|
|
|
 Re: أزدردك ! (Re: Abuzar Omer)
|
الاستاذة روزمين سلام و شكراً على القصيده
لكن للأسف الشديد و الله ما فهمت منها اي شيئ!!!
انا خريج هندسة الخرطوم سنة 1989 يعني لامن كانت جميلة و مستحيلة
بقول الكلام دا عشان اوضح انو انا اعتقد ان حظي من التعليم لا بأس به
و بالرغم من ذلك قرأت النص من اوّلو لي آخرو و طلعت منو و انا خالي الوفاض!!!
صديقي الفنان التشكيلي حسان علي احمد كنت ازوره في مكتبه في معرض الخرطوم الدولي
كنت بقيف قدام لوحاته و بحس انو لو اديت طفل عمرو خمسة سنين فرشة و قلت ليهو شخبط
حا يديني لوحة زي لوحات حسان الفازو بالجوائز...المهم حاولت اقنع نفسي انو العيب فيني و في حاسة زوقي
السؤال؛ هذه الانواع من الفنون تشكيلية كانت ام شعر حداثي؛ تنتج لمن من الجمهور؟؟
هل لجمهور خاص ذو حس و ذوق خاص؟؟ و شاءت الاقدار ان لا اكون من اصحاب هذه الذائقة؟؟
حاجة تانية و الكلام دا انا ما قاصدك بيهو ... كتير من الشعراء بيكتبو عن حاجات؛ هى زاتها في السودان مافي!!!
شجر الصفصاف و الزيتون و طائر النورس و زهرة البنفسج و حاجات كدا غايتو انا العشتا في تندلاى و القضارف، عمري لا شفتها لا سمعت بيها!!
هسي ، كلمة "أزدردك " دي و الله اول مرة اسمع بيها!!
هل المشكلة فينا نحن المتلقيين ولا فيكم انتو يا شعراء يا بتوع المدارس ههههههههه
تسلمي
| |
 
|
|
|
|
|
|
|
|
Re: أزدردك ! (Re: ناصر جامع)
|
تحياتي روزمين
حمدا لله على السلامة
يا ناصر سلامات
يعني في داعي لذكر قصة هندسة الخرطوم دي احنا بنضارف فيها مضارفة من تصنيف الحبشي لينا :)
كان تلخ لخك ساي بدون تجيب لينا الهوا معاك :)
| |
|
|
|
|
|
|
|
 Re: أزدردك ! (Re: محمد البشرى الخضر)
|
هههههههههههههههههههههههه يا عربي!
طيب ما دام إنت وناصر الاتنين مهندسين ..
فهمكـ زي حالاتو كـدا ولّ فهمت حاجة؟
_
حمد لله ع السلامة يا روز!
| |
|
|
|
|
|
|
|
|
|
Re: أزدردك ! (Re: د.نجاة محمود)
|
Quote: مرحبا بالعودة
هذه القصيدة قاسية جدا من العنوان للفكرة |
تحياتي ..
سررت كثيرا بقراءتك ومداخلتك
لا شيئ يخلو من قسوة ما ..كم من مرة تمنينا لو استطعنا اقتلاع ذاكرتنا ورميها ..أو محوها تماما
محبتي وتقديري
| |
|
|
|
|
|
|
|
|
|
Re: أزدردك ! (Re: محمد عبد الماجد الصايم)
|
حموودي يا عربي
بصفة عامة كدا الفنون ما بتقدر تحاكمها بمعيار فهمتها ما فهمتها في التذوق وفي الاحساس
الاوبرا باللغة الايطالية تلقى الحاضرين و المدمنين لفنها لا بفقهوا حرف من اللغة لكن بستمتعوا بتذوق موسيقاها و الاصوات وغيرها
كذا الحال مثلا في الاغنية الاهداها عيدروس ليك انا اجزم انك ما فهمت كلمة ههههه لكن شكلك استمتعت بيها
هذه الامثلة قد لا تنطبق على الشعر تماما لكن بها شيء من التشابه قد تسمع قصيدة بلغة لا تعرفها لكن تحس بموسيقاها الداخلية
المهم من الكلام دا كلو انو الذائقة ليست معيارا فكل انسان له ذائقة مختلفة
وكذلك القدرة على فهم رسالة الشاعر تتفاوت من واحد للتاني
بالنسبة لسؤالك: لا ما فهمت القصيدة :)
| |
|
|
|
|
|
|
|
|
|
Re: أزدردك ! (Re: محمد البشرى الخضر)
|
يا روزمين .. أن تكوني منفصلةً عنه لتحبيه .. وأن تتوحدي معه لتحسيه .. جدل المحبة الذي لا ينتهي ليستمر العشق
| Quote: بصفة عامة كدا الفنون ما بتقدر تحاكمها بمعيار فهمتها ما فهمتها في التذوق وفي الاحساس |
ينصر دينك يا باشمهندس
ويا ودالصايم أها دي بس عينة من فهم المهندسين يا غوغاء 
| |
|
|
|
|
|
|
|
|
 Re: أزدردك ! (Re: aydaroos)
|
هههههههههههههههههه@ عيدروس ..
فهم شنو ياخ .. ما شفت الختام بتاع المحاضرة!!
قال ليكـ
| Quote: بالنسبة لسؤالك: لا ما فهمت القصيدة :) |
طيب (الثقافة*) العليكـ شنو يا ود البشرى!!!
| |
|
|
|
|
|
|
|
|
|
Re: أزدردك ! (Re: محمد عبد الماجد الصايم)
|
| Quote: طيب (الثقافة*) العليكـ شنو يا ود البشرى!!! |
جليتا وهي ثابتة يا ود الصايم
قاليك ( الفن بالإحساس ما بالفهم) ... فلو قاليك مافهمتها ما بي يعني إنها ما أثرت فيهو... يعني حسا بيها
شكراً للمهندس المثقف ود البشرى ونحن نتثاقف على هامش آرائه 
| |
|
|
|
|
|
|
|
|
|
Re: أزدردك ! (Re: aydaroos)
|
يا عيد الروس .. ماف حاجة بتجلي من ود البشرى!!
كان ثابتة كان متحركة بتلحقو تب!!!
ثم وينا ياخ المثاقفة دي
مجرّد كلام مجاني وإنشائي وفطير لا يستند إلى أدلة علمية!!
| |
|
|
|
|
|
|
|
|
|
Re: أزدردك ! (Re: محمد عبد الماجد الصايم)
|
Quote: أعتقد أن عنوان القصيدة له علاقة بفوبيا
(البلع) المولعة اليومين ديل في البورض!! |
Quote: أها يا عيدروس .. أديكـ الكنكلوجن:
مش مرات بتقول الزول دا من حلاتو ممكن تبلعو؟
وتيب؟ |
غايتو يا ود الصايم..أقول ليك
أرمي قدام واحنا وراك :)
من ناحية جبت النجيضة فجبتهاالا شوية! :)
وتيب
ما الناس بتبلع غصتها وبتبلع طعامها.. وذكرياتها..وحلاوة ناسها ..أو استدعائهم من ذاكرة بعيدة واعادة قرمشتهم :)
وبوستاتها ..لكن أبعدنا من قرف اليومين دا والانتحال والسوء :(
| |
|
|
|
|
|
|
|
|
|
Re: أزدردك ! (Re: محمد عبد الماجد الصايم)
|
| Quote: مجرّد كلام مجاني وإنشائي وفطير لا يستند إلى أدلة علمية!! |
مجاني = تمام التمام
إنشائي = ود البشرى مهندس إنشاءات
فطير = راسمالو (روب) ولا خميرة بيرة
لا يستند إلى أدلة علمية = الأدلة قالو ليك (قلبية) ... قلبية
| |
|
|
|
|
|
|
|
|
|
Re: أزدردك ! (Re: aydaroos)
|
Quote: Quote: .مأئ
يا روزمين الكلمة دي صاح ولا غلطة كيبورد... لو صاح معناها شنو؟
سؤال عيدروس دا ما تنسيهو
|
عماد ومعاوية ..يا دوب انتبهت أني كتب مأي (مأئ)
مأيت ..بالغت
مأي الشجر ..مأوت الشيئ ..وسعته
شكرا كتير للتنبيه..
| Quote: يا روزمين .. أن تكوني منفصلةً عنه لتحبيه .. وأن تتوحدي معه لتحسيه .. جدل المحبة الذي لا ينتهي ليستمر العشق |
يستمر دي ما هي ذاتها المشكلة كل مرة الواحد يأكل روحه ..ويلقاه :)
| Quote: حصادك بي يكون لذة معذبة وعشق لا يرتوي إلا بأن يفنى فيك أو تفنى فيه |
| |
|
|
|
|
|
|
|
|
|
Re: أزدردك ! (Re: محمد البشرى الخضر)
|
سلامات ود البشرى Quote:
بصفة عامة كدا الفنون ما بتقدر تحاكمها بمعيار فهمتها ما فهمتها في التذوق وفي الاحساس
الاوبرا باللغة الايطالية تلقى الحاضرين و المدمنين لفنها لا بفقهوا حرف من اللغة لكن بستمتعوا بتذوق موسيقاها و الاصوات وغيرها
كذا الحال مثلا في الاغنية الاهداها عيدروس ليك انا اجزم انك ما فهمت كلمة ههههه لكن شكلك استمتعت بيها
هذه الامثلة قد لا تنطبق على الشعر تماما لكن بها شيء من التشابه قد تسمع قصيدة بلغة لا تعرفها لكن تحس بموسيقاها الداخلية
المهم من الكلام دا كلو انو الذائقة ليست معيارا فكل انسان له ذائقة مختلفة
وكذلك القدرة على فهم رسالة الشاعر تتفاوت من واحد للتاني |
ياخي عبرت بصورة سلسة وجميلة ..طيب المقعدك مع ناس هندسة شنو :)
جد i like..ممكن أستخدمه مستقبلا :)
| Quote: بالنسبة لسؤالك: لا ما فهمت القصيدة :) |
أخخ ياخي ..تحرجني كدا :)
شكرا لروحك الحلوة
| |
|
|
|
|
|
|
|
|
|
Re: أزدردك ! (Re: ناصر جامع)
|
Quote: الاستاذة روزمين سلام و شكراً على القصيده
لكن للأسف الشديد و الله ما فهمت منها اي شيئ!!!
انا خريج هندسة الخرطوم سنة 1989 يعني لامن كانت جميلة و مستحيلة
بقول الكلام دا عشان اوضح انو انا اعتقد ان حظي من التعليم لا بأس به
و بالرغم من ذلك قرأت النص من اوّلو لي آخرو و طلعت منو و انا خالي الوفاض!!!
صديقي الفنان التشكيلي حسان علي احمد كنت ازوره في مكتبه في معرض الخرطوم الدولي
كنت بقيف قدام لوحاته و بحس انو لو اديت طفل عمرو خمسة سنين فرشة و قلت ليهو شخبط
حا يديني لوحة زي لوحات حسان الفازو بالجوائز...المهم حاولت اقنع نفسي انو العيب فيني و في حاسة زوقي
السؤال؛ هذه الانواع من الفنون تشكيلية كانت ام شعر حداثي؛ تنتج لمن من الجمهور؟؟
هل لجمهور خاص ذو حس و ذوق خاص؟؟ و شاءت الاقدار ان لا اكون من اصحاب هذه الذائقة؟؟
حاجة تانية و الكلام دا انا ما قاصدك بيهو ... كتير من الشعراء بيكتبو عن حاجات؛ هى زاتها في السودان مافي!!!
شجر الصفصاف و الزيتون و طائر النورس و زهرة البنفسج و حاجات كدا غايتو انا العشتا في تندلاى و القضارف، عمري لا شفتها لا سمعت بيها!!
هسي ، كلمة "أزدردك " دي و الله اول مرة اسمع بيها!!
هل المشكلة فينا نحن المتلقيين ولا فيكم انتو يا شعراء يا بتوع المدارس ههههههههه |
السلام عليكم يا متعلمين يا بتوع جامعة الخرطوم :)..واحلى تحية لهندسة :)
مداخلة محفزة وجميلة
أبدأ بمقولة أعجبتني :
(نقرأ قصيدة النثر التي هي كتلة لغوية وليست قنبلة نووية ,لا يمكن تفكيها )
ثم أخبرك قليلا عن طقوسي فى القراءة والكتابة ..لعلها توصل فكرة ما مقنعة ..
عندما أقرأ فى مقامات الحريري مثلا ,لدي دفتر قصير مكتنزأحمر ..أسجل فيه الكلمات ومعانيها ..
الكلمات اللاهبة بغموضها وسلاستها واعجازها وصمودها أمام برودة ادراكي ..ادراكنا نحن من بعدنا جدا عن اللغة ونحاول الكتابة بما نجهل والقراءة أيضا !
أفرح جدا باكتشافها ..وأستلذ باقتناصها وأسرها فى كتيبي وتعريتها..
عند قراءة شعر أو فلسفة أو تصوف الخ..أمسك بقلمي وأحفر كثيرا على العبارات التي تستوقفني ..حتى أكاد أثقب الصفحة ..وأحيانا كثيرة أكتب تعليقا
مضحكا ..قد يبدو لحضراتكم سخيفا :)..مثل ..(killer ..وااااي ..لا اله الا الله ..)...الخ
القراءة لذة عظيمة ياخي والكتابة لذة أعظم.. لذة الخلق ..ياخي أنا لما انتهيت من النص دا بعد تدوير للفكرة يومين وكتابة أربعة ساعات ..قلت لنفسي ..بحبني :) وأنا الكارهة لأشياء كثيرة بي هذه الأيام:)
أعود لنقاطك بمداخلة أخرى للاستراحة وحتى لا نطيل ونكون مملين :)
| |
|
|
|
|
|
|
|
|
|
Re: أزدردك ! (Re: Abuzar Omer)
|
Quote: و نحن نتحسس المنبر!!
نجد العافية
أكسجيناً من شتلتك و ضوء من شمعتك...
شكراً على العودة و التى هى الشعر بالطبع. |
المكان كثيف بآالامكم ..عزلتكم ..أفراحكم المندسة فى الحشود السائرةالى اللا مكان
لك التقدير والشكر
| |
|
|
|
|
|
|
|
|
|
Re: أزدردك ! (Re: rosemen osman)
|
Quote:
(نقرأ قصيدة النثر التي هي كتلة لغوية وليست قنبلة نووية ,لا يمكن تفكيها ) |
كده كويس ياود الصائم ؟!!
قالت ليكم إنتو قايلنها فنبله نوويه !
مجرد قصيدة نثر !
شنو شابكننا فهمتوها وما فهمتوها !
يأخ أنا ذاتى ما فهمتها لكن حأمشى أبحث عن أى كلمه إستعصت على حتى أفهمها .
يكفينا عودة روزمين
تحياتى ياروزمين ,, أخياركم إنتى وقريبى مقطوعه .
| |
|
|
|
|
|
|
|
|
 Re: أزدردك ! (Re: كمال سالم)
|
تحياتي وعوداً حميدا يا أستاذة...
لعلك قصدت أزدريك من (الإزدراء) أم أنها ربما ازدردك كما أوردتم وسامحيني على جهلي لدقائق العربية لأنني من غير المتحدثين بها.
تسلمي.
| |
|
|
|
|
|
|
|
|
|
Re: أزدردك ! (Re: عبدالأله زمراوي)
|
يا أستاذنا زمراوي
بل هي كما ذكر أخونا الشامي له كل الشكر
ياخي سامحنا أنت ..
ان أعدت الكرة ونظرتها من جديد ستجدهاكما ينبغي لها
لك المودة والتقدير
____________________
سلمت أخي الشامي ..جزاك الله كل خير
| |
|
|
|
|
|
|
|
|
|
Re: أزدردك ! (Re: rosemen osman)
|
بالرجوع لأستاذنا ناصر جامع ..
النص المتحقق أو الخلاصة الكثيفة فى النص ..قراءتك ..احساسك اللحظي ..وعيك ..التهيؤ..هو من يمنحك شاعريتها المفترضة
هل لك أن تدخل الى دائرة الشاعر ؟لا..هو شاركك عالمه ولحظته ..بأدواته التي يمكن أن تكون أدوات للحظتك ومن ابتكار ذاكرتك أوواقعك ..الخ
أنا مثلك تماما..أحيانا أبدأ قراءة نص ولا أستطيع قراءته للنهاية ..لأنه جمل وكلمات محشودة من غير مهارات سردية أو نثرية..
ولا رابط بين الحال العام للقصيد أو المفردات ..لا يشحذ الخيال ويثيرة ..استعراض لدرجة الابتذال ,وله معجبيه ولا تثريب عليه أو عليهم ما دام قد اقتنصوا لحظة من السعادة والرضا عبره .
أو أن يكون مباشر سهل ..((علما بأني كنت أكتب هذا النوع من النصوص ) ..ولا أعيبه لأن له قراءه ومن يستلذون له ..أمي مثلا تحتفظ بقصيدة لشاعر معروف هنا معنا عن الأم ..ولربما لما قرأت مجموعتي الثانية ولم تظفر بذات الرضا).هل بهذا ما يعيبها أو يعيب الشاعر ..لا بالعكس أنا أحمد له اسعادها ..
تقرأه فى ثانية وتفهمه فى أقل ..ثم ماذا ؟
أين أدواتك أنت مثلا فى اكتشاف العلاقة بين الصلصال والقلة والزهور مثلا فى هذا النص ..أين الانبهار وتحسسك رأسك والبهار ..أين ؟
أين الصور والاستعارات والبلاغة والمنافذ والفتوحات الجديدة ..أين ؟..أين التوتر أن تقضم أظافرك قلقا لما سينفجر عليه الوضع ؟أين اللذة؟
هل قلت بأنه ليس بقنبلة:)
فى جدول لجان كوهين على أساس الصوتية والدلالية :
قصيدة النثر: تمتاز بالدلالية
نثر منظوم : الصوتية
شعر كامل :الصوتية والدلالية
نثر كامل :لا صوتية ولا دلالية
ذكرت التشكيل وأنا لى تجارب متواضعة جدا مع اللون ..دا كمان عالم تاني من أنك تتفكك زي حبات السكر ..تكون (loose)..تبعد من جحيم مثالية الخطوط والمساحات المنمقة بافراط بغيض والحياة بأثرها ..تضع طبقات اللون فوق بعضها لتخلق بعد غائرا لأسرارك ولون لا يتخلق الا لك ..والله أعلم
أما الحاجات الما سمعت بيها زي الصفصاف وغيرها فدا ما عذر لا فى هذا الزمان ولا المكان لأن نافذة أخرى فى قوقل ونافذة أخيرة فى كتابك ..ستنقلك حيثما شئت ان لم تفعل مسبقا :)
شكرا ..استمتعت جدا بمداخلتك
الازدراد ..البلع ,من كتيبي الصغير الأحمر للكلمة ومعناها :) ومن نافذة بالمعجم اللغوي ..ود الصايم أداكم النجيضة:)
اخترامي وتقديري
| |
|
|
|
|
|
|
|
|
|
Re: أزدردك ! (Re: rosemen osman)
|
1. ازْدَرَدَ :
ازْدَرَدَ اللُّقْمَةَ : ابتلعها .
المعجم: المعجم الوسيط
2. ازدرد - اِزْدَرَدَ :
[ ز ر د ]. ( فعل : خماسي متعد ). اِزْدَرَدَ ، يَزْدَرِدُ ، مصدر اِزْدِرَادٌ . " اِزْدَرَدَ الّلُقْمَةَ " : بَلَعَهَا بِسُرْعَةٍ . " يَمْضَغُ حِيناً وَيَزْدَرِدُ حِيناً ". ( طه حسين ).
المعجم: الغني
3. ازدردَ يزدرد ، ازدرادًا ، فهو مُزدرِد ، والمفعول مُزدرَد:
• ازدرد اللُّقمةَ زرِدها ، التهمها ، ابتلعها بسرعةٍ " ازدرد الطفلُ طعامَه ".
المعجم: اللغة العربية المعاصر
4. ازدرد اللّقمة:
زرِدها ، التهمها ، ابتلعها بسرعةٍ " ازدرد الطفلُ طعامَه ".
............
التحية لصاحبة البوست الاستاذة روزمين ولضيوفها الكرام
وعوداً حميداً
| |
|
|
|
|
|
|
|
|
|
Re: أزدردك ! (Re: يحي قباني)
|
| Quote: تحياتى ياروزمين ,, أخياركم إنتى وقريبى مقطوعه . |
كيفك يا كمال ..نحن بخير الحمد لله
مفطوعين ومقتطعين فى هادي البلد..لعلك بخير والأسرة
يديك العافية Quote: كده كويس ياود الصائم ؟!!
قالت ليكم إنتو قايلنها فنبله نوويه !
مجرد قصيدة نثر !
شنو شابكننا فهمتوها وما فهمتوها !
يأخ أنا ذاتى ما فهمتها لكن حأمشى أبحث عن أى كلمه إستعصت على حتى أفهمها . |
:)
ياخي أنتو الفهم كلو..ما تعقدونا ساي :)
| |
|
|
|
|
|
|
|
|
|
Re: أزدردك ! (Re: يحي قباني)
|
Quote:
killer ..وااااي ..لا اله الا الله |
هكذا أكتب عن (أزدردك)
بعدين أنا وديتها صفحة ثقافة وفنون في الفيسبوك عشان ناس تانيين
(يزدردوها)!!
أقل ما خرجت به من هذه القصيدة الفخيمة هي أزدرد واشتقاقاتها.
حاجة غاية الطرافة وتعبر عن ما قلتيه عن عادات القراءة والكتابة.
أثمن ما خرجت به هو هذا الاحساس الجميل بالأمل وانفتاح الطريق
إذ هنالك نص ممكن في مكان ما، في زمان ما!
.
| |
|
|
|
|
|
|
|
|
|
Re: أزدردك ! (Re: يحي قباني)
|
Quote:
killer ..وااااي ..لا اله الا الله |
هكذا أكتب عن (أزدردك)
بعدين أنا وديتها صفحة ثقافة وفنون في الفيسبوك عشان ناس تانيين
(يزدردوها)!!
أقل ما خرجت به من هذه القصيدة الفخيمة هي أزدرد واشتقاقاتها.
حاجة غاية الطرافة وتعبر عن ما قلتيه عن عادات القراءة والكتابة.
أثمن ما خرجت به هو هذا الاحساس الجميل بالأمل وانفتاح الطريق
إذ هنالك نص ممكن في مكان ما، في زمان ما!
.
| |
|
|
|
|
|
|
|
|
|
Re: أزدردك ! (Re: mustafa mudathir)
|
Quote: killer ..وااااي ..لا اله الا الله
هكذا أكتب عن (أزدردك)
بعدين أنا وديتها صفحة ثقافة وفنون في الفيسبوك عشان ناس تانيين
(يزدردوها)!!
أقل ما خرجت به من هذه القصيدة الفخيمة هي أزدرد واشتقاقاتها.
حاجة غاية الطرافة وتعبر عن ما قلتيه عن عادات القراءة والكتابة.
أثمن ما خرجت به هو هذا الاحساس الجميل بالأمل وانفتاح الطريق
إذ هنالك نص ممكن في مكان ما، في زمان ما! |
yamustafa ..ياخي لكم المحبة كلها ..
أها .. اختلاسك غزلنا لمغازلتنا.. بخيت عليك ..وبخيت عليك جزل النص واطراقته
الف شكر..
وأنا ما خرجت من رهان وجودك اللامع
دع الباب الخاسر مكبلا بتهيؤات الصدأ !
| |
|
|
|
|
|
|
|
|
|
Re: أزدردك ! (Re: معاوية الزبير)
|
سلامات معاوية لعلكم بخير رددت عليك بالصفحة الفائتة مع عماد
رأيت تنبيهك ثاني تنبيه بالبوست وقلت لا بد من خطأ ما ..وفعلا هو خطأ أثناء الطباعة Quote: عماد ومعاوية ..يا دوب انتبهت أني كتب مأي (مأئ)
مأيت ..بالغت
مأي الشجر ..مأوت الشيئ ..وسعته
شكرا كتير للتنبيه..
|
______________
لعناية يحي قباني أيضا
مع التحية ..الى أن أعود لمداخلتك على مهل
| |
|
|
|
|
|
|
|
|
|
Re: أزدردك ! (Re: ibrahim kojan)
|
| Quote: جميل ..... إنّه التثقاقف كاملاً يأتيكم في قصعة روزمين اللغوية ! |
يا كوجان ياخي كوجانة دي شايلة قصعتها وحايمة ..شوية محبة وجمال وسلام وخير ..لله يا محسنين
وأهو طلعنا بحسنة أكبر من قصعتنا ..
يفتحها عليك قادر يا كريم حب وكلمات ولون :)
| |
|
|
|
|
|
|
|
|
|
Re: أزدردك ! (Re: rosemen osman)
|
Quote:
معاول الليل تتوسلني أصابعك
كفك الذي يحفرني ,
مضاء بملح دمعه..
العقرب الذي يجوب صِّدْع الموت ,
ينْفُث القصيد ترياق الخلود ..
أكتبك !
الجسد يقشر قرميده
ختل الليل المستنسخ بفطنة االبرق
أزهار بكائك تنمو برأسي
أرْوِي صَّلصاله كل ليلة
ما بين أصيصي والشمعة ,
بينك ..لهب
اللهب ..مأي قبُلة أبدية
لا تطفئوها,
أهتف بالنائمين حولي
من ناموا جوعى..
أزدردك !
ذائبك يغرر بأثافي الفراغ
جزعا ..أتحسسني ,
أجدك !
تصحيح مأئ:مأي
|
جميل هذا الكلام أختنا الشاعرة / روزمين ...
وأعتقدت في البداية كما أعتقد غيري حين قرأت العنوان (الضجة) أنك تقصدين (أزدريك) ... ولكن بعد قراءة النص أدركت ما تقصدين ...والحقيقة لو جاءت أختنا روزمين بعنوان (عادي) لما أثار إنتباه الكثيرين كما فعل هذا ....
وأصدقك القول أختنا العزيزة أنا لا أرى في كلمة (أزدردك) كثير شاعريه ... ما عارف ليه بتذكرني بالزراديه .. والمسامير ... والبلع عنوة ... أعذريني هذه مجرد وجهة نظر ... أما باقي النص فهو جميل وبه الكثير من الإيماءات المقصوده بالطبع من جانبك أختنا العزيزة وكل يفسرها حسبما يراه ....
والحقيقة أود أن أقول ... لقد أعجبني بحق ما تفضل به مشكوراً أستاذنا الكريم الباشمهندس / يحيي قباني ....حيث أورد .... :
Quote: الأستاذة روزمين ..
لك التحية ...
سأل الاستاذ معاوية الزبير عن كلمة ( مأئ) ...
وهو محق فلا اجد لها تفسيراً ...
ولابد ان المقصود كلمة ( مأي ) بدون الهمزة ... اي التعمق ... والله أعلم
اما ما اود فهمة
ذائبك يغرر ( بأثافي الفراغ ) ...
حقيقة لم افهمها ... فالفراغ ليس له ( أثافي ) ...
فهمي للاثافي انها الدعامة او الحجارة التي يستقيم عليها وضع القدور
ويقال ايضا رماه بثالثة الأثافي ... اي بالشّر كله ..!!
رجاء شرح المقصود هنا ...
___________________________________________________________
بالنسبة لبقية القصيدة ...
اعتقد استخدامك لمفردات انتي ( حسيتيها ) اثناء كتابتك خرجت رغم صعوبة ( إزدرادها ) ...
واحيانا كثيرة يكتب الانسان لنفسه ...
____________________________________________
ازدردك ... اختيارها شخصي اعتقد ...
وقد أكون مخطئ ...
اصلها ( زرد ) ... ومربوطة ( بالبلع ) المخنوق او السريع ... او الاجباري ...
فهل تقصدين انك لا تريدينه ولكن ( تبتلعية ) وانتي غاصة ؟؟؟
لا ادري ...
استخدمها عدة شعراء في معانٍ كلها ( سالبة ) ...
قال بن المهدي:
وإن يسقك اليوم من آجنٍ صرى لا يذاقُ ولا يزدرد
و الآجن هو الماء المعكر و الصري اي المتروك او الغير مستخدم ...
وقيل ايضا :
أفق يا أيها الكذاب
جرح الأرض يزدرد القلاع المستطيلة
قـل دماً ، علانية يغادر زنبقات الليل
لا خوذ ستحميه، ولا درع يرد تراجع الجثث الجميلة
_________________________________
حينما ( نستطعم ) شراباً شهياً
نرتشفه ...
وحينما يكون مراً آسناً
نزدرده ...
والله اعلم ...
______________________________
احترامي استاذة روزمين ...
|
حقيقة لقد أضفى هذا الرد الجامع الكثير من المعلومات الثرة على الموضوع ... مما يدل على ثقافة واسعة المحها جلية في أغلب مداخلات أستاذنا الكريم ... وهو لا يخلو أحيانا - يحيي قباني - من بعض الردود اللاذعة إذا لزم الأمر تذكرني بصديقي الجميل الأستاذ / وهبه ....
إلا إن لدي إعتراض بسيط على ما قاله هنا بالتحديد :
Quote: حينما ( نستطعم ) شراباً شهياً
نرتشفه ...
وحينما يكون مراً آسناً
نزدرده ...
والله اعلم ... |
أتفق معك تماماً في لجزء الأول الخاص بارتشاف ما نحب من السوائل أياً كانت ... ولكني أعتقد والله أعلم إننا لا نزدردها أي السوائل ... (الإزدراد) غالياً ما يكون للبلع ..في الأكل ... بلع مع الصعوبه كما تفضلت في مكان آخر ... ولكن السوائل قد نحتسيها .. نشربها ... نستقي منها ... نمتصها ... الخ ....
هذا ما أردت توضيحه في هذا الشأن ....
ولكن أستاذي يحيي ... تعليقك بالجد يستحق (الأوسكار) بلا منازع .....
شكراً مرة أخرى روزمين ... أن جعلت ذلك ممكناً ...(بنثرك ) ... لهذه القطعة الجميلة من شعر (النثر) ....
مع خالص تحياتي وتقديري للجميع .....
| |
|
|
|
|
|
|
|
|
|
Re: أزدردك ! (Re: إدريس محمد إبراهيم)
|
Quote:
مجرّد كلام مجاني وإنشائي وفطير لا يستند إلى أدلة علمية!!
|
يبدو انو كلام محسن خالد صحيح
دي واحدة من علامات الساعة
(المهندسين) بقوا نقاد ادبيين
وحمووودي خلى العسل .. واستلم بصل (العلمية)
--------
انت يا ود البشرى ود قباني دا معاكم!؟
مع التحية لست الدار
سأعود ..
بس البس نضارات الناقد واقفل الزرارة الفوق واجيكم
المافي شنو .. ما عايرة ومدينها سوط!!
| |
|
|
|
|
|
|
|
|
|
Re: أزدردك ! (Re: فتح الرحمن حمودي)
|
العزيز الأستاذ يحي قباني :Quote: ذائبك يغرر ( بأثافي الفراغ ) ...
حقيقة لم افهمها ... فالفراغ ليس له ( أثافي ) ...
فهمي للاثافي انها الدعامة او الحجارة التي يستقيم عليها وضع القدور
ويقال ايضا رماه بثالثة الأثافي ... اي بالشّر كله ..!!
رجاء شرح المقصود هنا ... |
أنا مسرورة جدا بقراءتك (وبحتك ) فى النص لكن سؤالك صعب خلاص شرح المقصود! ..رغم أنك ماشاء الله أتيت ومعك أدواتك ولكن ليس مخيلتك أو احساسك !
أشاركك تجربتي المتواضعة :مثلا لما أقرأ شي وأعمل فيه أدواتي بعد أن يأسرني ويبهرني ..بكون صورتي وفهمي واحساسي ..ممكن أسأل روحي هو قصد شنو بالظبط ..لكن بزجر روحي وأقول يا بت دي ما مكواة مثلا ولازم يجي معاها دليل استخدام ولا وصفة بيتزا لازم تجي بمقاديرها ..الكاتب دي شاركني رفاهية روحية وعقلية ..لي أن أجتني ثمرها ولى أن أرميها بأقرب سلة مهملات ...تواصلي مع النص يتجاوز كونه من الضروريات الى الكماليات التي هي الابداع فى الابنتكار والتناول وابتكار التناول !
أواصل!
| |
|
|
|
|
|
|
|
|
|
Re: أزدردك ! (Re: ابو جهينة)
|
Quote: أخخ ياخي ..تحرجني كدا :)
شكرا لروحك الحلوة |
هههههههههه اي احراج يا روزمين, النصيحة لا بد نمرقها, كمان اقول ليه فهمتها يقوم العربي دا يزرزرني يقول لي أشرح ونبقى في حاو وتر :)
الروح الحلوة دي يستحق الشكر عليها قيقرا :) رشّاها أمس فا شلنا منو شوية
الحقيقة الشكر ليك انت على الروح الحلوة و تقبلك لنقد الإخوان, يمين دا لو انا كان شبكتهم قوموا لفو و سحبت البوست
| |
|
|
|
|
|
|
|
|
|
Re: أزدردك ! (Re: حبيب نورة)
|
يحي قباني
Quote: ذائبك يغرر ( بأثافي الفراغ ) ...
حقيقة لم افهمها ... فالفراغ ليس له ( أثافي ) ...
فهمي للاثافي انها الدعامة او الحجارة التي يستقيم عليها وضع القدور
ويقال ايضا رماه بثالثة الأثافي ... اي بالشّر كله ..!!
|
الفراغ الذي أحسه غير الفراغ الذي لديك ..ربما كان أنت ..أنا..ربما حشود باهتة (لا تقل لي أن الحشود ليس لها لون :(..ربما مكيدة أو( طبخة) قدرية..وحدة ..ضياع..مشرعة الكلمة فى خيال الشعراء الى ما لا نهاية ..ولا يمكنكك أن تدخل مثلا حيز أفكارهم وتغير نظرتهم واحساسهم بها.أو أن تتماثل أو تتكرر بين أشحاص تحتلف خالتهم الذهنية والنفسية ..أو أدلجتها
| Quote: واحيانا كثيرة يكتب الانسان لنفسه ... |
بالحيل بكتب لنفسي وبمتعها بالكتابة لكن مامن ضير باشراك الناس المتعة دي(الناس العندهم مايشبه اهتمامتي وهمومي مثلا )
احترامي وشكري
| |
|
|
|
|
|
|
|
|
|
Re: أزدردك ! (Re: rosemen osman)
|
Quote: أتفق معك تماماً في لجزء الأول الخاص بارتشاف ما نحب من السوائل أياً كانت ... ولكني أعتقد والله أعلم إننا لا نزدردها أي السوائل ... (الإزدراد) غالياً ما يكون للبلع ..في الأكل ... بلع مع الصعوبه كما تفضلت في مكان آخر ... ولكن السوائل قد نحتسيها .. نشربها ... نستقي منها ... نمتصها ... الخ ....
هذا ما أردت توضيحه في هذا الشأن ....
ولكن أستاذي يحيي ... تعليقك بالجد يستحق (الأوسكار) بلا منازع ..... |
لك من الود أقصاه استاذي ادريس محمد ابراهيم
نستأذن الاخت روزمين في مساحة نقتطعها منها ...
كما اسلفت كمثال ماقاله شاعر العراق بن المهدي
وإن يسقك اليوم من آجنٍ صرى لا يذاقُ ولا يزدرد
اذا ...لو ( صَعِب ) علينا مذاقه لأصبح من المحال ( رشفه )
فلذا نزدرده ازدرادا ...
________________________________________
لسنا في مقام نقدي للأخت الشاعرة روزمين ... فنحن غير مؤهلين ...
انا شخصيا اعشق سماع الشعر ... واحب أن استوعبه كله ...
فان وجدت شيئا اعجبني ... تجرأت علي صاحبه بشرح ما لم افهمه ...
وهنا كان سؤالي للاخت الشاعره ...
| |
|
|
|
|
|
|
|
|
|
Re: أزدردك ! (Re: إدريس محمد إبراهيم)
|
الأح المحترم ادريس محمد ابراهيم
| Quote: وأصدقك القول أختنا العزيزة أنا لا أرى في كلمة (أزدردك) كثير شاعريه ... ما عارف ليه بتذكرني بالزراديه .. والمسامير ... والبلع عنوة ... أعذريني هذه مجرد وجهة نظر ... أما باقي النص فهو جميل وبه الكثير من الإيماءات المقصوده بالطبع من جانبك أختنا العزيزة وكل يفسرها حسبما يراه .... |
ههها.. تعليق ظريف ..أنا ذاتي أديك أوسكار Quote:
أتفق معك تماماً في لجزء الأول الخاص بارتشاف ما نحب من السوائل أياً كانت ... ولكني أعتقد والله أعلم إننا لا نزدردها أي السوائل ... (الإزدراد) غالياً ما يكون للبلع ..في الأكل ... بلع مع الصعوبه كما تفضلت في مكان آخر ... ولكن السوائل قد نحتسيها .. نشربها ... نستقي منها ... نمتصها ... الخ ....
هذا ما أردت توضيحه في هذا الشأن ....
ولكن أستاذي يحيي ... تعليقك بالجد يستحق (الأوسكار) بلا منازع ..... |
Quote: حقيقة لقد أضفى هذا الرد الجامع الكثير من المعلومات الثرة على الموضوع ... مما يدل على ثقافة واسعة المحها جلية في أغلب مداخلات أستاذنا الكريم ... وهو لا يخلو أحيانا - يحيي قباني - من بعض الردود اللاذعة إذا لزم الأمر تذكرني بصديقي الجميل الأستاذ / وهبه ....
|
يحي قباني Quote: ازدردك ... اختيارها شخصي اعتقد ...
.....
استخدمها عدة شعراء في معانٍ كلها ( سالبة ) ...
|
الكتابة دي حرية وفتح وجرأة ..مؤسسة على معرفة واحساس شعري مبتكر ..ان أردته مشابه لما سبق تداوله ..ما الفائدة ..لننكفئ على قراءة القديم ..ونفقد عنصر الابهار والتجديد والعولمة (ذاتها)..ونفقد كمان لذة الانتصار بأننا نهزم الكتلة اللغوية دي نفككها ونزدردها كمان!
ياأخي العزيز ادريس وأنا ذاتي يا سيدي ( اسمح لي أن أكون صريحة وأستعير بعض من بداهة صاحبيك فى اللذع وامتياز أن أكون صديقة جميلة مثلهم )..أعتقد فى شي تاني :أنه الموضوع ما سمكرة أو أقول ليك أنزل أنت فى المحطة الجاية مع أوسكاري الهدية (باستعارة اللذع)أو أنزل أنا وأشيل مفكاتك وبراغيك وأقلامي وأصلح )..
..وبرضو دايرة أقول انك انسان لطيف وكتابتك ومواقفك محببة ..وعاوزة أشكرك على المشاركة والاضافة اللطيفة دي. يا ريتها لو كانت (fit) لاستخدمتها .
مع احترامي وبالغ تقديري لك ويحي قباني ووهبة
| |
|
|
|
|
|
|
|
|
|
Re: أزدردك ! (Re: rosemen osman)
|
Quote: أنا حزينة جدا والله وأعتذر ما ساءك مني ..
النقاش على البوردات بخصم كتير منه لأنه فى تعابير وايحاءات واحساس مفقود ..ممكن يكون بالوجه أو باليد أو بتفسير أكثر
وكل البنشوفه هنا كلمات تسفر عن أنيابها أكثر من ابتسامتها ..لطبيعتنا الانسانية وخوفنا من المجهول والحولنا ..
أنا كل ما رأيته أسئلة مجردة .. رددت عليها ..ككائن مجرد عنك .. كنقاش طبيعي عادي ..رأيته أنت كما تريد وأنا كما أريد الى أن تفاجأت بردك
أنا آسفة جدا والله ..لست أستاذة ولا غير عادية ولا يحزنون .
أطلب مغفرتك فقط .ما من شئ فى هذه الدنيا يستحق. |
لا يا ستنا ...
نحزن انحنا و نزعل ...
ما يهمك من كلامي ابدا ...
بس حقيقة حسيت انك خصيتي نفسك بالقصيدة ...
و حاولت ان اتسلل لاستراق النظر من الداخل ...
و لكن استارك محكمة ... وابوابك موصدة ...
لن افقد الامل ...
| |
|
|
|
|
|
|
|
|
|
Re: أزدردك ! (Re: يحي قباني)
|
| Quote: الفائدة عظيمة يا روزمين |
حبينا
تاني استاذن استاذتنا روزمين في مساحة صغيرة ...
_________________________________________
ردك ده ذكرني .. عمك أحمد فؤاد نجم ( الفاجومي ) ...
في بداياته نصحوهو يمشي لعمنا صلاح جاهين يقرّيهو أشعارو و يساعدو ...
فمشي ليهو في روز اليوسف و اداهو الاشعار ...
عمك جاهين اخد الشعر ... وقام ناول عمنا نجم ديوان بيرم التونسي ( ابو العامية ) ...
وقال ليهو اسبوع وتعال اكون قريت اشعارك و انت تكون قريت ( بيرم ) ..
مر الاسبوع ... واتقابلو ... وجاهين قرا اشعار الفاجومي ...
لكن نجم طبعا ما قرا بيرم ولا من يحزنون ...
قام جاهين سألو ... ايه رايك في اشعار بيرم ... قريتو ؟
رد نجم وقال : آه ... قريتو وما عجبنيش ...!!!
فرد جاهين وقال ليهو ...روح ده انت كداب و ابن ...
______________________________________________
سوري يا ياسين ... لكن في ذمتك قريت كلام روزمين ولا لسه ؟؟؟ ههههه
| |
|
|
|
|
|
|
|
|
|
Re: أزدردك ! (Re: يحي قباني)
|
حقيقي أنا سعيد بشكل تناول الاشياء هنا!!
ولذا قصدت مسألة التثاقف في مداخلتي الأولي وكدت أن أردف (كلما له بترك حطأةٍ علي بياض أوراقنا.... له الإحترام)
وحطأة دي بس تكون بقعة لون أو (بقعة ضوء ولا سطر شعر) ولا أي لخّة!
يا روز كيف العيال وصديقي اللعين!
ان شالله تكونو طيبين ياخ
أكتبي وأرسمي وكوجني كما تودين وكما تأتي الأشياء!
هل تستأذننا الكلمات الألون الأصوات ؟؟
| |
|
|
|
|
|
|
|
|
|
Re: أزدردك ! (Re: ibrahim kojan)
|
Quote: حقيقي أنا سعيد بشكل تناول الاشياء هنا!!
ولذا قصدت مسألة التثاقف في مداخلتي الأولي وكدت أن أردف (كلما له بترك حطأةٍ علي بياض أوراقنا.... له الإحترام)
وحطأة دي بس تكون بقعة لون أو (بقعة ضوء ولا سطر شعر) ولا أي لخّة!
|
يا كوجانناخفت علينا تهمة اطراء الأصدقاء فنفيتها قبل اختمال وجودها :)
احنا طيبين الا من أصدقائنا النسونا من ما مرقنا منهم :)
شكرا يا صديق ومرحب بأي شئ منك لعناتك أو استحسانك ...بحقنا وكدة :)
_________________________
يا هلا بأهلنا ..كيفك يا ود شيقوق والأهل والأسرة
يسلمك ربي من عين الحاسدات والحاسدين :)
| |
|
|
|
|
|
|
|
|
|
Re: أزدردك ! (Re: الطيب شيقوق)
|
يحي قباني شكرا لفضلك الكبير ..
يبدو أنك الهيتني بمأساتنا الصغيرة لتستفرد بضيوفي :)
ممنوع التحرش بأصدقائنا
أبو جهينة العزيز ..
أنت هنا ..الكتابة بخير ..نحن والأسرة الحمد لله شكرا لك.
ودائما فى خاطرنا بما يليق بكم ونحن مقصرين.
قراءتك نافذة جديدة مبتكرة للنسخ ويمكن أيضا :
(ما ننسخ من آية أو ننسها نأت بخير منها أو مثلها ألم تعلم أن الله على كل شيء قدير)
ربما ! :)
شكري وتقديري
| |
|
|
|
|
|
|
|
|
 Re: أزدردك ! (Re: rosemen osman)
|
لا حولا ..
دا بوست ازدرداد مبالغ فيه
تلاتة يوم بدخل اقرا وبفتح صفحة الرد
وبعمل ليها اغلاق وبفر بجلدي ...
بوست عميق بشكل .. ومحفز للتفكير
شكرا روزمين وقباني على هذا الجمال
_________________
حمدالله ع السلامة يا دكتورة وما تكتري الغيبة
| |
|
|
|
|
|
|
|
|
|
Re: أزدردك ! (Re: rosemen osman)
|
Quote:
يحي قباني شكرا لفضلك الكبير ..
يبدو أنك الهيتني بمأساتنا الصغيرة لتستفرد بضيوفي :)
ممنوع التحرش بأصدقائنا
|
روزمين ...
ينسي الإنسان ( نفسه ) ...
حينما يطيب له المقام ...
سمعاً ... امتنعنا عن التحرش ...
ولن نفقد الأمل ...
| |
|
|
|
|
|
|
|
|
|
Re: أزدردك ! (Re: يحي قباني)
|
روزمين والضيوف سلام
اولا يا روزمين عوداً حميداً و آسف لعدم الترحيب بك بما يليق
الحاجة التانية انا سعيد جداً انو ما براى الما ناقش ابو النوم....معاى من الوزن الثقيل استاذنا كمال سالم و من الوزن الخفيف المهندس البعد رشانا زييييييين بي محاضره عصماء قال ما فاهم أيتها حاجة هههههه
Quote: أنا مسرورة جدا بقراءتك (وبحتك ) فى النص لكن سؤالك صعب خلاص شرح المقصود! ..رغم أنك ماشاء الله أتيت ومعك أدواتك ولكن ليس مخيلتك أو احساسك !
|
اها يا روزمين الخيال و الاحساس ديل مربط الفرس...كيف اتخيل او احس بشئ اصلا انا ما فاهمو؟؟
في الحقيقة السؤال دا اولى بيهو مهندسنا المثقف ود البشري لووووولز لانو دا في حد زاتو ابداع انا و الله جادي...كونو زول يحس و يتخيل حاجة هو ما فاهما...دي بالنسبة لي معجزة
انا ما ناقد ادبي...انا متلقي عادي و average في كل شئ...مثلي مثل الكثيرين
و دائما ما أصاب بالحيرة عندما اري جموع المعجبين بقصيدة ما موغلة في الغموض...و بقول يا ربي الناس دي فهمت شنوا
Quote: السؤال؛ هذه الانواع من الفنون تشكيلية كانت ام شعر حداثي؛ تنتج لمن من الجمهور؟؟
|
Quote: بالحيل بكتب لنفسي وبمتعها بالكتابة لكن مامن ضير باشراك الناس المتعة دي(الناس العندهم مايشبه اهتمامتي وهمومي مثلا )
|
كلامك دا ممكن يكون جواب لي سؤالي
و اتعداكي العيب، جواب شافي كافي، و ما فيهو كلام تب
طالما انتي بتكتبي للمتعة الشخصية في المقام الاول، فإن صادف ذلك مزاج البعض و هواهم، فخير و بركة، و زيادة الخير خيرين
Quote: حمودي ..أبو جهينة ..ود البشرى.. ويس
ممتنة كتير لفضلكم ووجودكم الطيب
سلمتم من كل شر |
ليه بس حمودي ..أبو جهينة ..ود البشرى
عليك الله في داعي تحرمينا من الدعوة الحِلوى دى...سمح...اها انا مخاصمك لامن تدعي لي
و انتي زاتك ان شاء الله تسلمي من كل شر
| |
|
|
|
|
|
|
|
|
|
Re: أزدردك ! (Re: يحي قباني)
|
روزمين والضيوف سلام
اولا يا روزمين عوداً حميداً و آسف لعدم الترحيب بك بما يليق
الحاجة التانية انا سعيد جداً انو ما براى الما ناقش ابو النوم....معاى من الوزن الثقيل استاذنا كمال سالم و من الوزن الخفيف المهندس البعد رشانا زييييييين بي محاضره عصماء قال ما فاهم أيتها حاجة هههههه
Quote: أنا مسرورة جدا بقراءتك (وبحتك ) فى النص لكن سؤالك صعب خلاص شرح المقصود! ..رغم أنك ماشاء الله أتيت ومعك أدواتك ولكن ليس مخيلتك أو احساسك !
|
اها يا روزمين الخيال و الاحساس ديل مربط الفرس...كيف اتخيل او احس بشئ اصلا انا ما فاهمو؟؟
في الحقيقة السؤال دا اولى بيهو مهندسنا المثقف ود البشري لووووولز لانو دا في حد زاتو ابداع انا و الله جادي...كونو زول يحس و يتخيل حاجة هو ما فاهما...دي بالنسبة لي معجزة
انا ما ناقد ادبي...انا متلقي عادي و average في كل شئ...مثلي مثل الكثيرين
و دائما ما أصاب بالحيرة عندما اري جموع المعجبين بقصيدة ما موغلة في الغموض...و بقول يا ربي الناس دي فهمت شنوا
Quote: السؤال؛ هذه الانواع من الفنون تشكيلية كانت ام شعر حداثي؛ تنتج لمن من الجمهور؟؟
|
Quote: بالحيل بكتب لنفسي وبمتعها بالكتابة لكن مامن ضير باشراك الناس المتعة دي(الناس العندهم مايشبه اهتمامتي وهمومي مثلا )
|
كلامك دا ممكن يكون جواب لي سؤالي
و اتعداكي العيب، جواب شافي كافي، و ما فيهو كلام تب
طالما انتي بتكتبي للمتعة الشخصية في المقام الاول، فإن صادف ذلك مزاج البعض و هواهم، فخير و بركة، و زيادة الخير خيرين
Quote: حمودي ..أبو جهينة ..ود البشرى.. ويس
ممتنة كتير لفضلكم ووجودكم الطيب
سلمتم من كل شر |
ليه بس حمودي ..أبو جهينة ..ود البشرى
عليك الله في داعي تحرمينا من الدعوة الحِلوى دى...سمح...اها انا مخاصمك لامن تدعي لي
و انتي زاتك ان شاء الله تسلمي من كل شر
| |
|
|
|
|
|
|
|
|
|
Re: أزدردك ! (Re: ناصر جامع)
|
Quote: هههههههههههههههههههههههه يا عربي!
طيب ما دام إنت وناصر الاتنين مهندسين ..
فهمكـ زي حالاتو كـدا ولّ فهمت حاجة؟ |
| Quote: بالنسبة لسؤالك: لا ما فهمت القصيدة :) |
Quote: طيب (الثقافة*) العليكـ شنو يا ود البشرى!!!
|
اوسكار يا ود الصايم، اخوي الكاشف فهمو زي فهم حلاتي هههههههه
| |
|
|
|
|
|
|
|
|
|
Re: أزدردك ! (Re: ناصر جامع)
|
Quote: معاول الليل تتوسلني أصابعك
كفك الذي يحفرني ,
مضاء بملح دمعه..
----------------------------------
فعل المعاول إيذاء ...والليل بؤرة الشرور ، معاوله هي الأقسى والأشد إيلاماً ...
فيا لعظيم الأذي والإيلام المنوط بأصابعه حد أن تتمناها معاول الظلام ؟؟
ثم من يؤذي من ؟؟ وعلى أعتابك تجثو معاول الليل ... تغسل توسلاتها ...بماء الطمع ...وتبخلين ، يا لك ...!!؟؟ ( أقول من حنينة ؟؟)
تبخلين وملح دموعك ..وهج يضئ للأذى سبيله ، ...وتمارسين طقوس البكاء ..، ربما قربان
للمحبة ... ربما ...
----------------------------------------------------------------------------------------------------------------
العقرب الذي يجوب صِّدْع الموت ,
ينْفُث القصيد ترياق الخلود ..
أكتبك !
----------------------------------------------------------------------------------------
وهل يلد ليل الشر إلا العقارب ؟..وهل تدب العقارب إلا و سبابة الموت على ظهرها معقوفة ..
لكن ..لا خشية ...وترياق الفناء ...إكسير الخلود ..بيديك ...تكتبينه ما شاء لك الحب ...وطاوعتك الأخيلة ..
-----------------------------------------------------------------------------------------------
الجسد يقشر قرميده
ختل الليل المستنسخ بفطنة االبرق
أزهار بكائك تنمو برأسي
أرْوِي صَّلصاله كل ليلة
---------------------------------------------------------------------
وحين يزيل الجسد قشرته ...تظهر الروح ..عارية شفيفة ...تنضح حباً ...
ولعل الجسد المقشر ..روحاً ..."خاتل " الليل المستنسخ المترصد بشروره ، بفطنة البرق وخفته ...
وأزهار بكاؤك ، أحسبها ، شوقاً إليه ..تنمو في رأسك ...كيف لا وقد تعاهدت صلصاله بالسقاية
كل ليلة ...والليل منبع الشرور ...وموقد جذوة الوجد ...شر..
-------------------------------------------------------------------------
ما بين أصيصي والشمعة ,
بينك ..لهب
اللهب ..مأي قبُلة أبدية
لا تطفئوها,
--------------------------------------------------------------------------
بين الثابت والمتغير ...وصفة الأصيص الثبات والإحاطة والعناية والرعاية والحماية ...
وصفة الشموع ...الإحتراق ومد الشعاع خيطاً يصافح بريق النجوم ...ويسافر بلا نهاية ...
بين ثباتك ولا نهائيته ...تورق وتتمدد قبلة أبدية ...كما وردة اللهب ...ويا لعميق المناجاة ...
" لا تطفئها " ...لا تطفئ قبلة بطول الأبد ...
------------------------------------------------------------------------------------------------------
أهتف بالنائمين حولي
من ناموا جوعى..
أزدردك !
ذائبك يغرر بأثافي الفراغ
جزعا ..أتحسسني ,
أجدك !
-----------------------------------------------------------------------------
يا للمساكين ..ناموا وهم جياع ...أما أنا ...فما عدت أطيق صبراً ...على بعدك ..وأشواقي
ها أنذا أزدردك ...من لهفي ...عليك
أزدردك جميعك ...وبعض رحيقك المذاب ، كماء الشموع ، ينسرب بمكر ..بين أثافي الفراغ ..
ويا له من فراغ ...أجزع على بعضك الذي تسرب مني ، أجزع من فقدانك ...أتحسس نفسي ...أجدك في أصيصي .
|
سلام روزمين ...وحمدا لله على بهاء الطلة ....
نص جميل ومدهش ومراوغ ...ومن هنا بدت لي متعة ترويضه ...وهيهات ...
المهم .. دي قراية كسيحة من عندي ... وبالتأكيد المعنى في بطن الشاعر ...
والتحية للجميع ...
| |
|
|
|
|
|
|
|
|
|
Re: أزدردك ! (Re: ibrahim fadlalla)
|
Quote:
معاهم يا ( تحتح ) ...
|
مافي داعي للحليفة يا قباني ياخي .. مصدقنك
عرفتك (مهندس) من سؤالك عن اثافي الفراغ دي
كتب خالد مونيكا:
انا لا ارسم .. لكنني ارى بريشتي ألواناً
انا لا اكتب .. ولكنني أعبر في الهواء ابواباً
انا لا ارقص .. ولكنني اصنع من طينتي آنية خزف .. وجرار خمرٍ لنبيذٍ آبد
او نحو ذلك
---------
شفت المعمار دا كيف؟
وكت سووا فيو باب .. دايرم يتكوهو ليك بي شنو؟
| |
|
|
|
|
|
|
|
|
|
Re: أزدردك ! (Re: فتح الرحمن حمودي)
|
يا مراجب بك أخوي حافظ أنقابو ..البراح بشيلنا كلنا كان اتطايبت التفاكير ..شكرا للمتابعة
| Quote: شكرا روزمين وقباني على هذا الجمال |
شايف يا يحي قباني ..والتثاقف القالو كوجان ..وكل الناس المتابعة ..أها أصدقائنا ديل (أنا وأنت )..راجينك لعظم حمودي ..لحمه هناك فى بوست الاعتذار :)
أنا قلت خلصت عليهم :)
| |
|
|
|
|
|
|
|
|
|
Re: أزدردك ! (Re: rosemen osman)
|
Quote: سوري يا ياسين ... لكن في ذمتك قريت كلام روزمين ولا لسه ؟؟؟ ههههه
|
يحيى يا قباني
قصدت التثاقف الحاصل هنا
فائدته عظيمة .
لك الحب
| |
|
|
|
|
|
|
|
|
|
Re: أزدردك ! (Re: ibrahim fadlalla)
|
العزيز ابراهيم فضل الله .
.ياخي دا تداخل بديع وcreative جدا ..نظرتني من خلالك ..وأحببت (كيفني) وعالمي
أشبهني ؟..كيف ..وأين ..مألوفة عوالمك .. أنا ..ذاتي المخبأة أم المخففة ..أم المركزة ..المستنسخة ..القديمة ..الهناك ..الهنا..؟
شكرا يا عزيزي وجودك كان كثيفا حتى تقطر فرحي ..
Quote: سلام روزمين ...وحمدا لله على بهاء الطلة ....
نص جميل ومدهش ومراوغ ...ومن هنا بدت لي متعة ترويضه ...وهيهات ...
المهم .. دي قراية كسيحة من عندي ... وبالتأكيد المعنى في بطن الشاعر ...
والتحية للجميع ... |
| |
|
|
|
|
|
|
|
|
|
Re: أزدردك ! (Re: rosemen osman)
|
Quote: شايف يا يحي قباني ..والتثاقف القالو كوجان ..وكل الناس المتابعة ..أها أصدقائنا ديل (أنا وأنت )..راجينك لعظم حمودي ..لحمه هناك فى بوست الاعتذار :)
أنا قلت خلصت عليهم :) |
روزمين الجميلة ...
سعيد بالجمع الجميل هنا ...
ورغم التزامي بعدم التحرش ...
لكن ... ( إنتي و أنا ) ...
من حقنا ..
نسامر النجوم ويزورنا القمر
الحتى لو جافا الظهور ما بغبنا
_____________________________________________
تعريجة ...
بوست الإعتذار ( القيقراوي ) استخدمت فيه كلمة (ازدرد ) و ازدراد ) اكثر من مره ...
فشكرا لكِ ...
| |
|
|
|
|
|
|
|
|
|
Re: أزدردك ! (Re: يحي قباني)
|
يا ناصر يا هندسة,
انت ما يليك كان العتاب على جيتك مدردق للحبشي - في مسألة ذكرك لكونك خريج هندسة الخرطوم وقديم كمان فا مفروض تفهم القسيدة عشان كدا
زي دي بكوسها كواسة بالفتاشة تقوم تهديه ياه باردي كدي :)
أما المحاضرة التانية فما عليك منها, دي للعربي حموودي و المين بوينت فيها كانت انو فهم / عدم فهم أو إحساس / عدم إحساس الإنسان ليس معيارا للحكم
| |
|
|
|
|
|
|
|
|
|
Re: أزدردك ! (Re: محمد البشرى الخضر)
|
سلامات روزمين....مشتاقين.
بصفتى مهندسة اعلن عدم فهمى للقصيدة (:
لكن ده ما بيمنع انه فى ناس فهموها و عجبتهم...
احتمال يكون الشعر ذى الموسيقى (ما الغنا...المسيقي) كل زول بيسمع و يتخيل ذى ما عاوز.
كونى ما فهمتا القصيدة فده ما غريب على. انا عاطف خيرى ما قاعدة افهم عاوز يقول شنو (فى مرات كتيرة). مع انى كنت كويسة جدا فى البلاغة و كنت بحبها جدا....و بعتبر روحى زولة خيالى كويس جدا (كنت شاطرة فى الرسم الهندسي....مع انى كعبة فعلا الرسم عموما و ما بعرف اجر خط مستقيم)
مبروك القصيد الجديدة يا روزمين...ودائما مُلهمة(بضم الميم) ...باذن الله (و ان لم يفهم المهندسون) *_^
| |
|
|
|
|
|
|
|
|
|
Re: أزدردك ! (Re: smart_ana2001)
|
Quote: يحيى يا قباني
قصدت التثاقف الحاصل هنا
فائدته عظيمة .
لك الحب |
قليلا من ( التحرش ) لا يضير ...
لك الود يا صديق ...
| |
|
|
|
|
|
|
|
|
|
Re: أزدردك ! (Re: يحي قباني)
|
Quote: يا ناصر يا هندسة,
انت ما يليك كان العتاب على جيتك مدردق للحبشي - في مسألة ذكرك لكونك خريج هندسة الخرطوم وقديم كمان فا مفروض تفهم القسيدة عشان كدا
زي دي بكوسها كواسة بالفتاشة تقوم تهديه ياه باردي كدي :) |
ود البشري يا حبيب كيفك
يعني الحبشي لو جا بي جاي يلقاني مقنطر نفسي براي
غايتو الله هويني
بخصوص العلاقة بين فهم النص و الإحساس بيهو كدي عليك الله شوف معاك النص ادناه و اديني رأيك فيه
و يا ريت لو سمعنا رأي روزمين و الاخوان الكرام زوار البوست في النص
جدب و صحراء على جدار النعش
الممدود في شرايين الروح
الفرح المذبوح على شرفات المدن
يناغيني...يداعب مجرات المجون...فيني
يكاويني
و انا المصلوب على حافة الوهم
الغريق
يشابي ولا يجد قشة رفيق
ملك الموت
قصاصات التوت
و الشبق المخنوق في قناديل الزيوت
يا حرباء الجدب، و طفح الخجل
غادريني
فمطري مزمجر
و انا الممشوق كهف عاصفة
اتلبب الموت ..... و الأرض اليباب
يا رفاق الغرانيق
إشارات المرور الحُمرِ
ووهج الروح في كبد السماء
مونيك...اتركيني
و اتركى خصلة شعري تتدلي
رحيق مقصلةً
و دماً يروي كبدي
و يمطر في نساء العالمين
حب و انتشاء
و من شفتيك يسرق رشفة ماء
جدب الروح يا مونيك
يخرج من قناني الوسكي و الفودكا
من حدائق روحي
من عتمور صحرائك
البلهاء
من برزخ الموت اللعين
دثريني يا مونيك
ففجري جديد
و حسنك فريد
و مزاميري تداعب في عينيك رغبة حبيب
كيد الفطائر في حلقي
يشرخ صوتي
و حشرجة الموت
المذبوح على معابد الكهان
و العباد...و الزهاد
مونيك ...ردي الباب عني
و عن سمائي
و تفجري نبع أحبار
أكتب بها مأساتي و ملهاتي
و في الحلق غصة
| |
|
|
|
|
|
|
|
|
|
Re: أزدردك ! (Re: Mohamed E. Seliaman)
|
Quote: للتوضيح :
أعتقد براءتي من تنميط المهندسين بالغباء
ومن أراد أن يعرف حماقات بعضهم فتفاصيلها هنا :
Re: قصة الناقد سعيــد بوكرامي ... |
وعليكم السلام والرحمة
شكرا للمداخلة
| |
|
|
|
|
|
|
|
|
|
Re: أزدردك ! (Re: smart_ana2001)
|
Quote: سلامات روزمين....مشتاقين.
بصفتى مهندسة اعلن عدم فهمى للقصيدة (:
لكن ده ما بيمنع انه فى ناس فهموها و عجبتهم...
احتمال يكون الشعر ذى الموسيقى (ما الغنا...المسيقي) كل زول بيسمع و يتخيل ذى ما عاوز.
كونى ما فهمتا القصيدة فده ما غريب على. انا عاطف خيرى ما قاعدة افهم عاوز يقول شنو (فى مرات كتيرة). مع انى كنت كويسة جدا فى البلاغة و كنت بحبها جدا....و بعتبر روحى زولة خيالى كويس جدا (كنت شاطرة فى الرسم الهندسي....مع انى كعبة فعلا الرسم عموما و ما بعرف اجر خط مستقيم)
مبروك القصيد الجديدة يا روزمين...ودائما مُلهمة(بضم الميم) ...باذن الله (و ان لم يفهم المهندسون) *_^ |
سلامات يا بت ,ليكم وحشة :)
الله يبارك فيك ..شوفتكم كفاية :)
الحكاية ما فيها غرابة كلنا بنقدر نستوعب ونحس بحاجات وحاجات لا ...ومرات نستوعب وما نحس ومرات نحس وما نستوعب
لكن بيني وبينك قدر ما حاولت اتذكر مهندسين شعراء ولا كتاب ولا رسامين ما قدرت ..رغم انكم احتليتو البلد :)
| |
|
|
|
|
|
|
|
|
|
Re: أزدردك ! (Re: rosemen osman)
|
الأخ العزيز ناصر جامع ...بعد التحية والتقدير ..
حاولت أن " أزدرد " النص الذي بذلته هنا ...ولكن ...
Quote: كيد الفطائر في حلقي
يشرخ صوتي
...............
................
...............
و في الحلق غصة |
فهل من تجربة عملية لطريقة "بلعه " بلا إزدراد ؟؟
أو على الأقل ساعدنا بالرسومات الهندسية ....( إبتسم ) ....
تقديري للجميع..بدون فرز
| |
|
|
|
|
|
|
|
|
|
Re: أزدردك ! (Re: عمر الفاروق)
|
بعد إذن صاحبة الخيط ...أدرج المقال أدناه ...
والتحية للمهندسين / سات ....وأرضاً دياغرام
Quote:
أزمة تحكيم الشِّعر
------------------------------------------------------------------------------------------------------------------------------
الكاتب
محمد العُمري
عضو الهيئة السعودية للمهندسين ، مذيع غير متفرغ في إذاعة البرنامج الثاني، بكالوريوس هندسة نووية، ماجستير فيزياء…
http://www.alsharq.net.sa/2013/05/21/841588
-------------------------------------------------------------------------------------------------------------------------------
هؤلاء الذين يحكمون في الشعر، أو يُحكَّمون فيه كثيرًا ما أعذرهم بقدر ما أشفق عليهم، فهم في الواقع يعلمون – إذا كانوا يعلمون- أنهم يتصدوْن لما هو فوق المعيار، ذلك أن الشعر الذي تقف عقولهم، طاقتهم اللغوية في مواجهته لم يصدر عن نظامٍ معرفيٍ منضبط متشابه، إلا باعتبار خامة اللغة و نظامها فقط، لا نظام العقل الشعري الفرد. كل قصيدة تنطوي على نظامها المعرفي المستقل، وعلى ذروتها الجمالية المختلفة أو ذراها الجمالية المختلفة. أحيانًا البيت الواحد من الشعر يكتظ بأكثر من ذروة جمالية، بأكثر من ثقب لغة أسود. هذه الثقوب اللغوية السوداء لها نظامها الخاص، ولها أيضًا حيز أثر يبتلع الذين يطوونه فضلًا عن الذين يريدون تجاوزه أو الاستعلاء عليه. إن الحيز الجمالي للقصيدة أو النص الشعري يستعصي في الحقيقة حتى على العقل الناقد في الغالب الأعم. و نحن ما زلنا ننظر إلى النقد بوصفه نشاطًا حاكمًا على الشعرية، فيما هو عالة عليها و أقل منها قيمةً و أقرب غوْرًا.
الذين يظنون الناقد الأدبي أو الناقد المتذوق قادرًا على صناعة التراتب للقصائد التي ينظر فيها، إنما يظنون وهمًا مستحكمًا، إنه في الواقع –الناقد- لا يعمل إلا بمبرر واحد، هو الصورة التي صنعها لنفسه في الذهن العام، ليس بالمبرر المعرفي الجمالي المحض وحده. أنا لا أنفي أن المُحكَّمين في الشعر قد يبلغون – أحيانًا- أن يكونوا متاخمين لسطوة النص الشعري حين تنطوي عقولهم -هم- على بصمة ذهنية لغوية متفردة موازية -للعلامة اللغوية الفارقة- التي نسميها نصًا شعريًا، غير أنهم مع هذا يظلون في اضطراب واحتراز وتردد و هم يمايزون بين النصوص، لأن ائتلاق الشعر في الذهن الذي يقاضيه يتفاوت، إنه ائتلاق كمي يأخذ هيئة الدفقات التي قد تفوت على العقل أحيانًا ولا يتبينها إلا فيما بعد، وهو لا يقول شيئًا قدر ما يخلط نظام اللغة بنظام العقل الشعري. إن طاقة الشعر تعني فيما تعني أن ينطوي عقل الشاعر على إمكان ظرفه الفرد، الظرف الفرد هذا هو كنز الصناعة الشعرية. إنه يحول اللغة على سياقات منزاحة حين يعجنها بصفته هو، وإلا كيف نفهم قول المعري:
ليلتي هذه عروسٌ من الزنج عليها قلائدٌ من جمانِ
حتى حقائق الأشياء تتبدل، لأنها في الشعر لا تصدر عن نظام معرفي قدر ما تصدر عن نظام وامض عابر غير مستقر. إنه فقط يتحول إلى صياغة وصورة لغوية وسياق منفلت إذا نحن أخضعناه لنظام اللغة المتداول المعتاد. إذا كان الشعر لا يقول حقائق، لكنه يصنع حقيقته هو، و لا يصف منطقًا، لكنه يصنع منطقه هو، فإن هذا يعني كونه معرفةً غير معيارية، أي أنه لا يحسن بنا أن نحاكمها بميزان الصواب و الخطأ، أو الصدق و الكذب، أو الحقيقة و الخرافة، الشعر لا يؤسس لشيء إلا لنفسه هو، و الغرض الشعري شيء مختلف. إذا اتجه الشعر إلى الغرض يخرج عن كونه شعرًا و سياقًا منزاحًا إلى كونه سياقًا مسخرًا خادمًا للواقع. هذا ليس شعرًا، هذه فكرة أغراض الشعر، و كثيرًا ما تكون فخًا تقع فيه لجان تحكيم الشعر وهي لا تشعر، فيذهب حكمها إلى الغرض لا إلى الشعر. قد تكون هذه مسألة أخلاقية أو مسألة مبدأ متحيز أو موقف، لكنها على كل حال ليست شعرًا. و أنا مع الفكرة التي تقول إن الشعر نادر حتى فيما نسميه شعرًا. إنه ومضة خلط مخصوص فيما بين اللغة و الخيال، لكن نظام هذا الخلط هو نفسه نظام كفاءة العقل الشعري. أعني أنه أيضًا نظام مستقل بصفته، و صفته هذه أن يكون قادرًا على صناعة القرائن المعرفية في صياغاته الشعرية المبتدعة.
كل كلام قد نجد ما يشبهه، لكن الكلام الشعري في العادة يكون بصمةً لغوية و قبل ذلك ذهنية – في عقل الشاعر- لم تُقل من قبل و لن تُقال من بعد، إلا أن تُردد على سبيل الدهشة و المتعة و التداول –شاهدًا نحويًا أو جماليًا- و إذا كان الذين يحكمون في الشعر يأخذون هذا في اعتبارهم فإن الأزمة الأولى التي تواجههم هي أزمة الحياد و أن تنعتق آلتهم الجمالية من أي مؤثر –دون شعري-. و لذلك كانت تُغيب عنهم أسماء الشعراء و تحضر نصوصهم و أعمالهم. اللغة وحدها هي التي تقول لهم: أنا و أنتم نتقاضى. إلا أنه حتى الأغراض الشعرية ينبغي أن تغيب، و ألا تتحول إلى فخ مخادع. أحيانًا يستسهل عقل المُحكَّم النظر في الغرض الشعري فيتحول إلى تابع أكثر منه محكمًا أو قائلًا ما يعتد به في الفرادة الشعرية. هذه مستعصية، بحاجة إلى تقليب، العقل يستنفد معها كل كفاءته –لغة و دهاءً بلاغيًا و حسًا جماليًا- و قل ما شئت.
و إذًا فجوائز الشعر من حيث هي فكرة، إنما تشرفُ بالشعر لا يشرفُ بها، لأنها تعي أو ينبغي أن تعي ما هو الشعر؟ هذه اللغة البكر الصافنة التي لم تطمث، و هي مع ذلك موازية لقيمة الشعر حين تتوجه إليه لا إلى سواه .
غير أن الذين يوجهونها ينبغي أن يحذروا من أن يتحولوا إلى أتباع و هم لا يشعرون، عليهم أن يستعملوا دهاء عقولهم ليكونوا السادة السادة، و الواهبين الواهبين.
|
| |
|
|
|
|
|
|
|
|
|
Re: أزدردك ! (Re: ibrahim fadlalla)
|
والله يا روزمين انا ما قاصد تشتيت الكوره و لا مكاوا
معليش ياستى و حقك علينا كان فهمتي مداخلاتي علي هذا النحو
حاجة تانية يا روزمين انا و الله ما قاصد ابخس من قصيدتك و مجهودك
شعراء كتار ما قاعد افهم شعرهم ...و اتمنيت القي فرصة احاورهم و اناقشهم
ياخي حتي في كتاب بقرا ليهم اطلاقا ما بفهم هم قاصدين شنو
مثلا اخوانا عبدالحميد البرنس و عبدالرازق الطالب
ديل اسلوبهم في الكتابة مختلف اختلاف الليل و النهار
البرنس راجل كتاب مافي شك... و يختار مفرداته بعناية فائقه
لكنني لا افهم ما يكتب ... و تمنيت ان احاوره لكن الله ما كتب
جيت هنا و لقيت نصك دا و إستغلق علي...قلت اهو فرصة اناقش شاعر في الموضوع دا "و كلي حسن نيه" زي ما قال عثمان حسين
واحده من محاور النقاش عندي
هل عندما يكتب الشاعر، يكتب و لديه جمهور محدد في ذهنه؟؟
ليت لي ازْميل((فدياس)) وروحاً عبقرية
أحتسي خمرةَ ((باخُوس)) النقيَّة
وبصدرينا ((بروميثيوس)) في الصخرة مشدوداً يعذب
و أنا أزدادُ نأياً مثْل ((يوليس)) وفي الأعماق حرقة
اعتقد ان صلاح كتب هذا النص و في ذهنه
النخبة التي نالت حظا وافرا من التعليم و علي دراية واسعة بالاداب و الاساطير الاغريقية
من مستوي علي المك و انتي طالعه
انتي اضفتي محور جديد في العلاقة ما بين الشاعر و المتلقي
دا اذا انا قريتك صاح
علي المتلقي ان يعالج النص بادواته هو ...باحاسيسه و خيالاته و يصنع عالمه الخاص المتعلق بالنص المحدد
غايتو يا روزمين صعبتيها شديد علي قبيلة المهندسين و المهندسات
نحن اي حاجة فيها خيال قاعد تعقدنا و تعذبنا
عارفه في الرياضيات في حاجة اسمها الارقام الخيالية
اها دي بالإنجليزي إسمها ال complex numbers شفتي العقد دي كيف؟؟
ابراهيم دفع الله ما شاء الله عليهو... خيالو واسع اشتغل بي ادواتو في نصك و قدر يخلق عالم خاص بيهو هو
النص الانا جبتوا دا نص غامض و غير مفهوم بالنسبة لي انا علي الاقل...و ما قدرت اعالجوا بي ادواتي الخاصة
قلت اشوف روزمين هنا في دور المتلقي حا تعالجو كيف؟
هل مثلا...killer ...لا الاه الا الله
او مثلا الشاعر متكلف
او القصيده ما عندها ثيم معين
او القصيده لوحاتها و صورها مكرره
او اي حاجة حسيتيها بعد قراءة النص
و في الاخير شكرا علي المفاكره...و والله ما بيناتنا مكاواه و القلوب صافية زي اللبن
و لو حبيتي مواصلة الحوار...نوصل
و لو قلتي الجايات اكتر من الرايحات...نقول ليك ان شاء الله نتلاقي في ساعة خير في مساحة تانيه
والعفو و العافية
________________________________________________________
مسؤلين من الخير وين البرنس و ود الطالب؟
لهم الحب و التحايا اينما كانوا
| |
|
|
|
|
|
|
|
|
|
Re: أزدردك ! (Re: ibrahim fadlalla)
|
سلام يا فنان ..
مقال (المهندس )..رفيع ..لغة وصياغة ..استمتعت كثيرا بقراءته ..شكرا للمشاركة
| Quote: أحيانًا البيت الواحد من الشعر يكتظ بأكثر من ذروة جمالية، بأكثر من ثقب لغة أسود. هذه الثقوب اللغوية السوداء لها نظامها الخاص، |
Quote: حتى حقائق الأشياء تتبدل، لأنها في الشعر لا تصدر عن نظام معرفي قدر ما تصدر عن نظام وامض عابر غير مستقر. إنه فقط يتحول
إلى صياغة وصورة لغوية وسياق منفلت إذا نحن أخضعناه لنظام اللغة المتداول المعتاد. إذا كان الشعر لا يقول حقائق، لكنه يصنع حقيقته هو، و لا يصف منطقًا، لكنه يصنع منطقه هو،
فإن هذا يعني كونه معرفةً غير معيارية، أي أنه لا يحسن بنا أن نحاكمها بميزان الصواب و الخطأ، أو الصدق و الكذب، أو الحقيقة و الخرافة، الشعر لا يؤسس لشيء إلا لنفسه هو، |
Quote: إنه في الواقع –الناقد- لا يعمل إلا بمبرر واحد، هو الصورة التي صنعها لنفسه في الذهن العام، ليس بالمبرر المعرفي الجمالي المحض وحده.
أنا لا أنفي أن المُحكَّمين في الشعر قد يبلغون – أحيانًا- أن يكونوا متاخمين لسطوة النص الشعري حين تنطوي عقولهم -هم-
على بصمة ذهنية لغوية متفردة موازية -للعلامة اللغوية الفارقة- التي نسميها نصًا شعريًا، غير أنهم مع هذا يظلون في اضطراب واحتراز وتردد و هم يمايزون بين النصوص، لأن ائتلاق الشعر في الذهن الذي يقاضيه يتفاوت،
إنه ائتلاق كمي يأخذ هيئة الدفقات التي قد تفوت على العقل أحيانًا ولا يتبينها إلا فيما بعد، وهو لا يقول شيئًا قدر ما يخلط نظام اللغة بنظام العقل الشعري. إن طاقة الشعر تعني فيما تعني أن ينطوي عقل الشاعر على إمكان ظرفه الفرد،
الظرف الفرد هذا هو كنز الصناعة الشعرية. إنه يحول اللغة على سياقات منزاحة حين يعجنها بصفته هو، |
دائما ما أرى القارئ العادئ أكثر مهارة وأوفر سطوة وحظوة من الناقد( المحترف ) لأنه يقتحم النص بأدواته الانسانية بذاته وبعضه بينما يستعين الآخر بأدوات أكثر مادية .
| |
|
|
|
|
|
|
|
|
|
Re: أزدردك ! (Re: عمر الفاروق)
|
Quote: تخريمة :
المسطول سأل واحد قال ليهو الساعة كم؟؟ داك قال ليهو عشرة وعشرة ..
المسطول قال ليهو ما تقول عشرين ..الطنقعة ليك شنو ؟ |
مممم تخريمة ولا ختة :)
مراحب بيك ومساطيلك وفناناتك الطولنا منهم :)
| |
|
|
|
|
|
|
|
|
|
Re: أزدردك ! (Re: rosemen osman)
|
سلامات ناصر جامع
| Quote: غايتو يا روزمين صعبتيها شديد علي قبيلة المهندسين و المهندسات |
هوي يا دجانقو .... أفرز
,ويا روزمين إنتي صدقتي قصة المهندسين والشعر دي؟!
أها عندك: محمد أحمد المحجوب، محمود محمد طه، يوسف مصطفى التني شاعر (في الفواد ترعاه العناية) كلهم مهندسين
| |
|
|
|
|
|
|
|
|
|
Re: أزدردك ! (Re: AMNA MUKHTAR)
|
Quote: سلامات ناصر جامع
Quote: غايتو يا روزمين صعبتيها شديد علي قبيلة المهندسين و المهندسات
هوي يا دجانقو .... أفرز
,ويا روزمين إنتي صدقتي قصة المهندسين والشعر دي؟!
أها عندك: محمد أحمد المحجوب، محمود محمد طه، يوسف مصطفى التني شاعر (في الفواد ترعاه العناية) كلهم مهندسين |
يا عماد وناصر براكم صعبوتها ..ولما قربنا نصدق ونسحركم على الاجماع الجماعي دا..غم أنه ود الصائم حاول يفك العين من البداية :)
فعلا ياخي لو ثلاثتهم لكفوا ..ما استحضرتهم الا بعد مداخلتك ولم أكن أعلم ببهندسة الشاعر يوسف التني ..
اكتب مداخلتي هذه وفى البال المبدع معاوية محمد نور ..وبدءه دراسة الطب مجبرا لا راغبا الا أن تمرد عليها وفر بحبه الأدب ..
أحيانا أتساءل هل الأدب أو الطرفة والفنون ملاذ من قساوة وبرودة مادة ما ..دراسة ..تخصص ..مهنة مثلا ولا أجد اجابة
لأن الأمثلة الموجودة بتقول أنه كل العناصر الانسانية دي ممكن تكون فعالة فى مجال الأدب والفن ..
اللهو أصلا ما مجال للتفوق (خصربا) ..بل بالعكس التفوق الحقيقي هو أن يبدع كل فى مكانه أولا
وأن يبدع فى مجال الأدب فهو يبدع كأديب لا بحصانة طبه أو هندسته مثلا ...ولا مش هيك :)
_________________
يا أمونة
عبرت من زجاج روحك الشفافة الدغرية
ووصلت
يا مراحب بيك وشكرا حبيبة
| |
|
|
|
|
|
|
|
|
|
Re: أزدردك ! (Re: rosemen osman)
|
الأستاذة روزمين عثمان
لك الود والتحايا الطيبات
أتابع معك هذا البوست بشغف منذ مداخلة الأخ ناصر جامع
الأولى وحتى الآن .. إبتداءً أعجبتني القصيدة وفكرتها .. ثم
أعجبتني صراحة التداخل .. فالكل طرح رؤيته بصراحة ..
أما أكثر ما أعجبني هو تقبلك للآراء في سلام ثم الرد عليها
وقد شكلت الردود في مجملها نقداً دسماً مفيداً .. يفتح دواخل
الإنسان المبدع ويصرح بما فيها من رؤى .. توقفت في هذه
النقطة كثيراً لأربط بينك وبين الشاعرة القديرة والناقدة المستنيرة
المهندسة "فاطمة ناعوت" التي أول ما عرفتها .. من خلا مقالاتها
في النقد على صفحات الصحف .. وقادتني إلى شعرها .. فالشبه
بينك وبينها كبير من حيث الإبداع شعراً والقدرة نقداً .. أقدمها
للإخوة المهندسين هنا الذين أثاروا ضجة ثقافية هنا .. وأذكرك بها
لأنك قلت في إحدى المداخلات أنك بحثت في ذاكرتك عن مهندس
شاعر ولم تتذكري .. قالت فاطمة ناعوت ترثي والدها في قصيدة
قصيرة بسيطة الكلمات:
أبي ....
مات بالصدمة العصبية
حين غرق طفلاه أول أمس
أنا ....
إبتلعتني سمكة
وأخي إبتلع كل مياه النهر
هنا توقفت بين روزمين وفاطمة ناعوت .. وأعملت أدواتي على
قولك التي أغوص بها في النص لأستخرج من أغواره الفكرة ثم
أحلل النص .. كما تستخدمين المفردات غريبها ومعانيها .. وتضعينها
في كناشة .. فأنا مثلك أدواتي في الإكتشاف هي المفردة .. في توقفي
بينك وفاطمة ناعوت .. كان مدخلي مفردة البلع منها .. ومنك مفردة
الإزدراد .. عنواناً وختاماً في النص .. فذاب النص وتحلل روزمين ..
بين أثافي المفردات .... فلتكن هذه الكلمات في حقك عربون إعجاب
فهل أكمل الثمن؟ ولي عودة بمشيئة الله بعد تقديم ودي وتقديري ....
| |
|
|
|
|
|
|
|
|
|
Re: أزدردك ! (Re: بابكر قدور)
|
أزدردك !
ذائبك يغرر بأثافي الفراغ
جزعا ..أتحسسني ,
أجدك !
يا لهذا الكانيباليزم الشعري ، الشخص (هو) المشتبك مع الأنثى ، مغيب تماماً لكن صوت الأنثى الشاعر يحسسنا بأنها ممتلئة به
قبل أن تزدرده.ممتلئة حباً بما يشبه البغض أما حالة كونها تزدرده وهو البلع السريع فنعجب كيف تحوله في لحظة إلى ذائب
لولا سحر الشعر..(جزعاً) هنا أربكتني ولم أعرف لمن اردها.أما كون صوت الشاعر يقول (اتحسسني) كما يكتب الحداثيون
منذ درويش ويقول (أجدك ) فقد كشف عن سر القصيدة وأزال الكثير من غشاوات غموضها فصوت الشاعرة الكانيبالية
يعبر عن حبه الذي يشبه البغض .إن في الامر فيما بدا لي حوار صامت بينها ومبين من تحب والناس نيام.
| |
|
|
|
|
|
|
|
|
|
Re: أزدردك ! (Re: Bushra Elfadil)
|
يا بشرانا من قبيل قلت أجيك وأخونا بابكر قدور
أجيك بشنو ؟؟؟ باللوم الماليني تجاهك يا أستاذنا
أنا بالسعودية وآلاف المرات كنت حاضرا ..
وحاضرة أنا باهتمامي السؤال عنك ومحادثتك ..آخر ايميل كان قبل ....
أرجو ارسال تلفونك ..فقد عجزت عن ابتدار رسائل بكري هنا .
| |
|
|
|
|
|
|
|
|
|
Re: أزدردك ! (Re: Bushra Elfadil)
|
Quote: أزدردك !
ذائبك يغرر بأثافي الفراغ
جزعا ..أتحسسني ,
أجدك !
يا لهذا الكانيباليزم الشعري ، الشخص (هو) المشتبك مع الأنثى ، مغيب تماماً لكن صوت الأنثى الشاعر يحسسنا بأنها ممتلئة به
قبل أن تزدرده.ممتلئة حباً بما يشبه البغض أما حالة كونها تزدرده وهو البلع السريع فنعجب كيف تحوله في لحظة إلى ذائب
لولا سحر الشعر..(جزعاً) هنا أربكتني ولم أعرف لمن اردها.أما كون صوت الشاعر يقول (اتحسسني) كما يكتب الحداثيون
منذ درويش ويقول (أجدك ) فقد كشف عن سر القصيدة وأزال الكثير من غشاوات غموضها فصوت الشاعرة الكانيبالية
يعبر عن حبه الذي يشبه البغض .إن في الامر فيما بدا لي حوار صامت بينها ومبين من تحب والناس نيام. |
شاكرة لتوقفك وشاكرة للنص أن حاز على قراءتك وتنقيبك ثناياه
صوت الأنثى الشاعر هذه ذكرتني نقطة أود الحديث عنها
وهي هل يستشعر الكاتب الرجل أزمة المرأة في الكتابة _مادتها _ أعني ,وأنه يتصرف فى أهم المصادر وسعه دونها ..
مثلا أنا أرى أن المرأة هي سرة الكون وسره وممكن أكتب عنها الكثير جدا وعن الحيوات التي تتناسل من جسدها وفكرها وأدبها (ألأدب ككتابة )
لكن كيف مثلا أثني أو أتغزل أو أحكي عن تفاصيل من غير أن أبدو (كغير مستقيمة) ..امرأة تتغزل فى امرأة أو جسدها مثلا :)
الأمر صعب جدا ومحير ..غير أنه ممكن لكن يتطلب جهد كبير وربما صنعة مفسدة قليلا :)
مع المحبة والتقدير
| |
|
|
|
|
|
|
|
|
|
Re: أزدردك ! (Re: بابكر قدور)
|
سلامات أخي بابكر
سعدت بمتابعتك وقراءتك واهتمامك ..
( شغف ) يا للكلمة !
بالحيل فاطمة قريبتي بيننا قرابة ودم اللغة غير أنني متغولة على النقد الذي قرأت
وما أنا الا قارئة أحسبني (جيدة) فشاركت تجربتي فى القراءة مع الأصدقاء هنا
القصيدة تجسير بين المحسوس واللا محسوس ..اقتناص لحظة من الزمان وتجسيدها فى صورة معينة هي خليط
(الغوي _انساني )..حار ززمدهش ..صادم..عاري..مراوغ ..مفاجئ ).
شكرا لك واهتمامك بالقراءة والتعليق وحبابك
مقتطع من نص هندسي للمهندسة فاطمة ناعوت Quote:
طبقاتُ الأرضِ الافتراضيةُ
يحتلُّها بالتتابعِ :
صخرٌ / رصاصٌ
نورٌ / ماءٌ
ترقُّبٌ
ماءٌ
وموتْ .
ولذا
لم يجدِ البنَّاءُ بُدًّا
من زرْعِ أوتادٍ
بعمقِ الخيبةِ الزاحفةِ على وجهي
في العامِ الأخيرْ ،
ومَدِّ فَرْشَةٍ من الأسمنتِ
تضمنُ ثباتَ البنايةِ في الزلازلْ.
الرسوماتُ التنفيذيةُ
أخذتْ مسارًا آخرَ
غير اسكتشاتِ المُصَمِّمِ
لأن عاملَ الأمانِ المُفترضَ
لم يناسبْ مواصفاتِ الحفرِ
سيَّما
وقد اكتشفَ الموقعيونَ
أن الجسَّاتِ التي تمَّتْ للتربةِ
شابَها التزييفُ.
|
واهداء لأصدقائنا المهندسين
| |
|
|
|
|
|
|
|
|
|
Re: أزدردك ! (Re: rosemen osman)
|
.
| Quote: ذائبك يغرر بأثافي الفراغ |
بِل لاي!
هو ذائبك يعني your solution؟
غايتو بشرى مداخلته دي فيها ريحة كدا ما عفنة
لكن.... يا ربي يكون مصدرها الحيرة؟
وبشرى لسبب ما تخلى عن حرصه في بداية
المداخلة في استخدام الكانيباليزم، أقول تخلى
في آخرها عن هذا الحرص فلم يهتم بأن يفصلك،
يفصل الشاعرة من الكانيباليزم!! فهل قادني ذلك
لتوهم إلصاقه الكانيباليزم بالحاجة، أقصد الشاعرة!
تنبيه: والله أنا أكتب هذه المداخلة بغرض الدعابة!
بعدين يا روزمين عملتي لي شنو في تحويل
أزدردك لإسم دواء Azdaridec أيتها الصيدلانية
انتو الظاهر جيلكم دا لما كانوا في كلية الصيدلة
حقت الخرطوم ما كانوا having fun من طرائف
النومينكلاتشرات؟!
| |
|
|
|
|
|
|
|
|
|
Re: أزدردك ! (Re: mustafa mudathir)
|
يا مصطفى شنو جايب لينا روائح ..وأنا حاطة جو رومانسي وشمعة قاربت النهاية :)
ما تجي نعمل شركة أدوية وننومن البرودكتس نومنة أدبية :)
Azdaridec
ياخي آمنت بك ..من يومها ..غايتو جنس سماحة
..بعدين ياخ أنا ما قريت جامعة ..بعيد عنك قريت ام درمان الاسلامية
لا fun لا فن ..طلعت منها بكوابيس لحدي أسة ملاحقاني تصدق !!
وخصوصا الرباطيات فى الباب :)| Quote: تنبيه: والله أنا أكتب هذه المداخلة بغرض الدعابة! |
لازم تحلف علشان أنا ود.بشرى نصدقك :)..
| |
|
|
|
|
|
|
| |
rosemen osman
طارق الجبلابى
Abuzar Omer
محمد البشرى الخضر
محمد عبد الماجد الصايم
aydaroos
كمال سالم
الشامي الحبر عبدالوهاب
ibrahim kojan
معاوية الزبير
يحي قباني
mustafa mudathir
إدريس محمد إبراهيم
ابو جهينة
حبيب نورة
الطيب شيقوق
حافظ انقابو
سامى عبد المطلب
ibrahim fadlalla
smart_ana2001
Mohamed E. Seliaman
عمر الفاروق
AMNA MUKHTAR
Bushra Elfadil
بابكر قدور
فيس بوك
تويتر
انستقرام
يوتيوب
بنتيريست