ياسلاااام ياودبادى ياخ ..ياسلام ياسلام ...

مرحبا Guest
اخر زيارك لك: 03-29-2024, 01:57 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثانى للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-21-2013, 09:41 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ياسلاااام ياودبادى ياخ ..ياسلام ياسلام ...

    -
                  

04-21-2013, 09:44 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)



    الشعراء انبياء الحقيقة ...وبوصلة الشعوب حين
    تضيق عليها الدروب ...اعاد ودبادى فى هذه الليلة
    للروح طمانيتها وثقتها ...وسد على الاحباط الابواب ...
    اشعر واجاد واطرب واستشرق واضاء الطريق ...
                  

04-21-2013, 09:46 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)



    شعر بايقاع المردوم والكمبلا والدلوكه والطمبور ..
    شعر بكل الايقاعات السودانية ...ويمكن ان ترقص
    على انغامه كيفما تشاء ...
                  

04-21-2013, 09:48 PM

سامى عبد المطلب
<aسامى عبد المطلب
تاريخ التسجيل: 01-11-2013
مجموع المشاركات: 1814

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)

    ليله من ليالى الخرطوم الجميله تابعناها عبر النيل الازرق
    اتمنى ان يكون الباشمهندس بكرى قد قام بتسجيلها
                  

04-21-2013, 09:49 PM

باسط المكي
<aباسط المكي
تاريخ التسجيل: 01-14-2009
مجموع المشاركات: 5470

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)

    Quote: الشعراء انبياء الحقيقة ...وبوصلة الشعوب حين
    تضيق عليها الدروب ...اعاد ودبادى فى هذه الليلة
    للروح طمانيتها وثقتها ...وسد على الاحباط الابواب ...
    اشعر واجاد واطرب واستشرق واضاء الطريق

    ياسلام عليك ياااخ نفس الشعور
    من سنين ماشاهدنا سهرة كداا
    اتنفسنا يعلم
    محمد سلامات بعدغياب
    ياجميل الخاطرالله يجبر بخاطرك والحقنا بفديو
    واي شي
                  

04-21-2013, 09:54 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: باسط المكي)



    ليلة بالمذاق السودانى الحارق ...ودبادى بثوبه
    السودانى الانيق وبحضوره القوى (القوى جدا) ...حضور
    بديه وشعر ونكتة وذكاء وطيبة ومحنة ...طه على البشير
    زعيم امة الهلال قبل ان يدخل عليه الغرباء كان حاضرا ..
    حاتم السر كسنجو ...واحمد عبدالله بشيبته البيضاء كان
    هناك ...وذلك الحاج السودانى الذى حمل عصاته واتى
    ليسمع شعرا ...وبكى مع حنين حروف ودبادى وصدقها
    واصالتها ...

    يالها من ليلة ...تمنيت ان لاتنتهى ...
                  

04-21-2013, 09:56 PM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)

    تحياتي أخي محمد


    فقد أجاد ود بادي وأبدع..


    بيد أن قصائده قد حقنت أوردتنا ببلازما جديدة..


    وأحيت في دواخلنا آمال كانت قد توارت ...

    متع الله ود بادي بالصحة والعافية وحفظه


    --

    وفي إنتظار تسجيل لتلك السهرة الممتعة بحق
                  

04-21-2013, 09:56 PM

على عبدالله بشير
<aعلى عبدالله بشير
تاريخ التسجيل: 01-10-2013
مجموع المشاركات: 963

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: باسط المكي)

    يا للروعـــــــــــــــة و الجمــــــــــــــــــال ...

    الشاعر محمد بادى العكودابى كالذهب لا يصدأ
    أشعر و أبدع و شعره صور لنا لوحات جماليه
    عشناها حقاً و حقيقة ... وكأنه حملنا على بساط
    وعاد بنا للزمن الجميل ...
    لله درك يا ود بادى ...
                  

04-21-2013, 10:15 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: على عبدالله بشير)

    ما كان عندي غير الدموع





    ...............................
    يبدو انو ما حايكون عندنا غيره
                  

04-21-2013, 11:48 PM

علي محمد الفكي
<aعلي محمد الفكي
تاريخ التسجيل: 01-08-2013
مجموع المشاركات: 3863

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عمران حسن صالح)

    سلوة
    وجزيرة عِبدِلله

    بنت الخير طيبة اهلنا المحنة والاصالة

    سجل الخالدين

    طبيب لم يفتح عيادة خاصة

    الاحساس بالغبش وانه منهم واليهم

    محمد بادي اخذته منا السياسة بدء

    ثم جيرته الغربة والمنافي

    وفوق ذلك داء المبدعين من ابناء بلادي وهو الحياء والابتعاد عن الاضواء

    والزهد في وسائل الاعلام ..

    والتي اصبحت لا تحتفي في الغالب الا بمن يطرق ابوابها ويطلبها من انصاف الموهوبين

    لله درك ايها الجميل الاصيل

                  

04-21-2013, 11:58 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 14411

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: علي محمد الفكي)

    يعلم الله خليتو رِوِيحتنا معلّقة بين
    الأرض وبين السماء.

    الحقونا بالتسجيل، ربي يطيّب خاتركم.



    سلآم للجميع...
                  

04-22-2013, 04:49 AM

عبيد الطيب
<aعبيد الطيب
تاريخ التسجيل: 08-31-2012
مجموع المشاركات: 1800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: معاوية المدير)

    الأخ محمد عبد الرحمن لك الشكر
    نعم ليلة طعمها خاص وعبقها خاص
    كانت البداية من الرائع أزهري محمد علي
    قصيدة مذهلة أحسبها من أجمل الشعر
    ثم الشاعر محمد مهدي وشعره الطاعم
    وجاء القدال بظرفه وجماله والقه
    ثم النصري ومجموعته ونقرشته علي هذا الكائن الحي او كما يقول ود بادي
    "الطمبور إذا ما ناح مع غنايو عكس الريح بجينا"
    واخير طلّة ود بادي البهية وإلقاءه المهول

    لكم المحبة ومنتظرين التسجيل
                  

04-22-2013, 05:11 AM

saidahmed shami
<asaidahmed shami
تاريخ التسجيل: 01-08-2013
مجموع المشاركات: 2348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عبيد الطيب)

    يا سلاااام ياخ



    دي ما زي المطر بتقيف ولا زي البروق تشلع
    دخلتها بي مسام الروح غلبني من إندهاشي اطلع
    دخرتها لي يبابي خريف رمتني على البلد مقنع
    بنتني من المحبة صروح كتبتها في غناي مطلع
    دي منها والكلام بيقيف لا بينقال ولا بيرجع
    يا سلام،،،
    دي ما زي غابة الابنوس ولا زي النخيل في الطول
    دي كان دخلت خطاك في تيها اقل شي تمرقك مذهول
    حروفنا كما القبيل حروس يطريها الهوى المشتول
    عصية علي الكلام يوفيها حقها في الوصف والقول
    بحور شعر الخليل قادوس غتس في لجها المجهول
    يا سلام،،،
    دي غايبي حاضري ديمة معاي حضور شاهد علي الوجدان
    رمت شتل الفرح جواي وسط غابات من الاحزان
    بنت بيت القصيد في غناي حنين بيهو الحروف تزدان
    اساسق بالعشق في دماي سرى وسكن الحشى الولهان
    بهادن سكتي ومنفاي تهون جم طرفها الفتان
    يا سلام ،،،،
    دي ما زي البنات من جم ولا بنجر فوقا النم
    دي كان شرقت على الاوزان يقوم نفس الشعر بنخم
    ممردق صوتا بالاحزان كحال اهل البلد من جم
    كما النيل موسم الفيضان تعم بالخير وخيرا اعم
    ملامحا تشبه السودان ودا المديها لون وطعم
                  

04-22-2013, 05:40 AM

عبيد الطيب
<aعبيد الطيب
تاريخ التسجيل: 08-31-2012
مجموع المشاركات: 1800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: saidahmed shami)

    Quote: دي ما زي البنات من جم ولا بنجر فوقا النم
    دي كان شرقت على الاوزان يقوم نفس الشعر بنخم
    ممردق صوتا بالاحزان كحال اهل البلد من جم
    كما النيل موسم الفيضان تعم بالخير وخيرا اعم
    ملامحا تشبه السودان ودا المديها لون وطعم


    شكرا يا سيد أحمد شامي يا زول يا جميل يا دعاش
    وشكرا للشاعر الرائع ود المهدي

    محبتي
                  

04-22-2013, 07:02 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عبيد الطيب)

    كانت ليلة منة أجمل الليالي

    أبدع فيها ود بادى وأجاد

    سلب الالباب وسبب لي صداعا شديدا بسبب شدة الانتباه

    عفا الله عنك

    كلك جمال
                  

04-22-2013, 07:07 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: garjah)

    كتتتر المحلبية شوية في قصة الزكاة والصدقات ..وخرمج لمن حاول يدلل أحاديثه بي الكتاب والسنة ..ما كان في ليها أييي داعي الحركة ..شالتو الهاشمية ساااي وبرطم بي كلام ما موزون ..
                  

04-22-2013, 07:11 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عمر الفاروق)

    اهداء لصاحب الخيط

    محمد

    وزواتره الكرام

    هـــوى يـا وليـــد

    هوى يا وليد يا دلوعة يا مرنوعة
    أعدل إيدك المفدوعة
    واتلحلح واقيف دغرى وواس صدرك
    مع صدرى واتشدّع


    ليك الحق
    شان ولدوك فوق اسفنج
    وحتى أول جديد سوهو ليك بالبنج
    وهسع هوايتك إنك تلعب البنق بونق
    وليك الحق عشان فطموك بعد مازدتا فوق سنتين
    وفى سن عشرة نومك كان على الليدين
    غطاك بالشاش وفرشك بحرير الصين
    والبتدورو كلو بتلقى غاب قوسين
    ابوك مليان وجيبو سمين وقلبو سمين
    وفاتحلك حساب فى البنك والتأمين

    وليك الحق
    عشان ما خضتا فى وحل المطر والطين
    ومن الترعة ما سويت شراب الهين
    وما قيلتا فى ضل دومة بى فرعين
    وما شاققتا عرق النيل مع الوزين
    وليك الحق
    عشان ادمنتا عيشة اللين
    مشي الاسفلت ما جربتو بالكرعين
    ركوب اللورى فى شمساً تصر العين
    وما عانيت وقوف الصف وراء التموين
    عشان يا انتى ما بتدرى سجل ابواتك البدرى
    دحين اسمع .. أقيف واسمع
    سماك الباكى مجدو الزال
    يا ما كانوا تحتوا رجال
    ابوخنجر وابوشوتال
    والصقر البجيك خوجال
    صوتن كان يمين جلجال
    ومكسيين كمال وجلال
    لكن الزمن اسرع
    سيفن بلحس الفقره
    وما كان برضو بالحقرة
    وكانوا بضبحوا الشقره
    وكانوا بضوقو العادوه نوم الكوع
    وكانوا بموتوا فى شان حرمة المفزوع

    الجعلى اب شرابا حار وقالوا بعدى يومو خنق
    والشايقى البياكل النار وفوقو نحاسو متخنق
    ودرفون البجا الصقار وحاقب سيفوا ياكل الشق
    والغرباوى عينو شرار وكضب القالوا عندو عرق
    والنيلى البعرفوا كتار على كتل الأسود جرّق
    والبطحانى والشكرى وغيرهم من أهل فخرى
    ومنهم أصلى لا بشبع ولا بقنع


    هوى يا وليد
    حصل جربتا كب السارية
    فى القلعة وخلا العتمور
    وشفتا بروقه تترقص وتتحرقص
    تقول مطويه فى قرقور
    وعاوى الزيفة ينفخ فى جبال النقعة زى الصور
    والحصحاص يجرفوا السيل
    يكنسوا على مهاوى الخور
    وقلب الصاقعة يتطرقش
    يكب النار دمار وشرور
    وشفتا الحال عرق مقلوع
    جبل متروم فرع مكسور
    جمال غرقانة بى حالا وحد المويه فى الغرغور
    ود ابن ادم المسكين نجاتو تحت قرون التور
    والعوتيب يجيك يجرى يشيلك وانتى ما بتدرى
    وما بيرفع


    هوى يا وليد ...
    حصل سادرتا بالديداب
    وقدامك مراحك وراكب الخباب
    ودربك طولوا يملا العين
    سحاب وغبار ومويتو سراب
    وهوى كرباجك البكاى
    يبكى على ضهور الضمر الانجاب
    وتسرى الليل وما تضوق هجدة
    لو كان النجم ما غاب
    وبعد أيام تجيك لفته
    ويلوحلك فى البوادى سحاب
    وتكرف من دعاش العينة تملا رئاك
    عطر وأطياب
    تلقى الوادى خضر زى تقول
    ماكان خراب ويباب
    وبت ام ساق تقييل من ضحاها
    على المعالى ونسمة الهباب
    وتفرش ليك حزمة نال تحت
    سيالة تريانة فروعها قراب
    وتنفخ كل آهاتك مع المزمار
    تصوغ الحان ملانة شباب
    وتنسي الدنيا كل الدنيا
    ماعندك معاها حساب
    خلاف برقا يشيل حرقاص
    أو رعدا تقول رصاص وكت فركع


    هوى يا وليد ...
    حصل صحاك عز الهجعة
    صوت شتماً بعيد مخنوق
    وجاتك شخرة الطنبارى مشتاقاً يسوى القوق
    ونومك طار واتقسم والرشرش صبح مفروق
    واتلفحت نص من توبك الجرجار
    على الدلوكة سايق سوق
    وتلقى هناك بنات بلدك ولاد بلدك
    يعلو الصفقة تقدح فى القلوب الشوق
    ونغم الفال ابشرن يا بنات بالخير
    والجنيات تطير لا فوق
    وكم زغرودة تتفجر تفور بالناس بعد ما تروق
    يعوم الوز صدورو تشابى للمجهول وما بتضوق
    تميل زينوبة زى البان يمين وشمال تودى الطوق
    واخوان ام شلخ ينكبو جوه الداره
    زى صقرا نزل من فوق
    ضرب الصوت والركزة بيفرق الناس
    عشان زينوبة ما بتحوق
    وعاد تتحزم الجنيات وتتنظم تقيف في روق
    وكل واحد يهز ضرعاتو والحجبات تزح لافوق
    جفير الخوسة فايت الكوع
    وسيرو مع العضل مطبوق
    والطاقية تحت الحاجب المعقود
    هدية أم زين وما مشرية من السوق
    ويتقدم عريس السمحة رافع صوتو
    كان بسوقوا بيهو النوق
    والعنجاوى ينزل فوق ضهورن
    بس تقول منشحطة فيهو بروق
    يبدا مجرو بالترقوة ويتحدر
    مع الضلع القصار ملصوق
    واحمر عين يشم الدم بعد ما يرش بنات
    عمو ويزيدن شوق
    وثابت حيطة لا بتهز ولا بتلز
    وصارى جبينو كلو عروق
    وقال بعد العقد طلقانة ما يحجزوهو
    إلا يخلو ضهروا شقوق
    هناك الحال مغير جد وهيجة الناس تفوت الحد
    وكان حجازو مد الليد بتسمع كع



    هوى يا وليد ...
    حصل شارفت دغشا بدرى
    فوق حجرة مخانق النيل
    فى سنة تساب والشرقي
    حزم القيف وطفح الكيل
    وشوفتا الهيبة فوق اسيادا
    والشخرى البكتل الحيل
    وشفتا الجارى يحفر فى جروف كوكبنا
    بس داير يشقو عديل
    يجيك بي صدرو متحزم ومتلقف صفوف فى صفوف
    يحاكى الخيل
    ومويتو الهايجة تبلع جب
    وتجقم فى مدالق السيل
    وفوق الرملة مشرور العشارى طويل
    معشعش بين نوايبو الطير
    حليلو جزايرو جاها النيل
    وحالف ما يخلى شبير
    حزم اطرافا يكسر فيها
    بالهدام وينحر فيها بالقرقير
    وبكرة يموصها يشرب طينها
    يزرع فيها شلالات هدير وهدير
    وتكسح مركب النواتة عايمى
    على قرون الموج جناحها كسير
    رواسيها مالى اصابعوا فى المجداف
    يقوم لافوق ويجى من تانى فوق الدفة
    رافع ايدو ينده فى جملة الصلاح واهل الخير
    هناك الموت يمين شافوهو شوف العين
    ومافى شفيع ومافى مجير
    تقول الزول يعرف اجلو
    ومكان موتو لولا إنو ما كشفو الإله لى غير
    عاد ما دام رقاب الموج تمد لسناتا
    فوق للحيف تكب الصير
    وشن فضل بلا الغرق البدور ناعى
    وفعلا كانوا يا هو مصير
    ومشيت المركب الغرقاني بين موجتين
    طفروا منها النواتا بطن اللجّة قالوا اخير
    تماسيحاً يقالدوا الموج يصارعوا
    عتاوة العرق الكتالو مرير
    ساعة يعومو بالضرعات وساعة فج
    صدورن ضمة مااتبلت ولو قطير
    ديل يا وليد ولاد النيل
    رضو الهيجة من صدروا
    ومن الطيبة رضعوا كتير
    الواحد فعايلو كتر ونضمو دقاق
    نهرتوا يمين تسوى الفاق
    ومراً أصلاً لا ضاقوه لا بنضاق
    كفاك يا وليد بلاش فاقة
    خلاص أنا تهتا فى الاشواق وما برجع
    وهسع ضمة لا شايفك ولا بسمع .




                  

04-22-2013, 07:13 AM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عمر الفاروق)

    Quote: كتتتر المحلبية شوية في قصة الزكاة والصدقات ..وخرمج لمن حاول يدلل أحاديثه بي الكتاب والسنة ..ما كان في ليها أييي داعي الحركة ..شالتو الهاشمية ساااي وبرطم بي كلام ما موزون ..

    ياعمر يا فاروق
    أها وباقي الكاس المليان ؟
                  

04-22-2013, 07:15 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عمر الفاروق)

    Quote: لشعراء انبياء الحقيقة ...وبوصلة الشعوب حين
    تضيق عليها الدروب ...اعاد ودبادى فى هذه الليلة
    للروح طمانيتها وثقتها ...وسد على الاحباط الابواب ...
    اشعر واجاد واطرب واستشرق واضاء الطريق ...


    شكرا محمد ومحمد

    يعلم الله أدانا أمل في السودان البنعرفو...وأمل قوي جدا...
    فشكرا لودبادي وشكرا لزين...وهي فعلا عالم جميل...
    فالعمائم السودانية التي تقاطرت من سلوة والبطانة
    والشرق والغرب...ومن أقصي الشمال...

    بعبدالقيوم شريفها ملك الطرب الطنبوري بلا منازع
    أهدونا ليلة من الطمأنينة والفرح...ودفعة أمل لا تنضب

    وشوف عيني دي شفت معتصم دفع الله زميل المنبر
    بفنيلة مخططة يجلس في قمة الحضور...هنيئا لك معتصم...
                  

04-22-2013, 07:21 AM

saidahmed shami
<asaidahmed shami
تاريخ التسجيل: 01-08-2013
مجموع المشاركات: 2348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: nazar hussien)

    هديه لصاحب البوست وكل الحضور

    ساجعات القرير

    كلمات / محمد بادي
    الحان : عبدالقيوم الشريف



                  

04-22-2013, 07:40 AM

عبدالمنعم العوض

تاريخ التسجيل: 08-21-2012
مجموع المشاركات: 399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: saidahmed shami)

    محمد عبدالرحمن يا رائع لك سلامي وتقديري
    بالله الذي لا غيره من سنين ما شاهدت ليلة مثل هذه كانت ليلة ليلاء تنضح بالوطنية وحب السودان وكل اناء بما فيه ينضح فلله درك يا محمد يا ود بادي
    كان الحضور مشدوها بقدرما كان عريس الليلة وفارسها جاذبا وحاضرا
    ابداعات مثل هذه تعيد فينا روح الامل وتؤكد ان السودان بخير ولا محالة عائد في دواخلنا جميل كما كان عظيم عظمة مجده الذي مضى وان ما بنا الان من وجع ماهو الا عارض سيزول فيرجع الوطن معافى كما رجع ودبادي بمثل هذه الروعة بعد طول غيلب.
    هكذا كنا وسنظل حتى يحكم الله بيننا وبينهم وهو خير الحاكمين .
    ليلة الامس كانت حد فاصل بين دجي ليل العسف وفال اشراق الحرية وضعه ودبادي بحسه المرهف وجسارته واعتداده .
    الحقونا بالتسجيل يا محمد ولك الشكر .
                  

04-22-2013, 07:27 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: nazar hussien)

    يا عمران أهو ده باقي الكاس المليان قاعدين تشربوا فيهو إنتو كل المتداخلين هنا مش؟
    مرات في كلام كده بيتقال لإلهاب حماس الحضور والجمهور دون النظر لما سيترتب عليه ومرات بتقول الكلام وإنت ما بتعنيهو ولااا بتقدر عليهو لكن بتشيلك الهاشمية وبتقول الجمهور عايز يسمع كده فخليني أسمعهم ..
    هو ما كان محتاج يتطرق للحتة دي لمجرد إنو المتواجدين اهل البطانة وناس الكرم والجود ..وده في حد زاتو تناااقض عجيب جداً إنك توصف شعب بالكرم والجود وإنت ما عايزو يقبل الجودية دي!!!
    يعني نتكارم على منو؟؟ خلاااص نحن البلدنا ملاااانة ضيوف وأجانب؟؟ ياهم حبيبة الخواجات ديل وشوية الأفارقة والعرب الزوار ديل ؟؟
                  

04-22-2013, 07:27 AM

عبد الحي علي موسى
<aعبد الحي علي موسى
تاريخ التسجيل: 07-19-2006
مجموع المشاركات: 2929

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: nazar hussien)

    ليلة جميلة للغاية وتسلم يا محمد عبد الرحمن.
    حال هذا البلد بكانى ما سكتنى
    ريدتن فيهو كيف مالكانى كيف هلكتني
    نارن فيهو كيف ماكلانى كيف لهبتنى
    الاّ ترانى فى العرضة انحسب برانى
    والناس البتعرض جوه مما سمعتنى
    الاّ ترانى انبح زيي زى إخوانى
    والخيل بى عجاجة عمتنى
    توبى قصير وما غطانى
    والزيف ام برد شقتنى
    قلت اباصر امرق بره من احزانى
    وين قبلتا سفكت دمى وإتعدتنى

    ولا زينوبة آخرت إيدى فى الدنيا أم بناين هش
    من شافتنى جفلت منى خنست فى نوايا القش
    مرادى سلاما يغسل حزنى
    الاّ سلاما زاد احزانى زادنى عطش
    لحقتها فى الفريق اتناسا وانشد حالا
    طلبتها شاى وقست مداسا
    قصرت عينى فوق خلخالا
    لفحت توبا لحقت ناسا
    وقفت غادى عدلت حالا
    غزت كوعه هزت راسا
    لفت جيدا قالت لا لا
    قالت لى شن معناك وشن كسب الرجاك ورجاك
    وشنو الراجنو من تالاك
    زمنك كلو تاكل باردة ماضق شر
    زمنك كلو نحن نعوم وانت تغنى ماسك البر
    وزمنك كلو فوق الفارغة فوق ريح المدن منجر

    الخير إن مرق من دارنا لا انحسيت ولا نحاس القبيلة نقر
    ولينا سنين خلانا سموم وما شربت حفايرو مطر
    منيحه الشافع الاماتو راحن فى شموس الحر
    صقور الباشا نهشن من ضروعا وفوقنا طارن فر
    كلاب الباشا فطرن فيها وما لقن البيقول لها جر
    والباشا الغشيم فى ذاتو قعقع ومن كبادا فطر
    لا ولدن يقولو انتر ولا مهيرتن تقولو فشر
    ويا الباشا الغشيم قول لى جدادك كر

    بعد حكت العليها اتوهدت برزن بروق عينيها
    كست خلاصى بين إيديها ما لقيت البلفقوا ليها
    وقعت دمعة من ود عينى قلت اخفيها
    وقعت عينى ذاتها عليها
    حسبت المسافة البينا قلت امشيها
    كفتنى الصقور بي جيها والبلد اترمت بي جيها
    حكموا كتافى عقدوا لسانى ضاروا وشيها
    غنوا اتهنوا تربوا وشربوا من بكريها
    مصرو ثديها شربوا سلاف معتق من لذيذ شفتيها
    عينى تشوف لسانا وصرختا وثكليها
    عبلة تنادى فى الولد البشق التيه
    عبلة تنادى فى الولد البعرف الجيها
    عبلة تنادى فى الولد البعدلو وشيها
    عبلة تنادى واقفة قصادى مصروا ثديها
    عينى تشوف لسانا وصرختها وثكليها

    هيا ريح الصلاح هبى
    وامرقى من متاريسك
    من طرف البلد شدى
    وسوى البرجى داك ميسك
    بارده علينا تنكبى
    ودمنا زيت فوانيسك
    هو لا شرقى ولا غربى
    بينزف من دراويشك

    والليلة يا ريح الصلاح الهابا فيك راحه وجع
    والليلة الشجر الكبار وحشاه ناقرو السوس بقع
    والليلة حق الناس ببين والليلة بنشوف البدع
    والليلة وين البرقى من تالاك يبين
    والبرق من تالاك سنين
    يبرق كذا سيوف الصحابه الساجدين
    والعاديات المؤريات خرشه جنات فى الارض جات
    والخلوق الضايقة لا قوها اجمعين
    عرب البوادى المن شرق والامه دى المصلوبه
    فوق حبل الصبر لما اتمدت والكادحين
    والصالحين والساجدين والعابدين والزاهدين
    ونفضنا من زمن الجدود صقر السنين
    وسرجنا خيل مسروجة من زمن الحسين
    وعرضنا زين
    وجمعنا غطا المشرقين والمغربين
    واميرنا صاح الرايه وين
    والجمع صاح الرايه وين

    ومشينا بالتاريخ ركبنا على البساط الأحمدى
    كايسين محل وقعت سوارى الرايه
    وانقطعت تواريخ النعوش
    ولقينا باقى الرايه فوق قبر الخليفة الراشدى
    مليانه دماً كيف ندى
    وساريها فوق الفتنة دايخ ومنتكى
    وغسلنا بى دمع الندم قميص عثمان من الدم الزكى
    وعقدنا حبل الدين على طرف القميص المكملى
    والراية زادت من الملى ورفرف قماشا المخملى
    وحرسوها زى سبعين ولى
    ما جلهم حراس الهنا ما جل حراس الأمانة وديدنا
    يات من حوار ختم الكتاب ختم السند والعنعنا
    يات من ولى ودرويش غرق فى الهمهمات والدندنا
    آن الاوان والخير دنا
    اتحزموا السبح الطوال واللوح برق
    ارجونا فوق طرف الجبل مشهادنا نفزع مجدنا
    ايد فى لجام الخيل تقل والتانية فى لجام النفوس

    المادحه فى درك الزمن
    يا امه كسلى ونائمة فى تياب الكسل
    وهواها ماشى مع الأضل
    الخيل مصوبر فى محل والخيل تجقلب فى محل
    بعد العدل والريح صلاح والظلم راح والصاح قدل
    بعد الشروق يا امة وسطا بتشهد فى الخلوق
    بعد الشروق نجمك أفل نعشك غشانا على عجل
    يا امة وافاها الاجل وماتت على سوء الختام
    واخر الكلام فى لسانا كان هبلاً .. هبل
    هبلاً .. هبل
                  

04-22-2013, 08:46 AM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عبد الحي علي موسى)

    رضعتك في لبي الامات
    وشيلتك زفة في البيشان
    وفي اللمات نميتك غني وأنات
    هسع وفي صباي الفات
    وهزيتك نصايف الليل بوارق والذكر تهليل
    وشيلتك فوق عواسي الخيل
    مجرتق والرقاب شارفات
    واريدك ياعزيز الشأن
    وناديبك ونادهك في البلاد
    سودان اهاتيبك
    وكاتمك في الفؤاد اشجان الاهيبك
    وشايلك في الكتف ريشات اباهيبك وناديبك
    واهاتيبك واباهيبك والاهيبك موقدة في لاهاليبك
    وشيلتك لوح ادون في نورات الفجر
    اتهجأ في الاخلاص
    وارتل لوح ونسماتا دغيش بتفوح
    تتاوق في رواكيب الفريق
    تنكب تدلق في النفوس الروح
    ومجروح السواقي تنوح
    مدد مدد ياشيخ
    ياود التويم انا مجروح انا مجروح
    وكان الشيخ ينزل في الورد
    ياسيوح وياقدوس



    شعر يصلح للرقص والذكر والبكاء والفرح ...
    بامكانك ان تضع ايقاعات نوبة السمانية خلفية
    له وهو يقرا ولاتجد نشاذ...وان شئت ان تستبدلها
    بالمردوم والكمبلا والدلوكة فافعل ...فالتناغم بين
    الايقاع والكلمات موجود وحى و(حارق) ...وان انصت
    قليلا بامكانك ان تسمع تراتيل البرهانية واناشيد
    الختمية وقصائد اهلى الانصار الحماسية ...هذا شعر
    سودانى مبين ...هذا شعر من نفس الجرارى والجابودى
    والطمبور ...قد تنفس ودبادى برئة شعب يجب ان
    يبقى رغم جور الحكام والملاريا والبعوض والتتار ....
    لم يهادن ولم يجامل ....كان صوته قويا ورؤيته
    واضحة ....فقد دعا لحزب لاياكل افراده الحرام
    ولايقصون الراى الأخر ...اعاد التوازن والثقة بكلماته
    لكل من سمعه ...والشاعر الفذ بين الناس رحمن او كما
    قيل ....
                  

04-22-2013, 08:53 AM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)



    تربيع سلام لكل من مر من هنا .....
    حبابكم فى رحاب ودبادى الشاعر التربالى ...
    والتسجيل عند قبيلة التكنلوجيا والمختصين
    واكيد حايحلقونا بيهو ....
                  

04-22-2013, 08:54 AM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)

    بس يا ناس زين

    الراجل محتفلين بيهو المسا

    تخلوهو يتغدى سخينة

    في الدروشاب

    عيب عليكم
                  

04-22-2013, 09:47 AM

طاهر بدر
<aطاهر بدر
تاريخ التسجيل: 05-30-2012
مجموع المشاركات: 555

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: محمد عبدالرحمن)

    محمد ...
    معاك بنقول يا سلام ..ود بادي
    في مرثية حميد الزول دا فتح للسما السابع ...ولامس كل اوتارنا ... ياخي بس رغم كل دا ...احساس بانو في شي ما طبيعي
    الراعي ...زين ... النيل الازرق ... والاتنين ديل زي المستقلين الاحرار البصوتوا للاتجاه الاسلامي في الجامعات
    والدور الرئيسي ليهم تزيين الوجه السيء .... للتنفيس
    الواحد لما يسمع لود بادي ...مفروض تكون المنصة الواقف عليها يناغمنا منها ...حقتنا وبتشبهنا
    ما تم يعد في اطار محاولات تحييد الرموز ... الغابت وما جابت او الحاضرة وانعصرت
    انتو مافي طريقة لي قناة لما تجيب واحد زي ود بادي نحسها مننا ولينا
                  

04-22-2013, 09:54 AM

وضاح عبدالرحمن جابر
<aوضاح عبدالرحمن جابر
تاريخ التسجيل: 10-11-2012
مجموع المشاركات: 1986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: طاهر بدر)

    للاسف حضرت آخرها
    وسمعت قصيدتين تلاته بالكتير



    غاب كتير عن الاعلام لما الواحد نساهو

    يا ناس البرج العالى سلام
    كانت اشهر قصيدة فى طفولتنا وبواكير الشباب
    ................

    يا سكان القصر العالى سلام
    يا ناسات البرج العالى سلام
    اااانويسات البلد البلد الغادى سلام
    ادونى سلام وان جيتكم تانى ملام
    تبقى مصيبة ان كان السنة انعدمت بين الناس
    تبقى مصيبة ان كان القرش اللحمر
    قسم الخلق اجناس اجناس
    يالمالين الكاس من الخلق الشربت عرق الفاس
    يالشرف البدرى انداس0 والبلد الظالم شالكم فوق الراس
    انواركم طعنت كبد السحب البكايات
    واغار الليل سالباه كهارب الهجعة الضوايات
    قائمين الليل الكاس مليان الجوف مليان
    اللحم الطازج راقد بالعينات
    وغفيركم نوم برق برق القبلة ابراسا قوى
    وجنبو كلابوا الهوايات
    يا سادات البزخ البازخ0 يا بعض كروش مليانة فتات
    يا نجس الارض المدعية0 يا نسل الامم المدعيات
    ماعون الوسكى اللحمر علب البيرة الصايدر
    حتى قزازة البلد الناقع نازف من شريان المشرق
    مصوا الخبث الفيه0 سما اعشرق
    ونحنا ادونا الفاضى هدية
    يقعد فى شمس الله تلاتة ايام بطهر منو السية
    نسلخ منه الدمعة الوصفت عينتو والكمية
    تمشى ام احمد تغسل بطنو وضهرو وما لازماها وصية
    بعضا ينفع دلو نشال0 فى البيرام تسعة رجال
    تقدلبو بنية حلوة مع الشحلال0 تسقينا حلال وزلال
    الفاضى الكان مليان احزان واطرافو تشيل
    اتحول كوب معقود فوق قلة تنقع وراقدة سبيل
    سبيل متروف مسروف بين سيالة رامية ضليل
    الغاشى الناشى الراحل ونوخ دابو ودل الشيل
    لى حتى الطير الطائر وناوى رحيل
    والولد السادر فوق مشهادو ودربو طويل
    وعموم الناس والفرع الصايدو يباس وكلاب الحر وبنات الريل
    بتشيل بتبل الريق0 الموية نواحى السافل موية نيل
    يا سادات البرج العاجى سلام
    ااانسات البلد الغادى سلام
    والله ان كان عارفنى تمام
    قدامكم وما شايفكم وساعت اشوفكم
    اشوف قدامى اقزام
    اما سوالف00 تبنوا عوالى تناطح الغيم الراحل تالا السافل
    دور فوق دور وحدائق سور وتلاتة مداخل
    باب مفتوح فى باب مغرون دهليز ومجاهل
    القرش اللحمر صايل 0 حاكم بينكم تارك وفاعل
    اللقمة بتوصل حلقك بالايجار
    الريش اتقصقص تحتك بالايجار
    لكن الموت كان جاكم طرفة عين بتاجروا مين
    كان الموت بالاجرة يفوت
    بتاجروا زول فى شانكم اموت
    لكين الموت مرسال جبار وعنيد
    اعزار الناس واعمار الناس اموال الناس
    وعظمة الناس فى اييد والموت فى اييد
    ارقدوا عوافى ونوموا عوافى
    فوق الفوق0 لا حر لا سموم لا سوافى
    الليد الطايلة تجيب المافى
    خزائن الارض ونعيم الدنيا الزايلة
    كلو معاكم وما كفاكم
    حتى القرش شن فاتكم للبستاهلو
    تندموا ليش ما جاكم
    الملك النازل فجراوى وشايل ارزاق الخلق الرقدوا رقاد
    انتوا تخطفوا اللقمة الحفت من جنحين الملك الرفت
    وسيدا يموت بالفاق
    العين ان زاقت شن بملاها
    خلاف مولاها وبيتا رملو دقاق
    يا سكان القصر العالى وداع
    يا سادات البرج العاجى وداع
    ياناسات البلد الغادى وداع
    نتقابل يوما داك
    ونصفى حسابنا الصاع بالصاع
    ..........
    منقولة من قوووقل
                  

04-22-2013, 09:59 AM

شمس الدين التوم
<aشمس الدين التوم
تاريخ التسجيل: 01-14-2013
مجموع المشاركات: 720

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: طاهر بدر)

    Quote: الجعلى اب شرابا حار وقالوا بعدى يومو خنق
    والشايقى البياكل النار وفوقو نحاسو متخنق
    ودرفون البجا الصقار وحاقب سيفوا ياكل الشق
    والغرباوى عينو شرار وكضب القالوا عندو عرق
    والنيلى البعرفوا كتار على كتل الأسود جرّق
    والبطحانى والشكرى وغيرهم من أهل فخرى
    ومنهم أصلى لا بشبع ولا بقنع

    هذا هو السودان الموحد

    ياجماعة واحد ينزل قصيدة ابريل لهذا الرائع
    التي تقول احد ابياتها (ابريل يا برء الجراح النازفات يامندل معطر فوق خد الثاكلات)
    ولك التحية الاخ محمد عبدالرحمن ولي شاعرنا المبدع
                  

04-22-2013, 10:49 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: شمس الدين التوم)

    تحياتي أخي محمد..

    كالعهد به دائماً أخونا سيمباتيكو (سيمبا) فقد قام بتوثيق هذه السهرة الرائعة ..

    وربنا يديهو الصحة والعافية .. آمين

    قصيدة أزهري محمد علي البديعة

                  

04-22-2013, 10:50 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)

    قصيدة المبدع القدال (كل الحقوق للأخ سيمبا)

                  

04-22-2013, 10:51 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)

    ود بادي (أخوي ملوال) - كل الحقوق للأخ (سيمبا)

                  

04-22-2013, 10:52 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)

    ود بادي (مسدار الغبا) - كل الحقوق للأخ سيبما

                  

04-22-2013, 10:56 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)

    ود بادي (يا سودان بريدك) - كل الحقوق محفوظة للأخ (سيمبا)


                  

04-22-2013, 10:57 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)

    ود بادي (حال هذا البلد) - كل الحقوق محفوظة للأخ (سيمبا)

                  

04-22-2013, 11:04 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)

    ود بادي (رثاء حميد)

    بعد نشفت عروق النيل وجفت وردة الأحلام
    بعد مات الأمل مخنوق وضاع واتنكست أعلام
    بعد غابت شموس الحق وخيم فوق دروبنا ظلام
    بعد أصبح كلامنا الفيها أي كلام
    نفض إيدك بقيت مارق..
    عرفت الحال صبح مايل..
    أبيت ما تخوض مع الخايضين
    أبيت ما تبيع كذا البايعين
    وأبيت ما ترهن الأقلام ..
    كنت حزين وكنت سجين
    ترا اتفكفكت من وحل البدن والطين..
    ........
    ......

                  

04-22-2013, 11:11 AM

ياسر منصور عثمان
<aياسر منصور عثمان
تاريخ التسجيل: 01-16-2013
مجموع المشاركات: 4496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)

    عرفنا الليالي الشعرية بود بادي وهو في كلية الطب ونحمد الله اننا بدأنا به

    بالامس تنازعت بين الفرح والحزن لأني تذكرت ايام مضت

    سقى الله تلك الايام

    سلام عليك يا ود بادي

    وانت تنعش ذاكرتنا بعد ان صدئت وتجمل ايامنا بعد ان غشاها القبح
                  

04-22-2013, 08:47 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: ياسر منصور عثمان)



    شكرا يانصرالدين على بذل الجهد للاتيان بهذا الابداع
    الى هنا ...ومن قبل الشكر لسمبتيكو ابن اربجى الحبيبة
    فهو صاحب الجهد الاكبر فى التوثيق ...
                  

04-23-2013, 10:14 AM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: نصر الدين عثمان)








    مع تأكيد شكر اخونا نصر الدين لسمبتيكـ
                  

04-23-2013, 12:27 PM

عبيد الطيب
<aعبيد الطيب
تاريخ التسجيل: 08-31-2012
مجموع المشاركات: 1800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ياسلاااام ياودبادى ياخ ..ياسلام ياسلام ... (Re: عمران حسن صالح)

    شكرا نصر الدين
    يا ناس ود بادي رهيب وعجيب ومذهل
    الزول دي في مرثية حميد دي رسم حميد رسم
    شعرو وإنسانيتو وسماحتو وجمال روحو ومحبتو للغلابة السماهُن ود بادي "عيال الشمس"
    وبرضو ما نسي الظلمة والطغاة جرّا موسو فوقهن ووشمهن ووسمهن
    كنت أظن ان ود بادي بعد مرثية الشاعر إسماعيل حسن تاني ما بكتب مرثية مثلها
    لكن مرثية حميد تختلف عن مرثية ود حد الزين شعرا ومضمونا في مرثية ود حد الزين ود بادي
    رثا الشعر والريد والطيبة والمحنة والإبداع والكرم وحب الوطن.............
    لكن في مرثية حميد تغيرت التضاريس والجغرافيا إن اشترك إسماعيل وحميد في جمال الشعر
    لكن لكل واحد خط إنتهجو في الشعر يختلف عن التاني
    وهنا تكمن شاعرية ود بادي

    أظن المرثية خلّت ناس الحيكومة "العاولة" يصروا وجوهن ويتململوا

    شكرا ود بادي شكرا للجميع
    محبتي
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de