عووووك يا ناس المنبر اتردم فلول و انصاف فلول (رمادي) فما العمل؟

Quote: أرجع تاني للفردة ود البشري، القضية موش قضية ضيق بالرأى الاخر، انا فى الحقيقة ناقد للمواضيع محور الاهتمام ذاتها. عشان كده قلت الفلول و الرماديين ردموا المنبر. لانو المنبر كانو فاير فى قضية لا اعتقد انها القضية التى تهم الشعب السوداني. قول الراكوبة زورت الصور! دا بيعنى شنو بالنسبة للمواطن السوداني، ماذا تعنى الراكوبة لفقراء السودان؟ و فى ناس طبعاً بزيدوا الموضوع بيعتبروا الراكوبة و امثالها من الكائنات الاسفيرية على اساس انها دي المعارضة. دي ما المعارضة او بالاحرى المعارضة الحقة المعارضه المتوجهه لمصالح الشعب السودان و حقوقه، اي فرد يحقق القيمة دي اولي بها. طبعاً الاظرط من دا كلو انو الصور محل الخلاف كان لجثث الموتى. لم يكترث الناس لجثث الموتى! خلاصة كلامي فى النقطة انو المنبر فعلياً تحت سطوة الفلول، عشان ده كدت القضية الاخدت الاولوية لم تكن قضايا الحرب و السلام و لا قضايا الحريات و كده، سادت قضية انو الراكوبة زورت ولا لا؟ المواطن الذى يرزح تحت الفقر و المسغبة لا يحفل بالراكوبة من الاساس.