|
Re: عفواً ليس ضد (البايرن) يا (برشلونة) ... (Re: عبدالوهاب علي الحاج)
|
Quote: اظنك قاصد الشافع الاسمو "ليتبرسكي" اخطر جناح شمال مرّ على االمانيا والعتالي بريجل فردة باك مافيش اخوه .. زمان قبل الفضائيات دي ما كنا بنعرف غير الدوري الالماني ولو تذكر المباريات المسجلة يوم الجمعة من شركة Transtel زمن ! |
ههههههههه لقيتك قديييييييم ياحاااااااااااج قول للزمان ارجع يازمان ....
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: وليد التلب)
|
Quote: البرشا ح يطير فرررررر! |
تطيير ماترررك ياابداقوسه جاقكن بنجمي ناس البوسطي سلام البوصلة حقت كرة القدم متحركه مابين الالماني والايطالي والانجليزي الان اسباني وفي الاسباني كدي شوفو المنتخب كم لاعب برشلوني في الاساسيين بايرن فريق قوي وطموحو مالنهائي بس عايز يشيل الكاس اهم حاجة الكاس لو مابرشلوني مايكون لفريق الدجاج الابيض الملكي
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: omer osman)
|
السلام عليكم يا قوم
اخانا عمر وبقية الرهط الكريم
لقد صبأت وايم الحق يا عمر
هههههههههه
كيف تخلى شى تانى يشاركك فى حب برشلونة ؟
نحن غايتو ما قاعد نشجع برشلونة
نحن بنعشق برشلونة ونموت فيه عديل
يا زول كدى استغفر وحاول انسى حكاية البايرن دى
صاح نحن لينا كم سنة ما عندنا دفاع تب لكين حتى ميسى وديفيد فيا وسانشيز بمسكو خط الدفاع من قدام مرمى الفريق التانى هو ذاتو عايزين نلغى حكاية دفاع ووسط وهجوم دى، زى ناس هولندا زمان
غايتو الفريق الوحيد البكون زى متعاطف معاه لما يلعب مع برشلونة هو اياكس امستردام يمكن عشان الفريقين اخوان بالرضاعة ههههههههه
بالمناسبة انتو قاصدين توماس هاسلر ده ؟
الزول ده ما لعب فى البايرن نهائى
كان هو اهم لاعب وسط فى المنتخب الألمانى، وهو الجاب هدف التأهل لألمانيا لكأس العالم فى ايطاليا
كان بلعب فى كولون وبعد مونديال ايطاليا مشى يوفينتوس وبرضو لعب فى روما
ولما رجع المانيا تانى مشى دورتموند وتانى ما متذكر لعب وين لغاية ما اعتزل
لكين المتأكد منه انه ما لعب للبايرن
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: صبري طه)
|
Quote: اتمني فوز الريال على دورتموند لكي يفوز البايرن بالكأس بعد ان يجرع الريال مدريد شر هزيمة |
هذا الحديث اعاد الى ذاكرتى تفاصيل المواجهه الاخيره بين الفريقين حيث توعدنا انصار البايرن وعندها ..
ضربوا ضرب قرائب الابل بخماسيه او رباعيه لا اذكر .. وان غدا لناظره قريب.
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: صبري طه)
|
Quote: رومينغيا وبول برايتنر وبيكنباور وسيب ماير ، وماتيوس ، وكلينسمان ، ونمرة 7 القصير داك نسيت اسمو .... |
ياخي انت دفعتك مفروض يكون لواء وانت طالع والله حقو يا عمر اعرفك على واحد قريبي، الماني مووت يومو البكون في فريق الماني لاعب في اي بطولة ان شاء الله بطولة "شدت" بيتهم بتكون فيهو حالة طوارئ تحسباً للخسارة، فشنو ناس البيت بخلوهو يمشي يحضر الكورة، ناس البيت بضربوا تلفون عشان يعرفو التنيجة مما يلقو الالمان مهزومين طوالي بطفي الانوار يا ولد وامش نوم وخلي باب الحوش داك فاتح في ناس بتجي مخصوص عشان تتفرج عليهو ما على الكورة ما يفعله دي كانيو هذه الايام بالنسبة له تسخينة ما قبل بداية المبارة الحمد لله انه زولنا دا ما بسكر والا كان فضحنا في الواسعة ان شاء الله بكرة يا عمر سارة تلم وليداتها ومن بدري ينوموا
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: ABUHUSSEIN)
|
Quote: اظنك قاصد الشافع الاسمو "ليتبرسكي" اخطر جناح شمال مرّ على االمانيا والعتالي بريجل فردة باك مافيش اخوه .. زمان قبل الفضائيات دي ما كنا بنعرف غير الدوري الالماني ولو تذكر المباريات المسجلة يوم الجمعة من شركة Transtel زمن ! |
كلوو من مامون الطاهر خلي الرياضيين السودانيين كلهم يشجعو البايرن ما كان بجيب غير مبارياتو في البوندسليقا يا عمك ..... بس الزمان اختلف انه زمن الكاتلونيين ..... برشا ... برشا ... برشا
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: محمد عبد الله الامين)
|
Quote: كلوو من مامون الطاهر خلي الرياضيين السودانيين كلهم يشجعو البايرن ما كان بجيب غير مبارياتو في البوندسليقا يا عمك ..... |
فعلاً والله ....... الزول ده وين بالله سنين ماشفتو ولاسمعت عنو خبر
Quote: بس الزمان اختلف انه زمن الكاتلونيين ..... برشا ... برشا ... برشا |
البرشا تأهل بشق الانفس والبايرن تاهل بجدارة وبكرة بتتأكد من كلامي ده يامحمد
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: محمد عمر الفكي)
|
Quote: ياخي انت دفعتك مفروض يكون لواء وانت طالع والله حقو يا عمر اعرفك على واحد قريبي، الماني مووت يومو البكون في فريق الماني لاعب في اي بطولة ان شاء الله بطولة "شدت" بيتهم بتكون فيهو حالة طوارئ تحسباً للخسارة، فشنو ناس البيت بخلوهو يمشي يحضر الكورة، ناس البيت بضربوا تلفون عشان يعرفو التنيجة مما يلقو الالمان مهزومين طوالي بطفي الانوار يا ولد وامش نوم وخلي باب الحوش داك فاتح في ناس بتجي مخصوص عشان تتفرج عليهو ما على الكورة ما يفعله دي كانيو هذه الايام بالنسبة له تسخينة ما قبل بداية المبارة الحمد لله انه زولنا دا ما بسكر والا كان فضحنا في الواسعة ان شاء الله بكرة يا عمر سارة تلم وليداتها ومن بدري ينوموا |
ههههههههههههههه زمان اخوك كا ببكي عديييييييل كده هههههههه كأس العالم 1982م النهائي المانيا وايطاليا وفازت ايطاليا انا ببكي لي تاني يوم الصباح هههههههه ومن اليوم داك كرهت ايطاليا ............ السنة الفاتت رأسية دروغبا قربت تعمل لي ذبحة هههههههههههههه غايتو بكرة الله يستر
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: أبوذر بابكر)
|
Quote: لقد صبأت وايم الحق يا عمر
هههههههههه
كيف تخلى شى تانى يشاركك فى حب برشلونة ؟ |
عمي الالوان ههههههه ياابوذر ففي داخل المستطيل الاخضر لا اري غير اللون الاحمر
Quote: الزول ده ما لعب فى البايرن نهائى
كان هو اهم لاعب وسط فى المنتخب الألمانى، وهو الجاب هدف التأهل لألمانيا لكأس العالم فى ايطاليا
كان بلعب فى كولون وبعد مونديال ايطاليا مشى يوفينتوس وبرضو لعب فى روما
ولما رجع المانيا تانى مشى دورتموند وتانى ما متذكر لعب وين لغاية ما اعتزل
لكين المتأكد منه انه ما لعب للبايرن |
واضح انو نحن ملخبتين بين هيسلر وليتبارسكي بعدين لانو لعيبة بايرن ميونخ هم العمود الفقري للمنتخب الالماني ده برضو مرات بتسبب للزول في لخبطة خصوصا مع اللعيبة القدامي .....
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: omer osman)
|
Quote: احب فريق برشلونة وانحاز له ضد اى فريق عدا بايرن ميونيخ .... بايرن ميونيخ العشق القديييييييم من زمن ناس رومينغيا وبول برايتنر وبيكنباور وسيب ماير ، وماتيوس ، وكلينسمان ، ونمرة 7 القصير داك نسيت اسمو. |
برضي زيييك ... إنت بتسمع لي حبيبو وبتشجع البير يا زول انت شكلك كده زيي في اي حاجة
أما الريال وما ريال .. فسيغادر المنافسة .. وهارد لكم مقدما رابطة مشجعي الريال بالبورد و نحب نذكركم يا ريالاب انه دورتموند وبنفس نجومه هزمكم في دور المجموعات و القرعة لمتكم تاني مع الدورتموند
صور وصول فريق (برشلونا) الى (مونشين) وقصة المرافق الغريب - صور
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: احمد محمد بشير)
|
عمر عثمان والله انت زول بطنك غريقة كيف !! بالله عايز بايرن يفوز عشان كنت بتشجعو زمااااااااااان زمن مامون الطاهر والتيليماتش زمن الابيض × اسود ؟ بس بيني وبينك دي كان مفروض تكون مباراة نهائي ، افضل فريقين بلعبو كورة هجومية جميلة في العالم ... ما نطلق مسيخنا ساي وبكرة يرشونا .. لكن شوفو ليكم طريقة لي ميسي ما سجل هدف من اكتر من اسبوعين ودي حاجة غريبة جدا طبعا .. ألابا و شفاينشتايغر و خافي مارتينيز الراجيهم ما يرجاني ..
فيفا بارسا ..
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: Abdullah Idrees)
|
Quote: عمر عثمان والله انت زول بطنك غريقة كيف !! بالله عايز بايرن يفوز عشان كنت بتشجعو زمااااااااااان زمن مامون الطاهر والتيليماتش زمن الابيض × اسود ؟ |
مانية
ههههههههههههههههه كنت بشجعو زمان واسي وبكرة ، تفتحت اعيننا على الكرة الالمانية وملكها المتوج بايرن ميونخ
Quote: لكن شوفو ليكم طريقة لي ميسي ما سجل هدف من اكتر من اسبوعين ودي حاجة غريبة جدا طبعا .. |
تتذكر الحركة العمله فولر لاعب المانيا مع ريكارد لاعب هولندا في كأس العالم 1990م وقام الحكم طردهم الاتنين وفازت المانيا على هولندا !!! اها بس يقوم واحد من ناس بايرن ميونخ يتلح ليك ميسي ده لمن يطردوهم الاتنين هههههههههه بس المشكلة انو ميسي ده دغيل خلاص اصلو مابنفعل ولابزعل هههههههه
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: احمد محمد بشير)
|
Quote: برضي زيييك ... إنت بتسمع لي حبيبو وبتشجع البير يا زول انت شكلك كده زيي في اي حاجة |
القلوب شواهد ياعمك .......
Quote: أما الريال وما ريال .. فسيغادر المنافسة .. وهارد لكم مقدما رابطة مشجعي الريال بالبورد و نحب نذكركم يا ريالاب انه دورتموند وبنفس نجومه هزمكم في دور المجموعات و القرعة لمتكم تاني مع الدورتموند |
دورتموند حيكون حجرة عثرة عديييل امام الريال وان تخطاه سيتخطاه بصعوبة بالغة !!!
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: omer osman)
|
Quote: حب فريق برشلونة وانحاز له ضد اى فريق عدا بايرن ميونيخ |
سعادتك بايرن ميونخ او اي فريق الماني وحتى المانشافت ينقصهم شىء مهم جدا جدا في عالم كرة القدم والشىء دا متوفر في الايطاليين وفي الاسبان وفرق الانجليز المان يونايتد وليفربول وشيلسي ينقصهم الدهاء لانه شوف المنتخب الالماني دا وصل كم مرة للنهائي ونصف النهائي وحتى البايرن وصل كتير جدا لكن في نصف النهائي والنهائي يختلفون جدا جدا تلقاهم في الادوار الاولى والربع النهائي زي الحصين ويطلعوا اي فريق عندك في نهائي 99 مع المان يونايتد كلنا عارفين الحصل ماشين بعيد ليه في نهائي السنة الفاتت شوف الوجعة تخلي دروغبا في اخر الدقائق يطير ؟ من هسي اقول ليك... وداعا حاجة اسمها البايرن
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: Ahmed Yassin)
|
الأخ الغالي / عمر عثمان و ضيوفه الكرام
http://youtu.be/vNy_fvnL3A[/U][/B][/RED]
ميسي يتدرب مع الفريق في ميونخوصل فريق برشلونة الإسباني اليوم إلى مدينة ميونخ لملاقاة بايرن في قبل نهائي دوري الأبطال الأوروبي. ولم ينجح البرسا في الفوز علي بايرن بأرضه في المنافسات الأوروبية، بحصيلة تعادلين وهزيمة على ملعب ميونخ. وبالمثل فإن أرقام برشلونة سلبية أمام بايرن ميونخ على ملعب كامب نو، بهزيمتين أمام الفريق الألماني وانتصار واحد كان كاسحا عام 2009 في دوري الأبطال حيث فاز الفريق الكتالوني برباعية. من ناحية أخرى تأمل جماهير البرسا أن يحصل نجم الفريق، الأرجنتيني ليونيل ميسي على الاذن الطبي لمواجهة الفريق البافاري، حيث انه يتعافى من اصابة. ومن ضمن المشجعين الذين وصلوا لميونخ لدعم الفريق، جيرارد ابن عم المدافع إريك أبيدال والمغني الإسباني جوان مانويل سيرات.
##مقتبس ##
الألمان يا جنابك أصبحت لديهم متلازمة " عقدة الإسبان " و يا يوم بكرة ما تسرع فعلا مباراة قمة و كرة القدم مستديرة مودتي لك ولضيوفك ود الغرب - مازن عادل
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: عبد العزيز محمد عمر)
|
يا جماعة إنتو قاصديين بيير ليتبارسكي الواااحد ده ؟؟ شككتوني في نفسي لأنو ليتبارسكي ما اكن بي القصر الشاذ داك ..يعني صعب نقدر نقول عليهو اللاعب القصيير.. ليتبارسكي كان عندو ميزة تانية بيتوصف بيها ..كعوجة كرعينو وطريقة جريتو .. غايتو ده ليتبارسكي حقي البعرفو وكنت مدمنو للدرجة الرسلت لي واحدة المانية تلحقني بي توقيع منو أيام الشباب :) :) :)
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: عمر الفاروق)
|
Quote: آخر المباريات بين الفريقين :
بايرن ميونخ 0-2 برشلونة ، 27 يوليو 2011 ، مباراة ودية
بايرن ميونخ 1-1 برشلونة ، 14 ابريل 2009 ، دوري ابطال اوروبا
برشلونة 4-0 بايرن ميونخ ، 8 ابريل 2009 ، دوري ابطال اوربا
بايرن ميونخ 0-1 برشلونة ، 15 اغسطس 2007 ، مباراة ودية
|
المصدر
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: حامد بدري)
|
Quote: آخر المباريات بين الفريقين :
بايرن ميونخ 0-2 برشلونة ، 27 يوليو 2011 ، مباراة ودية
بايرن ميونخ 1-1 برشلونة ، 14 ابريل 2009 ، دوري ابطال اوروبا
برشلونة 4-0 بايرن ميونخ ، 8 ابريل 2009 ، دوري ابطال اوربا
بايرن ميونخ 0-1 برشلونة ، 15 اغسطس 2007 ، مباراة ودية |
هذه كلمة التاريخ لصالح برشلونة ياحامد لكن اليوم سيكتب سطر جديد في ذلك التاريخ لصالح البايرن ان شاء الله
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: Ahmed Yassin)
|
Quote: للمعلومية ... المانشافت لعب (13) مباراة نهائية في كاس العالم وامم اوروبا والحصيلة: (6) مرات فوز ودا غير المركز التالت والرابع لا يعد ولا يحصى |
نسبة ممتازة قياساً بأن كل مرات الفوز تمت على فرق عريقة وذات وزن فليس من المتوقع ان يصل الى تلك المراحل فريق ضعيف
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: omer osman)
|
صحيح ملاحظة مهمة رغم انها لا تمثل مؤشر موضوعي يمكن الحكم من خلاله .. المانشفات كان قاسم مشترك دايما في النهائيات او المربع الذهبي لكاس العالم وامم اوروبا ، اعتقد كان طرف في النهائي في كاس العالم 82/86/90 تلات مرات على التوالي فاز في واحدة بس ، والمانشافت دائما ركيزتو الاساسية هي البايرن والاخير ايضا خسر نهائيات كثيرة ووصل لربع النهائي مرات كتيرة برضو .. لكن في المقابل الاحصائيات برضو بتقول انو برشلونة خسر نهائي دوري الابطال اربعة او خمسة مرات ، ووصل لربع النهائي اكثر من عشر مرات بينها ستة مرات متتالية في السنوات الاخيرة ، فالفريقين بتشاركو في الحتة دي .. رغم اني بشجع برشلونة بشكل مطلق لكن بايرن فريق مرعب ، يمكن خطورتو مع برشلونة اقل من خطورتو مع الريال لانو متوازن جدا في كل خطوطو والفوارق بين لعيبتو ما كبيرة وتشكيلتو فيها لاعبين متنوعين على المستوى البدني من حيث القامة وعلى المستوى المهاري والسرعة ، يعني عندهم كل انواع اللاعبين ، في ريال مدريد مثلا الفرق بين رونالدو والبقية فرق الليل للنهار ، في برشلونة في مشكلة قصر القامة لمعظم اللاعبين والضعف البدني .. البايرن بامكانه الاستحواذ على الكرة (غوستافو / شفاينشتايغر / مارتينيز / ريبري - كروس) وبامكانه شن هجمات مرتدة سريعة جدا (روبن -ريبري) وبامكانه احراز الاهداف من كرات ثابتة وضربات راسية (مانزوكيتش - غوميز -فان بويتن) .. ولديهم حارس مرمى بارع جدا احتياط بمستوى عالي يكفي ان فيه ماريو غوميز الذي سيبدأ اليوم ..
| |
|
|
|
|
|
|
Re: عفواً ليس ضد (البايرن) يا (برشلونة) ... (Re: Abdullah Idrees)
|
Quote: لانو متوازن جدا في كل خطوطو والفوارق بين لعيبتو ما كبيرة وتشكيلتو فيها لاعبين متنوعين على المستوى البدني من حيث القامة وعلى المستوى المهاري والسرعة ، يعني عندهم كل انواع اللاعبين |
بالضبط ياعبدالله وانت بالمناسبة ذكرت حاجة مهمة جدا وافتكر هي سر تفوق الكورة الالمانية وحضورها الدائم في المناسبات الناس ديل ماعندهم حكاية (السوبر استار) زي باقي الفرق والدول عشان كده في جماعية وعطاء وبذل جماعي ولاتوجد حساسيات بين اللعيبة ... حتى نجومهم الذين اشتهروا على مستوي العالم لايتم التعامل معهم باعتبارهم (سوبر استار)
| |
|
|
|
|
|
|
|