|
|
 Re: أزمة التعليم فى السودان .. بقلم: الفاضل عباس محمد علي (Re: Khalid Basheer)
|
الموضوع معقد جدا ، التعليم بالمناسبة عندو علاقة وثيقة جدا بالهوية ، ما ممكن اصلا يكون عندك تعليم محترم وموجه لخدمة بلد بدون هوية ؟
التعليم ليس أ ب ت ث ، H2O ومبطلات الوضوء والكفارة ، انت حا تعلم زول كيف اذا هو اصلا ما عارف هو مين ؟
الحاجة التانية هي الموارد المالية ، منذ ان اصبح التعليم يعتمد على مصادر تمويل ضخمة نحن طلعنا من المجرى ، الى بداية السبعينات كان المعلم / والكتاب/ الطالب هو المثلث الاهم بالنسبة للوسائل والادوات ، الموضوع ده خلاص ، ما بقول انو بقى مش مهم ، لكن دخول وسائط اخرى مكلفة جدا في العملية التربوية طلعنا برة .. انا مثلا اتخرجت سنة 96 و ما لمست كيبورد بتاع كمبيوتر الى عام 99 ؟؟ رغم اني تخرجت من اكبر جامعة في البلد ؟
مش معقول ابدا زول خريج يلمس كيبورد اول مرة في حياتو عمرو 27 سنة ؟ اما عن المناهج والكتب فحدث ولا حرج .. الكتاب مشتركين فيهو مية ، درست اولى ابتدائي في فصل بتاع بروش في قلب عطبرة في الداخلة سنة 78 ، مش حلة صغيرة اتذكر وانا في خامسة ابتدائي الكنبة كانت بتقع بينا في الحصة نشيلا ونمشي بيها برة نطقطقا وومرات بنرميها برانا و ندك الحصة ..
تتصورا اسي تزويد جميع مدارس السودان وجامعاتو بمعامل كمبيوتر يكلف كم ؟
الحاجة الاخيرة ، نحن ما عندنا ولاء ولا بنعرف نرد الجميل ، شوف في امريكا والدول الغربية الناس بتتبرع للجامعات البتتخرج منها كيف ؟ منح وكراسي وتبرعات مالية عينية سنوية واوقاف بمليارات الدولارات سنويا ..
يوم واحد ما شفت سوداني ولا سمعت ، انو تبرع بمبلغ مادي لجامعة تخرج منها ...
تحياتي نصر
|
|
 
|
|
|
|
|
| |
Abdullah Idrees
فيس بوك
تويتر
انستقرام
يوتيوب
بنتيريست