الرشيد
| |
|
|
|
|
|
|
Re: دفتر احوال ضابط الشرطة المناوب{2011} (Re: omer osman)
|
الكفش حمدالله ع السلامه ، ومرحب بيك
Quote: ماتستغرب ياسيادتك انا عندي اذن من ناس 55 امين نورالدائم وصلاح بابكر الكومر باني اكون اقدم من ابراهيم الرشيد |
يا عمر عثمان إنت ربطوا ليك مكنة 52 وأنينا ما جايبين خبر ؟؟ ولا 55 زادوها مويه ؟؟
نطالب بباس ويرد للكومر !! هو الكومر دا لقب الصادق (استوبر 54 ) ولا لقب صلاح بابكر ؟ مجرد سؤال ؟
حليلك يا إبراهيم الرشيد البقيت مهاسب !!!
تحيه لاصدقائنا من 55
الضو زفت محى الدين تنس (اظهر وبان ليك الامان ) زهير الريده احمد عبد الرافع وقطع شك (الكومر )
اها يا على كده كويس معاك ؟
الدواس جاى
ما ينوم !
| |
|
|
|
|
|
|
Re: دفتر احوال ضابط الشرطة المناوب{2011} (Re: فارس موسى)
|
Quote: يا عمر عثمان إنت ربطوا ليك مكنة 52 وأنينا ما جايبين خبر ؟؟ ولا 55 زادوها مويه ؟؟ |
سيادتو فارس ..... 52 عدييييييل كده لا ده شعراً ماعندنا ليهو رقبة .........
ياخ قول 54 معقووولة شوية ..... ناس زحفنا معاهم الحجل بالرجل في طوابير الذنب في الميدان الاحمر .......
وبالمناسبة دي مابتذكر مشيت طابور ذنب مالقيت اسامة على (الكرور) هناك ...... طوااااااالي مشكل
اما ناس 55 ديل حبايبنا خالص ..... اسه الكلية دي لو فيها فط سنة زي الابتدائي انا ما كان ركبت في سرج واحد مع ناس 55 ديل
| |
|
|
|
|
|
|
Re: دفتر احوال ضابط الشرطة المناوب{2011} (Re: omer osman)
|
Quote: اسامة الكرور
كيييييييييييفك؟
ما شاء الله والله اتاريك - يا سعادتك - قطعة من حاتم مسقط اخي الميرغني
|
مولانا ود شيقوق
سلامات ومشتاقين ..
ومن أستاذ ميرغنى تعلمنا
وجاييكم قريب بدعوه من ميرغنى ( ستكون زيارتى الثانيه لمسقط ) الأولى فى العام 2004م
Quote: الحبيب شيقا مساءالنور ولا هو بقت صباح الخير عندكم هناك يا اخ بعد ما شفنا الصور فى بوست زيارة ماضى ابوالعزائم سوف نخاطبك بالوجيه ودشيقوق من الان فصاعدا شاء اسامة الكرور ام ابى دايما منوّر يا الحبيب
|
يعنى يا على السر داير تفتنى مع ود شيقوق كأنى معترض على وجاهتو ؟؟
بصراحه هو وجيه ( رغم أنفى .. وأنفك )
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
Quote: الاخوه الزملاء الاشاوش زملاء مهنه كناولازلنا ننتمى لها مهنه كلما بعدت عنها تجد نفسك فيهاوكلما دنوت اليهاتجد نفسك لم تصل عمقها . مهنه جمعتنا بهؤلاء الزملاء والاخوه لكم جميعا تحياتى واشواقى حسب الاقدميه . فانا القادم الجديد القديم .ودمتم..........؛ حسن الكفش او بالاصح حسن عطا المنان محمدابراهيم |
حسن كفش
حسن عطا المنان
وقيل إسم الدلع .. نادر
مشتاقين يادفعه .. ونورتنا .. وعقبال بقية العِقد الفريد بطرفكم
وطبعاً موعودين بمداخلات شيقه وصور نادره من عندكم
تحياتى لأُسرتكم الكريمه .. وحباب الطلَه
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
Quote: وبالمناسبة دي مابتذكر مشيت طابور ذنب مالقيت اسامة على (الكرور) هناك ...... طوااااااالي مشكل
|
دا إسمو إشانة سمعه يا عمر
أها رأيك شنو ؟؟ أنا ما بتذكر مشيت طابور ذنب كلو كلو
ومفروض أشيل كأس السلوك .. بس مولانا أحمد سرالختم فاتى بى كم نمره كدا ما متذكر ( كم وش ضاحك كدا)
| |
|
|
|
|
|
|
Re: دفتر احوال ضابط الشرطة المناوب{2011} (Re: muntasir)
|
Quote: اسامة الكرور مشتاقين والله احمد سرالختم جامع الكلية ما لماكم سوا خلى حسن السير
|
مشتاقين يا كوجار
بركه الليله جيتنا
وأما عن شهادتك دى فمشكوك فيها .. أنا شخصياً فى الكليه دى ماشفتك إلا فى التخريج .. تعرف ليه ؟؟
لما نكون فى نشاط الصباح إنت فى طابور ذنب .. ونحن فى المحاضرات إن فى طابور ذنب .. حتى نحن فى السُفره إنت بتكون فى طابور الذنب
كنا بنسمع بيك سمع ..
وبجيب ليكم شهادة مولانا أحمد سرالختم ..
---------
يافارس موسى ياحبيبنا واحده من إتنين .. يا إما تخلى شغلانتك دى تشوف واحده غيرها .. ولا تشترى ليك لاب توب وتخليهو معاك دايماً
ما تغيب ياخ .........
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
ود الباشمهندس علوب
Quote: يا اخ بعد ما شفنا الصور فى بوست زيارة ماضى ابوالعزائم سوف نخاطبك بالوجيه ودشيقوق من الان فصاعدا شاء اسامة الكرور ام ابى |
لالالالالالا يا سعادتك ود الكرور ما بحب الا الخير للناس - الراجل من بيت نارو ما بتنطفئ للصباح ات فاكرو اخخخخخخخخخخخ عايز اقول ليك سنجك لكن تذكرت انت ذاتك ابو السناجك .
Quote: وين المسنوح ايمن الطيب طول ماجانى بى هنا؟ |
يا اخي المسنوح دا ما تطراهو بيكون هسع ذائبا رقة ولطافة مع الجكس
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب شيقوق)
|
Quote: سيادتو فارس ..... 52 عدييييييل كده لا ده شعراً ماعندنا ليهو رقبة .........
|
يا عمر تداعياتكم جميله جدا ،بس ما ترجع البوليس إن رجعت بتربط 44 والله ناس سيد جويلى وسيد فيصل يتضايرو
ويكتفوا ويطلعوا بحقهم فى عشرة الحريق دى !!!!
يا كرور .. يا كرور
إت بصحك
Quote: ومفروض أشيل كأس السلوك .. بس مولانا أحمد سرالختم فاتى بى كم نمره كدا ما متذكر ( كم وش ضاحك كدا) |
دى مش كم وش ضاحك والله التيب اوسمان يوسف إنفقع عديل (وقيل تحسس ركبته اليسرى)
أسامه الكرور الاسماء الخالده فى الشرطه بسمو عليها قاعات الدرس واجنحة المستشفيات إنت إظنو مافى اشهر منك فى الميدان
الاهمر إلا السيد عزالدين عبد المحمود !
طبعا إنتو ماحضرتو ابو محمد جعفر ونتك (51) دا اخريات طوابيرو كانت تحت منصة سوار الدهب وكان مكضبنى اسال عنتر وعلى سر الهتم .
كوجار يا منجم
Quote: فارس موسى سلام يا كمندان وكيف مع القرية الظالم أهلها
عرفتها وزغت ياالنجيض ! نجضنا وراك نجاض شوفو لينا معاكم رقراق إن ما شفتو بنجيكم كاس العالم وزوغه !!!
بختك غاتس فى البطاط... اقصد الخليج
ما تنقطع .
يااسامه ياخى كتر خيرك على المحبه وهسن الظن ،احن من دفعتى الناطق بغيرها
Quote: يافارس موسى ياحبيبنا واحده من إتنين .. يا إما تخلى شغلانتك دى تشوف واحده غيرها .. ولا تشترى ليك لاب توب وتخليهو معاك دايماً
ما تغيب ياخ ......... |
شغلانيتى المسنوحه دى قربت اطلقا اصبر لى للصيف تلقانى فى القيف مع كفش ومنجم وفااااااااااااااضى وبالى رايق للدواس
أنينا دوسنا ابنأجلو لكدين مابننسا !!
إنتو مالكم ناسين اخوى الكاشف (أبدو اواد) انا تكاسى 24/7 وهو ويك إند ولابد !
يا اسامه مولانا عبدالله سر الختم ذى ما قال ليك كوجار والله الجامع ما يلمكم !
سمينا الميدان الاحمر مناصفه بينك وسيد عزالدين وممكن تدخلوا معاكم المستشار الكبير بتاع ابوظبى برضو كان ساكن هناك !!!
الرزق سبح ########تو لينا مشوارين
تحياتى لكمنداناتى ناس الدفعه 35
فارس ول موسى
بالله يا على دا ما إسم بتاع وزير هارجيه !!!!لووووووووووووووووووول .
| |
|
|
|
|
|
|
Re: دفتر احوال ضابط الشرطة المناوب{2011} (Re: فارس موسى)
|
نأسف للكوجين الهصل فى المداخله عاليه
باقلى أنينا ناس هامش ساكت وجغجغة التكنلوجيا دى ما ألتنا
لكن برضو يا ألى إسمى فى السلك ...................الد
تحيه خاصه للسيد مكى عبدالقادر والفرقه 17 التخصصيه (الإهتياتى المركزى )
| |
|
|
|
|
|
|
Re: دفتر احوال ضابط الشرطة المناوب{2011} (Re: فارس موسى)
|
Quote: يا عمر تداعياتكم جميله جدا ،بس ما ترجع البوليس إن رجعت بتربط 44 والله ناس سيد جويلى وسيد فيصل يتضايرو |
ههههههههههههههههههههه
العين مابتعلي على الحاجب ياسيادتك ........
الا كان رجعوني نقيب قليت ليهم تدوني ازبلايط حمراء عشان الناس تفرز ده نقيب دفعتو عقداء ....
وليك علي بالازبليطة الحمراء دي ادرش ليك من محمد كرم الله (56) وانت جااااااي والكلام ليكم ياوليد محي الدين ومعاوية جعفر
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
Quote: يا عمر تداعياتكم جميله جدا ،بس ما ترجع البوليس إن رجعت بتربط 44 والله ناس سيد جويلى وسيد فيصل يتضايرو |
والله يا فارس , عمر ده حريف ودبلوماسى , حاولنا نشبكو مع صلاح الكومر وقلنا بالمرة نتخلص منو لكنو طلع زول نجيض رقد القش , جبنا ليهو اغانى الحماس لمن صلاح بشير ملص عراقيهو وقال عايز يتجلد , صاحبك حارب المنبر مرة واحدة لمن الاحوال هدت حتى ظهر , بالطريقة الأنا شايفا دى الزول ده بشكل جنب ناس 35 خليك من 44 , غايتو نشوف الكمندان جويلى ونتشاور مع ناس الاحتياطى باقى الجماعة ديل انا عارف قدراتهم الرفيعة فى مجال الكلتشات على الطاير .
| |
|
|
|
|
|
|
Re: دفتر احوال ضابط الشرطة المناوب{2011} (Re: فارس موسى)
|
Quote: اخخخخخخخخخخخ عايز اقول ليك سنجك لكن تذكرت انت ذاتك ابو السناجك . |
واللللللليييييييييييييييييييييييييييييييييييييييييييييييييييلة يا ود شيقوق وقعت مع الشوايقة يا اخوى ناس الدفتر ديل جت{chut}{ كتبناها بالانجليزى واردنا العربى لانو حروفها لاتوجد فى اللغة العربية علما بانها مستعملة من قبل شيوخ العرب قاطبة} شوايقة ماعدا وااااااااااااااااااحد بس بقارى تايوانى من مواليد الملازمين امدرمان واول حرف فى اسمه فارس موسى.
غايتو ربنا يجيب العواقب سليمة
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: غايتو ربنا يجيب العواقب سليمة |
العواقب تجى سليمة من وين , صاحبك المسنوح وقع فى كمين , غايتو زمان انا كنت بحب العنكوليب , انا ربطة عنكوليب بتخلينى اتنازل , لكن عاطف عنتر وعمر عثمان وعادل حمزة وآخرين ديل ما بضمنهم ليك , ابقى مارق آ المسينيح .
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: والله يا فارس , عمر ده حريف ودبلوماسى |
والله يا سيد فيصل لو ماشفناه جا اول الدفعة 56 دى بى عيننا دى كان اقول ليك الظابط ده رانكر عدييييييييييييييييييييل كده..
غايتو يا رانكر يا كتّر فى القراصة بالويكى..وعملت ليهو اوفر دوس. وكوفر... امّا ان بقيت ركب اصبليطة حمرا علّ كلللللللللللللللللللللللللللللللللللللللللللللللكم تشيلو ارانيك
والله ابندرّقو جنس تدرّق بعد داك..
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
يا عبدو عوض صرف النظر عن المساكين رحمة يا اخوى .. انتو عارفين عبده عوض ده قال لى عبدالرحيم القرد شنو لما كنا فى الجونير ؟المصيبة سيد عصام شريف كان واقف وراهو وعبده ماشايفو..غايتو دى الا بالماسنجر لانو لو كتبتها ليكم هنا الدفتر بيركب الطرورة..
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: يعنى يا على السر داير تفتنى مع ود شيقوق كأنى معترض على وجاهتو ؟؟
بصراحه هو وجيه ( رغم أنفى .. وأنفك ) |
عليك الله يا الكرور هسه الوجيه ودشيقوق ده كان جا بى عمّتو دى وزارة الداخلية ما بخلّى الحرص القدام الباب داك سلام سلاحو يتطاقش؟
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: الراجل من بيت نارو ما بتنطفئ للصباح ات فاكرو اخخخخخخخخخخخ عايز اقول ليك سنجك لكن تذكرت انت ذاتك ابو السناجك .
|
يا اخوانا ود شيقوق المسنوح ده جاء نبزنا فى عقر دارنا و مشى انتا يا ود شيقوق الشوايقة بيوتهم ناره مطفية طوالى و اللا شنو جبارين للدرجة دى و ما عارفين راجين منك اعتزار بس .. ده عشان خاطر اصحابك على السر و اسامة على
| |
|
|
|
|
|
|
Re: دفتر احوال ضابط الشرطة المناوب{2011} (Re: Adil Hamza)
|
Quote: بالطريقة الأنا شايفا دى الزول ده بشكل جنب ناس 35 خليك من 44 , |
يا سيد فيصل مساك الله بالخير لا هو حدو 37 ديل اولاد عادل العاجب بره وجوه،35 ديل ابهاتنا انينا
قلتا لى يا عمر اظبليتا حمرا والله أنينا ننفصل ادييييييييييل كدا !!!
يا على شفت إمتدادتنا ككيف رجعونا محل جبتونا بلا نوبا بلا بدر الدين عطا معاكم
ابنركب الكركب وبنمشى دار شنفيط !
لقيتك فقرى والله يا دفعه !
بالمناسبه ناس 51 الفى الصوره ديل أنا عرفت فيهم حفيد السلطان (المسخوت) اسامه دينار والصديق الشواربى
بس اليمين وشمال ونتك نسيتم اوعك تستعين بعبد الكافى ولا عنتر ديل (جلو )زمان !
قلت لى وين دواسى ووين كتاباتى ؟
أقول ليك بس ما تكلم فوراوى
إنفصال دت كى مافى أنينا قاعدين ادونا وردى ابننفصل !!!
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: يا اخواننا سبحان الله الناس تنسى اول الدفعة كان منو لكن الناس المبظبطين معروفين لدى جميع الدفع وما بتنسو خالص.. 46 الى يومنا هذا نعرف القمندان عزالدين عبدالمحمود و المكى محمد المكى كانا فى علاقة حميمة مع الميدان الاحمر ولا كيف ياسيد جويلى؟
|
الاخ على سر الختم الزملاء الكرام ما أجمل الذكرى التي أودعْتِنى لحنٌ شجىٌ ..المرجو تسيير الدفتر على هذا المنوال وتدعيمه بالصور كما نرجو من بقية الزملاء المشاركة عن طريق الايميل .. فى اخر محاضرة لسعادة الدكتور السر (الكآس) وتقييمه لنتيجة التخرج قال الطالب عز الدين عبد المحمود جايب لى فى السلوك -86 وضابط البوليس الناجح يكون من امثال هؤلاء لان ضابط البوليس المسكين بيكون فاشل .. التحية لسعادة الدكتور اللواء عز الدين عبد المحمود وسعادة اللواء المكى محمد المكى .. كانت اجمل لحظات قضيناها فى الكلية عند ارجاع السلاح للمخزن المسؤول من المخزن العريف جمعة قرين عليه رحمة الله كان رسمى جدا اى حركة ولاصوت يغلق علينا باب المخزن والسبب طبعا اخونا عز الدين ..
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
يا عبدو عوض صرف النظر عن المساكين رحمة يا اخوى .. انتو عارفين عبده عوض ده قال لى عبدالرحيم القرد شنو لما كنا فى الجونير ؟المصيبة سيد عصام شريف كان واقف وراهو وعبده ماشايفو..غايتو دى الا بالماسنجر لانو لو كتبتها ليكم هنا الدفتر بيركب الطرورة
ياااه سياتو عبده عوض شنو صحى النوم انا عارف الاسنوو ضارب مدينه شيكاغو !!!!!عشان كده ادينا طله وكتار خيرك فيها.......
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
+اعععععود....لكم التحايا لجميع الزملاءالمرحبيييين.السيدالكمندان/فارس موسى.لك التحايا وطبعارفعنا لك التمام تلفونياٍوفى رساله ولك منى الود,,,ووالتحايا . السيد /على سر الختم تمهل يا سياتو فى مجلس التحقيق .امين نورالدائم انصاع للتعليمات وسوف يقوم بارسال الصور وكمان معاها تقرير وووووافى....يعنى محمد اسماعيل مافى ليهو داعى الوقت الراهن خليهو عنداللزوم......انا ذاتو ما عارف امين ده لحد هسع بيعمل فى شنو .المهم كده نديهو فرصه وبعد داك اسالنى ده رجاء ولك الوووووود. السيد/ على الجويلى مفاجئه ساره لك التحاياوالشواق لشخصك الكريم والاولاد.. الاخ ابو الدفاع منتصر كوجار ياخى ليك وحشه والله مشتاقيييين عديل كده الاخ اول السلوك اسامه كرور سلوك ياخخخخخى انت جرفت ميدان الحصحاص ذاتوو.انت ومعاك مبارك محمد احمد وعمر ميرغنى؛انا بله خالييي فىى السييينير! لك التحايا الاخ الفاضل عمر محمد عثمان. تحياتنا واكوام كده من الاشواق والله لييك وحشه وكانت لنا ايام كما اسلفت وعبرك التحايا للاخ محمد كرودى واسرتك الكريمه...... بعدين قصة الكومر ده شنو؟ لانو هنالك كومران ,54.و كومر 55 + بعدين هاك المهمه ده وشوف لينا صلاح الزبير خلى صلاه المغرب فى جامع القياده العامه ولا لسع ده لو هو في السودان فضلا وده موضووووع طويييييل!!!!!!!
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
Quote: لالالالالالا يا سعادتك ود الكرور ما بحب الا الخير للناس - الراجل من بيت نارو ما بتنطفئ للصباح ات فاكرو اخخخخخخخخخخخ عايز اقول ليك سنجك لكن تذكرت انت ذاتك ابو السناجك .
|
الاخ الكريم ودشيقوق.. مرحب بيك ..
انت كلمة شايقي ولا سنجك دة بدوهاساكت كدة من طرف لااي زول حتي ولو كان علي السر نفسة
لانة كلمة سنجك ماركة مسجلة في الكونقرس الامريكي- والحقوق محفوظة- للسناجك فقط...
ونار الشايقية مطفية!!!
الاخ عادل حمزة ارجوا فتح بلاغ في مواجة الاخ ود شيقوق تحت المواد البخل والجلدنة
في حق السناجك والشايقية .. وشكرا
| |
|
|
|
|
|
|
Re: دفتر احوال ضابط الشرطة المناوب{2011} (Re: عاطف نورالهدى الطاهر)
|
لا حولااااااااااا
الواحد غاب يومين ورجع لقى الدفتر مليان كوراث
حسن الكفش: مرحب بيك ومنور الدفتر واظنك ح تكون المناوب للشهر القادم تحياتى لك والاسرة
منتصر كوجار: والله زمان ياحبيب ومشتاقين كتير, لكن مسالة السلوك القلتها لاسامة الكرور دى تنطبق عليك تماما,
والله يا اخوانا منتصر ده من الثانوى وكنا فى المؤتمر كان او زول علمنا نجيب معانا بنطلون ملكى ونغير بتاع
المدرسة البنى داك وندك الحصص ونمشى نخش السينما فى قاعة الصداقة.
وبالمناسبة الكوامر الاتنثين ًالصادق 54, وصلاح 55 مسمين والاتنين بلعبوا باكات والواحد كان طقاك علاقتك بالكورة
انتهت تماما والله يا عمر عثمان واطاتك صبحت.
تحياتى للجميع
| |
|
|
|
|
|
|
Re: دفتر احوال ضابط الشرطة المناوب{2011} (Re: ابراهيم الرشيد عبدالرحمن وراق)
|
Quote: لالالالالالا يا سعادتك ود الكرور ما بحب الا الخير للناس - الراجل من بيت نارو ما بتنطفئ للصباح ات فاكرو اخخخخخخخخخخخ عايز اقول ليك سنجك لكن تذكرت انت ذاتك ابو السناجك .
|
والله ياود شيقوق دقست .. فى محل البوليس داير تتكلم فى الشايقيه؟؟؟ تعرف الشايقيه ديل لو إنفصلوا البلد بتبقى فوضى وما فيها بوليس
بعدين يا مولانا هسى فى ذمتك إسم صاحبك المعاك دا ( ميرغنى على محمد عثمان ) حيكون إسم ألمانى مثلاً.. ماهو واضح إنو شايقى
وكمان أزيدك من الشعر أبيات - إخوانى أسماؤهم كالآتى. محجوب / محمد عثمان / هاشم بالإضافه لميرغنى وإسم الوالد... دى أسماء ضابط الجواات زاتو ما بسألهم عن قبيلتهم . طوالى بكتب شايقى .. يعنى أنا زاتى طلعت شايقى أصلى
أها أنا غايتو حباً فيك .. مسامحك .. بس الله يمرقك من الباقين
والمشكله ما ناس الدفتر .. المشكله باقى البوليس البقرأ الدفتر وهم ما أعضاء هنا .. ديل بلاقوك فى المطار فى إجازتك
غايتو الله يستر
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
Quote: لالالالالالا يا سعادتك ود الكرور ما بحب الا الخير للناس - الراجل من بيت نارو ما بتنطفئ للصباح ات فاكرو اخخخخخخخخخخخ عايز اقول ليك سنجك لكن تذكرت انت ذاتك ابو السناجك .
|
غايتو صحبك ود شيقوق يا اسامة اتلوم معانا تب,
لازماه جرسة وعنكوليب وغنايا سمح بالحيل ويبكى ويتنخج
متل صاحبه ود جبريل حتن نفك الحظر عنو لانو اسمه
اتحظر فى جميع نقاط العبور السودانية برا وبحرا وجوا
(والله تانى الا تجى دولة جنوب السودان)
تحياتى
| |
|
|
|
|
|
|
Re: دفتر احوال ضابط الشرطة المناوب{2011} (Re: ابراهيم الرشيد عبدالرحمن وراق)
|
Quote: الاخ عادل حمزة ارجوا فتح بلاغ في مواجة الاخ ود شيقوق تحت المواد البخل والجلدنة
في حق السناجك والشايقية .. وشكرا |
علم و سوف يتم التنفيذ سعادتك
Quote: عمر عثمان فى معية الوجيه امين نور الدائم والكومر |
الكومر ما فى الصورة دى صور جميلة يا ابراهيم بس ما فيها صور اصحابى عاصم حسن محمود و مصطفى عبدالحميد
| |
|
|
|
|
|
|
Re: دفتر احوال ضابط الشرطة المناوب{2011} (Re: Adil Hamza)
|
Quote: يا جماعه حد يصحى لينا عبده عوض
وحد تانى يصحى لينا ود برى |
غايتو انا صحيت ليكم عبدو عوض .. وياعنتر عليك بدفعتك ودبرى ..
Quote: (والله تانى الا تجى دولة جنوب السودان)
|
حلوة شديد ياوراق .. لكن اهلنا الشايقبة ديل موجودين فى كل مكان الحلل الوحيد يبقى مؤتمر وطنى ويشوف ليه عنكوليب لعلى عثمان طه وبرسيم لاخونا فيصل عثمان ..
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
Quote: غايتو صحبك ود شيقوق يا اسامة اتلوم معانا تب,
لازماه جرسة وعنكوليب وغنايا سمح بالحيل ويبكى ويتنخج
متل صاحبه ود جبريل حتن نفك الحظر عنو لانو اسمه
اتحظر فى جميع نقاط العبور السودانية برا وبحرا وجوا
(والله تانى الا تجى دولة جنوب السودان)
تحياتى |
أها يا ودشيقوق براك جِبتوا لى نفسك
غايتو عندك حلين .. ياتجى متنكر .. ولا تنتظر الإنتفاضه.. والتانى ما أظنوا بحلك .. مرافيت الشايقيه البرجعوا بعد الإنتفاضه ماشويه
غايتو إلا يشملك عفو عام
Quote: لكن اهلنا الشايقبة ديل موجودين فى كل مكان الحلل الوحيد يبقى مؤتمر وطنى ويشوف ليه عنكوليب لعلى عثمان طه وبرسيم لاخونا فيصل عثمان |
غايتو إقتراح سيادتو على جويلى دا يمكن يحلك
| |
|
|
|
|
|
|
Re: دفتر احوال ضابط الشرطة المناوب{2011} (Re: على جويلى)
|
التحيه لناس 55 والانا شايفم ديل كلهم اولاد صغار !!دسيت الرانكر والكوامر وين ياابراهيم ؟
قالو تحت ..تحت الطيب عثمان يوسف زمان كان بخاف من55 ومتلح ناس 54 بس
دفعتكم دى يا إبراهيم كان فيها ناس 46 عدددددديل كده
الشايقيه والبوليس او وكر الدبابير ياخى انا ما فضل لى من الجواز إلا الجواز !!(بوليس وود بوليس وساكن الإشلاق) لكن ربك ستر نفدنا بجلدنا
عشان كدا انهن بنطالب بالفدراليه دايرين بوليس كردفان كلو يكون مسيريه وسوارى بث !!!
بس حلفا خلو بوليسا قومى دا ميناء ياجماعه الكلام ليك يا دغيم !
والله يا دغيم حسين ابشر ختفتو من كى بوردى ...اتذكرتو ليك جيتك جارى حسين تايقر لعاب وشفت !!
قلت لى إتحاد المعاشيين ذاتو بقى معقل للدبابير !!
ياعلى الطويل الحكم دول عيشو دولتكم أنينا تانى جايين ! أنينا منو ؟ انينا عيال ول تورشين
يا ابراهيم الرشيد قول لسيد عباس يرجع لينا إسمنا ومعاهو قطعتين ارض فى الديم وبنرجع ليكم حسين الطيب وبنحتفظ بفيصل الحسن
كانجانجا
بالله يالكرور طلعت شايقى اننعصر على محمد إسماعيل ساكت وناخد الجواز النوبى
ارقدو عافيه
لما اجى راجع عندى ليكم نكته قبليه شرطيه فى السلك
تابعونا.
| |
|
|
|
|
|
|
Re: دفتر احوال ضابط الشرطة المناوب{2011} (Re: فارس موسى)
|
يا إبراهيم الرشيد والله لو مابعرف الدفعه 55 فرداً فرداً كنت قلت كلام عمر محمد عثمان الزريتوهو فيهو داك .. كلام صاح
يا كافى البلاء طالب واحد حالقين ليهو صلعه مافى ؟؟ الحكايه شنو ؟؟؟
تصدق يا إبراهيم أنا قبل التخريج بى يوم الرائد ( وقتها ) عصام شريف صرف لى صلعه بالموس
نزلت الشغل بعد الإجازه القصيره (بالخرطوم شمال ) والصلعه مازالت ترارى ( تقول لى كأس السلوك ؟؟؟ )
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
عاطف نور الهدى
Quote: الاخ عادل حمزة ارجوا فتح بلاغ في مواجة الاخ ود شيقوق تحت المواد البخل والجلدنة
في حق السناجك والشايقية .. |
ههههههههههههها بكري ابو بكر وين انت ؟ دا مش دفتر احوال ضابط شرطة مناوب دا دفتر عنصرية عديل وكمان في العنصرية ، العنصرية الطبقية عدييييييييييييييييل كدا
يا اخوانا بالطريقة دي مثلث حمدي ذاتو بتلحقوهو امات طه .
| |
|
|
|
|
|
|
Re: دفتر احوال ضابط الشرطة المناوب{2011} (Re: الطيب شيقوق)
|
ود الكرور
Quote: أها يا ودشيقوق براك جِبتوا لى نفسك
غايتو عندك حلين .. ياتجى متنكر .. ولا تنتظر الإنتفاضه.. والتانى ما أظنوا بحلك .. مرافيت الشايقيه البرجعوا بعد الإنتفاضه ماشويه
غايتو إلا يشملك عفو عام |
في انتظار حد يولع النار في نفسو عشان القيامة تقوم بعدو وتاني ما في زول بيكون شغال بالداخل والمارق
| |
|
|
|
|
|
|
Re: دفتر احوال ضابط الشرطة المناوب{2011} (Re: ابراهيم الرشيد عبدالرحمن وراق)
|
يا فارس موسى إنت كِبِرتَ ولا شنو ؟؟؟
الفرقه التخصصيه ( 27) مش ( 17 )
بعد سنتين تلاته تجى تقول أنا الدفعه ( 42 )
الدفعه التخصصيه ( 27 )
مكى عبد القادر, أحمد محمد إسماعيل , يوسف محم يوسف , مبارك عبدالمنعم , مبارك محمد أحمد أبوعوا , خالد وداعه , صالح الطيب
صلاح عثمان , حسن عبدالعزيز , سرالختم محمد سرالختم .. والسيوفى ( لأيام قلائل إلتحق بعدها بالفرقه التأهليه لرتبة الرائد)
وآخرون .....
عاذرنك ( الكبر دخل )
| |
|
|
|
|
|
|
Re: دفتر احوال ضابط الشرطة المناوب{2011} (Re: أسامه الكرور)
|
Quote: الفرقه التخصصيه ( 27) مش ( 17 )
|
والله يا اسامة سبقتنى كنت عاوز اعدلها ليه...
لكن انت زاتك يا اخوى ختيت اسامى الدارسين ونسيت المعلمين
والله ياما درشنا كمندانات كبار, واذكر هذه الطرفة......
مرة اخونا الحسنة خميس شاف سلمان محمد سلمان (49) جارى متاخر من الفصيلة فى
جكة الصباح وطبعا سلمان كان نقيب اقدم منه, فناداه... سريعا مارش يا سعادتك, قام سلمان
حرن ووقف, والحسنة لزانى ليه ولما جيته, قام قال لى يعنى سريعا مارش وسعادتك ديل يبلعوهن كيف؟؟
قلت ليه طيب سريعامارش يا دارس وعايزك تلف لى الميدان ده خمسة مرات والا ودربك على حلقة الاشتباك
( باقى كنا بنخوف بيها الناس ) يمين الواحد تدخله الحلبة وتفك يه ادم دفيس وزمبل الا يمرق منها
على ودعجيب ولا بت بتى.
احب درش الكمندانات ظاتو
Quote: وعشان الإسم ( على سرالختم ) |
يا سيد عنتر
ومنى الشلخة التالتة... ويمين ما تقول شى
باقى الزول ده احتفل بالمليون وانا مغرود فيه شديد
( احب الدولار وجورج واشنطون ظاتو)
| |
|
|
|
|
|
|
Re: دفتر احوال ضابط الشرطة المناوب{2011} (Re: ابراهيم الرشيد عبدالرحمن وراق)
|
Quote: احب درش الكمندانات ظاتو
|
والله يا إبراهيم ضحكت شديد .. الظاهر عليك لى هسى متكيف من درش الكمندانات .. غايتو دى فرصه ما بتتلقى إلا فى حالات زى دى
تصدق معلومة إنك كنت من مشرفى هذه الفرقه عندى بس نسيت أنزلها
Quote: ومنى الشلخة التالتة... ويمين ما تقول شى
باقى الزول ده احتفل بالمليون وانا مغرود فيه شديد
( احب الدولار وجورج واشنطون ظاتو) |
لقيتك خطير يا إبراهيم ... لكن بينى وبينك بعد الشلخه التالته دى حيبقى شايقى أصلى .. وأقصى شىء ممكن تلقاهو منو .. شيك بدون رصيد
مقلبت روحك يا صاحبى ......شلختين كان بتلقى ليك فَرًقَه شويه ...
| |
|
|
|
|
|
|
Re: دفتر احوال ضابط الشرطة المناوب{2011} (Re: Ali Sirelkhatim)
|
Quote: السيد العميد فيصل عثمان الحسن
ولعناية السيد اللواء علي جويلي
نتقدم الي سيادتكم بتوصيه فحواها ترقية
السيد المسنوح ودشيقوق بالرتبة التي ترونها مناسبه
وعلى حسب مشاركاته ومداخلاته .. |
يا عنتر المسينيح يستحق رتبة المشير , لكن بكل تاكيد ستجده داخل مكتبه الوثير وبكامل بزته العسكرية وهو يتعاطى العونكوليب ويدوبى , اها دى يحلوها كيف .
| |
|
|
|
|
|
|
Re: دفتر احوال ضابط الشرطة المناوب{2011} (Re: فيصل عثمان الحسن)
|
سيد فيصل نعم طال الزمن شكرا لك وتحيتى لك ولاسرتك الكريمة سيد عاطف نورالهدى شكرأ ليك كومندانا فارس دى إسمها زوغة بالدو محمد إسماعيل كنت باقول ليه انا متخارج كان بقول لى يا زول انت عملت الدكتوراة فيا كومندان القصة دايرة ليها زهجة شديده كدة انا زهجتى كانت 270 ميل فى اليوم فيا كمندان يوم التجيك القرفة مرحب بيك تب الكمندان على سيد الحوش شكرا ليك اما بالنسبه لابو النسب ياسر الايام دى بكون بقى بمشي بالجنبه لانو معاه آل القدح وكدة الدفعه اسامه اخبارك يا زول انا جيت قريب منكم انا فى قطر وعرفت إنو أسامه هنا فكست لى نمرتو زى شهر كدا وفى الاخر طلعت نمره غلط فلو عندك تلفونو لزو فى البرايفت عندى فيك إنت والكفش كترة( ) لكن خشمى الله يقدرنى عليهو الكارب إبراهيم الرشيد ياخوى اى نعم نحن دفعة فى المؤتمر لكن يا اخوى أعلمك شنو انا كنت ولد صغير انت كنت ود إشلاق مع انو إشلاقات امدرمان غير ما زى ناس صلاح وأمين لكن برضو كنا بنخاف منكم وانت ووليد حسن كما اخاف الكضب صولات كديد تهزو وترزو نحن كنا يا دوب بنكسر فى سنون اللبن تحياتى ليك والشوق بحر جنابو عادل حمزة سلام اخبارك والاسرة جنابو عمر جبت سيرتك عشان أقديمتك وكدة اسمع والله عندك جنس قوة قلب والله اولاد الاشلاق البتلصق فيهم وبتتصور معاهم خليهم يكونوا سنايرك ياخى أمين نورالدايم أنحنا ناس 54 اناومحمد إسماعيل وأبكساوى كما قرينا آية الكرسى واتحصنا ما بنسلم عليهو
| |
|
|
|
|
|
|
|
|
| |