|
|
|
 Re: دفتر احوال ضابط الشرطة المناوب (Re: على جويلى)
|
وصايا مهمة جدا من زوج الى زوجته قبل كاس العالم
طبعا ناس عمر عثمان وفلان وفلان برة الشغلة لانه
بياخدوا التعليمات بالقلبة ها ها هاى
Quote: زوجتي العزيزة ................... أود ان اوجه لكي التحية وان اعطيكي 12 نصيحة قبل بداية كأس العالم:
1- في الفترة ما بين 11 يونيو حتى 11 يوليو يجب عليكي أن تقرأي الصحافة الرياضية ومتابعة اخبار المونديال وبهذا يمكنك ان تشاركيني الحديث حول ما يحدث وان لم تفعلي هذا فلن يكون امامي خيار سوى ان اتجاهلك بشكل تام وهو الأمر الذي لن تحبيه.
2- خلال كأس العالم التلفاز يعتبر ملكا لي في كل أوقات اليوم بدون ابداء الاسباب.
3- اذا اردتي ان تمري امام التلفاز خلال المباراة أو قبلها أو بعدها فاني لا امانع أبدا طالما يتم ذلك زحفا على الأرض مثل رجال الكوماندوز في الحرب العالمية.
4- خلال المباريات يجب ان تعلمي انني لا أرى ولا اسمع ولا اتكلم, الا اذا احتجت منك طعاما أو شرابا, ولن اوافق على سماع جمل مثل: رد على الهاتف, احضر لنا طعاما من السوبر ماركت أو افتح الباب.
5- اذا قمتي بكل ما سبق فانني سوف اسمح لكي بمشاهدة التلفاز من الساعة 12 مساءًً حتى ال 6 صباحا.
6- أرجوكي ثم أرجوكي ثم أرجوكي الا تقولي لي "انها مجرد لعبة" أو"سيفوزون في المرة المقبلة" عندما ابدو حزينا لخسارة فريقي في المونديال, لأن هذا لا يساعدني انما يزيد من غضبي و كلماتك "التشجيعية" لن تجلعني اتحسن انما قد تؤدي الى مزيد من الغضب والنكد.
7- لن امانع ابدا في ان تشاهدي مباراة واحدة معي وسأسمح لك بالكلام خلال فترة الاستراحة بين الشوطين فقط اذا كانت نتيجة المباراة لصالح فريقي الذي اشجعه, أرجو وضع خط تحت كلمة مباراة واحدة فقط.
8- الاعادة التلفزيونية للأهداف مهمة جدا لي ولا اهتم اذا شاهدت الهدف 100 مرة فلا تظهري تذمرا
9- قولي لأصحابك وأصدقائنا بشكل عام الا يقوموا بانجاب اطفال أو اقامة أي حفلات تتطلب تواجدي معهم لثلاثة اسباب بسيطة الأول هو انني لن أذهب والثاني هو انني لن أذهب والثالث وهو الأهم هو أنني لن أذهب.
10- تلغى النقطة السابقة في حالة واحدة وهي ان يدعونا احد اصدقائنا لمشاهدة المباراة.
11- خلال الملخص اليومي لكأس العالم يجب عليكي ألا تقولي "لقد شاهدت المباراة فلماذا تشاهدها مرة اخرى", لأن ردي سيكون "ارجعي للنقطة رقم 2".
12 في نهاية كأس العالم ارجو منكي الا تقولي "الحمد لله ان كأس العالم تأتي كل 4 سنوات" لأن لدي مناعة ضد مثل هذه الكلمات ولا تنسي ان بعد هذا سيأتي الدوري الانجليزي والدوري الأسباني والدوري الايطالي ودوري أبطال أوروبا وكأس اوروبا وكأس الاتحاد الانجليزي, وكأس أسبانيا .... الخ.
نشكركم على حسن تعاونكم وكل مونديال وانتم بألف خير
|
| |
 
|
|
|
|
|
|
|
|
Re: دفتر احوال ضابط الشرطة المناوب (Re: omer osman)
|
| Quote: قالوا لي قلعوا منك الكلك |
اها قوووووول قلعوها منى, يعنى فى امل يرجعوها تانى....
لكن فى ناس بيعوها ليهم عديل كده ( قلت لى الاوتلاندر مالو؟)
كلتش واحد مع السيد الفريق ويقلع منك البوكس
يمين الا تمشى الشغل جكة وشايل الجلالة.
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
فضل قراءة سورة الكهف من الاحاديث الصحيحة ...
الحديث : 11146 - من حفظ عشر آيات من أول سورة الكهف عصم من فتنة الدجال( حم م د ن ) عن أبي الدرداء . قال الشيخ الألباني : ( صحيح ) انظر حديث رقم : 6201 في صحيح الجامع
الجامع الصغير
________________________________________
الحديث : 11416 - من قرأ سورة الكهف في يوم الجمعة أضاء له من النور ما بين الجمعتين( ك هق ) عن أبي سعيد . قال الشيخ الألباني : ( صحيح ) انظر حديث رقم : 6470 في صحيح الجامع
الجامع الصغير
________________________________________
الحديث : 11417 - من قرأ سورة الكهف يوم الجمعة أضاء له النور ما بينه و بين البيت العتيق( هب ) عن أبي سعيد . قال الشيخ الألباني : ( صحيح ) انظر حديث رقم : 6471 في صحيح الجامع
الجامع الصغير
________________________________________
الحديث : 12533 - من قرأ العشر الأواخر من سورة الكهف عصم من فتنة الدجال( حم م ن ) عن أبي الدرداء . قال الشيخ الألباني : ( ضعيف ) انظر حديث رقم : 5760 في ضعيف الجامع
الجامع الصغير
________________________________________
صحيحة ..
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
تم تعيين سعادة العميد شرطة معاش دكتور مكى خضر المكى وزيرا للصحة بولاية
البحر الأحمر , سعادة الوزير هو أول الدفعة 47 وأحد أبناءها الافذاذ الذين
يشار اليهم بالبنان , عندما تمت احالته للمعاش أصبت بالغم والحزن لمعرفتى
بقدرات الرجل وامكاناته المهولة فى مجال العمل الشرطى بشقيه الجنائ والادارى
, ورغم معارضتى لنظام الانقاذ , لكنى استطيع ان أقول مبروك لمواطنى البحر الأحمر
عندما يولى أمر شؤونهم الصحية رجل فى قامة الصديق العزيز مكى , رجل يتمتع بسعة
الأفق والقدرة على الابداع والابتكار وهو كالغيث أين ما حل نفع .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Quote: تم تعيين سعادة العميد شرطة معاش دكتور مكى خضر المكى وزيرا للصحة بولاية
البحر الأحمر , سعادة الوزير هو أول الدفعة 47 |
نتقدم باحر التهانى للاخ العزيز المكى خضر المكى وزيرا
للصحة بالبحر الاحمر الرجل المناسب فى المكان المناسب
وهو بلا شك مفخرة للشرطة لماعرف به من اخلاق حميدة واخلاص
فى العمل تمنياتنا له بالتوفيق والتقدم والسداد ..
تشكر صديقى فيصل
على هذه الاخبار السارة ..
| |
|
|
|
|
|
|
|
|
 Re: دفتر احوال ضابط الشرطة المناوب (Re: عاطف نورالهدى الطاهر)
|
Quote: نتقدم باحر التهانى للاخ العزيز المكى خضر المكى وزيرا
للصحة بالبحر الاحمر الرجل المناسب فى المكان المناسب
وهو بلا شك مفخرة للشرطة لماعرف به من اخلاق حميدة واخلاص
فى العمل تمنياتنا له بالتوفيق والتقدم والسداد ..
تشكر صديقى فيصل
على هذه الاخبار السارة .. |
الف مبروك للاخ العزيز السيد المكى خضر المكى والف مبروك لشرطة السودان وابناء الدفعة 47 ..
تخريمة
يافيصل هسة يجى ميز يقول ليك نشاوا وترعرعوا تحت كنفى الاولاد ديل..
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
شكرا للأعزاء جويلى , عنتر , على السر , على التهنئة الكريمة للرجل الفاضل
سعادة الوزير مكى , الرجل ضنت عليه الشرطة بالاستمرار فى الخدمة رغم مهنيته
الرفيعة وآداءه المميز وأهليته التى مكنته من الحصول على درجة الدكتوراة فى
القانون , وقداحالته للمعاش وهو فى قمة العطاء , وهاهى ولاية البحر الأحمر تنصف
ابنها وتوليه منصب رفيع يستطيع من خلاله ان يقدم أفضل الخدمات لأهله وعشيرته , شكرا
لولاية البحر الأحمر على اهتمامها بالمبرزين من أبناءها والعمل على انصاف من تعرضوا
للظلم منهم وهذه سنة حميدة تجد منا التقدير والاحترام .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
| Quote: يافيصل هسة يجى ميز يقول ليك نشاوا وترعرعوا تحت كنفى الاولاد ديل.. |
صاحبك ده يا على زول بتاع فايات ساكت , قول ليهو فيصل بقول ليك رضينا بعمادتك
لدفعتنا بس أبقى قدر الموضوع ده , وأملى البوكس خرفان وبورتسودان ما بعيدة .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
تم تعيين سعادة العميد شرطة معاش دكتور مكى خضر المكى وزيرا للصحة بولاية
البحر الأحمر , سعادة الوزير هو أول الدفعة 47 وأحد أبناءها الافذاذ الذين
يشار اليهم بالبنان , عندما تمت احالته للمعاش أصبت بالغم والحزن لمعرفتى
بقدرات الرجل وامكاناته المهولة فى مجال العمل الشرطى بشقيه الجنائ والادارى
, ورغم معارضتى لنظام الانقاذ , لكنى استطيع ان أقول مبروك لمواطنى البحر الأحمر
عندما يولى أمر شؤونهم الصحية رجل فى قامة الصديق العزيز مكى , رجل يتمتع بسعة
الأفق والقدرة على الابداع والابتكار وهو كالغيث أين ما حل نفع .
سعادتو فيصل
بعد لاح حر الصيف العنيف الذى ضربنا بالخرطوم - تلقيتا بك الغبطة والسرور خير تعين الكمندان مكى خضر مكى تلك الوزارة الهامة وجمعتنى بالامس مكالمة هاتقئية انبقة بنقاء سعادة الوزير وهو بالمناسبة من المتابعين لكل المدخلات بهذا البوست . وتقدمنا نيابة عنكم بالتهنئة ودوام التوفيق الذى صادف اهله - وبلغنى نقل تحياته للجميع . وهو فى انتظار ملاحظاتكم النيرة للشد على ازره وللحديث بقية .
وتحياتى للجميع
اخونا عاطف عنتر - فيصل سيحة بخير وهو من كبار تجار سوق سيارات الخرطوم بحرى اما اخونا كور ماى ون فاخر اخباره انتقطعت عنا بعد مفادرتة السودان الى كينيا .
سلام لكل الشباب
ودبرى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
Quote: بعد لاح حر الصيف العنيف الذى ضربنا بالخرطوم - تلقيتا بك الغبطة والسرور خير تعين الكمندان مكى خضر مكى تلك الوزارة الهامة وجمعتنى بالامس مكالمة هاتقئية انبقة بنقاء سعادة الوزير وهو بالمناسبة من المتابعين لكل المدخلات بهذا البوست . وتقدمنا نيابة عنكم بالتهنئة ودوام التوفيق الذى صادف اهله - وبلغنى نقل تحياته للجميع . وهو فى انتظار ملاحظاتكم النيرة للشد على ازره وللحديث بقية .
وتحياتى للجميع |
الصديق المستشار رحمى , تشكر كثيرا على نقل تهانينا القلبية الصادقة للعزيز سعادة الوزير مكى خضر المكى وامنياتنا الصادقة له بالتوفيق والسداد فى موقعه الجديد , العزيز مكى يتمتع بشخصية فذة وروح انيقة زاوجت بين الشدة والرأفة بالآخرين , وقدرات حقيقية تمكنه من هزيمة المستحيل , الرجل مسلح بما يكفى من علم ومعرفة ودراية جيدة بكل ضروب العمل الادارى كمايمتلك الكاريزما القيادية التى قطعا ستمكنه من انجاز أعباء وزارته بمنتهى السهولة واليسر , وكما تدرى يا رحمى الرجل قد عمل لمدة جاوزت الخمسة وعشرين عاما بشرطة السودان , تلك المدرسة المتفردة فى صقل منسوبيها وتزويدهم بكل ما يعين القيادى فى آداء مهامه , فى انتظار انجازاتك يا مك , عليك بمحاصرة الأمراض المستوطنة فى تلك المناطق مثل الدرن وغيره من الأوبئة , وعليك افراد حيز لرعاية الامومة والطفولة , وعليك بتطوير المستشفيات والاهتمام بنظافتها , وعليك بخلق علاقة جيدة بالأطباء ويقينى أنهم يشبهونك فى علو الهمة والحرص على تطوير الخدمات الطبية فى تلك النواحى من السودان , سير يا رجل موفق باذن الله ودعوات محبيك الكثر .
يا هشام ميز راجع ايميلك ان كنت تتابع الدفتر .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Quote: تم تعيين سعادة العميد شرطة معاش دكتور مكى خضر المكى وزيرا للصحة بولايةالبحر الأحمر
|
والله انا لنزداد فخرا كلما راينا احد ابناء الشرطة يتبوا مركزا
مرموقا فى الطليعة, كيف لا وهو من ذلكم الرحم الولود
وكلنا ثقة بانه لن يالوا جهدافى محاربة الامراض التى تفتك
بانسان الشرق وتطوير الخدمات الصحية, نسال الله له التوفيق والسداد.
| |
|
|
|
|
|
|
|
|
 Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
قفشات سريعه
واحدة زولتنا عينوها مضيفة في سودانير ..
اول رحلة طلعت فيها جات للكابتن
سألتو :اها نغرف العشا؟
واحد قال لي رباطابيه: بريدك
قالت ليهو ص. ب. 144
رباطابي زوجته ولدت ليهو ولد
بيشبهو شبه شديد
عاين للولد وقال لزوجته:
دي بطن ولا مكنة تصوير
سألوا الجعلى:
ليه إتزوجت القبيحة دى
فوق مرتك السمحة ديك ؟؟
الجعلى : الشينة دى لى حليفة الطلاق !!
رجل قاعد في أمان الله يقرا الجريدة
بعد شويه زوجته ضربتو بالطوه التيفال على راسه
الزوج: مالك يا بنت الحلال؟
الزوجه: شنو الورقه دى الفى جيبك
المكتوب عليها هنادي؟؟؟
الزوج: يا بنت الحلال،
ده الحصان اللي رشحته الاسبوع اللي فات
في سبق الخيل
الزوجه صدقته وراحت لحالها
مر اسبوع اخونا قاعد يقرا الجريده
وتيجي مرته وتديهو بالطوه التيفال على راسه
الزوج: يا ولية مالك جنيتى في شنو؟؟
الزوجه: حصانك في التليفون
شيخ جامع قطع إشارة المرور الحمرا
ركن علي اليمين وسجد سجود سهو
حاجة كبيرة من اهل العوض
بتاخد فى دروس محو اميه
وكان الدرس عن دخل حامد وخرج حامد
كل ماالاستاذ يقول دخل حامد
تقوم المرة تغطى وشها
ولما يقول خرج حامد تفتح وشها
لما رجعت البيت زوجها سألها:
اها الليله ادوكم شنو؟
قالت ليه هو حامد خلانا نقرا
طالع وداخل فينا
مسطول طالع من الدكتور
بيتكلم مع روحه :
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو:
إنت يا دكتور قلت عندي شنو؟؟
قاليهو : عندك سرطان فى الحوض
واحد مسطول عضاهو ثعبان
قاعد يضحك وميت من الضحك.
الثعبان قاله :
مالك بتضحك كدا وانا عاضيك
قاله: اصلو أنا عندي الايدز
رباطابي داير يطلع جنسية
الضابط سأله: انت سوداني؟
الرباطابي قاله: لا أريبا .
فار مسطول لقى كديسة ميتة
ضربها شلوت طااااخ
وقال: انا لمن أزعل كعب
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
| Quote: عندنا حبوب جديدة بتدور المكنه صااااح |
سلام يا الطيب
حبوبك دى ذكرتنى المقرشة بتاعت فيصل و سمك الروك بتاع عنتر
يا ربى يكون فى علاقة بينهم التلاتة
| Quote: السيوفى حلف إلا يجربها فى محلها ، و قال 100% |
ما دام السيد العميد جرب و قال كده
رسل لى حقى فى السودان مع حق اابراهيم الرشيد
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
عاطر التحايا لكل الأخوه والقومندانات داخل وخارج السودان
الإجازه فى السودان قطعتنا من التواصل معكم رغم متابعتنا المتقطعه لكل ما يكتب فى الدفتر
والظروف المصاحبه للإجازه حرمتنا من رؤية الكثيرين - ظروف البنيان وكدا يا الطيب -
كما اتاحت لنا الفرصه مقابلة بعض الإخوه منهم سعادة الفريق على عبدالله .. وطبعاً دا كان فى محلات الكرور للأقمشه
بالرياض تقاطع شارع 117 مع شارع عبدالله الطيب .. وهذه ليست دعايه ... فيكفينا دعايه أن السيد الفريق زبون للمحل
وهو المعروف بأناقته ... ويا ناس دال العاوز نمر زياده يجى يلبس من عندنا ... والعاوز الكلك ترجع برضو يجينا !!!
.............................................
كما قابلت سعاتو خالد حسن فى مأتم والده رحمه الله
...........................................
ألف مبروك لولاية البحر الأحمر ووزارة الصحه بالولايه بالقومندان مكى خضر المكى وزيراً .. فهو شرفٌ لها
....................................
الأخ الطيب عثمان يوسف .. مشتاقين .. بالنسبه للحبوب إتصل أحد الإخوه بالسودان وهو عضو فى المنبر ومن المواصلين
بالدفتر من ضباط المعاش واكن يعمل بالخرطوم شمال يعمل الآن مستشاراً قانونياً ويسكن برى ( إمتداد ناصر) ولا يود ذكر إسمه ويطلب صندوقين
بسرعه عاجله ترسل له مع الأخ السيوفى _ وسوف أتكفل بدفع القيمه له_ أرجو عمل اللازم
أما عنى أنا فقد أحتاجها بعد 15 أو 20 سنه --أتمنى أن تكون متوفره فى ذلك الوقت إذا أمدّ الله فى أعمارنا
وتحياتى للأخ السيوفى وقول ليهو بدرى عليك الحبوب ياسعادتك
| |
|
|
|
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
| Quote: عاطر التحايا لكل الأخوه والقومندانات داخل وخارج السودان |
الاخ العزيز الكرور
حمدالله على سلامة العودة افتقدنا قلمكم المبدع الذي طالما طرز هذا المنبر بالروائع وأثراه بأفكار خلاقة ..
الاخ العزيز الطيب عثمان يوسف
نرجو نقل تحياتنا الخيرة وأمانينا الصادقة لسعادة اللواء محمد احمد هاشم
والاخ العزيز السيوفى ..الذين جمعتني بهما الزمالة الحقة والصداقة الحانية ..
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
البقعة النفطية التي تطفو على سطح مياه خليج المكسيك
أثارت بقعة نفطية تطفو على سطح مياه خليج المكسيك المخاوف من تلوث بحري واسع في الولايات المتحدة حيث لم يستبعد خفر السواحل أن تشكل "واحدة من اكبر بقع الزيت الأسود في التاريخ" إذا استمر التسرب النفطي من المنصة التي غرقت في خليج المكسيك.
وأعلن خفر السواحل الأميركية أن تسرب النفط الذي حصل على 5 آلاف قدم تحت مياه المحيط قبالة ساحل ولاية لويزيانا، قد تسبب بهذه البقعة التي أصبحت مساحتها نحو 600 ميلا بحريا.
ووافقت السلطات الأميركية اليوم الأربعاء على إشعال البقعة النفطية التي تطفو على مياه خليج المكسيك. وأعلن قائد خفر السواحل الأميركية توك اتكيسون عن خطة تقضي بإشعال البقعة النفطية، مشيرا إلى أن حريقا قد يشعل بطريقة مدروسة ابتداء من اليوم .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
| Quote: رسل لى حقى فى السودان مع حق اابراهيم الرشيد |
انت ياعادل قاعد فى بلد الشى زاتو وعايز يرسلوا ليك حقك فى السودان!!!
بعدين قعادكم برة البلد خلاكم ما عارفين الحاصل هنا شنو....
عندنا حاجة اسمها الدلاليات حايمات فى اى حلة فى السودان وطبعا بخشوا اى
بيت بالنهار وهاك يا ونسة مع النسوان ويعرضن بضاعتن من عدة وخلافه,
ومع الونسة يفتحن البقجة مع نصيحة للزوجة ( تختى ليه حبة واحدة مع كباية
العصير او اللبن بدون ما يعرف طبعا)
اها فى واحد اخونا بقوا يعملوا ليه خلطة سفن اب بالزبادى (قال اسمها غباشة)
يشيل ويكرطع يوماتى ويوم ما يلقاها يقعد يتكرش من بعد صلاة العشاء زى الزول
القايم عليه حمو النيل, اخونا وصل تب..
فلنقاطع جميع العصاير والالبان والسفن اب بالزبادى زاتو.
تحياتى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
| Quote: يا ود برى للمرة الألف قلنا بالتلفون ما معانا و حركات المباحث دى خليها، شنو ؟ قال لواحد صاحبى ما عندو باص وورد قال ، هو حسين الطيب دة إيملك ما بعرفو ؟ خلى يعمل ليك إيميل وبعداك تعملينا Copy من الايميل فى الدفتر هنا لو هى فعلا لى حسين . و حسين راجل أخونا ما بنقصر معاو . بى خلاف كده دى بتكون حركات مباحسية منك ساى . |
اخونا - الطيب عثمان
ياخى كشف الحال ده ماتخليى , والزمن باثر فى الحجر - وصديقك حسين الطيب انت كده طلعت بيها مداعى وعلى الهواء مباشرة .
وحبوبك ده ماديرنها والله فى - والاخوان الذين يقدمون مثل هذه الخدمات الجليلة لايطلبون شكرا ولا امتنان و-------- الاخوان شهامة واسال النور يوسف .
لكن فى سؤال قاطع قلبى وهو بتعاع دال ده هو بالله التلب المهم سوف تصل به ونشوف النتيجة . والله قى ظمتك دى الاستشارات التى تقوم بتقديمها وان كانت كذلك الله يكون فى العون .
وسلامى للجميع بدون فرز
ودبرى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
مكالمه هاتفيه
من الاخ العزيز والدفعه عبدالكافي من نيويورك يهدي السلام لجميع الساده
الضباط في مشارق الارض ومقاربهاوكل المشاركين في دفتر الاحوال وسلام خاص
للاخ ودبري وخالد عبدالمنعم وفيصل عثمان بدون فرز
ورساله خاصه للاخ علي السر من عبدالكافي قال ليك اصحي قبل ماالترحيل يفوتك
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
نكات الحناكيش كتيرة وانا اخترتا ليكم ديل انشاء الله تعجبكم
حنكوشه بتتونس مع صاحبتا قالت ليها ماشفتي هيثم اخوي ماجاتو حساسيه
سفرناهو القاهرة مانفع سفرناهو لندن مانفع سفرناهواي مكان مانفع
قمنا جينا راجعين بيهو السودان قمت ليك زرزرتو زرزرتو وتاني قمت زرزرتو زرزرتو
قام اعترف لي
اتصوري طلع مصاحب ليهو واحد من امبده
***********************************
في شباب بتكلموا عن الشجاعة الحنكوش عمل مداخلة وقال ليهم :
انا كنت ماشي مع حنان اختي وعادل حبيب حنان اختي لاقتنا غنماية
ولا عملت لينا حاجة
***********************************
حنكوشة اول مره تشوف التيس.. ..قالت:ياي حمادة اخوي شوف ختيب الغنمايه
***********************************
حنكوش ابوه اداهو ستمية الف قال ليه امشي اشتري خروف الحنكوش مشي السوق جيب خروف ضعيف ابوه عاين للخروف زعلان قال ليهو ده خروف شنو الجبتو ده عاين ليه ضعيف كيف .
الحنكوش قال ليه : بابا عاين لي عيونو سمحات كيف
***********************************
في اولاد حناكيش مشو رحلة ومعاهم خروف وكل واحد متكل علي التاني عشان يضبح الخروف. ما لقو زول رسلوا واحد منهم لجماعة قريبين منهم قال ليهم: عاوزين سفاح يضبح لينا الخروف
***********************************
حنكوش رسلوا استاذ تاريخ البيت وقال ليهو جيب لينا أقدم حاجة في بيتكم مشي جاب حبوبتو
***********************************
حنكوشين عاوزين يدربوا كارتية اول درس كان كسر البسكويت واحد مسكا والتاني ضربا بيدوا وبكي
سالوهو مالك ياهاني ؟
قال ليهم رامي غشاني خلاني اضرب البسكويت المحشي
***********************************
حنكوش امو رسلتو البقالة عشان يجيب ليها كمون اسود
بتاع البقالة قال ليه مافى
قال ولا اى لون تانى انشاء الله بمبي
***********************************
حنكوشة مشت الجامعة أول يوم لمان جات نهاية اليوم غالبا تكلم زول خالص قامت امها قالت ليها يا شوشو مالك قالت ليها يا مامي عندي لوز قالت ليها انا مش قلت ليك الأيسكريم بتاع الجامعة حيضرك قالت ليها ما أكلت اسكريم لكن المحاضر اسمو يعقوب قمنا رددنا اسمو كتييييير
***********************************
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
| Quote: ما أكلت اسكريم لكن المحاضر اسمو يعقوب قمنا رددنا اسمو كتييييير |
اخونا عادل تحياتي...
تعرف اسم عنتر ذي يعقوب
لكن اسمي الحقيقي عاطف وكان قلت ليك انا حنكوش
في ناس في الدفتر ما حايصدقوا.. انا عارفهم
مودتي.....
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
Quote: وكان قلت ليك انا حنكوش
في ناس في الدفتر ما حايصدقوا.. |
لا أحسن نصدق , قال يصدقوا قال , فى حنكوش بجى أول الفرقة فى الاحتياطى
المركزى , فى حنكوش طعنوه فى ...... بى حربة , فى حنكوش بصاحب أبو جديرى
قوم لف قال حنكوش قال , ياخى ود فقاد ده قول ليهو رد على التلفونات .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
الاخوة الاعزاء
تحياتى العطرة
اولا تحية خاصة للاخوة عاطف نور الهدى والاخ العزيز عبد الكافى محمد احمد الذى ارجو ان اجد تلفونه او ايميله عن طريق الاخ عنتر .
ثانياانقطعت عن الكتابة والقراءة لمدة نسبة لظروف العمل
ثالثااما عن كتابة الاخ الطيب عثمان يوسف فالراجل دفعتى وانا ادرى به من الاخرين الذين قد يظنون به ظن الخير فى طلباتهم الشخصية لذا من غير المعقول ان اطلب منه حبه ناهيك عن صندوق
مع علمى الكامل بالمثل الشهير(لا ..... المجنون ولاتخلى المجنون .... )
الا هل بلغت فاشهدوا
| |
|
|
|
|
|
|
|
|
|
Re: دفتر احوال ضابط الشرطة المناوب (Re: محمد عبدالمنعم التلب)
|
| Quote: قوم لف قال حنكوش قال |
قايتوا جنس حساده...تم توصيل الرساله للاخ عبد الكافي يا فيصل..
| Quote: اولا تحية خاصة للاخوة عاطف نور الهدى والاخ العزيز عبد الكافى محمد احمد |
التلب الظريف وين ياراجل الشوق مطر والله...
تلفون الاخ عبد الكافي 3478730405 يرجي الاتصال بعد الساعه الرابعه عصرا
بتوقيت newyork please thank you .....
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: وكان قلت ليك انا حنكوش
في ناس في الدفتر ما حايصدقوا |
ياعنتر بالله قول كلام معقول عشان الإنضباط بتاعنا دا ما يفك !!!!!!!!!
ذكرتنى دفعتك ياسر عبدالحميد قال هو زمان كان سمح شديد وأهلوا بخافوا عليهو كان مرق للشارع !!!!!!!!
أها دا نقول عليهو شنو ؟؟؟؟
تحياتى للأخ عبدالكافى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
| Quote: قوم لف قال حنكوش قال |
ياعنتر وبعد تجى قوم لف تانى.. فال حنكوش قال..بالله يا سيد فيصل زول كان استوبر فريق جلاس فى ليق الخرتوم الحااااااااااااااااار داك
يكون حنكوش كيف بس..شايقى ابو استك من جلاس كمان وتقول لى حنكوش ..انت اسم عاطف ده لقيتوهوا فى الخرتوم وبالغلط ساى سموك ليه.. كان مفروض يكون اسمك سيداحمد ولا سرالختم ولا العونى ولا حاجة..ماداير اقول وراّق عشان ابراهيم الرشيد ده انا مااااااااااااااااا بقدر عليه ..
شتات
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
يا اخواننا جانى ايميل من واحد اخونا ما فى داعى لذكر الاسامى لكن اول حرف فى اسمه عبدالرحيم سيد فقيرى صبرى وقال لى ما تنشرو..وبما انه الراجل اخونا وحبيبنا انا ما حانشروا لكن العايز الايميل يقول هل عشان نرسّلو ليه..عشان تضحك لامن تقع فى الواطة..
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
| Quote: يا اخواننا جانى ايميل من واحد اخونا ما فى داعى لذكر الاسامى لكن اول حرف فى اسمه عبدالرحيم سيد فقيرى صبرى وقال لى ما تنشرو..وبما انه الراجل اخونا وحبيبنا انا ما حانشروا لكن العايز الايميل يقول هل عشان نرسّلو ليه..عشان تضحك لامن تقع فى الواطة |
ألحقنا بيهو ياعلى ... اليومين دى متضايقين وكايسين الضحكه
| |
|
|
|
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
مرّت واحد وعشرين سنة ياسلااااااااااام ياخ ..
ياريت لو الواحد يتكتب ليه عمر جديد ويرجع يعيشو يوم بى يوم .. ولحظة بى لحظة..مع الاهل والاحباب والاصحاب..فى سودانى الجوّة وجدانى..ياريت .. ياريت
ضاع العمر يا شباب .. ضاع العمر ..ضاع والله ضاع...من اجل حفنة من الدولارات..
.
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: ياعنتر بالله قول كلام معقول عشان الإنضباط بتاعنا دا ما يفك !!!!!!!!!
ذكرتنى دفعتك ياسر عبدالحميد قال هو زمان كان سمح شديد وأهلوا بخافوا عليهو كان مرق للشارع !!!!!!!!
أها دا نقول عليهو شنو ؟؟؟؟
|
الاخ اسامه الكرور كيف حالك والاسره الكريمه لعلهم بخير...
دي ذكرتني واحده بخصوص ياسر عبد الحميدوالاخ الكريم عصام شريف
واخر سخريه وزله واقع فينا وحضر الاخ ياسر علشان يخش الطابور
وقام الاخ عصام شريف يعاين ساكت في ياسر وقال الطالب ده ما عارفنوا
مقبل قادي ولا مقبل جاي مربع كده.. الله يديهوا الصحه والعافيه.. اخباره شنوا يا الكرور
| Quote: ياعنتر وبعد تجى قوم لف تانى.. فال حنكوش قال |
برضوا حاقد زي فيصل
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: سوف يغادر غدا الي السودان الحبيب
اخونا عادل حمزة ونتمنا له اجازه سعيده وسط الاهل والاصدقاء
وعمرة مقبوله وما تنسانا من صالح الدعوات... |
رافقتك السلامة فى حلك وترحالك صديقى العزيز عادل حمزة , عمرة
مباركة ان شاء الله , اجازة سعيدة فى أرض الوطن بين الأهل والاحباب
بلغ كثير تحياتى للصديق عثمان احمد عثمان , وسعادة العميد معاش
على سر الختم , وكل الزملاء الكرام .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: omer osman)
|
مجموعة من ضباط الجيش والشرطة - ملحقين بقوات الدفاع الشعبي (تدريب) في معسكر الشهيد عيسي بشارة - القطينة
وقوف من اليمين :
صديق عبدالرحيم (52) ، موسي ،عمر محمد عثمان (56) ، حسين ، علاءالدين محمد الحسن (56)
جلوس من اليمين :
كمال خليل (50) ، ياسر بشير (38) ياور الرئيس حالياً ، محمد خير عباس (44) ، حسن مصطفي صادق (56)
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
مفاتيح الزواج الناجح
بينما ارتفعت معدلات الطلاق على مستوى العالم في السنوات الأخيرة بسبب فشل العلاقات الزوجية، فإن الكثير من الزيجات الناجحة استمرت لسنوات طويلة. والزواج الناجح الذي يقاوم السقوط والفشل كلما مرت عليه السنون لا يأتي من فراغ، فهناك مفاتيح تعتبر بمنزلة كلمات السر وراء نجاحه، فيما يلي بعضها.
أمسك لسانك
الإساءة اللفظية واحدة من أكثر الأفعال التي يمكن أن تضرب الزواج في مقتل على المدى البعيد، على كل طرف أن يتعلم كيف يكبح جماح لسانه وأن يرد بلطف خاصة في أوقات الغضب والضيق. ابتعاد الزوجين عن توجيه الإساءة اللفظية الى بعضهما البعض والإبقاء على الاحترام المتبادل بينهما حتى خلال مناقشة الخلافات الحادة أحد أهم مفاتيح الزواج الناجح.
أبقِ عينيك نصف مغلقتين
إنها القصة التي حدثت ملايين المرات وتحدث كل يوم.. في فترة الخطبة يرسم كل طرف للآخر صورة حالمة وخيالية تكون أبعد ما يكون عن الواقع، وبعد الزواج تظهر نقاط الضعف والاختلاف، ويبدأ تصيد الأخطاء.
أحد أهم مفاتيح الزواج الناجح أن يعي كل طرف مساحة الاختلاف بين شخصيته وشخصية الطرف الآخر، فلا يوجد شخص مطابق تماما لنفسه إلا في المرآة. اعملوا بالمقولة البليغة لبنيامين فرانكلين أحد مؤسسي أميركا: «أبق عينيك مفتوحتين على مصراعيهما قبل الزواج ونصف مغلقتين بعده».
الحلول الوسط
يفشل الكثير من الزيجات بسبب فشل الزوجين في الوصول إلى حل وسط فيما يتعلق بنزاعاتهما وخلافاتهما، فشعور احد الطرفين بأنه مطالب وحده بأن يقدم تنازلات طوال الوقت، شعور غير مريح وغير صحي داخل إطار العلاقة الزوجية، لأن كل طرف يريد أن يشعر بأنه حصل على صفقة عادلة في النهاية. والوصول إلى حلول وسط يرضى بها الطرفان، واحد من أهم مفاتيح الزواج الناجح وطويل الأمد.
التفاعل الجنسي
عدم وجود تفاعل جنسي من أكثر العلامات دلالة على وجود أزمة بين الزوجين، فعدم رضا أحد الطرفين عن العلاقة الجنسية وعدم تنبه الطرف الآخر لذلك مؤشر خطر.
وجود التفاعل الجنسي رسالة قوية على متانة العلاقة الزوجية بين الطرفين، وهذا التفاعل الذي يشمل كمية ونوعية العلاقة الحميمة بين الزوجين يجب أن يعتمد الصراحة والصدق من الطرفين من أجل تحسين العلاقة الحميمة بينهما باستمرار.
تقسيم العمل المنزلي
الكثير من حالات الزواج التي استمرت طويلا تميزها العدالة والمعاملة بالمثل. ومن الأشياء التي تبدد الشعور بالاستياء، خاصة لدى الزوجات العاملات، تحمل الزوج لبعض الأعباء المنزلية. غسل الأطباق مثلا رسالة من الزوج بأنه يتقاسم مع زوجته المسؤولية. تقاسم العمل المنزلي مفتاح مهم لحياة زوجية سعيدة وناجحة.
الصراحة راحة
لا تخلو الحياة الزوجية من بعض الآفات، لكن أخطرها عدم الصراحة واللف والدوران والمماطلة. عندما يفاجأ الطرف الآخر بهذه الآفات سيشعر بالخداع ومن ثم بعدم الثقة بشريك العمر. إن الصراحة والوضوح من أهم مفاتيح الزواج الجيد.
الهروب لبعض الوقت معا
يوجد الكثير من الأشياء التي تجعل الزوجان يقضيان الأيام وربما الأسابيع والشهور متباعدين: قضاء فترات طويلة في العمل، السفر، الأطفال، لا يوجد زواج ناجح بدون تواصل.
من أهم مفاتيح الأزواج السعداء أنهم يعرفون جيدا كيف يقتنصون بعض الوقت وسط مشاغل الحياة للهروب معا: تناول العشاء في مطعم، التمشية على شاطئ البحر، مشاهد فيلم في السينما، أمثلة قليلة على اقتناص هذا الوقت حتى لو كان مجرد ساعات قليلة.
استخدام لغة مهذبة
من أكثر الأشياء التي تهدد العلاقات الزوجية استخدام لغة خشنة تبعث رسالة إلى الطرف الآخر بعدم الاحترام والاهانة والسخرية. نحن نستخدم يوميا في علاقاتنا مع الغرباء لغة مهذبة من خلال كلمات تنم عن الاحترام والتقدير مثل: «من فضلك» و«شكرا» و«إذا سمحت»، فلماذا لا نستخدمها في حياتنا الزوجية؟
الثقة المالية
المشاكل الناتجة من الأمور المالية من أشهر أسباب فشل العلاقات الزوجية، خاصة في أيام الأزمات المالية الضاغطة، لذلك يعتبر التفاهم بين الزوجين حول كل ما يتعلق بالمال أحد أهم مفاتيح نجاحهما في الاستمرار معا لسنوات طويلة.
رأسان أفضل من واحد كما يقول المثل، وهنا ينبغي للزوجين إدارة المال كفريق واحد، وأن يخططا معا لوضع الميزانية المالية والتخطيط لكيفية إنفاقها، وأن يثق كل منهما بالآخر عندما يتعلق الأمر بالمسائل المالية.
احترام الخصوصية
من الأخطاء التي يقع فيها الكثير من الأزواج أنهم يعتقدون أن الزواج امتلاك بلا حدود، حيث يحولون العلاقة الزوجية إلى قيد.
من أهم مفاتيح الزواج الناجح سماح كل طرف للآخر بالتمتع بالفردية وبالخصوصية لبعض الوقت، وأن يتركا بعضهما لبعض مساحة يتمتعان من خلالها بالخصوصية، كممارسة الهوايات ولقاء الأصدقاء.
لغة الحب
يحتاج الزواج الناجح دائما إلى لغة تشعر الطرف الآخر بالحب والتقدير والإعجاب، هذه اللغة مفرداتها في غاية البساطة: كلمة «أحبك»، لمسة، عناق، قبلة ، هدية، هذه المفردات البسيطة أفضل مفتاح لإنعاش الحياة الزوجية.. ولذلك مطلوب من كل ضابط او ضيف ان يقول للمدام بحبك..وهذا يقلل من غسيل العده
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ياسر عبدالكريم محمد)
|
كاس العالم بدايه موفقه للقاره السمرا ونتمنا ان يكون الكاس
من نصيب الفرق الافريقيه..
اناشخصيا مع الجزائر وان كان الفريق ضعيف في خط الهجوم
ثانيا مع الفرق الافريقيه ... وان كانت المهمه صعبه للغايه
ثالثاانا عارف الكل مع البرازيل.. البرازيل فريق مكتمل الخطوط ولعابين واي حاجه
عشات تكون في عداله وانصاف انا مع المنتخب الانجليزي.. هذه المره
وائل روني الفتي الذهبي.. لامبارد..جيرارد..
لو امكن نعرف مين بشجع مين.. علشان المكاوا بعدين في النهايه
والواحد بيتمنا من الله قبل الموت يشاهد السودان في المونديال- كيف الله اعلم
مودتي
| |
|
|
|
|
|
|
|
|
 Re: دفتر احوال ضابط الشرطة المناوب (Re: ياسر عبدالكريم محمد)
|
Quote: مبروك لاخونا عمر محمد احمد الطيب
الزواج وهو الان فى شهر العسل
|
يادوووووووووووووووووووووووووووووووووووب يادفعة.. يارااااااجل الفاتح مدنى بقة جد والقرشى قرب يبقى جد.. ولا يكون حبوب المستشار دى ليها اثر فى القرارات الخطيرة دى,,
عموما الف مبروك يادفعة وان شالله بيت مال وعيال..
النجيضة
اعمل حسابك من غسيل العدة والسعفة بربطوها وهى لينة..
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote:
على محمد عثمان يبلغ الجميع التحايا
وقال ليك يا عبده عوض مبروك المسمارين
و-----مشيناها خطا |
دفعتى الكارب على محمد عثمان{الرجل الذى يجعل لجلاس طعم خاااااااااااااااااااااص لا تقول لى عنتر ولا عمر محمد عثمان ولا غيره}
نرد ليك التحية بالف تحية وانا جاى السودان قريب بعد لمة اوهايو دى ان شالله وبصلك تب المرة دى ليك على..
تعرف يا ابوعلى عبده عوض ده مافيهو عيب غير انو مريخابى لكن تقول شنو بس المؤمن مصاب.
| |
|
|
|
|
|
|
| |
على جويلى
عاطف نورالهدى الطاهر
محمد عبد الماجد الصايم
omer osman
Ali Sirelkhatim
عبد الرحيم محمد عبد الرحيم
الطيب عثمان يوسف
Adil Hamza
ياسر عبدالكريم محمد
أسامه الكرور
محمد عبدالمنعم التلب
فيس بوك
تويتر
انستقرام
يوتيوب
بنتيريست