دفتر احوال ضابط الشرطة المناوب

Quote: شهر عشرة 1989 قاعد فى امانة الله بشرب لى فى كباية قهوة فى النجيلة على الشمال وانت داخل دار الشرطة ببرى .و بسال فى عم عبده وعم علّوب عن العشا وكده . وصل الاخ التلب والاخ صلاح الحاج {برلينا} وبعد السلام والتحايا جلسنا نتجاذب اطراف الحديث. جمعتنا شرطة السودان.. شرطة الاحتياطى المركزى.. قال لى الاخ صلاح الحاج يا على ياخ طلع كشف احالة للصالح العام فيه انا وانت واخرين المهم يا اخ حمدلله على السلامة. قلته ليه ياسيد برلة ياخ نحن البوليس ماشفنا منه غير القلق يا اخ خشينا الكلية بقينا نصحى خمسة صباحا ده اذا نمنا وبعد سنتين نتخرج نمشى الاحتياطى المركزى وده كمان اخير منه الكلية,, يازول انت بى جدك احالونا الصالح العام؟ فال لى ايوة والله.. والتلب بيحاول يلطف الجو ويصبّرنا وكدة مشكور ما قصّر والله.. نعم والله يا اخواننا جمعتنا شرطة السودان جمعتنا شرطة السودان وفرقتنا ثورة الانقاذ.. {وعســــــــــــــــــــــــــــــــــــــــــــــــــــــــــى ان تكرهوا شيئا وهو خير لكم} وللحديت بقية