دفتر احوال ضابط الشرطة المناوب

Quote: الصور حا تنزل لما نجر الجوكر و--------------مشيناها خطا

Quote: عبد الرحيم محمد عبد الرحيم

Quote: الســـادة الضباط السلام عليكـم Quote: عبد الرحيم محمد عبد الرحيم انا بسأل من ضابط اسمو قريبا من الاسم الفوق دا .. كان شغال فى الشرقى فى الثمانينات ومن الشرقى اتنقل جوازات المطار وسمعت انو خلى الشرطة واشتغل فى شركة كاسى للخدمات البريدية السريعة تقريبـا.. ياربى هو جنابو عبدالرحيم القاصدو أنا .؟؟ واعتقدأنو كان ساكن أمتداد ناصر .!! وبسأل برضو عن جنابو صابر ابراهيم بلة من اولاد امتداد ناصر ترك الشرطة فى رتبة نقيب فى اوائل التسعينات وهو درس فى الهند ..!! اين هم الآن .؟؟

Quote: الطيب سافر من يوم الخميس الفات اوعى يكون شال اللاب توب!!

Quote: ياهو ذاتوا وينك

Quote: جنابو عبدالرحيم دا من أكفأ ضباط الشرطة الذين عملوا فى السلك الشرطى حتى وقت قريب كان متحرى شاطر جدا بس ترك الشرطة براهو ماعارف لية .؟

Quote: وده للملكية وبتاعين الاحتياطى والمرور

Quote: سيادتو ودبرى انا اشتغلت فيهم الاتنين والسادة على جويلى وفيصل الحسن وعلى سر الختم كلهم اشتغلوا فى الاحتياطى

Quote: انا اشتغلت فيهم الاتنين والسادة على جويلى وفيصل الحسن وعلى سر الختم كلهم اشتغلوا فى الاحتياطى والسيد حمدى الصايغ تخصص فى المرور وكلهم بيطالعو الدفتر وبيقروه يعنى تكون قاصد شنو بالكلام الفوق داك؟؟ شوف ليك مخارجة من الكلتش ده هاهاهاهاى

Quote: جنابو على والله بوستكم دة مشوق وجميل جدا، بسال من واحد كان بيكتب معانا فى سنة 93 فى جريدة اخبار المجتمع اسمو نصار الصادق الحاج وكان ضابط شرطة برتبة ملازم أول ، كان عندو عمود فى الصفحة الأخيرة اسمو اوراق وهو راجل كتًاب زى جنابو عبدالرحيم .. فى زول بيعرفوا من الضباط الفى المنبر.؟

Quote: اسمو نصار الصادق الحاج وكان ضابط شرطة برتبة ملازم أول

Quote: اما الاخ / صاحب القهوة اسمع مسالة الرابط عجبتنى شديد ممكن خصوصا فى الطريق الجريمة التى اغلقت فندق اراك من مواقع الاحداث والاشراف المباشر على التحريات (مش كلام جرايد) وهنالك ايضا من ادخل الهيروين السودان وقصة الشابة ذات الحسب والنسب التى توفيت بالجرعة الزائدة فى مرديان . والكثير المثير الخطر

Quote: ** ود سرالختم ** نقول صباحك خير أو مساءك خير.. ** فى الزمن الجميل عندما كانت عندنا شرطه وشعارها (الشرطه فى خدمة الشعب)

Quote: نحو أسماء سودانية خالية من الدلع والمياعة أسماؤنا السودانية القديمة الأصيلة، كان من الصعب بل المستحيل بأن تأتي لها باسم دلع، فمهما بلغت براعتك فلا يمكنك أن تدلّع أسماء مثل: بلة، الطريفي، أب جيبين، التجاني الخزين، عجبين، الزبير، أب كساوي، الصديق، فضل المولى، فتح الرحمن، عبد الجبار، البشير،عكاشة، الجنيد، تيراب، الريّح، الماحي، حمد النيل، حسب الله،حسب الرسول , جبارة الله، أب سقرة، البي كيفو، تميم الدار، جبر الدار، عمسيب الجاك، الجزولي باشكار ,وغيرها.. عليْ النعمة تحاول تدلع أي واحد من الأسماء الفوق ديل إلا ضهرك كع ينكسر، لأنها أسماء قوية زي الخرسانة.. أسماء مضببة ضد التدليع زي العكاكيز.. أسماء أهلنا زمان أسماء رجال وما في أي طريقة لتمييعها أو تدلعيها، حتى النسوان عندنا كان أسماهن صلبة ومحتشمة، وتنافس أسماء الرجال! في قوتها وخشونتها، فنلقى أسماء مثل ست النفر، الساتر الله، أم حقين، البتول، سكينة، التاية، نفيسة، النخيل، أم زين، بت الجقمتها وغيرها، والواحدة حتى لو أهلها كانوا متحررين، بالكتير يسموها الصندلية، ومع ذلك ما تقدر تشوفها أو تشم ريحتها، النسوان كانن بنات خدور... والراجل ذاتو بيكون معجب باسم أمو المحتشم وتلقاهو يحلف بيهو في الصغيرة والكبيرة فنسمع: أنا ولدك آآآ ام زين .. أنا ولدك آآآ البخيتة.. هسه أولاد الزمن ده يقولوا شنو ويحلفوا باسم منو.. معقول الواحد يقدر يقول: أنا ولدك يا عبق أو أنا ولدك يا رنا؟ أهلنا الكبار الزمان كانوا ما بعرفوا الني وكل شيء عندهم نجيض. الني بدوهوا النار.. عليْ الطلاق تنطق الاسم كده لما شعرة جلدك تكلّب، وتتنفخ وجضومك تتورّم من العجب والخيلاء بهذه الأسماء أب كريق في اللجج سدّر حبس الفجج عاشميق حبل الوجج أنا أخويا مقلام الحجج أبشر آ جنا .. حررّم تبشر.. أبشر آ جنا التقدْ مركوبك.. مش زي أسماء الأيام دي، شدة الأسماء ما بقت مايعة تقررررّب تخت الاسم في التلاجة عشان يجمد ويبقى اسم رجال. شوفوا الأسماء دي: وائل، وضاح، وحيد، وليد، وديع، ربيع، مازن، تامر، لؤي، راني، هاني، نادر، حمادة، طلال، أيمن، مهند، إيهاب وغيرها.. والأسماء دي رغم مياعتها لكن الناس برضو دلعوها، فحصل ليها ما يعرف في اللغة بتمييع المايع وهو محرّم لغوياً فسمعنا ب: هنو، ولي، مزوني، تموري، عموري، ندوري، أيموني، هنودي، هوبة وغيرها من الأسماء المايعة الما شادة حيلها.. وكذلك غناهم كان غناء رجال وأصواتهم كانت أصوات رجال، كان المغني يغني الليل كلو بدون مايك وصوتو تلقاهو زي الجبخانة يا ليل أبقالي شاهد على نار شوقي وجنوني وناس زمان ديل حتى كعكهم كان كعك رجال.. تدخل الكعكة في خشمك كده لما يغلبك تلوكها وتقعد تقرقش فيها كُرُم كُرُم زي الخروف القاعد يصقع في الجرة. والآن جابوا لينا الكعك المايع بشتى أنواعو تدخل القطعة في خشمك تجي تلوكها تلقاها عملت (سواح) وما تعرف ! نفسك هل أكلتها ولا ما كانت في قسمتك.. نفس الشيء ده بينطبق على الولادة، زمان الواحدة تلد من خمسة لعشرة وكل سنة تساهم مع زوجها في مصاريف البيت بإنجاب طفل جديد، ومرات لو الظروف ساعدتها ممكن في نفس السنة تلد طفل وتشرع في وضع حجر الأساس لطفل جديد، ومرات الراجل ذاتو من كترة الولادة، ما بعرف أسماء أولادو ومنو الأكبر ومنو الأصغر فيهم.. الراجل يسأل مرتو: إنتِ آآآ الزينة دحين كبير ضيف الله ولا كرم الله ؟ فتجيبه الزينة باستغراب: أجي يا راجل: شن جاب ضيف الله لكرم الله! أنا لما ولدت كرم الله ده، ضيف الله كان يا دوووب بيحبا، لكنهم الاتنين مولودين! في نفس السنة المات فيها خالي عبد الرحمن.. بنات الزمن ده الواحدة إلى أن يتخرج ولدها من KG2، حتى يقولوا ليك فلانة قاعدة تتوحّم.. وهو شن الوحم؟ الواحدة وحمها ذاتو مخالف وضد العادات والتقاليد.. تلقاها متوحمة ليها على تفاح لبناني أو زبيب إيراني أو عنب إيطالي أو مهند تركي، فيطلع ليها الولد باطل ومنعّم ومرخ رخ ،والواحدة أصلها ما بتراعي ظروف زوجها.. زمان حتى وحم حبوباتنا وأمهاتنا كان وحم رجال ووحم بسيط وسهل التنفيذ ، الواحدة تتوحم على أم بقبق فيقوم يطلع الولد لايوق وعبيط أو تتوحم على ويكاب مرس فيطلع الولد بتاع مرايس وشطوط! وكمونية .. نحن ناس بتعيش حياتها بالكمونيّة والنيّة السليمة).. أهلنا الزمان كانوا متباشرين وحنينين، بكاهم شهر وعرسهم شهرين، والواحدة لما يموت راجلها من شدة الحزن والأسف والإخلاص، بدل أربعة شهور وعشرة يوم، تتحبس عليهو ثمانية شهور وعشرين يوم، لأنو أصلنا ما كنا بنعرف الشوية.. شهر العسل كان عندنا ثلاثة شهور، العريس يعديها في ضبّيح الخرفان وكسّير العناقريب، كل يوم يبدلوا ليهو في العناقريب زي بطاقات الاسكراتش.. أولاد الزمن ده شهر العسل عندهم ما بزيد ليهو من أسبوع بالكتير، وما سمعنا لينا بعريساً كسر العنقريب، الواحد رجالتو يتمها فياجرا وطاحنية ومديدة تمر.. والبلد كلها بقت ضارباها رطوبة أبو ظبي..ويجوا يرموا ليك اللوم على سكر التموين! وبعد ده كلو الواحد يقول ليك عاوز أتزوج تاني، الشرع حلل لي أربعة.. يا اخي في الأول شبّع زوجتك الأولى مودة ورحمة ولحمة وبعد كده فكّر في الزوجة التانية.. عليْ الجزيمة في الزمن المايع ده حتى شطتنا بقت مايعة وما بتحرق.. ونحن والله شعب لو ما حس بالشطة في جوفو تسوي تح تح، الأكل ما ينفعو. أنا ود التور البتنتّح ومن الشطة ما بقول أحححححح الزمن ده بقى زمن الكيتشاب والمايونيز، أما الشطة الخضراء وشطة القبانيت فزمنهم فات وغنايهم مات.. الناس هجرت المطاعم وبقوا مستعجلين وما عندهم وقت للقعاد عشان كده اتجهوا للكافتيريات، الأكل كلو بقى عبارة عن بوفتيك وطعمية وبرجر وما شابه، والناس بقوا زي المجانين تلقاهم ياكلوا ماشين ويتكلموا ماشين وكان قلت لزول سلام عليك لا بسمعك ولا برد عليك.. مشيت السودان قبل سنة ما لقيت زول يتونس معاي وفي النهاية جيت راجع وشنطتي مليانة ونسة وشوق للناس الزمان... وكلابنا برضها بقت مايعة وكسلانة ومسكينة وما بتهوهو في زول، الكلب تجي ماشي فوق ليهو ما يقول ليك هوْ، ولو بقى نشيط خلاص، يقوم ينبح فيك بتهوهوة واحدة تاني ما يزيدها، كأنو عامل ليك مس كول.. مرة ناقشت مسألة عدم مبالاة كلاب اليوم مع واحد كلب، فقال لي: زمان كان بيطغى الحماس والانفعال على أدائنا ككلاب، وكنا بننبح في الفاضية والمليانة، لكننا لما شفنا الحكومة ما بتدفع لينا مواهي وحاولت تستملحنا، قلنا ما لنا ومال المشاكل والعباطة الفي الفارغ.. ونحن الآن في ظل نظام عالمي جديد ولن ننبح ببلاش لأنو في حاجة اسمها الملكية الفكرية وأصواتنا دي لازم تقيّم التقييم المناسب واللي عاوز ليهو (هوت دوق) يشوفوا بعيد مننا، نحن خلاص ودعنا عهد العباطة والتهور. فقلت في نفسي: يا حليل زمان وأيام زمان.. لما الكلاب كانت بتسك الشفّع وتشرط هدومهم.. الآن نبيحها ذاتو بقى مشروط.. زمان تجي ماشي تلقى الكلب منتظرك في الطريق مليان جسارة وعنفوان ولسانو حالو يقول يا دنيا ما فيك إلا أنا، أما الآن فالكلاب بقى مغضوب عليها وضالة ومهمشة وبتعيش على حافة النسيان ولو نظمت نفسها كويس ممكن تدخل الغابة أو تقيم في فنادق وتعلن التمرد وتعمل ليها حركة تمرد وممكن تسميها حركة تحرير الكلاب وتختصرها في كلمة (حتك).. يا جماعة الكلام ده عيب في حقنا وما بصح في حق شعب عاش (علماً) بين الأمم .. ويا جماعة كفانا تمييع أسماء وتمييع كعك وتمييع وحم وتمييع فحولة وتمييع قضايا وتمييع مياعة وخلونا نرجع لقديمنا ونخلي في البنسوي فيهو ده، الكلام ده بالحيل ما سمح في حقنا .. حليل زمن الصبا الماضى حليل زهر الحياة الزاهر حليل زمن الحبيب راضى وحليل زمن الهوى الطاهر حليلو الأبلج الباسم حليلو الكاحل الناير حليل قمر السما القاسم لياليه وصبح داير آه لو آه تفيد مجروح والمثل القديم ساير رهاب ماحصلو الجاري وسماك ما حصلو الطاير تجدنى مراقب أخبارك اذا النسمات بها تخابر تجدني على الفراش مضنى وتجدنى على الأسى صابر أنا البعدك أصون عهدك وليتك كنت بى خابر وليتك مرة تذكرنى ولو في ذكرة الغابر

Quote: وائل، وضاح، وحيد، وليد، وديع، ربيع، مازن، تامر، لؤي، راني، هاني، نادر، حمادة، طلال، أيمن، مهند، إيهاب وغيرها..

Quote: الاخ ايمن الطيب والله جاتنى فى الايميل وقلت اعمل بيها استراحة شوية لحدى سيادتو ودبرى ما يجى ويواصل فى قصته وعلى العموم ياسيدى تقبل اعتذارى ولك العتبى حتى ترضى تحياتى

نرجع للصينى,,,,
مودتى...

(عدل بواسطة Kamal Karrar on 08-16-2009, 11:05 PM)
(عدل بواسطة Kamal Karrar on 08-16-2009, 11:07 PM)

(عدل بواسطة حيدر امين on 08-16-2009, 10:18 PM)

Quote: وصلتنى رسالة بريدية من الاخ التلب قمة الإبداع ملاح قرع و بامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح! عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد مهول من مكيفات الهواء تغطى أرضيته (السجاد) لزوم (عدم الغبار وكده)! عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية البااااردة! فى صالون النساء جلست سوسو (فى الأصل ست البنات قبل أن يصبح حسن يورو رجل أعمال) جلست على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية!

Quote: غايتوا يا عبده وعمر مازدا واكرم بودوكم المحطة البعد كوستى

Quote: السدة الضباط .. السادة الزملاء .. السادة المشاركين.. أهنئكم بقدوم شهر رمضان الكريم وتصوموا وتفطروا على خير ونسأل الله العزيز الجليل أن يتقبل منا ومنكم الصيام والقيام وصالح الأعمال.. وندعوا المولي القدير أن يردنا إلي سوداننا الحبيب قريباً سالمين وغانمين..

Quote: يا هو أنا ذاتو .. ووالله أنا في غاية السعادة لوجودك معنا في هذا المنبر الرائع ولقد كانت ذكريات وأيام جميلة جداً لا تنسى أيام الإستعداد بالباب الغربي ويا حليليه. جنابو علي سرالختم الراجل الفاضل الحبوب والله دائماً إنت في الذاكرة لأن الناس الطيبين ذيك يبقوا دائماً قي الذاكرة ومهما طالت الأيام. أرجو المواصلة وخلينا نعرف أخبارك. أنا طبعاً قدمت إستقالتي من الشرطة في عام 1994م وبعدها حضرت للسعودية في 1997م وتنقلت بين المنطقة الشرقية (الجبيل) والرياض. والآن أنا مستقر وأعمل في شركة مجال عملهاالأثاث المكتبي (شركة المكاتب المحدودة) في وظيفة مساعد مدير مشتريات والأمور والله تمام التمامونحمد الله على كل شئ . ولدي ثلاثة أطفال( رانيا 15 سنة + أكرم 8 سنوات + يمنى 5 شهور).. هذا بإختصار.. المهم خلينا متواصلين وما تقطع أخبارك..

Quote: يا هو أنا ذاتو .. ووالله أنا في غاية السعادة لوجودك معنا في هذا المنبر الرائع ولقد كانت ذكريات وأيام جميلة جداً لا تنسى أيام الإستعداد بالباب الغربي ويا حليليه. جنابو علي سرالختم الراجل الفاضل الحبوب والله دائماً إنت في الذاكرة لأن الناس الطيبين ذيك يبقوا دائماً قي الذاكرة ومهما طالت الأيام. أرجو المواصلة وخلينا نعرف أخبارك. أنا طبعاً قدمت إستقالتي من الشرطة في عام 1994م وبعدها حضرت للسعودية في 1997م وتنقلت بين المنطقة الشرقية (الجبيل) والرياض. والآن أنا مستقر وأعمل في شركة مجال عملهاالأثاث المكتبي (شركة المكاتب المحدودة) في وظيفة مساعد مدير مشتريات والأمور والله تمام التمامونحمد الله على كل شئ . ولدي ثلاثة أطفال( رانيا 15 سنة + أكرم 8 سنوات + يمنى 5 شهور).. هذا بإختصار.. المهم خلينا متواصلين وما تقطع أخبارك..

Quote: علي السر وعادل حمزة معزومين حفلة شرحبيل لوج...

Quote: عـاجل جدا .. من أحد الضباط المتقاعدين ... إلى إسحاق أحمد فضل الله] فى هذا البوست رد الأخ الطيب عثمان يوسف .. على صحفى الإنقاذ القذر اسحق أحمد فضل الله وقال Quote: Quote: اكملت إحدي الجهات الترتيبات للقيام بمظاهرة تشارك فيها العاهرات والشواذ جنسياً في اطار حملة لإلغاء قانون النظام العام والإستفادة من قضية الصحفية لبني أحمد حسين وذلك بدعم من سفارات غربية بالخرطوم . وابلغت مصادر مطلعة (الوفاق) أمس أن تلك الجهاة عقدت عدة اجتماعات وشكلت ثلاث مجموعات الأولي بقيادة (ي) مهمتها رصد ممارسات رجال الشرطة لاتهامها بأكبر كمية من الإتهامات الأخلاقية وذلك بالتعاون مع عقيد شرطة معاش (م) الذي يتبع لحزب عجوز . وقالت المصادر أن المجموعة الثانية تضم محامين وضباط متقاعدين ومهمتها الاتصال بالعاهرات اللاتي عوقبن بموجب القانون وتم حتي الآن الاتصال ب 510 منهم وكذلك الأتصال بالشواذ جنسياً من الذين حكموا وجلدوا وجمع منهم الآن 52 . اما المجموعة الثالثة يقودها (ب . ر ) فمهمتها تنوير القواعد بقانون النظام العام وتخويف المجتمعات منه . ....... هذا بعض ما جاء فى صحف اليوم *** المدعو اسحاق : *** إن ما جئت به على لسانك القذر ليس له أى تفسـير سوى صب الزيت على نار الفتنة مسنودا بمصادر معلوماتك من شياطين الإنس و الجن . *** إن ما جئت بة لا ينم إلا عن مخيلة ملوثة بروث الآدميين و الأنعام . *** إن ما أوردته ما هو إلا إستفتاء كاف لتقرير إضمحلال إعلام اليوم فى بلادنا *** إن الضباط المتقاعدين بكافة فئاتهم و شرائحهم هم أشـرف من أن تتناولهم أنت و أشباهك ولو شكرا و ثناءا . على كافة جهودنا فى صون و حفظ مجتمعاتنا من أولئك الذين ترمي بنا معهم اليوم فى أرزال فكرك التافه و خلقك المنحط . *** إن الضباط المتقاعدين عاهدوا الله قبل اليوم على بذل كل غال و رخيص فى سبيل حماية أمن الوطن و المواطن و الممتلكات و الأموال و حتى الأنعام من أمثالك و لا زلنا على عهدنا إلى أن يقضى الله أمرا كان مفعولا ... و يكفينا شرفا أن كل التيارات المحلية و الخارجيةالمعادية لسياسة الإنقاذ بما فيهم شركاء السلطة اليوم قد كانت و ما زالت تتمنى أن نحمل السلاح فى و جه الإنقاذ ، و كان ردنا و لايزال : كيف نحمل السلاح فى وجه جنودا كنا نقودهم قبل قليل ؟ كيف نحمل السلاح فى و جه رجال كانوا قبل قليل يحموننا بأرواحهم . كيف نحمل سلاحنا فى وجه إخوتنا فى الدفعه و زملاء الميدان . و ثمن إعادة حقوقنا المسلوبة لم و لن يكون نارا يصتلى بها أهلنا و نساؤنا و أطفالنا. *** المدعو إسحاق : كيف استقام لك _ إن كان لك عقل _ أن تربط شـرف الضباط المتقاعدين بما فيهم شقيقك ( معنى ) بزمرة بقايا أعداء لوط علية السلام . كيف تثنى لك أن تروج لتنظيم بين الشواذ جنسيا من أمثالك و العاهرات يقوده أشرف من هم فى بلادى اليوم و هم الضباط المتقاعدين و المحامين . *** المدعو / اسحاق : إن كانت غايتك من هذا التقرير البائس إيصال رسالة لأهل الانقاذ انك أكثرهم حرصا على الثورة بصونك لقانون النظام العام . فتيقن إنما أنت بهذا لم تزد إلا عدد الكارهين له و لم تزد الكارهين إلا كرها . ولم تزداد فى نظر الانقاذ أنت إلا سـقوطا و إنبطاحا !!! *** المدعو / اسحاق : أعلم تماما أننى لا أمتلك من بذاءة الكلم ما تملك . بيد أننى أملك شجاعة تصل فى حدها معك أن أقضى عليك درءا لفتنة أردتها أنت . و قطعا لوصل بين الفضيلة و الرزيلة مسنا . *** فإن شئت فالتوقف ما بدأت أو فانذر بحرب لا قبل لك بها . ..................... ............ ............. ................. *** رسالتى : 1/ فى إنتظار الرد المناسب على هذا السفيه من رئاسـة الشـرطة قبل الإخوة المتقاعدين 2/ فى إنتظار الرد المناسب من كل شريف و ناطق بإسم الاخوة المحامين و القانونيين . 3/ إنما جاء به هذا المنحط ما هو إلا رسالة إالى الكافة يبلور فيها أن قضية لبنى ما هى إلا إنوذجا من سلوك العاهرات و الشواذ جنسيا من أمثالة ... و نحن نرد علية بأن قضية لبنى بين دفات القضاء لا نملك حق التعليق عليها صوننا لقناعاتنا . 4/ تسـاءلوا معى أين هذا الوغد من آيات ربه ( إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) صدق الله العظيم ....؟ *** المدعو إسحاق / و من فى زمرته : إياكم أن تفهوا اننى أتعاطى السياسة و إياكم أن تفهموا أننى فى حوجة لإنقاذكم فى شيئ ، فقط مسنى رذاذ سعالكم . وقادر بإذن واحد أحد أن أزيله و لكل حادث حديث . ..............................الطـيب عثمان يوسـف