|
Re: البجاوى ماعنده لوز من اساسه (Re: Alfarwq)
|
Quote: و بعدين شنو المرغنية و حلة جديد و الكارة .. ديل ياخوي بوبار وفتح رادي في بيت ايجار .. ما عندهم التكتح من الرقي .. ناس فايز ارقى منهم |
إنت كمان ما تبالغ يا الفاروق.. تقارن الميرغنية والكارا بي حلوف !! ايش جاب لي جاب..
Quote: ناس فايز ارقى منهم |
شايفك مرقت فايز من حلة حلوف وخليت انه حتى حتة انه يكون راقي من المستحيلات .. ما تقول لي رحلوا حلة " غسب " كمان ..
يا سلام على محطة الحجر .. ويا سلام على المربعات والشعبية والناس البتفتح النفس.. بالله الناس دي مافيها زول هنا من شارع الوالى .. فاكين فينا ناس فايز وماعارف مين..
ـــــــــــــــــ الفاروق ياخي ما تاخد كلامي عن حلوف بناحية كدة والا كدة.. بنمزح بس والله ما اكتر ..الترعة جنوب وشلة نادي العباسية ديل حبايبنا وفردنا .. كيف انها حلة بيتضرع فيها أدريس حاج اغا
| |
|
|
|
|
|
|
Re: البجاوى ماعنده لوز من اساسه (Re: kamal omer)
|
يا حيدر الزول قريبي و اقولها بالفم المليان فايز و الرقي ما بتلموا نهائ ...
ام عن العباسية و شلة العباسية .... و فرقة دايرين نغني بقيادة ابراهيم الحسن و مبارك الركو و عوض كولاي و الطاهر حسين و نمر على الايقاع وقبله المرحوم عبدالسلام (محجوب) الله يرحمه و يغفر اليه .... لمست جرح ... زول يعرف العباسية و ادريس حاج أغا اكيد بعرفه و يعرفني ...
يا زول مالك علينا تقلب مواجع حلوف و ناس حلوف الطيبين ..
| |
|
|
|
|
|
|
Re: البجاوى ماعنده لوز من اساسه (Re: Alfarwq)
|
رحمة الله محجوب وعوض شبابه الجنة..
آخر مرة شفت عوض كولاي كان مبدل العجلة وسايق موتر ويديهو الكعوجات يا الله ويا امين لاحقات الدركسون .. اما ادريس حاج اغا قال الراجل بقي شخصية كدة وظابط ظابط.. الطاهر حسين قابلته وقابلت معتز قريب.. اها جارهم د.شارلي كيف بتعرفو ؟!.
شكلك لعبت مع العباسية وقت كانوا بيتمرنوا في خلاء السوريبة ..!! وقت مشيت لقيتو اتملأ بيوت وناس ساكنين وشباب بيعرسوا ونسوان بيلدم .. فرقة تسوق عجلة مافيهو خليك من تلعب كورة.. ياما مشينا صدنا فيهو القُمري بالسيخ .. ننتظروا ليك المغرب وهو راجع من السواقي ماشي الجبل وفنننننن تفك السيخة تنزل ليك القمرية من فوق مشوية وجاهزة..! زمن والله عشنا فيهو لغاية ما الحبشي فايز يجي يقول ليك البيجاوي ما عندو لوز..
قول ليهو طيب الجسـر دا الزارعو الغام منو
| |
|
|
|
|
|
|
Re: البجاوى ماعنده لوز من اساسه (Re: HAIDER ALZAIN)
|
عوض كولاي موجود في الرياض .. تلقه في المعذر لافي ..
ابناء العم حسين الطاهر كلهم عن بكرة ابيهم اعزاء و اخوان .. معتز و الطاهر اصدقاء اخي ...عادل و الطاهر و معتز و محمد في الخرطوم ... الناجي ضابط جوازات حاليا مستقر في حلفاالقديمة .. الوحيد الموجود في كسلا شيخ الهادي ... والدهم اتوفى قبل اربعة اشهر ..
دكتور شارلي (محمد الامين) موجود للان ... و برضو اخوه محمد عثمان ...
ادريس حاج اغا ضابط جوازات كان في نيالا حاليا في القضارف ...
حضرته فرقة دايرين نغني بقيادة ابراهيم الحسن ؟؟؟ .. كانت فرقة حقيبة تغطي حفلات الحلة الصغيرة .. حنة, وداع ...
يازول انت زولنا ... لكن لسه ما مذكر غير حيدر الزين في المرغنية ... ما ظنيت انت نفس الشخصية
...
فايز كان من الزرعوا الغام في الجسر ... كل عصر يقطع المشوار من اب خمسة للجسر ليساهم في زراعة الالغام ..
... يا حيدر حركت حاجات حلوة .. ذكرتنا الحلة و ديسكو و زجر و الركو و انبلة و بركية و طنطا ..
| |
|
|
|
|
|
|
Re: البجاوى ماعنده لوز من اساسه (Re: الفاتح خليل الفكي)
|
حبيبنا الغالي / فايز ود القاضي ... أو الحبشي .... أو أيا كان أسمه ....
تحية ترفل بالمودة والتجلة ....
Quote: مع خالص حبي الذي تعرفون ؛؛؛؛ |
Quote: هل تقصدني انا وودالصايم ووضاحة ؟!! |
عليك الله يا حبشي تعال النسألك ..... لو ما حساده منك ساهي ... يعلم الله في القرود ما لاقتني .... الدخّل وضاحه المسكينه دي هنا شنو ..... ياخ براهو ولدنا المحسي شال عقلها وقلبها لامن عرفت حاجه زاتو .... وعشان أكون صريح معاك يا حبشي ياخ ... يقول ليك شن جاب لي جاب .... ياخ زول وضاحه ده قالوا ليك زول (عبقري عديل في تخصصو النادر) لامن حيّر الخواجات الشغال معاهم في بلادهم وانبهروا به ووضعوه في المكان الذي يستحق .... ليه عايز تبلي البنيه بي زول عنقالي ساهي زي العبد لله .... ياخ صاحبنا العبقري ده تلقاهو من قال بسم الله ودخل المدرسه لغاية ما أكمل دراساته العليا (الأول) دي ما فرط فيها .... عايز تقارنو بي أخوك المسيكين ده ... وصدقني يا حبشي ياخ ... أنا قصة (الأول) دي ما ضقتها طوال حياتي إلا مره واحده فقط .... ولي حسع محتار فيها ..... ولها قصه طريفه خليني أبريكم بيها هنا ... وطالما أنت ولدنا وبتعرف بورسودان كويس حتتخيلها معي .... عارف يا عمك في بداية السنة الأخيرة في الأهليه الحكومية الوسطى الما بتغباك ديك حصلت لي أخوك مشكله غريبه اتفاقمت بشكل تراجيدي ...أههه ... جات زكري رحيل الزعيم المصري الراحل جمال عبد الناصر ... وقوم يا إدريس الشليق ... وكنت مبهوراً وقتها بالزعيم الراحل وطبعاً ما ناقش أبو النوم لصغر سني ... أهه قوم يا إدريس الشليق في الجمعية الأدبية وألقي ليك قصيده تمجد عبد الناصر ... بتذكر منها رغم طول المده وزاكرتي الخربه :
ماذا أقول أحبتي ماذا أقول .... قد كان نجماً وانزوى ..... أو يعرف النجم الأفول ؟ ....
والجد لاقت الكثير من الإعجاب والتشجيع من الحضور ...
وقوموا يا الكيزان بما فيهم حضرة الناظر وصرّوها لي .... بعدها بي كم يوم في أستاذ لمادتي الدين والعربي ... من الجماعه إياهم ...- الله يسامحه- كان خاتيني ليك في راسو .... وكان طريق عودتنا لمنازلنا في كوريا يحتم علينا سلوك طريق الخور ... ونشق الحي داك .... (ديم رمله) .... ثم ديم سواكن ثم كوريا حينا العريق ....وكنا راجعين من المذاكرة المسائية ... فإذا بنا نفاجأ بصاحبينا يدور في أحد شوارع (ديم رمله) ....وكان اسمه ينتهي بحرف (س) ... فجعلنا نناديه ونمط في حرف الـ (س) حتى يسمع كالصفير ... والتفت فرآنا .... وضحكنا بشماتة وعفرتة الصغار وانصرفنا .... وإن شاء الله بعد كم يوم كان أستاذنا مسئول عن المذاكرة المسائية وتحصل مشكلة بيني وبين (الألفه) .. يأخذني إليه ... ويصر أستاذنا على جلدي .... فأرفض بشده .... وأمام إصراره .. قلت له ... تعرف يا أستاذ فلان ... شايف المدرسة الكبيره دي (طابقين وثمانية فصول غير الحوش والمنافع) .... لو قرشتها قدامي طوبه طوبه لغاية ما تخليها سهله ساهي ..أنا ما حتجلد ليك ... وبرضو ما ممكن أعتذر عن خطأ لم أرتكبه أصلاً .... وربك رب الخير وهو راجع لميز المدرسين في أول ديم مدينه يقوموا يلموا ليك فيهو جماعه يوسعوه ضرباً .... (مسكين كان حبايبو كتار...) .... فربط المشكلتين بي بعض وأدعى إن إدريس قام بتسليط بعض أصحابو من خارج المدرسة وقاموا بصربي .... وتعدت المسائل يا حبشي وتطورت ... للناظر ... الذي لم يتواني لرفع الأمر لرئاسة الوزارة ... وقرر إيقافي عن الدراسة حتى يأتي الرد .... وخذ وهات مع الوسائل غير الحديثة في ذلك الوقت .. استغرقت المسألة شهوراً .... وتخيل يا حبشي .... أنا الوالد كان سافر وقتها للسعودية .... وبقية الأسرة الوالدة والأخوان في الشماليه .... وقاعد مع ناس خالتنا ..... (والدة زوجتي) ... يعني خليها على الله ساكت .... لدرجة إنني حاولت التقدم للعمل بسلاح البحريه كنفر ساكت .... رفضوا ونصحوني بمحاولة مواصلة الدراسه ..... وأخيراً جاء الرد المنتظر .... سمحوا لي لفداحة المشكلة حسب ما تلفقت لي بأن لا تضيع عني فرصة الجلوس للإمتحان .. على أن أواصل الدراسة في المنزل أو أي مكان آخر .... صدعتكم مش ؟ .... تستاهل يا حبشي ..... ######ر الله أحد الأساتذة الله يجزيه عني كل خير ... اسمه محمد عثمان .... اتفق مع مدير مدرسة باوارث أن أواصل الدراسة هناك ثم أحضر للجلوس للإمتحان مع ناس الأهلية .... وقال لي بالحرف الواحد .... وكان قد قد تبقى للإمتحان حوالي الثلاثة أشهر ... أنا عارف المسألة صعبة ... ولكني عايزك تبذل المستحيل عشان تحرز نتيجة تغيظ الجماعه ديل .....وقد كان يا حبيبنا .... المجهود الخرافي الذي بذلته في تلك الفترة لم ولن يتكرر .... دخلت في نوع من التحدي .... بشعور حنق المظلوم .... تركيز ما حصل أثناء الحصص .... لا أتحدث مع أحد ... حتى وأنا أتناول فطوري في الفسحة تلقاني بفكر واسترجع ما قاله الأستاذ ...ساعدني في ذلك إنني كنت كويس في الرياضيات والإنجليزي ... ومذاكرة في المنزل حتى ساعات الصباح الأولى .... حتى إن خالتي الله يرحمها ... كانت تشفق علي ...وتجي تقول لي كفاك ... أرحم نفسك ... أمشي نوم .... يا زووول .... وأذكر إنني كنت أسأل أحيانا عن بعض المقررات من أحد الزملاء .... فرد علي ساخراً : إنت بتضيع وقتك ساكت .... الناس بتراجع ... وإنت لسه بتسأل .... ولكن بفضل الله ... ودعوات الوالدين عندما ظهرت النتيجة أحرزت أكبر مجموع للدخول للمدارس الثانوية ... يعني الأول على الدفعة !!!!.... وطبعاً ذهل الجميع .... وزي ما قلت ليك يا حبشي كانت المرة الوحيدة التي تحدث لي .... وبيني وبينك أنا لي حسع ما مصدق !!!! هههههه ...
فكيف يا حبيبنا عايز تلمني مع ذلك العبقري التي أحبته وضاحه وأحبها ....ما حرام عليك يا حبشي ياخ .... وضاحة التي أدعو لها وبكل أخلاص أن يوفقها الله في جميع خطواتها .... ويجمعها مع من تحب في عش الزوجية .... ويحقق كل أمنياتها .... لطيبتها المعروفة ... وحبها الصادق لعمل الخير ومساعدة الآخرين ..... يارب .....
ومعليش آسف جداً لإطالة ....
وتاني ............... :
مع خالص حبي الذي تعرفون ؛؛؛؛؛؛؛
| |
|
|
|
|
|
|
Re: البجاوى ماعنده لوز من اساسه (Re: إدريس محمد إبراهيم)
|
يا فايز .. استعملته ايس كريم بعد العملية دي واللا ساااي ؟؟ طبعا اللايس كريم بقفل ليك المسامات على كل حال حمد الله على السلامة والله الخميس الفات دا مفروض كان نكون بي هناك .. واشتريت ليك معاي من شارع الضباب لستك مدور صغير .. عشان تلبسو في رقبتك قالو الحركة بعد العلمية ما كويسة اللبس اللستك في رقبتك ما تمشي تختو وتقعد فوقو .. بعدين انفخو كويس ..
| |
|
|
|
|
|
|
Re: البجاوى ماعنده لوز من اساسه (Re: خالد حاكم)
|
ألف سلامة ليك فايز ود القاضي
----------- ممكن أهدي نكتة من بوست في الربع السابق ؟؟؟
مسطول مشى عمل عملية عيون وبعد نجاح العملية قام جاب للدكتور صورة عين كبيييييييييرة وفيها صورة الدكتور في نص صورة العين
الدكتور قال للمسطول: الحمد لله ما عملت ليك عملية بواسير (:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:(:
| |
|
|
|
|
|
|
|