|
الانقاذ ديك عدة .... نقد للكاراكتير الفوق ده
|
تحية طيبة
لي زمن بجي اعمل الحركة دي بلقى الجماعة شالوها قدامي بي بونط
ياخ بتكيف ليك من حتة الكاركتير الفوق ده يعني بيان بالعمل او زي ما قال الجيش
تمهيد
البلاد تسير الى الهاوية او هي وقعت تب والخيار معروف للجميع ولكن نعجز عن تنفيذه
لكي نتحرر علينا دفع الكثير
وما لم نقم بذلك فلنبشر بطول عبو دية
................................انتهى
اها
قالوا الديوك اربعة
في ديك العدة وده هيل الكاراكتير الفوق ده
ديك العدة ده لو نهروه منها كسرة ولو خلوه فيها خ .....
والديك التاني ده ديك المسلمية
يعوعي وبصلتو يحمروا فيها
والديك التالت ده ديك المكوة
زمان وهسي في الحلال في المكوة بتاعت الفحم وقدوما فوقوا ديك من حديد ديكور ساي يعني صورة وبس
وعندنا ديك البطانة
وده حكمة ربك الديكة (جمع ديك ) يعوعن وهو يكاكي
......................................................................................................
الديك الاول استسلامي للامر الواقع يعني الناس تبقى بين انها تنضف العدة من (وس خ) الديك
ولا تفقد العدة كلها عشان لو نهروه بكسرا
طوالي بقولوا ليك خليه يوس خ ا اخير ما نفقد العدة يعني هسي الصحن بي كم والدنيا قبايل رمضان
وعليه
اعتقد الكاراكتير سوق لبضاعة الذين يزرعون التؤجسات في الطرقات (من غير قصد صاحب الكاراكتير )
بأنه لا يوجد بديل ولو الانقاذ فاتت البلد حتبقى صومال وعيييك وعااااك
فالانقاذ هي ديك المسلمية مازالت تصرخ والحلقة تضيق وتضيق على عنقها
الانقاذ هي ديك المكوة كم من وزير وكم من سفير وكم من موظف والامر بيد شخصين فالبقية صورة واكوام من اللحم تملى الكراسي
الانقاذ هي ديك البطانة تكاكي قدام البرة ونحنا هنا حاسبنها ديك
مع التحية لصاحب الكاراكتير
و
مد ايك شيل سلاحك
|
|
|
|
|
|
|
العنوان |
الكاتب |
Date |
الانقاذ ديك عدة .... نقد للكاراكتير الفوق ده | الجنيد حمد | 06-28-13, 10:30 PM |
Re: الانقاذ ديك عدة .... نقد للكاراكتير الفوق ده | newbie | 06-28-13, 11:17 PM |
Re: الانقاذ ديك عدة .... نقد للكاراكتير الفوق ده | الجنيد حمد | 06-29-13, 05:44 AM |
Re: الانقاذ ديك عدة .... نقد للكاراكتير الفوق ده | الجنيد حمد | 06-29-13, 05:48 AM |
Re: الانقاذ ديك عدة .... نقد للكاراكتير الفوق ده | newbie | 06-29-13, 08:31 AM |
Re: الانقاذ ديك عدة .... نقد للكاراكتير الفوق ده | ناذر محمد الخليفة | 06-29-13, 10:36 AM |
Re: الانقاذ ديك عدة .... نقد للكاراكتير الفوق ده | سيف اليزل سعد عمر | 06-29-13, 10:27 AM |
Re: الانقاذ ديك عدة .... نقد للكاراكتير الفوق ده | الجنيد حمد | 06-29-13, 10:37 AM |
Re: الانقاذ ديك عدة .... نقد للكاراكتير الفوق ده | ناذر محمد الخليفة | 06-29-13, 12:31 PM |
Re: الانقاذ ديك عدة .... نقد للكاراكتير الفوق ده | الجنيد حمد | 06-29-13, 01:07 PM |
Re: الانقاذ ديك عدة .... نقد للكاراكتير الفوق ده | الجنيد حمد | 06-29-13, 01:13 PM |
|
|
|