|
Re: عـاجل الشفاء للاستاذة الزميلة/ أسمـــاء الجنيـــد.. (Re: عبدالله الشقليني)
|
السلام عليكم يا اهل من بطن الأهل يا نسمة عز الحريق وبسمة عز الدموع ودعوات تشفي النفس السقيمة ليكم مني التحايا أردب محنة والأمنيات الطيبة بقدر طيبتكم وبقدر طلتكم وبقدر سماحة وجودكم يا أعز الناس ياها المحرية فيكم ، دائما مطوقني بالدعوات الطيبة والأمنيات السمحة ودائما موشحني بجمال روحكم الباقية لي ركيزة في ضلام الغربة الدامس الله يقدرني على جزاكم ، وإن شاء الله اجازيكم في السمح البعجبكم تسلموا يا غاليين بفضل الله سبحانه وتعالى ودعواتكم ، الحمد والشكر لله تماثلت للشفاء وتحسنت حالتي كثيرا والحمد لله ليل نهار إن شاء الله ما نجيكم في شين بركة رب العالمين
الشكر لكم فردا فدرا واجب يحتمه الضمير الشكر لكل من سأل واتصل ودعا بظهر غيب
الشكر مطبوق ليك يا عزيز الحنين إن شاء الله نجيك طابقين الود إتنين ونفرح معاك بجديد وليداتك تسلموا
| |
|
|
|
|
|
|
Re: عـاجل الشفاء للاستاذة الزميلة/ أسمـــاء الجنيـــد.. (Re: اسماء الجنيد)
|
الحبيبة سوما ألف ألف سلامة لك ربنا قدر ولطف .. وشرك مقسم للدقشم .. لوم العدو امسحي في وشي لم أرى هذا البوست من قبل .. اللهم ياحنان ويامنان يمن عليك بعاجل الشفاء اللهم ياكريم ويا رحيم أكرمها بالصحة والعافية إن شاء الله أجر وعافية ومايغشاك شر.. دمت واسرتك بالف خير .. شكراً الأخ عبد العزيز عيسى لك التحية والتقدير ..
| |
|
|
|
|
|
|
Re: عـاجل الشفاء للاستاذة الزميلة/ أسمـــاء الجنيـــد.. (Re: Amani Al Ajab)
|
Quote: السلام عليكم يا اهل من بطن الأهل يا نسمة عز الحريق وبسمة عز الدموع ودعوات تشفي النفس السقيمة ليكم مني التحايا أردب محنة والأمنيات الطيبة بقدر طيبتكم وبقدر طلتكم وبقدر سماحة وجودكم يا أعز الناس ياها المحرية فيكم ، دائما مطوقني بالدعوات الطيبة والأمنيات السمحة ودائما موشحني بجمال روحكم الباقية لي ركيزة في ضلام الغربة الدامس الله يقدرني على جزاكم ، وإن شاء الله اجازيكم في السمح البعجبكم تسلموا يا غاليين بفضل الله سبحانه وتعالى ودعواتكم ، الحمد والشكر لله تماثلت للشفاء وتحسنت حالتي كثيرا والحمد لله ليل نهار إن شاء الله ما نجيكم في شين بركة رب العالمين
الشكر لكم فردا فدرا واجب يحتمه الضمير الشكر لكل من سأل واتصل ودعا بظهر غيب
الشكر مطبوق ليك يا عزيز الحنين إن شاء الله نجيك طابقين الود إتنين ونفرح معاك بجديد وليداتك تسلموا |
الاخت الاستاذة/ سوما
الف الف حمدلله على السلامة وملايين التبريكات بالعافية وكمال الصحة يارب
وان شاء الله ما تشوفي شر..
والشكر موفور للاخوات والاخوة الاعزاء زملاء المنبر الذين غمروا البوست بفيض دعواتهم الطيبات.. التحايا العطرة للصديقات والاصدقاء بالفيسبوك وصاحبة السبق الاستاذة/ حليمة عبدالرحمن..
عودا حميدا مستطاب يا بت الجنيد
تحياتي
| |
|
|
|
|
|
|
Re: عـاجل الشفاء للاستاذة الزميلة/ أسمـــاء الجنيـــد.. (Re: Abdlaziz Eisa)
|
الحبيبة الغالية أماني حبابك بي قلدة محنة وشوق اهلنا الطول حاشاك اللوم يا اماني إنتي ست الواجب والكرم يا حبيبتنا الغالية عارفاك مشغووولة وما بتقصري والله ولا قصرتي قبال كده تسلمي يا حبيبة وتسلم ايامك وربنا يديك قدر يرضيك إن شاء الله
الشكر كيمان كيمان يا عزيزنا الحنين والشكر للحبيبة الغالية حلوم الخاتية اللوم والشكر لكم جميعا في حوش بكري والفيس بوك وكل اسافير الله الواسعة تسلموا
| |
|
|
|
|
|
|
Re: عـاجل الشفاء للاستاذة الزميلة/ أسمـــاء الجنيـــد.. (Re: Abdlaziz Eisa)
|
أخ عبد العزيـز سلامات وبـارك الله فيـك
سبـحان الله أنا ما عارف ما شفت البوست دا كيف ألف سلامة للعزيـزة أسـماء اللهم اشفها وشافيها وعافها وأعف عنها وأكشف ما بها من ضرّ يا عزيز يا ذا الجّلال والإكرام وألبسها لباس الصّحّة والعافية عاجلاً غير آجلاً يا ربّ العالمين اللهمّ يا مجيب الدّعوات أشفها من كُلّ مرضٍ ومن كُلّ سوءٍ وعافها وأعف عنها يا ربّ العرش العظيم يا ربّ السّماوات والأرض يا حيّ يا قيّوم اللهم ربّ النّاس أذهب البأس عنها وأنت الشّافي اللهم أنعم عليها بالشّفاء
أصدق أُمنياتـي للعزيـزة أسـماء بالشّفاء العاجل
| |
|
|
|
|
|
|
|