|
Re: دفتر احوال ضابط الشرطة المناوب (Re: Ali Sirelkhatim)
|
خالص التعازي للأخ الدفعة ماجد محمد الفكي في وفاة والدته . وخالص الدعاء لها بالاجر والثواب اللهم ثبّتها عند السُّؤال اللهم لقّنها حجّته اللهم باعد القبر عن جنباتها اللهم أكفها فتنة القبر اللهم أكفها ضمّة القبر اللهم أجعل قبرها روضةً من رياض الجّنّة ولا تجعله حفرة من حفر النار اللهم إن كانت محسنهً فزد في إحسانها ، وإن كانت مسيئة فتجاوز عن سيّئاتها اللهم ألحقها بمنزلة الشُّهداء وأفتح عليها نافذة من الجّنّة وأجعل قبرها روضةً من رياضها
| |
|
|
|
|
|
|
Re: دفتر احوال ضابط الشرطة المناوب (Re: عبده عوض)
|
Yasser Khair show details 1:55 AM (6 hours ago) Reply مستقبل خدمة البطاقة الذكية ذات مرة أراد رجل أن يتصل بمحل بيتزا ليطلب خدمة التوصيل للمنازل فرد عليه موظف استقبال الطلبات ودار الحوار كالتالي: الموظف: نشكركم على اتصالكم ببيتزا هَت، تحت أمر حضرتك يا أفندم الزبون: هل أستطيع أن أطلب الآن؟ الموظف: هل لي أن أعرف رقم بطاقتك الذكية أولاً؟ الزبون: حسناً.... لحظة واحدة.. إنه 6984554610 الموظف: حسناً.. إنك.. السيد جمال أحمد وتتصل من العنوان 22 شارع حالة أبوماهر بمنطقة المحرق ورقم تليفون منزلك 17942366 وتليفون عملك 45230217ورقم تليفونك المحمول 39266125، فمن أي منهم تتصل الآن يا سيدي؟ الزبون: من المنزل!.. كيف استطعت أن تحصل على كل هذه الأرقام وكل هذه المعلومات؟ الموظف: إنه النظام الجديد الذي أضفناه بالشركة الزبون: حسناً إنني أريد بيتزا سي فود من فضلك الموظف: إنها ليست فكرة جيدة يا سيدي الزبون: لماذا؟ الموظف: من بطاقتك الصحية أمامي يتضح أنك لديك ارتفاع في ضغط الدم وارتفاع في معدل الكوليسترول الزبون: ماذا !!!.. ممم.. حسناً بماذا تنصحني؟ الموظف: أنصحك ببيتزا المشروم خفيفة الدسم وسوف تعجبك جدا الزبون: لماذا تثق أنها ستعجبني الموظف: لأنك استأجرت كتاباً اسمه: ألذ المأكولات المشروم.. من مكتبة المحرق بالأسبوع الماضي الزبون: حسناً حسناً يكفي هذا.. أعطني منها 3 حجم عائلي، كم ستتكلف؟ الموظف: اعتقد أن هذا العدد كافي لعائلتكم المكونة من 10 أفراد، المجموع 26 دينار. الزبون: هل استطيع الدفع ببطاقة الائتمان. الموظف: للأسف الشديد لن تستطيع السداد بالائتمان ولابد أن تسدد المبلغ نقداً لأنك مديون للبنك بمبلغ 37220.55 دينار من أكتوبر الماضي غير القرض الأخير للشقة الجديدة. الزبون: حسناً سأذهب إلى الشارع المجاور لمنزلي لماكينة الصراف الآلي وأسحب منها المبلغ حالما يصل فتى توصيل الطلبات من عندكم. الموظف: لن تستطيع يا سيدي لأنه وفقاً للحسابات فإنك اليوم قد سحبت الحد الأقصى المسموح به في اليوم ولن تتكمن من السحب حتى الغد. الزبون: لا عليك، فقط أرسل البيتزا وأنا سأدفعها نقداً، كم الوقت اللازم حتى تصلني البيتزا من عندكم. الموظف: حوالي 45 دقيقة يا سيدي، ولكن إذا كنت لن تستطيع الانتظار يمكنك أن تأتي لأخذها بسيارتك الجيب البيضاء الجديدة. الزبون: ماذا؟؟؟؟؟ الموظف: وفقاً للتفاصيل الموجودة لدى على نظام الكمبيوتر فإنك قد اشتريت سيارة شيروكي جيب بيضاء، ورقم الشاسية 1223 ورقم الرخصة 5426 اليس كذلك سيدي؟ الزبون: انك سا.. وقـ.. سوف أنـ.. أيها الـ الموظف: انتبه لكلامك يا سيدي فلا تنسى أنك لديك قضية بسبب أنك شتمت ضابط بألفاظ نابية بتاريخ 15 أغسطس 2006. الزبون: ..........؟ الموظف: هل تريد شيئاً آخر يا سيدي؟ الزبون: لا شيء، على كل حال، ألن تعطيني الـ3زجاجات المياه الغازية المجانية مع البيتزا. الموظف: نحن عادة نفعل ذلك ولكن وفقاً لنظام الكمبيوتر يبدو أن عندك داء السكر. الزبون: من فضلك قم بإلغاء الطلب فإن زوجتي ستطبخ بنفسها.
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
السيد الرائد م الطيب عثمان يوسف فى زيارته الاخيرة للسودان نظم و ادار ورشة عمل بعنوان حوسبةالعمل الجنائى و كان ذلك فى يوم 24 ديسمبر 2008 بمكتب السيد الفريق العادل العاجب نائب مدير عام الشرطةو بحضور السيد مدير ادارة المباحث السيد مدير ادارة التدريب و السيد مدير شرطة ولاية الخرطوم و السيد مدير ادارة التخطيط و السيد مدير الاحصاء و السيد مدير التحقيقات الجنائية و قد اشاد الجميع بالفكرة غير المسبوقة و قد تم تعميمها على جميع المحليات و الاقسام بولاية الخرطوم و بعد التقييم تعمم على بقية ولايات السودان الجدير بالذكر ان الاخ الطيب عثمان يوسف قد قام بتصميم برنامج يتناسب مع قانون الاجراءات الجنائية و قانون العقوبات السودانى ويستوعب و يجيب على كل التساؤلات المرتبطة بالعمل الجنائى و قد نال الاخ الطيب جائزة التمييز على هذا البرنامج بدولة الامارات العربية
نرجو من الاخ الطيب تسليط الضوء على هذا البرنامج و الكتابة عنه و لو قليلا
عادل عبدالحميد
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
**** ( طارق والطيب )
*** مرورى ...
يا عبدو عوض با أخوى ماجد الفكى أمو توفيت قبل أكثر من عامين وين إنت ؟؟؟
أسأل الله الحمن الرحيم أن يرحمها وير حم والده رحمة واسعه
الهم أرحم والدى وصديقى طارق محمد أحمد .. وكل موتى المسلمين يارب ..
*** النور يوسف فى الطريق ( بى نيو لوك )
مغادره....
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
الاخوة الزملاء ارجو كتابة اسماءالسادة القادة بالصور اعلاه انا عرفت السيد الفريق العادل العاجب و السيد العميد ابوبكر عبدالرازق
الاخ على سرالختم الصورة الثانية بتاعت السيد عبدالكافى ارجو ان تعرفنا على الشحص اللابس جلابية و قاعد ف النص و الصورة دى كانت وين
عادل عبد الحميد
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Eltayeb Medani to me show details 10:39 AM (1 hour ago) Reply
الاخ علي البوليس الكريم اخوانا ناس الديش السلام لكم جميعآ للفقيد والد الاخ ماجد الرمه ونسال العلي القدير ان يسكنه فسيح الجنات مع الشهداء والصديقين وان يلهم اخونا ماجد واسرته وذويهم الصبر وحسن العزاء الاخ اسامه ربنا يكتب سلامه الوالده ونسال الله ان يتقبل منا الدعاء لها بعاجل الشفاء الاخ الطيب طارق سلامي الاحر من تمرين 9 لك والي الاسره الكريمه والف سلامه بالعوده اخونا علي وبقيه المشاركين ما مقصرين ولكن عودتك تجعل دائما الاحوال مثيره وتاتي بالجديدالخطر الجميع فرح بعودتك علي الرقم من توجسهم خيفة من السان السليط بالله يا اخي داير منك ان تحرك سواكن الصامتين الاخ علي الطويل الفففففففففففف مبروك وعقبال الدكتوره انت اهلآ لها ونتمني ان تواصل الكفاح وبي كده تكون غاب قوسين او ادني من المدير العام فيك الامل الاخ فارس الف سلامه بالرجوع اخونا ياسر مشيناهاخطا التحيه لك وسؤالك عن الوجيه فارس والتمني بان يرفع راسنا لم نجد الاجابه عليه حتي بعد عودته لكن اظنو سكتتو دي راقد ليه في راى قايتو انا احاول اسال الاخ النذير خضر الضابط المالي مركزو ومالي هدومو بكون عارف كلمه السر الي اللقاء بوليس مدني
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
From: [email protected] To: [email protected] Subject: Date: Wed, 14 Jan 2009 17:34:56 +0300
بسم الله الرحمن الرحيم (هذه مجموعة خواطر , آمل أن تقرأ فقط فى هذا السياق فإن أصاب رشاشها هنا أوهناك , فلهم العتبى ,, ليس فى القلب ,, إلا ,,, محبتكم ,,,,,,,, ودمتم ..) ــــــــــــــــــــــــــــــــــ لله فى خلقه شؤون !!!! كيف قادتنى قدماى الى قمندانية بحرى !!! وكيف اهتديت لها وأنا من أمرـ كل الشرطة ـ لفى ضلال مبين !! كيف وأنا أصلاً من قريةٍ رؤية شرطى فيها ( نذير شؤم !) ولا بد من أمرٍ جلل يقع حتى يأتى (الكومر) الى حيث قريتنا , الغائبة عن أعين الخدمات المجردة عند منحنى النيل فى منطقة السبلوقة . ................................................ بدايةً كنت أظن أن تلك اللغة ( المتعالية ) هى من تمام ( كيف ) السلطة الزائف .. أو أنها من مفردات التغيير ... أو من أدبيات فلسفة الإنتقال ... كان فى حديثه ( جفاف وجفاء ) !! لا يستقيم أبداُ ومقام الترحيب ,,,,,إن كان هناك ثمة ترحيب !!!!! ذلكم هو (عثمان الشفيع ) عميد كلية الشرطة فى حديثه لنا ,, أولى أيامنا بالكلية . والحق يقال فقد كان الرجل أنيقاً , مهندماً , متألقاً لا غير !!!! وبعد ذلك بفترة ليسن طويلة , ذهب الرجل ومعه ذلك الألق مفصولاً من الشرطة فى أشبه ما يكون بمسمى الصالح العام ................ فى صفقةٍ سياسية ( تعيسة ) إبان عمر الأحزاب الهرم جيئ بعثمان الشفيع مرة أخرى وافسح له المجال وأزيح من أمامه الصالح والطالح حتى صار مديراُ عاماً ولكنه !!!!! عاد حزينا,,,,ً وحيداً ,,,,, منهكاً ,,, و لم يعد معه ذلك الألق أبداً ...أبداً !!!!!!! الزمان : الثامن من يوليو 1889 المكان : كلية الشرطة والمعاهد فى إجتماع تنويرى تحدث السيد رئيس مجلس قيادة الثورة العميد آنذاك عمر حسن عن الإنقاذ (والمهمة المقدسة) والحقوق المشروعة (للعسكر) فى إدارة البلاد والعباد, وفى نهاية حديثه التفت خلفه حيث كان الفريق عثمان الشفيع جالساً وتفضل عليه بتحية عسكرية ( كاربه ) , هنا اختلط علي الأمر ,, ظننت من شدة جهلى أن السيد الرئيس ( ود بلد ) ومافيهو (نفخة العسكر ) على حد قولنا شيخنا الطيب صالح وأن المسألة عادية. غير أنى عدت فأسات الظن وقلت أن الجماعة حديثى عهد بالبرتوكول وتبعاته وسخفه, ولكنى تذكرت أن المؤسسة العسكرية السودانية لا تعرف أبداً المجاملة فى مثل هذه الأمور. خطر على بالى أن الموضوع يمكن أن يكون من باب (فقه التقيه ) وأن السيد الرئيس كان يعتقد أن هذا ( الفكى ) لا بأس من استمالته والثمن ليس غالياً . أخيراً جداً اتضح لى أن هذه التحية هى من قبيل ( كش ملك ) وهى صحيحة جداً فى أدب طوابير ( الجنائز ) ويختم الرجل , فصول حياتة الشرطية المترعة بالأسى والألم بتلك الغصة ,,,,, مجذرة يوليو,,,,, والتى راح ضحيتها لفيف من ضباط الشرطة . ولسخرية القدر كانت أيضاً تحت مسمى الصالح العام ونواصل النور يوسف محمد الياض 14/01/2009 م
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
الاخ عادل
تحياتي واحترامي
شكرا تحياتك انشاء الله تصل لياسر، عرفت العديد من زملاء ياسر الدفعة 59 ...معتز خوجلي، اسامة عثمان، عمر الطيب، الطيب حامد وغيرهم اخوة اعزاء. الوالد والوالدة ياتون لنا هنا زيارات في واشنطن كل كم شهر هم الان في السودان وسياتون خلال الأشهر المقبلة., شكرا جنابو ..والبوست ممتازة للتواصل بين زملاء الدفعة الواحدة. بوست المحالين للصالح العام اراه اختفى بين البوستات حاولت البحث عنه لم اجده، كانت لدي رغبة في رفعه لما يحتويه من حقوق ومطالب يجب ان تكون في المقدمة. احتراماتي لكل الضباط هنا...
| |
|
|
|
|
|
|
Re: دفتر احوال ضابط الشرطة المناوب (Re: حنين للبلد)
|
محمد طه كمال to me show details 10:55 AM (1 hour ago) Reply
الاخ/علي سر الختم تحياتي اولا اقدم عزري فقد كان غيابي لاسباب خارجة عن ارادتي . سلامي للجميع واقدم احر التعازي للاخ ماجد الفكي واسال الله لوالده الرحمة والمغفرة واسكنه فسيح جناته مع الصديقين والشهداء. ولكم مني جزيل الشكر والتقدير
محمد طه كامل امين السنى
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
اللهم ارحم والد الأخ ماجد محمد الفكي رحمة واسعة وأسكنه فسيح جناته .. - آسف جداً للخطأ الذي حدث .. وشكراً الطيب للتنبيه !! ولوالدي ماجد الفكي خالص الدعوات بالمغفرة والرحمة ولأهله الصبر وحسن العزاء .. وربنا يخفف عنهم المصاب ... آمين . - اللهم أرحم حبيبنا المرحوم طارق محمد أحمد وكل حبيب عزيز فقدناه . - الطيب .. مبروك .. يبدو أنك عملت شغل قوي .. ودائماً مشرفنا .. بس أعمل بنصيحة الحاج ياسر .. فهي قيمة جداً . ولك كل الود .
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
هذه القصة بقلم دفعتنا العقيد علاءالدين محمد الحسن - منشورة بموقع رئاسة الشرطة
بعنوان (قميص عادل)
لاشك أن معظمكم قد سمع بقميص عامر إن لم يكن جميعكم ولكن قطع شك لم تسمعوا بقميص عادل والذي سوف أحكي لكم قصته اليوم.. فعادل هذا واحد من أبناء دفعتنا بكلية الشرطة وهو من أعز أصدقائي.. أما قميصه الذي سوف احكي قصته فهو قميص (الطُلبه) والقصة حدثت داخل كلية الشرطة عام 1987م..وقميص الطُلبه لمن لا يعرفونه هو قميص من الدبلان الأبيض بنصف كم له فتحة من الأمام أعلى الصدر لا يتجاوز طولها الـ10سنتمترات وفي أعلى هذه الفتحة توجد زرارة واحدة فقط ولا يوجد به جيب.. وتبدأ علاقة الطالب بهذا القميص منذ اليوم الأول لدخوله الكلية وتنتهي في التمام الحتمي الأخير وبكره التخريج، وتأتي أهمية هذا القميص بأن الطالب يرتديه في التمام الحتمي- تمام السـ9ـاعة مساء – يومياً طوال فترة تواجده بالكلية وأهم شيء في التمام الحتمي أن يكون هذا القميص نظيفاً جداً ناصع البياض (مغسل ومظهر ومكوي) وألا تسبب في حلاقتك(صلعة بالموس) أو (حبس خميس وجمعه) ومن هنا كنا نهتم بهذا القميص منذ انتهاء النشاط المسائي .. نعود إلى قصتنا فأخونا عادل كان يقوم بعملية مراجعة سريعة للتأكد من جاهزية قميص الطُلبه الخاص به ولكن من خلال النظرات الفاحصة داخله الشك في أن هذا القميص قد يتسبب له في كارثة فأراد عادل أن يستشير أحد الزملاء في أن يذهب ؟ أولا يذهب؟ بهذا القميص فما خاب من إستشار، فسأل عادل عادل- نعم عادل الأول سأل عادل الثاني- يا عادل القميص ده بوديني تمام تسعه؟ وقبل أن يجيب عادل الثاني على سؤال عادل الأول جاءهم الرد مفاجئاً وبصوت عالي وجهوري من السيد الرائد في ذلك الوقت عوض وداعة الله حسين بوديك يا عادل لكن ما بجيبك راجع) وضحك ضحكته الشهيرة – لك مني ومن الدفعة (56) ألف تحية سعادة اللواء/ عوض وداعة الله حسين (الأب الروحي للدفعة)- وكان سعادته يقف بالقرب منهما على مسمع وليس على مرأى، وكان أن ذهب عادل بقميصه هذا إلى التمام الحتمي ولم يعود معنا إلى الثكنات ولا أدري حتى هذه اللحظة متى عاد ؟؟!!!
من المؤكد أن غالبية أفراد دفعتنا يتشوقون لمعرفة من هو عادل صاحب هذه القصة ولكن لن أصرح لهم به فهو على العموم واحد من ثلاثة يحملون أسم عادل في دفعتنا ولكن سوف أعطيهم بعض الإشارات التي سوف تمكنهم من الوصول إليه..
أول هذه الإشارات أن عادل الذي أقصده كان يسكن بالعنبر المشترك بين الفصيلتين الثالثة والرابعة، فهل عرفتموه؟؟ أكيد لا !! لماذا ؟؟ لأن الثلاثة كانوا يقيمون في هذا العنبر ..
إذن حتى أساعدكم قليلاً في معرفته إليكم الإشارة الثانية، عادل المعني ترك الخدمة الآن وتقاعد بالمعاش.. عرفتوا منو؟! طبعاً لا وابداً لا والسبب هو أن الثلاثة أيضاً قد تركوا الخدمة وتقاعدوا بالمعاش!!!
حتى لا أطيل عليكم وعشان أقرب ليكم المسافة خااااالص ولكي تعرفوا من هو عادل صاحب القميص ومن هو عادل الأول وعادل الثاني؟ بسيطة جداً أسألوا عادل.. عادل منو؟! برضو ما حأقول ليكم ... والسلام .
| |
|
|
|
|
|
|
Re: دفتر احوال ضابط الشرطة المناوب (Re: omer osman)
|
شكرا لنقل المقال يا عمر
الاخ علاءالدين مقالك جميل و هيج ذكريات من الزمن الجميل انا عارفك بتمتاز بذاكرة حديدية و ملم بتفاصيل اشياء كثيرة حدثت فترة التدريب بالكلية فواصل فى كتابة زكرياتك عن تلك الفترة الجميلة التى قضيناها سويا بحلوها و مرها طبعا انا واحد من الثلاثة عوادل( جمع عادل) لا اذكر هذه الواقعة بالضبط لكن اذكر ايام كان قائد الدفعة الرائد عوض وداعة يختبئ داخل عنبرنا(يرقد فى احد السراير و يتغطى بي بطانية و يراقب)
شكرا علاءالدين و عمر
| |
|
|
|
|
|
|
Re: دفتر احوال ضابط الشرطة المناوب (Re: omer osman)
|
السلام عليكم ورحمة الله بادئ ذى بدء الشكر اجزله للاخ العزيز الباشمهندس بكرى لمنحنا العضوية فى هذا المنبر العامر. والتحايا والاشواق لكل الزملاء الافاضل والضيوف الاكارم بسودانيز اون لاين. ومن هنا نترحم على والد زميلنا ماجد محمد الفكى ونسال الله العلى القدير ان يتقبله قبولا حسن.
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Eltayeb Medani to me show details Jan 15 (1 day ago) Reply
الاخ علي الزوار الكرام اسف جدآ علي الخطاء المطبعي في كلمة الرحمه في عزاء والد اخونا ماجد الفكي له الرحمه اكرر اسفي لهذ ا الخطاء بوليسسسسسسسس مدني
| |
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
مشاركة من الاخ على محمد عثمان
: [email protected]: Fri, 16 Jan 2009 10:39:57 +0000
Subject: FW: نكت سودانيه .... تفطس من الضحك Date: Tue, 13 Jan 2009 08:49:09 +0000 مسطول مشي الصيدلية قال للدكتور : 'عايز لبن اطفال'. الدكتور: 'اسمو شنو؟' المسطول رد : 'اسمو اشرف' مسطول بابه دقه...قال:'منو الفي الباب؟' قال ليهو:'افتح يا جدو انا حفيدك'.قاليهو:'يعني حتفيدني في شنو يعني؟'
المسطول مشى بيت ناس صحبو دقه الباب جاتو اخت صحبو سألا حسن في ؟ قالت ليهو مافي فضل واقف سرحان قالت ليهو خلاص لما يجي بكلمو ليك قاليها كلميهو انتي قايلاني خايف منو؟؟
مسطول احوص بحضر ليهو في فلم عاطفي داير يدمع .... ريّل
في واحد مشى لشيخ مسطول يفسرليهو حلم وقال : انا حلمت اني لابس بدلة لونا بني فاتح وقاعد في مكان فيهو نجيلة قال الشيخ : تفسير الحلم ..... انك تور الله في برسيمه
مسطول جابوليهو بنت قالوا: 'حتسميها منو؟' قال: 'هبة على عمتي علوية
مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو
اتنين مساطيل قاليهم العسكري ' وليه كلكم عيونكم حمرا'؟؟ قالوا ليهو: 'بنبقى لبعض'!!
حين تري السماء سقف لبيتك ..وتري القمر مصباح لغرفتك ..وتري النجوم متعتك. حينها تاكد .. انك مسطول ليس الاّ!!
مسطول بيسأل صحبو: 'شنو اسماء اخوانك؟'. قاليهو:'كلهم أسمهم عبدالله الا ابراهيم اسمو مصعب'!!
'مولاي شخص بالباب جننا يريد أن يخش'. الوالي: 'ثكلتك أمك أوقفه عند الباب حتى آذن له بالخشوش'.. (اتنين مساطيل بمثلوا مسرحية باللغة العربية الفصحى).
اتنين مساطيل بيحضرو في كورة والمذيع بيقول دربكة في خط الدفاع دربكة في خط النص دربة في ال18 وهوووب قووووووووووووون جوا القون. قام المسطول قال لي صاحبو: 'تعرف دربكة دا لاعب مية المية'.
واحد مسطول في قسم الشرطة صدم 15 زول بسيارة الضابط قاليهو : دا شنو العملتو دا يازول قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي. الظابط قاليهو : طيب ماكان تصدم الزول البراهو. قال ليهو: انا زاااتي قلته كدة ... لكن هو جري دخل بيت العرس!!!
مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟؟'! قالوا مسطول بعد احداث امدرمان الاخيرة شاف عربية بوليس وقام جاري.. البوليس شافوا قام سكاهو... ولمن مسكو سالو: 'يا زول في شنو؟'. قال ليهم: 'ما في شي'. سالو البوليس: 'طيب بتجري مالك؟' قال ليهم: 'ما يمكن يكون في شي'!!.
مسطول مرتو قالت ليهو:'وأنا بصلي الكديسة أكلت عشاك.. قمت دقيتها قامت جارية'. قال ليها: 'ما مشكلة بكرة بجيب ليك كديسة تانية'!!
مسطول مواعد ليهو واحد... شراهو مشي اشتكاهو في مكتب الحركه. بتاع البلاغات سالو:'نمره العربيه كم؟'. المسطول : 'ما عندو عربيه'. بتاع البلاغات: 'طيب نمره عربيتك كم؟'. المسطول: 'ما عندي عربيه'.. بتاع البلاغات: 'طيب جاي مكتب الحركه ليه؟'. المسطول: 'عشان حركتو دي ما جميله'!!
مسطول كان ماشى لقى الناس بصلوا فى (زاويه) و الارضية كانت حصير قام صلى معاهم، بعد الصلاة خلصت الناس مشت الا الامام و المسطول كان غالبو يقوم ، قام الامام قال للمسطول : 'يا ولدى يلا لفها'، المسطول : 'يا مولانا انت جادى؟؟'!
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Hassan Ibrahim to me show details 3:59 PM (1 hour ago) Reply
حسن كفش ..... أسجل مرورى وأنتهز هذه الفرصة سائلاّ الله عز وجل أن تنعم والدة أخونا أسامة كرور بالصحة والعافية والشفاء العاجل بإذن الله . والتعازى لأخونا السيد ماجد الفكى فى وفاة والده سائلين الله عز وجل أن يسكنه فسيح جناته . الأخ السيد / طارق / الطيب حمداّ لله على السلامة وسلامة العودة ولازلنا فى إنتظار الضحك فى بيت البكى . المفاجأة ........... المفاجأة........... وما أدراك ما المافاجأة !!!! وصلتنا معلومة مفادها أنه تم دعوتكم (طارق/الطيب) إلى حولية بمنطقة الرياض والدعوة من قبل شيخة مدينة الرياض (غير دكتورة عائشة الغبشاوى) وإنما هى شيخة جديدة ............ ومعها ضابط برتبة رفيعة طويل القامة شلولخ ..... وكانت هناك تغطية بصنف من القسم الشرقى بقيادة ضابط وأكد المصدر أن الحولية بدأت بعد صلاة العشاء حتى موعد آذان الصبح وقد تم ترحيل الحيران بعد إنقضاء الحولية بعربات القسم الشرقى وأكد المصدر أنهم كانوا بصدد إقامة ظار بعد إنتقضاء الحولية ولكن ست الظار إعتزرت لأسباب أسرية !!!!!! نرجو من السيد/طارق / الطيب موافاتنا لتأكيد تلك المعلومة أونفيها علماّ أن هذه الحولية كانت تكريماّ لكم . ***** يتم إستيضاح عمرمحمد عثمان بصفته المشرف على القطاع حيث أنه لم يوافينا ولم يدون ذلك بدفتر الأحوال ............. ***** السيد عبده عوض – ياسر عبد الكريم للتكرم بالعلم وتوجيهاتكم ...... !!!! ............ ***** السيد النور يوسف لازلنا فى الإنتظار ...................................... ***** ولابد أن أشيد هنا بالمصدر رغم السرية والتكتم على تلك الحولية ................. و مغادرتـــــــــى !! الرائد شرطة م / حســــــــــــــــــــــن كفـــــــــــــــــــــــــــــــش
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
مرورى على الاحوال الاخ حسن الكفش كيفك يا راجل وربنا يحفظ ليك اولادك الحلوين فارس موسى رجع فاتح نيران تقيلة يا ربى يكون فراق الاولاد ولا شنو اخوناالطيب كيفك واولادك وناقتك إنشاء الله كلهم طيبين وكلامك عن السيد صادق جلابى صحيح فهو راجل طيب جدا مرة بعد تمام 9 مشينا سينما النيل الازرق معاى احمد التجانى بعد الفلم راجعين فى شارع النيل والضلام شديد اشرنا لى عربية لما وقفت لقيناهو السيد الصادق جلابى وسالنا ماشين وين قلنا ليهو نحن طلبة فى جامعة الخرطوم وراجعين الداخلية الراجل مشكور وصلنا لحدى باب الجامعة وطبعا من هناك بالخطوة السريعة رجعنا ممقلبين يا على السر اخونا الفى الصورة ريتشارد وكان معانا فى منتخب الكلية مولانا ياسر محمد احمد لك التحية ومالك طولت ما ظهرت مغادرتى و--------------مشيناها خطا
| |
|
|
|
|
|
|
Re: دفتر احوال ضابط الشرطة المناوب (Re: ياسر عبدالكريم محمد)
|
يا اخواننا انتو ماعارفين الكارثة فى الكلية كان منو والله الطيب عثمان يوسف وقع فى القيد كتير. لكن العمايل العملها ياسر عبدالكريم فى الكلية مافى زول عملها اسالونا نحن اولاد فصيلته. وكدى يا القرشى بالله احكى لينا قصة الفمتو بتاع اسامة وراق
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
**** ( طارق والطيب )
******* مرورى بعد غيبة يومين لمرض ابنى محمد الحمد لله هو الآن بخير ..
**** لا أدرى صراحة من أين أبدأ من الضحك فى بيت البكا أم من ورشة العمل أم من الرد على معلومات أخونا حسن الكفش
عموما وقبل أن أنسى يا الكفش أولا : صور ( الكفاشه ) الصغار ديل حلوه جدا ما شاء الله ربنا يحفظهم ويحفظك ليهم
ثانيا : موضوع الحولية ده ( بجيب صوت كرنك ) إنت عاوز تودينا السجن ولا شنو ؟؟ لكن أحى مصدركم بشده لأنو ما باقى ليهو
الا ذكر الأسماء بعدين الشيخة دى والعقيد المذكور جابو لى الشيخ الصائم ديمه زاتو وحلفونى قدامو أن لا أذكرهم فى هذا السجل إلا بالخير وقد حلفت وهم ما براهم الاتنين معاهم وكيل نيابة .. بس مصدرك نسى أن يذكر أن يذكر أن العقيد المذكور
جاء الحولية وكانت معاهو زوجته و كذلك نسى أن يقوليك العشاء الكارب الكان فى الحوليه وعلى فكره تم تصوير الحوليه
بالفديو أوعى يكون المصدر أداك نسخه ؟؟ أعمل حسابك يا زول بتودينا فى ستين داهيه . كده كفاك يا حسن .
**** أتخارج
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
Yasser Khair to me show details 3:47 AM (4 hours ago) Reply
أخي علي السلام عليكم ورحمة منه وبركات اسمح لي أخي أن احيي واسلم من خلالك على أخي عضو الصفحة النشط ياسر عبد الكريم ، كيفك أخي ياسر أرجو أن تكون أنت وأسرتك جميعا بخير وعافية ، وشكرا لك تفقدك لي وسؤالك عني عبر رسالتك الأخيرة ، وأرجو أن تعذرني لعدم تذكري فيما إذا كنت قد قابلتك من قبل أم لا ، وان كنت أرجح أننا تقابلنا ولكن لا تسعفني الذاكرة في ذلك لسببين أولاهما بالطبع حكاية العمر وتساقط الذاكرة شيئا فشيئا وثانيهما أنني وبحكم أخي المرحوم طارق كنت أقابل الكثير الكثير من أفراد شرطة السودان من دفعته ومن غير دفعته في منزلنا أو في مواقع أخري بحكم تواصله الذي تعرفه مع الجميع ولذلك كان يصعب على جدا أن الم بتذكر ومعرفة هؤلاء جميعا ، ولكن المؤكد مؤكد أنني كنت اسمع عنك كثيرا سواء من المرحوم طارق أو من أحبائه الكثر ( بالخير طبعا ) وكما أني أتابع خواطرك ومداخلاتك المتجددة بالموقع ، على العموم يا أخي ياسر لك شكري وتقديري على السؤال وأرجو من الله دوما أن يجمعنا على خير في بلدنا الحبيب علينا جميعا السودان من بعد أن نعود من هذه المنافي التي تشتتنا إليها بفعل ظروف متعددة ، أسال الله أن يرد غربة الجميع سالمين لأهلهم وذويهم وأحبابهم . أبن خالي محمد التلب وينك يا أخي ولماذا ابتعدت عن التواصل بالصفحة لهذه الفترة أرجو ألا تحرم الجميع من مساهماك الثرة في هذا الجانب ومبروك يا أخي العمل الجديد بالبركة إنشاء الله وحكاية البيت ده شنو ما فهمت ؟ عموما ، مبارك إن شاء الله ومزيدا من النجاحات . سوف لن أمل من دعوة الأحباء فقيري أسامة إبراهيم عادل على بدر الدين عطا وعبد الماجد وبابكر عبد الله ومصطفى همت والجميع ممن لم يطلوا على هذه الصفحة بالمرور عليها ،، إخوتي نود أن نسمع أخباركم ونطمئن عليها فهلا فعلتم ؟ أخي الطيب وينك يومين ثلاثة ما ظاهر ؟؟ لازما تتحفنا بقيود مميزة عقابا لك لهذا الاختفاء .... تحياتي لك ولأولادك . أخي عبده عوض مشتاقين وبس . إخوتي أعضاء وزائري الصفحة لكم تحياتي
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
*** ( طارق والطيب )
**** مرورى متفقدا ..
**** ما قلت ليكم التلب زايغ ؟؟؟ ...
**** الضــــحك فى بيـــت البكا ***
فى أول يوم وصلت فيه الخرطوم وكان ذلك أول أيام عيد الأضحى إتصل بى أخونا العقيد على الطويل وطلب منى
أن أصـله فى القسـم الشرقى فورا لأنه فى شوق شديد لملاقتى وعند دخولى عليه إذا بى أفاجأ بالعقيد أسعد ( 50 ) فى إنتظارى
وكان فى غاية السعاده بنجاح الكمين الذى لم أستطع الفكاك منه إلا بتدخل أخونا على الطويل آخر الأمر .. المهم قالوا لى
عندنا فاتحه والدة زميلنا متوفية و لازم تمشى معانا ( دون أن يذكرا لى إسم الزميل) و بالفعل وافقت و مشيت
معاهم ولما وصـلنا بيت العزاء إذا بى أفاجأأن المتوفية هى والدة أحد ضباط الدفعه ( 50 ) .. ولكم أن تتصورا !!!
**** إلى هنا كنت أظن هذا هو الكمين الأصلى .. ولكن ... أثناء الفاتحه إذا بى أشاهد واحد رافع يديه معى ( بشيل فى الفاتحه )
و كان أحد أصابع يده اليمنى مرفوع إلى الأعلى ( أصبعه الأوسط بالتحديد ) وعندما رفت رأسى لأرى من هو ؟
إذا بى أمام أخونا العميد السيوفى وجهنا لوجه !!! فحاولت أن أزوغ منه و أن أجلس مع أى ناس لغاية ما أتخارج . لقيت لى جماعه
( معمعمين ) قلت أقعد معاهم لغاية ما أتخارج وعندما قلت ليهم السلاع عليكم ردوا على : يا زول متين فى البلد ؟؟
تصوروا من كانوا هؤلاء ؟؟؟؟
**** ( السيد الفريق محى الدين محمدعلى ـ صاحب كتاب الضحك فى بيت البكا، وصديق والدى عليه رحمة الله ـ له منى ألف تحية وتقدير ـ
السيد الفريق محمد الحسن إدريس ( هولاكو ) اللواء عصام شريف ـ وجلس بجانبى العميد السيوفى , والعقيد أسعد ثم العقيد على محمد عثمان الطويل )
**** لكم أن تتصوروا ما يخرج من أفواه هؤلاء فى مناسبة عزاء .. لن أطيل عليكم ..
**** بدأ الحديث السيد محمد الحسن إدريس موجها حديثه لى قائلا : يا ود عثمان يوسف شايف راسك إنزعط .. أوعى تكون إنزعطت فى حته
تانيه بعد ما سبت البوليس ؟؟؟
**** المداخلة التانية كانت من الشخص الذى كلنا نعمل ليه ألف حساب .. والذى إستعملت معه كل التعاويز التى تعلمتها..
أخونا عصام شريف فابتدر الحديث سائلا بصوته وطريقة كلامه المعهوده : إنت يا الطيب .. الحـلبى ده إنت مالك معاهو ..؟؟
( و كان يقصد أخونا العميد السيوفى و ما جاء بهذ الدفتر .. )
**** وكان ردى إليه بكل براْءه ...
*********** يا سعادتك أنا ما ( ماســكو ) وبالتأكيد أنا كنت أقصد أننى لاقى فرصتى فى الســيوفى .. ولكن ..
**** عصام شريف قام وقعد ، و قام وقعد و نطط عيونو وقعد يقحـقح وقالى : ( يا ولدى ما ( شــرقتـنى لكين ) !! ما عندك حاجه تانيه
غير ( ماســكو دى ؟؟ ) فما كان من كل السـامعيـن إلا أن كسـروا حاجــز الصـمت السـائد آنذاك .. وعلى صوت الضحـك على استحياء .
***** وقد لاحـظت الابتسـامه تعلو وجه أخونا السـيوفى وانفرجــت أساريره ..
*************** كل التحايا والإحترام وكل التقدير لكل من ذكرت فى هذا القيد ....
مخارجـــه
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
***** ( طارق والطيب )
*** مرور على عــجـل حـديد ...
*** الكوتـش حسن الكفش ( يا أخوى الضرس ده قام ليك متين ما كنت كده )؟؟؟؟
*** أخونا العقيد محمدعلى الحلنقى : عندك صوره فى تلفونك بتاعت واحده إنت بتعرفها و أنا بعرفها.. صاح ؟
*** صور أعمامنا ناس ( 56 ) تؤكد أنهم مواليد ( 56 ) فعلا ..
*** أمين نور الدائم : من البقشيش ، يفكر حاليا فى شراء قطعة أرض بمنطقة الأزهرى ( طموح أولاد الإشلاق )
*** دفعتنا حافظ بخارى دائم الإطلاع على هذا السجـل دون أى تعليق تيمنا بالشيخه !!!
**** أخونا ،، عمنا ،، معلمنا ،،اللواء عوض بوت : مثال حى للمقوله ( راجل المره حلو حلا ) لك كل التقدير ..
**** مريم عبد المحمود سلمان : إحدى كنوز بلادى ..
**** أخونا المقدم صلاح حسن : رئيس قسم العمارات : قلنا ليه إنت زول كويس بس رئيسك عندنا فيه رأى عملت ميت !!
**** صلاح بابكر فى هواندا ينضم لركب جهلة الدوحـه عبد الرحيم وصحـبه .
**** أخونا عبد الماجد تاج السر المتزوج للمره التانيه .. و للمره التانيه يسلم رقبته للجديده يشاهد شهريا فى سوق الدهب !!
**** أخونا العقيد آدم إبراهيم : قال قاعد يطلع على الدفتر طوااااالى ووعدنى بالدخول فورا .. ( وينو وعدك لى )
**** أخونا حسن حامد : لازال مصرا على التكتم على موضوع زيجته التانيه لم يؤكدها ولم ينفيها ..
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
ياسر عبدالكريم متفقدا الاحوال يا على مااافى داعى لكشف الحال الفيمتو دا دواء ولاشنو الزير واسامة وراق ديل حبايبى وما ممكن اغلط معاهم لكن ايام الكلية للضرورة احكام مافى مجال للتعويض الحقوق ما منكورة لكنها سقطت بالتقادم مولانا ياسرمحمد احمد إتلاقينا كتير لكن الفترة طالت الطيب عثمان ايامك عسل تشرب فى الشيشة وسائق ليك ناقة وتانى شنو سلامة ولدك محمد وربنا يحفظوا امييين يا جماعة اخبار الحصان قحف شنو عندى معاهو موقف كدة والسيد سيف النصر بحكيهو المرة الجاية ناس اوهايو إتحركوا شوية كفاية كوتشينة وشيشة مغادرتى و------------مشيناها خطا
| |
|
|
|
|
|
|
Re: دفتر احوال ضابط الشرطة المناوب (Re: Ameer Elfatih)
|
*** ( طارق والطيب )
*** مرورى متفقدا .....
*** أمير الفاتح : ألف مرحبيك مراحب ويلا إستلم المناوبه و نحن فى إنتظار الكثير منك
*** بنفس مقدار ألمى كانت سعادتى لرؤية صور أخونا يس شناكه نسأل الله العلى القدير أن يمن عليه
بالصحه و العافيه ..
**** يا أخونا نرجو مدنا باخبار والدة أخونا اسامه الكرور ( مولانا ياسر محمد أحمد ) للإجراء
**** أخونا النور يوسف ( غياب ) !!!
**** يا أخونا عربيتى بايظه اليومين دى مافيكم زول عارف بلقى ( عيسى المكنيكى وين ) ؟؟؟ لعلك عافيه السيد اللواء
**** الظروف والاراده المابيدى منعتنى من زيارة عمنا السيد الفريق عوض خوجلى ( لك العتبى حتى ترضى )
**** عبدو عوض : فى قيود كتيره شايفك ما علقت عليها الحاصل شنو ؟؟؟
**** عمر محمد عثمان أصبح كثير الغياب ولكن عودته تذكرنى بفرحت أبنائى عند قدوم والدتى .. نحن فى انتظارك دائما .
**** هاجر عوض يا على الطويل شايف مريم خطفت منها الاضواء ارجو الاتصال بها وقوليها ( ربنا يحـلك بالسلامه )
**** صورة مريم عبد المحمود المنشوره مؤخرا هى تلك الصوره التى قصدتها للأخ محمد الحلنقى وأشكرك جدا يا الحلنقى ( سكتنى )
واشكر شجاعتك و باين إنو المدام ما عندها فكره عن دفتر أحوالنا ده ( كده أحسن )
**** يا على محمد عثمان خليك شجاع و أكتب لينا قصة الصوره إياها مع المدام فى الحولـيه إياها. فى إنتظارك ( يا عبدو عوض أشـهد )
**** إتصل بى مؤخرا أخونا الفاتح الطيب مدنى من الرياض و عرفت منه أن أخونا هارون زين العابدين إستلم عمله بالسفاره هناك
كذلك علمت منه أنو أخونا حافظ بخارى على إطلاع على هذا الدفتر أين أنت يا رجل ؟؟؟
**** التلب يا إخوتى معذور يبحـث عن عمل و بيت تانى بس المره دى ماليهو لاخونا السيوفى النازل فى الكشف القادم .
**** متخارج
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
*** ( طارق والطيب )
*** شـــكرا
**** الشــكر كل الشكر وكل التقدير لكل من : 1/ سعادة اللواء محمد عبد الرازق : مدير شرطة ولاية الجزيره 2/ سعادة العميد بخيت عيسى دار فور نائب مدير شرطة ولاية الجزيره 3/ سعادة العقيد صلاح عمر الطيب مدير الشئون القانونيه بولاية الجزيره 3/ الأخ الرقيب سيف الدين مندوب شرطة الولايه بالأراضى *** لما قدموه لى من مساعده كبيره فى إستخراج قطعة أرض تخص أخى ورفيق دربى المرحموم طارق محمد أحمد ، بود مدنى
ولقد تحركوا معى منذ لحظة وصولى الى ود مدنى واستلموا الموضوع من الألف إلى الياء الى أن خلصوه و عملوا على أن تكون
قطعة الارض فى أفضل مكان ، وقد كان . مع العلم أن إجراءات هذه القطعه استمرت منذ 1993 .
*** فباسم اسرة المرحوم طارق وباسمكم أخوتى و باسمى اســجل صوت شــكر لهؤلاء الساده على ما قاموا به تجاه اسرة
المرحوم وتجاهى حينما أفاضوا فى كرم استضافتى وحسن استقبالى ووداعى .
فلكم كل الشكر ونسأل الله العلى القدير أن يجعل ذلك فى ميزان حسناتكم وأن يتقبل أخونا طارق محمد أحمد قبولا حسنا
******** أغادر
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
**** ( طارق والطيب )
**** ماشى أنوم .. كفاكم ..
**** عارفين قصــة مصطلح ( الميت سريريا ) ؟؟؟؟ قصتها فى قيد تانى ..
**** كفاية لغاية هنا يا أخونا ،، على خدمه تالته بعد ده ، شايف الحاجه تدخل و تمرق سااااى وحتى لا يقال على ميت سريرا .
** بمناسبة الخدمه التالته دى ( أخونا .. فارشششششششششش موســـى وين ) ؟؟؟؟؟؟؟؟؟؟
****************** بااااااااااااااى
| |
|
|
|
|
|
|
Re: دفتر احوال ضابط الشرطة المناوب (Re: ياسر عبدالكريم محمد)
|
- مروري منفقداً الأحوال .. مرور سريع .. وعندي الكثير يالطيب .. بس مشغول شوية وسوف أعود لاحقاً .. - بداية .. بسأل عن أحوال وصحة والدة الأخ اسامة علي .. أسأل الله أن ينعم ويديم عليها الصحة والعافية. - أرحب كثيراً بأقلام السادة علي جويلي وأمير الفاتح .. ومنورين البوست بإذن الله . - الطيب عثمان يوسف .. قاعد لي مع السادة الكبار محمد الحسن يوسف وعصام شريف والسيوفي وأسعد علي عبدالحفيظ في بيت بكاء وعاوز تفنجط كمان !! ياخ دا لو أنا مكانك كنت مشيت المقابر عديل أترحم على روح المرحومة بدل القعاد في بيت البكاء في الوقت داك .. أحسن لي من شرقة عصام شريف وفاتحة السيوفي دي .. ولو أداك ليها قافلة كان جريت عديل.. دا زولي وأنا بعرفو كويس !!! ووصيناك وماسمعت الكلام .. بس دا كلو من مصائب على الطويل !! - صور اعمامنا في الدفعة 56 حلوة ومثيرة .. ويا عادل حمزة وأخوانو دا ما حفل إفطار الدفعة 56 .. أظنو دا الإحتفال بالإستقلال عام 56 .. جماعتك ديل خلاص باقي ليهم بس يشوفوا موضوع الحج وربنا يديهم الصحة وطول العمر !! ذكرتوني بحفل تخريج الدفعة 53 ( الدفعة القدامنا ) وبعد التخرج إنبهرنا كطلبة في ذلك الوقت بزوجات السادة الضباط المتخرجين وفرحة الأعمام والعمات والإشلاقات يومها ما فضل فيها مره مشلخة !!! تتذكر يالطيب .. ود الجزيرة !!! - بعد ما شاهدت أعمامنا في الدفعة 56 ، ونزلت شوية فوجئت بالمحاربين القدامي الجدد بتاعين الدفعة 59 - إبداااع !!! إندهشت بعدها وحمدت الله كثيراً على سلامة أخوانا التلب وعلي الطويل وياسر عبدالكريم والطيب وعلي السر وأنصاري وعثمان منصور .. ولسه عندنا الكثيرين في الدفعة ممكن يلعبوا عشرة مواسم قادمة بنفس المستوى واللياقة ... جمال وقوام يالطيب .. ربنا يحفظ ليك محمد من كل شر .. - عادل حمزة .. صورتك مع العيال ماشاءالله .. آخر شباب .. وربنا يحفظهم ليك يارب .. لكن طبعاً عمك الفي الصورة التحت بالكرفته دا بشبهك بصورة مبالغ فيها !!! دي كيف يالطيب ... - حسن الكفش .. مصدرك المعلوماتي يستحق مكافأة وترقية إستثنائية وأهنيئك بشدة .. الموضوع خطير .. سوف أعود ليهو بعد الطيب يفرغ ما عندو بعد ما إنبرش وطلع جزء من المهم .. والأهم يالطيب ( سامر ) جاء ولاّ لا !!! - الحاج ياسر محمد أحمد .. والأسرة .. شوق شوق شوق كثير وربما يجمع الشمل قريباً بإذن الله .. لكم كل الود والشوق ..
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
زواج الدفعة فيصل العبد ابراهيم في ديسمبر 2008
أسامة عثمان + محمد خليل مرسي + عبد المطلب العبيد
محمد تاج السر + العريس: فيصل العبد
علاء الدين عطا المنان + مصطفى الأمين
مهيد الشيخ + الوليد ابراهيم مصطفى
عوض علي موسى + شوقي صالح
أبوبكر ابراهيم حسن ( كورينا ) + بدرالدين حسن الحاج + عمر الباقر عمر
أسامة عثمان + ياسر الطاهر
| |
|
|
|
|
|
|
Re: دفتر احوال ضابط الشرطة المناوب (Re: Ameer Elfatih)
|
******** ( طارق والطيب )
*** الأخ أمير الفاتح حقيقة بداية أعتقد أنها موفقه و أرجو أن أحملكم مسئولية عظيمه
الا وهى العمل على إقناع أكبر عدد ممن نشرت صورهم فى هذا السجل بضرورة الاطلاع على صورهم
و المشاركه بما لديهم من صور وذكريات وأين هم الآن ؟
*** الأخ أمير حدثنا عن نفسك قليلا وأعرض صورتك إن أمكن و أين أنت الآن و ماذا تعمل ؟؟؟؟
********** لك كل الشكر مجددا متمنيا أن تفيدنا بالجديد فى كل قيد آملا أن تستصحب زميلا جديد معك لا سيما الأخوه فى القوه
************* مغادرتى :
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
*** ( طارق والطيب )
*** مرور على عجـل ...
********** عبدو عوض : كل قيد يؤكد أنك ( هيثم مصطفى بتاع الدفتر ده ) أو قل ( العجب ) إن كان
ذلك يرضى شعورك .. فقد ظللت أضحك بصوره هستيريه حيرت ناس البيت ..
وما ذكرت يا عبدو ( فى الضحك فى بيت البكا ) هذا ما استطعت أن أذكره فما خـفى أعظم و إنت عارف أخوانا الثلاثه . فهم
من الأدباء فى هذا المجال ..
أما بخصوص المصادر يا عبدو بالله خليك فى علبك .. أنا لا بقدر على الصايم ديمه ولا على الجرجره وسط النيابات .
وبخصوص ( سامر ) الاسم الذى ورد فى قيدك فأنا فى حياتى لم أسمع بهذا الإسم إلا واحد فقط هو نسيب واحد طويييييييييل دفعتنا.
بعدين شايفك الحلبى محمد طه ده ما قبلت عليهو بس حقارتك بى أنا وعلى الطويل المساكين ديل .
*** المعلومات تشير إلى أن واحد من أخوتنا ويشار إليه دائما ب ( مولانا ) قد تلقى تحذيرا شديد اللهجه جاء فيه
التالى : ( إنت ما خلاص حجيت الانتر نت و السهر ده لزومو شنو ؟؟ قوم أرقد يلا وتانى حدك فى الكمبيوتر ده صلاة العشا بس .
فاهم ) وكان رده من داخل الغرفه : ياخ مابقوم ولامنسينتؤرنلبهعغخبخ منثبخ3ضنمتثبضىخعمن خعغعءع حخ9
وسمع صوت تانى ( شنو ؟؟؟ ) قال ليها قلت ليك البطانيه وين ؟؟ هذه المعلومات على لسان أخونا ياسر عبد الكريم
وأنا ليس لى فيها إلا فضل النشر !!
*** أحسن لى أتخارج .. سلام
| |
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
Yasser Khair to me show details 12:08 AM (9 hours ago) Reply
أخي على إخوتي الأعضاء والزائرين السلام عليكم وأرجو أن تكونوا جميعاً بخير عن أحوال مملكة البحرين أنقل لكم بأن صحة والدة أسامة والحمد لله بألف خير ، فبعد أن أجرت المقابلات اللازمة بالمستشفي العسكري فقد إرتأي الأطباء عدم وجود ضرورة لإجراء العملية التي كانت ستجري لها بحسب التقديرات الأولية واكتفوا فقط بإعطائها علاجات أخري وهي الآن تخضع فقط لمتابعات مع المستشفي ـ من خلال البيت ـ وصحتها بأحسن ما يكون ، نرجو من الله أن يتم عليها الشفاء ، وأسامة لإغراض هذه المتابعات يحضر باستمرار هنا من محل إقامته القريب ( الدمام ) . أخي الطيب تحياتي ودمت عزا وزخرا .
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
badraldeen alwageea to me show details 9:22 AM (18 minutes ago) Reply
مرورى الأول بعد قراءة متأنية وسياحة ممتعة في هذا السفر الرائع .المواضيع كثيرة والأشجان أكثر. التحايا موصولة للجميع مع وعد اكيد بديمومة التواصل بمشيئة الله .
بدرالدين عطا علي الوقيع ( 52 )
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الاخ امير شكرا لكتابة الاسماء من الشباب الفى الصور دى تزاملت عام 91 مع مصطفى الامين و محمود عزمى وآخرين اتمنى ان ارى صورهم منهم علم الهدى و علم الدين و احمد الحريكة و خالد محمد نور تاج الدين و خالد آخر من الكلاكلة
عادل
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Quote: صور اعمامنا في الدفعة 56 حلوة ومثيرة .. ويا عادل حمزة وأخوانو دا ما حفل إفطار الدفعة 56 .. أظنو دا الإحتفال بالإستقلال عام 56 .. جماعتك ديل خلاص باقي ليهم بس يشوفوا موضوع الحج وربنا يديهم الصحة وطول العمر |
الاخ عبده عوض حيرتونا عديل انت و الطيب نجيب صور دفعتكم بتاعة رمضان.. يا خى فيها ناس شاسيهاتم بتاعت لواءات او فرقاء.. بس ما علقنا عشان الاقدمية و كده.. يعنى خليها مستورة
انت صورتك وين راجنك لينا 3 شهور ما عايز تنزلها هنا.. من اسي تعليقى جاهز
عادل
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
*** ( طارق والطيب )
*** مبروووووك :
**** ألف ..ألف .. ألف .. مليون مبروك أخونا ودفعتنا بدر الدين عطا
بمناسبة رفع اســمه من قائمة الجهـل و الظلام و الولوج الى عالم النور ، و رقم طول المدة
إلا إنى أثمن هذا النجاح الذى جاء متأخرا بحكم معرفتى بإمكانيات و قدرات أخونا بدر الدين ، عموما أهنئ أولا
مولانا ياسر محمد أحمد لأنه كان الأكثر بحثا عن أخونا بدر الدين و أهنئ نفسى وأرجو من الكل السعى لمنح أخونا بدر الدين
صلاحية المشاركه المباشره حتى نستمتع بمداخلاته التى تحتوى على الكثير المثير .. فأهلا بك صديقى و من القلب أقولها لك
أخى بدر الدين ( لك العتبى حتى ترضى ) ولك الحق فى ذلك ولكنى أعلم أن لك قلبا أبيض من بياض اللبن ..
**** لازالت قائمة الجهل تضم بين دفتيها كل من عبد الرحيم سيد فقيرى و محمد ماهر و يس عبد القادر ( عاد ) تانى سنه أولى
و عادل على عبد الجليل و صلاح بابكر و مالك كرومه ( الوجيه ) ونجد عبد الماجد تاج السر يتزيل القائمه كعادته .
**** **** **** **** ****
************* مغادرتى .....
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
بسم الله الرحمن الرحيم نرحب بالاخ امير وتم وضعو فى جدول المناوبة بس يا امير إنت متاكد دى صور الدفعة 59 ابو صلعة داك يشبه واحد درسنى فى الابتدائى اخونا عادل حمزة مالك يا اخونا الاولاد يكبروا سنتين وإنت تكبر عشرين سنة حكومتك نقتا كتيرة ولا شنو بدر الدين عطا سبحان من يحيى العظام وهى رميم بالله عليك احكى عن رحلة الشرق الشهيرة والجلسة الجميلة تحت الجبل فى كسلا واخونا الشغلنا طلبة طول الليل فى صالون ناس مصطفى همد فى الرحلة التى ضمت كل من التلب .برعى.بدرالدين.على السر.برعى الطيب عثمان.ياسر عبدالكريم وحبيبنا المرحوم طارق محمد احمد فى الرحلة دى زرنا مدنى-القضارف-حلفا الجديدة-كسلا وبورتسودان فى الخمسة مدن دى اخونا عبدالرحيم فقيرى يحب ليهو واحدة ويصر إنوا لازم يعرسا يعنى لو نحن مامعاهو كان رجع الخرطوم بى خمسة نسوان مغادرتى و------------مشيناها خطا
| |
|
|
|
|
|
|
Re: دفتر احوال ضابط الشرطة المناوب (Re: ياسر عبدالكريم محمد)
|
سلااااااااام .. - ألف سلامة .. وإنشاءالله أجر وعافية لوالدة الأخ أسامة علي ..وشكراً الحاج ياسر محمد أحمد للأخبار الحلوة . - بدرالدين عطا شخصياً .. مستر بنسـا !!! مش معقول وأكاد لا أصدق .. حياك الله .. وألف مرحب بيك يالذيذ .. بس ما بقدر أقول ( 7 أب ) .. معقداني شوية بعد عملية الأردن القبيحة دي !! وغلاة أم المؤمنين عندك ما تنقطع عنا، وسلامي الكثير ليها وللأسرة .. وعقبال محمد ماهر وياسين وعبدالماجد وبرعي والبقية . - الأخ عادل حمزه .. أقول ليك مصطقى همد والأنصاري والطيب وبرعي وعثمان منصور و و و .. تقول لي شنو شنو !!! وصوري حا تنزل قريباً .. بس نزل تعليقك في الأول .. ودمت يا الحبيب !!! - الطيب .. كلما تضحك إنت .. تأتيني ضحكة وإبتسامة حلوة وعريضة ونقيه من الحبيب المرحوم طارق تؤكد أنه مرتاح في آخرته في حفظ ولطف المولى الكريم .. فقد جمعتنا سوياً أجمل الضحكات والإبتسامات .. اللهم أرحمك يا طارق بقدر ما كنت تجلب الراحة والطمأنينة للجميع .
| |
|
|
|
|
|
|
Re: دفتر احوال ضابط الشرطة المناوب (Re: Ameer Elfatih)
|
Yasser Khair to me show details 7:20 AM (8 minutes ago) Reply
أخي على السلام عليكم دعني أخي اعبر من خلالك عن سعادتي وغبطتي بالرسالة الجميلة التي أطلت من خلالك لطيب الذكر بدر الدين عطا ، والذي هو يستأهل كل هذا الخير ، وبدر الدين لمن لا يعرفه جيدا كنز من كنوز المحبة والتواصل لكل الناس ، عرفنا عنه ذلك من خلال عشرة طويلة امتدت لسنوات طوال ، ولذلك فانا مندهش ليس من رسالته وإنما عن ابتعاده كل هذا الزمان عن هذا التواصل ، وأخي الحبيب بدر الدين ولمن لا يعرفه أيضا كنز آخر من الفكر المستنير والعقل المتفتح ،،،، ومن قبل ذلك كله بالطبع ذاكرة مختزنة من النكتة والسخرية البريئة ، لكل ذلك فإنني أظن بل أتيقن أن ظهوره على الصفحة سيكون وبالتأكيد كسبا كبيرا لدعاوى المحبة والتواصل والذكرى والنكتة والذكريات الجميلة لما مضي من أيام مليئة بالجميل ، ولذلك كله أرشحه وبشده منحة العضوية التي هو يستحقها وبجدارة بأسرع ما يمكن . ويا الطيب غلبتك واحد واحسب الجايي كمان ،، الكرام الأفاضل فقيري وعادل علي وبابكر عبد الله ومصطفى همت ، ويسين وأسامة إبراهيم وآخرين . أخي بدر الدين عطا لك التحايا والأشواق ممتدة وشرفت الصفحة ونورتها ومزيدا من الطلات الجميلة ، لك سلامي واشواقى وكذلك لجميع الأهل وأرجو أن يجمعنا الله في ساعة خير. أخي علي لك التحايا في البدء وعند المنتهي عبده عوض تحياتي الطيب كما أخاف التأويل الغلط رأس سوطك وصلني لي عودة
| |
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Eltayeb Medani to me show details 1:07 PM (2 hours ago) Reply
الاخ علي التحيه لك والي كل المساهمين الطيب طارق السلام لك والي الاسره حقيقة مناوبتك بالاحوال شيقه جدآ وتاتي لنا دايما بالجديد اجازتك شكلها مثيره الاخ بدرالدين الف مرحبآ بك ننتظر منك الكثير لكن يا اخي ماترقد لي الطيب في امان بهذا الترحيب انا متاكد بقبل عليك الاخ الانصاري التحيه لك المتابعه دقيقه والتعليمات بالحرف شقلك نضيف الاخ عبدو عوض اعلم انك مشقول ما قادر علي الطيب نقول ليك مبروك بي ظهور اخونا بدرالدين واقترح ان تكونوا ثلاثي انت وبدرالدين وياسر لتوقفو الطيب في حدة ليترك طول السان والمطاوله علي الكمندانات الكبار عصام شريف السيوفي وخاصةعيسي التحيه لكم ايها القاده اينما كنتم والي اللقاء بوليس مدني
| |
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
وين صورة فاروق الفيشاوى؟
معليش ...
واقع بيزى يا وليييييد ..
للاسف لا استطيع السفر لثانت كاثرينز هذا الاسبوع ان شاء الله فى شهر فبراير
ولو عايز..... انا عندى اجازه تلاته يوم ابتداءا من بكره الخميس تعال بجاى واستمتع بجمال الغرب وجبال الروكى ومستنجعاتها
تعال مطار تورنتو واركب طياره .. ومستوووووووووووووووووره
ولن تندم ...
على مسئوليتى ..
ده الحصان ودى اضان الحصان وده راس الحصان وده ضنب الحصان
فى اى سؤال فى الفروسيه؟
| |
|
|
|
|
|
|
|