رسالة الدكتور جون قرنق الى الصادق المهدى

Quote: بالله عليكم شوفوا هذا المنطق الرجعي المتخلف ؟ يعني عندكم الدبلوماسية واللياقة هي لتغطية الكذب في الشان العام المتعلق بحياة الناس ودغمسته بتعابير خاصة طبعا؟ لماذا لان هذا السيد الصادق المهدي طبعا وداك جون قرنق؟ فهذا هو التفسير الوحيد لهذا المنطق المعوج الغريب وابدا لا يوجد في عالم السياسة اليوم والمتعلق بشان الناس العام تعابير دبلوماسية ولياقة كمان في تغطية الكذب او تجميله او مداراته لاي شخص خاصة الشخصيات المعنية بالشان العام لان هذا هو الفساد والافساد بداهة وقطعا لا يستطيع المواطن المعني ادراك هذا النوع من الكذب المتعلق بامرهم بالضرورة وكدا تعال هنا في عالم السياسة او اي مجال عام واصل اي مستوى من السلطة او اي شان عام وحاول كذب بحرف واحد وشوف البحصل شنو؟ وهل يقولو ليك كذاب وخلاص يا ترى؟ ثم ان الصادق المهدي ابن عمه ورئيسه في المكتب السياسي للاتحاد الاشتراكي السوداني المشير السفاح جعفر النميري قد الف كتابا سماه بالكاذب الضليل يعني المهدي ذاته طلع مجرد ضليل؟ اما ما قاله فيه عمه الامام الشهيد الهادي المهدي فلا داعي لذكره؟ وبالامس خطاب ابن عمه وامينه العام مبارك الفاضل ورسالته المشهورة وحكاية المليون دولار من خرينة الموتمر الوطني وهو اموال شعب السودان؟ اما صديقه التاريخي وصهره استاذ القانون وعميد كلية القانون جامعة الخرطوم قالها واضح كدا بانه كذاب عديل؟ فاين كنت انت؟ ولا لان ديل سادة طبعا؟ واذا بمنطقك هذا من انت بالضبط كدا؟ فالثوري قرنق داعية العدالة والمساواة ابدا لا يمكن ان يجامل احد او يهاب احد في اي وضع هو فيه فهذه هي عين الطبقية وعدم المساواة بحيث هذا سيد طبعا وذاك لا شئ ويجوز ان يقال فيه ما هو فيه دون مداراة؟ اما السادة فلا طبعا ودا منطق رجعي متخلف وباب كبير لانتهاك حقوق الناس وابدا لا يمكن ان يكون جون قرنق دي مابيور هنا؟ ومن بين ما ما يشدني الى هذا الرجل هو مبدئيته ووضوحه فهو ظل يقول: نحن ما بكضب مهما يكون وكل شئ نضعه فوق التربيزة فقضيتنا قضية عادلة والكذب لا يخدم لنا غرضا والزول بالكضب دا ما عندو علاقا بينا واذا في زول في الحركة بكضب دا زول بكون لسا ما بعرف عن الحركة؟ وللحقيقة والتاريخ فان جدنا الانصاري على السكين المقيم في فيافي دارفور قد ادرك هذه الحقيقة في اوائل تاسيس اذاعة الحركة الشعبية حيث كان يستمع الى اذاعة الحركة يوميا حتى وافته الاجل في العام (88) وعندما ازوره كنت بستمع اناشيد وردي الثورية معه ولا يعنيني شئ اخر؟ حتى نبهني سكان قريته بان جدك دا بستمع لاذاعة التمرد لماذا؟ فهو انصاري وكلنا صوتنا للصادق وفاز فشنو حكايته؟ وعندها سالته الناس بقولوا انت تسمع الاذاعة دا ليه ؟ فقال: يا عربي يا وليدي ان جون قرنق دا راجل فاهم ويعرف كل شئ عن السودان وهو رجل صادق وعالم عنده دكتوراه في العلم؟ وبعدين ناس الجنوب عندهم قضية وكلنا لدينا قضايا تتعلق بالتنمية واخواننا الشماليين في الخرطوم غير مستعدين يستمعوا لينا فهم قاعدين في الحكم من الاستعمار واذا فتحت غشمك بضربوك رصاص حاسا نحنا منتظرين السيد الصادق يحل مشكلة الجنوب عجلة لان البلد ما بستقر مالم يقعد مع جون قرنق ويحلوا المشكلة دا؟ وجون قرنق ما بقدر بخلي سلاحو بدون حل للمشكلة لان ما عندو طريقة, وهو عارف بعمل في شنو؟ اما اهلك ديل فهم مغفلين ساكد وما عارفين حاجة فالمشكلة دا لو اتحلت الان فان الحرب حيزيد وبكرة الحكومة حتضطر تاخذكم كلكم للحرب؟ وانا ما عارف السيد دا ربما مستشارينه او الاحزاب المعاهو ما مساعدنهو في حل المشكلة دا؟ هذا الكلام اتذكره جيدا في مايو من العام (1988) ليرحل ذالكم الرجل في نوفمبر من نفس العام مما تركني في التجوال بالتفكير فيما كان يقول وكان هذا مدرستي السياسية الاولى؟ يا اخي حتى في الدين فهل هناك فرق بين كذب السادة او الائمة وكذب العامة مثلا ولا كيف ما عارف؟ فهذا امر محير فعلا ولابد ان ندخل في هذا النفق ونظل فيه كمان؟ وهناك نقاش طويل بين الدكتور قرنق والصادق المهدي واذكر في لقاء كوكادام الذي دام لثمانية ساعات فقد رفض الصادق المهدي مجرد التصوير مع الدكتور قرنق فهل تعلم لماذا رفض؟ كما تعاهد الطرفان بان على الصادق المهدي ان يعلن في تلفزيون السودان ما اتفقا عليه لشعب السودان؟ وفور الاعلان فان الدكتور قرنق قد التزم باعلان وقف شامل لاطلاق النار في كل مناطق العمليات في الجنوب ؟ فمن الذي غدر بالاتفاق يا ترى؟ ولماذا؟ واخيرا انا اقول الصادق المهدي الطائفي المستبد السفاح فهل لديك ما يدحض هذا؟