تفجيرات بوسطن هل فعلا ارتكبها تامر و جوهر, ام أن هناك ان?

Quote: الشيء المدهش انه الصغير منهم بعد يوم التفجير كان في حفلة. احدي حفلات طلبة الجامعة. معقول زول يعمل كل الdamage ده، و لابرياء و يكون بيرقص تاني يوم في حفلة. لكن في النهاية زول بيقدر يفجر قنبلة في ناس ممكن يعمل أي شيء. قبل الحداث ده كلمة (إرهاب) ما كان عندها معني معين عندي. ما حصل فكرتا فيها. بعد الحادث أمي ضربت لي تلفون من السودان. قالت لي تاني ما تمشوا مرثونات. زوجي جري في واحد قبل كم سنة و دائماً بنسوق العيال مناسبات ذي دي. في اللحظة ديك عرفتا يعني شنو إرهاب. الموضوع كله مخيف. موش مخيف من ناحية انه ممكن يحصل ليك بس، تكون واقف بتتفرج علي شيء مع أطفال و يجئ زول مجنون يفجر روحه. ما مخيف من الجانب ده بس. مخيف جداً من ناحية ان الأولاد ديل من أسرة عادية. و اتعمل ليهم غسيل مخ. كيف ممكن احمي أولادي من شيء دي ده. الشيء المخيف التالت ان الناس تعاين لي و لاولادي كمتطرفين ممكن نعمل أي شيء.