|
Re: الأحتفال بالضحالة.. (Re: Deng)
|
Quote: يجب أن نسئل نفسنا جميعا:
لماذا يصر حاتم الياس على الترصد بمثل هذه الطريقة؟ وما معنى ذلك؟ |
برضك بتسأل يا دينق ما قالوا انت ولد نمرة 2 ومقددهـ قصة والله واخرها لسع ... الضحاله دى موش البركة التى تحسبها لجة وتدخل رجلك تلقاها سهلة ساااى والله دى فلقة دى : : : : : إلا صحى يا عمدة انتا الزول دا مترصدو كدا ليييييييييه والله يا حاتم شفت والله اول مرة اعرف ضربك مؤلم للدرجة دى
| |
|
|
|
|
|
|
Re: الأحتفال بالضحالة.. (Re: Yassir Tayfour)
|
Quote: البوست بقى أراضي محررة ؛) |
الصحيح ياطيفور هو أن تقول بأن حاتم يمر بمنعطف خطير , شبيه بالذى تمر به الحركة الطلابية ...
فى هذا المنعطف الخطير والآخير أتمنى للكاتب الموسوعى حياة (رطبة)
| |
|
|
|
|
|
|
Re: الأحتفال بالضحالة.. (Re: الجيلى أحمد)
|
ده كلام قلتوا ليك فى بوست قديم ..نعملوا مدخل للأعتذار من جانبى فى حقك بخصوص هذا البوست ويكون مستقبلاً مشروع للحوار بيناتنا والصداقة كمان..ولتعلم أنو أنا القدامك ده أبداً مابكون سعيد لتوجيه أى أساءة لك ولعائلتك الكريمة بل أدينها أدانة كاملة من مبدأ أنو أى حوار ولانقاش يجب أن تكون له مسئوليته الأخلاقية وده بيشملنا جميعاً كيزان جبهة ثورية ثوار هامش جمهوريين شيوعيين ألخ..فالمهم هو أن لانرى أنفسنا بمعيار تحقيق النتائج والنصر فى معارك وهمية لكن يكون الأهم ماهى القيم الأيجابية التى سنضيفها للحوار, لو سألتنى هل أنت ياحاتم الياس تتوخى ذلك أقول لك أحاول جاهداً أن ألجم نفسى عن الغنائم الوهمية , وهذا المنبر نحن بأمكاننا أن نجعل منه مكان وجسر للوعى وبأمكاننا أيضاً أن نتردى بحواراته (زى القصة السخيفة بتاعت السكر وأهلك) وبالمناسبة لو أنتبهت وبطلت شغل النزول (جوز) بتلقى أنو القصة دى فى جذرها لاتخلو من تنميط عنصرى قبيح لم يشمل أسرتك فقط وأنما كل السياسيين والمثقفين الجنوبيين الذين تم تكريس أعتقاد خاطئ وعنصرى (بأنهم حرامية وأنتهازيين ولايهتمون بمصالح شعبهم وهمهم كلوا هو النهب والسرقة على حساب من أنتدبوهم لتمثيلهم فى السلطة) وده كلام خاطئ وتدبير نمطى مقصود يحاول أن يقدم الأدارى الجنوبى و المثقف والمتعلم وكأنه (مشروع حرامى ينتظر المنصب لينهب), فى حين أن المتعلم والوزير الشمالى وصاحب المنصب قد يكون أسوأ وأكثر جشعاً من نظيره الجنوبى وأن الفساد لايتوقف عن فئة بأعتبارها أهل النزاهة والشرف ويستبيح فئة ثانية , لكن المقصود نفى القضية والمبدأ عن ثوريي جنوب السودان ومثقفيهم وياريت لو أتبعت أثرهم العظيم بدلاً من أن تكون نسخة مشوهة من صدى حوارات بائسة لاتخدم قضية الوعى والتغيير....
_______________________________________________
دى مداخلتى الزمان..
هسع بقولك بتنقصك الشجاعة دى متخيل انى حافك أخرى العنصرى ليك هنا وتجرى بيهو زى الشافع بتاع النكتة ..قالها والله قالها والله قالها لى...يازول عالج رهاب العنصرية الجواك وده شى حقيقى قد تكون مررت به فى حياتك وعانيت منه ورسخت فى دواخلك ذكريات مؤلمة وانا بالمناسبة أتاسف لذلك ويحزننى أن يكون حدثت لك مثل هذه الأشياء لكن المؤسف ان تقيف على الهبشة وتعمم افكارك على الجميع خصوصاً فى منبر للنقاش المفروض فيه أن برتقى بالوعى وعينا جميعاً لن نكون اكثر انسانية أنك بذلك ايها الرجل لاتكشف العنصريين ولاتقف لهم بالمرصاد كما تعتقد بسذاجة مفرطة ولكن تحاول أن تنبشهم من ذاكرتك وتتخيلهم اشباحاً بهذا البورد أنت فى الحقيقة بمحاولة تحريضك بان يخرج الناس أسوأ مافيهمم تقدم خدمة لمناخ العنصرية لأنك من غبائك تعتقد أنو العنصرية موضوع وعى ساكن وثابت ولاتفهم ان هنالك جدلاً مستمراً بين كل هذه الأفكار فى الوعى الأنسانى جدل لأحلال وعى معافى بالأخر وبالأنسان نخرج من زمن التربية ومن مناخ التعالى العرقى والأثنى لزمن مختلف ودى حركة حياة وجدل فى الواقع مستمرة نحن دايرين نحققها مابشكل جزئى يتعلق بمحض (أعتذار ) وتجريم مجموعة على حساب مجموعة ..وأنما بواقع حقيقى للعدالة والمساواة الأجتماعية فى الحقوق والأعتراف بحق الثقافات بمافيها ثقافتى العربية التى أعتز بها..ولكنك ياشاب شغلك ده شغل زول متحيل حتى ان هذا التحيل صار نمطاً قى سلوكك ككاتب بهذا البورد طبعاً وانت بتحاول كل مره تلف بهنا وبجاى وكأنك تحاول ان تضع جسرا بين المخبؤ فى وجدانى وبين نقرات الكيبورد كى تمسك على عباره أو اساءة ذات طابع عنصرى ولو حدث ذلك سترتاح جداً لأن من هم مثلك يرغبون ان يكون الواقع كما هو عليه بما يوافق تصوراتهم قال عنها أحدهم عن حالتك تلك(فكر الذات المنغلق على الذات فى خواء الذات)..وحتى ولو كنا عنصريين فان اسلوبك العجيب ليس هو الوسيلة الناجعة لمكافحة العنصرية فحتى فى أوروبا وأمريكا نفسها مع سيادة الطابع الحقوقى والقانونى المانع لها والرادع الا انه مع ذلك ظلت كمخبؤ نفسى عند البعض ومازال الأسود مشروع جريمة متحركة
| |
|
|
|
|
|
|
Re: الأحتفال بالضحالة.. (Re: الجيلى أحمد)
|
كتب حاتم الياس؛
Quote: والله ياحيدر الزين , اخوك شفت لم بغادى . |
الكلام دا خلينا نكتشفوا نحن، وبعدين نجي نعلنوا وكدة .... اما ان تتسرع وتتبرع، وتعلنها داوية انك انت الشفت كمان لحدت بغادي ... فهذا لا يتجاوز كون، شكارتا دلاكتا ... اما نحن اهل البداوة المنبرية، فما كنا نود القول، ولكن طالما مشيت لي بغادي، خليني اقول : انت زول الله ساهي كلمة توديك، وكمان كلمة ترجعك ....
نصيحة اليوم لحاتم الياس؛ لا تحاول ان تسدها، انها بردودك تتسع، فابلع من سكات، واقنع من كونك شفت لي بجاي . بغادي كتيرة عليك*
................................... * نزل ابي في البطانة-بداوة وراثية وكدة- على رجل ، ولم يكرم الرجل ضيفه، وعندما همَّ والدي بالمغادرة سال مضيفه عن اسمه ؛ فرد الرجل : مُحُمَّد حامد فاجابه ابي في لحظتها : مُحُمِّد خلها حامد كتيرة عليك والدوبيتة رباعية نكتفي بالشطرة الاولى منها ...
| |
|
|
|
|
|
|
Re: الأحتفال بالضحالة.. (Re: عبدالمنعم الطيب حسن)
|
لم أرى في حياتي شخص عنصري يعترف بأنه عنصري، إلا بعد أن ينعم الله عليه بالتوبة.
كان يجب عليك أن تستمع الى الذين نصحوك بالتوقف عن الكتابة في هذا البوست، لأنك كل ما كتبت ستجد نفسك قد تحتاج الى إعتذارات أكثر.
| |
|
|
|
|
|
|
Re: الأحتفال بالضحالة.. (Re: Deng)
|
يا معلّم اعتذارات شنو ياخي ما تخليك حساس زيادة عن اللزوم, ما خلاص دقسة وعدّت و بنجاملك ونردها لعدم تمرسك على الدلجة وكدا
كتب أنا هنا من نواحي الفيس بووك Quote: ود البشرى كاد ان يصيب الهدف الذهبى لكن اصابته عين طلحة فلخبطت عليه وتاه توهة مكتوبة |
كدي يا أنا ساعدنا بالشرح و التجسير :) بعيد عنك اخوك بدوي استغلق عليه المعنى
| |
|
|
|
|
|
|
Re: الأحتفال بالضحالة.. (Re: عبدالمنعم الطيب حسن)
|
* نزل ابي في البطانة-بداوة وراثية وكدة- على رجل ، ولم يكرم الرجل ضيفه، وعندما همَّ والدي بالمغادرة سال مضيفه عن اسمه ؛ فرد الرجل : مُحُمَّد حامد فاجابه ابي في لحظتها : مُحُمِّد خلها حامد كتيرة عليك والدوبيتة رباعية نكتفي بالشطرة الاولى منها
--- --
عبدالمنعم يعنى القصة دى كلها فى حكاية (بداوة أسفيرية) المزعلاك منى ومخلياك لافى جهتى زعلان وترمى فى الكلام.....يأخ دى كلمة جات فى سياق ونسة وضحك ساى ماتحملها أكتر من مداها ...وبعدين انت قايلنى انا جاى من وين!! اوعه تكون شايف نقتى الكتيره الهنا دى وطنقعتى.. وقايلنى من الخرطوم شرق ...!!
| |
|
|
|
|
|
|
Re: الأحتفال بالضحالة.. (Re: حاتم الياس)
|
راجع كلامى الفوق ده كويس..واقراهو بوعى ..وماترضى لنفسك أنو سيد المنبر يستخدمك فى (دور الفقره الرئيسية فى السيرك) العاملوا هنا ...وتفتكر انودى شهرة وشطارة وأنك مقطع السياسه وشتام والشفت المقرم ..ده دور اترسم ليك هنا وانت صدقتوا وبقيت كل مره تجى تقدم الفقرات دى لمن بقت مملة ومسيخة...
جدد عليك الله..وأكسر قانون السوق الأسفيرى بتاع سيرك صاحبك ده....
| |
|
|
|
|
|
|
Re: الأحتفال بالضحالة.. (Re: حاتم الياس)
|
Quote: راجع كلامى الفوق ده كويس..واقراهو بوعى ..وماترضى لنفسك أنو سيد المنبر يستخدمك فى (دور الفقره الرئيسية فى السيرك) العاملوا هنا ...وتفتكر انودى شهرة وشطارة وأنك مقطع السياسه وشتام والشفت المقرم ..ده دور اترسم ليك هنا وانت صدقتوا وبقيت كل مره تجى تقدم الفقرات دى لمن بقت مملة ومسيخة...
جدد عليك الله..وأكسر قانون السوق الأسفيرى بتاع سيرك صاحبك ده.... |
لأنك كل ما تكتب ستجد نفسك بحوجة الى إعتذارات أكثر.
هل يوجد سيرك أكتر من العاملو أنت في روحك في البوست ده؟
| |
|
|
|
|
|
|
Re: الأحتفال بالضحالة.. (Re: Deng)
|
اعتذار شنو يا حاتم ياخ ما بيناتنا, البتجي من الدوري الأوروبي بتحملوها البدو :) وياخي بدل جبر الله فهمي ما تفيدني و تفهمني مش دا دورك كمثقف موسوعي وكدا نحو الجنينات من افراد شعبكم ههههه, انت موسوعي دي يعني زي حافظ الويكبيديا مثلا خخخخخخخخخخ
____________________________
غايتو العملها فيك البوست دا ما حصلت, من يوم اشتراكك ما حصل كتبت ليك مداخلات قدر دي في يوم واحد ههههههههههههه بس يعجبني فيك انك خايض في الطين وانت بكامل اناقتك و ياقتك المنشاة :)
| |
|
|
|
|
|
|
Re: الأحتفال بالضحالة.. (Re: محمد البشرى الخضر)
|
زعلته ياود البشرى شكلك كده..مع أنى مراهن على (أتساقك) وروحك السمحة وأنك بتفهما طائرة زى مابتوحى للناس وكده طلعت بتفهمها بعد ماتطير وتجى راجعة الواطه تانى - وبعد ده تجى بعد اسبوع تقول ليهم ..أها وقعت
يازول (على بركة الله:))
أنا خلاص قفلت البوست ده
| |
|
|
|
|
|
|
Re: الأحتفال بالضحالة.. (Re: حاتم الياس)
|
وحاتك روحي سمحة سماحة يا حاتم اسكت بس وما في شيتا بزعل منك - يمكن عليك وعلى صورتك الراسمها و بتحاول تحافظ عليها أما بالنسبة لفهمها طايرة فزمان بطلت اوحي بي كدا, الكبر بعيد عنك- وبكتفي بالفهم البسيط الواضح للحاجات عشان كدا فهمت قصة نكريبة المسنجر كما هي - أو كما بدت لي ولسائر البدو الهنا :) كدي ما توقّع لي الكنتة ينوبك ثواب, بصراحة كدا منظرك ما عاجبني ولا قادر استسيغه
بالمناسبة قفلة البوست المرة دي نمرة كم كدا :)
| |
|
|
|
|
|
|
Re: الأحتفال بالضحالة.. (Re: محمد البشرى الخضر)
|
زمان كنا ممتحنين الشهادة وكلنا وحاتك ناس مدارس شعبية ساى بعنى بنمر بحق الحكومة بس...فقاعدين نقرأ للأمتحانات عندنا واحد صاحبنا عامل عبقرى ماسك كتاب الجغرافيا لقى خريطة مكتوب فيها بريطانيا وبعد صفحتين لقى خريطة تانية مكتوب فيها أنجلترا..قام مسح بريطانيا وكتب أنجلترا..وأتلفت علينا بروح الذكى النبيه الذى اضجرته بلادة واضعى المنهج وقال (نحن نقرأ ولانصلح)...أها هسى أنا أكتب ولاافهم ههههههههههه
-
| |
|
|
|
|
|
|
Re: الأحتفال بالضحالة.. (Re: اساسي)
|
يا سلاااام يا أستاذ ..
Quote: دي فصول القصة كاملة هنا
|
تأسرني جدا الحكايات الباذخة للقصائد والأغنيات .. ولقد صدق حدسي أن لقصيدة (أين أنت سيدتي .. الفراق طال) قصة .. من أول ما قرأتها عرفت أن من ورائها قصة ..
.. سمعت قصة يا بدور القلعة وجوهرها ؟!!
| |
|
|
|
|
|
|
Re: الأحتفال بالضحالة.. (Re: محمد حيدر المشرف)
|
يا ابو عمار ..
البوست كان اراضي محررة هسع بقي زي حلبة الـرويال رامبل :)
نشوف مرشح الريسلمانيا منو :) والا نسميها " الياسمانيا ..
حبيبنا طلحة صباحاتك يا عظيم .. ركشة شنو كمان لانقابو .. كلم بالله انقابو تاني لو حاول يدخل الاراضي المحررة يجي راكب همر .. مدرعة .. دبابة .. حاجة كدة بس قدر ما تخليهو على الاقل يلحق يعرف محل حاتم الياس دا مقبور ام مأسور ام صبأ وانضم للثوار :)
| |
|
|
|
|
|
|
Re: الأحتفال بالضحالة.. (Re: محمد حيدر المشرف)
|
Quote: طيب قريت العدد 76 من روايات عبير ؟!! |
كل مداخلة ليك بتحكى رواية من تلك السلسلة يا مشرف فاكيد لو ما قريت العدد المذكور علي الورق اكيد بكون قريتو في واحدة من مداخلاتك
| |
|
|
|
|
|
|
Re: الأحتفال بالضحالة.. (Re: محمد حيدر المشرف)
|
Quote: الم تقرأ النص يا رجل ؟!! |
غايتو اول من قريت النص لا شعوريا لقيت نفسي هبشت هنا : و د الصايم هاك الحداثة دي
الزول ابنضارات الفي بوست الحداثة فعلا معلم :)
ـــــــــــــــــــــــــــــ.. يا حاتم الياس لا حاجة لنا بأشجانك ..انت اساساً كتابتك عنيفة ولا تحمل اي ملمح رومانسي كلها كركار وحجار..يآخي انا مستمتع وغائص في البانتين واعراض الشعر المتقصف وهيـك جو رومانسي ...
( )
| |
|
|
|
|
|
|
Re: الأحتفال بالضحالة.. (Re: اساسي)
|
Quote: زمان كنا ممتحنين الشهادة وكلنا وحاتك ناس مدارس شعبية ساى بعنى بنمر بحق الحكومة بس...فقاعدين نقرأ للأمتحانات عندنا واحد صاحبنا عامل عبقرى ماسك كتاب الجغرافيا لقى خريطة مكتوب فيها بريطانيا وبعد صفحتين لقى خريطة تانية مكتوب فيها أنجلترا..قام مسح بريطانيا وكتب أنجلترا..وأتلفت علينا بروح الذكى النبيه الذى اضجرته بلادة واضعى المنهج وقال (نحن نقرأ ولانصلح)...أها هسى أنا أكتب ولاافهم ههههههههههه |
حاتم الياس. أنت لسه مصر تعاين للناس من برجك العاجي القاطعو من راسك ده؟ بطل الفلقصة الفارغة البتعمل فيها دي وأقعد في واطة الله دي يمكن الناس تقتنع وتقراء لك هبابك اللي بتكتبو ده لو كان عندك شوية أسلوب أفضل مع القراء . واضح جدا أن العيب فيك أنت وليس في الذين يقرائون لك.
| |
|
|
|
|
|
|
Re: الأحتفال بالضحالة.. (Re: اساسي)
|
.
أساسي وحيدر المشرف .. ياخي بعتم موضوع البوست بأبخس ثمن .. روايات عبير!
بدأنا بقصة دس المحافير وانتهينا بوشوشني العبير .. والشكر لحماد!
.
| |
|
|
|
|
|
|
Re: الأحتفال بالضحالة.. (Re: Yassir Tayfour)
|
يعنى ود المشرف بكتب لينا هنا من رواية عبير...الروايات العندها نهايات كده كلها بتكون الشمس تنسدل نحو الغروب والبطل والبطلة بكونوا دائماً جوار المنحدر...ويجى عامل لينا هنا محمود يسن فى فيلم (أذكرينى)...
والله أنا أخر كتاب عاطفى قريتو كان (زهرة الأغانى بتاع السراج)
| |
|
|
|
|
|
|
Re: الأحتفال بالضحالة.. (Re: حاتم الياس)
|
Quote: يعنى ود المشرف بكتب لينا هنا من رواية عبير...الروايات العندها نهايات كده كلها بتكون الشمس تنسدل نحو الغروب والبطل والبطلة بكونوا دائماً جوار المنحدر...ويجى عامل لينا هنا محمود يسن فى فيلم (أذكرينى)... |
| |
|
|
|
|
|
|
Re: الأحتفال بالضحالة.. (Re: اساسي)
|
ههههههههه البوست بقي زي فراش البكا بتاع (ميت عجوز ) في اليوم التاني والناس دفنت وتكومت كيمان كيمان وكل كوم في شأن .. تعجبني طريقة الحبيب محمد حيدر المشرف في انتهاز فرصة مثل هذه الملمات التي تجمع المصايب والمصايبنا للطلوع في الكفر فهو غالبا ما ينجح في توجيه الأنظار إليه والترويج لبضاعته المفروشة على قارعة العداوة مع أكبر عدد ممكن من الحاضرين فيتكالب على هذه البضاعة المفخخة الأصدقاء والأعداء في نفس الوقت وبالتالي يربح بيعه وان كان من الخاسرين . قد يكون كلام حاتم صحيح بخصوص ( مصيدة الرسالة) غير أن نصبه لهذه المصيدة بالكيفية أعلاه جانبها الصواب أو قل المكر والذكاء وبالتالي فحاتم واقع حتي اللحظة أو قل مقبوض بالثابتة في نظر الكثيرين من المتفرجين أنصار كانوا أو خصوم، وعليه أن يجرب طرق أخري أو خطة جديدة لحلحلة نفسه من أذرع أخطبوط الشك التى أحكمت قبضتها على نيته ومقصده ومزاعمه. ودينق اتضح ان نفسه قصير جدا في مثل هذه المجادعات والمجادلات التجريمية ولذلك لم يكن مستغربا أن ينحرف في أول طريق تشير لافتته إلى ( العنصرية) التى يجيد السباحة مع تيارها ويتفنن في ألعابها ليفترع من موضوع البوست الأساسي بوست آخر داخلي زغلل به العيون والعقول . أساسي وبعد أن كان يقبض على حبل انقاذ صديقه حاتم من الانزلاق بكلتا يديه أصبح يقبضه بيد واحدة فقط وربما ببعض أصابع هذه اليد لأنه انشغل ب( كلكلة) ود المشرف الرومانسية وانجرف مع مناوشاته الجانبية بل ووقف ليتفرج على بضاعته المعروضة تاركا صديقه حاتم متأرجحا وقد أوشك على الانزلاق . البوست من اللحظة الأولي (طرشق) بعد أن فشل بطليه ( حاتم ودينق) في الهيمنة على مجريات اللعب بل وسجل كل منهما هدفا عكسيا في مرماه بايحاءات مزيفة كشفها طاقم التحكيم في حينها . ........................... جرجير اتا جائي مع منو والموضوع شنو ذاتو ؟
| |
|
|
|
|
|
|
Re: الأحتفال بالضحالة.. (Re: اساسي)
|
بسم الله الرحمن الرحيم
Quote: Gazi Hassan · جامعة الخرطوم بالمناسبة هنالك بوست لرصد شتائم دينق في المنبر المجاور وقد اقتبست هذا النص منه
(((هذه القائمة هي عينة بسيطة من الاعضاء بحوش بكري الذين شتمهم المدعو دينق دون حق وباسوا الالفاظ واقبحها بل امتدت لاساءات وتجريحات لبعض الاسر الغافلة ولمن يود الاضطلاع علي الشتائم ان يتابع ويتاكد بنفسه عبر ارشيف دينق بسودانيز اون لاين)))
قائمة رصد للذين شتمهم دينق في سودانيز
1- كبر 2- اساسي 3- عبد العزيز حسين 4- عزام حسن فرح 5- احمد موسى 6- حميدة 7- تمبس 8- صلاح ابودية 9- صلاح غريبة 10- منير 11- بريمة 12- تبلدينا 13- علاء الدين يوسف محمد 14- العوض المسلمي 15- محمد المسلمي 16- السيد المسلمي 17- الازهري 2 18- عماد حسين 19- صلاح شكوكو 20- جمال محمود 21- ميادة كمال 22- فرانكلي 23- هارون دياب 24- حيدر الزين 25- بشير احمد 26- شوقي سليمان 27- خليل 28- ابو حسين 29- عماد موسي محمد 30- عارف الركابي 31- ود الباوقة 32- ناصر البطل 33- الشفيع وراق 34- عمر صديق 35- عبد الرحمن الطقي 36- بدر الدين اسحق احمد 37- عوض يعقوب 38- حاتم الياس 39- وليد محمد المبارك 40- محمد هارون 41- عبد الوهاب علي الحاج 42- محمد عبد المطلب حسن 43- صلاح عباس فقير 44- اشرف مصطفي 45- بدر الدين احمد موسي 46- نور تاور 47- محمد حامد جمعة 48- عبد الرحمن عزاز 49- ارتيقا جيلاني 50- الشيخ سيد احمد 51- حافظ انقابو 52- عصام دهب 53- عبد اللطيف بكري 54- معتز القريش 55- نجاة محمود 56- عبد اللطيف السيدح 57- محمد جلال عبد الله 58- تولوس 59- السماني عمارة 60- عصام دقداق 61- حسن مكاوي 62- هاشم الامين 63- منصور المفتاح 64- وليد الطيب قسم السيد 65- محمد عبد القادر سبيل 66- هجو الاقرع 67- انور التكينة 68- ناذر محمد الخليفة 69- مزمل خيري 70 محمد عوض 71- معاوية عوض الكريم رد · · منذ 18 ساعة |
| |
|
|
|
|
|
|
Re: الأحتفال بالضحالة.. (Re: Artiga Gilani)
|
Quote: الأحتفال بالضحالة.. |
مش في لائحة في البورد ده بتحدد تماما السلوك المشين والشتيمة والتهديد وكل مبازل السودان الراهنة-وهو المرجعية للجميع-لماذا لا يحتكم لها الناس...
هذا الذى فتح بوست مخصوص للتعريض بشخص وهؤلاء المتكالبين من حدب وصوب..هم الما عندهم موضوع من اساسه وهذا واحد من اسوا بوستات الاغتيال المعنوي والحقيقية دخلتو لمن لقيت اساسي وتمبس عرفت الموضوع بكون البكا الزغاريد والجنازة كل.ب....لانهم لا بتغيروا ولا بديرو..كده ماركة مسجلة... نحن برضه قاعدين في البورد ده من زمان وعارفين غسيلكم العنصري القذر... وبقرا بوستات دينق واشتبك معه احيانا باسلحة الدمار الشامل وموجودة في الارشيف.. لكن الحاجة البعرفا انه دينق متخصص كيزان وانف واذن وحنجرة..يعني حاجة اسما اخوان مسلمين دي هو بعرفا تمام... والكيزان لحدي هسه قايلين نفسهم احسن من الجنوبيين..وعرب كمان وشيعة وسنة والله امر مخزي شديد"القدم بي القدم والامات خدم"... ودي ازمتهم وليس ازمة دينق هو بكتب هنا بس ما طرح نفسه مفكر ولى مثقف ولى تاجر جملة
اختشو شوية نحن في 2013 ونفس الناس ونفس الورجغة الفاضية ناس الدوحة حرين يحتفلو بي اي كان... وسوادنكم ده فيه المتميز منو غير شريحة سمارت من سوداني النزلناها هنا ....خلو البورد ننصحكم بمشاهدة ناشونال جغرافيك شوية وسيبو فلان وعلان ده
| |
|
|
|
|
|
|
Re: الأحتفال بالضحالة.. (Re: Yassir Tayfour)
|
ارتيقا والا ديجانقو الذي لا يُقهر :)
ـــــــــــــــــــــ اها استفيد يا حاتم الياس .. في لاعب هسع نزل الملعب بدون ما يسخن ويقرا الملعب كويس.. لمّ فيهو " قشاش " عوقو واظنه حا يطلب التبديل.. تقول لي تفتح مدرسة.. كدي اعرف اول شئ افتح بوست
| |
|
|
|
|
|
|
Re: الأحتفال بالضحالة.. (Re: Deng)
|
دينق تحياتي
قريت البوست وما كنت قادر ارد بسبب غياب ايقونة رد قاتل الله الغياب
لكن عجبتني البلعة .... مباااااااااالغة والله البلع دا اتاري حار خلاص
بالذات لما تكون في الاطراف في حتات سنيييينة
قوليهم تاني بتجو ههههههههههههههههههههههههه
يا ود الزين شفت الاعتذارات دي هنا غزيرة كيف مطرة بس الله عالم وشاهد
ان شاء الله اخونا الفي الغار داك يشوف بي عينو ويسمع بي اضنينو الناس بتعتذر ازاي
هو لسة ما اعتذر؟؟؟؟؟؟؟؟؟؟؟
لك شو دغيل!!!!!!!!!!!!!!
| |
|
|
|
|
|
|
Re: الأحتفال بالضحالة.. (Re: Artiga Gilani)
|
Quote: الاخ / حيدر الزين
اوع اللاعب الجديد ده يكون انا |
حبيبنا ارتيقا.. تحياتي ابدا " اللاعب " بلع مداخلتو زيو وزي صاحب البوست الـموسوعي :) بعد البلعة دي خلى البوست بيت بكا عشان دوغ الله يكرم السامعين
ــــــــــــــــــــ.. request ياكبير
| |
|
|
|
|
|
|
|