|
Re: الحصحاص في الجذمة (Re: adil amin)
|
الاخ العزيز خالد كودي تحية طيبة ذي ما قلت انت الازمة في المركز وفي المركز في عقلية ناس المؤتمر الوطني التنظيم وهو ليس حزب اطلاقا الكلام الفوق ده بتاع المؤتمر الوطني..يدل تماما مدى الجهل والسوء الذى يتمتع به اهل المركز..يمكن اتفاقية نافع /عقار ذات مستوى اعلى بكثير من هذا نعم اذا كان التفاوض من اجل المنطقتين..خلونا نعرف مشكلة المنطقتين شنو نحن ما ناس المنطقتين لكن قريت اتفاقية نيفاشا والدستور المنبثق عنها وبالتفاصيل المملة... 1- النيل الازرق: عزل مالك عقار قرار غير دستوري لانه والي منتخب ولو كان عندنا محكمة دستورية فاعلة لابطتله تماما واعادت مالك عقار الى منصبة دون قيد او شرط...ده الملف السياسي 2- الملف الامني وكان مسؤل منه دانيال كودي في الحركة الشعبية قطاع الشمال والناس عارفة كويس.,.انه في حالة انفصال جنوب السودان يتم عملية دمج الفرقة التاسعة والثامنة في الجيش السوداني..ده اذا كانت العندنا الان ممكن تطلق عليه جيش سوداني..لماذا لم يتم دمج الفرقتين بعد انفصال الجنوب؟؟ لانه ده ملشيات تنظيم وليس جيش سوداني حقيقي..تقتل الناس السودانيين في الهامش وتجي تنطط في الخرطوم بتراث الجعليين الخالد في دحر الغزاة الاتراك-انا الجدري المصقع - -للمزيد من الارباك والكراهية بين قبائل السودان... 3- جنوب كردفان..طبعا الانتخابات المزورة هي التي فجرت الاوضاع في جنوب كردفان وبكل ما صاحبها من مبازل اكتنتفت كل انتخابات 2010 والحل في الدولة المتحضرة والسودان الحالي ليس منهم (((اعادة الانتخابات))) في حالة يقدم طعن دستوري موثق في نزاهتها وايضا ذلك من اختصاص المحكمة الدستورية العليا الخاوية على عروشا... ..... النقطة التانية وطبعا دي توضح تماما عقلية الكوز وقلبه الاعمى وروحه الميتة ..اذا كان الامر يعني ان ياسر عرمان ما عنده دخل. لانه ما من المنطقتين طيب .د. ابراهيم غندور من كاودا مثلا ؟!!..والحل بالتجزئة لمشاكل السودان واعادة تدوير الازمات توضح مدى احتقار الناس ديل للشعب السوداني الفضل واستمتاعهم بمعاناة الناس...لانهم مختلي الوعي والشعور بل عدم احساس هؤلاء بالسودان كدولة ودي عقلية الاخوان المسلمين في كل مكان يعيشون في عالم افتراضي ليس له ادنى علاقة بالدولة وحدودها الجغرافية المحددة في الامم المتحدة او هذا العصر ..لذلك لا يهمهم الوحدة الوجدانية للشعب..هسه ممكن اقسم السودان كله هلال مريخ؟؟ من نمولي لي حلفا والمطرب الاول وردي والامر يستقيم.. ...... في النقطة الثالثة مرجعية اتفاقية السلام((نيفاشا)) طبعا بكون مافي زول قراها في المؤتمر الوطني غير الوقعو عليها وانا متاكد من هذا الامر لانه لو قروها ووعوها واحترموها كانت حلت مشكلة السودان كله ودول الربيع العربي كمان فقط يكفي يفتحو ليها فضائياتهم الكئيبة ويطرحوها للشعب مادة مادة..عشان الشعب نفسه يقيما ود.منصور خالد موجود .... الشيء المؤسف سلسلة الاخطاء التي ارتكبها قطاع الشمال من 2010 هي ايضا لعبت دور لنصل هذا الدرك وفي هذا الامر الحديث ذو شجون والناس ديل ما بقبلو النقد وجلهم وليس كله دخل الحركة الشعبية بعقلية الحزب الشيوعي واضحو بصفو حساباتهم داخل الحركة واصبح الامر اشبه((( بالحصحاص في الجذمة)) يبدد الجهود ولا يجعل الاوضاع مريحة ابدا.. والسؤال لماذا اذا كان المؤتمر الوطني حزب مؤسسي كما يدعون لماذا يعتمد مبادرة نافع/عقار من الاول بدل اللف والدوران؟؟ لانهم عايزين يضقلو بي قطاع الشمال ذى حركات دارفور ويقدمو حلول البصيرة ام((حمد))ويراهنون على البقاء حتى اخر سوداني يظل على قيد الحياة....والعالم يتفرج...المهم لو اتحلت مشكلة المنطقتين واتحررتا من شنو -الناس بترتاح وبتقفل الملف الانساني وتكون برضه الحركة الشعبية موجودة ودي السيرورة التاريخية اصلا.. .
العالم يتعامل مع قضية السودان عبر اتفاقيةنيفاشا فقط والقرار 2046 وناس المؤتمر الوطني عرافين الكلام ده واكتسبو شرعية في انتخابات 2010 بمقاطعة قطاع الشمال غير المبررة للانتخابات وهم شريك اصيل في نيفاشا وكان الدخول في الانتخابات سيحدد حجمهم الطبيعي ويكسبهم شريعة دستورية في كل الشمال وحتى وان لم يفوزو وهذا الامرسيقول يوم التاريخ كلمته فيه...وكل ما ترتب من انسحاب قطاع الشمال قلتوعايزين ديموقراطية خلاص كل زول اوحزب يمارس نقد ذاتي ويواجه الحقيقة والاسئلة الحرجة مقاطعة البوستات جهلا اواستكبارا لن يفيد كثير والسؤال قائم بدل ان يجاري قطاع الشمال حزب الامة اوالحزب الشيوعي الما عندهم جماهير حقيقية وفي 2013 ويترك انتخابات 2010 مش كان احسن يتحالف مع قوى ديموقراطية حقيقية وجديدة
|
|
|
|
|
|
|
العنوان |
الكاتب |
Date |
الحصحاص في الجذمة | adil amin | 04-25-13, 09:47 AM |
Re: الحصحاص في الجذمة | adil amin | 04-25-13, 09:53 AM |
Re: الحصحاص في الجذمة | adil amin | 04-25-13, 09:58 AM |
Re: الحصحاص في الجذمة | adil amin | 04-25-13, 10:01 AM |
Re: الحصحاص في الجذمة | adil amin | 04-27-13, 01:44 PM |
Re: الحصحاص في الجذمة | adil amin | 04-27-13, 02:10 PM |
Re: الحصحاص في الجذمة | adil amin | 04-28-13, 12:08 PM |
Re: الحصحاص في الجذمة | adil amin | 04-28-13, 12:26 PM |
Re: الحصحاص في الجذمة | adil amin | 04-28-13, 01:07 PM |
Re: الحصحاص في الجذمة | adil amin | 04-29-13, 07:53 AM |
Re: الحصحاص في الجذمة | Abdel Aati | 04-29-13, 02:02 PM |
Re: الحصحاص في الجذمة | adil amin | 04-30-13, 12:28 PM |
Re: الحصحاص في الجذمة | مبارك عثمان | 04-29-13, 07:37 PM |
Re: الحصحاص في الجذمة | adil amin | 04-30-13, 12:33 PM |
Re: الحصحاص في الجذمة | adil amin | 04-30-13, 01:15 PM |
Re: الحصحاص في الجذمة | adil amin | 06-20-13, 08:40 AM |
Re: الحصحاص في الجذمة | adil amin | 06-20-13, 08:47 AM |
Re: الحصحاص في الجذمة | adil amin | 06-30-13, 12:51 PM |
|
|
|