|
Re: عبدو مصطفى وبلع الكاريكاتير !!! (Re: حيدر حسن ميرغني)
|
والله يا تبارك أنا شفت الحاجة دي وكان في رأسي إنو عبدو مصطفي ح يجىء يفتح ليهو بوست كالعادة عشان يقارن بين كاركاتيراتو والكاركاتير دا .. وبرضو قلتا إحتمال انو الكاركاتير فعلا حقو رسمو في مكان ما وزمن ما وجايبو للتوثيق بس .. والله يكون بالغ مبالغة لا بعدها ولا قبلها لو فعلا ما حقو .
| |
|
|
|
|
|
|
Re: عبدو مصطفى وبلع الكاريكاتير !!! (Re: حيدر حسن ميرغني)
|
يا تبارك الزول الاسمو عبدو مصطفى دا زول غير امين اول كاركاتير عرضو هنا كان بشخصيات مصرية مية مية عموما هو زول ما مبدع لا بعرف يرسم ولا بقدر يعمل تعليقات بشكل متقن عليك الله شوف كمية القباحة الفي توقيعو ؟؟ بالجد انا ما عارف المشربكو في القصة دي شنو ؟ لكن نرجع نقول الغلطة غلطة بكري البسمح بنشر مثل هذه الوقاحة
________________ يا عبدو مصطفى انا طول عمري كنت بحلم العب في الهلال ولما لقيت نفسي ما بقدر اجري ولا اعكس بقيت مشجع فياخ ارحمنا وارحم نفسك وابقى مشجع
| |
|
|
|
|
|
|
Re: عبدو مصطفى وبلع الكاريكاتير !!! (Re: HAIDER ALZAIN)
|
Quote: هناي improvised دي معناها شنو عليك الله ..؟! لو زول غيرك ما بسالوا والله لكن منك انت ياقريبي لا استحي :) |
يعني مرتجل ارتجال ساي ... لا تحضير لا بروفة لا نص لا نوتة لا توزيع لا اسكتشات ...
من القريحة ساكت كدي عفو الخاطر ... زي الصولة بتاعة أيمن الربع ...
أو التجدّع بتاع عادل امام ...
... المهم ...
| |
|
|
|
|
|
|
Re: عبدو مصطفى وبلع الكاريكاتير !!! (Re: تبارك شيخ الدين جبريل)
|
والله يا حنين .. باقي لي اخير ما اعرفها.. لانه حسب شرح تبارك انه الشغلة دي معناها كدة عفو الخاطر .. او نجرة اللحظة لكن التشابه والتطابق بين الرسمين لدرجة انك عشان تفرز بينهم لازم تلعب لعبة الفروقات السبعة بتخلى القلب فيهو شئ من حتى ..! اقصد حتات
عموماً .. ممكن نسميها كبوة يا عبدو
ــــــــــــــ غايتو ان طلعت زي الزول داك القال ماعارف ايه قريت القصيدة في مكان ما وقعدت في المخيخ السفلي حاتبقي بالغت..!!
| |
|
|
|
|
|
|
Re: عبدو مصطفى وبلع الكاريكاتير !!! (Re: HAIDER ALZAIN)
|
Quote: لكن التشابه والتطابق بين الرسمين لدرجة انك عشان تفرز بينهم لازم تلعب لعبة الفروقات السبعة بتخلى القلب فيهو شئ من حتى ..! اقصد حتات |
"نرتجل" ليهو قصيدة فجأة ...
يا عبدو عيب قوم يلا صلي على الحبيب الواطه صبحت داير ننوم يا أخوانّا لأ أنا عايز أموت أقع البحر يا عبدو عيب الدنيا حر .. والموية بتسخّن عليك ثلاثة ساعات في الطريق وزولنا قاعد يسب ويكيل ودموعو سايلات بالكفوف وشرايطو تلمع في الكتوف بقى فيلسوف شي كلام عن الدنيا أم قدود وعلاقة بين يوم السبت وعين الحسود ومقارنات بين الجمال والجهل وسوء الإختيار قال شينة قال ...! قال شينة قلنا كلام صحيح وخطيبها زاتو ولد قبيح بس ياخي قوم الواطة ليل.. دايرين ننوم قام تاني جاب سيرة البحر وقام تااااااااااااااااااني جاب سيرة البحر
... المهم ....
| |
|
|
|
|
|
|
Re: عبدو مصطفى وبلع الكاريكاتير !!! (Re: Abdo Mustafa)
|
Quote: improvised :To make or provide from available materials
وتم فتح بوست....كالعادة تسمين أحزاب الفكة...بالجداد القطري.....نقد للكاركتير الفوق
وهذه شخبتات طلعت من ذات الفكرة |
يا عبدو انت اتخيل الكاريكاتير دا جداد قطري ...
بعد داك حا تكتشف العلاقة بين يوم السبت وعين الحسود ...
(انتو يا اخواننا في زول تبن المصدر؟)
... المهم ...
| |
|
|
|
|
|
|
Re: عبدو مصطفى وبلع الكاريكاتير !!! (Re: هاشم نوريت)
|
im·pro·vise (mpr-vz) v. im·pro·vised, im·pro·vis·ing, im·pro·vis·es v.tr. 1. To invent, compose, or perform with little or no preparation. 2. To play or sing (music) extemporaneously, especially by inventing variations on a melody or creating new melodies in accordance with a set progression of chords. 3. To make or provide from available materials: improvised a dinner from what I found in the refrigerator..<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< v.intr. 1. To invent, compose, or perform something extemporaneously. 2. To improvise music. 3. To make do with whatever materials are at hand.
بالهناء يا تبارك البلع العكسى ده... ناس عندها جنس حركات و ماتخلى حاجة لحسن الظن و لا للأقدار حتى....
الله هونينى لى تبارك يا هشام....
| |
|
|
|
|
|
|
Re: عبدو مصطفى وبلع الكاريكاتير !!! (Re: محمد أبوالعزائم أبوالريش)
|
يا ابوذر عمر ... الإرتجال ليس له تعريف بسيط ومباشر ... ورغم ذلك حاولنا أن نشرحه هنا:
Quote: يعني مرتجل ارتجال ساي ... لا تحضير لا بروفة لا نص لا نوتة لا توزيع لا اسكتشات ...
من القريحة ساكت كدي عفو الخاطر ... زي الصولة بتاعة أيمن الربع ...
أو التجدّع بتاع عادل امام ... |
أهم ما في الإرتجال أصالته وعفويته وعدم التحضير له ... كأن يطلب منك إلقاء كلمة في محفل عام دون أن تكون هنالك كلمة مكتوبة ... أو تدخل حربًا بلا إمداد سلاح ولا عساكر مدربين (والإرتجال في الأزمات العسكرية هو المعيار الأساسي للمارينز الأمريكان، كما يقولون "العسكرية تصرف"!)
خاض المثقفون والنخبة حروبات شتى في "الخروج عن النص" وحاولت وزارة الثقافة المصرية وضع لوائح تحكم مقبولية الخروج عن النص باعتباره نصًا قائمًا بذاته ولا يأتي في سياق النص المسرحي المقدم ... لا اعتقد أنهم قد اتفقوا على حدود للإرتجال ...
ما يتفق عليه الجميع ... أن الإرتجال ليس نوع من أنواع الإقتباس أو توارد الخواطر أو وقع الحافر على الحافر أو أي معيار من معايير السرقة الأدبية ... بل هو عمل منفصل قائم بذاته يتميز بالأصالة والعفوية وعدم التحضير ...
كاريكاتير عبدو مصطفى مسروق وليس مرتجل ... (لذلك ارتجلنا له قصيدة "يا عبدو عيب" ولم نسرقها )
... المهم ....
| |
|
|
|
|
|
|
Re: عبدو مصطفى وبلع الكاريكاتير !!! (Re: تبارك شيخ الدين جبريل)
|
بعدين في أخلاقيات للعمل الفني والأدبي ...
لو ما بتقدر تلتزم بيها ... ما تناضل ...
النضال بالسرقة الفنية والإستهبال ما لازم أي زول ...
ابلع ابلع ... وتعال انتقد الكيزان لامن تبقى أخلاقيًا احسن منهم ...
(سرقة الجداد القطري أهون من سرقة العمل الفني)
... المهم ....
| |
|
|
|
|
|
|
|