|
Re: والي شمال كردفان و الإنتقام من اهالي ام روابة..!!! (Re: Arabi yakub)
|
فالفلقناي كبر مثال للانسان الكارثة اساسا فالذي يعرف حقا ويخفيه اكثر خطورة من الذي ينزع الحق علنا طبعا؟ على الاقل الاخير يساعد في معرفته لاي فرد بكل ملكات الحواس الطبيعية لاي انسان عاقل طبعا ومن ثم التصدي له عاجلا او اجلا؟ اما سارا الليل دا اهو المشكلة هنا؟ متين تعرفه وكيف تعرفوا؟ وهذا ما نوه اليه مشددا كمان جان جاك روسو في العقد الاجتماعي في القرن السابع عشر الميلادي حيث قال على ما اذكر بان الانسان العادي او ما سماهم بالعامة من الصعوبة بمكان حصولهم على الحقائق المجردة حتى في انفسهم او عن واقعهم الاجتماعي في اي مجتمع خاصة فيما يتعلق بالدولة كمؤسسة تقوم على اساس جمع اراداتهم المتساوية اولا وقال ان هناك من اصحاب القدرة في التضليل والتزييف خدمة للمصالح الخاصة بهم في اي مجتمع وضمن اي مجموعة بشرية في الارض يعني ولدنا (البلدنا) وهنا تجد الكثيرين من هوامش السودان وامثال الفلقناي كبر في الصدارة طبعا وحتى لو سلمنا جدلا بان كبر من المعارضة فهو مضر اكثر من اي شئ اخر او مثله مثل اي طور( ادوب) اي زول ممكن يركب ولازم يكون في اخر الماشية حتما حتى لا تعرف هو ماشي ولا تابع للتانيين؟ طبعا نحن حاولنا نرتقي بلغتنا شوية للاحاطة بجوانب التاثيرات المتنازعة في تكوين الفلقناي كبر
حيث يقعد يسوي ليك الحكومة ممكن تعمل اي حاجة وتخالف حقوق الانسان قال؟ اها هي حيكومة منو بالضبط؟ ومسئولة امام منو بالضبط؟ ومسئولة عن شنو مثلا؟ هي الحيكومة اساسا ناقصة ناس امروابا ولا ناس ام دوم عشان تخالف بيهم حقوق انسان؟ ودا كلام غريب جدا فالحيكومة هي في حد ذاتها منذ يومها الاول قد جدعت حقوق الانسان بعيدا جدا كمان؟ وما عارف كبر ما متابع ولا يتعمد ايضا؟ اها وين الدستور الذي ادوا عليه القسم في برلمان الشعب عندما كانوا جزءا من حيكومة ذويهم الحزبية الطائفية؟ وين زملاءك على فضل ورفاقه؟ وين مجدي ومن معه؟ يا اخي انت الضربة بتاعك كان عشان شنو مثلا ضربة الريدة والهوى؟ وانت تفسرو شنو قانونيا؟ بل الانقلابيون قد سلبت ارادة جميع اهل السودان وتجئ بعد ارتكابها الابادة الجماعية وكمان تطالبها بحقوق انسان؟ بقى حقوق انسان لمنو بالضبط؟ وعشان شنو مثلا؟ وحتتوقع منهم شنو بالضبط كدا؟ والحل شنو يا سعادتك؟ فالطريق الوحيد هو ازالتهم لوقف المزيد من الاستمرار في انتهاك حقوق الانسان والتي لا تتاتى الا باسترداد ارادتنا اولا باول وهذا تناقض طبعا وكبر ذات نفسه يقول ليك نحن عارف الحيكومة قاعدة تعمل في شنو وهذا معناه ان يستمر الحيكومة في قاعدة تعمل شنو دا؟
يا اخي انت راجل محنط بالكامل لدرجة الغثيان واخطر من الكيزان بمراحل كمان؟ اها اشرح لجماهيرك واصدقاءك وصديقاتك اذا وجدن سلب الارادة في ان تقول ما تريد وتفعل ما يخدم اغراضك في الحياة الحرة الكريمة دا من ياتو حقوق؟ يعني نعقد طول عمرنا نسرح بالغنم لياكله الثعالب والجلاب ونرعى البقر ونحلبه كمان ليشرب الكيزان ومواليهم وخلاص؟ وانت هنا تسلب البقارة حقوقهم الفطرية كمان يعني يمسكوا قرون بقرهم ليحلب الكوز او واحد فلقناي زييك وخلاص؟ ويبقى البقارا قاتلي الاسود المفترسة من الله اوجدهم حتى الساعة ليرهنوا انفسهم لجلاب مسعورة في الخرطوم؟ ودا احمد هرون لو ما شكرك ما حيشكر البشير نفسه
|
|
|
|
|
|
|
العنوان |
الكاتب |
Date |
والي شمال كردفان و الإنتقام من اهالي ام روابة..!!! | Kabar | 04-29-13, 00:40 AM |
Re: والي شمال كردفان و الإنتقام من اهالي ام روابة..!!! | Kabar | 04-29-13, 00:42 AM |
Re: والي شمال كردفان و الإنتقام من اهالي ام روابة..!!! | Kabar | 04-29-13, 00:45 AM |
Re: والي شمال كردفان و الإنتقام من اهالي ام روابة..!!! | ابو القاسم عبد الرحمن بشير | 04-29-13, 01:17 AM |
Re: والي شمال كردفان و الإنتقام من اهالي ام روابة..!!! | Kabar | 04-29-13, 02:32 AM |
Re: والي شمال كردفان و الإنتقام من اهالي ام روابة..!!! | Arabi yakub | 05-03-13, 02:58 PM |
Re: والي شمال كردفان و الإنتقام من اهالي ام روابة..!!! | Arabi yakub | 05-03-13, 03:17 PM |
Re: والي شمال كردفان و الإنتقام من اهالي ام روابة..!!! | Arabi yakub | 05-03-13, 03:24 PM |
Re: والي شمال كردفان و الإنتقام من اهالي ام روابة..!!! | Kabar | 05-03-13, 10:57 PM |
Re: والي شمال كردفان و الإنتقام من اهالي ام روابة..!!! | إحسان عبد العزيز | 05-04-13, 01:37 AM |
Re: والي شمال كردفان و الإنتقام من اهالي ام روابة..!!! | Kabar | 05-04-13, 05:26 AM |
Re: والي شمال كردفان و الإنتقام من اهالي ام روابة..!!! | إحسان عبد العزيز | 05-04-13, 10:50 AM |
|
|
|