|
Re: دفتر احوال ضابط الشرطة المناوب (Re: فيصل عثمان الحسن)
|
Quote: توفي ظهر اليوم 24/6/2009م والد العقيد شرطة/عبدالله بابكر الحسن - الدفعة (56)
العزاء ببورتسودان ، ت الاخ عبدالله 0912343442
اللهم اغفر له وارحمه وادخله فسيح جناتك |
Quote: يا أيتها النفس المطمئنة ارجعى الى ربك راضية مرضية فأدخلى فى عبادى وادخلى جنتى ) صدق الله العظيم . انتقلت فجر اليوم الى رحاب ربها الحاجة ستنا الزبير فرح والدة أخى وصديقى العقيد شرطة معاش حاتم محمد حفظالله , ويقام المأتم بمنزل الأسرة بالصحافة مربع 42 , دعواتكم يا أحباب لراحلتنا العزيزة بالرحمة والمغفرة وللعزيز حاتم ووالده واخوانه واخواته بالصبر الجميل وحسن العزاء , ولا حول ولا قوة الا بالله العلى العظيم . |
نسال الله لهما الرحمة والمغفرة وانا لله وانا اليه راجعون.
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
(توفي ظهر اليوم 24/6/2009م والد العقيد شرطة/عبدالله بابكر الحسن - الدفعة (56)
العزاء ببورتسودان ، ت الاخ عبدالله 0912343442
اللهم اغفر له وارحمه وادخله فسيح جناتك)
ألف رحمة ونور تتنزل على روحه الطاهرة , صادق العزاء والمواساة للأخ العقيد عبدالله بابكر وأسرته الكريمة , ولا حول ولا قوة الا بالله العلى العظيم .
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
ان انسى ماانسى الخرطوم شمال فهو له نكهة خاصة من دون الاقسام عزيزى القمندان / على جويلى لقد كان الخرطوم شمال النبراس المضىءلعمل الجنايات فى السودان لتفرده بتنوع العمل وتعدده لكل اشكال اعمال الجنايات ولقد زاملنا كواكب نيرة فى العمل الجنانى . كان فى مقدمتم السيد المرحوم عبد الباسط سعد جبارة (عاشق الشرطة) و عمر عبد العزيز وعمر شين والمرحوم عبد الرحيم الطيب - والاخوة محمد عبدالفتاح وحاتم عبيد وحسن عبد الكريم والسنى محمد ابراهيم - والسادة / مجدى الطيب واحمدادريس وعبدالمنعم مكمى والساخر عمر موسى ولاحقا الاخوة تاج الدين خضر الجزولى والنور يوسف ولانسى المرحوم ابوسوار وعمل نورالدين بنتاع المخزن . وشباب الاشلاق صلاح بابكر / والزبير وامين نورالدائم وامير حسن - محمد نادر _ ابراهيم عبد الرحمن . اما صف الضباط الجاويش النبطشى المرحوم عمك عمر واحمد بادى والمتحرين حربى والطيب محمد عثمان - سوف نحاول الاستذكار فهلا ساعدوتنا ودبرى
| |
|
|
|
|
|
|
Re: دفتر احوال ضابط الشرطة المناوب (Re: أسامه الكرور)
|
Quote: كما توفى والد الاخ الزين حسب الرسول (د/52) ويقام الماتم بالقوز
لهم الرحمة ونسال الله ان يكون مثواهم الفردوس الاعلى مع الصديقين |
جبر الله كسركم يا دفعة. نسال الله له الرحمة والمغفرة. انا لله وانا اليه راجعون.
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
ان انسى ماانسى الخرطوم شمال فهو له نكهة خاصة من دون الاقسام عزيزى القمندان / على جويلى لقد كان الخرطوم شمال النبراس المضىءلعمل الجنايات فى السودان لتفرده بتنوع العمل وتعدده لكل اشكال اعمال الجنايات ولقد زاملنا كواكب نيرة فى العمل الجنانى . كان فى مقدمتم السيد المرحوم عبد الباسط سعد جبارة (عاشق الشرطة) و عمر عبد العزيز وعمر شين والمرحوم عبد الرحيم الطيب - والاخوة محمد عبدالفتاح وحاتم عبيد وحسن عبد الكريم والسنى محمد ابراهيم - والسادة / مجدى الطيب واحمدادريس وعبدالمنعم مكمى والساخر عمر موسى ولاحقا الاخوة تاج الدين خضر الجزولى والنور يوسف ولانسى المرحوم ابوسوار وعمل نورالدين بنتاع المخزن . وشباب الاشلاق صلاح بابكر / والزبير وامين نورالدائم وامير حسن - محمد نادر _ ابراهيم عبد الرحمن . اما صف الضباط الجاويش النبطشى المرحوم عمك عمر واحمد بادى والمتحرين حربى والطيب محمد عثمان - سوف نحاول الاستذكار فهلا ساعدوتنا ودبرى
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
محمد طه كمال to me, show details 11:14 AM (1 hour ago) Reply
ادروب سألو تمش الجنة والا النار ...؟ قال ليهم الشوايقة ماشين وين ....؟ قالو ليهو ماشين النار قال خلاس بامش معاهم النار يا ادروب الكلام ده كيييف بس ...؟ قال ليهم : الشوايقة ديل ما بمشو حتة الا يكون فيها كّدة ولا منفعة ****** شايقي لقو بدق في اولاده الاتنين سالو مااالك ...؟ قال لقيتهم فاتحين المروحة في تلاتة وهم كلهم اتنين بسسس ***** شايقي دخل مع ابليس في جمعية شال الصرفة الاولى وقال : بسم الله ***** شايقية عجوز في محو الأمية سألتها المدرسة : قولي لي جملة فيها إدغام بغنة ....؟ قالت ليها : عمن يعميك *** شايقي قال لابوه : ابوي عايز اكمل دراستي بره ابوه قال ليهو : مافي مشكلة خلي امك تفرش ليك السرير في الحوش بس اوعى البرد ما يطقك **** واحد شايقي جاتو ليلة القدر قالو ليه : اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين قال ليهم : قدو لي عيني ***** قالو ليكم شايقي قاعد قدام قبر ويبكي بكاء شديد الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو : هاااااااااااا زول نعل ما في عوجة انت ما عارف القبر ده قبر الجعلي قال ليهم : آي بالحيل عارفوا قبر الجعلي لكن أنتوا ما سمعتوا البكاء بعذب الميت عشان كده أنا ببكي عشان الجعلي أتعذب أكثر وأكثر **** كان في شايقي راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير ابوهو وامو لما جا مارق في القيف الناس سالوهو : انت كيف تخلي ابوك وامك وتمرق الزول الغريب ...؟ رد عليهم : نان ماني طالبو ...............ز شايقي لقوه بمسح صدره بي ورقة فئة 5جنيه سألوه ليه ...؟ قال ليهم الدكتور قال لي : اشتري زيت سمسم اشربه واتمسح بالباقي *****
شايقي نذر لو جاله ولد يصوم خمسة ايام شكر لله ، بعد ايام الولد مات صاحبنا راح خاصمهم من رمضان **** تمساح خاتي ليهو كوم ليمون جنبه يقشر ويأكل جاء تمساح سأله : مالك يا تماسيحو ان شاء الله خير قال ليهو : والله اتغديت لي بي شايقي عامل لي طُمام قال ليهو : اجيب ليك دواء استفراغ قال ليهو : المشكلة لا معدتي دايرة تهضمه لا الدنيا راضية ارجعه ليها تاني ***** شايقي داير ينزل نعي في الجريدة كتب : الشايقي ينعي ابوه ويوجد تمر للبيع ***** واحد شايقي ابوه مات قالو ليه : ادي الشيخ الغسل ابوك 10 الف قال ليهم : ليه هو غسل BMW **** عسكري شايقي لقي جعلي مقتول ما عرف القتله منو سجل القضيه علي فاعل خير ***** قالو ليك فى شايقى مشى دار الايتام شغل ليهم اغنية بابا فين ***** امام شايقي في الركعة الاخيرة سمع واحد جاي يحصل الركعة سلم واقف ***** شايق مشى يسجل ولده في المدرسة قالوا ليهو : المدرسة بي خمسمائة الف والبص بثلاثين الف قال ليهم : خلاص سجلوهو لي في البص **** شايقي كتب في وصيتو ادفنوني جنب الجعلي لمن سالوه ليه قلت كدا ...؟ قال : عشان يوم القيامة الجعلي بيقول حرَم الحساب علي ***** شايقية فتحت جواز راجلها لقت مكتوب مهنته رجل اعمال قامت مسحت اعمال وكتبت عوضية ***** داير تعذب شايقى قطع قروش قداموا ***** شايقي دخل الجنه وفجاه اختفي لما فتشوه لقوه بكب في بنزين لي ناس النار ***** شـايـقى واقـــف في بص شـاف بنت قـاعـــدة قـام عاين ليها عــاينت ليه أبتـــسم ليها أبتســمت ليه غمـــز ليها غمــزت ليه أشـــــر ليها علي المحطة نزلت قعـد محلــــــــــــــها ***** فى اتنين شـــايقى وجعــلى حكمــوهــــم بالأعـــــدام بعـدين يـوم الأعــــــدام سالوهم آخر أمنية ليكم قبال ما نعدمكم شنو ...؟ الشايقى حنين نط قدام الجعلى قاليهم انا عاوز أشـــوف أمى وأنت يا الجعلى داير شنو ...؟ قال ليهم : الشــايقى دا ما يشوف أمــــو **** شايقي قالو ليهو ناس البلد : رسل لينا التبرع بتاعك عاوزين نعمل حوش للمقابر قال ليهم : حوش شنو عمركم شوفتو ليكم ميت شرد ؟
***** شايقي الحريقه قامت فى بيتو عمل مس كول للمطافى ***** سته شوايقة غاطسين فى البحر قالو : البطلع أول على سطح المويه الغداء عليهو لى يومى ويومكم ده ماطلعو *** إتنين شوايقه زهجانين من نسوانُن واحِد قال للتاني : نِحنا لمن نموت
ونتزوج الحور العِين نِسوانا ديل بودُوهُم وِين؟ التاني قال ليهُو : بعزِبوا بيهُم الكُفار ***** شايقي دخل البيت زعلان شديد مَرَتُو سألتو : مالك يا راجِل قال ليها ت: خيلي الصيدليه عامله تخفيض كبير في الدواء وما عندنا زول عيان **** قالو واحد شايقي لاقا قريبو اسمو محمداحمد قام قال ليهو : آ موحمداحمد بتفهم في الكهربى شى قالو : اي بفهم قام قال ليهو : كان كدي تعال علينا صلحلنا جرس الباب الليلنا باقي عطلان قالو : سمح بجي اها صاحبنا ما جا قام لاقاهو بعد تلاته يوم قالو : محومد احمد مالك ما جيتنا فشان تصلح الجرس قام محمداحمد قلل ليهو : والله جيت تلاته مرات دقيتلكن الجرس مافي زول فتحلى *****
قال ليك واحد شايقي قال لي ابليس : نزرع سوا قامو زرعو قمح الشايقي قال لي ابليس : انت شيل ال 4/3 التحت وانا الربع الفوق ابليس وافق الشايقى قال : الندقسو اها لما ابليس اكتشف الحكاية زعل وشاكل الشايقي ما مشكلة نزرع تاني وانت شيل ال 4/3 الفوق وانا الربع التحت قام الشايقي زرع بصل ***** جعلي سألُوهو عن الغُربه كيف قال : والله الغربه شِدة ما حاره تلاقي الشايقي في الشارِع تسلِم عليهو ***** شايقى إتصل فيه جورج قرداحي قال ليهوا : صديقك ميرغنى يبي مساعدتك رد عليه الشايقى وقال : قوله نايم ***** واحد غرق فى النيل مافى جنبو الا شايقى قال للشايقى : عليك الله انقذنى الشايقى قال ليه : يازول ما تستغفر الله ده ما يومك ****
شايقيه قالت لي امها : راجلي اتاخر خايفه يكون عرس علي قالت ليها : يابت اتفائلي خير يمكن طقشتو عربيه ,,,,,,,,,,, شايقى قروشو وقعت منو بالبلكونه وقت نزل لقاها عارفين ليه لانو وصل قبلها ’’’’’’’’’’ة شايقى عندو فرن جاهو شحات قال : ليهو لى تلاته يوم ما ضقت طعم الرغيف الشايقى قال ليهو : ياهو زاتو ما اتغير **** شايقي بخيييييييييييل حب يضرب باب البيت بوهيه ضرب ضلفه وكتب علي التانيه ( نفس اللون) ***** شايقي وجعلي و رباطابى محسي اصحاب اتفقوا اول واحد يموت منهم يختو ليه قروش جنب قبرو المحسي اتوفى اول واحد الجعلي خت 200 الف ومشى جا الرباطابي خت 200 الف ومشى جا الشايقي اخد ال 400الف وخت ليه شيك ب 600 الف وقال ليه : لمن تقوم امشي اصرفو ***** مع الإعتذار لأهلنا الشوايقة الحلوين و الداير يقول أى شئ فى بنى رباط والله ما بنزعل
وقف أعرابي معوج الفم أمام أحد الولاة فألقى عليه قصيدة في الثناء عليه التماساً لمكافأة, ولكن الوالي لم يعطه شيئاً وسأله : ما بال فمك معوجاً, فرد الشاعر : لعله عقوبة من الله لكثرة الثناء بالباطل على بعض الناس . ** كان أحد الأمراء يصلي خلف إمام يطيل في القراءة, فنهره الأمير أمام الناس, وقال له : لا تقرأ في الركعة الواحدة إلا بآية واحدة . فصلى بهم المغرب, وبعد أن قرأ الفاتحة قرأ قوله تعالى ( وقالوا ربنا إنا أطعنا سادتنا وكبراءنا فأضلونا السبيلا ), وبعد أن قرأ الفاتحة في الركعة الثانية قرأ قوله تعالى ( ربنا ءاتهم ضعفين من العذاب والعنهم لعناً كبيرا ) , فقال له الأمير يا هذا : طول ما شئت واقرأ ما شئت, غير هاتين الآيتين . ** جاء رجل إلى الشعبي – وكان ذو دعابة – وقال : إني تزوجت امرأة ووجدتها عرجاء, فهل لي أن أردها ؟ فقال إن كنت تريد أن تسابق بها فردها ! وسأله رجل: إذا أردت أن أستحمّ في نهر فهل أجعل وجهي تجاه القبلة أم عكسها؟ قال: بل باتجاه ثيابك حتى لا تسرق ! ــ وسأله حاج: هل لي أن أحك جلدي وأنا محرم ؟ قال الشعبي: لا حرج. فقال إلى متى أستطيع حك جلدي ؟ فقال الشعبي: حتى يبدو العظم . ** سمع أحد المغفلين شيخاً يقرأ قوله تعالى ( يتجرعه ولا يكاد يسيغه ) فقال : اللهم اجعلنا ممن يتجرعه ويسيغه . ــ ونظر مغفل آخر إلى مرآة فأعجبه شكله فقال : اللهم بيض وجوهنا يوم تبيض وجوه, وسودها يوم تسود وجوه . ** كان الحجاج بن يوسف الثقفي يستحم بالخليج العربي فأشرف على الغرق فأنقذه أحد المسلمين و عندما حمله إلى البر قال له الحجاج : أطلب ما تشاء فطلبك مجاب فقال الرجل : ومن أنت حتى تجيب لي أي طلب ؟ قال: أنا الحجاج الثقفى قال له : طلبي الوحيد أنني سألتك بالله أن لا تخبر أحداً أنني أنقذتك . ** دخل عمران بن حطان يوماً على امرأته , و كان عمران قبيح الشكل ذميماً قصيراً و كانت امرأته حسناء فلما نظر إليها ازدادت في عينه جمالاً و حسناً فلم يتمالك أن يديم النظر إليها فقالت : ما شأنك ؟ قال : الحمد لله لقد أصبحت والله جميلة فقالت : أبشر فإني و إياك في الجنة !!! قال : و من أين علمت ذلك ؟؟ قالت : لأنك أُعطيت مثلي فشكرت , و أنا أُبتليت بمثلك فصبرت .. و الصابر و الشاكر في الجنة. ** كان رجل في دار بأجرة و كان خشب السقف قديماً بالياً فكان يتفرقع كثيراً فلما جاء صاحب الدار يطالبه الأجرة قال له : أصلح هذا السقف فإنه يتفرقع قال: لا تخاف و لا بأس عليك فإنه يسبح الله فقال له : أخشى أن تدركه الخشية فيسجد. ** قيل لحكيم : أي الأشياء خير للمرء؟ قال : عقل يعيش به قيل : فإن لم يكن قال : فإخوان يسترون عليه قيل : فإن لم يكن قال : فمال يتحبب به إلى الناس قيل : فإن لم يكن قال : فأدب يتحلى به قيل : فإن لم يكن قال : فصمت يسلم به قيل : فإن لم يكن قال : فموت يريح منه العباد والبلاد. ** سأل مسكين أعرابيا أن يعطيه حاجة فقال : ليس عندي ما أعطيه للغير فالذي عندي أنا أحق الناس به فقال السائل : أين الذين يؤثرون على أنفسهم؟ فقال الأعرابي : ذهبوا مع الذين لا يسألون الناس إلحافاً. ** دخل أحد النحويين السوق ليشتري حمارا فقال للبائع : أريد حماراً لا بالصغير المحتقر ولا بالكبير المشتهر ،إن أقللت علفه صبر ، وإن أكثرت علفه شكر ، لا يدخل تحت البواري ولا يزاحم بي السواري ، إذا خلا في الطريق تدفق ، وإذا أكثر الزحام ترفق. فقال له البائع : دعني إذا مسخ الله القاضي حماراً بعته لك
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الاخوة الزملاء والضيوف
هل ترغبون فى استمرار دفتر احوالكم ام آن الاوان لارشفته؟الرجاءابداء الراى اذ اننى اؤمن بالديمقراطية.
عندما قمت بفتح هذا البوست كان الغرض ان يكون هناك ترابض بين الناس ومعرفة اخبار بعضنا بعضا ومواقعنا فى هذه الارض بعد ان قدر لنا الشتات والفرقة. محاولة للم الشمل . فسؤالى هل لديكم الرغبة فى استرار هذا الدفتر ام لا ؟السؤال موجه للجميع وحملة الباسويردات بصفة خاصة.
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
الصديق على التحايا والود . استمرار الدفتر مرهون باستمرارية عضويتنا بهذا المنتدى , بمعنى لو فضل شرطى واحد كعضو بهذا المنبر وجب أن يكون لديه دفتر أحوال يدون عليه ما يستجد , اذن دفتر الأحوال أصبح ضرورة , وأظنك ملاحظ كيف تمكن هذا البوست العبقرى ( دفتر أحوال الضابط المناوب ) من جمع شملنا بعد فرقة , وأصبحنا نطلع على أخبار الأصدقاء من خلاله . فى لا ئحة بكرى أن البوستات التى تتجاوز عدد صفحاتها كذا صفحة يجب أن تأرشف , فان تم ذلك , حينها لا مناص من الذهاب لمخزن الأدوات المكتبية واحضار دفتر جديد , بمعنى فتح بوست جديد يسمى دفتر الأحوال رقم 2 .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Quote: الاخ علي تحياتي الحاره وشكري لكل الزملاء الكرام لكل ما سطَره يراعهم في حق شخصي الضعيف .تحياتي لتضامنهم القوي ووقوفهم صفَا واحدا رغم طول السنين وجفافها ووحشتها . تحياتي لهم في منافيهم خارج وداخل الوطن . تحياتي لتماسكهم فالقضيه قضية وطن كانت وما زالت مشتعلة في دواخلهم الوضيئه ..تحياتي لصاحب " البوست " الممتاز الاخ العملاق الدفعه عبد الحفيظ ولصبره الذي ما فتر ..وتحياتي لصاحب " دفتر الاحوال "علي سر الختم وصحبه الميامين .. واشكره على الاتصال بي حين حضوره لواشنطن . وتحياتي للاخوه الكرام ابناء الكرام الذين ذكروني بالخير واقول لكم لولاكم لما كان هنالك خير اصلا وقطعا هنالك الكثير .. تحياتي للاخ فيصل واتصالك بي سيبقى معلما في حياتي وكل هذا وذاك لن يزيدنا الا قربا من القضيه وتمسكا بها ..تحياتي للمرهف النور يوسف الاديب المقل وارجو ان يكتب فنحن نحتاجه هنا وهناك .. تحياتي لعبده وعلي وابراهيم الرشيد.. ادامكم الله على قلب رجل واحد وما فرَق خطاكم ابدا .. ولتبق كتاباتنا متصله ما دمنا احياء وتحياتي للمتداخلين وساعود للجميع بالتفصيل باذن الله فاقبلوا مني هذه الرساله القصيره في هذه العجاله والى لقاء قريب . سعادة الاخ الفريق محمد الحسن يوسف يشكركم شكرا اعجز انا عن التعبير عنه لكم الود والشكر اهلي وعشيرتي اخوكم محمد عبد الله الصايغ |
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: اما صف الضباط الجاويش النبطشى المرحوم عمك عمر واحمد بادى والمتحرين حربى والطيب محمد عثمان - سوف نحاول الاستذكار فهلا ساعدوتنا ودبرى [/QUOTE
الزملاء الاعزاء ود برى...هاجر عوض اكثر من عمل فى الشمالى هنالك قضايا كبيرة وشائكة فى تلك الفترة يمكن التحدث عنها .على سبيل المثال قامت الاستاذة اسماء محمود محمد طه بفتح بلاغ بالشمالى ضد واضعى قانون 1983 مايسمى قانون الشريعة والذى بموجبه اعدم الاستاذ محمود محمد طه وتم القبض على الاستاذ عوض الجيد الاستاذ النيل ابو قرون الاستاذة بدرية سليمان وبوصف الاخت هاجر عاصرت تلك الاحداث وكانت الاستاذة بدرية سليمان تجالسهم بالمكتب بعد ان تم القبض عليها المرجو منها اسعاف الذاكرة ولو بالقليل ... وبهذه المناسبة فللننظر لشاهد عيان لتلك الجريمة النكراء الا وهى اعدام الشيخ بقلم الزميل العزيز السيد محمد عبد الله الصايغ .
| |
|
|
|
|
|
|
Re: دفتر احوال ضابط الشرطة المناوب (Re: عبده عوض)
|
بسم الله الرحمن الرحيم أخى على السر .. وكافة المتداخلين ممن يحمِلون .. وممن يحلَمون ... التحيات الراقيات الناعسات تقالدكم .. جِيداً بعد جيد تغازلكم .. لحناً ونشيداً وقصيد تستبيح صدوركم عشقاً .. من الوريد الى الوريد ...................... هذا البوست , كوة من ضوء أنار درب التواصل .. وحلم التلاقى تذاكرنا فيه أياماً خلت .. وعشقاً أفل وكان قبلةً لمن تجرى فى عروقهم دماءٌ شرطية خالصة النقاء غزيرة الإنتماء وكان العهد به أن يستمد ألقه من ذلك النبع ويترسم خطاه من ضفائر الزمن الجميل لكن !!!! رويداً رويداً اعتراه داء المحبين الحنان !!!! نحلم به أن يظل (كية) فى ثقب الأوزون ومفصلاً فى جسد الفضاء أتمنى أن ننأى به عن عواهن الكلام داء الإيميلات وعقيم النكات نحتاج فيما نحتاج أن يتستفز بعضنا بعضا حتى نفرغ ذلك المشحون , الذى ارهق كتف الذاكرة ........................
شكراً لكم النور يوسف الرياض 01/07/2009 م
الصديق على سر الختم , القطعة الأدبية أعلاه أرسلها سيادتو النور يوسف على بريدى الالكترونى , وعلى بريدك أيضا كما ظهر لى فى أعلى الرسالة , وأنا سعيد حد التخمة بنقلى لمحتوياتها الى هنا . والله يا سيد النور ودون مبالغة , احالتنا نحن للصالح العام كوم واحالتك أنت كوم براهو بالله العواليق ديل قاعدين يقروا الكلام البتكتب فيهو ده , ياخى الأنظمة مهما بلغ بها السوء والانحطاط فأنها تحرص على المبرزين من مواطنيها , وتسعى على الدوام للاحسان اليهم وتكريمهم , الله ينور طريقك كمان وكمان ويجعلنا فى زمرة المداومين على قراءتك .
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: نحلم به أن يظل (كية) فى ثقب الأوزون ومفصلاً فى جسد الفضاء أتمنى أن ننأى به عن عواهن الكلام
|
السيد النور يوسف اتمنى ان يستمر هذا الدفتر واتمنى ايضا من الاخوة ان يحرصوا على وجوده فى الصفحة الاولى.. وذلك فقط بكتابة قيد الاحوال هادئة ولا شى يستحق الذكر اذا استدعى الامر لرفع الدفتر ..صعبة دى؟
يدكم معانا يا شباب
شكرا ليكم ودام دفتر احوالنا اداة للتواصل.
اخوكم /على سرالختم
| |
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: يا ياسر عبدالكريم كدى نضّف النضارة تانى. ويا ودبرى خليك قريب. |
عودا حميدا مستطاب - وشكرا على اللقطة النيرة _ اما اخونا الطيب عثمان يوسف فشوهد فى المملكة العربية السعودية الرياض فى صحبة الميامين - اسامة الكرور - والنور يوسف _ وياسر عبدالحميد. والسلام ياالمهدى الامام
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
مرورى متفقدا الاحوال
على السر : زايغ مع صور الحفلة
عبده عوض : عنده تعليمات من الحكومة !!!
اسامة الكرور : غياب مستديم حسب تعليمات جنابو .......
فارس موسى : بحضر فى اسلحة الدمار الشامل
التلب : منتظر المطر عشان موسم الزراعة
فيصل الحسن : خايف من هشام ميز واختبار المرايا
الطيب عثمان يوسف : جارى الشخيت
شنو ياعالم جننتونا معاكم, اظهرو بقى.....
لكم مودتى
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
ولكQuote: 5/ الحادثة الاشهر مقتل اميرة الحكيم( والاتهامات التى وجهت للشرطة حوله وهى برئية براة الذئب من دم بن يعقوب |
اخى العزيز ودبرى شكرا على اتحافنا بهذه الزكريات العبقة بخصوص حادثة اميره الحكيم كثر اللغط حولها ومازال الكثير من الاخوة الملكية ينسجون حولها الكثير من التاويلات بقصد اثارة الفتنة والكراهية للشرطة البعض يتهم الشرطة بالتواطؤ مع عبد الصادق والبعض يتهم الشرطة بتصفية عبد الصادق مع العلم ان المتحرى فى هذا البلاغ عليه رحمة الله تعالى السيد عبد الباسط سعد جبارة كان يتسم بالاخلاص والنزاهة المرجو عزيزنا ود برى تسليط بعض الضوء على هذه الحادثة مع خالص حبنا وتقديرنا .
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
(فيصل الحسن : خايف من هشام ميز واختبار المرايا)
الصديق ابراهيم الرشيد , نحياتى يا عزيز . يا خوى الخواف ربا عيالو , هشام ميز نحن من الكلية كنا بنخاف منو , القرب منه مكلف جدا ويتم تصنيفك على طول فى زمرة مثيرى الشغب , كدى أسأل منو شمس الدين محمد أحمد أو مجدى خليل , بعدين اختبار المرايا ده ممكن يكون كمين .
| |
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
بسم الله الرحمن الرحيم. (ولنبلونكم بشئ من الخوف والجوع ونقص من الأموال والأنفس والثمرات وبشر الصابرين* الذين إذاأصابتهم مصيبة قالوا إنا لله وأنا إليه راجعون*أولئك عليهم صلوات من ربهم ورحمة وأولئك هم المهتدون) صدق الله العظيم....
إثر سطو غادر على منزل الأسرة ببانت بأمدرمان... إغتالت يد آثمة زوجة الزميل العزيز المقدم شرطة (م) محمد عبدالله الصايغ(حمدى الصايغ)المقيم يأمريكا..
تقبلها الله قبولا حسنا وأسكنها فسيح جناته مع الصديقين والشهداء وحسن أولئك رفيقا.... ولزوجها المكلوم الصديق العزيز حمدى الصايغ وأبنائها وأسرتها المفجوعين الصبر وحسن العزاء.....
أنا لله وإنا إليه راجعون.... ولا حول و لا قوة إلا بالله العلى العظيم...
إغتيال زوجة المقدم شرطة(م) محمد عبدالله الصايغ......
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
تعازينا الحارة للسيد حمدى الصائغ فى وفاة زوجته و نسال العلى القدير ان يتغمضها برحمته و ان يدخلها الجنة مع الصديقين و الشهداء و ان يلهم اهلها و زويها الصبر و حسن العزاء و انا لله و انا اليه راجعون
عادل عبدالحميد
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Quote: تعازينا الحارة للسيد حمدى الصائغ فى وفاة زوجته و نسال العلى القدير ان يتغمضها برحمته و ان يدخلها الجنة مع الصديقين و الشهداء و ان يلهم اهلها و زويها الصبر و حسن العزاء و انا لله و انا اليه راجعون
|
لاحول ولا قوة الا بالله,,انا لله وانا اليه راجعون..
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Alnour yousef to me show details 10:41 AM (11 minutes ago) Reply
Date: Sat, 11 Jul 2009 15:09:12 +0300
بسم الله الرحمن الرحيم الأخ والصديق حمدى الصائغ والأسرة الكريمة تلقيت بأسىً بالغ وأسف عميق هذا النبأ الذى أروى المآقى ,, وقضّ المضاجع ,, ثم أسدل علينا صمتاً كثيف .................. أكتب لك أيها الفارس وأنت تقف بين الحزن والجَلد ... بذات الشموخ وأعلم أن فى صدرك متسع ومستقر لموجبات الدمع والأسف الرصين الموت مآلنا وكلنا ذاهبون وإنا لله وإنا إليه راجعون .................. كريمةٌ (مها) إذ ارتقت منازل الأبرار .. ومعارج القبول كريمةٌ (مها) إذ ارتضت منابر الشهداء وسلامة الوصول وسعيدةٌ (مها) بدارٍ لا يحدها الزمان والمكان ولاتسؤها الأيام والسنون والفصول والى أن نستفيق على عتبات صبرك الجميل لا أدرى أنا صدقاً أخى ................... ماذا أقول لك منى أصدق العزاء النور يوسف .. الرياض
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
(ياسيد فيصل ميز ده ما منّو خبر؟ ) العزيز على تحياتى . بالأمس أرسلت ايميل للصديق ميز من خمس أسطر تقريبا طلبت منه ارسال رقم هاتف أحد أبناء دفعتنا , رد السيد ميز بعدد عشرة أرقام وهى عبارة عن رقم الهاتف , دون أى تحية أو مجاملة , المرفعين عايز يورينى أنو مشغول وما عندو زمن أما حكاية حضوره أنسى .
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
فى انتظار التفاصيل ياودبرى. الاحباب على جويلى ابراهيم الرشيد على سرالختم ليس تقريباولكن اقدمية ساكت لقد حالت ظروف مساوية دون مواصلة اجترار الذكريات . ولكننى على الوعد سوف احاول استعراض ملخصات من تلكم الحوداث . وسوف نبداء من جريمة اغتيال اميرة الحكميم لما اثارته من ردود واتهامات طالت البعض من الزملاء الاجلاء وهذا بمثابة شهادة من شهد ليس كل الاجزاء ولكن القدح المعلى فيها. أولا : بدات الاحداث فى النصف الثانى من ثمانيات القرن الماضى وقتها كما ملازمين حديثى التخرج بمنطقة الخرطوم وبقسم شرطة الخرطوم شمال تحديدا . ببلاغ قدم لقسم شرطة الخرطوم جنوب (امتداد الدرجة الثالثة )باختفاء شابة اثناء ذهابها للمدرسة ولم تعدمن المدرسة وذلك بالصحافة (جنوب الخرطوم )علما بان الدراسة مسائية . تم فتح البلاغ وتولى التحريات الاولية الاخوان فى قسم الدرجة الثالة انذاك الملازمين عادل حسن كوكو والفاضل عبوالوهاب . لاحقاسوف نفيدكم متى نما علمنا للبلاغ وكيفية الاشتراك بالعمل فيه ميدانيا
| |
|
|
|
|
|
|
عزيزى / ابراهيم مقامات اخونا على سرالختم محفوظة وماداعى لاثارة النعرات . وده عشان خاطرك وكية فى الطيب عثمان يوسف . ثانيا: بعد ان قام الاخوة الزملاء بالقسم الجنوبى باتخاذ الاجراءات الشرطية . رات رئاسة منطقة الخرطوم لحساسية البلاغ تحويل البلاغ للرئاسة فكلف حينهاالمرحوم عبدالباسط سعد جبارة بتولى التحريات فى البلاغ وتم تكوين تيم التحريات المدانية بقيادة الملازم اول حينها ضابط مباحث الرئاسة محمد مصطفى صادق بقيادة التيم الميدانى وكنت من ضمافراد هذا التيم بالاضافة لنشيط المباحث بالاقسام فى منطقة الخرطوم لجمع المغلومات . اسفرت تلك التحريات الميدانية للوصول مشتبه حامت حوله الشبهات \ تابعونا ودبرى
| |
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: تم فتح البلاغ وتولى التحريات الاولية الاخوان فى قسم الدرجة الثالة انذاك الملازمين عادل حسن كوكو والفاضل عبوالوهاب . لاحقاسوف نفيدكم متى نما علمنا للبلاغ وكيفية الاشتراك بالعمل فيه ميدانيا |
الاخ العزيز ودبرى واصل ياصديقى متابعين وبنقرا باهتمام ويبدو اننا موعودين بسرد شيق...
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: (الطيب, فارس, التلب, عبده عوض وباقى ناس 52 )
بعدين ياكمندان مافى داعى للشحتفة بتاعت الطيب دى, اسرد التفاصيل كلها وما تسل روحنا.
على السر: انا ماجبت حاجة من عندى اصلا سيد ودبرى لو ماشايف انى مؤهل للاقدمية دى ما كان جاب سيرة.
لكم مودتى |
الحبيب /ابوخليل
السيد ود برى ده كان عايز يعملنى وكيل عريف ذاتو انا رضيان..{وجه مبسوط ويتكشّم زى نار القصب}
واصل ياودبرى ابو خليل ده الظاهر زوّد فى القراصى والويكى شوييى..{وجه ضاحك}
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
الحلقة الثالثة (من مقتل اميرة ) تلك المجهودات الميدانية شاركت فيها فرق التحريات بمختلف مسمياتها بالاضافة الدعم والمساندة من الاقسام الشرطية الاخرى الواقعة فى دائرة الاختصاص بالدعم المعلوماتى والمعنوى بالمتابعة والمرور ورصد كل من شانه ان يقدم من شان التحريات والوصول للحقائق . فقدمت بعض المعلومات التى اعطت بعض اشارات الامل وقدمت المعلومات التى اضرت بالعمل تاخيرا ونحن فى سباق مع الزمن الايام تمر وليس هنالك اثر . ومعالم الجريمة بداءت تتشكل وتم استبعاد عودة الشابة المفقودة تماما ففى بعض بلاغات الاختفاء يعود الغائب بعد ايام فتغلق التحريات والضغوط من كل النواحى والخيوط والمعلومات الغزيرة تنقطع فى بدايتها فنحن من خيط لاخر كله مقطوع وليس هنالك جديد . فى تلك الحقبة والخرطوم تموج بحراك والق سياسى فالبلد تمارس الحياة الديمقراطية وما ادراك ما الديمقراطية . والصحف تنشر المفيد والضار بالتحريات ووجدت الاشاعات الجو خصب للنموء عن حادثة الاختفاء فليس هنالك رقابة قبلية او غيرها . وليالى الخرطوم دائرة فالمسارح تقدم العروض المسرحية التى تنقد كل شىء والمجتمع يتقبل ذلك بلك اريحية وطول بال . ويشدو المسيقار وردى بقاعة الصداقة فى روائع محجوب شريف وتجانى سعيد ومحمد المكى ابراهيم فالبلد خارجة من حكم شمولى فى انتفاضة ازاحت حكم ديكتانورى جسم على صدرها كثيرا . والبعض يمارسون هوايات الرقص فى مراقص الخرطوم انذاك من الهابى لاند المتكئة على نيل البرارى مرورا بالمطعم السياحى العالمى وصالة المطعم الافريقى بالقران هوتيل وديسكوى هلتون ومرديان وصالة G.M.H كل ذلك لايحتاج لتصديق . فقط الحفلات الجماهيرية بعلم سلطات الاقسام المختصة . فحفلة وردى يكفى بالقاعة لتصديقها توقيع ممهورا من ضابط سجلات قسم الخرطوم شمال وغالبا ما يكون توقيع الملازم هاجر عوض تلك الفتاة التى تعجز الكلمات عن وصفها فى تفانيها فى العمل تاركة الجانب الانثوى بعيدا. على رغم الغنج والملاحة التى تتمتع بها . هنا اسالوا على جويلى والنور يوسف وشرف فى هذا الزخم هذا كان يستحق ذلك هل كان من المطلوب ان تفقد شابة غائبة لاهم يدرون ونحن نسعىء واصلت الاتيام التحريات تكثيف البحث وفقا للنتائج التى توفرت فانصب جهد التحريات وفقا للاحداثيات المتوفرة الى اتجاهين لا ثالث لهما 1/ التاكس الذى امتطته الشابة المفقودة 2/ الفتاة المجهولة التى افادت بمعرفتها واكدت بان من اصطحبها شرطى . كان حدس القايمين على التحريات ان الفتاة المجهولة هى اقصر الطرق للوصول للحقيقة وخصوصا بعد استحالت المعلومات المقدمة عن التاكسى للوصول اليه كانت معلومات فقيرة لن تمكننا من الوصول للتاكسى حيث لم يتمكن اى من الحاضرين تسجيل رقم اللوحة المرورية للتاكسى كما ان وصف سائق التاكسى ينطبق على كثير من شخصوص المجتمع السودانى بالاضافة لشيوع موديل التاكسى (فنحن شعب يهوى التقليد ) يعنى ذى قال الدكتور محمد عبدالله الريح (انت اعمل دكان واغلقة . بكرة الشارع كلو خلفك ) المهم كان الانحياز فى التحريات الى جانب الفتاة المجهولة مع الاعتبار لمعلومة التاكسى . وعلى هذا استمرت الاحوال فى هذا المنوال . الا انه خلال ساعات معدودة حدثت مفاجاة من العيار الثقيل حيث تمكن فريق التحريات الميدانية من تحديد التاكسى . فكان بمثابلة الخبر الذى ادخل السرور للجميع . ولكن يافرحة لم تتم ---- فماذا حصل اكد صاحب التاكسى الواقعة وتعرف على الفتاة المفقودة من واقع الصورة الفتوغرافية بانه فعلا قد اركبها وفقا لارادة المتجمهرين باصطحابها للقسم الا انه بعد ان تحرك بعيد اوقفه سائق الفسبا وطلب منه ان يترجل الفتاة من التاكسى وان يذهب حال سبيله وهذا ماحدث وانه شاهد الفتاة المفقودة تمتطى الموتر مع قائدة ولم يتاكد ان كان ذلك برضاءها او مرغمة . الم اقول لكم بان الحظ يعادنا . قدمت هذه الافادات التحريات بتاكيد للمعلومات التى بدات تترابط بالرغم على انها لم توصلتا اللا ان الاحساس بتسارع الاحداث جعل حل المعطلة اقترب حسب الشعور الذى لازمنا . تم تكثيف التحريات عن الفتاة المجهولة التى اصبحت القشة التى لانملك غيرها --- خلال فترة وجيزة تم الوصول اليها علما بات التحريات عنها لم تنقطع فتم تمشيط كل الامكنة التى على البال والبعيدة عنه اعزائى : تم الوصول الى عفاف هذا اسمها ----- فماذا قالت عفاف تابعونا ودبرى
| |
|
|
|
|
|
|
Re: دفتر احوال ضابط الشرطة المناوب (Re: ياسر عبدالكريم محمد)
|
Quote: العزيز إبراهيم الرشيد تحياتي .. أنا ما بسألك ,, ولا بلوم سيادتو ودبري .. لكن بوعدك بالفاتح الطيب مدني لوضع الأمور في نصابها !! |
العزيز عبده عوض
ح نتهمه بالعنصرية والابادة الجماعية (اوكامبو قاعد), ماتنسى انو المنبر والدفتر مليان بالشايقية
وكمان عندنا جالية معتبرة بامريكا وفى مشروع توأمة مع ال IPAC والله نقبل عليكم ننتف ريشكم (وجه متحفز)
سيادتو ودبرى
غايتو بعد الترقية بنقول ليك سرد رائع ومشوق لكن ما تمط لينا الحلقات زى المسلسل المكسيكى .
الطيب عثمان يوسف فى الخرطوم وراقدلو فوق راى ...
تحياتى
| |
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: الطيب عثمان يوسف فى الخرطوم وراقدلو فوق راى ... |
الاعزاء
نحن والخرطوم احتفلنا بقدوم الطيب عثمان يوسف التقيناه بالامس صباحا ومساء تحاكينا وضحكنا كما لم نضحك من قبل . الخرطوم متشرفه به فهو من الابناء المخلصين البرره لزمالته ويمتاز بالاريحيه بالامس حكى الكثير عن رحلته بالمملكة فى صحبة الاخوات النور يوسف وياسر عبدالحيد . لكت الزول قاعدفوف راى . سوف نحاول استدراجه تقربوا قربياجدا المسلسل المكسيكى
| |
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
الحلقة الرابعة (من مقتل اميرة ) عفاف فتاة فى ربعان العمر مليحة التقاطيع ذات ابتسامة غامضة وعيون ناعسة . عندما شاهدتها فى المرة الاولى بداء لى وجها مالوفا (شفتك وين ) واتضح لاحقا بانها من فتيات ذلك الوقت مترددة غالبا كلل قريناتها فى ذلك الزمن من مرتادات المراقص وامكنة اللهو المتوفرة ولديها علافات ببعض صف الضباط من افراد المباحث . كما اتضح لاحقا بعد الاستجواب بانها كانت تقدم لهم بعض الخدمات الجليلة !!! فماذا قالت عفاف افادت عفاف عند استجوابها بواسطة فريق التحريات بان الشابة المفقودة حتى حينها قد اصتحبها عسكرى يدعى عبد الصادق يوسف وهو من كان يمتطىء الموتر الفيسبا وانه يعمل فى معلن فى محكمة القسم الجنوبى الخرطوم (امتداد الدرجة الثالثة ) بين قوسين لعدم الخلط بين الاوسط والجنوبى كاقسام فى شرطة منطقة الخرطوم . ولكن الذى ثبيت للتحريات انه موترجى بالدرجة الاولى ش 1 (قسم الدرجة الاولى حاليا ) هذا العبد الصادق معروف بالتاكيد لتيم البحث الميدانى وخصوصا صف الضباط وبالنسبة لى شخصيا لانه عمل معنا قبل ذلك كحرس زنازين بقسم الخرطوم شمال ولاحقا موترجى بالخرطوم شمال . وهو من نوعية من الصف الذين تحس وانه بالنسية لاقرانهم اعلى درجة فيما يتميزون بالاناقة الواضحة وسرعة الحركة وبعض من الفهلوة وشىء من العلاقات مع مرؤوسيهم . وهذه الشاكلة من صف الضباط ملاحظون فى الادرات المختلفة . فمن منكم من لم بلاحظ ذلك وفقا لذلك ولحدس المتابعين هل توجد علاقة بين عبدالصادق واميرة اتركها لكم . علما بان الحقيقة الكاملة معدومة . وتلك القراءة سوف تكون متاحة بعد سرد كل التفاصيل علما باننا نكتب باحترافية العمل الشرطى من واقع البينات المتوفرة التى نستند اليها فى المحاكمة . وليس على مايشاع. على الرغم من ان قد الايام علمتنا ان بعض الاشاعات قد تكون حقائق . وهنا هنالك شىء من حتى . فى ذلك الوقت كان قسم الخرطوم شمال يعج بكثير من الضوضاء والحركة باعتباره اكبر الاقسام الجنائية وتعتبر دائراة اختصاصة النى تشمل قلب الخرطوم مقر الوزرات السيادسة والقصر الجمهورى والبنوك والمحال التجارية الكبرى . وتقع كافة الادارات الشرطية المتخصصة فى دائرة اخصاصه كما انه مجاور للادارة دائرة العمل الجنائى بالعاصمة القومية. وهو القسم المحبب لادارات الامن الداخلى والمباحث القومية (العاصمة القومية ) والمباحث المركزية والجوازات فهو قسم تميزه فى نوعية البلاغات والتى اجزم انها خلال العام تشمل كل مواد القانون الجنائى والقوانين الاخرى التى لاتجد لها حظوظ فى الاقسام الاخرى . فمرور الضابط المتخرج جديثا بالقسم الشمالى يكسبة مهارات وخبرة لاتدانيها خبرة اخرى ويكتسب هذه الخبرات التراكمية يوم بيوم . فى هذا الاثناء التقيننا عرابين العمل الجنائى فى هذا القسم دون ترتيب زمنى ولا اقدمية شرطية لفت انتباهنا المقدم المرحوم المكى محمد احمد المكى ارق واهذب وازهد ضابط بوليس عرفته . كان هنالك عمر عبدالعزيز من اساطين العمل العمل الجنائى والساخر المرحوم عبدالرحيم الطيب رفبق على جويلى المتداخل الانشط فى هذا البورد . كان النور يوسف لاحقا واحمد ادريس وعبد المنعم مكى ومجدى الطيب ومحمد عبدالفتاح وحاتم عبيد وحسن عبدالكريم ثم جلينا مجدى منصور وخالد عبدالمنعم الذى انضم لاحقا للتحريات وفقا لظروف سوف نشرحها لاحقا . الى جيل هاجر عوض ومحمد المبشر واولاد الاشلاق . اه من تلك الايام . المهم بعد الاقوال التى ادلت بها عفاف اعتبرنا بان اللغز شارف على الانتهاء واسوء احتمالات المتشائمين لم تتوقع ما جدث . تم تكثيف البحث وخرحت الاتيام للبحث على عبد الصادق يوسف فماذا حدث ؟؟؟؟ واين عبدالصادق ؟؟؟ ماهى الشائعات التى بدات تسرى ؟؟؟ ماهى قصة الضابط الذى اوقف عن العمل بسببه . وماهى الضغوط التى مارسلتها عائلة المفقودة الى حينها ؟؟ وكيف الحق الملام خالد حسن الحكبم و المحامى فيصل جاد الحكبم بالتحريات ؟؟ تابعونا ودبرى
| |
|
|
|
|
|
|
شكرا اخى ود برى على هذه الاشادة التى لااستحقها فهنالك من هم انشط منى بكثير امثال العزيز وراق مداخلاته الثرة تجوب كل بوستات الشرطة نشاطاوفكرا .
السيد الرائد شرطة عبد الرحيم الطيب طه الشفيع رحمة الله رحمة واسعة فهو الشقيق الاكبر للاخ العزيز الملازم اول شرطة معاش مجدى الطيب . عمل بالجوازات ومرورا بكل اقسام منطقة الخرطوم عرف عنه حبه وولاءه للشرطة وكان طيب المعشر ودمث الخلق ربطتنى به صداقة منذ الكلية ولذلك زملائى الاعزاء ارجو ان لاتبخلوا عليه بالمغفرة والرحمة وجزاكم الله خيرا .
واصل ياصديقى ود برى ونجد ان اجمل مافى هذا السرد هذه التخريمات التى تهيج الذاكرة الخربة وتذكرنا بزملاء اعزاء رحلوا عنناواخرون احيلوا للصالح العام وقليل من هم بالخدمة .
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
شكرا اخى ود برى على هذه الاشادة التى لااستحقها فهنالك من هم انشط منى بكثير امثال العزيز وراق مداخلاته الثرة تجوب كل بوستات الشرطة نشاطاوفكرا .
السيد الرائد شرطة عبد الرحيم الطيب طه الشفيع رحمة الله رحمة واسعة فهو الشقيق الاكبر للاخ العزيز الملازم اول شرطة معاش مجدى الطيب . عمل بالجوازات ومرورا بكل اقسام منطقة الخرطوم عرف عنه حبه وولاءه للشرطة وكان طيب المعشر ودمث الخلق ربطتنى به صداقة منذ الكلية ولذلك زملائى الاعزاء ارجو ان لاتبخلوا عليه بالمغفرة والرحمة وجزاكم الله خيرا .
واصل ياصديقى ود برى ونجد ان اجمل مافى هذا السرد هذه التخريمات التى تهيج الذاكرة الخربة وتذكرنا بزملاء اعزاء رحلوا عنناواخرون احيلوا للصالح العام وقليل من هم بالخدمة
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: السيد الرائد شرطة عبد الرحيم الطيب طه الشفيع رحمة الله رحمة واسعة |
اللهم اغفر له وارحمه واسكنه فسيح جناتك .. عملت معه بالقسم الاوسط الخرطوم (الجنوبي سابقاً) ذكي ... لماح ... ساخر ... شجاع
| |
|
|
|
|
|
|
الاعزاء
المتداخلين احبتى واصدقائى . ماعندى مانع على اقترح الاصغر بشرط التثنية وخصوصا من المتداخلين الاشهر على جويلى وابراهيم الرشيد . وياعلى جويلى ابراهيم الرشيد ده ولدنا عديل رحم الله الاخ عبد الرحيم الطيب رحمة واسعة ولدينا معه كثير من الذكريات بان عملنا تحت امرته بالقسم الجنوبى والشمالى عندما كانت الامور ساهلة ةالقلوب بيضاء كمانطلب من الاخ عمر فى حين التثنية مدنا بالخطوات الفنية . وغدا انشاءالله نكتب حلقتين . لكن المزعلنى سيدالبورد ماشايف وعبده عوض واسامة الكرور لعل المانع خير عموما سلامى ودبرى
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: عزيزنا فيصل الحسن
طولت الغيبة شوية وما من عوايدك, انشاء الله عافية
لكم الود |
ياسيد فيصل ابراهيم الشديد ده تمت ترقيته من قبل السيد ودبرى وشايف عملوه اقدم منى وقلنا كويس ..لكن شايفو بيقول اسمك ده حاف كده متل التكنّو بقى اقدم منك انت ذاتك.. ياربى الزول ده فططّوه كم دفعة؟
انحنا لازم نعرف دال دى سرّها شنو؟
معقول الموضوع ده دقيق وكتربكلر وكوكا كولا بس؟ ولا الكوكاكولا دى مكسورة بى حاجة؟ الظابط ده زى الشارب لى حاجة ياسيد فيصل وما اظنيتها شاى بى لبن.
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: الاعزاء
المتداخلين احبتى واصدقائى . ماعندى مانع على اقترح الاصغر بشرط التثنية وخصوصا من المتداخلين الاشهر على جويلى وابراهيم الرشيد . وياعلى جويلى ابراهيم الرشيد ده ولدنا عديل رحم الله الاخ عبد الرحيم الطيب رحمة واسعة ولدينا معه كثير من الذكريات بان عملنا تحت امرته بالقسم الجنوبى والشمالى عندما كانت الامور ساهلة ةالقلوب بيضاء كمانطلب من الاخ عمر فى حين التثنية مدنا بالخطوات الفنية . وغدا انشاءالله نكتب حلقتين . لكن المزعلنى سيدالبورد ماشايف وعبده عوض واسامة الكرور لعل المانع خير عموما سلامى ودبرى |
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: واخطا عمر محمد عثمان فى حقى .. |
الاحباء حسب الوعد كان يفترض ان نواصل اليوم فى مقتل اميرة . ولكن ظروف بالامس حالت فقد توفيت الى رحمة مولاها شقيقة حسن بيجو من اشهر اصدقاء الشرطة على الاطلاق وهو دفعةالنور يوسف وطه جلال الدين الذى لتقيته بالامس ليلا بالمقابر اللهم ارحم السرة رحمة واسعة تلفون حسن بيجو 0912380717 والى لقاء
| |
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: ياريت لو تنزل قصة اميرة في بوست منفصل فهذه الذكريات يجب ان تتاح لاكبر قدر من الناس. |
سيادتو ودبرى
ممكن الاقتراح ده يتعدل بانه تواصل السرد فى الدفتر وبعد انتهاء الحلقات تفتح بوست منفصل وتنقل الحلقات
كما هى بعد موافقة اخونا على السر (يعنى حقوق الطبع محفوظة)
لكم الود
| |
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: بعدين تعال هنا... هسع الجاب جلاس مع حوش بانقا شنو؟ انت قايلنى هندى....
|
الاخ الحبيب ابوخليل الحق يقال وكل الذى قصدته ان السيد العادل مفروض يكون المدير العام وهذه حقيقة انت تعلمها وانا اعلمها وكل البوليس يعلمها.. لكن القصة جاطت يا ابوخليل ومابعيد بكرة يجيبو مدير عام خريج معهد شرونى.
لك ودى المقيم يا ابوخليل يا كارب.
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: سيادتو ودبرى
ممكن الاقتراح ده يتعدل بانه تواصل السرد فى الدفتر وبعد انتهاء الحلقات تفتح بوست منفصل وتنقل الحلقات
كما هى بعد موافقة اخونا على السر (يعنى حقوق الطبع محفوظة) |
الاخ العزيز ودبرى اثنى اقتراح العزيز وراق حتى يحدث تقييم واضافات اذا وجدت من كل الزملاء . ونسال الله سبحانه وتعالى ان يرحم والدة الصديق العزيز حسن بيجو ويجعل الجنة مثواها.. وانالله وانا اليه راجعون .
| |
|
|
|
|
|
|
Re: دفتر احوال ضابط الشرطة المناوب (Re: على جويلى)
|
اخى ودبرى شقيقة الاخ حسن بيجو وليس والدته ناسف للخطا الغير مقصود وتغمدها الله بواسع رحمته ومغفرته .
اخونا العزيز فيصل الحسن مامن عوايده ويبدو انه يعد العدة لخوض الانتخابات القادمة دائرة العمارات امتداد الدرجة الاولى فى مواجهة رجل الاعمال السيد هشام ميز .
| |
|
|
|
|
|
|
الاحبة المتداخلين رايكم شنو فى موضوع اصدقاء الشرطة تلك الفئة الكريمة التى عشقت الشرطة بكل صدق وخدمت الخدمات الجليلة . فهم فى الواقع ضباط شرطة ضلوا طريقهم الى مهن اخرى . فمن منكم من لم يلتقى بهم من هذا البوست اوعدكم بالكتابة عن من التقيتهم من اصدقاء الشرطة فهم متعارفين فى مجال الشرطة ولكن هذا الوعد مع تاكيد المتداخلين بسرد جانب ممن عرفت من اصدقاء الشرطة .
الحلقة الخامسة (من مقتل اميرة) الحلقة الرابعة تم تكثيف البحث وخرحت الاتيام للبحث على عبد الصادق يوسف فماذا حدث ؟؟؟؟ واين عبدالصادق ؟؟؟ ماهى الشائعات التى بدات تسرى ؟؟؟ ماهى قصة الضابط الذى اوقف عن العمل بسببه . وماهى الضغوط التى مارسلتها عائلة المفقودة الى حينها ؟؟ وكيف الحق الملام خالد حسن الحكبم و المحامى فيصل جاد الحكبم بالتحريات ؟؟ تحركت اتيام البحث وهى يحدها الامل فى اغلاق ملف القضية اجتهدت كل الاتيام . فى سبيل فك طلاسم الفتاة المفقودة وجلب الاطمئنان الى اسرتها المنزعجة . وهى فى الغالب مهنية بث الطمانئنة لكل شبات ذلك الزمن لخلق جو امنى معافى وتلك من صميم واجبات الشرطة التى يستمد شعارها من ( عين حارسة وبد امينة ) ولاثبات القدرات الذاتية بان الاحوال هادئة . الا ان اتيام البحث الميدانية لم تعثر على عبدالصادق (فص ملح داب ) توالت التحريات واذادت الضغوط خصوصا بالارتباط بين المشتبه والشرطة فهو احد منسوبيها . فنسجت احرف من خيال بعض صحافى الاثارة وتنوعت الاشاعات فى المشتبه به بصفته احيانا دون جوان وفى بعضها قواد . عموما هنا نشطت الادرات المتخصصة وتدخلت عمليا فى التحريات خصوصا مباحث العاصمة القومية انذاك والمباحث المركزية بعد توافرت المعلومات بمغادرة المشتبه الى خارج السودان فكيف تم ذلك ؟؟؟ والجدير بالاشارة بانه من اوائل الاجراءات التى اتخذت بعد افادات الشابة عفاف وتعريفها على من اصتطحب الفتاة تم لسرعة الاجراءات الحظر بالمطار على المشتبه بالتلفون فماذا حصل ؟؟ تلقى الملازم حينها ابوبكر ابوعاقلة الضابط المناوب بجوزات مطار الخرطوم مكالمة تلفونية من مسئول الجوزات بحظر اسم المشتبة من السفر خارج السودان ابتدائيا لحين اكتمال الاجراءات الشرطية باالمخاطبات المتعلقة بالحظر . فسمع الملازم الاسم بصورة خاظئة وقام بتدون ذلك الحظر الخاطىء الذى كان سببا فى خروج المشتبه بطريق المطار . دون الملازم ابوعاقلة اسم عبدالله الصادق ( الظاهر رداءة التلفونات حينها قد ساعدت فى عدم سماع الاسم بصورة جيدة وهذا تخمين تدعمه الوقائع والظروف المحيطة ) كان هذا الاخفاق بالاضافة لبعض الارهاصات التى اشرنا اليها من داخل السرد والاشاعات ان ذلك من الاسباب الحقيقة التى جعلت الشبهات تتداخل بدور الشرطة فى الامر عمق ذلك الملاحقات الاسرية من اسرة القتيلة التى عقدت اجتماعات اسرية متلاحقة بخصوص تصعيد الامر وفقا للشائعات المتدولة التى ا فرزها الواقع الصحفى وتلك الصفات التى يتمتع بها المشبه وخروج المشتبه رغم الحظر. وكانت تلك مزيدا من الضغوظ على اتيام التحريات لتعميق للاتهامات حيال الشرطة بالاخفاق حينا والتورط حينا . وتعتبر ايضا تحركات الاستاذ/ المحامى فيصل الحكيم بصفته ممثل للاسرة ولديه قرابة بالشابة المفقودة . المهم توالت الاحداث ثبت هروب المشتبه به الى جمهورية مصر العربية ( هذه الواقعة التى اخرت الملازم ابوعاقلة لاحقا من ترقيته ) وهنا اخذت التحريات محورين جديين الاول : تدخل المباحث المركزية بصفة رسمية فى الاشراف على التحريات بواسطة العقيد حينها صالح الجاك علما بان التحريات الميدانية السابقة لم تكن بعيدة عن شعبة المباحث المركزية الخرطوم بقيادة المقدم حينها محجوب خوجلى (القذافى ) من انشط ضباط المباحث عرفته ذو مجهود جبار يعمل على مدار الساعة عمل معنا فى كثير من البلاغات الغامضة التى دارت فى اختصاص قسم الخرطوم شمال وقائعها بالاضافة للاسهاماته فى حملات العملة الشهيرة التى غالبا يدون بلاغاتها بالخرطوم شمال . هذه المستجدات استدعتها ظروف عديدة من ضمنها الشروط النتعلقة باسترداد المشتبه بواسطة الانتربول الدولى (حقيقة هنا الانتربول الاقيليمى ) حينها كان من الاختصاص المباحث المركزية بصفة خاصة . ثانيا : تمخصت اجتماع اسرة الشابة المفقودة الذى انعقد بالمنشية بحضور الملازم حينها خالد عبدالمنعم الحكيم والمحامى فيصل الحكيم بتقديم طلب من الاسرة بالحاق الملازم خالد الحكيم بفريق التحريات وتمكين المحامى فيصل الحكيم بالاطلاع على مجريات التحريات فالاثنين تجمعهم رابطة القرابة الاسرية بالشابة المفقودة . تقدمت الاسرة بهذا الطلب للعقيد حينها امين عباس الذى كان يتولى ادارة مباحث العاصمة القومية . فجاء هذا الطلب بردا وسلاما على تيم التحريات والشرطة عموما التى كانت حينها كما اشرت تعانى من الامر بتورطها . فكان قرار ادارة الشرطة بالموافقة على الطلب فمكن الملازم حينها خالد عبدالمنعم من الاطلاع على المحاضر ليكون شاهد من اهلها ولتوصيل الرسالة للاسرة الشابة المفقودة وكذلك تابع المحامى فيصل الحكيم . كان هذا الاجراء بردا وسلاما على الشرطة عموما والتى وافقت علية بكل اريحية فليس للشرطة واتيام التحريات ماهو خفىء . عموما بدات الاجراءات المتعلقة باسترداد المشتبه عبد الصادق واستدعى ذلك كثير من الاجراءات وخصوصا ليس هنالك تلفون معروف او مكان سكن بالقاهرة وتلك من شروط الاسترداد . المهم تم التنسيق والمتابعة مع الانتربول المصرى . فى الحلقة القادمة ماذا تم بخصوص المجهودات الشرطية الدولية ؟؟؟ وماذا قال عبدالصادق بعد القبض عليه ؟؟؟؟؟ وماهى قصة ضابط الشرطة المتهم بقتل زوجته فى اثارت الاشاعات ضد بعض رموز الشرطة ؟؟؟ تابعونا ودبرى
| |
|
|
|
|
|