انا ما فرحان لعودة ابوكرشولا

Quote: الحركة بتاعة الخروج دي ما جديدة علينا كشعب سوداني ... و الداقس من يحاول قراءة الموقف العام من خلال ردود الافعال الزي دي و يحدد الشعب دا شايت على وين .. فالناس الطلعو من تلقا نفسهم فرحانين بعودة هجليج المواقف عندهم بتتشكل بشكل عاطفي (زيك كدا) عشان كدا مواقفهم ما بتفضل ثابته كتير و مواقفهم بتتغير دا غير الخموهم خم بالباصات والبيطلعو عشان يحافظو على لقمة عيشهم و الطلعو لاعادة طرح روحهم كوطنين وموالين للحكومة وينفضو عن روحهم الغبار و غير الناس الطلعت تتفرج وتفرفش ياخ هو (تحرير) هجليج يعتبر نصر و من المفترض الناس نفرح بيهو !!؟ لو كانت الناس بتفكر بموضوعية ما كانت عملت العملتو دا .. نفرح بي إنو 23 سنة و الأمن والدفاع البشليو اكتر من نص ميزانية البلد بكتير بفشلوفي كل إمتحان حقيقي و كل فترة البلد مستباحة بي جهة .. قوات خليل تخش لحدي امدرمان .. سلاح الجو الاسرائيلي بيتتزه في الشرق كل فترة و يقصف كيفما شاء .. حلايب و الفشقة تحت الإحتلال و الجيش الشعبي كل اسبوع يخش هجليج !! لو الناس خلت ردود الافعال العاطفية وحكمت العقل كان عرفو انو الإحتفال دا إحتفال بجيش وأمن قادران فقط على الدفاع عن كراسي سلطة سادتهم المفسدين .. وفي خضم غوغاء المحتفلين غاب السؤال المهم ليه تسقط هجليج للمره الثانية خلال اسبوع !! معليش يا إسئس فقد إتضح ان لك من السذاجة ما يكفي لتفرح بهذا الإستنكاح و قراءاتك الفطيرة دي بتوضح إنك داقس كبير