|
|
 جلداً ما جلدك .... جر بيه الشوك
|
العجاجة قايمة بهنا وبهناك ، عوك ووك روك كركروك بربكوك
وزي زحمة الشعبي ليلة الوقفة
واحد يقول ليك النجيضة
وهي نيّة
واحد يقول ليك قوات الجبهة الثورية تستعد لاقتحام القضارف وبورسودان ودنقلا
التاني يقول ليك الجيش خسر ثلاثة أفراد بس
الثالث يقول ليك "ليه مواطنين الخرطوم خايفين من التعذيب والاذلال ما مواطنين المكان الفلاني عايشين في الرعب دا من سنين"
الرابع يقول ليك الحكومة سقطت اول امس وانتو ما جايبين خبر
الخامس يغني لسيدو البشير ويقدس في ثورة الانقاذ
الاخبار جاية يمين وشمال ، متناقضة ، وغريبة، شي تعذيب ، وشي سحل ، وشي مذابح ، وشي قصف ، وشي موت ، وشي اصابات ، وجابت ليها تخدير كمان
مات ، حي ، أصيب، يدير، بكامل قواه ، مكنة لحام ، كذب ، نفاق،
طابور خامس ، طابور تاسع
كيزان، انصار سنة ، مساعد رئيس، معارضة، مستشار، وزير، سمك، لبن، تمر هندي، عرديب، مورينغا، قصب سكر، ترمس، كركدي،
ود إبراهيم، سائحون، جامدون، سائطون، منقلبون، سجن الهدى،
مواطن يقاسي المرّ في معسكر في أطراف نيالا : لا بيت - لا عمل - لا حقوق - لا مستقبل : والحديث عن الديمقراطية بالنسبة له ترف
مواطن آخر يرتدي بدلة كاملة ويجلس في استديو التلفزيون متحدثاً عن التقدم الاقتصادي والتطور الاعجازي ووصول السودان إلى السماء السابعة
وما يصل إلى السماء السابعة حقيقة هو عويل مواطنين طحنتهم الازمات الاقتصادية والاجتماعية والسياسية والاخلاقية
وفي نفس اللحظة: طفل يتم اغتصابه جوار مسجد، أو طفلة تفقد حياتها بعد أن ضاجعها جماعة من الوحوش جبراً
وتمرّ بجوارك سيارة جديدة لم تبلغ سنّ الشهرين لترشّ بعضاً من المياه القابعة في جانب الطريق فوق بنطالك الممزق من المدافرة في أبواب الحافلات. ثم تفاجأ بسائقها يقول لك: إنت ما بتشوف؟ زح لي من الشارع.
فعلاً لازم تزح ليه من الشارع ... ما بعيد يكون معاه شهادة بحث الشارع ، وليه لا ؟ مش ادوه شهادة بحث الميدان البتلعب فيه كورة من انت صغير؟
كورة ..... ؟ إنتَ بتفكر في الكورة وفي طفل حسع قاعد في معسكر نازحين همّو يمشي يفتش نفايات اليوناميد عشان يطلع منها شوية بلاستيك يمشي يبيعو في السوق مقابل خمسة جنيهات؟
القيادة العامة ... عفواً رئاسة الأركان المشتركة أصبحت ناطحات سحاب واحدة على شكل طيارة والتانية على شكل سفينة من زجاج والمونيوم والتالتة على شكل تِرِس ، وبرّا أم درمان حتلقى تَرَس "الدفاع بالترعة"
عفواً ... "أنا كنتَ هناك ومافي اي حاجة"
فقد المواطن أي ثقة في أي موقف أو تصريح لأي مسئول ، وما زال المسئولون يعاملون المواطن على أساس أنّه طفل في الثانية من عمره. بينما تعامله المعارضة على أساس أنّه في الثالثة من عمره.
المؤشرات المستخلصة: أن الطرفين وجهان لعملة واحدة.
الرؤية الواضحة التي لا غبار فيها مهما حاول أهل النظام تجميل واقعهم: الحكومة تتهاوى .... وفريق جديد يتقدم لاستلام الأمور .... هل استعدت الحكومة لذلك ؟ هل استعد الشعب لذلك؟
* ما هي الحقيقة في أب كرشولا ؟ الحقيقة المتعلقة بالمواطنين البسطاء الذين يعيشون هناك؟ هل هم بأمان؟ هل تعاملهم قوات الجبهة الثورية باحترام وعدالة؟ هل وجدوا في الجبهة الثورية بديلاً يبشر السودان بمستقبل مشرق؟
* هل حل مشكلات المعذبين في دارفور وجبال النوبة سيكون بتوفير السلام لهم كلّهم أو بتعذيب المزيد من مواطني جمهورية السودان؟
* هل أعدّت الجبهة الثورية برنامجاً محدداً لادارة البلاد؟ وكيف سيكون التعامل مع المواطنين في كل أنحاء السودان؟
* استحضر موقفاً في الكيلو 161 في طريق ام درمان دنقلا :
صدر قرار جمهوري بإعفاء المواطنين من بعض الجبايات المفروضة في الطرق ، ورفض الوالي تطبيق القرار،
قطعت سيارة شرطة الطريق أمام مجموعة من العربات التجارية التي تحمل محاصيل زراعية ، ووجه الشرطي مدفع الدوشكا باتجاه سيارات المواطنين،
نزل أحد سائقي الدفارات التي تنقل المحاصيل وقال للشرطي:
إنتَ فلاحتك فينا نحن ؟ يوم جاكم خليل بجاي في الشارع دا زاتو خليتو دوشكاتكم دي وفتحتو ليه الشارع لحد ام درمان
|
|
 
|
|
|
|
|
| العنوان |
الكاتب |
Date |
| جلداً ما جلدك .... جر بيه الشوك | Hani Arabi Mohamed | 05-15-13, 10:11 AM |
 Re: جلداً ما جلدك .... جر بيه الشوك | Hani Arabi Mohamed | 05-15-13, 10:43 AM |
| Re: جلداً ما جلدك .... جر بيه الشوك | Abdlaziz Eisa | 05-15-13, 10:45 AM |
| Re: جلداً ما جلدك .... جر بيه الشوك | Hani Arabi Mohamed | 05-15-13, 01:04 PM |
 Re: جلداً ما جلدك .... جر بيه الشوك | Mohamed Redman | 05-15-13, 10:50 AM |
| Re: جلداً ما جلدك .... جر بيه الشوك | رانيه محمد الشيخ | 05-15-13, 11:22 AM |
| Re: جلداً ما جلدك .... جر بيه الشوك | Hani Arabi Mohamed | 05-15-13, 01:36 PM |
| Re: جلداً ما جلدك .... جر بيه الشوك | ASHRAF MUSTAFA | 05-15-13, 06:53 PM |
| Re: جلداً ما جلدك .... جر بيه الشوك | Hani Arabi Mohamed | 05-15-13, 01:23 PM |
| Re: جلداً ما جلدك .... جر بيه الشوك | Hani Arabi Mohamed | 05-15-13, 12:17 PM |
| Re: جلداً ما جلدك .... جر بيه الشوك | محمد حمزة الحسين | 05-15-13, 02:43 PM |
| Re: جلداً ما جلدك .... جر بيه الشوك | Hani Arabi Mohamed | 05-15-13, 03:08 PM |
| Re: جلداً ما جلدك .... جر بيه الشوك | احمد محمد بشير | 05-15-13, 05:37 PM |
| Re: جلداً ما جلدك .... جر بيه الشوك | Hani Arabi Mohamed | 05-17-13, 06:15 PM |
 Re: جلداً ما جلدك .... جر بيه الشوك | رانية عمر عبدالله | 05-15-13, 07:22 PM |
| Re: جلداً ما جلدك .... جر بيه الشوك | Hani Arabi Mohamed | 05-17-13, 07:17 AM |
| Re: جلداً ما جلدك .... جر بيه الشوك | احمد محمد بشير | 05-17-13, 07:35 AM |
| Re: جلداً ما جلدك .... جر بيه الشوك | Hani Arabi Mohamed | 05-17-13, 06:24 PM |
| Re: جلداً ما جلدك .... جر بيه الشوك | احمد محمد بشير | 05-17-13, 06:31 PM |
| Re: جلداً ما جلدك .... جر بيه الشوك | عبداللطيف شريف على | 05-18-13, 07:09 AM |
| Re: جلداً ما جلدك .... جر بيه الشوك | Hani Arabi Mohamed | 05-18-13, 01:59 PM |
| Re: جلداً ما جلدك .... جر بيه الشوك | Hani Arabi Mohamed | 05-21-13, 12:42 PM |
| Re: جلداً ما جلدك .... جر بيه الشوك | حماد الطاهر عبدالله | 05-21-13, 03:22 PM |
| Re: جلداً ما جلدك .... جر بيه الشوك | Hani Arabi Mohamed | 05-21-13, 05:35 PM |
| Re: جلداً ما جلدك .... جر بيه الشوك | Hani Arabi Mohamed | 05-29-13, 05:30 PM |
| Re: جلداً ما جلدك .... جر بيه الشوك | Hani Arabi Mohamed | 06-02-13, 08:35 PM |
|
| |
Hani Arabi Mohamed
فيس بوك
تويتر
انستقرام
يوتيوب
بنتيريست